TUNGO SA PAGLAYAKwento ng paglaban ng India sa Imperyalismo

Ipinasa ni: ____________________

Nasaan ang India?

Matatandaang ang wika ay isang mahalagang aspeto ng kultura. Mas maraming wika ang isang bansa, mas maraming kultura ang nag-uugnayan sa loob nito. Sa kaso ng India, 122 wika ang mga pangunahing wika. 22 sa mga ito ang ginagamit para sa opisyal ng transaksyon.

“Sa Pilipinas, tinatayang mayroong 178 na mga wika. Mula sa bilang na ito, nakakaintindi o nakapagsasalita ako ng mga wikang ________________, ___________________, __________________.”

Isa pang aspeto ng kultura ng India na kagila-gilas sa dami ay ang ang relihiyon.

IMPERYALISMO SA INDIA

Ipinapakita ng likhang ito ang

pagdating ng East Indian Company

noong 1612.

Upang mapadali ang ang pagdadala ng mga produkto mula sa taniman papuntang daungan, pinaunlad ng mga

Briton ang sistema ng transportasyon sa India. Ito ay

larawan ng kauna-unahang pampasaherong tren noon

1864

Isa ang pormal na sistema ng edukasyon ng

Britanaya sa mga mahahalagang ambag

ng Imperyalismo sa lipunang India.

“Sa mga larawang ito nalaman ko na ilan sa mga kontribusyon ng mga Briton sa India ay

__________________ at _________________.

Mahalaga sila dahil _______________________________________________

________________________.”

Isang sundalong Briton na nagpapahinga habang pinagsisilbihan ng dalawang Sikhs

Gutom at kahirapan ang isa sa mga pangunahing problema sa India, lalo na sa mga

probinsya. Maging asin na maaari sanang libreng makuha ay kontrolado ng pamahalaan.

Ang nakasakay ay maaaring asawa ng isang sundalong Briton na may mataas na katungkulan. Ilan sa mga

nakatataas na sundalo ay dinadala na ang kanilang pamilya sa India upang doon na manirahan. Tinawag nila ang sarili na

Anglo-Indians.

Makapangyarihan ang mga larawan. Batay sa imahe sa itaas magbigay tatlong salita o parirala na maaaring maglarawan sa buhay ng mga katutubo ng India sa ilalim ng Imperyalismo.1)_______________________________________________2)_______________________________________________3)_______________________________________________

NASYONALISMO SA INDIA

Si Mahatma Gandhi nang imbitahan siya sa London upang maging kinatawan

ng Indian National Congress noong 1930

AMRITSAR MASSACRE

Ang larawan sa itaas ay isa lamang depiksyon ng naganap sa Jallianwala Bagh, Amritsar noong Abril 13, 1919.

AMRITSAR MASSACRE (1919)

Naganap ang karumal-dumal na pagpaslang na ito noong Abril 13, 1919 sa Jallianwala Bagh, Amritsar sa probinsya ng Punjab. Sa pamumuno ni Brigadier-General Reginald Dyer, pinagbababaril ng pwersang Briton ang tinatayang 20,000 hanggang 25,000 mga Hindu, Muslim at Sikh sa hardin ng Jallianwala Bagh. Hanggang sa kasalukuyan ay wala pa ring kasiguraduhan ang bilang ng mga nasawi.

Jallianwala Bagh Massacre Marker alay sa mga martir ng walang habas na pamamaril

Bago ang petsang ito, mainit na ang sitwasyon sa pagitan ng mga Briton at ng mga Hindu, Muslim at Sikh. Ang labis na hirap at gutom na dinala ng Britanya sa India dahil sa World War I ay isa sa mga pangunahin nilang ipinoprotesta.

