Upload
hans-vrapi
View
3.475
Download
11
Embed Size (px)
DESCRIPTION
hAhaha
Citation preview
UNIVERSITETI I TIRANËS
FAKULTETI EKONOMIK I TIRANËS
DEPARTAMENTI I FINANCËS
TEZE DIPLOME
“SME-të shtylla kurrizore e ekonomisë
Shqipëtare”
UDHËHOQI:Prof.TONIN KOLA PUNOI: SANDI VRAPI
~ 1 ~
Përmbatja
Kapitulli I
1 Rëndësia e SME-ve në ekonominë shqiptare
1.0 Prezantimi i studimit
1.1 Karakteristikat e SME-ve në Shqipëri
1.1.1 Ecuria ndër vite e SME-ve
1.1.2 Shpërndarja e ndërmarjeve aktive sipas aktivitetit ekonomik dhe shpërndarjes
gjeografike.
1.1.3Shpërndarja sipas madhësisë.
1.2 Rëndësia e SME-VE
1.2.1 SME-të përbëjnë shtyllën kurrizore të ekonomisë.
1.2.2 Gjenerimi i punëve të reja.
~ 2 ~
1.2.3 Fleksibiliteti.
1.2.4 Paraqitja e novacioneve të ndryshme.
1.2.5 Stimulimi i konkurrencës. 1.2.6
Prodhimi i të mirave dhe shërbimeve në mënyrë efiçiente.
KAPITULLI II
2 NXITJA DHE ZHVILLIMI I SME-ve
2.1 Sfidat dhe objektivat e zhvillimit të SME-ve
2.2 Problematika e SME-ve
2.2.1 Problemet me të cilat ndeshen sipërmarrësit Shqiptarë
2.2.2 Skemat e financimit
2.2.3 Interneti dhe tregtia elektronike
2.2.4 Sipërmarrja kreative
2.3 Analizë: “Kurba e SME-ve në ngjitje
2.4 Marrveshja e tregtisë së lirë, si ndikon ajo te SME-të në
Shqipëri?
2.4.1 Cili është efekti I liberalizimit në kuadër të OBT-së mbi ekonominë
Shqiptare?
2.4.2 Çfarë avantazhesh dhe disavantazhesh na sjell tregtia e lirë?
2.4.3 Sfidat e Shqipërisë përkundrejt liberalizimit të tregtisë
~ 3 ~
Kapitulli III
3 PËRMIRSIMI I FINANCIMIT TË SME-VE
3.1Mënyrat e financimit
3.1.1 Burimet e financimit të brëndshëm
3.1.2 Burimet e financimit të jashtëm:
3.1.2.1 Pa ndermjetës (financim i drejtëpërdrejtë)
3.1.2.2 Me ndërmjetës (financim i tërthortë)
3.2Roli i bankave në financimin e rritjes së SME-ve
3.2.1 Kredi për investime
3.2.2 Kushtet e kreditimit
3.2.3 Rritja e nivelit të kreditimit dhe krijimi i fondit shqiptar të garantimit të kredive
3.2.4 Rritja e fondeve për mikrokredi
3.2.5 Forcimi i kapaciteteve të Institucioneve të Mikrokredisë
3.3 Problemet me kreditë për SME-të
3.4 Kreditimi i SME-ve gjatë dhe pas krizës
KAPITULLI IV
4.1 Konkluzione
4.2 Rekomandim
4.3 Literatura
~ 4 ~
.
Kapitulli I
1.0 Prezantimi i studimit
Në Shqipëri shumë sipërmarrës kanë filluar biznesin në periudhën ku nuk kishte “asgjë për të
humbur” dhe kanë përparuar dhe mësuar duke ecur paralelisht me rritjen e tregut. Në fillim
ka patur shumë mundësi rritjeje, shumë pak barriera për të hyrë në treg, konkurrencë e ulët
dhe vëndi ka qënë në një etapë shumë të hershme rritjeje. Pikërisht për këto arsye këto
biznese të vogla, megjithëse me një eksperiencë të pakët dhe të drejtuara kryesisht nga
persona që kishin shumë pak përvojë përsa i përket drejtimit dhe menaxhimit të SME-ve
patën sukses dhe arritën të zhvilloheshin. Megjithatë, pavarësisht suksesit që këto biznese
hasën në vitet e para të krijimit të tyre kriza e vitit 1997 dëshmoi brishtësinë e këtij progresi
dhe kufizimet e shumta që patën reformat e ndërmara.
Edhe pas trazirave të vitit ’97, SME-të vazhduan të luanin një rol të rëndësishëm në
~ 5 ~
ekonominë vendase. Në një farë mënyre ato arritën të çlironin ekonominë shqiptare nga
ngërçi që pësoi rënien e skemave piramidale. Megjithëse pjesa më e madhe e tyre vepronin
në kushtet e informalitetit, ishin pikërisht këto biznese të vogla që bën të mundur lëvizjen e
kapitalit apo qarkullimin e parasë dhe në këtë mënyrë edhe ecjen përpara të ekonomisë. Këto
biznese tashmë përbëjnë shumicën dërmuese të bizneseve private që operojnë në Shqipëri dhe
për shkak të madhësisë së tyre, si dhe të aftësisë për t’u përshtatur me tregun, janë burim
kryesor punësimi dhe një terren ushqyes për idetë e biznesit.
1.1 Metodologjia
Trajtimi i kësaj çështjeje është bërë duke u bazuar në një studim të kryer në qytetin e
Elbasanit dhe të Tiranës në datat 14 Nëntor 2010 si dhe në 12 Qershor 2011. Janë marë në
pyetje 60 menaxher/pronarë të SME-ve që ushtrojnë veprimtarinë e tyre në këto dy qytete.
60% e pyetësorëve është plotësuar në qytetin Elbasanit dhe pjesa tjetër në atë të Tiranës. Janë
shfrytëzuar 97% e pyetësorëve, pjesa tjetër (3%) kanë rezultuar të pa vlefshëm, kjo sepse 2%
e pyetësorëve ishin të pa plotësuar plotësish ndërsa 1% rezultonin me përgjigje kontradiktore.
Zgjedhja e të anketuarve është bërë në mënyrë rastësore dhe anketat janë plotësuar me anë të
kontaktit të drejtpërdrejtë me ta.
1.2 Karakteristikat e SME-ve në Shqipëri
1.2.1 Ecuria ndër vite e SME-ve
Bizneset e vogla veprojnë nc të gjitha pjesët e ekonomisë. Sektorët e shërbimit, shitjes me
pakicë dhe shitjes me shumicë kanë përqindje shumë më të lartë të bizneseve të vogla në
krahasim me sektorin e prodhimit. Në grafikun e mëposhtëm jepet një informacion nga
INSTAT-i mbi ecurinë e biznesit të vogël në Shqipëri nga viti 2003 deri në vitet 2010-2011
Ndërmarrjet aktive në Shqipëri sipas vitit të krijimit dhe madhësisë. viti 2003 deri në fund të
vitit 2010. Në këtë periudhë , siç duket dhe nga grafiku i mësipërm numri i ndërmarrjeve
aktive herë vjen duke u rritur e herë duke u ulur. Kjo për shkak të cikleve të ekonomisë.
~ 6 ~
Burimi: Të dhënat janë marrë nga publikimet e INSTAT, 2011
Mbështetur në publikimet nga INSTAT, në fund të vitit 2010 rezulton se rreth 91.95% e tyre
janë mikrondërrmarje me 1-4 të punësuar, ndërkohë që ndërmarjet e vogla (5-9 të punësuar)
përbëjnë rreth 4.26% të ndërmarjeve, 3.04% përbëhet nga ndërmarjet e mesme (10-49 të
punësuar) dhe vetëm 0.75% e ndërmarjeve kanë mbi 50 të punësuar.
1.2.2 Shpërndarja e ndërmarjeve aktive sipas aktivitetit ekonomik dhe
shpërndarjes gjeografike
Peshën relative në aktivitetin ekonomik të këtyre ndërrmarrjeve e zë Tregëtia (47.1 %), ku
vendin e parë e kryeson qarku I Beratit dhe Fieri dhe atë me më pak peshë e zë sektori I
Bujqësisë dhe Peshkimit (1.2%) ku Lezha renditet e para duke u ndjekur nga Kukësi dhe
Vlora. Një peshë të konsiderueshme zë edhe aktiviteti Hotele, Kafe, Restorante (14.8%), ku
zhvillimin më të madh e ka në qarkun e Shkodrës dhe atë më të vogël në qarkun e Beratit.
