Embed Size (px)
Citation preview
BEDIAKO UDALA
MUGIMENT BEDIA
AURKIBIDEA
1. SARRERA ........................................................................................................................... 3
2. MUGIMENT EGITASMOA ................................................................................................ 3
2.1. DEFINIZIOA ................................................................................................................ 3
2.2. XEDEA ......................................................................................................................... 3
2.3. HELBURUAK .............................................................................................................. 3
3. JARDUERA FISIKOAREN KONTZEPTUA .................................................................... 3
3.1. DEFINIZIOA ................................................................................................................ 3
4. SEDENTARISMOA ETA JARDUERA FISIKO EZA ...................................................... 4
5. JARDUERA FISIKOA EGITEAREN DETERMINATZAILEAK ..................................... 5
6. MUGIMENT ZERBITSUA BEDIAN .................................................................................. 6
6.1. ORIENTAZIO ZERBITSUA ....................................................................................... 6
6.1.1. HELBURUA ......................................................................................................... 6
6.1.2. XEDEA ................................................................................................................. 6
6.1.3. NORK ORIENTATUKO DU. ............................................................................. 6
6.1.4. ORIENTATZAILEAREN EGINKIZUNA ........................................................... 7
6.1.5. ORIENTAZIO PROSEZUAREN FASEAK ...................................................... 8
6.1.6. ORDUTEGIA. .................................................................................................... 14
3
1. SARRERA
2. MUGIMENT EGITASMOA
Bedia herrian aurrera eramango diren jarduera fisikoa zerbitzuak (Jarduera fisikoaren
orientazio-zerbitzua eta jarduera fisikoa ekintzak) sakonago aztertzeari ekin aurretik,
Mugiment azalduko dugu zertan datzan, jarduera fisikoa sustatzeko egitasmo orokor
gisa.
2.1. DEFINIZIOA
Euskal gizarte aktiboa lortzeko egitasmoa da Mugiment; jarduera fisikoa areagotzeko
eta sedentarismoa murrizteko ekimenak bateratzen ditu, pertsona inaktiboak aktibo
bihurtzeko neurriei lehentasuna emanez.
2.2. XEDEA
Gizartearen jarduera fisikoaren ohiturak hobetzeko asmoz arlo ezberdinetako eragileak
elkarlanean ari gara. Gero eta eragile gehiago, gero eta ekimen gehiago antolatzen ari
gara, eta horren ondorioz gero eta pertsona inaktibo eta sedentarismo gutxiago dago
gure gizartean.
2.3. HELBURUAK
Euskal Autonomia Erkidegoaren biztanleek jarduera fisiko gehiago egitea eta ohitura
sedentarioak murriztea
3. JARDUERA FISIKOAREN KONTZEPTUA
3.1. DEFINIZIOA
Osasunaren Mundu Erakundeak (OME) honela definitzen du jarduera fisikoa:
gorputzaren edozein mugimendu, muskulu eskeletikoek sortua, energia-gastua
eragiten duena.
«Jarduera fisikoa» adierazpena ez litzateke nahasi behar «ariketa»rekin; azken hori
jarduera fisikoaren azpikategoria bat da, egituratuta dago, errepikakorra da eta bere
helburua egoera fisikoaren osagai bat edo batzuk hobetzea edo mantentzea da.
Jarduera fisikoak ariketa hartzen du baitan, baina baita gorputza mugiarazten duten
beste jarduera batzuk ere; jolasean, lanean, garraio-modu aktiboetan, etxeko lanetan
eta aisialdiko jardueretan... horietan guztietan egiten da jarduera fisikoa, eta on egiten
4
dio osasunari. Egunean egiten ditugun jarduerak, lagungarri gerta dakizkiguke
bizimodu aktiboago eta osasuntsuagoa izateko.
• Eskaileretatik igotzea, igogailua erabili beharrean.
• Autoa baztertzea eta joan-etorriak bizikletaz edo oinez egitea.
• Autobusez bidaiatzen dugunean, geldialdi bat lehenago jaistea.
• Etxeko lanak egitea (oheak egitea, eskobatzea, kristalak garbitzea;).