Dahil sa mga pagkilos, ipinasa ang Rowllat Act na binibigyan ng kapangyarihan ang mga opisyal ng Imperyo na hulihin kung sino man ang mapaghinalaang kasama sa mga protesta kahit na walang matibay na ebidensya. Negatibo ang pagtanggap ng mga tao dito, lalo na't nang nanawagan si Mahatma Gandhi at iba pang lider ng paglaban dito sa pamamagitan ng Satyagraha o mapayapang paraan.

Noong Abril 13, tuluyang ipinasailalim ni Brigadier-General Dyer ang Punjab sa isang Martial Law na nagtatakda ng isang curfew. Sa kasamaang palad ay hindi maaayos na naipamahagi sa mga mamamayan ang impormasyon.

Nagpatuloy ang patitipon ng mga tao sa hardin ng Jallianwala dahil iyon ay Pista ng Baisakhi, isa sa pinakamahalagang pista ng mga Sikh. Inakala ni Dyer na ito ay pag-iipon para sa isang pagkilos, sabay pa na lagpas na ito sa curfew, dinala niya ang kanyang hukbo sa lugar.

Entrada papuntang Jallianwala Bagh. Pansinin ang masikip na daan. Itinuturo itong isang dahilan sa dami na pagkamatay pagkat walang matakbuhan ang mga tao nang harangan na ito ng mga Briton

Memorial tablet na inilagay para sa pag-alala sa mga nasawi.

Martyr's Well Ilan pa sa mga tama ng bala noong 1919

Sa loob ng 10 minuto, tintayang 1650 na bala ang pinaulan sa mga sibilyan. Mababakas pa rin ang mga tama ng bala sa dingding sa lugar gaya ng larawan sa kaliwa. Ayon sa mga nakasaksi, stampede at tama ng bala ang dahilan ng kamatayan. Sa loob ng tinaguriang “Martyrs' Well”, 120 na bangkay ang nakuha-- mga taong nagbabaka-sakaling makaligtas mula sa ulan ng bala. May ilan ding nagsabi na itinuon ang mga baril sa gate ng plaza kung saan nakatipon ang mga taong nagtatangkang umalis.

Walang tiyak na bilang ng namatay at nasaktan. Sa paunang imbestigasyon ng pamahalaan ng Britanya, 279 ang mga namatay samantalang 1200 ang mga sugatan.

Hindi ito pinaniwalaan ng mga taga-India kaya nagkaroon ng hiwalay na imbestigasyon ang Indian National Congress. Doo'y lumabas na umabot sa 1000 ang mga sugatan. Pinakabatang biktima ay 7 buwan gulang pa lamang

Larawan ni Brigadier-General Reginald Dyer na

siyang nanguna sa walang habas na

pamamaril sa mga Muslim, Hindu at Sikhs sa Amritsar,

Punjab noong Abril 13, 1919. Itinuring niyang isang

pagpaparusa sa mga Indian ang kanyang

ginawa. Pagbalik niya sa Britanya ay niregaluhan at

tinuring siyang bayani nang ilang Briton.

Gawain A: Sagutan ang mga sumusunod na katanungan batay sa iyong nabasa.

1. Ano ang naganap sa Amritsar noong Agosto 13, 1919?

2. Bakit nagtipun-tipon ng mga tao sa plasang iyon bago maganap ang pamamaril?

3. Paano inilarawan ang mga naganap nang hapong iyon? Magbigay ng tatlong mahahalagang impormasyon.

a.b.c.

4. Kung ikaw ay isang Briton, pararangalan mo ba si Dyer o pananagutin sa kanyang ginawa? Bakit?

ANG PAGKILOS

Ito ay larawan na nag papakita ng Salt March, isang simbolikong martsa ng paglaban sa opresyon ng Britanya sa mapayapang

paraan.

Mahatma Gandhi

Ang tunay niyang pangalan ay Mohandas Karamchad Gandhi.

Ang Mahatma, na nangangahulugang “high-souled”

ay katumbas ng “saint” sa Katolisismo kaya't pili lamang ang

binibigyan nito. Sa kanyang pamumuno, inilunsad ang

Satyagraha, pagkilos na walang dahas.

