Upload
others
View
0
Download
0
Embed Size (px)
Citation preview
Lærdal kommune
1
Utviklingsmelding
2017 for barnehagane i
Lærdal kommune
Lærdal kommune
2
Innhald 1. Styring og tilsyn av barnehagesektoren ..................................................................................................................... 7
1.1 Nasjonale retningsliner ........................................................................................................................................ 7
1.2 Aktuelle Stortingsmeldingar og offentlege utredningar ...................................................................................... 7
1.3 Lokale retningsliner .............................................................................................................................................. 8
1.4 Tilsyn .................................................................................................................................................................... 8
2 Samfunnsmandat og verdigrunnlag ............................................................................................................................ 9
2.1 Borna sitt læringsmiljø ....................................................................................................................................... 10
2. 2 Satsingsområde 2018-2020; Inkluderande barnehage- og skulemiljø .............................................................. 10
3 Barnehagen som pedagogisk verksemd og lærande organisasjon ........................................................................... 12
3.1 Barnehagen skal fremje læring .......................................................................................................................... 12
4 Mål for barnehagane i Lærdal ................................................................................................................................... 14
5 LÆRDALSØYRI BARNEHAGE ...................................................................................................................................... 15
5.1 Leike og oppholdsareal ...................................................................................................................................... 15
5.2 Barnetal og tilsette ............................................................................................................................................. 15
5.3 Samarbeid .......................................................................................................................................................... 19
5.4 Overgangar ......................................................................................................................................................... 20
5.6 Minoritetsspråklege born .................................................................................................................................. 22
5.7 Born med særskilte behov ................................................................................................................................. 22
5.8 Kompetanseheving – læring og utvikling ..................................................................................................... 24
5.9 Tilbod om varm lunsj.......................................................................................................................................... 27
5.10 Snøkanon ....................................................................................................................................................... 28
5.11 Eigenvurdering ................................................................................................................................................. 28
6 BORGUND BARNEHAGE ............................................................................................................................................ 33
6.1 Barnetal og bemanning ...................................................................................................................................... 33
6.2 Borgund Oppvekstsenter .................................................................................................................................. 34
6.3 Foreldresamarbeid ............................................................................................................................................. 34
6.4 Samarbeid med andre instansar ........................................................................................................................ 34
6.5 Samarbeid med skulen ....................................................................................................................................... 34
Lærdal kommune
3
6.6 Satsingsområde 2018-2020............................................................................................................................... 34
6.7 Tilsyn ................................................................................................................................................................. 35
6.8 Evaluering /utfordringar ................................................................................................................................... 35
Lærdal kommune
4
Forord
Barnehagen i ei ny tid, eit henterom – ikkje eit venterom
Barnehagen sin plass i samfunnet har endra seg mykje dei siste åra. Det har vore ei stor
satsing på utbygging av plassar og lovfeste rett til plass til alle eitt åringar. No når rett til plass
er sikra, har merksemda retta seg mot innhaldet i barnehagen og kvaliteten på tilbodet. I 2012
vart barnehagane lagt inn under kunnskapsdepartementet som nasjonal myndigheit, med ei
rekkje forvaltnings og utviklingsoppgåver delegert til utdanningsdirektortet.
Barnehagen har teke sin rettmessige plass som det viktige fyrste trinn i eit heilheitleg
læringsløp. Livslang læring og barnehagen som ein lærande organisasjon er omgrep som er
blitt ein del av språket ved omtale av barnehagen. Før borna tek til på skulen skal dei
opparbeide seg ein kjernekompetanse beståande av sosial kompetanse som å lære seg å
samhandle med kvarandre, vente på tur, øve opp empati, handtere kjensler, meistre å
konsentrere seg om ei oppgåve og utvikle språket.
Borna er ikkje «tomme krukker» som passivt skal fyllast med lærdom og kunnskap. Dei er
aktivt medskapande i læringsprosessane. Barndomen og barnehagetida er ikkje eit venterom,
eit stadie i livet eller ein stad å vere medan ein ventar på å verte eldre, så dei kan byrje på
skulen. Barndomen og barnehagetida er eit henterom, der borna hentar kunnskap, erfaringar
og lærdom, og på den måten utviklar seg som menneske. Borna er nysgjerrige, undrande og
lærelystne og personale i barnehagen skal leggje til rette for og stimulere til undring, læring
og utvikling. Det skal vere progresjon i læringa og utviklinga. Det borna klarar med litt hjelp i
dag klarar dei gjerne åleine i morgon. Personalet har ei viktig rolle med å ver «støttande
stillas» slik Jerome Bruner beskriv det. Den viktigaste metoden for å lære på i barnehagen er
«Learning by doing» (John Dewey). Å prøve ut idear og tankar gjennom leiken, i møte med
andre born, og dei vaksne i barnehagen.
Barnehagen har eit viktig samfunnsmandat å forvalte og arbeidet med å gi borna gode
grunnleggande verdiar og haldningar startar allereie her. I ei tid prega av mykje uro i verda
har barnehagen ei viktig oppgåve med å vere ein læringsarena som fremjar verdiar som
demokrati, likeverd og inkludering. Me veit i dag at demokrati, likeverd og inkludering
motverkar utanforskap, og at utanforskap kan føre til fråfall i skule og i verste fall at born og
unge søkjer mot miljø med uheldig påverknad.
Lærdal kommune
5
Me ser at born og unge som veks opp i dag vert utsette for store krav i høve å prestere og
lukkast. Viktigare enn nokon gong er det då å hjelpe dei å verte sterke nok til å ha tru på seg
sjølv, som ein som meistrar og som er god nok. Å vareta born og unge si psykiske helse har
vorte eit viktig satsingsområde. Psykososialt arbeid skal inn i all tenking og planlegging.
Tema livsmeistring og helse er teke med som eit eige avsnitt i den nye rammeplanen av
1.august 2017 under kap. 1 om barnehagen sitt verdigrunnlag.
Kommunane i Sogn har gjennom eit prosjekt i Sogn regionråd, utarbeida regional plan for arbeidet med
psykisk helse hjå barn og unge. I denne planen har kommunane mellom anna forplikta seg til å gi alle
tilsette i barnehage og skule kompetanseheving på 10 timar slik at dei kan verte betre rusta til å hjelpe og
støtte borna. I tillegg har regionrådet og starta opp eit fagenttverk for psykisk helse. Barnehagane i Lærdal
gjennomførte opplæring i Modul I på personalmøte i 2018. Opplæring i modul II og III er planlagt
gjennomført i løpet av barnehage året 2018-2019. Det er psykolog Magnus Lia, tilsett i Sogn regionråd
«System for styrka læring» og Høgskulen på Vestlandet som har stått for opplæringa i Modul I. Magnus
Lia har erfaring frå barne- og ungdomspsykiatrien og døgnbasert arbeidsretta rehabilitering i
spesialisthelsetenesta. Diverre har han slutta i stillinga no. Kven som tek over er ikkje kjent.
Med utgangspunkt i ein nullvisjon mot mobbing har Utdanningsdirektoratet sett i verk ei stor nasjonal
satsing på arbeid for eit meir inkluderande barnehage- og skulemiljø. Vinteren 2017 vart skulane og
barnehagane i Lærdal med i pulje to i denne satsinga saman med 14 andre kommunar. Totalt er det med 50
skular og 72 barnehagar. Sentrale føringar for arbeidet er:
1. Anerkjenne barn og unge si oppleving av å høyre til og retten deira til medverknad.
2. Vaksne har ansvaret for å forebygge og stoppe krenkingar.
3. Sosial og fagleg læring skjer i eit samspel.
Satsinga går frå 2018-2020. Barnehagane i Lærdal har nytta våren 2018 til å få meir
kjennskap til satsinga og forankre arbeidet lokalt.
Lærdal kommune
6
Styresmaktene si satsing på barnehage har og ein sosial agenda. Regjeringa har gjort
barnehagen billegare for familiar med låg inntekt og innført ein betre sosial profil på
foreldrebetalinga. Gjennom ei inntektsdifferensiert foreldrebetaling får fleire moglegheit til å
nytte tilbod om barnehageplass. Frå 1. august 2016 har alle 3-, 4- og 5-åringer, og born med
utsett skulestart, som bur i hushaldningar med låg inntekt, rett til å få 20 timar gratis
opphaldstid i barnehage per veke. Frå 1. august 2017 er inntektsgrensa sett til 450 000 kroner.