• Lorezaintzako lanak egitea (lurra mugitzea, soropila moztea, zuhaitzak
inaustea;)
• Eguneko uneren batean oinez ibiltzera ateratzea, nahiz eta aurreikusita
ez egon.
Gida honetan pertsona aktiboak izateko hainbat proposamen aurkitu ditzakegu.
Jarduera fisikoaren maila handitzea gizarte-beharrizana da, ez soilik norbanakoarena.
Beraz, biztanleria-ikuspegia, arlo anitzeko ikuspegia, diziplina anitzekoa eta kulturalki
egokia hartzea eskatzen du.
Kirolek ia-ia beti Osasunaren Mundu Erakundearen definizioa betetzen- dute;
horregatik, Mugiment egitasmoan, kirolak jarduera fisikotzat hartzen ditugu. Gainera,
gorputzaren mugimendurik ez egoteagatik hori betetzen ez dutenean, nazioartean
auzitan jartzen da kirolak diren ala ez.
4. SEDENTARISMOA ETA JARDUERA FISIKO EZA
Jarduera fisikoari buruz ari garenez, garrantzitsuak diren eta zuen lanean aplikatu
beharko diren kontzeptu batzuk argitu behar ditugu.
Pertsona sedentarioa da denbora luzean jarrera sedentarioetan egoten dena.
Pertsona ez-aktiboa edo inaktiboa da jarduera fisikoa osasun-agintariek (OME)
gomendatutako neurrian egiten ez duena.
Pertsona aktiboa da jarduera fisikoa gutxieneko gomendioen gainetik egiten duena;
baina kontuz!, pertsona bat aktiboa eta sedentarioa izan daiteke, eta hori osasunerako
arriskutsua izan daiteke.
5
Kontzeptu horiek argitzea ezinbestekoa da sedentarismoaren ondorio negatiboak
saihesteko. Gaur egun, ezjakintasunarengatik, aktiboak diren pertsona askok ez diote
garrantzi nahikorik ematen jarrera sedentarioetan denbora luzean egoteari.
5. JARDUERA FISIKOA EGITEAREN DETERMINATZAILEAK
Jarduera fisikoa osasunaren baldintzatzaileetako bat da eta hura bultzatzeko oinarrizko
jokaera proposatzen dugu, baina lehentasunak agente ezberdinentzat zehaztuz.
Aipatutako jokaera jarduera fisikoko determinatzaileetan oinarrituta egon beharko
litzateke.
6
6. MUGIMENT ZERBITSUA BEDIAN
6.1. ORIENTAZIO ZERBITSUA
6.1.1. HELBURUA
Bediako biztanleek jarduera fisiko gehiago egitea eta ohitura sedentarioak
murriztea. Hala nola, herrian dauden zerbitzuen bitartez, eta antolatzen diren
ekimen eta ekintzak medio gero eta pertsona inaktibo eta sedentario gutxiago
izatea herrian. Denon artean herri osasuntsu bat sortuz. Modu honetan patologiak
dituzten zein patologiarik ez duten pertsona inaktiboei, arrazoi edo kausa
diferenteengatik inaktibo diren horiei, laguntza ematea, euren bizitzetan ohitura
modura txerta dezaten jarduera fisikoa, horri esker euren egoera fisikoa zein
ongizate orokorra hobetuko baitituzte.
6.1.2. XEDEA
Orientatzaile horien xedea, hain zuzen ere, herritarrei informazioa, prestakuntza,
aholkua, gida eta laguntza ematea da, jarduera fisiko erregularra eginez bizimolde
osasungarriak har ditzaten.
6.1.3. NORK ORIENTATUKO DU.
Orientazio-lana Jarduera Fisikoaren eta Kirolaren Zientzietan graduatuta edo
lizentziatuta dauden pertsonek egin behar dute. Gure kasuan, Jokin Zabala, Jarduera
Fisiko eta kirolean graduatua eta Heziketa fisikoko graduan graduatuak hartuko du
honen ardura.
Hala ere, kasuan kasuko, orientatzailearen eta osasun arloko edo arlo soziosanitarioko
langileen artean zuzeneko harremana egongo da. Bai teléfonos, aurrez aurre edo
posta elektronikoz.
Orientatzailea ez da ohiko fitness areto bateko begirale edo dinamizatzailea.
