Upload
trinhtram
View
245
Download
0
Embed Size (px)
Citation preview
S T A T U T I
2
KREU I
DISPOZITA TË PËRGJITHSHME
Neni 1
Baza ligjore
Ky statut mbështetet në ligjin Nr. 9741, datë 21.05.2007, “Për arsimin e lartë në Republikën e
Shqipërisë”, i ndryshuar, aktet ligjore e nënligjore në fuqi për arsimin e lartë.
Neni 2
Veprimtaria e SHLUJ “Luarasi”
Shkolla e Lartë Universitare Jopublike “Luarasi”, këtu më poshtë SHLUJ “Luarasi”, është
institucion i arsimit të lartë me karakter mësimor, kërkimor dhe shkencor dhe është krijuar me
Vendim të Këshillit të Ministrave nr. 611, datë 11.09.2003, “Për dhënien e lejës për hapjen e
Shkollës së Lartë Universitare, Jopublike, “LUARASI.”
Neni 3
Personi juridik
SHLUJ “Luarasi” është person juridik, i njohur me vendim të Gjykatës së Shkallës së Parë
Tiranë Nr. 28233, datë 16.09.2002 dhe regjistruar pranë Qendrës Kombëtare të Regjistrimit Nr.
K31526058G, datë 26.03.2003, në emër të shoqërisë tregtare “Shkolla e Lartë Universitare
Jopublike “UNIVERSITETI “LUARASI” shpk. Adresa e saj është: Rruga “Dritan Hoxha”, nr.
127, (ish godina e Delegacionit të Komisionit Europian), Tiranë.
Neni 4
Misioni
SHLUJ “Luarasi” ka për mision:
1. Të formojë dhe të përgatisë specialistë të lartë dhe shkencëtarë të rinj në fushat që
mbulon nëpërmjet mësimdhënies dhe kërkimit shkencor.
2. Të kryejë kualifikimin shkencor në të gjitha ciklet e studimeve.
3. Të kryejë kurse të trajnimit, kualifikimit afatshkurtër dhe afatgjatë profesional,
bazuar në konceptin e të mësuarit gjatë gjithë jetës.
4. Të kryejë studime dhe kërkime shkencore, si dhe të ofrojë shërbime me kompetencë
profesionale në fushat që mbulon.
3
Neni 5
Autonomia dhe liria akademike
1. SHLUJ “Luarasi” gëzon autonomi dhe liri akademike në procesin mësimor dhe në kërkimin
shkencor në kuptimin e ligjit Nr. 9741, datë 21.05.2007, “Për arsimin e lartë në Republikën e
Shqipërisë”, i ndryshuar.
2. Autonomia e saj shprehet në mundësinë që:
a) Të vetëqeveriset nga organet dhe organizmat e veta, në përputhje me statutin dhe
rregulloret e saj;
b) Të organizojë strukturat e brendshme dhe veprimtaritë e tyre;
c) Të zgjedhë organet dhe autoritetet drejtuese;
d) Të zgjedhë personelin akademik dhe administrativ;
e) Të përcaktojë kushtet e pranimit të studentëve;
f) Të hartojë programet e studimit dhe projektet e kërkimit, si dhe të organizojë punë
kërkimore në kuadër të programeve të studimit;
g) Të miratojë tekstet në përdorim të studentëve të vet;
h) Të bëjë marrëveshje të pavarura me Qeverinë e RSH ose organizma të tjera për
trajnime, kualifikime ose projekte kërkimore;
i) Të bëjë marrëveshje me universitete, institucione, persona juridikë ose organizata të
tjera, vendase ose të huaja, publike ose private, për shkëmbime stafi akademik, për
mobilitet kurrikular, për ushtrim të praktikave mësimore nga ana e studentëve etj .
j) Të anëtarësohet në shoqata e organizata kombëtare dhe ndërkombëtare universitare;
k) Të krijojë lidhje bashkëpunimi me universitete dhe fakultete analoge brenda dhe
jashtë vendit;
l) Të organizojë aktivitete shkencore kombëtare dhe ndërkombëtare;
m) Të bëjë të njohur e të promovojë përmes shtypit, medias ose me mjete të tjera ligjore
qëllimin e shkollës, organizimin e saj, programet dhe specialitetet e kualifikimet që
ofron, si dhe arritjet e objektivave.
3.Liria akademike shprehet në lirinë e mësimdhënies, lirinë e kërkimit shkencor, lirinë e krijimit.
4.Mësimi dhe kërkimi shkencor zhvillohen në përputhje me rregullat e hapësirës europiane të
arsimit të lartë.
Neni 6
Paprekshmëria e SHLUJ “Luarasi”
4
Të gjitha mjediset e SHLUJ “Luarasi” gëzojnë paprekshmëri në kuptimin e ligjit Nr. 9741, datë
21.05.2007, “Për arsimin e lartë në Republikën e Shqipërisë”, i ndryshuar. Ndërhyja e organeve
të rendit publik në mjediset akademike bëhet me kërkesën ose lejën e Administratorit të SHLUJ
“Luarasi”. Vetëm në rastet e kryerjes së një krimi flagrant dhe në rastet e një fatkeqësie natyrore,
për dhënien e ndihmës së parë organet e rendit publik ndërhyjnë edhe pa lejen e tij.
Neni 7
Detyrimet e SHLUJ “Luarasi”
SHLUJ “Luarasi” detyrohet :
1. Të zhvillojë procesin mësimor e shkencor sipas standardeve të përcaktuara nga Ministria e
Arsimit dhe Sportit dhe të përgatisë specialistë të nivelit bashkëkohor.
2. Të raportojë në Ministrinë e Arsimit dhe Sportit çdo vit akademik për veprimtarinë e saj
mësimore shkencore dhe të përmbushë cdo detyrim të parashikuar nga aktet ligjore e
nënligjore në fuqi
3. Të kryejë brenda afatit ligjor procesin e vlerësimit dhe të akreditimit, i cili bëhet i njohur
për publikun.
4. Të bëjë publike kërkesat për regjistrimin dhe ndjekjen e programeve të studimit
(programet e studimeve Bachelor, Master Profesional, Master i Shkencave, specializimet,
kualifikimet që ofron, etj).
5. Të bëjë publike kërkesat arsimore e të kualifikimit për profesoratin, organet drejtuese,
trupën mësimore dhe atë kërkimore-shkencore.
KREU II
STRUKTURA ORGANIZATIVE
Neni 8
Struktura e SHLUJ “Luarasi”
SHLUJ “Luarasi” përbëhet nga dy fakultete: Fakulteti i Drejtësisë dhe Fakulteti i Ekonomisë.
Neni 9
Fakulteti i Drejtësisë
Fakulteti i Drejtësisë përbëhet nga tre departamente.
5
1. Departamenti i së Drejtës Penale;
2. Departamenti i së Drejtës Private dhe Civile;
3. Departamenti i së Drejtës Publike dhe Administrative.
Neni 10
Fakulteti i Ekonomisë
Fakulteti i Ekonomisë përbëhet nga tre departamente.
1. Departamenti i Financë – Bankë;
2. Departamenti i Administrim Biznesi;
3. Departamenti i Ekonomiksit.
Neni 11
Njësitë ndihmëse të SHLUJ “Luarasi”
SHLUJ “Luarasi” ka njësitë ndihmëse të cilat janë: sesionet, laboratorët, biblioteka, etj. Njësi të
tjera administrative dhe ndihmëse parashikohen në Rregulloren e SHLUJ “Luarasi”.
KREU III
ORGANET DHE AUTORITETET DREJTUESE
TË SHLUJ “LUARASI”
Neni 12
Organet drejtuese të SHLUJ “Luarasi”
Organet drejtuese me natyrë akademike të SHLUJ “Luarasi” janë: Senati Akademik, Rektorati,
Këshilli i Etikës dhe Këshilli i Fakultetit, ndërsa organi drejtues me natyrë menaxheriale është
Administratori i SHLUJ “Luarasi”, i cili është hallka lidhëse midis organeve drejtuese
akademike dhe asamblesë së ortakëve.
Neni 13
Autoritetet drejtuese të SHLUJ “Luarasi”
Autoritetet drejtuese me natyrë akademike të SHLUJ “Luarasi” janë: Rektori, Dekani dhe
Përgjegjësi i njësisë bazë.
6
Neni 14
Senati akademik
Senati akademik është organ kolegjial vendimmarrës i SHLUJ “Luarasi.”
Senati akademik përbëhet nga personeli akademik efektiv, 1 përfaqësues i personelit ndihmës dhe administrativ, i zgjedhur me votim, dhe Kryetari i Këshillit të Studentëve.