Sektori i shërbimeve është sektori tjetër me peshë në ekonominë tonë (13.3%), ku qarku
përfaqësues është Tirana dhe Kukësi. Telekomunikacioni dhe Transporti (9.6%) zë një pjesë
të konsiderueshme në qarkun e Dibrës dhe Elbasanit dhe më pak i zhvilluar në Tiranë.
Aktiviteti i ndërtimit është i zhvilluar më shumë në qarkun e Vlorës dhe të Dibrës, më pak
aktivitet në këtë sektor ka qarku i Korçës. Duhet theksur fakti që në qarkun e Dibrës ka një
peshë të rëndësishme të industrisë, i cili është më pak i zhvilluar në qarkun e Kukësit.
~ 7 ~
Burimi: Të dhënat janë marrë nga publikimet e INSTAT, 2011
1.2.3 Shpërndarja sipas madhësisë
Përsa i përket shpërndarjes së SME-ve duke u bazuar ne numrin e punonjësve rezulton se në
të gjitha qarqet pjesën më të madhe e zënë ndërrmarrjet me 1-4 të punësuar. Konkretisht në
qarkun e Korçës ndërmarjet me 1- 4 të punësuar zënë 94% të totalit të ndërrmarjeve që
ushtrojnë veprimtarinë e tyre në këtë qark, në Fier 93.3 %, në Berat dhe Diber 93.9% dhe më
pak peshë ato zënë në qarkun e Tiranës dhe në Durrës.
Ndermarrjet aktive sipas qarqeve dhe madhesise Lezhë, përkatësisht me 91% dhe 91.1%.Në
ndërmarjet me 5-9 të punësuar kryeson qarku i Kuksit në të cilin këto ndërrmarje zënë 7.3 %
ndaj totalit të ndërrmarjeve aktive, më pas vjen Tirana me 4.9% dhe Lezha me 4.6%. Më pak
të favorizuar në këtë segment janë: qarku i Beratit me 2.7% dhe Korça me 2.8%. Kukësi me
5.5% dhe Dibra me 4,4% zënë numrin më të madh të ndërrmarjeve me 10-49 të punësuar,
ndersa Berati me 2.7%, Vlora dhe Korça me 2.6% janë qarqet me numër më të pakët
ndërrmarjesh me këtë numër punëtorësh. Shkodra është qarku me numrin më të madh të
ndërmarjeve aktive me më shumë se 50 të punësuar. Këto ndërrmarje zënë 3.7% të totalit të
ndërrmarjeve aktive në Shkodër.
Në bazë të kësaj analize arrijmë në përfundimin se mikrondërrmarjet janë të përqëndruara në
sektorin e tregtisë. Ndërrmarjet e vogla janë të përqëndruara kryesisht në sektorin
shërbimeve, ndërsa sektorët e industrisë dhe ndërtimit dominohen nga bizneset e mesme.
~ 8 ~
Përqëndrimi më i lartë i SME-ve është në qytetin e Tiranës, Gjirokastrësdhe Durrësit. Zona të
tjera me prezencë të fortë të SME-ve janë qyteti i Beratit, Fierit dhe Vlorës te cilat kanë
rezultate mbi mesataren, gjë që mund të reflektojë një proporcion më të lartë të ndërmarrjeve
shqipëtare më të stabilizuara, si blerës, tregtarë dhe/apo investitorë. Ekziston aktivitet shumë i
dobët veçanërisht në pjesën veriore të vendit kryesisht në qarkun e Kukësit, Lezhës dhe
Dibrës duke nënvizuar nevojën për të bërë të disponueshme shërbime për mbështetjen e
biznesit për ndërmarrjet në qarqet më larg qëndrës së vendit.
Burimi: Të dhënat janë marrë nga publikimet e INSTAT, 2011
1.3 Rëndësia e SME-VE
1.3.1 SME-të përbëjnë shtyllën kurrizore të ekonomisë
Sektori i SME-ve ka një kontribut të patjetërsueshëm në proçesin e zhvillimit ekonomik të një
vëndi. Ato janë motori i ekonomisë, burim i rëndësishëm punësimi dhe një faktor i
rëndësishëm për rritjen industriale. Ato janë faktor kyç i krijimit të shpirtit sipërmarrës dhe
novacioneve, duke bërë kështu një element të rëndësishëm të konkurrencës dhe të zhvillimit
ekonomik lokal. Për më tepër sektori i SME-ve në Shqipëri zë rreth 80% të GDP-së, e cila
është një pjesë mjaft e rëndësishme e totalit të saj.
~ 9 ~
1.3.2 Gjenerimi i punëve të reja
SME-të kontribuojnë në rritjen e punësimit në një shkallë më të madhe se biznesi i madh.
Gjithashtu në vendet në tranzicion, siç është edhe Shqipëria, SME-të në një periudhë afatgjatë
mund të sigurojnë pjesën më të madhe të punësimit. Aktualisht në Shqipëri SME-të mbulojnë
rret 71% të të punësuarve.
1.3.3 Fleksibiliteti
Fleksibiliteti ka të bëjë me ndryshimin e aktivitetit të ndëmarjeve në varësi me
ndryshimetkushteve të tregut dhe përshtatja e shpejtë me këto ndryshime. Bizneset e vogla
njihen përaftësinë e tyre për fleksibilitet, për aftësinë për të ndryshuar outputin më shpejtë
dhe pa pasoja të mëdha, kjo në varësi të ndryshimeve të mjedisit ku ato operojnë.
Disa prej dimensioneve të fleksibilitetit janë:
o Fleksibiliteti në çmime:
Niveli i çmimit të një produkti varet nga elactisiteti i atij produkti. Megjithatë për bizneset e
vogla dhe të mesme është më e letë të ndryshojnë çmimin në varësi të kushteve ekonomike
sesa për bizneset e mëdha.
o Fleksibiliteti ndaj ndryshimeve të kërkesës dhe ofertës:
Vetë mënyra e organizimit të SME-ve e bënë më të lehtë për to të ndryshojnë outputin e tyre
në varësi të ndryshimeve të tregut.
o Fleksibiliteti ndaj ndryshimeve organizative:
Bizneset e vogla janë më të prirura të jenë më fleksible në format e organizative. Ato mund të
marin punëtorë të rinj kur kërkesa për produktet e tyre rritet dhe t’i largojnë kur kërkesa bie.
Një gjë e tillë do të ishte e vështirë për bizneset e mëdha për shkak të presioneve nga
organizatat e punëtorëve.
1.3.4 Paraqitja e novacioneve të ndryshme
Bizneset e vogla shpesh janë kompani shumë inovatore. Ato mund të paraqesin produkte të
reja, stile të reja menaxhimi dhe strategji të reja promocionale.Një pjesë e madhe e
produkteve të reja janë krijuar pikërisht nga bizneset e vogla. Nga ana tjetër, një numër
~ 10 ~
gjithnjë në rritje i bizneseve të vogla e bëjnë shoqërinë dhe ekonominë më fleksibël. Kjo
mund të lehtësojë novacionet teknologjike, të sigurojë mundësi apo ide të reja, si dhe të bëjë
të mundur zhvillimin e aftësive për zbatimin e këtyre ideve.
1.3.5 Stimulimi i konkurrencës
Duke qënë se hyrja në treg për SME-të është relativisht e thjeshtë, për vet faktin se pengesat
ligjore dhe administrative për krijimin e një biznesi të vogël janë shumë të vogla, edhe numri
i ndërrmarjeve që operojnë në këtë sektor kohët e fundit ka ardhur gjithnjë e në rritje. Për këtë
arsye menaxherëve të SME-ve u duhet të rrisin aftësitë dhe performancën e tyre për të
përmbushur kërkesat e klientëve më mirë se konkurentët, me qëllim që të kenë sukses në treg.