Frå og med 1. august 2018 gjeld gratis kjernetid for hushaldningar som har ei samla inntekt
som er lågare enn 533 500 kroner per år.
Etter kvart som det er oppnådd nærast full barnehagedekning, syner det seg at det er svært
varierande kvalitet på tilbodet og ulik bemanningstettleik i barnehagane. Med auka krav om
kvalitet og innhald har myndigheitene etter kvart lagt inn ei satsing på å lovfeste ei
grunnbemanning og få større tettleik av pedagogar i barnehagen.
Stortinget har vedteke ei ny bemanningsnorm, som trer i kraft 1. august 2018. Barnehagen skal minst ha
ein tilsett per tre born når borna er under tre år, og ein tilsett per seks born når borna er over tre år.
Barnehagane i Lærdal fyller kravet til grunnbemanning.
Det er og vedteke ny pedagognorm, som trer i kraft 1. august 2018. Barnehagen skal ha minst
ein pedagogisk leiar per sju born under tre år, og ein pedagogisk leiar per 14 barn over tre år.
Eitt born til utløyser krav om ein ny fulltidsstilling som pedagogisk leiar. Born reknast for å
vere over tre år frå og med august det året dei fyller tre år. Norma gjeld for barnehagenivå. I
Lærdalsøyri barnehage utløyser den nye norma ein ekstra pedagogstilling hausten 2018. Ved
Borgund Barnehage utløyser, per dags dato, ikkje pedagognorma krav om fleire stillingar.
Lovfesta krav om grunnbemanning og pedagogtettleik er viktige steg i arbeidet med å heve
kvaliteten i barnhehagane, særleg med tanke på kva samfunnsoppdrag og oppgåver som skal
utførast. Det kan ikkje vere tilfeldig kven som legg til rette for læring, og varetek borna. Aldri
før har så mange eitt-åringar vore i barnehagen, og aldri før har så mange born hatt
fulltidsplass. Myndigheiten har gjennom rammeverk og gjennom personale i barnehagen store
moglegheiter til å jobbe med tidleg innsats og ruste borna i møte med skulen og livet.
Utviklingsmeldinga rapporterar i fyrste rekke på innhaldet og arbeidet med
satsingsområda, men og andre sider ved det kvalitetsarbeidet som vert gjort innan sektoren
vår. I tillegg til satsingsområda omtalar meldinga status for barnehageplassar, tilsyn,
bemanning i barnehagen og sjukefråvær.
Lærdal kommune
7
Torunn snakkar med borna i Klubben om medbestemming
1. Styring og tilsyn av barnehagesektoren
1.1 Nasjonale retningsliner
Barnehagen er regulert under Lov om barnehager (barnehageloven) med aktuelle forskrifter.
Barnehagelova inneheld føringar knytt til formål og innhald, barn og foreldre sin rett til
medverknad, godkjenning, barnehagemyndigheita sine generelle oppgaver og personale.
Barnehagelova trådde i kraft i 1995 og vart sist endra i 2016.
Rammeplan for barnehagen sitt innhald og oppgaver er ei forskrift til lova og gir ei
forpliktande ramme for planlegging, gjennomføring og vurdering av barnehagen si verksemd.
Målet med rammeplanen er å gi styrarar, pedagogiske leiarar og andre i personalet ei
forpliktende ramme for planlegging, gjennomføring og vurdering av barnehagen si verksemd.
Rammeplanen gir også informasjon til foreldre, eigar og tilsynsmyndigheit. Rammeplanen
vart revidert i 2016/17. Den nye rammeplanen er gjeldande frå 1. august 2017.
1.2 Aktuelle Stortingsmeldingar og offentlege utredningar
• Meld. St. 24 (2012–2013) – Framtidens barnehage
• Meld. St. 19 (2015–2016) – Tid for lek og læring
• Meld. St. 28 – Framtidas skule (Den breie kompetanseforståinga)
Lærdal kommune
8
• Meld. St. 18 (2010-2011) – Læring og fellesskap
• Meld. St. 21 (2016-2017) Lærelyst – tidlig innsats og kvalitet i skolen
• NOU 2012: 1 – Til barnas beste
• NOU 2010: 8 – Med forskertrang og lekelyst
• NOU 2015: 2 - Å høre til
• Kompetanse for framtidens barnehage (2014-2020) utarbeida av
Kunnskapsdepartementet
1.3 Lokale retningsliner
Lærdal kommune er både barnehageeigar og tilsynsmyndigheit.
Lærdal kommune er eigar av to barnehagar; Lærdalsøyri barnehage og Borgund barnehage.
Lærdal kommune vidarefører barnehaglova og forskrifter gjennom kommunale vedtekter for
barnehagane.
Barnehagane har godkjente årsplanar som er fastsette i SU. Barnehagne har og meir detaljerte
månadsplanar.
Kap 2 i rammeplanen seier om ansvaret og rolla til barnehageeigar at:
- Barnehageeigar har det overordna ansvaret for at barnehagen drives i samsvar med
gjeldande lover og regelverk. Barnehageeigar har det juridiske ansvaret for kvaliteten
på barnehagetilbodet.
- Eit kompetent pedagogisk personale er ein føresetnad for eit barnehagetilbod av god
kvalitet. Det forutset at barnehageeigar legg vekt på dei tilsette sine faglege og
pedagogiske vurderingar i si styring.
1.4 Tilsyn
§ 16 i barnehageloven om tilsyn:
”Kommunen fører tilsyn med virksomheter etter denne lov. Kommunen kan gi pålegg om
retting av uforsvarlige eller ulovlige forhold ved godkjente eller godkjenningspliktige
virksomheter. Hvis fristen for å etterkomme pålegget ikke overholdes, eller hvis forholdet
ikke lar seg rette, kan kommunen vedta tidsbegrenset eller varig stenging av
virksomheten. Kommunens stengingsvedtak skal sendes fylkesmannen til orientering. Vedtak
om retting og stenging kan påklages til fylkesmannen.”
Lærdal kommune hadde stadleg tilsyn frå Fylkesmannen i 2013. Lærdal kommunen som
barnehageeigar og myndigheit gjennomførte tilsyn med barnehagen i 2015. Fylkesmannen
hadde tilsyn med Lærdal kommune som barnehagemyndigheit i 2016. Alle dokumenta frå
tilsyna er tilgjengelege i ACOS.
Lærdal kommune
9
2 Samfunnsmandat og verdigrunnlag I formålsparagrafen i barnehagelova kap. 1 om barnehagens formål og innhald, vidare utdjupa
i rammeplanen kap. 1 om barnehagen sitt verdigrunnlag, finn me målsetjinga for alt innhaldet
og arbeidet i barnehagen. Her er det beskrive kvalitetsindikatorar som både eigar og personale
skal oppfylle kvar dag.
§ 1.Formål
«Barnehagen skal i samarbeid og forståelse med hjemmet ivareta barnas behov for omsorg og
lek, og fremme læring og danning som grunnlag for allsidig utvikling. Barnehagen skal bygge
på grunnleggende verdier i kristen og humanistisk arv og tradisjon, slik som respekt for
menneskeverdet og naturen, på åndsfrihet, nestekjærlighet, tilgivelse, likeverd og solidaritet,
verdier som kommer til uttrykk i ulike religioner og livssyn og som er forankret i
menneskerettighetene.
Barna skal få utfolde skaperglede, undring og utforskertrang. De skal lære å ta vare på seg
selv, hverandre og naturen. Barna skal utvikle grunnleggende kunnskaper og ferdigheter. De
skal ha rett til medvirkning tilpasset alder og forutsetninger.
Barnehagen skal møte barna med tillit og respekt, og anerkjenne barndommens egenverdi.
Den skal bidra til trivsel og glede i lek og læring, og være et utfordrende og trygt sted for
fellesskap og vennskap. Barnehagen skal fremme demokrati og likestilling og motarbeide alle
former for diskriminering.»