Rektori është anëtar dhe kryetar i Senatit për shkak të detyrës.
Mandati i Senatit është tre vjecar; mënyra e funksionimit të Senatit përcaktohet në Rregulloren e
SHLUJ “Luarasi”.
Senati mblidhet në seanca të zakonshme një herë në dy muaj me thirrjen e Rektorit të SHLUJ
“Luarasi”. Rendi i ditës i propozuar prej tij miratohet nga Senati. Ai mund të mblidhet edhe në
seanca të jashtëzakonshme me thirrjen e Rektorit të SHLUJ “Luarasi”.
Senati ka këto kompetenca :
a) përcakton drejtimet kryesore të punës mësimore shkencore.
b) miraton programet mësimore të fakulteteve;
c) miraton normat vjetore të ngarkesës mësimore shkencore për personelin akademik;
d) miraton Statutin dhe Rregulloren e SHLUJ “Luarasi” me 2/3 e votave të anëtarve të
tij;
e) vlerëson, miraton programet e reja të studimit, të kërkimit e të zhvillimit apo pjesë të
tyre, si dhe hapjen, ndryshimin apo mbylljen e njësive mësimore e kërkimore;
f) miraton propozimet e Këshillave të fakulteteve për dhënien e titujve shkencorë;
g) miraton planin strategjik të zhvillimit të SHLUJ “Luarasi”;
h) miraton strukturën dhe organigramën e Fakulteteve;
i) shqyrton dhe miraton raportin vjetor të veprimtarisë mësimore dhe kërkimore
shkencore të SHLUJ “Luarasi” në një mbledhje të hapur për të gjithë personelin
akademik, administrativ dhe për studentët;
j) siguron që kryerja dhe vlerësimi i të gjitha provimeve të bëhet në përputhje me
standardet e institucionit që garantojnë cilësinë dhe transparencën e duhur.
Neni 15
Rektorati
Rektorati është organ kolegjial ekzekutiv, që përbëhet nga:
a) Rektori;
b) Zëvendësrektori;
7
c) Dekani i cdo fakulteti;
d) Kancelari.
Rektorati kryesohet nga Rektori. Funksionet kryesore të Rektoratit janë:
a) harton planin strategjik të zhvillimit të SHLUJ “Luarasi”;
b) harton programin vjetor të veprimtarive shkencore dhe mësimdhënëse dhe ndjek
zbatimin e tyre pas miratimit në Senatin Akademik;
c) i parashtron Asamblesë së ortakëve përparësitë për financime mes njësive kryesore të
SHLUJ “Luarasi”;
d) zbaton të gjitha vendimet me natyrë akademike të miratuara nga Senati Akademik;
e) shqyrton planet dhe programet mësimore të cikleve të ndryshme të studimit, të
paraqitura nga Dekanët, në përputhje me dispozitat e këtij statuti dhe ia paraqet Senatit
për vlerësim;
f) raporton një herë në cdo semester në Senatin Akademik dhe paraqet Raportin vjetor të
veprimtarisë mësimore dhe kërkimore shkencore të SHLUJ “Luarasi” para Senatit.
Neni 16
Rektori
Rektori është autoriteti drejtues i SHLUJ “Luarasi”, i cili e përfaqëson atë dhe vepron në emër
dhe për llogari të tij.
Rektori emërohet nga Asambleja e Ortakëve dhe miratohet nga Senati Akademik me mandat
pesë vjecar, me të drejtën e rizgjedhjes.
Rektori i SHLUJ “Luarasi”duhet të ketë të paktën titullin “Profesor i asociuar” ose gradën
shkencore “Doktor” (“PHD”), të fituar pranë universiteteve perëndimore dhe me përvojë
akademike në këto universitete.
Marrëdhëniet ndërmjet shoqërisë tregtare dhe rektorit përcaktohen me kontratë.
Rektori ka këto kompetenca:
a) Drejton dhe përfaqëson SHLUJ “Luarasi” në aspektin mësimor dhe shkencor.
b) Është kryetar i Senatit për shkak të detyrës.
c) Propozon emërimin dhe shkarkimin e dekanëve të fakulteteve Asamblesë së ortakëve
përmes Administratorit të SHLUJ “Luarasi”, pasi merr mendimin e Këshillit të Fakultetit.
d) Lëshon diplomat e përfundimit të studimeve universitare për të gjitha ciklet e studimeve,
por nuk ka të drejtën e delegimit të firmës personave të tjerë për këtë kompetencë.
e) Vendos për shpërndarjen e “Bonusit Akademik” sipas kritereve të përcaktuara prej tij në
përputhje me nenin 53 të këtij Statuti.
8
f) Ngre Këshillin e Etikës pranë SHLUJ “Luarasi“ për probleme të etikës së jetës universitare
dhe merr vendime mbi bazën e rekomandimeve të këtij organi.
g) Ngre Njësinë e Sigurimit të Cilësisë për të realizuar kontrollin, matjen dhe zhvillimin e
cilësisë në SHLUJ “Luarasi”, e cila ka varësi të drejtpërdrejtë prej tij.
h) I bën kërkesë Këshillit të Akreditimit për vlerësimin e jashtëm të cilësisë dhe akreditimin e
programeve të studimit.
Neni 17
Zëvendësrektori
Zëvendësrektori emërohet nga Asambleja e Ortakëve dhe miratohet nga Senati Akademik.
Zëvendësrektori zëvendëson Rektorin në institucion në rast mungese të këtij të fundit dhe
kryen cdo detyrë që i delegohet shprehimisht në formë shkresore nga ana e Rektorit, përveç
atyre që legjislacioni për arsimin e lartë dhe ky statut i përcakton si ekskluzivitet i Rektorit.
Neni 18
Bordi i të Besuarve
Bordi i të Besuarve është organ kolegjial, këshillimor, i emëruar nga Asambleja e ortakëve, i cili
orienton politikat e zhvillimit të institucionit në fushën e studimeve, kërkimeve, administrative
dhe financiare.
Neni 19
Misioni
Bordi i të Besuarve orienton politikat e përgjithshme të organizimit, administrimit dhe
zhvillimit të SHLUJ “Luarasi”.
Ai ndërmerr politika që i krijojnë mundësi SHLUJ “Luarasi” të formulojë dhe kryejë misionin e
vet në mënyrë të tillë që të jetë në përputhje me interesat e komunitetit dhe të vetë SHLUJ
“Luarasi”.
Neni 20
Anëtarësia e Bordit
1. Anëtarët e Bordit janë figura publike me përvojë dhe reputacion në fushat e tyre respektive
si dhe në fushën e arsimit të lartë dhe të shkencës. Anëtarët e Bordit të të Besuarve nuk
duhet të jenë njëkohësisht anëtarë të bordeve, organeve drejtuese, apo autoriteteve drejtuese
në IAL të tjera private brenda territorit të Republikës së Shqipërisë, marrëdhëniet personale
9
apo financiare të të cilëve mund të ndikojnë vendimmarrjen dhe qëndrimet e tyre në
kundërshtim me interesat e IAL “Luarasi”.
2. Anëtarët e Bordit emërohen dhe shkarkohen nga detyra nga Asambleja e ortakëve, me
propozim të Administratorit të SHLUJ “Luarasi”.
3. Bordi i të Besuarve përbëhet nga jo më pak se 7 dhe jo më shumë se 11 anëtarë.
4. Mandati i anëtarëve të Bordit të të Besuarve është 2 vjet, me të drejtë ripërtëritje. Mandati i
anëtarit të tij merr fund:
a. me mbarimin e afatit të mandatit;
b. kur jep dorëheqjen ;
c. kur mungon pa arsye në 3 seanca mbledhjesh të Bordit. Në këtë rast bëhet zëvendësimi i
anëtarit të larguar nga Asambleja e ortakëve brenda katër javëve.
5. Shtimi i anëtarëve të Bordit ose zëvendësimi i tyre bëhet me parapëlqimin në parim të
Asamblesë së ortakëve dhe me shumicë votash nga anëtarët e Bordit.
Anëtarët e Bordit mund të largohen nga ky organ me vullnetin e tyre.
Neni 21
Organizimi i Bordit
Bordi zgjedh midis anëtarëve të tij kryetarin e Bordit me një mandat dyvjeçar, me të drejtë
rizgjedhjeje. Kryetari drejton veprimtarinë e Bordit dhe mbledhjet e tij. Në mungesë të tij, këtë
detyrë e kryen një anëtar i Bordit, të cilit i delegohet detyra me gojë ose me shkrim nga vetë
kryetari.
Bordi miraton edhe një sekretar. Sekretari është pjesë e stafit të SHLUJ “Luarasi”.
