UBOS-KUSOG NGA BATUAN AGUD PUKANON ANG PASISTANG … filePanay, ang serye sang mga atake sang NPA sining Nobyemre makita nga nakapuntariya sa mga naga-operasyon nga pwersa militar

TUIG 40, NUMERO 10 HILIGAYNON EDISYON OKTUBRE-NOBYEMBRE 2017

Editoryal

UBOS-KUSOG NGA BATUAN AGUD PUKANON ANG PASISTANG REHIMENG US-DUTERTE!

agaupod ang rebolusyonaryong pwersa kag pumuluyo sa Panay sa pungsodnon nga pagkundenar sang CPP kag

pumuluyo kaangut sa pagpaggwa ni Duterte sang Presidential Proclamation No. 360. Unod sini ang arbitraryo nga pagtapos na sang peace talks sa tunga sang gubyerno sang Pilipinas (GRP) kag NDFP kag pagpadihut ni Duterte nga maburaw ang poder bilang lubos nga mangin diktador. Ginakundenar man sang rebolusyonaryong pwersa kag pumuluyo sa isla ang pamahug ni Duterte nga ideklarar bilang “terorista” nga organisasyon ang CPP kag NPA. !

Ginahimo ini ni Duterte agud ipursiger ang indi matarung nga pagpaigting sang atake sa CPP/NPA/NDF kag bisan sa mga ligal kag lehitimo nga mga organisasyon sang pumuluyo. Tudo palakpak sini si Donald Trump, presidente sang US nga bag-o lang nakahalin sa pungsod (kaangut sa miting sang ASEAN) kag iban nga dalagku nga dumuluong kag lokal nga mga kapitalista. Ini bangud ang mga tikang ni Duterte nagaserbi sa ila mga interes sa pagpuga sang ganansya sa pagdambong sa mga resorsa sang pungsod kag paghimulos sa mga pumuluyo. Tuyo nila palubhaon ang pagpatuman sang mga neoliberal

!1DABA-DABA, OKTUBRE-NOBYEMBRE 2017

HUGPUNGON ANG PUMULUYO BATUAN AGUD PUKANON ANG

PASISTANG REHIMENG US-DUTERTE p.4

MADINALAG-ON NGA SERYE SANG TAKTIKAL NGA

OPENSIBA p. 7

PULANG SALUDO KA VAL, KA BONG KAG KA

LITO! p. 8!!

N

MGA BALITA p. 10 ALIPALOK p. 13!!

nga polisiya nga walay upang sang mga protesta sang pumuluyo, ilabi na sa armado nga ginasu-long paagi sa NPA.

Pero sa likod sining mga padihut ni Duterte amo ang iya kahadlok sa rebolus-yonaryong kahublagan kag sa pumuluyo. Naalarma ang rehi-meng US-Duterte sa pagsingki sang mga taktikal nga opensiba sang NPA sa pungsodnon nga sakop nga nagresulta sang ginatus ka mga kaswalidad sa iya mga tropa sa AFP kag PNP. Nagma-dinalag-on naman ining mga taktikal nga opensiba sang NPA bangud sang suporta sang malapad nga masa. Samtang madasig naman ang pagkahamulag ni Duterte sa pumuluyo kag wala pa gani siya naabtan sang duha ka tuig sa poder.

Ang 3rd ID/PA kag ang pamunuan sang PNP sa Panay bilang mga sumulunod nga tinawo sang presidente madasig man nga nagtaghol batuk sa rebolusyonaryo nga mga pwersa sa Panay. Ila ginapasiguro sa iban nga masmidya nga ilarawan nga “terorista” ang CPP/NPA sa ila nga mga balita kag mga artikulo. Indi terorista ang CPP/NPA. Nagapakig-away ang NPA sandig sa interes sang pumuluyo kag sandig man sa internasyunal nga mga layi kag pagsulundan.

Ang tunay nga terorista amo mismo ang estado nga sa subong ginakaptan ni Duterte ang renda. Sa idalum ni Duterte, madamo sang mga mangunguma, mangingisda kag Lumad nga ginpamatay. Nagaabot sa masobra na 13,000 nga nagkalamatay sa ngalan sang “gyera kontra-druga”. Masobra 400,000 ang nag-antus nga mga bakwet sa Marawi kag nagub-an sang kabuhian kag nadulaan sang mga mahal sa kabuhi kag propyedad.

Sa Panay, ang mga kumander kag tropa sang 61stIB may salabton sa serye sang mga krimen sa pumuluyo -- ang pagpatay sa mga mangunguma nga sanday Lorendo Borres kag Ian

Borres sa Jebaca, Maayon, Capiz sadtong Pebrero sini nga tuig, ang pagpatay sang 6-anyos nga si Rodelyn Aguirre sa Tacayan, Tapaz, Capiz sad-tong Marso 11, 2012, kag, ang pagpatay sa isa ka mangunguma nga si Pastor Mirasol sa Nayawan, Tapaz, Capiz sadtong Oktubre 7, 2013. Ang mga tropa sang 82nd IB may salabton man sa pagpatay kay Gerardo Larbo sa Mayang, Tubungan, Iloilo sadtong Hulyo 17, 2014.

Ang mga pumuluyo sa Panay nagaupod sa iban pa nga mga nagaprotesta nga pumuluyo sa bug-os nga pungsod batuk sa kontra-imol nga mga polisiya sang rehimen. Gina-

demanda man nila ang pagpatuman sa reporma sa duta, pungsudnon nga industriyalisasyon, trabaho kag pagtapos na sang kontraktwalisasyon, pagpauswag sang serbisyo sosyal kag kaayuhan para sa mga imol. Ginasukot man lang nila ang promisa ni Digong. Ugaling butigon si Digong kag wala niya gintuman ang promisa. Tigaylo,

ginlunsar sini ang paltik nga gyera kontra-druga, kontra-Moro nga gyera sa Marawi, kag ang gyera kontra-insureksyon batuk sa rebolus-yonaryong pwersa sa ngalan sang “Oplan Kapayapaan”. Ang NPA madepensa gid lang sang i l a kauga l ingon kag sa mga pumuluyo sa tunga sang wala untat nga atake sang AFP kag PNP. Sa Panay, ang serye sang mga atake sang NPA sining Nobyemre makita nga nakapuntariya sa mga naga-operasyon nga pwersa militar kag

PNP , batuk sa mga pwersa sang AFP-PNP nga ginkasa para sa kontra-insureksyon nga gyera kag nakapusisyon sa sulod kag sa kilid sang teritoryo sang CPP/NPA kag rebolus-yonaryong pumuluyo. Malauman nga paigtingon pa gid sang rehimeng US-Duterte, paagi sa AFP lakip sang 3rdID kag pamunuan sang PNP bi lang pangunahon nga mga armas sang gubyerno -- ang pag-atake sa rebolusyonaryong kahublagan kag pumuluyo. Labi nga mangisog ang AFP sa pagsalakay gamit ang “kontra-terorista” nga


bansag kag pagbalos sa mga taktikal nga open-siba sang NPA. Sa ano man oras, labi nga paig-tingon sini ang pasismo kag solohon ni Digong ang poder kag atakehon ang tanan nga naga-oponer sa iya. Sa pihak nga bahin, ang rehimeng US-Duterte nagalumos-lumos man sa krisis. Nagaluntad ang mga banggianay sa mga sanga sang gubyerno, sa tunga sang nagaharing nga mga pulitiko sa pag-inagaway sang poder kag manggad nga maku-rakot. Labi nga magalubha ini kon padayunon ni Digong ang pagburaw sang poder. Ginaatubang man ni Digong ang mga problema sa internasyunal nga relasyon bangud sang bantog nga ekstra-hudisyal nga pagpamatay kag iban nga paglapas sa tawhanon nga mga kinamatarung.

