- 1. PANANAW SA WIKANG FILIPINO Ang Filipino ay ang katutubong
wika na ginagamit sa buong bansa bilang wika ng komunikasyon ng mga
etnikong grupo. Katulad ng iba pang wikang buhay, ang Filipino ay
dumaraan sa proseso ng paglinang sa pamamagitan ng panghihiram sa
mga wika ng Pilipinas at mga di katutubong wika at sa ebolusyon ng
iba't ibang varayti ng wika para sa iba't ibang saligang sosyal at
para sa mga paksa ng talakayan at iskolarling pagpapahayag. (KWF
RESOLUSYON BLG. 96-1, AGOSTO 26, 1996)
2. ANG KURIKULUM SA EDUKASYONG ELEMENTARYA Ang katangian ng
progresibong kurikulum ng Filipino sa pagtatalakay ni Dr. Ross I.
Alonzo ng U.P Diliman. a. nararapat na may integrasyon b.
nagsisilbing gabay lamang ang guro sa karanasan ng pagkatuto c.
aktibo ang papel ng mga mag-aaral d. may partisipasyon ang
mag-aaral sa pagpaplano ng kurikulum. e. pagkatuto sa pamamagitan
ng teknik na pagtuklas 3. f. pinalalalim ang intrinsikong pagganyak
g. pantay na binibigyang-diin ang panlipunang pakikibahagi at
akademikong pagkatuto h. ang tuon ay nasa kooperasyon ng pangkat at
masining na pagpapahayag i. pagtuturo maging sa labas ng klasrum j.
pagsusulit kung kinakailangan (di-tradisyonal at iba't ibang
pagtataya) 4. INTEGRATIBO Ang paksang aralin sa Filipino ay
naiuuganay sa iba pang mga disiplina at sa tunay na buhay.
Nakapaloob din dito ang pagkatutong nakatuon sa mag-aaral at ang
integrasyon ng apat na kasanayan. Ang mga estratehiyang
partisipatib, fasilitatib, at konsultatib ay mga katangian ng
pag-aaral na integratibo. Dito, ang guro ay tagapagpadaloy lamang
ng pagkatuto samantalang tagagawa ang mga mag-aaral. 5. Ang guro ay
tagagawa lamang ng iskrip ng pagkatuto, konsultant , tagagabay,
tagakumpas, subalit sa kabuuan ng pag-aaral ng isang aralin, ang
mag-aaral ang sentro at bida. Siya ay aktibong tagapagsalita,
nakikinig, bumabasa at sumusulat kung kinakailangan. Ginagamit ng
mag-aaral ang wika sa matalino, mapanuri at malikhaing paraan.
Nagiging makabuluhan at kawili-wili ang pag-aaral at pagkatuto
sapagkat aktibong gumagana ang kanilang pandama at pag-iisip. 6.
INTERAKTIBO Makikita ang prisipyong ito kung ang klasrum ng
Filipino ay nagbibigay daan sa mga mag-aaral upang sila mismo ang
magtalakay ng mga paksa at nagbabahaginan ng maraming kaalaman na
umiikot dito. Mahalaga ang interaksyon sa pagtuturo at pagkatuto ng
wika. Hindi lamang pagpapahayag ng sariling ideya ang mahalaga
kundi ang pag-unawa ng mensaheng ipinahahayag ng iba pang kasangkot
sa interaksyon. Si Wells (1987), ang nagsabing, ang interaksyon sa
klase ay kinapapalooban ng tatsulok na ugnayan ng tagahatid ng
mensahe, tagatanggap nito at ng konteksto ng sitwasyon, pasulat man
o pasalita. 7. KOLABORATIB Sa prinsipyong ito natutuhan ng mga
mag-aaral ang paggalang sa kakayahan at opinyon ng iba. Natututo
rin silang magtulungan, magbahaginan ng mga kaalaman, at natututong
tumulong sa mga kamag-aral sa oras ng pangangailangan. Sa klasrum,
nagakakaisa at nagtutulungan ang guro at mga mag-aaral upang matamo
ang itinakdang gawain. Layunin nitong mabawasan ang kompetisyon at
maragdagan ang kooperasyon ng mga mag-aaral. 8. Dito, nahuhubog ang
magagandang pag-uugali at pakikipagkapwa ng mga mag-aaral,
napatataas ang kanilang pagpapahalaga at pagtingin sa kanilang
sariling kakayahan, napatataas ang pagsulong sa pagkatuto,
nalilinang ang matalino at mapanuring pag-iisip, nagkakaroon ng
positibong pag-uugali sa pag- aaral at mataas na motibasyon, at
higit sa lahat, napalalalim ang mabuting relasyon ng guro at
mag-aaral, at ng mag-aaral sa kapwa mag- aaral. 9. Pagkikintal ng
mga pagpapahalagang ispiritwa, pagiging makabayan at ang
pagpapaunlad ng pagiging mabuting Pilipino batay sa matibay na
pananalig sa Diyos at matapat na pagmamahal sa bayan. Pagsasanay sa
mga karapatan, tungkulin at responsibilidad ng mga kabataan sa
demokratikong lipunan para sa aktibong pakikilahok sa isang
progresibo at produktibong buhay sa tahanan at lipunan. 10.