Neni 22
Mbledhja e Bordit
Mbledhja e Bordit quhet e vlefshme kur marrin pjesë shumica e anëtarëve të tij. Mbledhja
vjetore e Bordit mbahet në Shtator të çdo viti. Si rregull, Bordi thirret në mbledhje një herë në 4
muaj, me përjashtim të rasteve kur në mbledhjen e radhës vendoset ndryshe ose kur kryetari i
Bordit, Asambleja e ortakëve ose 1/3 e anëtarëve të Bordit kërkojnë mbledhje jashtë radhe.
Në fillim të mbledhjes së Bordit bëhet miratimi i materialeve të mbledhjes së mëparshme, të
zbardhura nga sekretari.
Neni 23
Veprimtaria e Bordit
Bordi miraton dhe mbështet misionin dhe qëllimin e SHLUJ “Luarasi”. Për të realizuar misionin
e tij Bordi:
10
1. I rekomandon Asamblesë së ortakëve ndryshimet e nevojshme në infrastrukturë (mjedise
mësimore dhe ndihmëse, teknologji të reja të mësimdhënies dhe edukimit, literaturë etj.),
në cilësi akademike (kualifikime të trupit akademik, trajtime financiare, krijim i lidhjeve me
institucione homologe etj) dhe në veprimtaritë e SHLUJ “Luarasi” (konferenca, takime,
veprimtari publike, marketing etj.);
2. Jep rekomandime dhe orienton shfrytëzimin sa më të mirë të buxhetit të SHLUJ “Luarasi”
të dërguar në Bord nga administratori, para miratimit përfundimtar të tij nga Asambleja e
ortakëve;
3. Udhëzon dhe orienton për rritjen e efektivitetit të veprimtarive publike dhe të procesit të
marketingut që zhvillohet në kuadër të vetë SHLUJ “Luarasi”;
4. Nëpërmjet rektorit, dekanëve, drejtorëve të programeve, ose përfaqësuesve të nderit,
ndihmon e ndërhyn në krijimin e lidhjeve të SHLUJ “Luarasi” me institucione të tjera
homologe, brenda dhe jashtë vendit.
Neni 24
Këshilli i Etikës
Këshilli i Etikës ngrihet pranë SHLUJ “Luarasi” me urdhër të Rektorit dhe diskuton probleme të
etikës së jetës universitare.
Këshilli i Etikës përbëhet nga 4 anëtarë, përfaqësues të stafit akademik, administrativ dhe të
studentëve.
Mbledhja e Këshillit të Etikës thërritet në nga kryetari i tij, i cili përcakton rendin e ditës së
mbledhjes. Mbledhjet janë të vlefshme kur në to marrin pjesë të paktën 3 anëtarë. Vendimet e
Këshilli të Etikës merren me shumicën e votave të pjesmarrësve në mbledhje dhe i referohen
Rektorit. Vendimet e tij paraqiten për miratim Rektorit.
Këshilli i Etikës ka kompetencat e mëposhtme:
1. Diskuton për problem të etikës në mbarëvajtjen e procesit mësimor dhe gjithë
veprimtarisë institucionale.
2. Diskuton mbi cështje të etikës që parashtrohen përpara tij nga personeli akademik dhe
studentët.
3. Shqyrton dhe diskuton për raste të thyerjes së etikës nga anëtarët e stafit akademik dhe
studentët.
4. Harton kodin e etikës.
11
Neni 25
Kancelari
Kancelari i SHLUJ “Luarasi” është përgjegjës për drejtimin e përditshëm, administrativ dhe
financiar të institucionit, për zbatimin e buxhetit, për mbikëqyrjen dhe kontrollin e veprimeve
financiare, si dhe për zbatimin e ligjshmërisë. Ai nuk mund të ushtrojë asnjë funksion tjetër,
akademik apo administrativ.
Kancelari emërohet dhe shkarkohet nga Administratori i SHLUJ “Luarasi.” Kancelari emërohet
mbi procedura konkuruese që nisin me nxjerrjen e urdhërit përkatës të administratorit ku
përcaktohen edhe kriteret që duhet të plotësojnë konkuruesit. Si rregull kancelar mund të
emërohen vetëm personat që kanë përfunduar studimet e ciklit të dytë të studimeve në fushat
Drejtësi dhe Ekonomi dhe që kanë përvojë pune jo më pak se 3 vjet. Shkarkimi i Kancelarit
bëhet sipas procedurave të përcaktuara në Kodin e Punës lidhur me ndërprerjen e
marrëdhënieve të punës.
Kancelari i SHLUJ “Luarasi” përgjigjet gjithashtu për menaxhimin e procesit mësimor dhe për
veprimtarinë normale të personelit joakademik. Kompetencat e tij përfshijnë:
1. Përgjigjet për menaxhimin e procesit mësimor në aspektin teknik dhe për veprimtarinë e
personelit joakademik.
2. Ndjek dhe koordinon punën për sistemin e menaxhimit të të dhënave të Shkollës së
Lartë Universitare private “Luarasi”.
3. Përcakton orarin mësimor për programet e ndryshme të studimit që ofron institucioni.
4. Koordinon dhe mban lidhjet me stafin akademik dhe ndjek mbarëvajtjen e procesit
mësimor.
KREU IV
ORGANET DHE AUTORITETET DREJTUESE
TË FAKULTETIT
Neni 26
Organet drejtuese të fakultetit
Organi drejtues i fakultetit është Këshilli i Fakultetit.
12
Këshilli i Fakultetit është organ kolegjial vendimmarrës, që programon e përcakton në bazë të
propozimeve të departamenteve, veprimtarinë e mësimdhënies dhe kërkimit shkencor të
Fakultetit.
Këshilli i Fakultetit përbëhet nga stafi i brendshëm akademik i fakultetit. Kryetar i tij është
Dekani i fakultetit për shkak të detyrës.
Mandati i Këshillit të Fakultetit është tre vjeçar.
Këshilli i Fakultetit ka këto kompetenca:
a) miraton planin mësimor të fakultetit;
b) miraton programet mësimore të fakultetit;
c) miraton tekstet në përdorim të studentëve;
d) i propozon Rektoratit strategjinë e zhvillimit të fakultetit;
e) i propozon Rektorit vendosjen e lidhjeve me universitete/shkolla të larta të vendit e
të huaja, anëtarësimin në shoqata kombëtare e ndërkombëtare, që shfaqin interes për
procesin mësimor dhe shkencor;
f) miraton rregullat dhe programet e studimit të ciklit të dytë;
g) miraton propozimet e departamenteve për dhënien e titujve shkencorë.
Neni 27
Autoritetet drejtuese të fakultetit
Autoritetet drejtuese të fakultetit janë Dekani, Përgjegjësat e Departamenteve dhe të Qendrës së
kërkimit e studimeve shkencore.
Neni 28
Dekani
Dekani është drejtuesi kryesor i fakultetit. Ai duhet të ketë titullin shkencor “Profesor”, “Prof.
As. Dr.” ose të paktën “Doktor i shkencave.”
Rektori i propozon Asamblesë së Ortakëve emërimin dhe shkarkimin e Dekanit, pasi ka marrë
më parë mendimin e Këshillit të Fakultetit. Dekani gëzon të drejtën e rizgjedhjes.
Marrëdhëniet ndërmjet SHLUJ “Luarasi” dhe dekanit të fakultetit përcaktohen në kontratën e
punës, e cila nënshkruhet nga Administratori i SHLUJ “Luarasi”.
Dekani ka këto kompetenca:
a) drejton të gjithë punën mësimore e shkencore të fakultetit;
b) siguron zbatimin e planeve dhe programeve të studimeve të cikleve të ndryshme, si dhe
të kalendarit akademik të Fakultetit;
c) interpreton dhe zbaton politikën e zhvillimit në Fakultetin përkatës;
d) organizon përzgjedhjen e studentëve të rinj që pranohen cdo vit akademik;
13
e) miraton komisionet e provimeve dhe të mbrojtjes së diplomave;
f) miraton tezat e provimeve të formimit dhe temat e projekt diplomave;
g) vendos për marrjen e masave disiplinore ndaj studentëve që shkelin Statutin dhe
Rregulloren e SHLUJ “Luarasi”, pas shqyrtimit të rastit nga Këshilli i Etikës;
h) raporton cdo vit akademik para Këshillit të fakultetit për realizimin e detyrave
mësimore shkencore nga strukturat e fakultetit.
i) përgatit/harton planin e Aktiviteteve në Fakultet për vitin akademik pasardhës;
j) organizon dhe drejton punën për hartimin e planeve dhe programeve mësimore të
cikleve të ndryshme të studimit të Fakultetit dhe pasi merr miratimin e Këshillit të
Fakultetit, ja paraqet Rektoratit për shqyrtim;
k) i propozon Senatit Rregulloren e Brendshme të Fakultetit përkatës;
l) i propozon Rektorit dhe Administratorit të SHLUJ “Luarasi” për të lidhur kontratë me
personalitete të huaja dhe vendase për periudha të shkurtra kohe;
m) i propozon Rektorit të SHLUJ “Luarasi”, masa ndëshkimore administrative ndaj
personelit akademik në rast shkelje të dispozitave ligjore e nënligjore në fuqi;
n) miraton programet mësimore dhe planet kërkimore të secilit anëtar të personelit
akademik të Fakultetit.