Nagalala man ang krisis sa ekonomiya kag pinansya sa pungsod nga nga walay padulungan kundi ang mas madalom nga krisis sa kabuhian. Lu-pog ang agrikultura para sa mangunguma kag maiwat ang estable nga matra-bahuan sang mga mamumu-gon. Tuman ka bulnerable kag kahuyang sang ekonomiya sang pungsod nga madali maapek-tuhan sang kalibutanon nga krisis. Nagadaku nga depisit sang gubyerno sa iya badyet, nagadaku ang kautangan sang pungsod sa luwas kag lapnagon gihapon ang kurapsyon.

Ang mabatyagan sang ordinaryo nga pumuluyo amo ang padayon ang pagsarurot sang balor sang pesos, pagpataas pa gid sang pagpamuhis, wala untat ang pagtinaas sang presyo sang balaklon kag balayran sa mga serbisyo. Madamo ang walay trabaho kag ang may trabaho nagabaton sang manubo nga sweldo ukon ginapahalin bangud sang kontraktwa-lisasyon. Lapnagon ang gutom kag kaimulon. Ini ang wala ginalubad ni Digong kundi iya pa gid ginapalala sa mga gyera. Ang proposal sang NDFP sa paglubad sini sang nagligad nga ikalima

nga hugnat sang peace talks ang gintalikdan na ni Digong.

Ang rebolusyonaryong masa sa kaumhan kag kasyudaran, ang rebolusyonaryong paghi-makas kag ang hukbo sang banwa sa idalum sang pagpamuno sang CPP ang magapursiger sa pungsodnon nga demokrasya nga kawsa subong sang pumuluyo. Sa pihak sang mga deklarasyon sang AFP nga ubuson kag wala na sang bisan isa ka NPA nga magluntad sa Panay antes matapos ang 2018, indi mapanas sang rehimen kag militar sini ang rebolusyon bangud ang pumuluyo nagabangon kag indi magpalupig.

Sa subong nga panahon, kinahanglan nga dugang maghiliusa ang mga pumuluyo kag ubos-kusog nga batuan agud pukanon ang rehimeng US-Duterte. Dapat mangin malig-on ang pumuluyo batuk sa pasista

nga pagpanalakay sang rehimen. Ang pungsodnon demokratiko nga pwersa dapat madasig nga mag-pukaw, mag-organisa kag magpahulag sang malapad nga masa kag pagtukod sang pinakamalapad nga alyansa sa mas madasig nga paghamulag kay Digong. Ang Partido mangin malig-on sa pagpamuno sa hangaway sang banwa sa pagsulong sang rebolusyonaryong armado nga paghimakas. Padayunon sang NPA sa isla ang paglunsar sang mga taktikal nga opensiba nga makadala sang kahalitan sa armadong pwersa sang rehimen.

Sa paglunsar sang armado kag indi armado nga pagbato sa bug-os nga pungsod mahimo nga magpangibabaw ang gahum sang pumuluyo batuk sa pasista nga rehimeng US-Duterte nga wala sang padulungan kundi ang pat-ud nga pagkapukan. #


HUGPUNGON ANG PUMULUYO KAG UBOS-KUSOG NGA BATUAN AGUD PUKANON ANG PASISTANG

REHIMENG US-DUTERTE!!Komite Sentral,!

Partido Komunista ng Pilipinas!!

!ugot nga ginakundenar sang Komite Sentral sang Partido Komunista ng Pilipinas (PKP) ang rehimeng Duterte sa pagpaggwa sini sang Presidential Proclamation No. 360 nga arbitraryo nga nagtapos sang negosasyon pangkalinungan sa tunga sang National Democratic Front of the

Philippines (NDFP) kag sang GRP. Ginhimo ini pagkatapos sang pamahog nga ideklarar nga mga terorista nga organisasyon ang PKP kag ang Bagong Hukbong Bayan (BHB). ! Akig ang pumuluyong Pilipino sa unilateral nga pagpauntat ni Duterte sang negosasyon sam-tang ginawasak kag ginahaboy ang mga naagum na nga kadalag-an sang negosasyon pangkalinu-ngang NDFP-GRP. Nagpahayag ang nagkalain-lain nga sektor sang ila nga kaakig sa iya nga lubos nga pagtalikod sa sugilanon kag ginade-manda ang pagpadayon sini. Ang pagtapos ni Duterte sang negosasyon pangkalinungan kag ang pagkabig nga terorista ang PKP/BHB/NDFP ang senyal na sang malapnagon nga pasistang pagpang-atake kag pagsingki sang todo-gyera batuk sa pumuluyong Pilipino kag sa rebolusyonaryo kag demokrati-kong mga pwersa. Kabahin ini sang padihot para ipatuman ang layi militar sa bug-os nga pungsod o kon ano pa nga iban nga porma sang pagpang-agaw agud maburaw ang gahum pangpulitika. Gintapos ni Duterte ang negosasyon pangkalinungan sa tunga sang nagamakot nga hublag protesta batuk sa lapnagon nga pagpama-tay sa iya nga ginatawag nga gyera kontra-druga, pulitikal nga pagpamatay sa mga aktibista, lapna-gon nga pagpamatay kag pagkawasak sa Marawi Siege, pagpamomba halin sa kahawaan, pagpanganyon, militarisasyon kag todo-gyera sa kaumhan. Ginakundenar sang Partido si Duterte sa malisyoso nga pag-angut niya sa mga ligal nga aktibista sa armadong kahublagan kag pagbansag sa ila nga mga terorista agud

himuon nga lehitimo ang direkta nga pag-atake sang mga militar kag pulis batuk sa mga aktibista. Hayagan siya nga nagpamahog nga paga-arestuhon ang mga aktibista, sa lubos nga pagka-wala’y respeto sa ila nga mga kinamata-rung sibil kag pulitikal. Nagapanawagan ang Partido sa tanan nga demokratikong pwersa nga magpakalig-on kag batuan ang todo nga atake sang rehimeng Duterte kag ibuhos ang bug-os nga kusog nga hugpungon ang pumuluyong Pilipino sa isa ka masangkad nga nagahiliugyon nga prente kag ilunsar ang tanan nga porma sang paghimakas para batuan kag paslawon ang mga padihot ni Duterte nga magtukod sang isa ka pasista nga diktadura. !Duterte/AFP/US, ang matuod nga terorista Ang PKP, BHB kag NDFP indi mga teroris-tang organisasyon. Isa sila ka rebolusyonaryong pwersa nga may malawig nga rekord sang pagpa-nindugan kag pagsikway batuk sa terorismo. Ginaangkon nila ang madalum kag malapad nga suporta sang pumuluyo, sa kasyudaran kag sa kaumhan. Nagalunsar sila sang pungsudnon demokratiko nga rebolusyon para patalsikon ang mapiguson, mapanghimulos, korap kag garuk nga sahi nga subong ginatiglawas sang rehi-meng