(Endret ved lov 19 des 2008 nr. 119 (ikr. 1 aug 2010 iflg. Res. 18 juni 2010 nr. 828).»
«Det du sier om meg
Det du tror om meg
Slik du er mot meg
Hvordan du ser på meg
Hva du gjør med meg
Hvordan du hører på meg
Slik blir jeg.»
(M. Jennes)
Lærdal kommune
10
2.1 Borna sitt læringsmiljø
Formålet med og innhaldet i barnehagen
«Innhaldet i barnehagen skal vere allsidig, variert og tilpassa enkeltbarnet og barnegruppa. I
barnehagen skal barna få leike og utfalde skaparglede, undring og utforskartrong. Ein skal sjå
arbeidet med omsorg, danning, leik, læring, sosial kompetanse og kommunikasjon og språk i
samanheng og samla bidra til den allsidige utviklinga til barna. Barnehagen skal vere ein
kulturarena der barna er medskaparar av sin eigen kultur i ein atmosfære prega av humor og
glede. Det fysiske miljøet i barnehagen skal vere trygt og utfordrande og gi barna allsidige
rørsleerfaringar. Personalet skal utforme det fysiske miljøet slik at alle barn får høve til å delta
aktivt i leik og andre aktivitetar, og slik at leiker og materiell er tilgjengelege for barna.»
(Rammeplanen 2017 s. 19)
2. 2 Satsingsområde 2018-2020; Inkluderande barnehage- og skulemiljø
Grunnlaget for å kunne lære er at born og unge kjenner seg trygge og inkluderte. Trass i eit
stort fokus på mobbeproblematikk dei seinare åra syner tal at mange born og unge fortsatt
opplever at dei vert mobba eller utestengde frå fellesskapen. Ny forsking syner at det førekjem
mobbing, krenkingar og uheldige samspelsmønster hjå born i tidleg alder. Allereie i
barnehagen lyt me ha fokus på å førebyggje og stoppe slike handlingar.
Arbeidet har ei tredelt målsetjing:
Arbeidet med inkluderande barnehage- og skulemiljø skal vere eit heilskapleg og systematisk arbeid som
er forankra på alle nivå (administrativt, politisk og einingsnivå). Arbeidet er forankra i Rammeplan for
barnehagen og Opplæringslova kapittel 9A. Satsinga er forankra i regjeringa sin politikk mot mobbing.
Prosjektet skal vere med på å styrke både regelverkskompetansen og den pedagogiske kompetansen til
barnehagar, skular, eigarar og barnehagemyndigheiter, samt kompetanse i å drive kvalitetsutvikling
lokalt.Det er og eit nært samarbeid med Høgskular og Læringsmiljøsenteret.
https://www.udir.no/laring-og-trivsel/laringsmiljo/psykososialt-miljo/tilbud-om-kompetanseutvikling-miljo-og-mobbing/
Lærdal kommune
11
Sentrale føringar for arbeidet er:
1. Anerkjenne barn og unge si oppleving av å høyre til og retten deira til medverknad.
2. Vaksne har ansvaret for å førebygge og stoppe krenkingar.
3. Sosial og fagleg læring skjer i eit samspel.
Professor Ingrid Lund ved Høgskulen i Agder har utarbeida ein ny definisjon på mobbing:
«Mobbing av barn er handlinger fra voksne og/eller barn som hindrer opplevelsen av å høre
til, å være en betydningsfull person i fellesskapet og muligheten til medvirkning».
Med bakgrunn i denne vil barnehagane jobbe for å førebyggje mobbing ved å skape trygge, gode og
inkluderande barnehagemiljø, men og aktivt jobbe med å stoppe krenkingar, mobbing og uheldige
samspelsmønster. Barnehagane samarbeidar nært med foreldre, PPT, helsesøster og barnevern. Det er sett
ned ei styringsgruppe for arbeidet der alle desse partane er deltakarar og det skal utarbeidast ein lokal plan.
Å høyre til
Vondt er av alle andre
bli trakka på og trengd.
Men vondare å veta
at du er utestengd.
Det er så mangt i livet
du ventar deg og vil.
Men meir enn det å vera,
er det å høyre til.
Jan Magnus Bruheim
Å vere saman om opplevingar
Lærdal kommune
12
3 Barnehagen som pedagogisk verksemd og lærande organisasjon «Barnehagen skal vere ei pedagogisk verksemd som skal planleggjast og vurderast. Barn og
foreldre har rett til å medverke i desse prosessane. Målet med barnehagen som pedagogisk
verksemd er å gi barna eit tilrettelagt tilbod i tråd med barnehagelova og rammeplanen. For å
oppnå dette skal barnehagen vere ein lærande organisasjon, og det pedagogiske arbeidet skal
vere grunngitt i barnehagelova og rammeplanen.» (Rammeplanen 2017 s. 37).
Årsplanen som er ein arbeidsreiskap for barnehagepersonalet, skal i tillegg dokumenterer vala
og grunngivingane til barnehagen. Årsplanen skal gi informasjon om barnehagen sitt
pedagogiske arbeid til foreldre, myndigheitsnivåa, samarbeidspartane til barnehagen og andre
interesserte.
Ståstadsanalyse
Våren 2018 gjennomførte personalet i Lærdalsøyri barnehage ståstadsanalyse med tema
venskap og fellesskap. Ståstadsanalyse er eit prosess- og refleksjonsverkty frå UDIR som skal
hjelpe oss å sikre kvalitetsutvikling i barnehagen. Målet er å skape ein felles refleksjon om
barnehagen sin praksis og kva område me vil prioritere å arbeide vidare med. Resultatet av
dette arbeidet er bakgrunn for val av satsingsområde og målsetjingar framover.
3.1 Barnehagen skal fremje læring
Me ynsker å sikre borna våre eit barnehagetilbod av høg kvalitet. Språk og omgrep
hjelper borna å uttrykke viljen og meiningane sine. Når born vert møtt utfrå eigne
forutsetninger i barnehagen kan dei gjennom leik og utfolding lære mykje og utvikle seg.
I barnehagen skal barna oppleve eit stimulerande miljø som støttar opp om lysta til å leike,
utforske, lære og meistre. Barnehagen skal bidra til læringsfellesskap der barna skal få bidra i
eiga og andre si læring. (Rammeplanen 2017 s. 22)
I Rammeplanen omfatter barnehagens læringsmiljø sju fagområder:
Kommunikasjon, språk og tekst - kropp, bevegelse, mat og helse - kunst, kultur og kreativitet-
natur, miljø og teknikk - etikk, religion og filosofi - nærmiljø og samfunn - mengd, rom og
form. Barna skal utvikle kunnskapar og ferdigheiter innanfor alle fagområde gjennom
undring, utforsking og skapande aktivitetar. Barnehagen skal bruke ulikt materiell og utstyr,
teknologi og digitale verktøy, spel, bøker og musikk i arbeidet med fagområda. Fagområda er
i stor grad dei same som barna seinare møter som fag i skulen. (Rammeplanen 2017 s. 47)
Lærdal kommune
13
Arbeid med Mattekassa, mengd, rom og form
Måling
Lærdal kommune
14
4 Mål for barnehagane i Lærdal
Målsetting Resultatmål Førre resultat Indikator Når
Brukarar -
føresette
Gode tenester Andel foreldre som
opplev at personalet
viser omsorg for sitt
barn – på eller over
landssnittet.
Brukarundersøking Annakvart år
Nøgde brukarar som
blir møtte med
respekt og opplev
reell innflytelse
Andel foreldre som
opplev at personalet
samarbeidar i nær
forståing med
barnet sin heim – på eller over
landssnittet.
Brukarundersøking Annakvart år
God informasjonsflyt
Andel foreldre som
opplev at dei får
tilstrekkeleg
informasjon - på
eller over
landssnittet
Brukarundersøking Annakvart år
Brukarar - barna
Barna skal trivast Har venner 100% Barnesamtalar med
fire- og femåringane
Ein gong i året
Tilsette
Trivst og føler seg
trygg på jobben Medarbeidarar som
opplev meistring på
jobb - på eller over
landssnittet
Medarbeidar-
kartlegging Annakvart år
Har reell
medverknad Faste møte med
relevante partar Plan for
medråderettsmøte Kvart år
Får utvikle seg
fagleg Alle medarbeidarar
deltek jamleg på
kompetansehevande
kurs/konferansar
Kompetanseplan
Fagnettverk
Planane vert
rullert kvart år
Lærdal kommune
15
5 LÆRDALSØYRI BARNEHAGE
Lærdalsøyri barnehage er dimensjonert for til saman sju avdelingar med plass til 102 born.