Neni 29
Departamenti
Departamenti është njësi bazë mësimore-kërkimore që përfshin fusha kërkimi homogjene dhe
grupon disiplinat mësimore respektive. Departamenti mbulon disa disiplina mësimore të
ngjashme. Në departament përfshihet gjithë stafi akademik, i brendshëm dhe i jashtëm, sipas
disiplinave përkatëse.
Departamenti ka këto kompetenca:
a) harton dhe shqyrton planet mësimore dhe i propozon Këshillit të Fakultetit
ndryshimet përkatëse;
b) shqyrton programet mësimore dhe bën ndryshimet e nevojshme;
c) shqyrton dhe miraton tekstet mësimore;
d) realizon programin mësimor sipas planit të miratuar dhe kontrollon cilësinë e
mësimdhënies;
e) përcakton tematikën e punës shkencore dhe kontrollon realizimin e saj;
f) realizon programet e studimit të ciklit të dytë;
g) organizon mbështetjen dhe këshillimin e studentëve të vitit të fundit të programeve
të studimit Bachelor lidhur me mundësitë që ofron Departamenti për programet e
studimit të ciklit të dytë.
14
Neni 30
Përgjegjësi i Departamentit
Përgjegjësi i departamentit është autoriteti më i lartë drejtues për njësinë bazë mësimore
kërkimore. Përgjegjësi i departamentit propozohet nga Dekani përkatës dhe miratohet nga
Rektori. Ai duhet të ketë titullin shkencor “Profesor”, “Prof. As. Dr.” ose të paktën “Doktor i
shkencave”.
Përgjegjësi i Departamentit është përgjegjës për aktivitetin mësimor dhe kërkimor në çdo nivel
të departamentit si dhe për kryerjen e rregullt dhe efikase të çdo veprimtarie në atë
departament.
Në rastet kur Përgjegjësi i departamenti është në pamundësi të përkohshme për të kryer
detyrën e tij, ai ia delegon kompetencat një anëtari të stafit akademik.
Neni 31
Qendra e Kërkimit dhe Studimeve Shkencore
Qendra e kërkimit dhe studimeve shkencore është njësi bazë dhe është e organizuar pranë
fakulteteve. Qendra e kërkimeve dhe studimeve shkencore kryen veprimtari kërkimore-
shkencore dhe të zhvillimit.
Qendra e kërkimeve dhe studimeve shkencore ka këto kompetenca:
- Organizon veprimtaritë dhe punët shkencore e botuese;
- Tërheq studentët ekselentë në punë shkencore;
- Kryen studime të mirëfillta brenda dhe jashtë institucionit;
- Vendos marrëdhënie me qendra shkencore të universiteteve të tjera brenda dhe jashtë
vendit me qëllim ndëmarrjen e studimeve të përbashkëta dhe shkëmbimin e
eksperiencave dhe përvojave mes tyre. Qëndra e kërkimit dhe studimeve shkencore
mund te hyjë në marrëveshje konkrete bashkëpunimi me këto qëndra, të cilat miratohen
nga Rektorati.
Neni 32
Përgjegjësi i Qendrës së Kërkimit dhe Studimeve Shkencore
Përgjegjësi i Qendrës së kërkimit dhe studimeve shkencore është drejtuesi për njësinë bazë
kërkimore-shkencore. Përgjegjësi i qendrës propozohet nga Dekani përkatës dhe miratohet nga
Rektori. Ai duhet të ketë titullin shkencor “Profesor”, “Prof. As. Dr.” ose të paktën “Doktor i
shkencave”.
15
Përgjegjësi i Qendrës është përgjegjës për aktivitetin kërkimor dhe shkencor të fakultetit, si dhe
për ndjekjen e studentëve Alumni pas përfundimit të studimeve.
KREU V
ASAMBLEJA E ORTAKËVE TË SHOQËRISË TREGTARE
Neni 33
Baza ligjore
SHLUJ “Luarasi” është një institucion mësimor e shkencor që rregullohet nga legjislacioni për
arsimin e lartë në RSH dhe, në të njëjtën kohë, një person juridik veprimtaria e të cilit
rregullohet nga legjislacioni për shoqëritë tregtare.
Neni 34
Struktura Administrative
SHLUJ “Luarasi” është një person juridik që ushtron veprimtari ekonomike në fushën e arsimit
të lartë privat, i organizuar, menaxhuar dhe financuar nga shoqëria tregtare “Shkolla e Lartë
Universitare Jopublike “UNIVERSITETI “LUARASI” shpk.
Kjo shoqëri ka strukturën e vet administrative, të vecantë nga strukturat universitare.
Personi përgjegjës për administrimin e veprimtarisë së përditshme të SHLUJ “Luarasi” do të
jetë Administratori i SHLUJ “Luarasi” i cili do të përfaqësojë dhe mbrojë interesat e Asamblesë
së Ortakëve të shoqërisë tregtare “Shkolla e Lartë Universitare Jopublike “UNIVERSITETI
“LUARASI”, pranë organeve drejtuese akademike dhe administrative të SHLUJ “Luarasi”.
Në organizimin dhe menaxhimin e kësaj shoqërie, në marrëdhëniet me shtetin dhe me të tretët,
veprojnë të gjitha rregullat e parashikuara nga ligji nr. 9901, datë 14.04.2008, “Për tregtarët dhe
shoqëritë tregtare”.
Shoqëria tregtare paguan rregullisht taksat, tatimet dhe detyrimet e tjera ndaj shtetit dhe ndaj të
tretëve.
Neni 35
Asambleja e ortakëve
Asambleja e ortakëve është organi drejtues i shoqërisë tregtare “Shkolla e Lartë Universitare
Jopublike “UNIVERSITETI “LUARASI” dhe në funksion të mbarëvajtjes së SHLUJ “Luarasi” ka
kompetencat e mëposhtme:
1. Udhëheq SHLUJ “Luarasi” për realizimin e misionit të saj;
16
2. Gëzon të drejtën e pronësisë mbi pasurinë e luajtshme dhe të paluajtshme, materialet
didaktike dhe pronësinë intelektuale të krijuar dhe financuar nga SHLUJ “Luarasi”.
3. I delegon Administratorit të SHLUJ “Luarasi”, administrimin e përditshëm të veprimtarisë
së institucionit;
4. Informon Bordin e të Besuarve për nevojat, arritjet dhe problemet e zhvillimit të SHLUJ
“Luarasi”;
5. Miraton buxhetin e propozuar nga Administratori i SHLUJ “Luarasi” dhe të shqyrtuar
paraprakisht nga Bordi i të Besuarve.
6. Emëron dhe shkarkon autoritetet e larta drejtuese të SHLUJ “Luarasi” (rektor,
zëvendësrektor, dekan), sipas dispozitave të këtij statuti.
Asambleja e ortakëve ose Administratori i SHLUJ “Luarasi” në përputhje me kompetencat e
Asamblesë së ortakëve merr në cdo rast vendimet që kanë të bëjnë me aspektin ekonomik e
financiar të shoqërisë tregtare, si tarifat e shkollimit, punësimi, pagat, investimet, të ardhurat
dhe shpenzimet.
Asambleja e ortakëve dhe Administratori i SHLUJ “Luarasi” marrin në konsideratë propozimet
për cështje ekonomike e financiare të organeve dhe autoriteteve drejtuese të SHLUJ “Luarasi”.
Neni 36
Administratori i SHLUJ “Luarasi”
Administratori i SHLUJ “Luarasi” është hallka lidhëse midis Asamblesë së ortakëve dhe
Rektoratit e Senatit. Ai kryen të gjitha veprimet e administrimit të veprimtarisë te përditshme të
SHLUJ “Luarasi”, duke zbatuar politikat tregtare, të vendosura nga Asambleja e ortakëve.