Erabiltzaileen ezaugarriak konplexuagoak eta delikatuagoak dira gimnasio bateko
ohiko erabiltzaileenak baino. Horregatik, arreta berezia jarkoda tratu pertsonalizatuan
eta alderdi emozionalean.
7
6.1.4. ORIENTATZAILEAREN EGINKIZUNA
Orientatzailaren bitartez, esan bezala, herrian dauden erabiltzaileen jarduera fisikoaren
ohiturak bultzatu eta aldatzearen apustua egingo da, hala nola, jarduera fisikoa aldian-
aldian egiteko ohiturekiko atxikimendua sorrarazi. Horretarako, honako hauek dira bere
eginkizun nagusiak:
• Informazioa ematea zerbitzuaren funtzionamenduari eta helburuari buruz eta
zerbitzuak ekar ditzakeen onura pertsonalei buruz.
• Hitzordura joaten diren pertsonen jarduera fisikoaren maila ebaluatzea eta bizi-
ohiturak ezagutzea (elikadura, lan-bizitza, gizarte-bizitza, jarduera fisikoaren
historia;), eta horretarako entzute aktiboa erabiltzea.
• Aholku indibidual eta pertsonalizatua ematea, norbanakoaren beharrizan eta
aukeren eta lehentasunen arabera.
• Erabiltzaileak orientatzea jarduera fisiko osasungarri batera, euren egoeraren
eta gustu pertsonalen araberako jarduera batera, eta beharrezkoa den
jarraipena egitea.
• Orientazioko egitarau indibidualen osagarri izango diren jarduerak diseinatzea
(funtsean taldeko edo komunitateko jarduerak).
• Zuzendutako talde-saioak edo hezkuntza-tailerrak zuzentzea eta
dinamizatzea.
8
• Euren eginkizunak behar bezala betetzeko trebetasun espezifikoak
eskuratzea.
• Udalerrian jarduera fisikoa sustatzeko proiektuetan buru aritzea beste
hainbatekin batera.
• Bideratzeko prozesuan parte hartzen duten zerbitzu eta eragile guztiekin behar
bezala koordinatzea.
• Udalerriko tokiko sarean laguntzea.
6.1.5. ORIENTAZIO PROSEZUAREN FASEAK
Orientazio prozesuan aurrera eramateko, hiru fasetan eramango da hau: Hasierako
ebaluazioa, orientazio planaren diseinua eta Jarraipena eta ebaluazioa. Fase
desberdin hauek honela landuko dira Bedian:
6.1.5.1. HASIERAKO EBALUAZIOA/ ELKARRIZKETA
Fase hau orientatzailearen eta erabiltzailearen arteko harreman indibidualaren
lehenengo puntua da. Horretarako elkarrizketa indibidualak planifikatuko dira. Hala ere,
baliteke elkarrizketara talde bat elkarrekin joatea. 18urte azpiko gazte bat baldin bada
tutore legal batekin etorri beharko du.
Elkarrizketa honen bidez, pertsonaren egoera pertsonalari, osasun-egoerari eta egoera
fisikoari buruzko informazioa lortu nahi da, gerora jarduera fisikoaren orientaziorako
plana egin ahal izateko.
Aurretik esan bezala, herrian dauden osasun agenteekin (mediku eta erizaina)
harremanetan egongo da orientzatzailea eta behar izanez gero honekin batera
informazioa elkar banatu eta hauekin egoera puntualetan plangintza indibidualizatuak
prestatuko ditu.
- Helburua: Zerbitzura jo duen pertsonaren egoera eta ezaugarriak jakitea,
honako parametro hauek neurtuta:
- Aurretiazko ohiturak (ariketa fisioko eta jarduera fisikoari dagokionez.
- Aldatzeko prest egotea (aldaketaren egoeren eredua)
- Arriskuaren estratifikazioa
9
- Aurretiazko jarduera fisikoaren maila (IPAQ galde-sorta; 1. Eranskina)
- Pertsonaren mugatzaile sozialetara egindako hurbilketa (jarduera
fisikorako oztopoak, beldurrak, beharrizanak)
- Egoera fisikoaren balorazioa
Guzti hau aurrera eramateko ezinbestekoa izango da orientatzaile eta parte
hartzailearen hartako harremana eta konfiantza osoa izatea.
