ZURRIOLA IKASTOLA

LH 3. maila

2018/19

Ohar honen bertsio elebiduna bertan duzue irakurgai.

La versión bilingüe de este documento está disponible aquí.

2018/19 ikasturtea LH 3. maila

1. ARLOAK, IRAKASLEAK ETA ORDUTEGIA

2. HELBURUAK ETA ARLOEN INGURUKO OHARRAK

3. ETXETIK LAGUNDUZ

4. IRTEERAK ETA JARDUERA OSAGARRIAK

5. ZENBAIT BARNE-ARAU ETA OHAR

6. LIBURUEN MAILEGUA

7. OSASUN ARRETA

8. EUSKARAZ BIZI PROIEKTUA

9. GURASOEKIN HARREMANA

10. GURASOEKIN PARTAIDETZA IKASTOLAN

11. GELAKO GURASO ORDEZKARIAK

AURKIBIDEA

2018/19 ikasturtea LH 3. maila

1. ARLOAK, IRAKASLEAK ETA ORDUTEGIA

Ikasgaia Irakasleak Irakasleak Irakasleak

A B C

Tutoretza Jon Mariaje Garbiñe

Txanela Jon Mariaje Garbiñe

Irakurketa Jon Mariaje Garbiñe

Gaztelania Jone R Mariaje Mariaje

Matematika Jon Mariaje Garbiñe

Ingelesa Idoia Idoia Garbiñe

Gorputz Hezkuntza Jon Jon Jon

Plastika Jon Idoia Garbiñe

Musika Igor Igor Igor

Antzerkia Jone R Jone R Jone R

3 A

ASTELEHENA ASTEARTEA ASTEAZKENA OSTEGUNA OSTIRALA

9:00-10:00 TXANELA MATEMATIKA SOINKETA IRAKURKETA/

ORDENAGAILUAK MATEMATIKA

10:00-11:00 MUSIKA MATEMATIKA TXANELA IRAKURKETA/

ORDENAGAILUAK TXANELA

11:00-11:30

11:30-12:30 MATEMATIKA INGELESA GAZTELANIA INGELESA GAZTELANIA

15:00-15:55 GAZTELANIA ANTZERKIA TXANELA TXANELA PLASTIKA

15:55-16:50 INGELESA

TXANELA

MATEMATIKA MUSIKA TUTORETZA

2018/19 ikasturtea LH 3. maila

3 B

ASTELEHENA ASTEARTEA ASTEAZKENA OSTEGUNA OSTIRALA

9:00-10:00 TXANELA TXANELA IRAKURKETA/

ORDENAGAILUAK MATEMATIKA MATEMATIKA

10:00-11:00 TXANELA MATEMATIKA IRAKURKETA/

ORDENAGAILUAK GAZTELANIA MUSIKA

11:00-11:30

11:30-12:30 MATEMATIKA SOINKETA INGELESA MUSIKA GAZTELANIA

15:00-15:55 INGELESA MATEMATIKA ANTZERKIA TXANELA PLASTIKA

15:55-16:50 TXANELA

GAZTELANIA

TXANELA INGELESA TUTORETZA

3 C

ASTELEHENA ASTEARTEA ASTEAZKENA OSTEGUNA OSTIRALA

9:00-10:00 TXANELA IRAKURKETA/

ORDENAGAILUAK MATEMATIKA MUSIKA TXANELA

10:00-11:00 MATEMATIKA IRAKURKETA/

ORDENAGAILUAK MATEMATIKA MATEMATIKA GAZTELANIA

11:00-11:30

11:30-12:30 INGELESA MUSIKA TXANELA TXANELA INGELESA

15:00-15:55 GAZTELANIA TXANELA GAZTELANIA TXANELA PLASTIKA

15:55-16:50 SOINKETA

INGELESA

MATEMATIKA ANTZERKIA TUTORETZA

2018/19 ikasturtea LH 3. maila

2. HELBURUAK ETA ARLOEN INGURUKO OHARRAK

HELBURUAK

Arloetako helburu didaktikoen txostena webgunean zintzilikatuta duzue.

Txosten horretan adierazitako helburuak zikloari dagozkio.

IKASKUNTZA KOOPERATIBOA

Ikaskuntza Kooperatiboan talde txikitan lan egiten da ondorengo

helburuak lortzeko:

o Berdintasunezko parte-hartzea ahalik eta gehien ziurtatzea.

o Aldibereko elkarreragina indartzea.

Hau kontuan izanik ondorengo alderdiak nabarmendu daitezke:

1. Ikaskuntza Kooperatiboko taldeko kideek erantzukizun bikoitza dute:

irakasleak irakatsitakoa ikastea eta taldekideekin kooperatzea.