Administratori i SHLUJ “Luarasi” përfaqëson shoqërinë tregtare para personave të tretë,
institucioneve publike dhe organeve drejtuese të SHLUJ “Luarasi”. Ai është anëtar me të drejtë
vote në mbledhjet e Senatit dhe përcjell në këto trupa vendimarrëse të gjitha cështjet për të cilat
kërkohet miratimi respektiv i Asamblesë së ortakëve apo i Senatit. Ai kujdeset që në punën e tij
të përditshme të përmbushë kompetencat e mëposhtme:
Të kryejë të gjitha veprimet e administrimit të veprimtarisë së përditshme së institucionit;
Të kujdeset për mbajtjen e saktë e të rregullt të dokumenteve dhe të librave kontabël të
shoqërisë.
Të përgatisë dhe nënshkruajë bilancin vjetor, bilancin e konsoliduar dhe raportin e ecurisë
së veprimtarisë dhe, së bashku me propozimet për shpërndarjen e fitimeve, t’ia paraqesë
këto dokumente Asamblesë së ortakëve për miratim.
Të krijojë një sistem paralajmërimi në kohën e duhur për rrethanat, që kërcënojnë
mbarëvajtjen e veprimtarisë dhe ekzistencën e shoqërisë, duke patur parasysh specifikat e
ketij aktiviteti sipas legjislacionit te posaçem.
17
Të kryejë regjistrimet dhe dërgojë të dhënat e detyrueshme të shoqërisë, siç parashikohet
në ligjin për Qendrën Kombëtare të Regjistrimit.
Të raportojë përpara Asamblesë së ortakëve për zbatimin e politikave tregtare dhe për
realizimin e veprimeve të posaçme me rëndësi të veçantë për veprimtarinë e shoqërisë
tregtare dhe SHLUJ “Luarasi”;
Të hartojë planin disavjeçar të zhvillimit të SHLUJ “Luarasi” në bashkëpunim me Rektorin,
Dekanët dhe Përgjegjësat e Departamenteve dhe ia paraqet për miratim Asamblesë së
ortakëve;
Të hartojë programin vjetor të veprimtarive, sipas programeve të hartuara nga
Dekani/dekanët si dhe të ndjekë zbatimin e tij pas miratimit, nga Asambleja e ortakëve,
Rektori dhe Senati akademik;
Të formulojë kriteret për shpërndarjen e burimeve financiare, materiale dhe njerëzore;
T’i parashtrojë Asamblesë së ortakëve për miratim përparësitë mes kërkesave konkurruese
për financime mes njësive kryesore të institucionit;
Të hartojë dhe propozojë projektbuxhetin në bashkëpunim me Rektorin dhe Senatin
akademik dhe t’ia paraqet për miratim Asamblesë së ortakëve;
Të hartojë planin për investime, kontratat dhe marrëveshjet;
Të përfaqësojë Asamblenë e ortakëve në lidhjen e kontratave me personelin akademik me
kohë të plotë ose të pjesshme, si edhe me personelin administrativ;
T’i paraqesë rekomandime për projektet për programet e studimeve, të kërkimit shkencor
dhe ndryshimet e nevojshme strukturore për realizimin e tyre;
Të monitorojë dhe publikojë rezultatet e vlerësimit të veprimtarive të institucionit;
T’i propozojë Asamblesë së ortakëve për miratim strukturën e përgjithshme dhe numrin e
personelit të institucionit për të gjitha nivelet sipas vendimit të Senatit Akademik;
Të hartojë, në bashkëpunim me Rektorin dhe Dekanët raportin vjetor të veprimtarisë
mësimore-kërkimore dhe financiare dhe ia paraqet atë për miratim Asamblesë së ortakëve
brenda datës 20 korrik të çdo viti.
Neni 37
Financimi dhe buxheti
SHLUJ “Luarasi” është një institucion arsimor privat me vetëfinancim. Të ardhurat e saj
formohen nga tarifat e studentëve dhe nga të ardhura të tjera të ligjshme.
Aja ka të drejtë të pranojë ndihma financiare që lidhen me objektin e veprimtarisë së saj, në
përputhje me legjislacionin në fuqi të Republikës së Shqipërisë.
SHLUJ “Luarasi” harton buxhetin në përputhje me aktet ligjore e nënligjore në fuqi si dhe me
politikat e përgjithshme të zhvillimit.
18
Neni 38
Kontabiliteti
Veprimtaria ekonomike e Shoqërisë tregtare “Shkolla e Lartë Universitare Jopublike
“UNIVERSITETI “LUARASI” pasqyrohet në bilancet vjetore. Ajo mban kontabilitet të rregullt
sipas legjislacionit në fuqi.
SHLUJ “Luarasi” ngre strukturën e posaçme për menaxhimin financiar të saj dhe zbatimin e
politikës financiare.
Ajo ndjek një politikë transparente të shpërndarjes së burimeve financiare si dhe respekton
rregullat e kontabilitetit.
Raporti i veprimtarisë financiare shpallet në një mbledhje të hapur për studentët dhe personelin
e SHLUJ “Luarasi”.
KREU VI
STUDIMET UNIVERSITARE
Neni 39
Format e studimeve
Forma e studimeve në SHLUJ “Luarasi” është studime me kohë të plotë.
Hapja dhe zbatimi i formave të reja të studimit bëhet me miratim të Ministrit të Arsimit dhe
Sportit.
Neni 40
Programet e studimeve
SHLUJ “Luarasi” ofron programe të akredituara të studimeve të organizuar në module dhe të
vlerësuara me kredite, sipas Sistemit Europian të Transferimit dhe Grumbullimit të Krediteve
(ECTS). Numri i detyrueshëm i krediteve të grumbulluara nga cdo student me kohët të plotë
është jo më pak se 60 kredite në çdo vit akademik.
Programet e studimeve hartohen nga fakultetet dhe miratohen nga Senati Akademik.
Propozimi i Senatit Akademik për hapje të programeve të reja të studimit dhe kërkimit
shkencor, si dhe hapje të njësive kryesore apo bazë i paraqitet për miratim Asamblesë së
ortakëve.
Programet e akredituara të studimeve shpallen publikisht para fillimit të aplikimit nga
studentët.
19
Neni 41
Afati i studimeve
Afati i studimeve, afati i mbrojtjes së diplomës, ndërprerja e rifillimi i studimeve, si dhe çështjet
që kanë të bëjnë me ngarkesën mësimore, me frekuentimin, me lëndët, me modulet, me kreditet
etj., përcaktohen në Rregulloren e SHLUJ “Luarasi”.
Neni 42
Programet dhe diplomat
1. Fakulteti i Drejtësisë në përfundim të ciklit të parë të studimeve ofron diplomën “Bachelor”
në Drejtësi, 180 kredite me kohëzgjatje 3 vite akademike.
Fakulteti i Drejtësisë në përfundim të ciklit të dytë të studimeve ofron diploma “Master
profesional” dhe “Master i shkencave”, në fushat përkatëse të shkencave juridike, si më poshtë:
a. Master i Shkencave në «Të drejtë publike dhe administrative», 120 kredite me
kohëzgjatje 2 vite akademike;
b. Master i Shkencave në «Të drejtë civile dhe tregtare» 120 kredite me kohëzgjatje 2
vite akademike;
c. Master i Shkencave në «Të drejtë penale» 120 kredite me kohëzgjatje 2 vite
akademike;
d. Master profesional me drejtim “Specialist/Jurist në Administratën Publike” 60
kredite me kohëzgjatje 1 vit akademik;
e. Master profesional në «Standardet europiane për policimin dhe inteligjencën», 90
kredite, me kohëzgjatje 1.5 vite akademike ;
f. Master profesional në «E drejtë bankare dhe financiare » 90 kredite, me kohëzgjatje
1.5 vite akademike ;
g. Master profesional në «E drejtë penale dhe të drejtat ndërkombëtare të njeriut» 90
kredite, me kohëzgjatje 1.5 vite akademike ;
2. Fakulteti i Ekonomisë në përfundim të ciklit të parë të studimeve ofron diplomat “Bachelor”
në:
a. “Financë bankë”
b. “Adminstrim biznesi”
c. “Ekonomiks”
d. “Administrim publik”
Programet e studimit të ciklit të parë “Bachelor” realizohen me 180 kredite me kohëzgjatje 3 vite
akademike.
20
2.1. Fakulteti i Ekonomisë në përfundim të ciklit të dytë të studimeve ofron diploma “Master
profesional” dhe “Master i shkencave”, në fushat e mëposhtme:
a. Master i Shkencave në «Menaxhim ekzekutiv», 120 kredite me kohëzgjatje 2 vite
akademike;
b. Master i Shkencave në «Bankat dhe tregjet financiare», 120 kredite me kohëzgjatje 2
vite akademike;
c. Master profesional në «Kontabilitet» 90 kredite me kohëzgjatje 1.5 vite akademike;
d. Master profesional në «Financë dhe menaxhim risku» 90 kredite me kohëzgjatje 1.5
vite akademike;
e. Master profesional në «Marketing dhe reklamë» 90 kredite me kohëzgjatje 1.5 vite
akademike.