Duterte. Nagalunsar ang NPA sang armadong paghimakas sandig sa internasyunal nga makatawo nga mga layi. Ginapatuman sang mga

hangaway sang BHB ang mas mataas


H

pa nga mga talaksan nga naga-hatag sang pinakamataas nga balor sa pag-amlig sang kabuhi, kinamatarung kag kaayuhan sang mga sibilyan. Ginatarget lang sini ang armadong mga pwersa sang estado, pulis, paramilitar kag iban pa nga kaangut nga armadong grupo nga ak-tibo nga nagalunsar sang kontra-rebolusyonar-yong armadong pagpamigos sa pumuluyo. Sa sulod sang 25 tuig, ginatiglawas sang NDFP ang interes sang mga mamumugon, mangunguma kag iban pa nga demokratiko nga sektor sa negosasyon pangkalinungan sa GRP. Ginahimo ini nga may malapad nga suporta sang pumuluyong Pilipino. Bilang isa ka rebolus-yonaryong pwersang belligerent (o pwersa nga nagapakig-away nga may internasyunal nga pagkilala), madugay na ini nga nagasunod sa Geneva Conventions kag iban pa nga internas-yunal nga makatawo nga layi. Nagplastar na ini sang malapad kag detalyado nga programa para sa repormang sosyo-ekonomiko nga nagatuyo nga tapuson ang lapnagon nga kaimulon kag kawawad-on sang pangabuhian paagi sang matuod nga reporma sa duta kag pungsudnon nga industriyalisasyon. Sa pihak nga bahin, ang terorismo isa ka sistematiko nga paggamit sang armado nga kalakasan batuk sa mga sibilyan kag indi-armado nga kaaway. Sa amo sini nga pakahulugan, si Duterte kag ang iya nga mga pasista nga alipuris ang matuod nga terorista sa pagpatay sang mas o menos 13,000 ka tawo sa nagasalimuang nga pagpa-matay sang pulis kag gru-pong vigilante sa kontra-pumuluyo kag kontra-demokratiko nga “gyera kontra-druga”. Naggamit ini sang sobra-sobra nga pwersa kag wala’y patug-siling nga pagpamomba halin sa kahawaan nga nagtapan sa Marawi City kag nagpatay sang indi magnubo sa 1,000 sibilyan, suno sa mga independyente nga mga balita.

Umpisa sadtong una nga bahin sini nga tuig, naglunsar ini sang todo-gyera sa kaumhan, nagpanghulog sang bomba nga nagbutang sa mga sibilyan nga komunidad sa katalagman, nagsalakay sa mga eskwelahan nga gin-organisa sa kaugalingon, nag-ukopar sang mga daycare center, barangay hall kag iban pa nga sibilyan nga imprastruktura nga pwersahan nga nagpa-bakwit sang halos 50,000 ka tawo. Sa subong, indi mag-nubo sa 110 ka aktibista ang biktima sang pang-pulitika nga pagpamatay sang mga pwersang pangseguridad sang estado. Padayon ang iligal nga pagpang-aresto, tortyur, pagpasaka sang himu-himo nga mga kaso, kag iban pa nga mga mabug-at nga paglapas sang tawhanon nga kinamatarung. Nagagamit ang rehimeng US-Duterte sang pasistang kakugmat para lupigon ang pumuluyo kag protiheran ang interes sang mga dalagku nga burgesya kumprador, agalon nga mayduta kag burukrata kapitalista. Ang mga pwersang militar kag pulis sini ang gina-armasan, ginahanas, gina-hatagan sang adbays kag ginaderiheran sang imperyalistang US, ang pinakadaku nga internas-yunal nga terorista. Ang pinakapunta sang katuyu-an nga ini amo ang padayunon ang nagahimu-mugto nga mala-kolonyal kag mala-pyudal nga sistema. !!Pagpasingki sang todo gyera sa suporta !!!!!!sang US ! Sa plano nga magbakal pa sang bag-o nga mga helikopter nga panggyera, subong man sang mga bag-o nga drone kag iban pa nga kagamitang militar halin sa US, kag sang direkta nga inter-bensyong militar sang US, sa kontra-gerilyang mga operasyon, ginahana sang rehimeng Duterte nga pasingkion ang todong mga atake sang pagpanglupig sa anti-imperyalista, anti-pyudal kag anti-pasista nga pagbato sang pumuluyo. Lubos na nga ginsirhan ni Duterte ang pwertahan sa sugilanon pang-kalinungan kag bug-os na nga ginhakos ang doktrina nga kontra-insurhensya sang US. Sa pagtatak sang terorista sa PKP/BHB/NDFP, ginapakita niya nga interesado siya subong sa pagpalala sang gyera


sibil kag paglunsar sang todo nga armadong pagpanglupig. Sa suporta sang US, determinado si Duterte kag ang AFP sa ginalunsar nga todo-gyera nga nakakumbinar sa pinakamalain nga kinaiya sang tanan nga nag-alagi nga oplan nga gindesenyo sang US (Bayanihan, Ban-tay Laya 1 kag 2 kag iban pa) subong man ang suportado sang US nga pagpa-nalakay kag todo nga pagpangwasak sa Marawi. Ang pagtatak ni Duterte PKP/BHB/NDFP ang kaangut sa iya nga katuyuan nga lupigon ang pinakamabaskog nga balwarte sang pagbato sa iya

nga padihot nga magtukod sang pasistang diktadura agud mamo-nopolisa ang gahum pangpuli-tika. Ginatantya niya nga sa pagpatuman sini, mahamulag kag isa-isa niya nga malupig ang oposisyong pulitikal. Sa padihot nga magtukod sang isa ka pasistang diktadura, tinutuyo ni Duterte nga pus-on

ang iya nga mga kaaway sa pulitika, burawon ang reaksyunaryong gahum sang estado kag pribi-lehiyo, sakupon ang tanan nga burukratikong korapsyon para sa kaugalingon kag sa mga kaangay niya nga pinakamalain nga manug-dambong kag ginakangil-aran nga mga dinastiya sa pullitika. Ginatinguhaan niya nga lupigon ang nagabaskog nga hublag protesta sang pumuluyo batuk sa tiraniya kag pasistang pagpanglupig subong man ang nagadaku nga diskuntento sa nagataas nga presyo sang balaklunon, manubo nga sweldo, garuk nga kahimtangan sang serbisyong pang-ikaayong lawas, edukasyon kag iban pa nga serbisyong pangkatilingban, mga plano nga mag-imponer sang bag-o nga buhis, pagpang-agaw sang duta, pagpalapad sang mga plantasyon kag monopolyo sa d u t a , m a l a p a r a n n g a kontraktwa-lisasyon, plano sa pag-papalawig sang adlaw sang pagtrabaho sa idalum sang iskema nga compressed work

week, kag iban pa nga nagalala nga porma sang pagpanghimulos sa pagtrabaho. Mapaslawan nga handum ni Duterte ang paglupig sa pagbato sa iya nga plano sang todo nga liberalisasyon sa ekonomiya sa tunga sang padayon nga lokal kag interanasyunal nga krisis. !!Hugpungon ang tanan nga pumuluyo kag mag-lunsar sang todo nga pagbato agud ibagsak ang pasistang rehimeng US-Duterte Nagapanawagan ang Komite Sentral sang PKP sa pumuluyong Pilipino nga maglunsar sang todo nga pagbato para ibagsak ang pasistang rehimeng US-Duterte kag malig-on nga maghimakas batuk sa todong pasistang atake kag armadong pagpanglupig. Dapat maghanda ang kada katapu kag organisasyon sang Partido nga atubangon ang rehimeng Duterte sa masingki nga mga away, padasigon kag pabaskugon ang mga pagpa-ninguha nga mag-organisa sang pumuluyo kag pamunuan sila sa paglunsar sang mga paghimakas nga kontra-pasista, kontra-pyudal kag kontra-imperyalista. Dapat pukawon, organisahon kag pahulagon sang mga pungsudnon-demokratiko nga pwersa ang pinakamadamu nga numero sang tawo kag magbulig sa pagtukod sang pinakamalapad nga mahimo malab-utan sang nagahiliugyon nga prente agud ihamulag, kumprontahon kag patalsikon ang pasistang rehimen. Dapat mapamunuan sang Partido ang Bagong Hukbong Bayan sa pagpasingki sang rebo-lusyonaryong armadong paghimakas sa bug-os nga pungsod. Dapat padayunon sang BHB ang paglunsar sang inaway gerilya sa bug-os nga