Grunna nedgang i barnetal og søkjarar som ynskte plass, drifta barnehagen kun fem
avdelingar frå 15.08.17 og fram til 31.12.17. Frå 01.01.2018 laut barnehagen opne opp att ei
avdeling for småborn då det var mange nye eitt åringar som ynskte plass.
Barnehagefakta under er henta frå kostrarapporteringar.
5.1 Leike og oppholdsareal
Leike- og opphaldsareal i Lærdalsøyri barnehage er på totalt 846 m2. Pr. born vert dette
11,9 m2. Nasjonalt ligg det på 5,6 m2 pr.born. Lærdalsøyri barnehage har gode fasilitetar.
Bygga og avdelingane er godt eigna til drifta. Uteområda er store og stimulerar til allsidig leik
og aktivitet.
5.2 Barnetal og tilsette
Barnehage året går frå 15.august eitt år til til 14. august neste år. Tabellen under syner
variasjonane i løpet av året. Me har kvar haust hatt suppleringsopptak og teke inn fleire born
etter nyttår. Dette fører til ein auke i barnetalet som syner att under registrering om våren.
Lærdalsøyri
barnehage
Vår 2014 Haust
2014
Vår
2015
Haust
2015
Vår
2016
Haust
2016
Vår
2017
Barnetal 98 76 84 76 81 71 74
Antal tilsette 32 28 27
Årsverk 22,5 21,1 20,8
Lærdalsøyri
barnehage
Haust
2017
Vår
2018
Barnetal 71 79
Antal tilsette 29 32
Årsverk 20,6 22,28
Lærdal kommune
16
Pr. 30. april 2018 går det 79 barn i barnehagen. Av desse er det 5 born som nyttar B- tilbod. I
registreringa for antal tilsette og årsverk er det registrert grunnbemanning, styrkingsressursar
og ressursar knytt til spesialpedagogisk hjelp. Barnehagen har i perioden hatt fleire born med
store hjelpebehov som er å rekne som ressurskrevjande brukarar. Fleire av desse har gjennom
sakkunnige vurderingar og enkeltvedtak eige personale knytt til seg.
Fordelinga i alder er slik:
Haust 2017: Vår 2018:
1-2 år: 23 1-2 år: 31
3-5 år: 48 3-5 år: 48
Andel born i barnehage og ressursbruk
Lærdal Kommunegruppe 6 Landet
Andel barn 1-5 år
med plass i
barnehage
89,7 % 88,4 % 91,8 %
Spes.ped 6,4 % 2,9 % 3,6 %
Antal born korrigert
for alder per årsverk
til basisverksemd,
alle barnehagar
(antal)
Antal
5,9
Antal
5,2
Antal
6,1
Driftsutgifter pr.barn
i barnehage
Kr. 161 276,0 Kr. 150 456,0 Kr. 143 914,0
Antal born per. tilsett Statistikken syner at Lærdal har ein større andel born i barnehage enn kommunegruppe seks.
Ved rapportering i 2017 var antalet born pr. tilsett i Lærdal kommune 5,9. I Lærdalsøyri
barnehage var antalet born på 6,1. Nasjonalt låg dette på 6,1.
Lærdalsøyri barnehage ligg noko under den nasjonale bemanningsnorma som er:
Ein vaksen pr. seks born når borna er over seks år
Ein vaksen pr. tre born når borna er under tre år
Årsaka til dette er at barnehagen stengde ei avdeling frå midten av august 2017 og hadde
fleire born enn det som vert rekna i grunnbemanning.
Lærdal kommune
17
Lærdal kommune ligg betydeleg høgare enn kommunegruppe seks og landet når det gjeld
andel born som får ekstra ressursar. Lærdalsøyri barnehage har fleire born med omfattande
hjelpebehov og det vert tilrådd store ressursar knytt til spesialpedagogisk hjelp og
styrkingsiltak til einskiltborn. Barnehagen har fleire born med enkeltvedtak med rett til
speisalpedagogisk hjelp etter barnehagelova §19 a).
Ei grunnbemanning på tre vaksne på kvar avdeling (18 plassar) skal dekke ei opningstid på 9
timar og 45 minutt kvar dag. Barnehagane i Lærdal kommune har ei lenger opnings- og
opphaldstid enn barnehagane i nabokommunane våre, som det er naturleg at me samanlikanar
oss med. Dette fører til at det vil vera færre vaksne morgon og ettermiddag. I periodar der
barnehagen har bemanning ut over tre vaksne har desse vore med og styrka personaltettleiken
i kjernetida mellom 08.00-15.30 då det er flest born i barnehagen.
Dei tilsette si utdanning i prosent:
Lærdalsøyri
barnehage
Lærdal kommune Nasjonalt
Barnehagelærar 33 % 34,2 % 38,2 %
Barne- og ungdomsarbeidar 39,7 % 20 %
Anna 27,3 % 32 %
Det er positivt å merke seg at andelen barne- og ungdomsarbeidarar har auka. Lærdal
kommune ligg godt over landssnittet.
Andel tilsette med barnehagelærarutdanning:
Per. 15.12.17 var andelen tilsette med barnehagelærarutdanning i Lærdalsøyri barnehage på
33%. Samla for barnehagane i Lærdal kommune var andelen 34,2%. Her låg me under nasjonalt
nivå som låg på 38,2%. Lærdalsøyri barnehage har i 2017 hatt ekstra pedagogressursar knytt til
spesialpedagogiske tiltak.
Lærdal kommune
18
Fine byfruer på besøk. Personale byr ofte på seg sjølv til stor glede for både små og store.
Stillingar og personale
I fylgje barnehagelova skal alle barnehagar ha tilsett styrar med godkjent utdanning og
pedagogiske leiarar og barnehagelærarar med godkjent utdanning. Forskrift til lova §1 fastset
norm for pedagogisk bemanning i ordinære barnehagar. Ein pedagogisk leiar kan maksimalt
ha ansvar for 18 barn over tre år og maksimalt 9 barn under tre år. Mrk. at et var denne
forskrifta som var gjeldande ved rapportering pr. 31.12.2017.
Per 15.12.17 oppfyl ikkje Lærdal kommune denne norma. Øvrig bemanning består i hovedsak
av barne-og ungdomsarbeidarar og assistentar.
Lærdalsøyri barnehage har barnehage året 2017-2018 ikkje hatt ledige plassar.
Dispensasjon fra krav om barnehagelærerutdanning
Styrar og pedagogiske leiarar skal ha utdanning som barnehagelærer. Kommunen kan
innvilge dispensasjon fra utdanningskravet, jf. §§ 17 og 18 i lov om barnehager.
På grunn av at tilsette har sagt opp stillingane sine, er ute i permisjonar, sjukdom og nyopning
av småbornsavdeling etter nyttår har Lærdalsøyri barnehage hatt dispensasjonar frå
utdanningskravet i til saman 130% stilling. Dispensasjonane går frå januar 2018 til juni 2018.
Lærdal kommune
19
5.3 Samarbeid
Samarbeid med heimen
Kapittel 5. i rammeplanen beskriv samarbeidet mellom heimen og barnehagen.
« Barnehagen skal i samarbeid og forståing med heimen vareta barnas behov for omsorg og
leik og fremje læring og danning som grunnlag for allsidig utvikling, jf. barnehagelova § 1.
Nemningane «hjemmet» og «foreldrene» omfattar òg andre føresette. Barnehagen skal vareta
foreldra sin rett til medverknad og samarbeide nært og i forståing med foreldra, jf. barne-
hagelova §§ 1 og 4.