Neni 43
Lëshimi i diplomave dhe suplementi i diplomës
Studenti që ka plotësuar të gjitha detyrimet e një programi studimi pajiset me diplomën
përkatëse, e cila është dokument zyrtar.
Diplomat për ciklin e parë (Bachelor) dhe për ciklin e dytë, (Master i shkencave, Master
profesional) shoqërohen me suplementin e diplomës.
Suplementi i diplomës hartohet në përputhje me kërkesat e hapësirës europiane të arsimit të
lartë. Ai përshkruan, në vecanti, natyrën, nivelin, përmbajtjen, rezultatet e studimeve, që janë
kryer dhe përfunduar me sukses nga mbajtësi i diplomës. Suplementi i diplomës nuk
zevendëson diplomën.
Përmbajtja, forma e diplomës dhe e suplementit të diplomës miratohen nga Senati Akademik,
në përputhje me udhëzimet e Ministrisë së Arsimit dhe Sportit dhe regjistrohen në Regjistin
Kombëtar të Diplomave dhe Certifikatave pranë Ministrisë së Arsimit dhe Sportit.
Neni 44
Niveli i studimeve
Studimet në ciklin e parë zgjatin normalisht 3 vjet ose 6 semestra. Programet e studimeve të
ciklit të parë realizohen me 180 kredite (ECTS). Pas përfundimit të studimeve universitare,
studenti pajiset me Diplomën universitare “Bachelor”, në fushën e arsimimit të kryer.
Studimet në ciklin e dytë për programet e studimit “Master Profesional” zgjatin normalisht 1-
1.5 vjet ose 2-3 semestra. Programet e studimeve të ciklit të dytë “Master Profesional”
21
realizohen me 60-90 kredite (ECTS). Pas përfundimit të programit të studimeve “Master
profesional”, studenti pajiset me Diplomën universitare “Master profesional”, në fushën e
arsimimit të kryer.
Studimet në ciklin e dytë për programet e studimit “Master i Shkencave” zgjatin normalisht 2
vjet ose 4 semestra. Programet e studimeve të ciklit të dytë “Master i Shkencave” realizohen me
120 kredite (ECTS). Pas përfundimit të programit të studimeve “Master i Shkencave”, studenti
pajiset me Diplomën universitare “Master i Shkencave”, në fushën e arsimimit të kryer.
Neni 45
Studimet në ciklin e dytë të studimit
Studentët, që kanë përfunduar studimet e ciklit të parë dhe janë të pajisur me një diplomë
“Bachelor” ose ekuivalente me të në fushën përkatëse, mund të ndjekin studimet në ciklin e
dytë të studimit:
1. “Master profesional” të realizuar me 90 kredite dhe kohëzgjatje 1.5 vite akademike;
2. “Master shkencor” të realizuar me 120 kredite dhe kohëzgjatje 2 vite akademike;
Neni 46
Njohja e krediteve të programeve universitare të certifikuara
SHLUJ “Luarasi” mund të njohë si kredite të formimeve universitare në një program të caktuar
studimi, njohuri dhe aftësi profesionale të çertifikuara sipas akteve ligjore në fuqi, si dhe njohuri
të veprimtarive formuese të nivelit pas shkollës së mesme dhe që janë në përputhje me
objektivat specifikë të programit përkatës të studimit.
Kërkesa shqyrtohet me të njëjtën procedurë që ndiqet për transferimin e studentëve nga
Komisioni i vlerësimit të programeve të studimit të Fakultetit përkatës, i cili ia kalon për
miratim Rektorit të SHLUJ “Luarasi”.
KREU VII
STUDENTËT
Neni 47
Statusi i studentit
22
Studenti e fiton këtë status me regjistrimin në SHLUJ “Luarasi”. Këtë status e mban gjatë gjithë
kohës së studimeve universitare dhe e humbet me marrjen e diplomës, me largimin e tij nga
SHLUJ “Luarasi” ose me përjashtimin e tij nga institucioni.
Studenti gëzon të gjitha të drejtat dhe është i detyruar të përmbushë të gjitha detyrimet që
rrjedhin nga Statuti dhe Rregullorja e SHLUJ “Luarasi”.
Neni 48
Të drejtat dhe detyrat e studentëve
Studenti ka të drejtë :
a) të përfitojë nga procesi mësimor dhe të diplomohet pasi të shlyejë të gjitha detyrimet e
përcaktuara në planin mësimor;
b) të përdorë mjediset e SHLUJ “Luarasi” për realizimin e programit mësimor;
c) të organizohet në shoqata studentore jopolitike, sipas përcaktimeve të akteve ligjore
përkatëse dhe të marrë pjesë në rrjetet vendore dhe ndërkombëtare;
d) të marrë pjesë në veprimtari artistike, kulturore, sportive, argëtuese të organizuara nga
SHLUJ “Luarasi” jashtë procesit mësimor;
e) të ndikojë në përmirësimin e procesit mësimor nëpërmjet formave demokratike të shfaqjes
së vullnetit;
f) t’i respektohet dhe t’i njihet mobiliteti;
g) të dëgjohet nga organizmat përkatëse, para se të merret ndonjë masë ndëshkuese kundër
tij;
h) të përfshihen në Alumni pas përfundimit të studimeve universitare.
Studentët kanë të drejtë të organizohen edhe në këshilla studentorë, të cilët janë organizime të
pavarur të studentëve në SHLUJ “Luarasi” dhe nuk zhvillojnë veprimtari politike dhe
ekonomike. Këto këshilla promovojnë pjesëmarrjen e studentëve dhe koordinojnë përfaqësimin
e ideve dhe opinioneve të tyre në organet drejtuese të SHLUJ “Luarasi” në strukturat mësimore-
kërkimore dhe të shërbimeve.
Studenti ka për detyrë:
a) të ndjekë procesin mësimor e shkencor, të plotësojë detyrimet që përmban plani dhe
programi mësimor dhe të marrë pjesë në veprimtaritë akademike;
b) të zbatojë Statutin dhe Rregulloret e SHLUJ “Luarasi”;
c) të paguajë rregullisht tarifën e shkollimit të përcaktuar me kontratë;
d) të vishet në mënyrë të rregullt e të përshtatshme për një institucion të lartë mësimor e
shkencor;
e) të respektojë etikën e sjelljes me personelin akademik, administrativ dhe me studentët e
tjerë.
23
Neni 49
Këshilli i studentëve
Studentët kanë të drejtë të organizohen në këshilla studentorë, të cilët janë organizime të
pavarur të studentëve në SHLUJ “Luarasi” dhe nuk zhvillojnë veprimtari politike dhe
ekonomike. Këto këshilla promovojnë pjesëmarrjen e studentëve dhe koordinojnë përfaqësimin
e ideve dhe opinioneve të tyre në organet drejtuese të SHLUJ “Luarasi” në strukturat mësimore-
kërkimore dhe të shërbimeve.
Këshilli i studentëve zgjidhet çdo vit nga votat e studentëve dhe mbështetet në legjislacionin
në fuqi. Këshilli i studentëve organizohet në nivel institucioni me përfaqësues nga të gjitha
fakultetet përbërëse.
Anëtar i Këshillit Studentor mund të jetë çdo student i Universitetit Luarasi, pavarësisht
gjinisë, racës, përkatësisë fetare, gjendjes fizike, ekonomike apo sociale. Anëtarët e
Këshi l l i t Studentor janë vullnetarë .
Studentët që aspirojnë të jenë senator të Këshillit Studentor duhet të kandidojnë nëpërmjet
Formularit të Kandidimit. Më pas kandidatët votohen nga studentët e klasës së tyre, më
shumicë të thjeshtë të votave, për t’u bërë anëtarë të Këshillit Studentor - i quajtur ndryshe
Senator.
Neni 50
Kriteret për regjistrim
1. Në SHLUJ “Luarasi” pranohen për t’u regjistruar në ciklin e parë të studimeve shtetasit
shqiptarë ose të huaj që plotësojnë këto kushte :
a) vërtetojnë me dokument zyrtar mbarimin e shkollës së mesme në Shqipëri ose jashtë
shtetit (të ekuivalentuar sipas kritereve të përcaktuara nga Ministria e Arsimit dhe
Sportit), duke paraqitur diplomën e Maturës Shtetërore së bashku me certifikatën e
notave ose dëftesë pjekurie të shkollës së mesme përpara vitit 2011, si dhe certifikatën
përkatëse të lëshuar nga Agjencia Kombëtare e Provimeve që vërteton që ka fituar
provimet me zgjedhje;
b) pranojnë pagimin e tarifës së caktuar semestrale ose vjetore;
c) Plotësojnë kriteret e parashikuara në Rregulloren e SHLUJ “LUARASI”
2. Për shtetasit e huaj kërkohet edhe :
a) paraqitja e lejes së qëndrimit në momentin e regjistrimit (kopje e noterizuar) ;
24
b) dokument që vërteton njohjen e gjuhës shqipe fituar në Gjuhëve të Huaja Universitetit të
Tiranës .