kapuluan agud mabaskog nga bunalan ang pasistang makinarya ni

Duterte. Sa paglunsar sang armado kag indi-

armado nga mga porma sang pag-himakas sa bug-os nga pungsud pat-ud nga mapangi-babawan sang pumuluyong Pilipino ang

pasista nga mga padihot sang rehimeng US-Duterte.#


Madinalag-on nga serye sang taktikal nga opensiba !SA SULOD SANG DUHA ka semana sining Nobyembre 12 -24, naglunsar sang serye sang mga tak-tikal nga opensiba ang duha ka larangan sang NPA-Panay sa pasistang tropa sang AFP kag PNP. Nagresulta ini sang 2 ka patay kag naglab-ot sa 16 ang pilason sa mga reaksyunaryong tropa. Sa Sentral nga Panay Sang petsa Nobyembre 24, sang mga pasado alas-6:00 sang gab-i gin-ambus sang isa ka yunit sang NPA sa idalum sang Jose Percival Estocada Jr. Command (JPEC) ang naga-operasyon nga 42 ka tro-pa sang Regional Public Safety Battalion (RPSB)-PNP sa Sitio Camansi, Barangay. Bolo, Maasin. Ginpalukpan sang command detonated nga eksplosibo ang nagapabalik na nga mga kapulisan sa ila nga hedkwarters. Nag-resulta ini sa pagkapatay sang isa ka pulis kag 12 ka iban pa nga pilason. Wala sang kaswalidad ang nag-opensiba nga NPA kag organisado nga nakaatras pagkatapos sang ambus. Sadtong Nobyembre 20, naengkwentro sang isa ka yunit sang JPEC ang Scout Platoon sang 61st IB sa Brgy. Trangka, Maasin, isa ang patay sa tropa sang kaaway. Wala naman sang may napila-san sa mga Pulang hangaway Antes sini, sadtong Nobyembre 12, ginharas sang isa pa gid ka yunit sang JPEC ang detatsment sang 3rd Maneuver Platoon sang PNP sa Brgy. Bolo, Maasin, Iloilo. !Sa Nabagatnan nga Panay Madinalag-on nga gin-ambus sang NPA-Napoleon Tumagtang Command ang naga-operasyon nga 18 ka elemento sang PNP-Sibalom sadtong Nobyembre 22. Ginpalukpan sang command detonated nga eksplosibo ang pick-up sang pulis samtang nagasubay sa Brgy. Pis-anan, Sibalom sa probinsya sang Antique. Apat ang pilason sa mga pulis samtang wala sang kaswa-lidad sa NPA. Nagaresponder sadto ang mga kapulisan sa ginlunsar nga pagharas sang NTC sa detatsment sang CAFGU sa Brgy. Bulalacao, Sibalom sang kaagahon sang amo man nga adlaw.

Samtang antes sini, maisog nga gin-atubang sang mga Pulang hangaway sa idalum sang Nonito Aguirre Sr. Command sa nasidlangan Panay ang mga tropa sang 61st IB PA sa isa ka engkwentro sa Sitio Tigpaka Daku, San Antonio, Cuartero Capiz sadtong Nobyembre 7. Tatlo ang napatay kag apat ang pilason sa mga suldado. Namartir sa ini nga inaway ang tatlo ka mga Pulang hangaway nga sanday Ka Val, Ka Bong kag Ka Lito. !Mga akyson militar sang Oktubre Sunod-sunod nga mga operasyong haras, ambus kag pagdis-arma batuk sa mga suldado sang 61st IB, CAFGU kag ahente militar ang gin-lunsar sang NPA-Panay sadtong bulan sang Oktubre. Sadtong Oktobre 21, ginharas sang isa ka yunit sang NPA sa idalum sang Jose Percival Estocada Jr. Command ang nagaoperasyon nga tropa sang 61st IB PA sa Sityo Bacan, Brgy. Barasalon Janiuay, Iloilo. Sa Brgy. Bad-as, San Joaquin ginharas sang mga Pulang hangaway sang Napoleon Tumagtang Command ang naga-operasyon nga SAF-PNP sadtong Oktubre 13.


Gindis-armahan namang sang isa ka yunit sang NTC si Ricardo Valero Jr. isa ka ahente sang 3rd MIB (Military Intelligence Battalion) sa Brgy. Cagbang Miag-ao, Iloilo sadtong Oktubre 11. Nakumpiska ang 2 ka armas nga isa ka shotgun kag isa ka .45 kalibre nga armas. Sadtong Oktubre 7 kag 3 naman, ginharas nila ang ditatsment sang CAFGU sa Brgy. Maliao,

Leon kag Brgy. Igtalongon, Igbaras Iloilo. Samtang, sang mga 10:45 sang gab-i sadtong Oktubre 6, gin-ambus sang Pulang hangaway sa idalum sang JPEC ang naga-operasyon nga mga tropa sang 61st IB sa Brgy. Pangilihan, Janiuay Iloilo. Ginpasabugan sang command-detonated nga eksplosibo ang mga nakasakay nga kaaway sa siksbay nga trak kag nasapol ang isa sa duha ka

salakyan sini. Gin-ako sang 61st IB nga pilason ang 6 nila ka tropa sa nasambit nga ambus. Masobra 3 ka semana na nga nagaoperasyon ang 61st IB sa mga mabukid nga bahin sang banwa sang Janiuay. Notoryus ang yunit sang kaaway nga ini sa pagpamahog, pagpang-hostage kag pagpamatay sa mga sibilyan sa kaumhan.# !!!

Pulang saludo Ka Val, Ka Bong kag Ka Lito mga baganihan sang pumuluyo!

insaluduhan sang mga Pulang kumander kag hangaway sa bug-os nga isla sang Panay ang mga namartir nga sanday

Federico Diaz (Ka Val), Felizardo Cerilo (Ka Bong) kag Remy Beraye (Ka Lito), mga dungganon nga kadre militar sang Bagong Hukbong Bayan (BHB) kag baganihan sang ma-sang pigos. Bug-os kag him-os sila nga nagpakig-away sa pasistang tropa sang 61st IBPA sadtong Nobyembre 7 sa Sityo Tigpaka, San Antonio, Cuartero, Capiz tubtub sa ulihi nga tinion. U p o d s a m g a m a m u m u g o n s a u m a , mangunguma kag pumuluyo sa probinsya sang Capiz, ululupod nila nga ginpasidunggan kag gintawag nga mga “baganihan sang pumuluyo” ang mga namartir nga Pulang hangaway. Masobra tatlo ka dekada ang panahon nga ginhalad nanday Ka Val, 56 kag Ka Bong, 53 sa Bagong Hukbong Bayan kag sa rebolusyonaryong kahublagan sa probinsya sang Capiz. Ang ila nga kabuhi ang hugot nga nakaangot na sa maduagon nga kasaysayan kag naga-abanse nga paghimakas sang pumuluyo sa nasidlangan nga Panay.