Samarbeidet mellom heimen og barnehagen skal alltid ha barnets beste som mål. Foreldra og
barnehagepersonalet har eit felles ansvar for at barnet skal trivast og utvikle seg. Barnehagen
skal leggje til rette for foreldresamarbeidet og god dialog med foreldra. Foreldresamarbeidet
skal skje både på individnivå, med foreldra til kvart enkelt barn, og på gruppenivå, gjennom
foreldrerådet og samarbeids- utvalet.» (Rammeplanen 2017 s. 29)
Samarbeid mellom avdelingane
For å utnytte ressursane i personalgruppa, samarbeidar avdelingane om morgonen og
ettermiddagen. Ved møteverksemd er me møtevikarar for kvarandre. I frileiken er dørene
opne slik at barna kan besøka kvarandre på dei ulike avdelingane. Slik vert barna kjent med
alle vaksne.
Samarbeid med andre instansar
Barnehagane i Lærdal samarbeidar med Helsestasjonstenesta, PPT, Barnevernstenesta,
Flyktningtenesta, Skulane, Kulturskulen, Politiet, Barne-og ungdomspsykiatrisk poliklinikk
(BUP), og ulike kompetansesentra som Staped vest. Lærdalsøyri barnehage har faste møte
med PPT, barnevernstenesta og flyktningtenesta.
Lærdalsøyri barnehage samarbeidar og med flyktningtenesta, NAV og skulen om
språkpraksis, arbeidspraksis og utplassering.
Lærdal kommune
20
Politibamsen Eddy, trafikktryggleik Advent- og påskesamling i kyrkja
5.4 Overgangar
Kapittel 6. i den nye rammeplanen lyfter fram verdien av gode og trygge overgangar. Frå
heim til barnehage ved gode tilvenningsperiodar, ved overgang i barnehagen og mellom
barnehage og skule. Lærdalsøyri barnehage har gode rutinar for å trygge borna i
tilvenningsperioden med eit nært samarbeid med foreldre og med oppstartssamtale. For
framandspråklege familiar tilbyr me samtale med tolk. Ved overgangar i barnehagen vert
dette og trygga gjennom eit godt foreldresamarbeid, besøk til avdelingane med trygge vaksne
og overgangssamtalar mellom dei pedagogiske leiarane.
Barnehagen skal vareta behovet for både leik, aktivitet og kvile.
Lærdal kommune
21
Overgang til skule
I 2018 vart det gjort endringar i barnehagelova der det vart understreka ei gjensidig plikt for barnehagar og
skular til å samarbeide om overgangen.
«§ 2 a. Plikt til å samarbeide med skolen om overgangen fra barnehage til skole
Barnehagen skal samarbeide med skolen om barnas overgang fra barnehage til skole og
skolefritidsordning, jf. opplæringslova § 13-5 og friskolelova § 5-5. Samarbeidet skal bidra til at barna får
en trygg og god overgang.» https://lovdata.no/dokument/LTI/lov/2018-06-08-29
For å sikre ein god overgang frå barnehage til skule har Lærdal kommune utarbeida eit
styringsdokument «Frå eldst - til yngst», som skulane og barnehagane i kommunen skal ta
utgangspunkt i. Hausten 2017 vart det sett ned ei arbeidsgruppe med leiar for oppvekst og
pedagogar frå barnehage og skule som skulle revidere planen. Ny revidert utgåve vart klar
våren 2018. Eit nytt element i arbeidet med å kvalitetssikre eit godt samarbeid og ein god
overgang var å innføre eit felles informasjonsmøte til foreldre om våren. Møtet vart halde i
barnehagen. Her møtte leiar for oppvekst, inspektør på skulen og styrar. Foreldra fekk
informasjon om korleis me samarbeidar for å trygge ein god overgang.
Kvar haust vert det utarbeida aktivitetsplan for barna som går siste året i barnehagen
”Klubben”. Her finn ein oversikt over klubbdagar og aktivitetar.
Mål: Gje barna eit best mogeleg utgangspunkt til skulestart. Sørgje for at dei har med seg
grunnleggjande kompetanse, ferdigheiter og haldningar.
Borna i Klubben avsluttar barnehagetida med overnatting i barnehagen.
Lærdal kommune
22
5.6 Minoritetsspråklege born
Fødselsår 2017 2016 2015 2014 2013 2012 2011 Samla
Antal minoritetsspråklege
barn pr. apr. 2018
2 3 3 5 3 3 0 19
Antal minoritetsspråklege
barn pr. des. 2017
2 3 5 3 3 0 16
2015 2014 2013 2012 2011 2010
Antal minoritetsspråklege
barn pr. des. 2016
2 4 3 2 3 0 14
Staten yter eit lite tilskudd til minoritetsspråklege born i barnehage. Denne tilskotsordninga
vart videreført sjølv om barnehagesektoren vart ramme-finansiert frå 1.1.2011. Tilskotet skal
bidra til at kommunen kan utforme tiltak for å betre språkforståinga til minoritetsspråklege
born i førskulealder. Minoritetsspråklege born er definert som born med en anna språk og
kultur-bakgrunn enn norsk, med unntak av born som har samisk, svensk, dansk eller engelsk
som morsmål.
Lærdalsøyri barnehage har gjennom året fått tilført ekstra midlar til integreringstiltak
tilsvarande 50% stilling. Denne ressursen har vorte nytta til å styrke born språkleg og sosialt,
samt kjøp av tolketenester i samband med foreldresamtalar.
5.7 Born med særskilte behov
Kapittel V A. Spesialpedagogisk hjelp, tegnspråkopplæring m.m.
Kapittel V A med § 19 a til § 19 h tilføyd ved lov 17 juni 2016 nr. 65 (ikr. 1 aug 2016 iflg. res. 0
17 juni 2016 nr. 679).
§ 19 a.Rett til spesialpedagogisk hjelp
Barn under opplæringspliktig alder har rett til spesialpedagogisk hjelp dersom de har særlige
behov for det. Dette gjelder uavhengig av om de går i barnehage.
Formålet med spesialpedagogisk hjelp er å gi barn tidlig hjelp og støtte i utvikling og læring
av for eksempel språklige og sosiale ferdigheter.
Spesialpedagogisk hjelp kan gis til barnet individuelt eller i gruppe. Hjelpen skal omfatte
tilbud om foreldrerådgivning.
Kommunen skal oppfylle retten til spesialpedagogisk hjelp for barn bosatt i kommunen.
Lærdal kommune
23
Fylkeskommunen skal oppfylle retten til spesialpedagogisk hjelp etter denne loven for barn i
barneverninstitusjon og barn som er pasient i helseinstitusjon eid av regionalt helseforetak,
eller i privat helseinstitusjon med avtale med regionalt helseforetak.
Departementet kan gi forskrift om ansvar for utgifter til spesialpedagogisk hjelp, hvem som
skal regnes som bosatt i kommunen, refusjon av andre kommuners eller fylkeskommuners
utgifter til spesialpedagogisk hjelp, fylkeskommunens ansvar for rett til spesialpedagogisk
hjelp for barn i barneverninstitusjon og fylkeskommunens ansvar for rett til spesialpedagogisk
hjelp for barn som er pasienter i helseinstitusjon eid av regionalt helseforetak, eller i privat
helseinstitusjon med avtale med regionalt helseforetak.
0 Tilføyd ved lov 17 juni 2016 nr. 65 (ikr. 1 aug 2016 iflg. res. 17 juni 2016 nr. 679).
Lærdalsøyri barnehage har dei siste to åra organisert delar av den spesialpedaoggiske hjelpa
inn mot styrking av heile barnegruppa. Me jobbar med å dele i mindre grupper slik at ein får
skjerma økter der personalet kjem tettare på borna. Då vernar ein meir om leiken og ryddar
vekk uro som gjer at borna misser fokus. Den vaksne kan då legge til rette for, og vere
deltakande i gode leikegrupper og gi rettleiing på både leikekompetanse, sosial kompetanse
og språk. Dette har vore svært positivt.
Borna som har enkeltvedtak treng og ein del skjerma økter ein til ein for å kunne lære seg
grunnleggjande ferdigheiter. Denne oppgåva har den pedagogiske leiarane fått ansvaret for å
fylgje opp. Det har synt seg å ikkje fungere.