Përzgjedhja e kandidatëve bëhet nga një komision i caktuar nga dekani i cdo fakulteti,
mbështetur në dokumentacionin e paraqitur si dhe nëpërmjet kritereve të pranimit të përcaktuara
nga SHLUJ “Luarasi”. Numri i pranimeve bazohet në mundësitë reale të fakultetit për një mësim
normal dhe brenda standardeve të kërkuara nga Ministria e Arsimit dhe Sportit.
3. Në SHLUJ “Luarasi” pranohen për t’u regjistruar në ciklin e dytë të studimeve shtetasit
shqiptarë ose të huaj që kanë përfunduar një program studimi dhe që plotësojnë këto
kushte:
a. vërtetojnë me dokument zyrtar mbarimin e programit të studimit në Shqipëri ose
jashtë shtetit dhe/ose vërtetojnë me dokumente zyrtare transferimin nga një
institucion publik ose privat i arsimit të lartë që ushtron veprimtarinë e saj në Shqipëri
ose jashtë shtetit;
b. pranojnë pagimin e tarifës së caktuar mujore ose vjetore.
c. Plotësojnë kriteret e parashikuara në Rregulloren e SHLUJ “LUARASI.”
Për shtetasit e huaj kërkohen edhe dokumentet e parashikuara në pikën 2 të mësipërme.
Të gjithë shtetasit që regjistrohen pranë SHLUJ “Luarasi” duhet të plotësojnë cdo kriter tjetër të
përcaktuar në bazë të udhëzimeve të Ministrisë së Arsimit dhe Sportit
Neni 51
Transferimi i studentëve
SHLUJ “Luarasi” lejon transferimin e studentëve në vitet ndërmjetëse nga shkollat e tjera
universitare, vendase ose të huaja, publike ose private dhe anasjelltas, pasi të bëhet
ekuivalentimi i programeve dhe i krediteve, sipas planeve mësimore përkatëse.
Neni 52
Diplomimi
Studenti diplomohet pasi shlyen të gjitha detyrimet e përcaktuara në planin mësimor të
fakultetit, sipas cikleve të studimit dhe programeve të ofruara dhe pasi të ketë paguar tarifën e
shkollimit.
Dorëzimi i diplomave bëhet me ceremoni.
25
Neni 53
Regjistri i studentëve dhe matrikulimi
SHLUJ “Luarasi” mban regjistrin bazë të studentëve me të dhëna personale të tyre, vlerësimet e
marra gjatë ndjekjes së programit të studimit, të dhëna mbi diplomën ose diplomat e marra
bashkë me suplementin e diplomës etj., të formatuara këto sipas standardeve shtetërore.
Regjistri i studentëve plotësohet në formë të shkruar dhe elektronike dhe mbahet në ruajtje të
përhershme.
Çdo studenti, në regjistrimin fillestar në SHLUJ “Luarasi, i jepet një numër unik matrikullimi, që e shoqëron deri në marrjen e diplomës, në përputhje me dispozitat ligjore
e nënligjore në fuqi.
Neni 54
Zyra e Studentit
Zyra e studentit është organi që ngarkohet të mbajë kontakt të vazhdueshëm me studentët e
ardhshëm, studentët aktual të të gjitha cikleve të studimit, si edhe me ish studentët e SHLUJ
“Luarasi” (ALUMNI) në bashkëpunim me Qendrën e Kërkimit dhe Studimeve Shkencore. Kjo
zyrë administron kërkesat, ankesat dhe sugjerimet e studentëve, si dhe kujdeset për të pasuruar
jetën studentore përmes organizimit të aktiviteteve të ndryshme.
Zyra e studentit drejtohet nga një koordinator, i cili emërohet nga Rektori, me miratim të
Administratorit.
Te drejtat dhe detyrat e kesaj njesie peercaktohen ne rregulloren e SHLUJ “LUARASI”.
Neni 55
Karta e studentit
Studentët e SHLUJ “Luarasi” pajisen me kartën e studentit, konform kritereve dhe procedurave
të përcaktuara nga Ministria e Arsimit dhe Sportit. Me anë të saj studentët përfitojnë shërbime
me çmime të reduktuara.
KREU VII
P E R S O N E L I
Neni 56
Punësimi
26
Personeli në SHLUJ “Luarasi” përbëhet nga :
a) personeli akademik
b) personeli ndihmës mësimor – shkencor
c) personeli administrativ
Vendet e punës për shkronjën “a” dhe “b” fitohen me konkurs.
Neni 57
Kontrata e punës
Emërimi dhe lirimi nga detyra apo lidhja dhe zgjidhja e kontratave të punës me personelin
akademik, ndihmës mësimor – shkencor dhe administrativ, caktimi dhe ndryshimi i pagave,
bëhen nga Administratori i SHLUJ “Luarasi” me pëlqimin paraprak të Asamblesë së Ortakëve,
pasi është marrë më parë propozimi i Dekanit dhe miratimi i Rektorit.
Procedurat dhe kriteret për rekrutimin e stafit akademik përcaktohen në Rregulloren e SHLUJ
“Luarasi“.
Autoritetet drejtuese të shkollës si Rektori dhe Dekani në përfundim të vitit akademik bëjnë
vlerësimin e punës së personelit akademik dhe ia përcjellin me shkrim Administratorit të
SHLUJ “Luarasi”.
Kontrata e punës me personelin akademik të brendshëm mund të lidhet me afat të caktuar ose
pa afat nga Administratori i SHLUJ “Luarasi”.
Kontratat e punës me personelin akademik të ftuar (part time) lidhen sipas moduleve semestrale
ose vjetore.
Marrëdhëniet e punës me personalitetet akademike të huaja përcaktohen me kontratë.
Neni 58
Detyrat e personelit akademik
Personeli akademik kryen veprimtari mësimore, kërkim shkencor ose të aplikuar, shërbime për
zhvillimin e institucionit, konsultim dhe këshillim për studentët dhe detyra administrative.
Raportet ndërmjet këtyre veprimtarive përcaktohen në kontratën e punës.
Neni 59
Të drejtat e personelit akademik
Identiteti akademik i një pedagogu është i lidhur me titullin dhe gradën shkencore që mban, si
dhe me përgjegjësinë dhe aktivitetin shkencor që kryen e realizon përmes punës kërkimore dhe
shkencore brenda institucionit dhe jashtë tij.
27
Pedagogu gëzon lirinë akademike në punën e tij mësimore dhe kërkimore si shprehje e lirive
dhe të drejtave të njeriut në përputhje me aktivitetin dhe statusin që ka.
Liria akademike lidhet me studimet e thelluara dhe të pandërprera në fushën e shkencës dhe në
hapësira të përcaktuara brenda saj, ku realizohen kontribute në planin lokal, kombëtar e global,
dhe sjellja e tyre si një azhornim i motivuar dhe i homologuar me aktivitetin mësimor dhe
kërkimin shkencor të pedagogut.
SHLUJ “Luarasi” nxit dhe mbështet lirinë akademike të motivuar dhe të bazuar në arritjet më të
fundit të shkencës, teknologjisë dhe inovacioneve, në përputhje me lirinë e mendimit,
pluralitetin dhe shumëllojshëmrinë e arsyetimeve dhe argumenteve në fushën e shkencës.
Në shërbim të lirisë akademike, inovacionet në ribërjen e syllabus-eve, si dhe metodologjitë
inovative në komunikimin e produktin shkencor si dhe në aplikimin e metodave të reja,
shikohen me prioritet dhe mbështeten me të gjitha mjetet dhe mundësitë organizative dhe
monetare.
Për të nxitur dhe inkurajuar ndryshime thelbësore dhe arritje cilësore akademike dhe
shkencore, SHLUJ “Luarasi” vë në dispozicion një buxhet të identifikuar në terma konkret të
quajtur “bonus akademik”. Shpërndarja e këtij fondi bëhet nga Rektori në bashkëpunim me
Administratorin e SHLUJ “Luarasi”, bazuar në kritere rigorozisht të përcaktuara prej tij që
lidhen me arritje të një niveli të lartë në aktivitete brenda dhe jashtë institucionit, në kuadrin
kombëtar dhe ndërkombëtar. Duke respektuar parimin e barazisë, bonusi akademik përmirëson
raportin performance / përfitim dhe nxit individin për përmirësimin e arritjeve dhe të
angazhimit personal. Gjithashtu ky fond, bazuar edhe në praktikat ndërkombëtare, jep vlerësim
për pedagogë dhe kërkues të shquar që kanë një produkt të matshëm akademik, të dallueshëm
cilësisht nga kolegët e tyre.