Indi malipatan sang mga pumuluyo ang gilayon nga pagbulig sang yunit nanday Ka Val kag Ka Bong sa pagpamanday sang mga balay


G

kag atop pagkatapos nga maghampas ang bagyong Yolanda sadtong 2013 kon sa diin ma-baskog nga nahalitan ang sakop sang nasidlangan nga prente. Gintib-ong man nila ang paghimakas sang mga biktima sang kalamidad para sa ayuda, rehabilitasyon kag sa pagsukot sa kriminal nga kapabayaan sang rehimeng US-Aquino. Ginhalad nila ang ila nga kabuhi sa pagpangapin sang kadutaan kag kapalibutan batuk sa mga dalagku nga minahan pareho sang Teresa Marble Corporation, paghimakas sa pagbawi sang kadutaan sa mga dalagku nga agalon nga mayduta sa mga asyenda sa mga banwa sang Pilar kag Pontevedra, kag ang padayon nga pagbato batuk sa dalagku nga kapitalista usurero kag monopolyong Monsanto. “Makabig nga mga institusyon na sila sang masang mangunguma sang Cuarterto, Dumarao, Maayon, Pontevedra kag Lemery sa gin-amot nila nga masobra tatlo ka dekada sang ila nga kabuhi o ang daku nga bahin sang ila nga kabuhi, panahon kag determinasyon sa pagpagkig-away para sa katarungan kag hustisya para sa pumuluyo kag pagdepensa sang mga ganar nga naagum sang masa paagi sa rebolusyonaryo nga paghimakas”, suno sa pahayag sang pagpasidungog ni Concha Araneta, tagpamaba sang NDF-Panay. Masobra katunga o 25 ka tuig naman sang kabuhi ni Ka Lito, 43 ang ginhalad niya sa pag-alagad sa pumuluyo. Isa ka lider-estudyante sang League of Filipino Students sa West Visayas State University, kag pagkatapos bilang organisador sang Kilusang Mayo Uno. Nangin organisador man siya sang mga imol sa syudad sa Roxas City kag sang ulihi nagpamuno sa Bayan-Capiz. Puno sang kapagsik sa pagpamuklat kag pag-organisa sa masa, militante sa pagpahulag sa mga paghimakas kag epektibo nga propagandista -

ahitador, mga kabaskugan nga kinaiya ni Ka Lito nga duna sa isa ka lider. Bangud sini nangin signipikante nga kontribusyon ni Ka Lito ang pagsulong, pagpagsik kag paglapad sang demokratikong kahublagan sa Capiz, bagay nga ginaipit siya sang kaaway. Apang sa baylo nga manalaw, hugot nga ginhakos niya ang armadong paghimakas kag nagpatapu sa BHB sadtong nagligad nga binulan lamang.

Lubos nga ginpabugal sang Coronacion Chiva “Waling-waling” Command nga yara sa listahan sini bilang mga kadre militar sanday Ka Val, Ka Bong kag Ka Lito. Sila ang naghatag sang pinakamapagros nga bahin sang ila nga kabuhi, abilidad kag kinaalam para sa rebolusyonaryo nga paghimakas. Nagaserbi nga inspirasyon sa mga pamatan-on, dugang nga kusog kag makig-away nga ispiritu sa kada Pulang kumander kag hangaway ang ila nga hinimuan kag sakripisyo para sa paghimakas sang pumuluyo nga ginapigos kag ginahimuslan. Napatay man sila sa patag-awayan, madamu sa gihapon ang nanindugan, kag nagpamat-ud nga magabitbit sang armas para sa armadong paghimakas, kuom kamot nga nagabayaw Pulang saludo sa inyo Ka Val, Ka Bong kag Ka Lito!

(ALLIUM SATIVUM ______________________________________ Ang ahos may yara sang elemento nga pangontra sa bacteria, palamanog, kanser kag altapresyon. Suno sa mga pagtuon, maayo ini nga pangpanubo sang presyon sang dugo.


AHOSM E D I K A L

———————————- MGA BALITA ———————————- !Sa ikap-at nga tuig sang bagyong Yolanda,

mga biktima sang kalamidad padayon ang pagprotesta !a ikap-at nga tuig nga anibersaryo sang pag-

laslas sang superbagyong Yolanda sadtong Nobyembre 8, padayon nga gina-demanda sang mga biktima sang kalamidad ang rehabilitasyon sa pangabuhian kag makatawo nga pabalay, ma-dasig nga pagpanagtag sang Presidential Financial Assistance (PFA) kag ang pagsukot sa kainutilan sang anay presidente Benigno Aquino kag sang rehimeng Duterte. Naghiwat sila sang piket sa atubang sang opisi-na sang DSWD Region-6 sa Iloilo kag sa mayor nga mga kapitolyo sang Roxas City kag Kalibo. May ginhiwat man nga hublag protesta sa banwa sang Estancia, kon sa diin may pinakamalala nga kaha-litan ang bagyo, lakip na ang oil spill o ang pag-kaula sang 900,000 ka litro sang langis sang ginguba sang dalagku nga balod ang Power Barge 103 sang NAPOCOR/PSALM sa pangpang sang banwa. Padayon nga ginademanda sang mga biktima ang lubos kag madasig nga pagpanagtag sang PFA. Tubtub subong, halos 32% lang ukon 62, 671 sang 196, 258 ka mga biktima sa bilog nga Visayas ang nakabaton sang PFA. Sa Panay, 43% pa lang ukon 54, 684 sang 126, 261 ang nakaba-ton sa mga benepisyaryo. “Nagapadayon ang pulitikal nga patronahe halin sa mga baranggay hasta sa munisipal nga lebel kabangdanan sang mahinay nga pagpanag-tag sang PFA, suno kay Marco Sulayao sang Kusog sang Pumuluyo. Padayon man nga ginapakigbato sang mga pumuluyo ang rehabilitasyon sang ila nga pangabuhian kag makatawo nga pabalay. Sa 2000 ka unit nga ginpatindog nga mga pabalay sa syudad sang Roxas sa Capiz, napulo lang ka pamilya ang nag-okupar samtang sa 2,800

naman sa Estancia sa naaminhan nga Iloilo halos 15 lang. Ginatantya nga halos 20-kilometro ang kala-yuon sa ila nga mga palangabuhian sa baybayon nga amo ang pagpangisda kag maiwat ang mga salakyan sa nasambit nga lugar. Ang mga paba-lay ang wala sang mga basehan nga serbisyo pareho sang malimpyo nga tubig ilimnan kag kuryente. Malayo man ini sa mga eskwelahan, ospital kag iban nga kinahanglanon nila. Samtang, sa Estancia kag naaminhan nga Iloilo, padayon man nga ginapakigbato sang may

1,400 ka mga biktima sang oil spill nga mahatagan sila sang nagakaigo nga danyos kag hustisya. Sadtong Oktubre 30, nagpasaka ang mga biktima sang “Class Suit” batuk sa Power Sector Assets and Liabilities

Management (PSALM) kag NAPOCOR, bilang kabahin sang pagpanukot sang mga biktima nga apektado sang kahalitan nga tuga sang oil spill nga nagguba sang ila nga palangabuhian sang linibo nga nagasalig sa pangisda.# !

Proyektong Pan-ay megadam ginpamatukan, pagpangharas sa mga

Tumandok ginkundenar !!agprotesta sa atubang sang opisina sang National Irrigation Administration (NIA)

ang mga katapu sang Tumandok nga Mangungu-ma nga Nagapangapin sa Duta kag Kabuhi (TUMANDOK) upod ang mga progresibo nga grupo sa idalum sang Bayan Panay agud pama-tukan ang pagpatukod sang makahalalit nga pro-yektong Pan-ay megadam sa banwa sang Tapaz, Capiz sadtong Nobyembre 10. Ginapamatukan sang mga Tumandok ang proyekto nga magadislokar sang ila nga palanga-buhian kag magalumos sang ginatantya 12 ka mga baryo sa 22 nga maapektuhan sang nasambit nga proyekto. Ginpondohan sang 25 bilyones ang Pan-ay


S

N

megadam nga isa sa mga prayoridad nga pagatukuron nga proyektong imprastraktura sang gobyernong Duterte sa isla sang Panay. Ginkundenar man sang mga Tumandok ang wala-untat nga pagpamahog kag kalakasan sang may indi magnubo sa 60 ka mga tropang militar sang 3rd ID sa mga kabaryuhanan sang Tapaz. Halos isa ka bulan na nga naga-operasyon sa pagpamahog sa mga pumuluyong Tumandok ang mga militar umpisa sang makit-an ang ila nga pre-sensya sa ila nga mga baryo sadtong Oktubre 17. Sadtong Oktubre 26, ginharang sang mga nakabonet nga katapu sang militar ang mga pumuluyo nga nagapapuli na matapos ang isa ka aktibidad sang TUMANDOK. Ginpang-buksan ang ila nga mga bitbit nga bag kag gin-pang-interogar. Sadtong Nobyembre 5, ginsita kag nanaya sang armas luthang ang may 6 ka katapu sang armi nga lunsay wala nakauniporme sa isa ka pamilya sang tumandok sa Brgy. Lahug Tapaz. Pabalik na sadto halin sa pihak nga baryo sang Acuña ang magpamilya matapos madul-ong ang

ila produkto nga saging. Suno sa mga biktima, ginpisa-pisa sila sang pamangkot kon bala may mga NPA sa ila lugar. Tuman naman ang kahadlok sang bata nga nakakita sang hitabo bangud nasaksihan sini ang pagsenyas sang isa ka armi nga kasubong sang daw ginagulgol ang liog kag pagapatyon sila. Ginbuy-an sila matapos ang 30 minutos.