Utfordringar med denne organiseringa er at når den pedagogiske leiaren lyt vere borte frå
avdelinga mykje, grunna arbeid ein til ein med enkeltborn, klarar dei ikkje å fylge opp resten
av avdelinga. Det vert lite tid att til leiing, rettleiing og oppfylging av personalgruppa og dei
andre borna. Dette har ført til utryggleik og auka uro. PPT har tilrådd oss å finne ei anna
organisering framover.
Barnehage året 2017-2018 har fleire born fått større hjelpebehov. Dette er born som er å rekna
for ressurskrevjande brukarar, som me ikkje klarar å gi eit godt nok tilbod innafor det
ordinære barnehagetilbodet. Dei har fått nye sakkunnige vurderingar som krev tettare
oppfølging av pedagogar. For å innfri lokvkrava og for å gi borna god støtte i læringa og
utviklinga er det sett inn ekstra pedagogressursar på desse borna. Til saman: 1081 årstimar
pedagog. Fleire av borna har 100% pedagogressurs med oppfylging 1:1. Vidare har
barnehagen nytta 120% assistentressurs til styrking av barnegrupper.
Lærdal kommune
24
5.8 Kompetanseheving – læring og utvikling
Fyrstehjelpskurs i regi av Lærdal Røde Kors
«Som pedagogisk samfunnsinstitusjon må barnehagen være i endring og utvikling.
Kvalitetsutvikling i barnehagen innebærer en stadig utvikling av personalets kompetanse.
Arbeidsplassen er den viktigste arenaen for kompetanseutvikling for alle ansatte. Strategien
Kompetanse for framtidens barnehage (2014-2020) utarbeidet av Kunnskapsdepartementet
omfatter fire tematiske satsingsområder som er forankret i formålet og rammeplanen for
barnehagens innhold og oppgaver. Disse er: pedagogisk ledelse –barnehagen som lærende
organisasjon - danning og kulturelt mangfold - et godt språkmiljø for alle barn - barn med
særskilte behov. Satsingsområdene skal være førende for barnehagenes arbeid med
kompetanseutvikling i årene framover. Samtidig skal det være rom for lokale behov og
tilpasninger.» (Kunnskapsdepartementet)
Berit Rygg, rådgjevar hjå Fylkesmannen i Sogn og Fjordane deltok på personalmøte med ein
gjennomgang av ny rammeplan og implementering av denne. Personalet har arbeida vidare
med rammeplanen på personalmøte, særleg kap. 1 om verdigrunnlaget til barnehagen.
Planleggingsdagar i 2017 har vore nytta til eit samarbeid med flyktningetenesta med tema:
landkunne, flyktningar, integrering. I tillegg har heile personalgruppa delteke på
personalsamling med tema motivasjon, kommunikasjon og samhandling i regi av Lærdal
kommune og Nordnorsk leiarutvikling. På personalmøte har me arebida vidare med oppgåver
i arbeidshefte «Ice breaker».
I tillegg til planleggingsdagane våre nyttar me personalmøter på kveldstid til å jobbe med
utvikling, evaluering og kompetansehevande tiltak.
Lærdal kommune
25
Styrar har saman med rektor på Lærdalsøyri skule og leiar for kultur og oppvekst delteke på ei
samling i regi av utdanningsdirektoratet i høve satsinga «inkluderande barnehage- og
skulemiljø».
Regionale fagnettverk
Personalet deltek i regionale fagnettverk innafor satsinga på barnehage- og skuleutvikling;
”System for styrka læring.” I alt er det sju fagnettverk knytt opp mot fagområda i
rammeplanen. I desse nettverka møtes personale frå kommunane i Sogn til samlingar. Kvar
kommune har ansvar for drive eitt nettverk, og nettverka er knytt til eigen faglærarar frå
Høgskulen i Sogn og Fjordane. Lærdal, har saman med Aurland, ansvaret for mengd, rom
og form. Dei regionale kompetansemidlane vert nytta til dette arbeidet.
Lærdalsøyri barnehage har tilsette som er
knytt opp mot alle fagnettverka. Nettverka
har faste medlemer som reiser på
samlingane. Det er sett av nettverksdagar i
barnehagen der desse, i lag med si gruppe,
skal gjennomføre ein aktivitet saman med
barna og personalet slik at me får tilført
inspirasjon og kunnskap til resten av
barnehagen.
I tillegg er styrar deltakar i eit
styrarnettverk med alle styrarane i Sogn
regionråd og nettverk for Psykisk helse i
barnehage og skule. Det siste nettverket
har samarbeid med mellom anna Regionalt
Kunnskapssenter for Barn og Unge
(RKBU)Vest.
Nettverka har eiga heimeside.
http://fagnettverk.wikispaces.com/Heim
Det er inspirerande og motiverande for oss
å vere deltakarar i felles regionale
nettverk. Det er kjekt å kome saman og
utveksle erfaringar med barnehagetilsette
frå andre kommunar. Me lærer mykje hjå kvarandre og me har som mål at me skal prøve ut
aktivitetane heime. I tillegg vert me betre kjende og kan bygge nettverk innafor
fagprofesjonen.
Lærdal kommune
26
Kreativitet
Lærling: Lærdalsøyri barnehage kunne tilsetje ein lærling i september 2017. Det var veldig
kjekt for oss at lærlingen var ein gut. Då barnehagen vår er kvinnedomineert ser me det som
svært positivt for miljøet og for borna å få inn gutar og menn. Ein av dei tilsette som er Barne-
og ungdomsarbeidar tok på seg oppgåva med å vere instruktør. Styrar og fagarbeidaren har
gjennomført instruktørkurs over to dagar hjå Sogn Opplæringskontor i Årdal.
Diverre avslutta lærlingen lærekontrakten sin hausten 2018.
Praksisrettleiar for Barnehagerlærarstudentar:
Gjennom året har og to av dei pedagogiske leiarane hatt studentar. Me ser at det å vere
rettleiar gir moglegheit til fagleg oppdatering og utvikling. Lærlingar og studentar har med
seg det nyaste av forsking på barnehagefeltet. Dei har og med seg praksisoppgåver som er
svært kjekke for borna å vere med på og som verkar inspirerande på personalgruppa på
avdelingane.
Å setje spor…
Lærdal kommune
27
5.9 Tilbod om varm lunsj Barnehagen har våren 2017 fått til eit prøveprosjekt saman med kjøkenet på Lærdal Bu- og
omsorgssenter. Dei lagar varm lunsj til ungdomsskulen og vil gi barnehagen eit tilbod ein dag
i veka. Me samarbeidar med Aktivitetshuset om matombringinga. Både born og personale har
fått tilbod om varm mat kvar onsdag og tilbodet har vorte veldig populært. Barnehagen har
vidareført ordninga.
Barnehagane har stort fokus på variert og sunn mat. Her er det laga til koldtbord så borna kan
finne det dei ynsker sjølv. Borna hjelper kvarandre og ventar på tur.
Personalet et maten sin saman med borna.
Måltida våre er fine stunder for gode samtalar.
Lærdal kommune
28
5.10 Snøkanon
Fleire bedrifter og lag har gått saman om å gi Lærdalsøyri barnehage ei snøkanon med utstyr i
gåve. Vinteren 2017 tok me den i bruk og fekk laga flotte akebakkar. Her vart det mykje
moro. Ei stor takk for gåva til Lærdal Hagelag, Fretland bygg A/S, 2tal elektro, Grønsberg og
søner, Lærdal Grønt, A/S Trevaren og Byggmakker Andersen. Ei stor takk rettast og til Harald
Trulssen som har vore ei eldsjel for å få til dette prosjektet og som har stilt opp både kveldar
og helgar for å lage snø til oss.
5.11 Eigenvurdering
Kva er me gode på?
Personalet har stort fokus på å møte born og foreldre på ein god måte. Foreldresamarbeid og
den daglege dialogen er viktig. Me har faste foreldremøte og samtalar, og foreldre har alltid
høve til å be om samtale med oss for å ta opp tema dei er opptekne av. Personalet rettleier,
støttar og oppmuntrar foreldre både i strukturerte samtalar men og i kvardagen. Barnehagen
har etter kvart opparbeida seg rutine for foreldresamtalar med tolk gjennom tolketelefon.
