PILIPINAS

Ang Pilipinas ay nagmula sa pagpupukulan ng tipak -tipak na lupa at malalaking bato ng tatlong naglalabang higante upang patunayan kung sino sa kanila ang pinakamapangyarihan sa Pasipiko. Ang malalaking bato at lupang bumagsak sa karagatang ito ang siyang pinagmulan ng kapuluan.

Ang Pilipinas ay nagmula sa pagkalalang ng mundong kanyang kinabibilangan. Isang makapangyarihang Manlilikha ang gumawa ng daigdig.

Ang kapuluan ng Pilipinas ay nabuo dahil sa pagputok ng bulkang nakahanay sa Pacific Ocean noong panahon ng Tertiary. Nabiyak at lumitaw mula sa mga ito ang mga batong nakahanay sa ilalim ng dagat. Sa paglipas ng panahon ang mga batong ito ay lumamig at tumigas kaya’t nabuo ang mga kapuluan

Ang paraang tektonik ay ang paggalaw ng lupa sanhi ng pagkilos sa ilalim nito. Ang tektonikong paggalaw ang naging daan upang mabasag ang malaking masa ng lupa o platong tektonikong nag-uumpugan, nagtutulakan o nagkikiskisan.

Ayon sa Continental Drift Theory ni Alfred Wegener, ang daigdig ay dating binubuo ng isang super kontinente, ang PANGAEA, na sa pagdaan ng panahon ay nagkawatak-watak dahil sa mga pwersang pangkalikasan ; lindol, pagputok ng bulkan, agos ng tubig sa ilalim ng dagat atbp.

Ang Pangaea ay nahati naman sa dalawang kontinente, ang LAURASIA at GONDWANALAND. Sa paglipas ng panahon, nahati rin ito sa pitong malalaking masa o plato na ang bawat isa ay binubuo naman ng maliliit na tektonikong plato.

Ang Pilipinas ay bahagi ng Sunda shelf o isang malaking nakausling bahagi ng Asia. Sa pagtatapos ng Panahon ng Yelo, ang tulay na lupa ay nahubog bunga ng paglusaw ng malalaking tipak ng yelo.

Maraming siyentipiko ang naniniwala sa Teorya ng Tulay na Lupa batay sa mga sumusunod na kadahilanan.

a. Ang mga uri ng hayop at halaman ay magkakatulad at magkakahawig. Bunga ito ng pagtakas o pagtwaid ng mga hayop gamit ang Tulay na Lupa sa Panahon ng Yelo.

b. Pagkakatuklas sa mababaw na lugar sa pagitan ng Asia at Pilipinas sa dakong China Sea

1. Pagitan ng Palawan at Borneo2. Guinea at Mindanao3. Borneo at Sulu – Mindanao4. Celebes at Mindoro5. Pilipinas, Taiwan at Asia

c. Nakarating ang mga Negrito sa Pilipinas mula sa kalakhang bahagi ng Asia

d. Kung bababa ang lebel ng dagat, makikita ang mga lupang nagdurugtong sa Samar at Luzon. Ang Borneo at Palawan, ang nagdurugtong sa Mindanao at ang Bohol, Negros, Cebu at Panay ay magiging isang malaking pulo rin.

e. Ang natagpuang mga labi at buto ng mga sinaunang tao at hayop tulad ng elepante at iba pang malalaking mammal ay sa tulay na lupa nagsipagdaan.

Ang Pilipinas ay bunga ng tumigas at nagkapatong – patong na coral reefs.

MARAMING SALAMAT PO!