A cova de Naica é unha das maiores maravillas xeolóxicas que pode contemplarse no mundo, xa que contén os maiores cristais de selenita coñecidos.

A Cova dos Cristais, tamén chamada cova de Naica, está en Saucillo, Chihuahua (México).

A cova conecta coa mina de Naica a 300 m por debaixo da superficie. A cámara principal contén xigantescos cristais de selenita, algúns dos cristais naturais máis grandes xamáis atopados.

O cristal máis grande atopado na cova ata esta data mide 12 m de longo e 4 m de diámetro e acada as 55 toneladas de peso.

A cova é extremadamente quente, as condicións son mortais para as persoas pasados apenas 10 minutos, xa que supera os 50 graos.

As persoas, antes de baixar, teñen que beberse 2 litros de líquidos isotónicos, a mesma cantidade que se perde en 10 minutos na cova. Teñen que baixar a algúns puntos con traxes, e mascariñas especiais para poder respirar.

COMO SE FORMOU ?COMO SE FORMOU ?Hai uns 25 millóns de anos unha enorme bolsa de magma quente ascendeu desde o interior da Terra ata encaixar a uns 3 km da superficie na zona de Naica. Ese foco caldeou as augas circundantes, que ascendían moi quentes e altamente mineralizadas, rebosantes de sulfuros, e que arrancaban o calcio das paredes por onde pasaban. Nos puntos onde esas augas se xuntaban coas máis próximas á superficie, máis frías e ricas en osíxeno, producíase un depósito de sulfuros de prata ou chumbo, pero tamén de anhidrita, un sulfato de calcio procedente da disolución da rocha calcaria da montaña. Cando o foco do calor foi apagándose, a temperatura da cova chegou a rondar os 120 graos e logo descendeu por debaixo de 58. A esa temperatura a anhidrita comezou a volverse inestable e disolverse, orixinando unha lentísima deposición de xeso que se mantivo ao longo de millóns de anos formando os megacristais de selenita que agora forman a cova de Naica.

SELENITASELENITAÉ unha variedade de xeso cristalizado (sulfato de calcio hidratado, CaSO4·2H2O) en forma de cristais transparentes ou de masas cristalinas

Debe o nome ao seu brillo, similar ao da lúa (Selene para os gregos).

Mencía Bóveda Oubiña