Jawarhalal Nehru Mohammad Ali Jinnah

Sina Jawarhalal Nehru at Mohammad Alin Jinnah ay ilan

lamang sa mga naging lider ng 2 prominenteng grupo: Indian

National Congress at All Indian-Muslims League. Kasama si

Gandhi, pinangunahan nila ang pagkilos para sa paglaya mula

1920's hanggang 1940's

NON-COOPERATION MOVEMENT (1920-1922)

NON-COOPERATION MOVEMENT (1920-1922)

Kopya ng isang pahayagan sa Britanya kung saan makikitang tinawag si Gandhi na DIKTADOR, taliwas sa pananaw ng mga taga-India sa kanya na “Bapu” o “father”?

Magbigay ng isang dahilan ng magkaibang pagtanggap kay Gandhi sa India at Britanya.

____________________________________________________________________________________________

Inilunsad si Mahatma Gandhi kung saan hinikayat niya ang mga taga-India na magtiis at magsakripisyo para sa pinakaaasam na kasarinlan o Swaraj. Kapwa Hindu at Muslim ay sumama sa pagkilos. Maging ang masa at mga prominenteng tao ay sumali rin. Binoykot ng mga mamimili ang mga imported goods mula Britanya. Naapektuhan nito ang byurukrasya ng India at marami ang nakulong.

Itaas na larawan sa kaliwa: Si Mahatma Gandhi sa pakikisama niya sa pagbubuhay ng manu-manong pananahi laban sa imported na tela Itaas sa kanan: Isang anunsyo na sama-samang pagsunog ng imported na damit.

Ibabang larawan: Isa sa mga pagkilos na ginawa ng mga mamamayan sa lansangan bilang bahagi ng movement.

Gilid: Mahabang linya ng mga taong sumama sa Salt March ni Gandhi

Baba: Simbolikong “pagsuway” na mga tao sa salt law nang kumuha sila ng asin sa dagat ng Dandi.

DANDI MARCH(March 12- April 6, 1930)

24 araw na martsang pinangunahan ni Gandhi at 79 na kasama papuntang Dandi. Ginamit ni Gandhi ang pagkuha ng asin ng milyon-milyong mga mamamayan upang magsagawa ng isang mapayapang paglaban sa Salt Law ng Britanya. Tinawag rin itong Salt Satyagraha o Dandi Satyagraha.

Itaas: Simbolikong pagsuway ni Gandhi sa Salt Law at sa Imperyo sa pamamagitan

ng pagkuha ng asin

Baba: Protesta ng mga tao nang dakpin si Gandhi matapos ang martsa – isang

bagay na inasahan na ni Gandhi.

QUIT INDIA MOVEMENT (1942)

Maituturing itong “last-push” ng India upang paalisin ang mga Briton sa kanilang bansa. Upang maiwasan ang banta ng pagsugot ng Japan sa India, inirekomenda ito ni Mahatma Gandhi. Subalit, bago maganap ay ipinahuli siya, sampu ng iba pang mga lider. Pinagpatuloy ng mga tao ang pagkilos sa pamamagitan ng pagsunog ng mga istasyon ng pulis, pagboykot sa trabaho at pag-aaral at mga riot.

“by far the most serious rebellion since 1857,” wika ng isang mataas na opisyal ng Britanya.

Gawain BSagutan ang mga sumusunod na katanungan batay sa iyong nabasa.

1. Sino si Mohandas “Mahatma” Gandhi?

2. Anu-ano ang mga paraan na kanyang ginamit upang pangunahan ang kanyang mga kababayab? Magbigay ng isa at ilarawan ito.

3. Sinu-sino naman sina Jawarhalal Nehru at Mohammad Ali Jinnah? Ibigay ang kanilang ginawa para sa pagkilos tungo sa kalayaan.