Suno kay Aileen Catamin, Secretary General sang TUMANDOK, nagalala ang mga pagpamahug sang mga militar sa ila bangud sang mabaskog nga pagpamatok sa duha ka megadam nga proyekto sa mga suba sang Jalaur sa Calinog kag Pan-ay sa Tapaz.# !

——————————— Pagbalikid sa mga balita sang Oktubre ——————————— !!Lakbayan sang mga mangunguma sa Panay,

batuk sa gutom kag pasismo !aglakbayan ang mga mangunguma sa pag-panguna sang Paghiliusa sang Mangu-n g u m a s a P a n a y k a g G u i m a r a s

(PAMANGGAS) kag ila nga mga tagasuporta sa nagkalain-lain nga bahin sang Panay sadtong Oktubre 25 para ibuyagyag, ihamulag kag batuan ang kontra-mangunguma, kontra pumuluyo kag pasista nga rehimeng US-Duterte. Tunay kag libre nga pagpanagtag sang duta ang singgitan sang kapin 1,500 ka mga mangunguma nga nagpasakop sa protesta sa Iloilo, 1,000 sa Aklan, kag 1,500 sa probinsya sang Capiz. Nag-batiti sila sang init agud kundenaron man

ang padayon nga gutom kag pagsingki sang pasismo sa idalum sang rehimeng US-Duterte. Suno sa PAMANGGAS, dapat maghi-liusa ang mga mangunguma kag iduso ang pagpanagtag sang kadutaan ilabi na sa mga asyenda nga madugay na nga dapat napanagtag sa mga nagatalauma. Ginpamatukan man nila ang mapiguson kag mapanghimulos nga polisiyang neoliberal sang rehimen sa agrikultura. Madata ang pag-kambyo-gamit sang mga dutang agrikultural pakadto sa real estate ukon mga subdivision kag komer-syal nga negosyo. Ang datos nagapakita

nga 9 sa kada 10 ka mangunguma sa subong ang wala sang kaugalingon nga duta nga ginatala-uma. Labi man nga naglala ang sitwasyon sang gutom sa bilog nga rehiyon bangud sang dislokasyon, pagkaguba sang palangabuhian sang linibo ka mga mangunguma kag pagnubo


N

sang pro-duksyon. Suno sa pinakaulihi nga datos sang Philippine Statistics Authority sang tuig 2015, masobra duha ka milyon nga pumuluyo sa bug-os nga kabisay-an ang indi makakaon sang tatlo ka beses tagsa ka adlaw. Apang sa pihak sang kapigaduhon kag kaimulon, pasismo pa ang sabat sang rehimeng Duterte paagi sa iya tatlo ka gyera - kontra-druga, kontra-Moro kag kontra-rebolusyonaryo nga kahublagan. Sa ulihi nga datos sang Karapatan, naglab-ot na sa 98 ang pulitikal nga pagpamatay sa idalum ni Duterte sa diin 91 diri mga mangu-nguma kag 3 ka mga mangunguma ang ginapatay kada semana nga may kaangtanan sa paghimakas sa duta. Upod na sa mga ginluthang ang mga mangunguma nga sanday Ian kag Lorendo Borres sang Maayon, Capiz. Ginahangkat sang PAMANGGAS ang tanan nga mangunguma nga maghiliusa para batuan ang pagpamigos sang gobyernong US-Duterte.# !

Kababainhan, nagpiket batuk sa kontraktwalisasyon !

agpamatuk sa kontraktwalisasyon kag paghimo nga regular sang mga mamu-mugon

sang SM, kag pagpatuman sang pungsudnon nga minimum nga sweldo ang ginaduso sang mga mamumugon sang SM kag Gabriela nga nagpiket sadtong Oktubre 11, 2017 sa atubang sang SM Delgado-Iloilo. Naghiwat sila sang piket-protesta agud tay-ugon ang daku nga kapitalista nga si Henry Sy sa mga kontra-mamumugon nga polisiya nga ginapatuman sini.

Si Henry Sy ang tag-iya sang 63 ka mga sanga sang SM, ang pinakadaku nga kapitalista sa Pilipinas. Nagalab-ot sa $12.9 bilyon ang manggad sini sang nagligad nga tuig kag nadugangan pa sang $5 bilyon subong nga tuig, suno sa publikasyon nga Forbes.

Sa pihak sang paghugakum niya sang manggad, nagabaton sang manubo nga sweldo ang mga mamumugon nga nagatrabaho lampas sa

walo ka oras nga wala ginabayaran sang obertaym kag night differential ang mga 150,000 ka mga mamumugon nga kadam-an mga kababainhan kag kontrakwal.

Halin sa mga sales lady kag kahera, superbisor kag mga empleyado sang opisina - kadam-an ang may kontrata nga nagalawig sang tatlo asta lima ka bulan lang. Sila man ang nagabayad sang ila nga mga uniporme, make-up kag sapatos.# ! !

Protesta caravan ginlunsar sang mga drayber !

asobra 20 ka mga salakyan ang nag-upod sa ginlunsar nga protesta caravan sang mga

opereytor sang dyip kag drayber sa idalum sang Pinagkaisang Samahan ng mga Tsuper at Opereytor Nationwide (PISTON) - Panay bilang suporta sa duha ka adlaw nga pungsudnon nga untat-pasada sadtong Oktubre 16-17, 2017.

Nagprotesta man sila sa atubang sang Land Transportation Franchizing and Regulatory Board kag Land Transportation Office (LTFRB-LTO) kag naglibot sa mga terminal sa syudad sang Iloilo bilang protesta sa plano nga phase-out sang mga dyip sa ngalan sang moder-nisasyon nga nagapatay sa pangabuhian sang mga 20,000 ka magagmay nga opereytor kag drayber sa bilog nga Panay.

Sa pihak sini, sa isa ka pagtilipon sa Naga City, ginbuyayaw kag ginpahug pa ni Duterte ang mga nagaprotesta nga mga drayber: “Imol kamo? Mag-antus kamo sa gutom, wala ako sang labot!” Hugot ini nga ginpakamalaut sang mga drayber, mga nagkalain-lain nga grupo kag sektor, kalakip ang Partido Komunista ng Pilipinas.

Suno sa Piston, nakahanda ini nga sang mas malapad kag mas maikit pa gid nga mga untat-pasada kag mga protesta batuk sa kontra-imol kag kontra pumuluyo nga mga polisiya sang rehimeng US-Duterte. #


P

M

**** A L I P A L O K **** !!!!ntes matapos ang 2018, papason na gid kuno ang mga NPA sa Panay, hambal ni

anay Armed Forces chief of staff Eduardo Año kag subong Undersecretary sang DILG.