1.3.6 Prodhimi i të mirave dhe shërbimeve në mënyrë efiçiente
Kalimi nga ekonomia e centralizuar në ekonominë e tregut u shoqërua edhe me zëvëndësimin
e ndërmarjeve të mëdha ish-shtetërore me ndërmarje më të vogla dhe firma private. Në këtë
mënyrë u rrit ndjeshëm numri i pronarëve, që përfaqëson një grup njerëzish me një angazhim
dhe përgjegjësi më të madhe se në ish-ekonomitë e centralizuara. Duke qënë se ky grup
personash janë vetë pronarët e njësive të biznesit, kjo bëri që ata të jenë më të përgjegjshëm
dhe të përpiqen me të gjitha mënyrat që ti përdorin në mënyrën më efiçiente të mundshme
resurset që zotërojnë. Kjo për faktin se ç’do përfitim apo dështim i subjektit të biznesit bie
direkt mbi ta.
Kapitulli II
2.1 Sfidat dhe objektivat e zhvillimit të SME-ve
Zhvillimi i SME-ve dhe kontributi i tyre në stabilitetin ekonomik afatgjatë, varet nga
madhësia dhe struktura e tyre, që nën kushtet e tregjeve të zhvilluara mirë, u lejon atyre
të kenë flexibilitetin dhe aftësitë që të përshtaten në kushtet e një konkurence të ashpër.
Ekonomitë moderne operojnë si një rrjet kompleks firmash në të cilën pozicioni
konkurues i një firme varet pjesërisht në efikasitetin e furnizuesve të tyre. Prandaj,
konkurrenca e SME-ve ndikon në pozicionin konkurues të ekonomisë në përgjithësi.
~ 11 ~
Meqenëse kostot e larta të transaksionit janë një nga barrierat më të rëndësishme të
zhvillimit të tyre, reduktimi i tyre do të nxiste zgjerimin e SME-ve dhe në veçanti do të
inkurajonte mikrondërmarrjet të zgjeroheshin.
Krahas kësaj SME-të në Shqipëri përqendrohen kryesisht në tregun vëndas dhe i’u mungon
konkurrenca ndërkombëtare. Kjo ndikon jo vetëm në mundësitë e rritjes në tregjet
ndërkombëtare por duhet marë në konsideratë edhe fakti se globalizimi sjell konkurrencën
ndërkombëtare pranë ndërmarrjeve shqiptare në tregjet e tyre vendase. Raporte të ndryshme
ndërkombëtare, përfshirë Raportin e Progresit nga Komisioni Evropian, vërejnë se mjedisi i
biznesit për SME-të në Shqipëri ka patur përmirësime të mira, veçanërisht në lidhje me
regjistrimin e kompanive dhe aksesin në financa. Megjithatë, mangësi të konsiderueshme
mbeten përsa i përket zhvillimit të kapitalit njerëzor dhe kapacitetit teknologjik, duke penguar
aftësinë e kompanive shqipëtare për të konkuruar siç duhet me SME-të e BE-së dhe t’i
mbijetojnë kështu konkurrencës së tregut të BE-së. Dihet se zhvillimet teknologjike vitet e
fundit kanë ecur me hapa galopant dhe bizneset e vogla dhe të mesme në Shqipëri nuk kanë
resurse të mjatueshme per t’u përshtatur me këto ndryshime. Kjo pasqyrohet tek
produktiviteti dhe cilësia e produkteve të SME-ve Shqipëtare, që krahasuar me ato të BE-së
lë shumë për të dëshiruar.
Në këtë kontekst, zhvillimi dhe performanca e tyre, në kuadrin e hapjes së tregjeve
përbën një sfidë
2.2Problematika e SME-ve
2.2.1Problemet me të cilat ndeshen sipërmarrësit Shqiptarë
Nga një studim i kryer me 60 të intervistuar në qytetin e Elbasanit rezultoi se ndër problemet
kryesore me të cilat ndeshen sipërmarrësit në Shqipëri janë:
Nivele të larta të taksave
Konkurenca e pandershme
Fuqia e ulët blerëse e popullsisë
Mungesa e bashkëpunimit midis institucioneve të ndryshme publike dhe private që
~ 12 ~
mbështesin SME-të
Niveli i ulët i cilësisë së menaxhimit brënda kompanisë
17.2% e të intervistuarve rëndisnin si problem kryesor konkurrencën e pandershme, 41%
nivelin e lartë të taksave, dhe 17.2% fuqinë e ulët blerësë të popullsisë dhe 24.6 % të tjera
Një mangësi tjetër e vënë re gjatë këtij studimi ka qënë dhe fakti se SME-të përgjithësisht nuk
kanë kërkuar mbështetje nga ofruesit e ndryshëm të shërbimeve për bizneset. Kështu 46% e
të intervistuarve kanë deklaruar se asnjëherë nuk kanë kërkuar mbështetjen e ofruesve të
ndryshëm të shërbimeve për SME-të. Ndërsa 28% kanë deklaruar se kanë kërkuar
mbështetjen nga këta ofrues shërbimesh në momentin kur biznesi i tyre filloi të rritej ose të
kishte probleme, dhe vetëm 26% kanë deklaruar se kanë përdorur këto shërbime të ofruara
para ose gjatë gjatë procesit të krijimit të biznesit.
Si dobësi kryesore përballë konkurentëve të tyre 32.3% e të intervistuarve kanë përmendur
riskun financiar, 29.2% mungesën e kapitalit qarkullues dhe 15.6% mungesën e një
menaxhimi efekti
2.2.2 Skemat e financimit
Megjithëse nivelet e financimit të SME-ve kanë ardhur në rritje, gjithsesi konsiderohet i
pamjafueshëm peë të nxitur një zhvillim të shpejtë të sektorit. Për të përmirësuar klimën e
financimit të SME-ve gjatë viteve të fundit janë ndërmarrë disa masa që lidhen kryesisht me
futjen e skemave të garantimit të kredive për SME-të.
Fondet e garancisv në Shqipvri janë aplikuar nëpërmjet disa projektetve të vecanta për
mbështetjen e SME-ve e kryesisht nga USAID dhe vitet e fundit edhe nga UNOPS.
~ 13 ~
Por këto fonde garantimi kanë qenë kufizuar vetëm në mbështetjen me financime të fushave
dhe kategorive të caktuara të SME, duke lënë jashtë pjesën më të madhe të sektorit SME.
Gjithashtu SME-të dhe sidomos SME-të e reja hasin mjaft vështirësi për të marrë kredi
nga sektori bankar dhe kostoja e kredise është relativisht e lartë.
Kushtet që kërkojnë bankat janë jo të favorshme për bizneset, e konkretisht kolaterali i
kërkuar është në nivelet nga 120 % deri në 150 % dhe interesat e kredisë janë të larta edhe
për rastet kur kërkohet kredi për investime në makineri e pajisje, për një periudhë afatmesme.
2.2.3 Interneti dhe tregtia elektronike
Gjatë viteve të fundit janë shtuar përdoruesit e internetit në Shqipëri sidomos nga brezi i ri,
por ende nuk mund të flitet për një përdorim masiv të internetit nga prodhuesit e vegjël dhe të
mesëm. Infrastruktura në përgjithësi vlerësohet si shumë e varfër, përdorimi është kufizuar
kryesisht në Tiranë dhe shumë më pak në disa nga rrethet kryesore të vendit, ndërkohë që
është pothuaj inegzistente në rrethet e tjera të vendit.
Sipas World Economic Indicators, për Shqipërinë vlerësohet se, përdorues intereneti janë 24
për 1000 veta, ka vetëm 12 kompiutera personalë për 1000 veta, cmimi i internetit për
muaj është 28,6 USD.
Mungon baza ligjore për tregtinë elektronike dhe firmën elektronike gjë që ka sjell që edhe
përdorimi i tregtisë elektronike të jetë pothuaj inegzistent.
2.2.4 Sipërmarrja kreative
Periudha e tranzicionit ka treguar se rialokimi i burimeve në ekonomi është orientuar
drejt sektoreve me produktivë, drejt atyre të shërbimeve e brenda tij, të tregtisë, hoteleve
& restoranteve. Ndërsa nga biznesi kreativ kontributi është shumë i vogël dhe nuk është i
evidentuar.
