UST Departamento ng Filipino, Wagi sa Paghahanda ng Kagamitang Pampagtuturo

Nakamit ng UST Departamento ng Filipino ang unang karangalan sa paghahanda ng kagamitang pampagtuturo sa isinagawang Pambansang Seminar-Worksyap sa Filipino na itinaguyod ng Pambansang Samahan sa Lingwistika at Literaturang Filipino (PSLLF) noong Oktubre. 26-28, 2011 sa CSB International Conference Center, Malate, Maynila. Kabilang sa mga delagado ay sina Asst. Prof. Roberto D. Ampil (Tagapangulo), Assoc. Prof. Zendel Taruc, Asst. Prof. Amur Mayor, Prof. Elmer Hibek, Bb. Catherine Cortez, at Assoc. Prof. Imelda De Castro.

(Sina Assoc. Prof. Zendel Taruc, Asst. Prof. Amur Mayor, Ph.D., Bb. Catherine T. Cortez, Asst. Prof. Roberto D. Ampil, Ph.D. (Tagapangulo), at., kasama ang mga opisyal ng PSLLF.

Pinangunahan ni Asst. Prof. Roberto D. Ampil, Tagapangulo ng UST Departamento ng Filipino ang pag-uulat sa inihandang TBI (Task-Based Instructions) sa isang seminar-worksyap sa Filipino na may paksang "Pagtuturo ng Filipino Bilang Pangalawang Wika" na ginanap sa Ariston Estrada Seminar Room, La Salle Building, De La Salle University Manila noong Enero 6-

7, 2012. Ang nasabing seminar ay itinaguyod ng Pambansang Samahan sa Lingwistika at Literaturang Filipino (PSLLF).

UST Departamento ng Filipino, Tumanggap ng Pagkilala sa KWF

Ginawaran ng pagkilala ng Komisyon sa Wikang Filipino (KWF) ang UST Departamento ng Filipino, tatlong guro nito sa pangunguna ni Asst. Prof. Roberto D. Ampil, Ph.D. (Tagapangulo), Assoc. Prof. Imelda de Castro, Ph.D. at G. Alvin Ringgo Reyes, at ang Artlets

Economics Society (AES) dahil sa mahusay na pagsasagawa ng programa at proyekto na nagsusulong sa pagpapayaman ng edukasyong pangwika at pangkultura. Ipinagkaloob ito ng Tagapangulong si Jose Laderas Santos kasama sina Komisyoner Vilma Tacbad, Ph.D. at Bernard Macinas, Ph.D. Kaugnay ng pagdiriwang ng Buwan ng Wikang Pambansa 2011 at sa paggunita ng ika-75 Anibersaryo ng Komisyon sa Wikang Filipino (KWF) sa AMV/COA Multi-purpose Hall, UST. noong ika- 18 ng Agosto.