Ini ang ila bag-o nga lalab-uton nga target sa pagpapas naman sang NPA sa isla.

S a m g a m a t i n o s a n g pamensaron, wala na sang magpati sini. Siguro pangpabawi moral lang ini ni anay Hen. Año sadtong ginbisita niya ang mga inambusan sa Bolo, Maasin kag pilason nga pulis nga ara sa ospital. Parehas man bala tapos reyd sang Maasin Police Station sadtong Hunyo 18, nagkadto gid diri sa Hen. Bato Dela Rosa.

Dayon man taghol si Brigadier General Pio Diñoso sang 301st Brigade. Siling niya, ang 3rd ID magatukod sang isa ka bag-o nga batalyon para sa pag-away sa mga NPA sa Panay. Makumpleto ining isa ka batalyon antes matapos kuno ang 2018.

Antes ginbuslan si PNoy Aquino, gin-deklarar na sang 3rdID kag sang pamunuan sang pulis sa Rehiyon 6 nga “insurgency free” na ang Antique, “development ready” na ang Iloilo kag kon ano pa nga paghingalan nila sang mga lugar nga kuno nahawanan na sang mga NPA.

Tanan nga rehimen halin kay Marcos naghambal nga tapuson nila ang NPA. Tanan sila napaslawan. Sigurado, amo man kay Duterte.

* * * !INDI NA na si Duterte mag-peace talks sa CPP-NPA-NDF samtang padayon naman iya sa mga rebelde nga Moro. Iya rason sa pagtapos sa peace talk: padayon kuno ang mga NPA sa pang-ambus, pagsunog sang mga gamit sang mga kumpanya. Sa iya Proklamasyon 360 nga nagtapos sang peace talks, gintumod ni Duterte ang serye sang mga “kahalitan” sang NPA sa nagkalain-lain nga lugar sang pungsod.

Ti, mga 64 gid ka suldado kag upisyal sang kapulisan ang napatay sa inaway sa NPA kag

masobra 127 ang pilason sa ini lang nga tuig. Suno ini sa tagpamaba sang AFP nga si Major Gen. Restituto Padilla. Ay, ah, kagamay sina! Kon usisaon, masobra pa ina diri.

Kon indi na si Duterte mag-peace talk, ina kay indi sila interesado nga lubaron ang ugat nga

problema sang pungsod. Syempre, NPA ang ila pakalainon. Pero bisan pa nga may ceasefire man ukon wala, wala untat ang militar sa pag-operasyon sa

kaumhan, nagahalit sa mga pumuluyo kag nagaprobokar sang inaway sa NPA.

Gusto nila, maggyera gid. * * * !

KARON NAGLUNSAR ang NPA sang taktikal nga mga opensiba sa pagpangapin sa kaugalingon kag sa pumuluyo nga ginaabuhan sang militar kag PNP. Ang serye sang mga aksyon militar sang NPA halin pa sang Oktubre sini nga tuig asta subong nagpakita wala gali nataltal ang pwersa sang NPA sa isla nga amo ang ginapaggwa sang 3rdID kag PNP sang panahon ni Pnoy Aquino.

Isa diri ang natabo sa Sibalom sadtong Nob. 22. Nagpiyangak dayon si Police Inspector Clark Philip Dinco. Patraidor kuno ang pamaagi sang NPA sa pag-away. Daw bingit nga bata nga ginhangkat pa niya ang NPA sa isa ka duelo, one-on-one, kaangay bala nga ang NPA may personal nga dumot sa iya. Sinundan pa gid ini sang iban nga militar kag PNP nga naambusan sa Bolo, Maasin. Nagpiyait man sila nga kuno patraidor ang away sang NPA. Indi sila makabaton nga naisahan sila permi sang gerilya nga mga taktika.

Ay, ngaa haw? Wala sila ginhanas kon paano magkontra sa inaway gerilya? Kon sa englis pa, “guerrilla warfare” bala? Ini nga klase sang inaway ang naglupog sa tuhod kag naglutos sang pinakakusog nga reaksyunaryo nga tropa sa kalibutan — ang tropa sang Kano sa Gyera sa Vietnam halin sang 1965 asta 1972. Ini man ang nga klase sang inaway ang naglutos sa pinakapili nga tropa sang Hapones nga nagsulod sa China

…sundan sa pahina 13


A

LGBT para sa kinamatarung kag hustisya

apuno sang mga duag sang balangaw ang syudad sang

Iloilo sa pagtilipon sang mga yara sa grupo sang Les-bians, Gays, Bisexuals, Transgenders (LGBT) kag iban pa upod ang mga tagasu-porta para sa “2nd Pride March” nga gin-hiwat sa syudad sang Iloilo sadtong Oktubre 7, 2017. Ining martsa kag iban pa nga aktibidad ang tuigan nga gina-hiwat sa Iloilo para sa pagduso sang kina-matarung sa pagkilala sang ila kasarian sa katilingban.

Ang subong nga tuig nga martsa sang mga LGBT kag iban pa ang nagpatampok man sang ila demanda para sa hustisya sang mga biktima sang pasismo kag pag-untat sang pagkawalay salab-ton (impunity) sang mga pwersa pangsiguridad sa ila krimen nga nahimo kag paglapas sang tawhanon nga kinamatarung sang pumuluyo.

Makita man sa ila madua-gon nga mga plakard kag istrimer ang pagsukot sa salabton sang re-himeng US-Duterte sa padayon nga paglapas sa mga tawhanon nga kinamatarung kag ang pagpa-matuk sa nagahana nga pagpatu-man sang martial law sa bilog nga pungsod.

Ginpangunahan ang akti-bidad sang Iloilo Pride Team nga gin-updan sang Gabriela-Panay kag iban pa nga organisasyon.#


Kashmer Diestro isganan nga lider pamatan-on, ginpasidunggan !

ay kasubo apang lubos-kadungganan nga ginpasidunggan sang iya pamilya kag mga kaupdanan sa Bayan-Capiz

ang wala ginalauman nga kamatayon ni Kashmer Diestro, tagpamaba kag provincial coordinator sang Bayan sa probinsya sang Capiz.

Sa mismo entablado sang Plaza sang Roxas City, kon sa diin siya nagadiskurso sa mga rali, nagbuylog ang linibo ka mga pumuluyo, kapin mga mangunguma nga naghalin pa sa mga malayo nga lugar nga napamuklat kag napahulag niya para pasidunggan siya sa ulihi nga tinion sadtong Oktubre 17, 2017.

Si Kashmer bisan pa man nabun-ag sa relatibo kumportable nga pagpangabuhi, nagpili nga magpakig-upod kag mag-alagad sa mga ginahimuslan kag ginapigos. Naorganisa siya sa Kabataan Partylist (KPL) sang siya 14 anyos pa lang kag istudyante sa hayskul sa Filamer Christian College (FCC) sa Roxas, City. Sang magkolehiyo, nangin lider siya sang League of Filipino Students (LFS) sa Filamer Christian College kag nagpanguna sa pag-organisa sang mga pamatan-on. Sang 2007, ginhatag niya ang iya lubos nga panahon para sa pungsudnon demokratiko nga kahublagan.

Talupangdon sa mga ginpamunuan nga paghimakas amo ang bug-os kalig-on nga pag-atubang sa labi nga nagabaskog kag nagalapad nga hublag masa sa Roxas City kag probinsya sang Capiz sa panahon sang kahalitan sang bagyong Yolanda. Gin-updan niya ang mga pumuluyo halin sa pagprotesta sa karsada sa pagpakamalaut sa inutil nga rehimeng BS Aquino, demanda para sa ayuda kag rehabilitasyon, mga kampuhan kag piket layn.

