Upload
ced-bugarin
View
352
Download
4
Embed Size (px)
Citation preview
PagsusuriNg
Pelikula
NOY
Ipinasa ni:
John Cedrick P. BugarinIT102
Ipinasa kay:
Gng. Elena CastañedaGuro sa Filipino 1
I.Mga Nagsiganap
Pangunahing Tauhan
Coco Martin – Manolo Noy Agapito, isang pekeng mamamahayag na ginagawa ang
lahat upang mabuhay ang pamilya.
Erich Gonzales – Divine, kasintahan ni Noy ngunit nais ipakasal ng pamilya sa ibang
lalaki.
Joem Bascon – Bong, nakatatandang kapatid ni Noy. Siya ay lumpo at ginawa kahit
illegal upang makatulong sa pamilya.
Cheska Billiones – Tata, bunsong kapatid na babae ni Noy. Masipag siya mag-aral
ngunit sa di innaasahang pangyayari ay nabulag.
Cherry Pie Picache – Letty, ina ni Noy na naulila sa asawa. Siya ay isang manikurista
upang buhayin ang pamilya.
Vice Ganda – Jane, Head ng pinapasukang News Station ni Noy.
Baron Geisler – Caloy, Editor ng mga ginagawang footage at balita ni Noy.
Iba Pang mga Tauhan
Jhong Hilario – Adik 1
Ketchup Eusebio –
Harold
Janus Del Prado – Boy
Pen Medina – Mang Nick
Ping Medina – Binatang
Bangkero
Tess Antonio – Teacher
Kristoffer King – Adik 2
Neil Ryan Sese – Pulis
Monroe White – Ray
Linda Gonzales – Tindera
Maricor Canlas – Doctor
Journalie Payonan –
Cameraman
Bong Mendoza – Security
Guard
Direktor
Dondon Santos (March 25, 1980) ay isang Pilipinong direktor. Siya ay
nakapagdirek o nakagawa na ng iba’t-ibang tv series at pelikula simula 2006.
Siya ay nakatanggap ng paggawad bilang Pinakamagaling na Direktor sa
kanyang pelikulang Noy sa nakaraang Film Academy of the Philippines
(FAP) Award. Ang nasabing pelikula na Noy ay nanalo naman ng
Pinakamagaling na Direksyon sa nakaraang Gawad Urian Awards.
Ilan sa kanyang mga ginawang pelikula / palabas ay:
Green Rose (2011)
Buhawi Jack (2011)
Pepeng Agimat (2009 –
2011)
Dalaw (2010)
Kung Tayo’y
Magkakalayo (2010)
Komiks Presents (2006 –
2010)
*Si Rodel Nancianceno o mas kilalang Coco Martin ay naging direktor rin ng pelikulang ito. Ito ay yung mga bahagi o mga senaryo na kanyang nakuha sa panahon ng pangangampanya ni Pang. Noynoy Aquino.
II. Synopsis
Parehas sa ngalan, magkaiba sa estado ng buhay! Upang maiahon at
mabuhay ang pamilya napilitan ni Noy (Coco Martin) na pasukin ang
pagiging isang mamamahayag na simula pa lang ay pangarap na niya. Siya
ay natanggap dahil sa mga pekeng diploma at dokumento na nagpapatunay
na siya ay nakapagtapos ng isang bachelor’s degree ngunit ang totoo’y hindi
man lamang siya nakatapak ng kolehiyo.
Nagkaroon siya ng una niyang proyekto sa unang pasok niya. Ito ay
ang paggawa ng isang dokyumentaryo sa kampanya ng kanyang kapangalan
na si Top Presidential bet, Sen. Benigno “Noynoy” Aquino para sa 2010
Pambansang Eleksyon.
Ipinakita sa pelikula ang tunay na footage ng dokyumentaryo kasama
ang mga senaryo na sumasalamin sa kahirapan, pamumuhay at pag-asa para
sa pamilyang Filipino.