Industria kreative, bazohet në talentin dhe mjeshtrinë individuale, e aftë për të prodhuar dhe
punësuar njerëz dhe është pjesë përbërëse e pronësisë intelektuale.
Kjo lloj industrie në Shqipëri, kryesisht ka qenë e bazuar në zejet e traditës.
Vitet e fundit në Shqipëri kanë lindur e po zhvillohen disa sektorë të rinj të industrisë së
shërbimeve kreative si: prodhimi i reklamave, studiot grafike, shërbimet kompiuterike,
~ 14 ~
muzika dhe shfaqjet muzikore, televizioni dhe radio, studiot e arkitekturës, të dizajnit,
shtëpitë botuese, kinematografia etj.
Kontributi i këtyre sektoreve në rritjen ekonomike është akoma i vogël dhe nga INSTAT
pothuajse nuk vrojtohet e matet.
2.3 Analizë: “Kurba e SME-ve në ngjitje”
Zhvillimi i SME-ve cilësohet si një ndër instrumentet më të përshtatshme dhe tepër
favorizues për zhvillimin të çdo lloj ekonomie, ca më shumë të atyre që janë në tranzicion
apo sapo e kanë kaluar atë. Ky sektor gjeneron rritje ekonomike të qëndrueshme, ndërkohë që
siguron punësim dhe kontribuon përzbutjen e varfërisë.Në "Programin strategjik për
zhvillimin e SME-ve për vitet 2007-2009", thuhet se SME-të japin rreth 64 % të Prodhimit të
Brendshëm Bruto dhe garantojnë pu-nësimin e rreth 66 % të të punësuarve në sektorin privat.
Duke marrë parasysh se sektori i SME-ve përbën një forcë aktive në zhvillimin e ekonomisë,
thuhet në formulimin e strategjisë së SME-ve, qeveria në programin e saj, parashikon disa
objektiva në terma më afatgjatë.
Për këtë arsye, ajo ka vendosur objektivat si më poshtë: Rritja e të punësuarve me5 % në vit;
rritja e ndërmarrjeve të reja me 15 % në vit; rritja e kreditimit në 4 vjet për sektorin privat me
3-4 herë; rritja e aftësive mikrokredituese në 4 vjet me 3-4 herë.
~ 15 ~
Megjithatë, promovimi i subjekteve private vazhdon; numri i ndërmarrjeve të vogla
dhe të mesme, është rritur me shpejtësi. Në fillim të viteve 2000, flitej për rreth 65-70
mijë subjekte. Ky numër nuk ekziston më. Në fund të vitit 2008, ishin aktive 107.342
ndërmarrje. Por sërish problemi është që gjysma e tyre janë përqendruar dhe veprojnë
në qarqet Tiranë e Durrës.
Duke analizuar nga njëra anë gjeografinë e shtrirjes dhe nga ana tjetër përmbajtjen e
shërbimeve dhe destinacionin e subjekteve të këtij sek-ori, duhen marrë në sy dy
përfundime.
Së pari, iniciativa private, realisht e inkurajuar nga administrata dhe nga shumica e
reformave të kryera në vend për vite me radhë, nuk është gjithnjë e vlerësuar dhe në
sukses. Përqendrimi i bizneseve në disa zona të caktuara, ka lënë pasdore burime të
mëdha materi-ale. E thënë me fjalë të tjera, nuk ka qenë gjithnjë e mundur që shumë
energji dhe kapitale të mirëshpërndahen në mënyrë të natyrshme dhe të efektshme. Për
rrjedhojë, ato nuk janë plotësisht në funksion të zhvillimit tërësor të vendit.
Në po këtë gjuhë ka folur dhe politika e kreditimit. Kreditë e akorduara në rrethin e
Tiranës dhe të Durrësit, përbëjnë 75% të totalit të kredisë, ndërsa pjesa tjetër e
portofolit të kredisë është shpërndarë përafërsisht në këtë gjeografi: 5% për rrethet në
veri të vendit; 6 % për rrethet në Shqipërinë e Mesme; dhe 15% për rrethet në jug.
Pa qenë nevoja për ndonjë koment të posaçëm, edhe ky element flet për mundësi që
duhen riformatuar dhe shanse që duhen rifituar.
Partneriteti shqiptaro-italian në rritje
~ 16 ~
Partneriteti shqiptaro-italian po e zotëron këtë hapësirë gjithnjë e më shumë. Janë
nënshkruar katër kontratat e para për kreditimin e butë, me një shumë totale 1 milionë
euro. Për këtë qëllim, janë realizuar 12 fushata promovuese dhe sensibilizuese, që
përfshinë pothuajse gjithë rajonet e Shqipërisë. Disa nga aktorët që kontribuan, ishin
Dhomat e Tregtisë dhe Industrisë në Qarqe, agjentët e sistemit bankar, Agjensitë
Rajonale për Zhvillim, si dhe kompanitë e konsulencës. Programi për zhvillimin e SME-
ve në Shqipëri menaxhon një linjë kredie të qeverisë shqiptare, të ofruar nga qeveria
italiane për 38 vjet dhe me një vlerë prej 30 milionë euro. Një pjesë e tyre, rreth 25
milionë euro shkojnë për kreditimin e ndërmarrjeve të vogla dhe të mesme shqiptare.
Po ashtu, 2.5 milion euro janë destinuar për ndërtimin e Fondit Shqiptar të Garancisë.
Ky fond do t’i vijë në ndihmë sektorit privat shqiptar.për të pasur një akses më të lehtë
në linjën e kredisë, por edhe në sistemin e kreditimit në përgjithësi.Pjesë e rëndësishme
e këtij pro-grami, ideuar nga qeveritë e dy vendeve,është asistenca teknike, seminaret
dhe trajnimet e të gjitha grupeve të interesit, si: sektori i SME-ve, sektori bankar,
Albinvest, Agjencitë Rajonale të Zhvillimit, shoqatat e biznesit, etj. Ky proces, ka
përfunduar fazën e parë të tij pothuajse në të gjitha rajonet e vendit. Promovimi,
trajnimi dhe evidentimi i nevojave të këtyre grupeve, ka qenë objektivi i procesit.Po
ashtu ne fund te vitit 2008 eshte krijuar Mete: Programi i Rimëkëmbjes së Menaxhimit të
SME-ve. Objektivi i METE, SME-të të zhvillohen në përputhje me ritmet e BE, si dhe
promovimi i zhvillimit dhe qëndrueshmërisë në sektorit të SME-ve në Shqipëri, për të
mbështetur një mjedis biznesi të favorshëm për rritjen produktivitetit dhe eksporteve,
për të përmirësuar aftësinë konkurruese të SME-ve, kryesisht në sektorët e industrisë,
për të nxitur këto sektorë që të demonstrojnë potencial të lartë të rritjes.
Duke risjellë edhe njëherë në vë-mendje shifrën optimiste 107.342 (ndërmarrje aktive), nga
të cilat19.884 të reja, unë besoj në rritjen e tyre të mëtejshme, si edhe në kombinacionet e
duhura për efektivitet më të lartë.
2.4 Marrveshja e tregtisë së lirë, si ndikon ajo te SME-të në
~ 17 ~
Shqipëri?
2.4.1 Cili është efekti I liberalizimit në kuadër të OBT-së mbi ekonominë Shqiptare?
Kjo është një pyetje e hasur shpesh në mënyrë të hapur ose në mënyrë të nëkuptuar nga
komuniteti i biznesit shqiptar. Shqipëria është anëtarësuar në Organizaten Botërore të
Tregtisë (OBT ) më 8 shtator 2000, duke synuar pjesëmarrje më aktive të vëndit në sistemin
tregtar shumëpalësh, hapjen e tregut të brendshëm dhe krijimin e një mjedisi më tërheqës
ndaj investitorëve të huaj , si dhe trajtimin më të favorshëm dhe të drejtë për operatorët
tregtarë vendas dhe të huaj. Nëse gjatë kësaj kohe janë arritur suksese në nënshkrimin e
shumë marrëveshjeve të tregëtisë së lirë, në fushën e transporteve, infrastrukturës, këto
veprime akoma nuk kanë dhënë eficiencën e duhur në përshpejtimin e ritmeve për vënien në
efiçensë të këtij kooperimi tregtar dhe tarifor, duke zhvilluar të njëjtin proçes liberalizimi
edhe në tregun e brendshëm i cili mund të sjellë energji të reja drejt zhvillimeve industriale,
kërkimeve dhe zhvillimeve për produkte dhe biznese të reja për eksport, zhvillimin e një
ambienti të pershtatshëm për kulturën e sipërmarrjes, zhvillimin e rrjeteve të biznesit,
kooperimin teknollogjik dhe inovacionin.