Njësitë mësimore dhe akademike si Departamentet dhe Dekanati, duke garantuar karakterin e
mirfilltë shkencor të prurjeve të reja dhe lidhjen organike të tyre me fushën konkrete mësimore
dhe shkencore kanë për detyrë të nxisin lirinë akademike si aspekt i domosdoshëm për një punë
krijuese dhe si shprehje e dinamizimit në aktivitetin akademik të çdo pedagogu.
Në shërbim të lirisë akademike, çdo mospërputhje opinionesh në lidhje me teza, argumente që
synojnë përmirësimin e syllabuseve dhe kurrikulave, zgjidhen përmes diskutimesh të hapura
në department / qendrën e kërkimit shkencor dhe Senat.
Vlerësimi i performancës për çdo pedagog bëhet nga Rektori në fund të vitit akademik sipas
procedurave të parashikuara në Rregulloren e SHLUJ “Luarasi”, ku shënohet çdo aktivitet dhe
vlerësohen arritjet e secilit në fushën e lirisë akademike.
28
Neni 60
Kategorizimi i personelit akademik
Personeli akademik, sipas rolit dhe veprimtarisë që kryen, kategorizohet si vijon:
a) ”Profesorë” – janë anëtarët e personelit akademik, titullarë të lendëve ose moduleve dhe
udhëheqës të veprimtarisë së kërkimit shkencor. Anëtarët e personelit akademik të kësaj
kategorie kanë gradën shkencore “Doktor” dhe titujt akademikë; “Profesor i asociuar”,
“Profesor”, “Profesor emeritus” dhe “Akademik”.
b) ”Docentë” – janë anëtarët e personelit akademik, që zhvillojnë kryesisht veprimtari
mësimore. Anëtarët e personelit akademik të kësaj kategorie kanë titullin akademik “Docent”
ose gradën shkencore “Doktor”.
c) ”Lektorë” – janë anëtarët e personelit akademik që zhvillojnë veprimtari mësimore –
kërkimore. Lektorët duhet të kenë diplomë “Master i Shkencave”.
Neni 61
Personeli akademik i ftuar
Për të plotësuar nevojat e procesit mësimor Këshilli i Fakultetit, me propozim të
departamenteve, mund të ftojë për veprimtari mësimore e kërkimore personel akademik, për
periudha semestrale ose njëvjecare.
Kriteret e përzgjedhjes përcaktohen në rregulloren e shkollës.
Neni 62
Personeli akademik me kontratë
SHLUJ “Luarasi” mund të punësojë me kontratë personalitete vendase ose të huaja. Kushtet
dhe modeli i kontratës miratohet nga Asambleja e ortakëve.
Neni 63
Koha e punës dhe e pushimit
Koha e punës për personelin është jo më tepër se 40 orë në javë dhe jo më shumë se 8 orë në
ditë. Kjo kohë pune mund të jetë më e shkurtër për personelin akademik.
Pushimi vjetor për punonjësit mësimorë e shkencorë është 12 ditë pushim i zakonshëm, plus 24
ditë pushim plotësues, gjithsej 36 ditë.
Problemet e tjera lidhur me kohën e punës dhe të pushimit përcaktohen në kontratën e punës,
sipas legjislacionit në fuqi.
29
Neni 64
Norma mësimore shkencore
Punonjësit mësimore e shkencore janë të detyruar të plotësojnë normën mësimore shkencore,
sipas përcaktimeve në kontratën e punës, në Rregulloren e SHLUJ “Luarasi” dhe në përputhje
me statusin dhe gradën e tij shkencore. Kualifikimi shkencor dhe rezultatet në punë lidhen
drejtpërsëdrejti me nivelin e pagës.
Mungesat e pajustifikuara në orët mësimore konsiderohen shkelje të rënda të disiplinës në
punë.
Neni 65
Kualifikimi
Personeli akademik gëzon të drejtën e kërkimit dhe të kualifikimit shkencor, sipas kritereve të
përcaktuara ligjin “Për arsimin e lartë në RSH” (i ndryshuar) dhe në aktet e tjera nënligjore.
Ky kualifikim mund të bëhet brenda SHLUJ “Luarasi” ose jashtë tij, brenda ose jashtë vendit.
Kërkimi dhe kualifikimi shkencor për personelin akademik inkurajohet dhe krijohen të gjitha
lehtësitë e mundshme, sipas përcaktimeve në kontratën e punës.
Personeli akademik me tituj ka të drejtë që çdo 7 vjet, për periudha kohe deri në një vit, të punoj
për përparimin e tij akademik nesë kjo është në funksion/në kuader të proçesit mësimor të
SHLUJ “Luarasi”.
Neni 66
Personeli ndihmës mësimor shkencor
Personeli ndihmës mësimor-shkencor angazhohet në punë mësimore-shkencore në ndihmë të
lektorëve titullarë të lëndëve, si dhe në mbarëvajtjen e departamentit.
Neni 67
Personeli administrativ
Personeli administrativ i SHLUJ “Luarasi” punësohet si personel me detyra të caktuara dhe
efektiv (full time) në pozicione të ndryshme dhe quhet personel administrativ.
KREU IX
VLERËSIMI I CILËSISË. AKREDITIMI
Neni 68
Standardet e sigurimit të cilësisë
30
SHLUJ “Luarasi” është përgjegjës për sigurimin e cilësisë së përgatitjes së studentëve, sipas
standardeve të përcaktuara nga Ministria e Arsimit dhe Sportit
Neni 69
Vlerësimi i brëndshëm i cilësisë
Për procesin e akreditimit institucional dhe të programeve të studimit krijohet rast pas
rasti, me urdhër të Rektorit, Grupi i vetëvlerësimit, si një grup ad-hoc, i cili vlerëson punën e
bërë nga institucioni në bazë të dokumentave që ai i ofron.
Përbërja dhe detyrat e Grupit të vetëvlerësimit përcaktohen në Rregulloren e SHLUJ
“Luarasi”.”
Neni 70
Njësia e Brendshme e Sigurimit të Cilësisë
Njësia e Brendshme e Sigurimit të Cilësisë (më poshtë NJBSC) është një njësi akademiko-
administrative, e cila ngrihet nga Rektori dhe kryen në mënyrë periodike realizimin, kontrollin,
matjen dhe zhvillimin e cilësisë në SHLUJ “Luarasi”.
NJBSC përbëhet nga pesë anëtarë, nga të cilët tre janë pedagogë të brendshëm, një
ekspert i jashtëm dhe një student.
NJBSC evidenton problematika, propozon mjete dhe procedura mbi bazën e
legjislacionit të arsimit të lartë për standartet e cilësisë, praktikave më të mira ndërkombëtare, si
dhe zgjidhje për rritjen e vazhdueshme të cilësisë, si pjesë e procesit të mësimdhënies dhe si
pjesë e mbarëvajtjes së shërbimeve ndihmëse administrative, që i kundrejtohen direkt
mësimdhënies dhe studentit.
Këto propozime miratohen rast pas rasti nga Rektori, Dekani, Administratori, apo nga
organet e tjera kolegjiale sipas Statutit të SHLUJ “Luarasi”, në varësi të kompetencave konkrete
që ata mbulojnë.
Kompetencat dhe detyra të mëtejshme të NJBSC përcaktohen në Rregulloren e SHLUJ
“Luarasi”.”
Neni 71
Vlerësimi dhe akreditimi periodik
SHLUJ “Luarasi” është i detyruar të kryejë vlerësimin dhe akreditimin periodik cdo 6 vjet.
31
KREU X
STEMA DHE VULA ZYRTARE
Neni 72
SHLUJ “Luarasi” ka stemën dhe vulën e vet zyrtare ku shkruhet: SHKOLLA E LARTË
UNIVERSITARE JOPUBLIKE LUARASI.
KREU XI
DISPOZITA TË FUNDIT
Neni 73
SHLUJ “Luarasi”, bashkë me këtë Statut, ka edhe Rregulloren e vet, e cila rishikohet, të paktën,
një herë në tri vjet nga Senati akademik.
Fakultetet dhe njësitë e tjera të shkollës hartojnë rregulloret e veta të cilat miratohen nga Senati
akademik i SHLUJ “Luarasi”.