III. Pagsusuri ng Pelikula
Iskrip ng Pelikula
Naging masuri sina Rondel Lindayag, Francis Xavier Pasion, Shugo
Praico at Coco Martin, mga manunulat ng pelikula sa mga wikang ginamit
nila sa bawat karakter. Ang pelikula ay may iba’t – ibang paraan ng
pagsasalita para mapakita ang uri ng buhay at pag-uugali ng mga karakter..
Ito ay naaayon sa lugar o senaryo na mangyayari. Minsan ito’y impormal o
“balbal” na paraan at minsan nama’y pormal na paraan.
Sa kabuuan, ang iskrip ng pelikula ay naayon at angkop sa tema,
sitwasyon at panahon nito para maipakita ang pagiging makatotohanan ng
pelikula.
Mga Tauhan
Pangunahing Tauhan
Noy
Nanay Letty
Divine
Bong
Tata
Jane
Caloy
Iba pang mga Tauhan
Adik 1
Adik 2
Harold
Boy
Mang Nick
Binatang Bangkero
Teacher
Pulis
Ray
Tindera
Doctor
Cameraman
Mga Sikat na Tauhan
Pang. Noynoy Aquino
Kris Aquino
James Yap
Boy Abunda
Ai-Ai Delas Alas
Ogie Alcasid
Dingdong Dantes
Marian Rivera
Mar Roxas
Baby James (Son of Kris)
Joshua (Son of Kris)
Paglalarawan
Nagsimula ang pelikula sa mga eksena nung namatay at inilibing
ang Dating Pangulong Corazon Aquino at kaalinsunod nito pagpapahayag ni
Dating Senador at ngayo’y Pangulong Noynoy Aquino na siya’y
kakandidato sa pagkapangulo ng ating bansa. Ipinakita dito ang mga
nangyari o dokyumentaryo ng mga paghahandang ginawa ni Pang. Aquino
noong siya’y nangangampanya pa lamang. Sinabi pa lamang sa unang
bahagi ng pelikula na ang lahat ng ating mapapanuod ay totoo maliban na
lamang sa bidang si Noy. Kung gayo’y nakita natin ang buhay ng bawat
pamilyang Pilipino
Ang pelikulang Noy na pinagbidahan ni Coco Martin bilang isang
batang mamamahayag na nagngangalang Noy. Siya ay nakatira sa isang
mahirap at lubog sa baha na lugar dulot ng nakalipas na bagyong Ondoy, na
kung saan kahirapan ng tunay na buhay ang naipapakita. Ang karakter ni
Noy ay masasabing katauhan ng isang mahirap na tao na nangangarap
maingat ang estado ng kanilang buhay.
Hindi man totoong mamamahayag, ang pagsubaybay ni Noy kay
Noynoy Aquino ay isang trabahong papaunlad. Nagsimula niyang ipakita
ung mga eksenang karaniwang nakikita sa likod ng kamera. Si Noynoy
Aquino ay ipinakilala bilang isang taong sikat dahil sa kanyang mga
magulang. Sa pagpapatuloy ng pelikula, unti-unting naintindihan at nakilala
ni Noy ang tunay na ugali at personalidad ni Noynoy Aquino at napagtanto
niya ang tunay na kulay ng kanyang buhay.
Setting ng Pelikula
Ang pelikula ay naganap sa isang mahirap na lugar malapit sa riles
ng tren. Ang lugar nila’y binaha dulot ng bagyong Ondoy at magmula noo’y
hindi na nawala ang tubig at mistulang naging isang isla ang bawat tahanan.
Ipinakita sa kanilang lugar ang buhay mayroon ang mga pamilyang nakatira
sa lugar na mahirap tirahan. Naganap ang pelikula sa panahon ng kampanya
ng mga kandidato para sa 2010 Pambansang Eleksyon. Dahil sa
pagsubaybay at paggawa ni Noy ng dokyumentaryo para kay Noynoy
Aquino, naipakita rin ang ilan sa mga lugar na pinagkampanyahan nito at
pati na rin ang mga presinto kung saan boboto.