ANG RESULTA

Isang pahayagan na nagbalita ng paglaya ng India noong Agosto 15, 1947

Maagang bahagi pa lamang ng nasyonalismo sa India, mayroon nang sigalot sa pagitan ng mga Hindu at Muslim. Sinasabing nag-ugat ito sa maliit na represantasyon ng mga Muslim sa Indian National Congress. Hindi lamang ito gaanong napansin sa gitnang bahagi pagkat kapuwa nila nais na paalisin ang mga Briton

Ngunit nang malapit na ang pagtatapos ng pagkilos, ikinatakot na ng All-Indian Muslims League sa pamumuno ni Mohammad Ali Jinnah na sa bagong India ay magkakaroon ng diskriminasyon laban sa mga Muslim. Ito ang dahilan kung bakit hiningi ng Muslim League ng isang bansa para sa mga Muslim na tatawaging Pakistan.

Taliwas ito sa nais nina Nehru at Gandhi na isang India para sa lahat. Upang matigil na ito at ang mga karahasan, ipinadala ng Britanya si Lord Mountbatten upang pumagitna sa negosasyon at pag-usapan ang pagtatayo ng bagong pamahalaan.

Sa harap, mula sa kaliwa: Mohammad Ali Jinnah, Lord Mountbatten at Jawarhalal Nehru

Narito ang pinal na desisyon:

● Ang Bengal na una nang inihiwalay dahil sa laki ng populasyon ay magiging hiwalay na Estado ng Bangladesh

● Maghihiwalay ang India at Pakistan.

Kaliwa: Mga namatay dahil sa karahasan ng migrasyon ng mga Hindu at Muslim

Baba: Isang istasyon ng tren na napuno dahil sa Great Migration

Tuluyang idineklara ang kalayaan ng India noong Agosto 14, 1947 at si Nehru ang una nitong Prime Minister. Nang sumunod na araw, idineklara ni Mohammad Ali Jinnah ang pagtatatag ng Pakistan bilang bansa para sa mga Muslim noong Agosto 15, 1947.

Sa edad na 78, napaslang si Mahatma Gandhi nooong Enero 30, 1948. Pumanaw siyang nakikita ang paghihiwalay ng bansang ninais niyang mabuo at lumaya.

India bago ang 1947 India matapos ang 1947

Gawain CSagutan ang mga sumusunod na katanungan batay sa iyong nabasa.

1.Kailan pormal na lumaya ang India mula sa mga Ingles?

2. Bakit ninais ni Mohammad Ali Jinnah na magkaroon ng hiwalay na bansa para sa mga Muslim?

3. Anu-ano ang naging epekto ng paghahating ito sa mga mamamayan ng dating India (bago maghati)? Pumili ng isa at ilarawan.

Pagbubuod:

NASYONALISMO

Kahulugan at mga salik

Nasyonalismo sa India

Bakit umusbong? Sinu-suno ang mga nanguna at paano

ipinakita?

Ano ang naging resulta?-Kawalan ng

pagkakapantay-pantay sa lipunan-kahirapan- Amritsar Massacre

-Mahatma Gandhi gamit ang Satyagraha sa Civil Disobedience Movement- Jawarhalal Nehru -Mohammad Ali JInna

- Kalayaan na nauwi sa paghihiwalay ng India at Pakistan.

Nasyonalismo sa Pilipinas

NASYONALISMO

Kahulugan at mga salik

Nasyonalismo sa Pilipinas

Bakit umusbong? Sinu-suno ang mga nanguna at paano

ipinakita?

Ano ang naging resulta?

Gawain D

Sa ibaba ay may isang postcard. Sa isang bahagi, iguhit ninyo kung ano ang tingin niyong epekto ng nasyonalismo at paghihiwalay sa mga bansang India at Pakistan sa kasalukuyan. isang bahagi ay iguhit ang hitsura ng India o Pakistan sa kasalukuyan. Sa likod, sumulat ng maikling liham para sa mga pinuno noong Nasyonalismo. Ipahayag ang iyong nadama batay sa ating tinalakay.