- Egin beharrekoak: Orientatzaileka, bere lana aurrera eramateko hauek dira
jarraitu beharko dituen betebeharrak:
• Datu biltzea elkarrizketa: Egingo den elkarrizketaz aparte, bildu behar
diren datuak,osasuna eta jarduera fisikoari dagozkionak, bi kanaletatik
heldu daitezke.
o Oinarrizko datu pertsonalak (izen-abizenak, adina, sexua,
harremanetarako datuak;)
o Osasun-egoerari buruzko datuak:
� Lehen mailako arretako zerbitzuak emandako historia
medikoaren txostena.
� Historia hori eskura ez badago edo osasun zailekoek ezin
badigute hutsi, orientazio-zerbitzuaren PAR-Q galde-sorta
erabiliko du, pertsonaren osasun-egoera zein den jakiteko eta
egokiak diren neurriak hartzeko
Kontuan hartu behar da, beti parte-hartzaileak ez datozela osasun zentrotik
bidaliak eta horregatik, kasuan kasu tratatzea ezinbestekoa da, bakoitzaren
errealitatera hurbiltzeko. Modu honetan bakoitzak dituen arriskuen, mailaren
aldaketarako jarrera, egoera pertsonala, egoera fisikoaren balorazioa
pertsonala izatea lortuko dugu. Horretarako lehen esan bezala PAR-Q galde-
sorta erabiliko dira.
• Informazio hitzaldia eta Jarduera fisikoaren plana azaltzeko: Hitzordua,
elkarrizketa eta hasierako ebaluazioa amaitu ostean, informazio-
hitzaldia egingo da. Hitzordu horretan landu beharreko eduki orokorrak
eta eduki espezifikoak azalduko dira:
o Eduki Orokorrak:
10
� Jarduera fisikoak bideratu den pertsonaren egoera zehatzean
dituen onurak.
� OMEk jarduera fisikoari buruz egindako gutxieneko gomendioei
buruzko informazioa.
o Eduki Espezifikoak:
� Bideratutako pertsonen patologiari gehien egokitzen zaizkien
jarduera fisikoak: Zuzenduriko jarduerak nahiz libreak.
� Bideratutako pertsonen patologiarako kontraindikatuta dauden
jarduera fisikoak.
� Informazio-hitzaldian, orientatzaileak bideratu diren pertsonek
azaltzen dituzten zalantza guztiei erantzungo zaie.
Guzti honen bitartez, jarduera fisikoa egiten hasteko prest dauden erabiltzaileekin ados
jarrita. Hitzordu horretan, planaren proposamen bat azalduko zaie, euren eguneroko
bizimoduan jarduera fisikoa sartzeko eta/edo mantentzeko.
6.1.5.2. ORIOENTAZIO PLAN DISENUA
Fase honetan, orientatzaileak, hasierako elkarrizketaren bitartez lortutako datu eta
informazioarekin, orientazio plan bat egingo du.
- Helburua: Fase honen helburu nagusia erabiltzailearen neurrira egindako
ekintza-plana eskaintzea da, bere beharrizanen, gustuen eta lehentasunen
arabera eta erabiltzailearen egoera fisikoaren arabera. Plan horrek
pertsonaren ohitura aldaketarako oztopoak gainditu beharko ditu, eta
zerbitzuaren erabiltzailea jarduera fisikoari atxikitzeko tresnak bilatu.
- Egin beharrekoak: Hiru izango dira orientazio zerbitzuak aplikatu ahalko
dituen neurriak: Aholkularitza, Jardueretan laguntza eta Gidatzea.
• Aholkularitza: Orientatzaileak erabiltzaileari eskaintzen dion aholku
pertsonalizatua da, erabiltzaileak haren eguneroko bizimoduan txerta dezan
jarduera fisikoa.
Hasierako ebaluazioan lortutako emaitzetan oinarrituta jarduera
fisikoaren plangintza bat idatziz prestatzea izango da ekintza horretan
11
egin beharreko zeregin nagusia. Hala, plangintza hori erabiltzailearen
beharrizanei, gustuei, lehentasunei eta egoera fisikoari egokitu beharko
zaie.