Pagpapaunlad sa mga batayang pagkaunawa tungkol sa kulturang
pilipino, ang kanais-nais na tradisyon at kabutihan ng mga tao na
mahalagang kailanganin sa pagtatamo ng pambansang kamalayan at
pagkakaisa. Pagtuturo ng mga batayang kaalaman tungkol sa kalusugan
at ang pagbubuo ng mga kasiya-siyang gawi at kasanayang
pangkalusugan. Pagpapaunlad ng kaalaman sa Filipino at Ingles
bilang pangunahing kasangkapan sa pagpapalawak ng pagkatuto. 11.
MGA INAASAHANG BUNGA MITHIIN: nagagamit ang Filipino sa mabisang
pakikipagtalastasan pasalita o pasulat; nagpapamalas ng kahusayan
sa pagsasaayos ng iba't ibang impormasyon at mensaheng narinig at
nabasa para sa pakinabangang pansarilu at pangkapwa at sa patuloy
na pagkatuto upang makaangkop sa mabilis na pagbabagong naganap sa
daigdig. 12. UNANG BAITANG Inaasahang nakabibigkas, nakababasa ang
mag-aaral ng mga alpabeto at mga simpleng salita nang may wastong
tunog; nakagagamit ng magagalang na pagbati sa pang-araw-araw na
pag-uusap, naisusulat ang sariling pangalan at nakasusulat ng mga
payak na pangungusap. 13. IKALAWANG BAITANG Nakapagsasabi ang mag-
aaral ng pangunahing diwa ng napakinggan; nakapaglalarawan ng mga
tao, bagay, pook, nakakabasa nang mat wasto ng paglilipon ng mga
salita at nakasusulat ng kabit- kabit na mga tiitik na gumagamit ng
wastong bantas. 14. IKATLONG BAITANG Nakapagsasalaysay ang
mag-aaral ng buod ng napakinggan o nabasa; naibibigay ang sariling
palagay tungkol sa isyung pinag- uusapan; nakababasa at
naipapaliwanag ang kahulugan ng mga salita; natutukoy ang
pagkakaiba ng opinyon at katotohanan; nakababasa nang may pag-unawa
at naisusulat ang mga idinikatang iba't ibang anyo ng teksto. 15.
IKAAPAT NA BAITANG Nakapagpapahayag ang mga mag-aaral ng sariling
ideya at kaisipan tungkol sa mga narinig; nakapagbibigay din ng
reaksyon at nakakalahok sa iba't ibang talakayan; nakagagamit ng
matalinhagang salita at mga ekspersyong tuwiran at di-tuwiran;
natutukoy ang mga pangyayaring nag-uugnay sa sanhi at bunga ng mga
pangyayari at nakapagsusunud- sunod ang mga ideya at sitwasyon;
nakilala ang iba't ibang babasahin at nakasulat ng maikling
komposisyon. 16. IKALIMANG BAITANG Nakapagbubuod ang mag-aaral ng
nabasa aat napakinggan; nakabubuo ng iba't ibang pangungusap;
nakagagamit ng iba't ibang sanggunian sa paghahanap ng impormasyon
at nakasusulat na ng iba't ibang pahayag at sulatin na may 15-20
pangungusap. 17. IKAANIM NA BAITANG Nakapag-aayos ang mag-aaral ng
napakingganf teksto at nailipat ang impormasyon tungo sa iba pang
anyo ng pagpapahayag; nagagamit ang iba't ibang pangungusap sa
pagpapaliwanag; nakapagbibigay solusyon sa mga suliranin batay sa
karanasan at mga natutunang kaalaman sa anumang sitwasyon at
nakasusulat na ng ilang uri ng salaysay o dayalogo sa tulong ng mga
ideya/tala na binuo ng klase. 18. ANG KURIKULUM SA EDUKASYONG
SEKUNDARYA ITINAKDA NG BATAS PAMBANSA 232 NA KILALA RIN SA TAWAG NA
EDUCATION ACT OF 1982 ANG SUMUSUNOD NA LAYUNION NAG EDUKASYONG
SEKUNDARYA: 19. Maipagpatuloy ang pangkalahatang edukasyon na
sinisimulan sa elementarya. Maihanda ang mga mag-aaral para sa
kolehiyo. Maihanda ang mga mag-aaral sa daigdig ng pagtatrabaho 20.
PREPARED BY: ABEGAIL E. ANCHETA