2.4.2 Çfarë avantazhesh dhe disavantazhesh na sjell tregtia e lirë?
Ka pikpamje dhe debate të ndryshme lidhur me tregtinë e lirë. Si ç’do fenomen ashtu dhe
liberalizimi i tregtisë ka anët pozitive dhe anët negative të cilat kanë dhjetra vite që
diskutohen nga ekonimistë e politikanë. Për pasojë është krijuar një bindje jo e mirë, sipas së
cilës tregtia e lirë është një “instrument” që na imponohet nga jashtë, dhe ne duke qenë të
pafuqishëm dhe të varur nga ndihma ekonomike perëndimore, duhet ta pranojmë. Por nga ana
tjetër liberalizimi i tregtisë do të sjellë përfitime të konsiderueshme jo vetëm ekonomike por
do sjellë siguri, paqe, dhe prosperitet në vend.
Liberalizi i tregtisë do të sjellë:
Nxitjen e investimeve të huaja
Duke qenë se ekonomitë e vendeve të Ballkanit të marra veçmas janë shumë të vogla,
integrimi ekonomik dhe krijimi i zonës së tregtisë së lirë në rajon do të krijojë një treg më të
madh dhe do ta bëjë rajonin joshës për investitorët e huaj, si dhe institucionet financiare
~ 18 ~
ndërkombëtare. Gjithashtu një faktor tjetër që do të ndikojë në mënyre direkte në inkurajimin
e investimeve, krijimin e vëndeve të punës dhe përfitimin e efekteve të konkurrrecës nga
konsumatoret është stabiliteti i tarifave dhe parashikueshmeria.
Rritja e konkurencës
Një instrument mjaft i rëndësishëm i zhvillimit ekonomik është edhe reduktimi i pagesave
tregtare. Të gjitha vendet kanë asete njerëzore, industriale e financiare të cilat i përdorin për
të prodhuar produkte dhe shërbime për tregun e tyre të brendshëm dhe eksport. Nëse do kemi
import dhe eksport vendi do të ketë një rritje të zhvillimit ekonomik. Politikat e tregtisë
liberale lejojnë lëvizjen e lirë të produkteve dhe shërbimeve, përmirsojnë konkurrencën,
motivojnë inovacionin dhe mbjellin sukses.
Plotësim të nevojave të konsumatorit
Nëse do të ruanim privilegjimin e prodhimit vendas me tarifa doganore, ne thjesht dëmtojmë
konsumatorin pasi eliminojmë mundësinë e konkurrencës. Konsumatori duhet të ketë të
drejtë të zgjedhë në mënyrë të lirshme mes një produkti vendas dhe një të huaj pa qënë i
ndikuar nga arbitrariteti shtetëror që kushtëzon këtë zgjedhje me anën e barrierave
proteksioniste. Pra liberalizimi do të sjellë përmirësimin e cilesisë, shumëllojshmërisë,
çmimeve dhe mundësinë e plotësimit të nevojave të konsumatorit.
Influencë e mundshme në uljen e çmimeve
Eliminimi i tarifave doganore do të sillte konkurrencën dhe do të ulte çmimet e mallrave të
importuara. Kjo gjë do të përmiresonte buxhetet dhe mirqënien e shqiptarëve si dhe do të
shtonte kursimin. Për rrjedhojë më shumë njerëz do të siguronin akumulimin fillestar të
kapitalit të nevojshëm për më shumë investime në të ardhmen.
Përmirësim të buxhetit tregtar
Duke qënë se taksat doganore do të eleminohen investitorët shqitarë do të kenë më shumë
mundësi për të rritur buxhetin e tyre. Investimet e kompanive shqiptare duhet të rialokohen
në ata sektorë ku kemi përparësi konkurruese siç jane: turizmi, tekstilet dhe lëkurët, ujrat
minerale, bujqësia organike, bimët medicinale, industria ushqimore e ndonjë sektor tjetër ku
~ 19 ~
potencialisht mund të kemi avantazhe konkurruese. Duke u prodhuar në vend do ketë më
shumë vende pune, do ulet inflacioni, kjo do të çojë në rritjen e të ardhurave për frymë.
Efektet negative:
Ulja e prodhimit vëndas si pasojë e konkurrentëve të jashtëm, si dhe ulja e
nivelit të të ardhurave të buxhetit si pasojë e uljes së tarifave
Liberalizimi i OBT demton prodhimin vëndas për faktin se biznesi shqiptar nuk i bën dot
ballë konkurrencës. Për rrjedhojë një pjesë e vogël e bizneseve Shqiptare do kenë probleme
në fillim nga tregtia e lirë pasi eleminimi i tarifave doganore favorizon së tepërmi produktet e
huaja, pra importet, ndërkohë që biznesi prodhues vëndas do të ndodhet përballë një
konkurrence më të fortë gjë që mund të çojë drejt falimentit shumë prej tyre. Kjo do të
ndikojë dhe në GDP, duke e ulur atë, ç’ka nënkupton edhe rrugë drejt reçensionit. Nga
kjo presupozohet se në tregun shqiptarë do të jetë shumë e vështirë për bizneset vendase të
realizojnë investime në shuma të mëdha për të rritur standartet e tyre në cilësinë e produkteve
të vendeve të tjera
Kontrabanta
Kontrabanta e mallrave është një faktor shqetësues për ekonominë vëndase.
2.4.4 Sfidat e Shqipërisë përkundrejt liberalizimit të tregtisë
Një ndër sfidat e vëndit tonë është që të mundësojë dhe të investojë në faktorë që do të
shndërrojnë gradualisht strukturën ekonomike. Duhet theksuar fakti se tashmë politikat e
zhvillimit të SME-ve, eksporteve dhe IHD-ve do të jenë të bashkërenduara mirë dhe të
koordinuara në një lidhje organike midis krijimit, rritjes dhe internacionalizimit të biznesit
vendas si dhe mundësive të partnershipit midis IHD dhe SME-ve në zinxhirin e vlerës.
Një tjetër sfidë është përshtatja e legjislacionit për bizeneset dhe influencimi i tarifave për
regjistrimin e tyre, krijimi i një klime të qëndrueshme politike etj. Heqja e tarifave doganore
do të ketë ndikimet e saj paksa negative në buxhetin e shtetit dhe nga ana tjetër favorizon
bizneset. Por gjithsesi duhet patur parasysh se dogana nuk do hiqet për të gjitha produktet,
në këtë mënyrë do stimulohet prodhuesi vendas për të rritur ofertën në vend, dhe nga ana
tjetër, kërkesa e konsumatorit do të perballohet, sepse kostoja e prodhimit, si fuqia punëtore,
~ 20 ~
lënda e parë e shumë të tjera në vend do jetë më e vogël se ajo jashtë. Po nëse
tarifat doganore do të hiqen totalisht, shteti duhet të përkrahë biznesin vendas duke ulur
taksat, duke i subvencionuar ato dhe duke i dhënë përparësi prodhimit në vend dhe kjo do të
sjellë një ekuilibrim të peshores komerciale. Gjithsesi tregtia e lirë me BE-në ka gjithmonë
kosto, por përfitimet janë më të mëdha.
Pavarësisht avantazheve dhe disavantazheve që na sjell liberalizimi i tregtisë duhet të
pranojmë që procesi i globalizimit është një proces i pakthyeshëm. Kufijtë shtetërorë vlejnë
gjithnjë e më pak dhe volumi i tregtisë ndërkombëtare sa vjen e rritet. Për rrjedhojë rënia e
barrierave proteksioniste është i pashmangshëm. Edhe bastionet e fundit të ekonomisë së
planifikuar dhe proteksioniste po bien pak e nga pak. Ndaj në rastin e vendit tonë na takon të
gjithëve që t’a kuptojmë se liberalizimi është një e ardhme e pashmangëshme, prandaj duhet
që të përgatitemi sa më mirë për të.
