«Ընկերություն» պատանեկան-համայնքային ջոկատի մասնակցությունը կրթահամալիրյան տարածքների պահպանմանը և խնամքին

Կրթահամալիրի ուսումնական մասնաշենքերը, դրանց արտաքին տարածքները,  համայնքի անդամների կողմից այդ տարածքներից օգտվելը, համայնքի    անդամների մասնակցությունը տարածքների պահպանմանը և խնամքին

Կրթահամալիրը, մշտապես փոփոխվող, տարբեր նոր լուծումների, փոխազդեցությունների այն բաց միջավայրն է, որտեղ անելիք ու ասելիք ունեն՝ թե՛ սեբաստացիները, թե՛ յուրքանչյուր կամավոր, ով իրենն է համարում յուրաքանչյուր թիզ հողը, և ամեն բան անում է հնարավորի ու անհնարի սահմաններում, որպեսզի դարձնի իր շրջպատը ավելի բարեկարգ, խնամված, հասանելի ու օգտակար բոլորի համար: Կրթահամալիրի բոլոր ուսումնական մասնաշենքերը գտնվում են ՀԱԹ թաղամասի այն բանուկ հատվածներում, որտեղ ամենաշատն է բնակչների անցուդարձը, և դպրոցը ակամա համայնքի կարևոր մասն է, անկախ նրանից, համայնքից քանի սովորող է հաճախում կրթահամալիր: 

Այս տարվա կարևոր ձեռքբերումներից է՝ երկաթյա պետնեշներից ազատագրումը

Ցանկապատը ինքնին բաժանումն է, «իմ ու քո»  սահմանի գծումը: Եվ ստացվում էր, չնայած որ դրանք չէին ծառայում իրենց  իրական առաքելությանը, այունամենայնիվ վանում էին և դպրոցին կից այգի մտնողները գաղտագողի էին ներթափանցում, մտածելով հենց «իմ ու քո» բաժանման ու արգելքի մասին:

Ամառային ճամբարը լայն հնարավորությունների ու նոր նախաձեռնությունների շրջան էր Արևմտյան դպրոցի, ՀԱԹ Բ4 թաղամասի ու համայնքի համար: Ամառային ճամբարի ժամանակ ձևավորվեց «Ընկերություն» պատանիների թաղամասային ջոկատը:  Ամառային ճամբարի ընթացքում ջոկատի անդամներ էին նաև Բ4 թաղամասում ապրող սեբաստացի սովորողները:  Պատանիների ջոկատ ղեկավարելը, դժվարին աշխատանք է, բայց ոչ ֆիզիկական դժվարության մասին է խոսքը: Գիտակցական դաշտում, հարկավոր եղավ 7-12 տարեկան պատանիներին բացարել, որ Բլեյանի դպրոցը, իրենց դպոցն է, անկախ նրանից որ իրենք հաճախում են Նուբարյան կամ մեկ այլ դպրոց: Բլեյանի դպրոցը , նույն ինքը Մխիթար Սեբաստացի կրթահամալիրը իր բոլոր ֆիզիկական բաց տարածքներով հանդիսանում համայնքինը, այնքանով, որքանով այդ համայնքն է դրսևորում սրտացավություն և հոգատարություն  այդ նույն դպրոցի  ամեն թփի ու ծառի համար:

Օգոստոսի 1-5 Աշխատակարգ Մեկնարկ՝ 09:00 Ավարտ՝ 12:00 Լող՝ 12:00 Ջոկատի անդամներ՝ Կարապետյան Կարեն- 11 տարեկան,6-րդ դասարան, 181 դպրոց Կարապետյան Ալլա- 9 տարեկան, 4-րդ դասարան, 181 դպրոց Թադևոսյան Ալիսա- 10 տարեկան, 5-րդ դասարան, 181 դպրոց Թադևոսյան Ալինա- 6 տարեկան, 2-րդ դասարան, 181 դպրոց Ֆրանգուլյան Դանիել- 13 տարեկան, 9-րդ դասարան, 184  ավագ դպրոց Ֆրանգուլյան Իլոնա- 8-տարեկան, 3-րդ դասարան,  176 դպրոց Եղիազարյան Պարգև- 11 տարեկան, 6-րդ դասարան, 181 դպրոց Աթոյան Մհեր- 10 տարեկան, 5-րդ դասարան, Հայ կրթության կրթական հիմնադրամ   Կատարվող աշխատանքերի նկարագիր՝ Դպրոց-պարտեզի հարակից պուրակների մաքրում՝ աղբից Դպրոցի ծաղիկների խնամք Ընթերցասրահի գրքերի դասավորում Լողափնա տարածքի խնամք Խիճի հարթեցում Մոլախոտերի քաղհան Ավազե բակի ավազի մաքրում, մաղում, մելախոտերի հեռացում