Walay kakapoy siya sa pag-upod sa pag-organisa, pag-mobilisa kag pagpaathag sa mga pumuluyo sa mga isyu sang pagpangapin sang mga kinamatarung kag kaayuhan sang mga imol batuk sa pagpangguba sang imperyalista nga mga kumpanya sa pagmina kag pagpang-agaw sang gubyerno sang ansestral nga kadutaan sang mga Tumandok. Pinakaulihi niya nga gin-updan nga rali ang batuk sa malaparan nga kalakasan sang rehimeng US-Duterte kag batuk sa nagahana nga pagpatuman sang layi militar sa bilog nga pungsod. Nagpaabot man sang pagbuylog sa kasubo ang NDF-Panay sa Bayan-Capiz, sa iya nga ginikanan kag mga utod. Personal nga nakilala kag naka-upod sadto ni Concha Araneta si Kashmer sa pila ka mga konsultasyon upod sa malapad nga masa sa Capiz sadtong panahon sang peace negotiations.#

NM

…. ALIPALOK halin sa pahina 13 !kapin sa sakup sang rebolusyonaryong pwersa nga ginapamunuan sadto ni Kaupod Mao Zedong sa panahon sang Ikaduha nga Gyera Mundial.

* * * Si Police Inspector Clark Philip Dinco,

pagkatapos sang ambus sa Sibalom, wala lang nanghangkat sang duelo sa NPA. Nagpaggwa siya sang ginlubid nga istorya nga ang NPA nagbaton sang pinansya kag ginpakaon sang pamilya nga biktima sang ‘tokhang’ nga ginpatay sang PNP sang Sibalom. Gusto paggwaon ni Dinco nga nagakunsabo ang NPA sa mga may koneksyon sa druga.

Nalipat si Dinco nga si Duterte mismo naglawag sang mga heneral nga pulis nga may angut sa mga druglords. Wala gid siya naka-dumdum sadtong P6.4 bilyunes nga balor sang druga ang nag-agi sa mga upisyales sa custom kag imbolbado si Vice Mayor Paolo Duterte? Napas-lawan siya nga makita nga iban sang mga lokal nga hepe sang kapulisan sa Panay kag ang manubo sang ranggo nga mga personahe ang ginlunggong kag liwat ginpang-asignar, ang iban ginpriso, bangud sa indi maayo nga koneksyon kaangut sa druga.

Karon, sin-o ang nagahulid sa mga druglord, Chief Inspector Dinco?

* * * KABAHIN SA matingkad nga gina-atake sang rehimen kag AFP ang rebolusyo-naryong pagbuhis sang Demokratiko nga Gubyerno sang Pumuluyo. Suno sa militar kag kay Duterte subong, ini kuno ang nagapaatrasado sang kaumhan. Gina-atake sang AFP kag ni Duterte ang rebolusyonaryong pagbuhis bangud nabuhi-nan ang dalagku nga ganansya sang dalagku nga mga kumprador kag kahimbon nga dumuluong nga kapitalista. Ang mga dalagku nga kapitalista, agalon nga mayduta, kag iban nga dalagku nga mga negosyo ang ginaigo sang rebolusyonaryong pagbuhis kag indi ang masa. Ang pagbuhis isa ka lehitimo nga pungsyon sang demokratiko nga gubyerno sang pumuluyo

!sa mga teritoryo nga iya sakup kag impluwensya. Ang mga nagabayad sang buhis ginatugtan sa pagnegosyo basta wala sila nagahalit sa kaayuhan kag interes sang pumuluyo.

Ikumparar sa pagpamuhis kag ang ipatuman nga reporma sa pagpamuhis pareho sang TRAIN (Tax Reform Acceleration and Inclusion) kag ‘SOP’ nga ginaimponer sang BIR, mga pulitiko kag mga burukrata, ang mga buhis nga natipon sang rebolusyonaryong gubyerno ahaw lang nga tulo sa balde. Apang ginagasto ini para sa rebolusyonaryong paghimakas, para sa kaayuhan kag mga serbisyo sa masa kag para sa produksyon.

Ang ginasukot nga buhis sang reaks-yunaryo nga gubyerno ginakurakot kag wala nagabalik sang husto sa publiko.

* * * !ANG PAGPASIBANGUD SA NPA kon ngaa atrasado kag indi mag-uswag ang kaumhan isa ka balingag nga argumento kag nagapakalain sa NPA.

Wala pa man ang NPA sang 1969, atrasado na ang kaumhan bangud wala sang tunay nga pagpatuman sang reporma sa duta, ginaagaw pa gani sang mga agalon nga mayduta ang ulumhan sang mangunguma, ginahimo nga pastuhan, ginatugyan sa mga dalagku nga korporasyon sa pagmina, kag ginaguba ang kapalibutan kag halit sa tawo bangud sang paggamit sang makahalalit nga kemikal sa panguma. Asta sa subong labi gani nga ginpalubha sang neoliberal nga mga polisiya nga ginapatuman sang rehimeng Duterte nga nagaguba sa lokal nga produksyon.

Ang mga NPA amo ang nagabulig sa pagpauswag sang produksyon sang mga mangunguma, kag nagalunsar sang kampanya sa rebolusyong agraryo, nagabulig sa pagpabangon sa panahon sang kalamidad, nagapalinong sang mga baryo batuk sa mga buyong, nagahusay sang mga kaso kag banggianay sa lokalidad. Ini gani ang rason, ngaa nga indi mataltal sang AFP ang NPA sa kaumhan bangud suportado kag nakaugat na ini sa malapad nga masa.#


Halad kay Waling-waling


!* Si Waling-Waling, ukon Coronacion

Chiva Togonon, isganan nga kumander sang Hukbong

Mapagpalaya ng Bayan (HMB) sa Panay sadtong 1950s nga

nagpadayon sa pagsulong sang pungsodnon-demokratikong

paghimakas paagi sa pagpasakup sa rebolusyonaryong hilikuton asta sa

panahon sang diktadurang US-Marcos. Gin-asasinar siya sang 1977

sa Suba sang Badlan, samtang nagapauli halin sa banwa sang

Calinog, kag sa mandu sadto ni Hen. Rio sang CenCom. Iga-instalar kag pasidunggan si Waling-Waling sa Bantayog ng mga Bayani sini nga

Nobyembre 30, 2017.

!!Waling-waling. Bulak sa talon nga tumalagsahon.

Maidlas. Makahas. Maamyon. Mutya sang Jalaud sa sining dinag-on

Hangaway’ng dumaan nga labing magayon. !(Pamatii, Kaupod, sa bukid kag latagon

Ang pagtangis sang masa sa imo kamatayon Dugo mong ginhalad sa ngalan sang rebolusyon

Dugang nga kaisog namon, dugang nga kalig-on’) Waling-waling:

Ang mga makahang nga tinaga mo Sa tutunlan sang kaaway, matalom nga sanduko

Samtang sa masa ang gin-amba nimo Tulalay sang paghilway nga labing malulo. !!

(Ang pagtangis, Kaupod, amon na ginatapos Ang ginbilin mo sa amon binaid nga dumot Dugo mo naghawan sang banas nga masiot Bataan nga panaad, amon ang pagtimalos!) !

Waling-waling! Tubtob katubtuban ka pagahandumon.

Pagapadunggan ka, pagadayawon. Sa kaidlas. Sa kakahas. Sa kaamyon.

Martir sang rebolusyon. Tumalagsahon. !Mabuhi ka! !!

-Servando Magbanua (Jose Percival Estocada, Jr.)

22 Agosto 1977

Documents

UBOS-KUSOG NGA BATUAN AGUD PUKANON ANG PASISTANG … filePanay, ang serye sang mga atake sang NPA sining Nobyemre makita nga nakapuntariya sa mga naga-operasyon nga pwersa militar