Kapitulli III
3.1 Mënyrat e financimit
Bizneset cilado qoftë madhësia e tyre krijohen me parimin e vazhdimësisë
së veprimtarisë. Për këtë arsye për të përmbushur këtë parim investojnë
për prodhimin e produkteve dhe shërbimeve që ofrojnë, gjithashtu
mundohen të investojnë në zgjerimin e veprimtarisë së tyre për periudha
me afat jo të shkrurtër. Fondet, ose më saktë paratë janë faktor kryesorë
që një biznes të zhvillojë veprimtarinë e tij. SME-të nga kuptimi parësor i
fjalës përfshijnë bizneset e vogla dhe të mesme por dhe edhe sepse kemi
një kategorizim të njejtë për të gjithë, fuqia financiare e bizneseve është e
ndryshme nga një biznes në tjetrin. Një biznes i fuiqshëm financiarisht, do
të thotë se ka aftësinë që t’i sigurojë vetë fondet për vazhdimësinë e
mëtjeshme të veprimtarisë. Një tjetër biznes ndodh që nuk e ka këtë
aftësi dhe duhet një palë e tretë t’i japi jetë, t’a financoje, t’a kreditojë. Të
~ 21 ~
kreditosh, burimi i kësaj fjale vjen nga latinishtja ‘’credo’’ që do të thotë
“besoj,” pra kjo palë e tretë me anë të fondeve që i ofron i jep besimin që
biznesi ynë pas një periudhe kohë t’ia rikthjë këto fonde në bazë të disa
kushteve të përcaktuara.
Burimet e rëndësishme financiare nga SME-të:
Burimet financiare Vlerësimi Rradhitja
Kapitali familiar/individual 2.8 1
Financat e vogla 2.3 2
Kapitali i riinvestuar 2.2 3
Kredita e bankave tregtare 2.0 4
Të tjera (unionet e kreditit) 1.9 5
Lisingu 1.5 6
Shënim: Vlerësimet janë bërë për të dhënë një pasqyrë të burimeve financjare në
mënyrë të saktë të parë nga këndvështrimet e sipërrmarrjeve si më poshtë:
1= shumë varfër, 2=varfër, 3=mesatarisht, 4=mirë, 5=shumë mirë
3.1.1Burimet e financimit të brëndshëm:
Firmat në biznes sigurojnë kapitalin financiar nga brënda firmës duke
mbajtur fitimet e gjeneruara. Këto fonde përfaqësojnë ndryshimin pozitiv
ndërmjet shpenzimeve që krijon biznesi. Është mëse normale që burimi
primar i financimit të rritjes së ndërrmarrjeve të jetë fitimi i periudhës.
Riinvestimi i fitimit është një burim i rëndësishëm i fondeve për
ndërmarrjet shqiptare duke pasur parasysh dhe faktin që niveli i
financimit nga burimet e tjera të fondeve ka qënë në nivele të ulëta. Një
burim tjetër i bredshëm i financimit që shpesh nuk vihet re, janë kursimet
e gjeneruara përmes menaxhimit më eficient të kapitalit punues. Fitimet e
mbajtura dhe burimet e tjera të brëndshme të financimit përbëjnë pjesën
më të madhe të fondeve financiare për financimin e aktivitetit të firmave
~ 22 ~
në biznes. Sot mbi 70 % e fondeve që financojnë rritjen e bizneseve
sigurohen nga burimet e veta, kryesisht nga riinvestimi i fitimit.
3.1.2Burimet e financimit të jashtëm:
Ekzistojnë një mori e burimeve të jashtme të financimit, të cilat duke u
lidhur me veprimtarinë e SME-ve klasifikohen si burime financimi
nëpërmjet borxhit. Firmat të cilat zgjedhin të financohen me burime të
jashtme kanë parasysh se këto të fundit mund të klasifikohen :
sipas afatit ( financimi afatshkurtër dhe financimi afatgjatë).
sipas institucionit që i siguron këto fonde (sigurimi i fondeve
financiare përmes tregut financiar, apo përmes ndërmjetësve
financiarë).
3.1.2.1 Pa ndermjetës (financim i drejtëpërdrejtë)
Njësia sufiçitare që ka tepricë fondesh i jep hua palës tjetër që ka
mungesë në fonde. Keto transaksione kryhen pa qënë nevoja për një
ndërmjetës.
Disa shembuj të financimit të drejtpërdrejtë janë :
Kredia informale:
Për biznesin e vogël ndodh shpesh që një nga format e financimit të jetë
dhe kredia informale, që do të thote se marrin hua pa ndihmën e
ndermjetësve financiare. Këto kredi merren përgjithësisht nga persona të
njohur.
Investitorët:
Investitorët janë ofrues fondesh të konsiderueshme të cilët nuk kërkojnë
një normë të caktuar kthimi vjetor, por një përqindje të fitimit total nga i
gjithë projekti pavarësisht se kur përfundon ai.
Kredia tregtare dhe financimi nga klientët:
Kredia tregtare ka të bëjë me pagesat e shtyera të bizneseve për mallrat
dhe shërbimet që ata blejnë nga furnitorët e tyre. Kjo formë financimi
~ 23 ~
është mjaft e përhapur në bizneset shqiptare. Janë të njohura fenomenet
e shitjes së mallrave me pagesa të shtyera.
Kleringu
“Kleringu”është një metodë ligjore tregtie dhe nuk përbën asnjë problem
derisa çdo veprim kryhet nëpërmjet kontratës (bëhet fjalë për shkëmbimin
mall me mall). Sektori që e përdor më shumë këtë mënyrë financimi është
ai i ndërtimit por kjo është një mënyrë që njihet dhe përdoret edhe në
sektorë të tjerë si bujqësia, shërbimet etj.
3.1.2.2 Me ndërmjetës (financim i tërthortë)
Ndërmjetësit financiarë kanë si qellim kalimin e fondeve nga njësitë që
kanë tepricë fondesh, tek ato që kanë mungesë fondesh. Ndërmjetësit
financiar dhe veçanërisht bankat luajnë rol primar në financimin e rritjes
së bizneseve në Shqipëri. Aktualisht në Shqipëri funksionojnë tre nivele
zyrtare për financimin e bizneseve:
Mikrokrediti
Mikrokrediti mund të konsiderohet si një lloj para-financimi për SME-të.
Niveli i financimit të SME-ve nga këto institucione ka pasur një rritje të
ndjeshme sidomos vitet e fundit. Numri i bizneseve që kërkojnë kredi nga
këto institucione sa vjen dhe rritet.
Fondet e investimeve për SME-të
Këto fonde kanë për qëllim zhvillimin e sektorit privat në Shqipëri dhe
sigurimin e financimit për SME-të që operojnë në Shqipëri. Këto fonde janë
të drejtuara më tepër nga ndërmarjet e medha dhe të mesme.
Huatë bankare
3.2 Roli i bankave në financimin e rritjes së SME-ve
Ndërsa disa vite më parë ishin vetëm pak banka private tregtare që
kishin degë jashtë Tiranës, kjo situate është përmirësuar ndjeshëm.
~ 24 ~
Shumica e bankave që operojnë aktualisht në Shqipëri tani kanë degë në
disa qëndra të rëndësishme urbane dhe proçesi i zgjerimit të tyre po
vazhdon. Sot bankat tregtare sigurojnë pjesën dërmuese të fondeve për
bizneset në Shqipëri. Në ndryshim nga vitet e kaluara, kredia për sektorin
privat të ekonomisë parashikohet të zërë pjesën më të madhe të kërkesës
së brendshme të ekonomisë për mjete monetare. Bizneset po interesohen
të përdorin huamarrjen bankare si burim financimi, gjë që tregon që edhe
vetë bankat po priren përherë e më tepër të angazhohen në kreditim.Vetë
bankat po mundohen të profilizohen duke zënë secila prej tyre pjesën e
vet të tregut dhe disa prej tyre preferojnë kreditimin e bizneseve të vogla
e të mesme (SME) apo ato të sapolindura, në financimin për zgjerim të
aktivitetit të tyre. Nga vrojtime të Bankës së Shqipërisë mbi aktivitetin
kreditues të bankave është vënë re një rritje e preferencës për kreditimin
e biznesit të mesëm dhe të vogël, pasi ndërmarrjet e vogla dhe të mesme
janë shndërruar në një nga forcat kryesore lëvizëse të rritjes ekonomike të
vend. Është e qartë se një ekonomi tregu e zhvilluar nuk mund të
kuptohet pa bankat. Rritja e aktivitetit bankar do të ndihmojë në lidhjen
më të mirë të sektorit bankar me pjesën tjetër të ekonomisë. Faktori me
kontributin kryesor në nxitjen e kërkesës për kredi mbetet nevoja për
financimin e kapitalit qarkullues. Gjithashtu kërkesa për kredi është nxitur
edhe nga nevoja e financimit te investimeve.