Dette er eit svært viktig verkty for å sikre at kommunikasjonen ikkje vert misforstått. Me
opplever det som godt for foreldra at dei kan snakke på sitt språk slik at me kan få
opplysningar som gjer oss best mogleg istand til å ta godt vare på borna.
Lærdal kommune
29
Me er opptekne av å gi borna i barnehagen gode dagar, med variert innhald. Borna får
medverke i kvardagen sin, og me tek tak i interesser og innspel.
Barnehagen har dei siste åra jobba mykje med språk og språkstimulering. Me tenker
språkstimulering inn i alle kvardagsaktivitetar. På avdelinga for dei store borna er særleg
måltida ein god arena for den gode samtalen. På småbornsavdelinga er gjerne stellsituasjonen
ein god arena for kontakt. Lesestunder set borna pris på om dei er små eller store.
Me jobbar ein del med å dele borna inn i mindre grupper på avdelinga. Når me deler i mindre
grupper kjem me tettare på og kan gi borna meir oppfølging og språkstimulering. Det vert og
lettare å arbeide med relasjonskompetanse og inkludering i små grupper.
I høve satsingsområdet og kulturell identitet, markerar me nasjonaldagar til dei ulike
nasjonalitetane me har i barnehagen. Me har invitert foreldre til å bidra med det dei måtte
ynskja. Me tel, og har ord på dei ulike språka på avdelingane.
Me har hatt mange kjekke aktivitetar og turar saman med borna. Felles sangsamling og hallen
er fint å gjera i lag på tvers av avdelingane. Dette ser me at borna likar godt.
I strevsame tider med mykje fråvær har personalet samarbeida godt på avdelingane og hjelpt
kvarandre. Me er gode på å bretta opp armane, stå på og gjera jobben vår.
Barnehagen har teke i bruk MINVAKT, eit datasystem som hjelper til å lage turnusar og
arbeidsplanar. Systemet gjer vikarhandtering og timeføringar enklare og er tidsbesparande.
Gutar som leikeressurs i barnehagen:
Fylkesmannen i Sogn og Fjordane inviterte til deltaking i prosjektet «Gutar som leikeressurs i
barnehagen». Prosjektet er ein del av rekrutteringsprosjektet ”Glød”, der målet er å få fleire mannlege
barnehagelærarar til å jobbe i barnehagen. Prosjektet rettar seg mot gutar på ungdomstrinnet som skal få
arbeidserfaring i barnehagar.
Lærdal kommune
30
Lærdalsøyri barnehage søkte om deltaking og midlar for 2017. Me fekk vere med og midlar til å tilsetje
fem gutar i to veker. Me samarbeidde med ungdomskulen på Lærdalsøyri og kunne gi tilbod til gutar i
niande og tiande klasse. Barnehagen fekk ei positiv erfaring med dette. Både personalet, foreldra og ikkje
minst borna gav uttrykk for at det var kjekt å ha så mange gutar med seg i kvardagen. Gutane som var hjå
oss gav tilbakemelding på at det var kjekt å vere i barnehagen og annleis enn dei hadde tenkt. Lærdalsøyri
barnehage har fått nye tilskotsmidlar frå Fylkesmannen og kan tilsetje seks gutar, veke 26 og 27 i
sommarferien 2018.
Utfordringar
Det oppleves utfordrande å få til å jobbe på ein god måte med tidleg innsats. Personalet
opplever at det kjem store krav frå myndigheitene og samarbeidspartane våre, og me opplever
at fleire born strevar. Med tronge rammer opplever me at det ikkje er samsvar mellom kravet
til levering og ressursar. Dette fører til slitasje på personale og dei kjenner på frustrasjonen
ved å stå i ein fagprofesjon og ikkje kunne vere i stand til å hjelpe godt nok. Personalet
beskriv ofte at dei går heim med dårleg samvit ovafor born dei gjerne skulle hatt betre tid til å
vareta den dagen.
Me har beskrive utfordringa tidlegare, og det er ikkje til å kome vekk frå at barnehagane i
Lærdal kommune får ein lågare personaltettleik større del av dagen enn dei andre kommunane
i Sogn, grunna den lange opningstida vår. Me opplever at den lange opningstida er krevjande
med tanke på å klare å vareta borna på ein god måte heile dagen.
Grunna eit høgt sjukefråvær, kombinert med anna fråvær (sjuke born, permisjonar, ferie) har
det vore ustabilitet og høg «turn over» i barnehagen dette året og. Me har flytta på personale
og born for å organisere oss best mogleg. Personalet har strekt seg langt og synt stor
løysingsorientering for å få dagane til å fungere og vareta borna. Fråværet går likevel ut over
planlagde aktivitetar og tryggleiken til borna, då dei får meir uoversiktlege dagar ute av vande
rutinar.
Resultatet av lovendringa om rett til plass for born født i november, og det at me tek imot
tilflyttarar og born av flyktningar gjev oss oppstart og tilvenning heile året. Dette er
krevjande. Me har stort sett hatt barn som har byrja, og barn som har flytta til andre
avdelingar heilt sidan oppstart sist haust. Det vert lite ro i gruppa då.
Det er til tider tøffe tilvenningsperiodar med uttrygge eitt åringane og tospråklege barn, der
det kan vera vanskeleg å kommunisere med både born og foreldre. Me skulle gjerne ha sett
inn ekstra personale i slike periodar, men grunna det høge sjukefråværet har me ikkje hatt
tilgjengelege vaksne til dette.
Lærdal kommune
31
Sjukefråver
Sjukefråveret gjekk ned i 2. halvår av 2017 før det på nytt gjekk opp att utover hausten 2017
og toppa seg vinteren og våren 2018. Det vart auke i både langtids- og kortidssfråværet.
Vinteren og våren 2018 er det stort sett langtidsfråvær som har vore gjeldande. Eit langvarig
sjukefråvære pregar drifta vår og er merkbar kvar dag. Eit høgt sjukefråver er ein faktor som
verkar på stabiliteten i barnehagen og som reduserar kvaliteten på barnehagetilbodet. Det vert
slitasje når planane kvar dag i periodar lyt vike og personale og born forflyttast grunna fråvær.
Me ser og at ustabilitet og eit høgt sjukefråver over tid fører til meir fråvær.
I periodar har me ikkje hatt tilstrekkeleg med vikarar for å dekke det høge fråværet. Styrar og
styrarassistent lyt i periodar hjelpe til ute i avdelingane.
Dette går på bekosting av våre arbeidsoppgåver som har vorte liggande og i periodar ikkje har
vorte utførte. Når størsteparten av leiarressursen går med til å organisere drifta frå dag til dag,
vera vikar for dei som er sjuke og fylge opp sjukmelde vert det lita tid att til god leiing. Å vere
ein leiar som fyl opp, rettleiar, planlegg og arbeidar framtidsretta med utvikling har vore
vanskeleg også dette året.
Då styrar vart ute i langtidssjukmelding vinteren og våren 2018 vart det ikkje sett inn vikar i
stillinga. Arbeidsoppgåvene vart fordelte på sakshandsamar i oppvekst, pedagogisk leiar i
Borgund barnehage og leiar for kultur og oppvekst. Saman med dei pedagogiske leiarane
gjorde alle ein stor innsats i høve samarbeid og organisering av kvardagane. Styrar bidrog og
ved å vere tilgjengeleg for drifta og arbeide heimfrå. Dette medførte sjølvsagt ei meirbelasting
på alle, men me klarte å halde hjula i gong.
Det er sett i gang tiltak for å jobbe meir systematisk med oppfølging av sjuke. Det er teke i
bruk ein ny rutine i Lærdal kommune. Ved sjukmelding lengre enn 16 dagar eller ved hyppig
korttidsfråver kallar leiar inn til samarbeidsmøte saman med NAV lokalt og organisasjons- og
personalleiar. Målet er å komme tidlegare inn med tiltak for å førebygge lengre sjukefråver
Lærdal kommune
32
eller tilrettelegge for arbeid. Barnehagen har teke aktiv del i dette arbeidet og har gjennomført
fleire samtalar
Medarbeidarundersøking:
Personalet har i 2017 arbeida med sjukefråvær- gruppeoppgåver og gjennomført
medarbeidarundersøking. Med bakgrunn i dette er det utarbeida handlingsplan for vidare
arbeid.