Jarduera fisikoaren plangintza hori prestatzean, honako puntu hauek
sartzea gomendatzen da:
o FITT printzipioak
o Jardueraren aurrerabide egokia.
o Kontraindikatutako ariketak/jarduerak.
o Aldagaiak eta jarduera hori osatzen duten aukerak.
o Kirol-materialari buruzko aholkuak: arropa eta oinetako egokiak,
lesioak prebenitzeko neurriak, segurtasuna eta jarduera fisikoaren
kontrola errazten dituzten teknologia berriak: podometroa,
pultsometroa, GPSa.
o Jarduerari errazago atxikitzen gehien lagunduko duen ordu-tartea
aurkitzeko laguntzak.
• Gidatzea: Honela definitzen da ekintza hori: orientatzaileak gomendioa
egitea udalerrian eskaintzen diren zuzenduriko jardueretako batera edo
zerbitzu batera joateko, jarduera edo zerbitzu hori erabiltzailearen
ezaugarri eta beharrizanetarako egokia denean.
Mugiment egitasmokook gomendio hau egiten dugu: orientatzaileak
erabiltzaileari esatea ez soilik nora joan behar duen, baizik eta egun
jakin bat jartzea pertsonarekin elkartzeko eta harekin batera joateko
jardueraren lehenengo egunean. Mikro-laguntza hori banaka egin
ahalko da, edo bestela taldeka, jarduera berbera pertsona talde
batentzat egiten bada. Gure ustez komenigarria da talde horretan
gehienez 5 pertsona egotea. Laguntza horrek eta zuzendutako saioak
iraupen berbera izango dute.
Jarduera egiten ari den bitartean laguntza hori instalazio batean egiten
bada, orientatzaileak jardueraren arduradunari abisatu beharko dio bera
bertan dagoela, bai modu informalean, bai jarduera horietarako
erabakitzen den protokolo zehatzaren bitartez; halako protokolo bat
ezarri bada, horixe aplikatuko da.
12
Orientazio-zerbitzuko arduradunak jarduera fisikorako laguntza hori
ematearen helburu nagusia da jarduera fisikoa egiteko oztopoak
murriztea. Segurtasun falta, ezagutzen ez denaren beldur izatea, talde
ezezagun batean sartzeak sortzen duen deserosotasuna, pertsona
inaktiboek mota bateko edo besteko jarduera fisiko bat egiten hastean
aurkitzen dituzten oztopoak dira, eta jardueraren lehenengo saioan
eman beharreko laguntza hori lagungarria izango da eragozpen horiek
gainditzeko.
Gainera, hitzordu bat ezarrita izatea lagungarria izango da pertsona
horiek aurkitzen duten beste traba handi bat gainditzeko; hau da,
norbere ekimenaren falta gainditzeko. Hirugarren pertsona batekin, kasu
honetan orientatzailearekin, konpromisoa hartzea lehenengo saioa
batera egiteko, faktore garrantzitsua da pertsonek lehenengo saio hori
burutzeko; izan ere, jarduera fisikoa beste pertsona batzuekin batera
egitea onuragarria da motibazioa izateko eta jarduerarekin bat egiteko.
Bestalde, taldeak sortzeko aukera dago, pertsonak euren jardueraren
lehenengo egunean gidatzeko. Gidatzeko modu hori estrategia ona da,
hainbat abantaila daukalako:
o Jarduera fisiko bat egiten hastea modu berean jarduera hori egiten
hasiko diren beste batzuekin, lagungarria izan daiteke jarduera
horren aurrean beldurra murrizteko.
o Harreman sozialak sortzea lagungarria izan daiteke oztopoak
gainditzeko, adibidez jarduerara aldizka joateko borondaterik eza
gainditzeko.
o Harreman sozialak sortzea faktore garrantzitsua da jarduera
fisikoarekiko atxikimendua hobetzeko.
Orientazio-zerbitzuko buruak, aipatu diren alderdiez gain, kontuan hartu
beharko du estrategia batzuk edo besteak abian jarri beharko dituela,
erabiltzaileak jarduera fisikoarekin hobeto bat egiteko.