Visual / Larawan ng Pelikula
Ang pelikulang Noy ay mistulang pinaghalong normal at
independent na kaurian ng pelikula. Ang paksa ng nasabing pelikula ay pang
indie fil ngunit ang paraan ng paggawa ng pelikula lalo na ang pagkuha ng
mga eksena ay pang normal na pelikula. Ang mga eksena gamit ang kamera
sa pelikula ay naglalarawan ng isang pampublikong kahulugan. Kahit na ang
pokus ay nasa karakter ni Noy, ang kanyang pakikisalamuha sa mga tao sa
kanyang paligid ay naglalarawan ng mga totoong nangyayari ngayon sa ating
bansa.
Pagganap ng mga Artista
Naging mahusay ang bawat artista sa pagganap sa mga tauhan.
Naipakita nila ang kahalagahan ng bawat karakter na kanilang
ginagampanan, mula sa pisikal na kaanyuan gaya ng pananamit, sa kilos, sa
pananalita, sa uri ng hanapbuhay at sa estado ng buhay. Naging mahusay rin
ang bawat artista sa pagdadala ng emosyon na nais ipakita ng mga karakter.
Ang pelikula ay lubos na naging makatotohanan dahil sa epektibong
pagganap ng mga artista.
Musika
Naging masusi at masining si Carmina Cuya, Musical Director ng
Noy sa paghahanap at pamimili ng mga awitin at musikang gagamitin.
Naging mahusay ang paglalapat ng mga awitin at musika para sa bawat mga
eksena. Malungkot na awitin para sa malungkot na eksena, masayang awitin
para sa nagdiriwang na eksena at romansang awitin para sa maromansang
eksena nila Noy at Divine. Madali ring mababatid ng mga tao ang mga
nagyayari o mangyayari sa mga sound effects na kanilang naririnig. Naging
mabisa rin ang pagwawakas nito dahil sa makabayang awitin na
nagpapahiwatig ng kabayanihan ng ating bansa.
Ideya / Mensahe ng Pelikula
Ang pelikulang “Noy”, ay nagpakita ng ideya tungkol sa dalawang
magkaibang tao na may iisang mithiin sa buhay at iyon ay ang
magtagumpay. Ipinakita ang buhay ni Noynoy Aquino sa panahon ng
kanyang pagtakbo sa pagka pangulo ng ating bansa. Unti-unting ipinakilala
na si Noynoy Aquino ay hindi lamang nakilala dahil sa kanyang mga
magulang bagkus sa kanyang mga mithiin para sa ating bansa. Sa kabila nito,
ipinakita rin ang buhay ng isa pang Noy (Coco Martin) at mga nasa paligid
niya na masasabi nating naging larawan ng mga mahihirap na Pilipino.
Ipinakita ang ideya na si Noy ay sumisimbolo sa bawat mga Pilipinong
ginagawa ang lahat maiahon lang ang pamilya sa hirap.
Ipinapahiwatig sa atin ng pelikula na ang dalawang karakter na may
magkaparehas na ngalan ay mayroong malaking pagkakaiba sa estado ng
kanilang buhay ngunit mayroon silang iisang mithiin sa buhay. Ang
dalawang karakter, magkaiba man ng layunin ay gagawin ang lahat upang
magwagi sa kani-kanilang mga buhay.
Sinasabi sa atin ng pelikula na ang bawat isa sa atin ay magiging
pangulo ng ating mga buhay. Ang bawat isa sa atin ay maaabot ang ating
mga pangarap. Magtiwala lang tayo sa ating mga sarili at ibigay lahat ng
ating kagalingan sa bawat bagay na ating papasukin. Masasabi rin na ang
Pilipino’y ginagawa ang lahat, legal man o illegal para lang maiahon ang
sarili at ang pamilya sa buhay.