3.2.1 Kredi për investime
Bankat sigurojnë financimin për blerjen e aktiveve të
qëndrushme përfshirë:
Ndërtimet e reja, punime rikonstruksioni, zgjerime etj.
Financimi i projekteve.
Investime në makineri të ndryshme.
~ 25 ~
3.2.2 Kushtet e kreditimit
1. Shuma
Shuma minimale e kredisë varion në varësi të bankave. Maksimumi është
në varësi të nevojave që ka klienti, aftesisë paguese dhe vlerës së
garancisë së ofruar.
2. Monedha
Gjatë vitit të kaluar sistemi bankar ka kredituar më shumë në monedhë
te huaj. Faktorët kryesorë nxitës të kërkesës së bizneseve për kredi në
valutë janë:
diferenca në normat e interesit ,
burimi i të ardhurave në valutë të huaj,
shpenzimet në valutë,
prirjet për kurset e këmbimit,
prirjet për normat e interesit.
Kredia në valutë ka shënuar një ritëm pozitiv të rritjes vjetore, ato janë
përdorur nga SME-të kryesisht për financimin e investimeve si dhe
mbulimin e nevojave për likuiditet. Një nga arsyet e mbajties së marzheve
të larta për kreditë afatgjata në euro është rreziku i kursit të këmbimit dhe
monitorimi strikt nga bankat, megjithate normat e tyre të interesit gjatë
vitit të kaluar kanë pasur një prirje rënëse sidomos për kreditë me afate
maturimi deri në 5 vjet . Ndërkohë në afatgjatë për pasuri të paluajtshme
~ 26 ~
bankat hezitojnë të akordojnë kredi, madje norma e interesit për kredi të
tilla në euro, ne vitin e kaluar ka pasur prirje rritëse.
Bankat preferojnë kreditim në monedhë vendase për pasuri të
paluajtshme. Normat e interesit për kreditë në lekë kanë qënë të
luhatshme dhe të ndryshueshme gjatë muajve të ndryshëm. Këto
ndryshime janë ndikuar nga interesa promocionale të disa bankave të
vecanta për overdraft dhe kredi për investime për bizneset.
3. Afati
Kredia për investime mund të shlyhet për një periudhë kohe të caktuar,
kjo në varësi të investimit të bërë në bankën tregëtare.
4. Normat e interesit
Normat e interesit janë të negociushme, në varësi të rrezikut që paraqet
çdo kredi dhe kushteve që ofron tregu. Ato mund të jenë të ndryshushme
ose fikse. Në varësi të monedhës, interesat e ndryshueshëm përcaktohen
sipas Bonove të thesarit 12 mujore, Euribori 12 mujor, Libori 12 mujor.
Ndertesa të ndryshme siç janë: dyqanet, zyrat, magazinat, pasurite
industriale, restorantet, hotelet dhe shtepite ej. Vlera totale e pasurive të
patundshme do të jetë më e madhe se 125% e shumës së huasë në varesi
te shumes, maturimit, periudhës së interesit, qëllimit dhe sektorit të
huasë. Pasuria nuk do te jetë e vlefshme në rast se nuk është e
rregjistruar në përputhje me ligjet ekzistuese shqiptare. Një çertifikatë e
pasurisë e lëshuar nga Zyra e Hipotekimit në muajt e fundit i kerkohet
klientit në momentin e prezenatimit te dokumentave në bankë. Raporti
vleresues i pasurisë së patundshme apo i aktiveve të tjera fikse përgatitet
nga eksperti vleresues i klientit.
~ 27 ~
Nga pyetësorët e shpërndarë rezulton se shumë pak prej bizneseve në
këtë qytet janë të informuar plotësisht për kushtet e kredive që ofrojnë
bankat, pasi pjesa më e madhe e tyre mendojnë se kanë një informacin
te mjaftueshem për këto kushte.
3.2.3 Rritja e nivelit të kreditimit dhe krijimi i fondit shqiptar të garantimit të kredive
Financimi i SME-ve vlerësohet si një nga pengesat kryesore nga SME-te. Stabiliteti
ekonomik është esencial në përmirësimin e aksesit në financa të SME-ve, gjithashtu dhe
krijimin e një sektori financiar miqësor ndaj bizneseve.
Qeveria Shqipëtare kërkon që ta fuqizojë më shumë financimin e SME gjatë viteve të
ardhshme, për ta rritur 3-4 herë më shumë, nëpërmjet përdorimit dhe të disa
instrumentave të tjerë në mbështetje të SME-ve.
Ekziston një kërkesë gjithnjë në rritje nga ana e SME-ve për financimin nëpërmjet
kreditimit. Për këtë arsye ekziston nevoja për një vazhdim dhe zgjerim rajonal nëpërmjet
degëve të bankave, të linjave ekzistuese të kreditimit të perqendruara tek SME-të, të cilat
ofrohen nga bankat tregtare apo edhe nga disa donatorë që kontribuojne në financimin e SME-
ve.
Krijimi dhe zbatimi i Fondit të garantimit të kredive për eksport në vlerë prej2 Mln US
Dollarë, do të vazhdojë të përdoret për një periudhe kohore prej 6 vjetësh në ndihmë të
SME-ve eksportuese.
Aplikimi i instrumentave të tjerë financiare si:
zbatimi i faktoringut
përmirësimi i leasingut
skema të garantimit
skema të garantimit publik-privat
3.2.4 Rritja e fondeve per mikrokredi
Do të vazhdojë mbështetja e institucioneve jofinanciare me fond të
mikrokredisë nga donatorë të huaj dhe nga qeveria shqipëtare.
3.2.5 Forcimi i kapaciteteve te Institucioneve te Mikrokredise
Nevojitet forcimi i mëtejshëm i kapaciteteve të institucioneve të
~ 28 ~
mikrokredisë si dhe shtrirja e tyre për të mbuluar me fonde
mikrokrediezonat urbane dhe rurarle në të gjithë territorin e vendit.
3.3 Problemet me kreditë për SME-të
Bizneset përballen me vështirësi në marrjen e kredive nga bankat dhe institucionet
kredidhënëse, kjo për shkak se bizneset, sidomos ato bujqesore nuk janë konsoliduar ende
dhe paqartësia e pronësisë mbi tokën bën që risku për të dhënë kredi tek këto biznese të jetë
shumë i lartë. Per institucionin financiar huadhenes prania e nje kapitali të mjaftueshëm eshte
faktor i rendësishem. Ai e siguron atë për aftesinë e huamarresit për të perballuar një humbje
të mundëshme aftashkurter pa deklaruar falimentimin.
Një ndër problemet e bizneseve për të marrë një kredi është vlera e lartë e kolateralit që
kërkojnë bankat, e krahasuar me vlerën e kredisë së aplikuar. Ky faktor lidhet me riskun e
lartë që bankat perceptojnë për tregun, me pasigurinë e bankës në lidhje me të ardhurat e
klientit. Arsye tjetër që vështirëson dhënien e një kredie është vështirësia për të verifikuar të
ardhurat e biznesit, pasi shumë prej bizneseve paraqesin nje pasqyre financiare jo reale të të
ardhurave.
Ndërkaq, normat e interesit për kreditë janë shumë të larta po të krahasohen me normat e
interesit të ofruara për depozitat. Normat e interesit për kreditë e marra varen nga shuma e
financimit. Sa më e vogël të jetë shuma e financimit, aq më e lartë është norma e interesit.