• Jardueretan laguntzea: Puntu honetan, orientatzaileak aholkua emateaz
gain talde espezifikoen dinamizatzaile lana egiten duen kasuez
mintzatuko gara. Interesgarria izango da orientatzaileak hori egitea
udalerrian talde espezifikoren bati egokitutako jardueren eskaintzarik ez
13
dagoenean, adibidez patologia kroniko arriskutsuak dituzten pertsonei
egokitutako jarduerarik ez dagoenean.
Eredu hori aplikatuz, orientatzaileak erabiltzailearen kontrol zorrotzago
eta iraunkorragoa egin ahalko du, eta hala bidea emango du helburuak
lortzeko eta jardueraren plangintza betetako lorpenen arabera
egokitzeko.
Talde espezifikoekin egindako saioez gain, ekintza honetan hezkuntza-
tailerrak ere sar daitezke, jarduera fisikoa beren kabuz egitea
erabakitzen duten erabiltzaileentzat.
6.1.5.3. JARRAIPENA ETA EBALUAZIOA
Prozesuaren atal horretan, orientatzaileak erabiltzailearen jarraipena egingo du, bai
orientazio-planaren betetze mailari dagokionez, bai aurrerabideei, lortutako
hobekuntzei eta hautemandako gogobetetzeari dagokienez.
- Helburua:
• Bideratu den pertsona jarduera fisikoari lotzeko bidea ematea, eta, jokabide-
aldaketa sortutakoan, ohitura sortzea.
• Bideratu den pertsonak bere jarduera fisikoa dela-eta zer-nolako
gogobetetzea duen jakitea, bere gustuei eta beharrizanei gehien egokitzen
zaien jarduera aurkitzen lagundu ahal izateko.
• Bideratu den pertsonak jarduera fisikoaren ezaugarriei buruz dituen zalantza
guztiak argitzea (egiteko modua, intentsitatea eta abar).
• Jarduera fisikoa patologia bakoitzari egokituta egiteko bere ingurunean
dauden aukera berriei buruzko informazioa eskaintzea. Jarduera fisikoa
egitean sor daitezkeen konplikazioak kudeatzen laguntzea.
• Konponbideak eskaintzea aurre egin ahal izateko inaktibotasunera itzularaz
dezaketen mehatxu eta gertakariei: ama bilakatzea, hezkuntza-zikloa
aldatzea, bizilekua aldatzea, familiaren bizilekutik independizatzea,
ezkontidearengandik banantzea, osasun-gertakariren bat izatea,
oporraldiak;
14
- Egin beharrekoak: Orientazio-zerbitzuko burua harremanetan jarriko da
bideratu den pertsonarekin, telefono bidez, edo, bestela, lehenengo
elkarrizketa amaitzean beste hitzordu bat ezarriko da, gainbegiratzea egiteko
egun eta ordu bat zehazteko; gainbegiratze hori, aurrez aurre edo telefono
bidez egingo da.
Hala ere noiz behinka ondorego infromazio biltzea ere eramango da moemntu
honetan:
• Norainoko gogobetetzea duen jarduera egiteari buruz eta orientazio-
zerbitzuan jasotako tratuari buruz.
• Jarduera fisikoari buruz gehien gustatzen zaizkion eta ondoen baloratzen
dituen alderdiak eta gutxien gustatzen zaizkion eta jarduera hori egiten
jarraitzeko oztopo diren alderdiak.
• Jarduera fisikoaren plangintzan proposatutako jardueren ezaugarriei buruz
pazienteak izan ditzakeen zalantzak (egiteko modua, intentsitatea eta abar).
• Norberaren bizimoduan jarduera fisiko berriak sartzeko aukera.
• Egoera fisikoaren jarraipena.
6.1.6. ORDUTEGIA.
Bedian izango dugun Mugiment orientazio zerbitzuaren ordutegia ondorengoa izango
da:
- Astelehenak: 11:00-13:00 eta 19:30-20:30
Orientazio zerbitzuaz aparte, asteko bi egunetan jarduera fisikoa egiteko bi talde
egongo dira. Egun horietan herritar orok parte hartu ahal izango du eta mailaren
arabera jarduera físiko desberdinak planifikatuko dira.
- Astelehenak 20:30-21:30 (Gazteekin).
- Asteazkenak 20:00-21:00 (Nagusiekin).