Արևմտյան դպրոցի դիմացի լանջի գրավումը, ավտոտնակ ուրվականը, ավազե խաղահրապարակը

Արևմտյան դպրոցի դիմացը լանջը, այն տարածքն է, որտեղով ամեն օր տասնյակ մարդիկ՝ սեբաստացի, ոչ սեբաստացի մեծ ու փոքր անցուդարձ են անում, հանդիպելով անհարմար, քարքրոտ ճանապարհի ու ինչ-որ անորոշ շինությունների, որոնք չես հասկանում՝ շինարարական աղբ են, թե դեռ հույս կա, որ մի օգտակար բան կկառուցվի: Բայց, արի ու տես, որ հույս չկա, իսկ շինության սեփականատերը համառորեն չէր ուզում իր ուրվական շինությունից ազատել թաղամասը: Տիար Բլեյանի ջանքերով, համաձայնություն ձեռք բերվեց և շինությունը այլևս չկա, իր տեղը զիջել է կապույտ երկնքին: Բաբաջանյան 38 հասցեում գտնվող փոքրիկ խաղահրապարակը, Արևմտյան դպրոցին հարող տարածքով, այն փոքրիկ տարածքն էր, ուր շենքի բնակիչները իրենց ամառային  երեկոների զովն էին վայելում, և ոչ մեկին իրականում նեղություն անհանգստություն չէր պատճառում սովետական շրջանից մնացած ժանգոտված ճոճանակը, որը ամեն վայրկյանի սպառնալիք էր փոքրիկ արկածախնդիրների համար:

Համայնքի «իմ ու քո» կարծրատիպը կոտրելը հեշտ բան չէ: «Ընկերություն» ջոկատի պատանիների իրենց խնամքի շրջանակից դուրս չթողեցին նաև ամառային դպրոցի ժամանակ այդքան սիրելի վայր դարձած լողափը, իր լողավազաններով: Լողավազանների խնամքով և բակի կոկիկ տեքով, խիճը հարթեցնելու աշխատանքները նույնպես դարձան ամենօրյա, ինչպես լողավազանում՝ աշխատանքային օրվանից հետո զովացնող լողը:   Ջոկատի անդամները՝ Կարենը և Կարինան, սկսեցին ամենօրյա հերթապահությունը, երեկոյան, իրենց բնակարանից հետևում էին, որ դպրոցի տարածք մտած յուրաքանչյուր այցելու, խնամքով վերաբերվի տարածքին, չաղտոտի ու չփչացնի իրենց ամեօրյա աշխատանքի արդյունքը

Ճիմապատման աշխատանքներ: Ցանկապատերի անհետացումից հետո, հաջորդը կարևոր  ու

«կանաչ» քայլը ճիմապատման աշխատանքներն էին, հենց ճիմապատման շնորհիվ, դպրոցին հարող լանջերը դարձան ավելի բարեկարգ, զբոսնողին իրենց մոտ տիտիկ տալու կանչող: Ինչպես է հանրային այգիներում, կանաչ լանջեր, որտեղ նստոտում են անցնող- դարձող մարդիկ: Իսկ դպրոցի այգին՝ խնամված ու կանաչապատ, ինչո՞վ է վատը հենց նույն այդ այգիներից:

Ընկերություն ջոկատի մասին հրապարակումները ենթակայքում, Տիար Բլեյանի բլոգում, իմ բլոգում1. http://b4.mskh.am/node/121532. http://b4.mskh.am/node/122343. http://b4.mskh.am/node/122334. http://b4.mskh.am/node/122295. http://b4.mskh.am/node/122286. http://b4.mskh.am/node/122267. http://b4.mskh.am/node/122208. http://b4.mskh.am/node/121629. http://b4.mskh.am/node/1215310. http://ashotbleyan.mskh.am/25-07-2016/11. http://ashotbleyan.mskh.am/25-06-2016/12. http://ashotbleyan.mskh.am/26-07-2016/13. http://ashotbleyan.mskh.am/29-07-2016/14. http://ashotbleyan.mskh.am/12-08-2016/15. http://ashotbleyan.mskh.am/21-06-2016/16. http://ashotbleyan.mskh.am/25-06-2016/