Tjetër faktor negativ, i cili konsiderohet vështirësi për sistemin bankar është intervali shumë i
madh nga 3% - 19%, midis të cilit lëvizin interesat për kredinë konsumatore të perferuara më
shumë nga biznesi i vogël.
3.4 Kreditimi i SME-ve gjatë dhe pas krizës
Në Shqipëri kohët e fundit është vënë re një rritje të kërkesës për kredi nga bizneset e vogla
dhe të mesme, por oferta për kredidhënie ka qëne e kufizuar. Bankat kanë shtrënguar
standartet e kreditimit të kredive për bizneset e vogla dhe të mesme për shkak të disa
faktorëve siç janë :
Problemet specifike të sektorit ku operon biznesi:
situata makroekonomike
~ 29 ~
gjëndja e kredive me probleme
pamundësia e biznesit për të mbuluar me kolateral kredinë
Shkalla e shtrëngimit të standardeve të kreditimit ka qënë më e lartë për kreditë për investime
sesa për atë për kapital qarkullues. Kjo politikë shtrenguese e bankave është realizuar
nëpërmjet rritjes së marzheve për kreditë me rrezik më të lartë dhe rritjes së kërkesës për
kolateral. Rritja e madhesisë së kredisë së miratuar si dhe zgjatja e maturitetit maksimal të
shlyerjes së kredisë kanë shërbyer për zbatimin e një politike më lehtësuese kreditimi.
Faktori i vetëm që ka dhënë një kontribut tepër të lehtë por pozitiv në lehtesimin e
standarteve është niveli i konkurrences në sistemin bankar.
Kapitulli IV
4.1 Konkluzione
Ndërmarjet me 1-4 të punësuar dominojnë tregun vendas, dhe pjesa më e madhe e tyre
operojnë në sektorin e tregtisë.
Barrierat më të rëndësishme me të cilat përballen bizneset në sektorin e SME-ve janë:
konkurrenca e pandershme, niveli i larte i taksave si dhe fuqia e ulet blerëse e
popullsise.
Në përgjithësi, gjatë ushtrimit të veprimtarisë së tyre SME-të e përqëndrojnë
vëmëndjen tek: cilesia e mire e produktit/shërbimit, njohuritë profesionale dhe
shërbimi i shpejtë, të cilat i shohin edhe si përparësitë e tyre konkuruese përballë
konkurentëve.
Pengesa kryesore në kryerjen e investimeve është situate financiare dhe mungesa e
fuqisë blerëse.
~ 30 ~
SME-të gjatë veprimtarisë së tyre ekonomike kanë nevojë të financohen si për kapital
qarkullues ashtu dhe për të investuar në zgjerimin e veprimtarisë së biznesit të tyre.
Dy mënyrat kryesore janë ajo e riinvestimit të fitimit, që rrjedh nga diferenca pozitive
midis të ardhurave dhe shpenzimeve ,pra financimin e brëndshëm dhe menyra tjetër
është nëpërmjet financimit me anë të borxhit. Ky lloj financimi mund të jetë me ose
pa ndermjetës, që do të thotë se egziston një palë e tretë që ndihmon ose jo në kalimin
e fondeve nga njësia që ka tepricë fondesh tek njësia që ka mungesë fondesh.
Bankat e nivelit të dytë në Shqipëri luajnë rolin kryesor në financimin e SME-ve. Nga
vrojtime të Bankës së Shqipërisë mbi aktivitetin kreditues të bankave, është vënë re
një rritje e perferencës për kreditimin e biznesit të mesëm dhe të vogël, pasi
ndërmarrjet e vogla dhe të mesme janë shndërruar në një nga forcat kryesore lëvizëse
të rritjes ekonomike të vend.
Llojet e kredisë, shumat që ofrohen, monedha që përdoret, normat e interesit, garancia
dhe elementë të tjerë përbërës së kredisë gjenden në çdo lloj banke të nivelit të dytë
por që specifikohen për biznese të vogla dhe të mesme në bazë të kërkesave ,
nevojave dhe përfitimeve që ato kanë.
Megjithë anët e shumta pozitive , egzistojnë edhe probleme në financimin e SME-ve
nga bankat, probleme që lidhen me vlerën e lartë të kolateralit që kërkojnë bankat,
normat e interesit të larta, probleme me pronësinë e kolateralit, afatet e maturimit të
shkurtra etj. Këto të dhëna dhe të tjera u evidentuan më saktë në analizën e
pyetësorëve.
Rreth 50% e SME-ve mendojnë se mënyra më e mirë për të finacuar biznesin e tyre
janë kreditë por jo të gjithë aplikojnë për kredi, për shkak të normave të larta të
interesit dhe të komisioneve, kjo përsa i përket bizneseve sepse bankat nga ana tjetër
vendosin standarte shtrëngimi për dhënien e kredive për shkak të mosbesimit në
aftësinë paguese të bizneseve dhe vërtetësinë e dokumenteve financiare
4.2Rekomandime
~ 31 ~
A. Krijimi i një klime biznesi të përshtatshëm për zhvillimin e SME-ve:
Përmirësimi i kuadrit rregullator, heqja e pengesave administrative që sjellin
kosto të tepërta gjatë krijimit dhe veprimtarisë së ndërmarrjeve.
Krijimi i një sistemi taksash që lehtëson sektorin e SME-ve
Studim fisibiliteti për rishikimin e modelit të regjistrimit të biznesit
B. Zhvillimi I kapaciteteve të SME-ve:
Hartimi i strategjisë së novacionit dhe transferimit të teknologjisë
Mbështetje e SME-ve në sektorët ekonomikë prioritar (prodhues)
Mbështetje SME-ve për njohjen dhe zbatimin e standarteve të sistemeve cilësisë ISO
9000
Përmiresimi i aksesit për informacion biznesi për SME-të në fusha të vecanta
Zhvillimi i infrastrukturës së biznesit, një rrjet kombëtar të konsulentëve për
komopanitë
Forcimi institucional, në nivel qëndror dhe lokal për mbështetjen e biznesit
C. Përmirësimi i financimit të SME-ve:
Krijimi i fondeve që do të aplikohet në pjesemarrjen në programet për sipërmarrjet
Për nxitjen e përmirësimit dhe transferimit të teknologjisë bashkëkohore dhe duke
pasur parasysh përqindjet e interesave të tanishme për kreditë, do të konsiderohet që të
ketë subvencione për përqindjet e interesave
Rritja e eficiences se institucioneve, thjeshtimi i praktikave administrative, krijimi i
nje regjimi stabel fiskal, masa te cilat realisht ulin koston e e biznesit. Ne jemi ne
proces te zbatimit te Reformes Rregullatore, qe orientohet ne objektiva afat-gjate, te
cilat synojne krijimin e nje mjedisi transparent, te parashikueshem, miqesor si dhe
cilesine e kuadrit rregullator per biznesin.
4.3 Literatura
Analiza e nevojave për trajnimin e SME-ve (ANT) 2011
Biberaj, E. (2001). Shqipëria në tranzicion: rruga e vështirë drejt demokracisë
~ 32 ~
Gazeta Probiznes, qershor 2010
INSTAT, raporte dhe statistika të ndryshme nga INSTAT
ISHSHP, (2005). Organizata botërore e tregtisë dhe biznesi Shqiptar
METE: “Strategjia për zhvillimin e SME-ve”-www.instat.gov.al
Vlerësimi I ndikimit të NVM-ve në rritjen ekonomike në Shqipëri
World Bank, 2011, “Doing business in 2011”
http://sbfalbania.org/pdf/qballiu-rationale_for_ppp.pdf
http://www.westernbalkans.info/upload/docs/Albania_SMEs.pdf
http://www..konfindustria.al/mat.php?lang=1&idm=89
Buletini Ekonomik i Bankës së Shqipërisë, 2011
Bundo, Sh.(2008). Financë. Tiranë
Gazeta Shqip , Nëntor 2011, Janar 2012
Hoti, I. Ekonomika e Parasë, Bankës dhe Tregjeve Financiare
Raportet mujore të Bankës së Shqipërisë, 2011
~ 33 ~