På veg mot nye moglegheiter!
Dette ynskjer me å utvikle framover
• IKT, prøve ut sosiale medium i foreldresamarbeidet. Nytte meir bilete som
dokumentasjon.
• Arbeide med inkluderande barnehagemiljø.
• Arbeide med psykisk helse for barn og unge, jf. Regional og lokal plan.
• Gjennomføre ny brukarundersøking haust 2018.
Lærdal kommune
33
6 BORGUND BARNEHAGE Borgund barnehage er ein einavdelings barnehage med barn i alderen 1-6 år. I tillegg er
skulefritidsordninga lokalisert og tilknytt barnehagen. Barnehagen var nybygd i 1999 og ligg i
høveleg gangavstand frå skule og idrettsbygg. Den er som eit bolighus og ein får ei kjensele
av å vera i ein heim. Me har eit trygt og godt uteområde med gode høve for leik og aktivitet. I
umiddelbar nærleik har me turmoglegheiter i fin og variert natur.
6.1 Barnetal og bemanning
Tal barn gjennom barnehageåret 2017/2018 har vore 10 barn (13 plassar) + 8 SFO-barn. Alle
barna har A-plassar. SFO-barna har tilbod før og etter skuletid samt heil onsdag som er
fridagen til småskulen. Bemanninga er 4,3 årsverk fordelt på 7 tilsette med stillingsstorleikar
frå 3,4 % - 100%
Hausten 2017 start me opp med 7 barn i barnehagen og 8 SFO-barn. Med lågare barnetal vart
bemanninga redusert (ca eitt årsverk). Utover hausten og på våren 2018 fekk me inn fleire
søknadar om barnehageplass og i mai var me opp i 13 plassar, i tillegg til SFO. Då nokre av
barna som kom var under tre år, andre var framandspråklege, og me i tillegg hadde barn med
sterkt behov for spesialpedagogisk hjelp, måtte me auka personalressursen. Me fekk inn ein
assisten som ekstra ressurs 18 timar i veka. Desse timane vart fordeldt nokre timar kvar dag i
kjernetida.
Dei tilsette har god trivsel og godt samarbeid med lite sjukefråvær. Det har ikkje vore
gjennomført klimaundersøking etter dei store endringane i personalgruppa. Tilhøva er små og
gjenomsiktlelege, noko som gjer det lett i kvardagen å oppretthalde eit godt vaksenmiljø.
Lærdal kommune
34
Styrar er tett på personalet, og arbeidar for at rettleiing og attendemeldingar vert viktige i
kvardagen. Me må alltid jobba med vedlikehald av klimaet.
6.2 Borgund Oppvekstsenter
Borgund Barnehage og Borgund skule vart gjort om til oppvekstsenter hausten 2017.
Styrarstillinga vart redusert med 20% og fordelt på to leiarar. Rektor vart øvste leiar med 10%
styrar administrasjon for barnehagen og sfo-leiar. Pedagogisk leiar i barnehagen fekk 10%
utvida administrativt ansvar. Det vart utarbeida nye stillingsinstruksar.
6.3 Foreldresamarbeid
Barnehagen har foreldremøte haust og vår samt tilbod om to foreldresamtalar i året. Elles er
den daglege kontakten ved bringing og henting viktig. I tillegg har me foreldrekaffi (haust og
vår), juletrefest, påskefrukost og sommaravslutning. Foreldre har delteke på dugnad med
maling/oppussing på uteområde.
Ved nytt barnehageår og satsingsområdet «Inkluderande barnehage- og skulemiljø» (sjå pkt.
2.2) vert foreldra viktige samarbeidspartar. Fau-leiar vert invitert til å delta i styringsgruppa
som kommunen opprettar for utvikling av kommunal plan for arbeidet.
Alle foreldre er på facebook, og dei kom sjølve med ynskje om å opprette ei lukka side for
barnehagen der ein kan legge ut informasjon, beskjedar og dokumentasjon med bilete og
tekst. Styrar/pedleiar laga til eit skriv der foreldre skreiv under på teieplikt og reglar i høve
totalforbod mot deling, komentarar og å vise bilete til utanforståande. Det er kun
administartor av gruppa som har høve til å legge ut noko på sida Det vart etterpå oppretta ei
eiga lukka side for SFO. Dette har vist seg å vera svært vellukka. Ein når alle med ein gong,
informasjonen har dei med seg på telefonen, og ein sparar miljøet når ein ikkje treng skriva ut
all informasjon og dokumentasjon på papir. Personalet ser og om informasjonen er sett av alle
medlemmane.
6.4 Samarbeid med andre instansar
Barnehagen har hatt trong for spesialpedagogiske ressursar og hatt eit godt samarbeid med
PPT, BUP, fysioterapeut, helsesøster og barnevernet. Det er oppretta ansvarsgruppe kring
barn med spesielle behov. Tidleg innsats med faste treningsøkter og systematisk opplæring er
viktig for at desse barna skal ha god framgang og ei positiv utvikling.
6.5 Overgangar - samarbeid med skulen
Barnehagen er på skulebesøk fleire gonger siste året før dei er 1.klassingar og det er
overgangssamtale med lærar i 1. klasse. Me har faste besøk på skulebiblioteket, og har nokre
felles uteaktivitetar med småtrinnet.
6.6 kompetanseheving
Barnehagen skal vera ein lærande orgnanisasjon og vil alltid ha som mål å vera i utvikling.
Gjennom målretta kompetanseutvikling i personalgruppa vil me få kvalitetsutvikling i
barnehagen.
Lærdal kommune
35
Borgund barnehage samarbeidar med Lærdalsøyri barnehage i kompetansutvilinga.
Personalgruppa på Borgund er lita, og det gjev oss større fagleg utbytte å arbeide med
oppgåver og kunne reflektere i eit større miljø. Me deltek mellom anna på fyrstehjelpskurs
med raude kors, me har hatt felles personalmøter med eksterne forelesarar, og felles
planleggingsdagar som har vore nytta til eit samarbeid med flyktningetenesta med tema:
landkunne, flyktningar, integrering. I tillegg har heile personalgruppa delteke på
personalsamling med tema motivasjon, kommunikasjon og samhandling i regi av Lærdal
kommune og Nordnorsk leiarutvikling. I tillegg til planleggingsdagane våre nyttar me
personalmøter på kveldstid til å jobbe med utvikling, evaluering og kompetansehevande tiltak.
Styrar, fagarbeidar deltek og på fagnettverk, sjå side 25.
6.7 Tilsyn
Fylkesmannen hadde tilsyn i 2013 og barnehagen fekk formell godkjenning i 2014.
Kommunen hadde tilsyn våren 2015. Det skal gjennomførast tilsyn frå kommunen i 2018.
6.8 Evaluering Omgjeringa til oppvekstsenter med rektor som øvste leiar, og halvering av styrarstillinga
fordelt på to einingar, synte seg å ikkje fungere optimalt og til organisasjonen sitt beste. Det
vil difor vert endra til at styrar får 20% administrasjon i barnehagen frå nytt barnehageår
2018. Me har ein kvardag som fungerer godt med stabile vaksne som kvar dag jobbar for at
barnehagen skal vera ein trygg og god plass å vera. Alle treng å oppleva glede og meistring og
vår oppgåve er å gje støtte og sjå kvar enkelt, samtidig som dei skal læra å samhandla positivt
med andre og etablera vennskap.
Hausten 2018 vil me få ein lærling med oss. Dette er me svært glade for. Det betyr god hjelp,
og fagleg utvikling for personalet.
Dette ynskjer me å utvikle framover
• Nytte facebook sida og heimesida til oppvekst Borgund meir systematisk til
informasjon og dokumentasjon ut til foreldre.
• Arbeide med inkluderande barnehagemiljø.
• Arbeide med psykisk helse for barn og unge, jf. Regional og lokal plan.
• Kompetanseutvikling for heile personalgruppa i høve IBOS og Psykisk helse for barn
og unge.
Med tilflytting til bygda, etablering av unge familiar, og auka fødselstal ser barnehagen
framtida lyst i møte.
Lærdal kommune
36