Hala ere, baliteke parte hartu nahi duen herritarren batek, orientazio zerbitzuaren parte
izan nahi izatea eta ordutegi horren barruan ezin parte hartzea. Hori dela eta e posta
eta telefono bat egongo da eskuragarri eta hitzordu bat adostuko da bi parteen artean.
15
6.1.7. NOLA PARTE HARTU.
Parte hartu nahi duen herritar orok zita hartu beharko du. Horretarako hiru bide izango
dituzte:
1- Orientatzaileak izango duet telefonoa.
2- E-posta elektronikoa.
3- Ordutegiaren barruan bertara joanda eta zita esakatuta.
7. BIBLIOGRAFIA
- Downloadable questionnaires - International Physical Activity Questionnaire.
(2019). Ikusgarri: https://sites.google.com/site/theipaq/questionnaire_links.
- Eusko Jaurlaritza, Arabako Foru Aldundia, Bizkaiko Foru Aldundia, y
Gipuzkoako Foru Aldundia. (2019). Orientazio-zerbitzuetarako gida 3.4
Mugiment. Ikusgarri: https://docs.google.com/document/d/14yr5zn-EhJ1xlwc-
DtRFwGHXsVXompIa9wDfRTTJKDg/edit#
- IPA-Q Cuestionario. Ikusgarri: ://www.e-encuesta.com/r/NfRulSCU_5BCW-
Hgn28GqA/
16
8. ERANZKINAK
8.1. PAR-Q GALDE-SORTA (1.ERANZKINA)
Ebaluazio elkarrizketarako galdera sorta batzuk:
PAR-Q GALDE-SORTA
BAI EZ GALDERAK
1. Esan al dizu inoiz zure medikuak bihotzeko gaixotasun bat daukazula eta hark gomendatutako jarduera fisikoa soil-soilik egin behar duzula?
2. Jarduera fisikoa egiten duzunen min duzu bularrean?
3. Azken hilean, jarduera fisikorik egin ez duzunean, min izan duzu bularrean?
4. Zorabiatu eta oreka galtzen duzu, edo konortea galdu duzu inoiz?
5. Hezurretan edo giltzaduretan arazorik duzu (adibidez, bizkarra, belauna edo aldaka) eta jarduera fisikoa eginez gero arazo horiek txarrera egin dezakete?
6. Arteria-presiorako edo bihotz-arazoetarako sendagaien bat hartzeko agindu dizu medikuak ?
7. Arrazoiren baten batengatik ez zaizu komeni jarduera fisikorik egitea?
17
IPAQ GALDE-SORTA
(International Physical Activity Questionnaire) Mesedez, galderak arretaz irakurri eta galdera bakoitzari zintzotasunez erantzun.
GALDERAK
1. Azken 7 egunetan, zenbatetan egin dituzu jarduera fisiko biziak, adibidez pisu astunak altxatu, hondeatu, spinning-a egin edo oinez azkar ibili eta/edo aldapetan gora bizikletaz ibili?
Adierazi zenbat egun astean (0 bada, 3. galderara joan)
2. Normalean, zenbat denbora eman zenuen guztira jarduera horretan egun horietako batean?
Adierazi egun bakoitzeko zenbat ordu
3. Azken 7 egunetan, zenbatetan egin zenituen intentsitate ertaineko jarduera fisikoak, adibidez pisu arinak garraiatu, footing-a egin, bizikletaz ordokian erritmo lasaian paseatu, edo eskailerak igo? Ez hartu kontuan oinez ibiltzea
Adierazi zenbat egun astean (0 bada, 5. galderara joan)
4. Normalean, zenbat denbora eman zenuen guztira jarduera horretan egun horietako batean?
Adierazi egun bakoitzeko zenbat ordu
5. Azken 7 egunetan, zenbat egunetan ibili zara oinez gutxienez 10 minutuan jarraian?
Adierazi astean zenbat egunetan
6. Normalean, zenbat denbora eman zenuen guztira jarduera horretan egun horietako batean?
Adierazi egun bakoitzeko zenbat ordu
7. Azken 7 egunetan, zenbat denbora egon zinen eserita lanegun batean?
Adierazi egun bakoitzeko zenbat ordu
Galdetegiak osorik:
- IPAQ
- PAR-Q
18