2. Irakasleak bi helburu ditu: ikasleek eskolako edukiak ikastea, eta aldi

berean, taldean lan egiten eta solidario izaten ikastea.

3. Helburua geroz eta maizago elkarlanean aritzea izango da .

4. Ikaskuntza kooperatiboa ikasleek ikasi beharreko curriculum eduki bat

gehiago izango da.

TXANELA

Metodo globalizatzailearekin jarraitzen dugu, unitateen inguruan eduki eta

prozedurak lantzen ditugu. Honela Ingurunea eta Euskara dira oinarrian

dauden ikasgaiak baina lotura zuzena du Gaztelania, Plastika, Musika eta

Antzerkiarekin .

o 7 liburuxka, 2 lan koaderno eta bi koaderno erabiliko ditugu. Horrez

gain, DVDa, CDa abestiekin eta CD-Roma material osagarriekin.

o Txokoak: Txoko Zuria eta Liburutegiarekin jarraituko dugu eta

Prentsa Txokoa martxan jarriko dugu. Etxeko inplikazioa beharrezkoa

da, hori guztia aurrera eramateko.

2018/19 ikasturtea LH 3. maila

IRAKURKETA:

Irakurketak duen garrantzia kontutan izanik, arlo hau ezin da ikastolan

bakarrik landu. Etxean ere landu beharrekoa bada, eta egunero 10-15

minutu irakurtzea komeni zaie. Horretarako, gurasoen partaidetza

beharrezkoa da: animatuz, elkarrekin irakurriz...

Irakurketa etengabe lantzen da euskaraz zein gazteleraz, mekanika eta

ulermena garatzeko asmoz.

BIKOTEKA IRAKURTZEN:

Programa honen helburua irakurketa eta, bereziki, irakurketaren ulermena

hobetzea da eta parekoen arteko tutoretzan oinarrituta dago. Astean

ordubete eskainiko diogu irakurketa modu honetara lantzeari gela

erdiarekin, beste erdiak ordenagailuz hizkuntza lantzen duen bitartean.

Saio hauetan bikotekide batek tutore (irakasle) papera beteko du eta

bestea tutoratu (ikasle) izango da. Ikasle guztiek beteko dituzte tutore zein

tutoratu paperak ikasturtean zehar. Tutoreak landu beharreko testua

etxera eramango du aldez aurretik prestaketa bat egiteko, irakurketa

saioan irakasle papera ongi bete ahal izateko. Horrela, irakurketa

esanguratsua eta motibagarriagoa bihurtuko da tutorearentzat eta

tutoratuaren beharretara egokituagoa izango da. Horretaz gain, parekoen

tutoretzaren bidez lan egitea giza trebetasunen garapenerako eta

ikasleen inplikazio eta ardura areagotzeko metodo egokia da.

MATEMATIKA

Testu liburua, problemen liburua, koaderno txiki bat eta lan koadernoa

erabiliko ditugu.

Pentsamendu logikoari eta problemen ebazpenari garrantzi handia

emango diegu eta matematika manipulatiboan hastapenak emango

ditugu.

Ez dugu ahaztu behar buruzko kalkulua eta biderketa taulak aurten

ezinbestekoak direla.

GAZTELANIA

6 liburuxka eta 2 lan koaderno erabiliko ditugu.

Ahozko adierazpenari garrantzia emango diogu.

Idazketan euskara eta gaztelaniaren arteko desberdintasun fonologiko

nahiz grafikoak lantzen dira gehienbat (z, c, q, ch, ll, gue,gui).

2018/19 ikasturtea LH 3. maila

INGELESA

Metodoa aurreko zikloan baino ipuin konplexuagoetan oinarritzen da.

Ariketa liburuaz gain, bost ipuin eta Notebook-a erabiliko ditugu gelan.

Etxerako lanak egiteko CD bikoitza dute.

Gurasoen laguntza ezinbestekoa da etxerako lanen jarraipena egiteko.

Etxean bete beharreko lanak “Register Book”-ean zehaztuko ditugu eta

seme-alabak lanak burutzean , gurasoek bertan sinatuko dute.

INFORMATIKA

Astean 2 saio egingo ditugu ordenagailuarekin:

o Euskaran: “Bazter guztiei begira - I” ( CD ROOM).

o Matematikan: “Morgan eta Xarpa”

o Informatika hastapenak: power point-aren hastapenak eta

interneten informazio bilaketa

Ezinbestekoa da kaskoak gelan edukitzea eta sagua ekartzeko aukera ere

badute.

GORPUTZ HEZKUNTZA

Egun horretan kirol arropa ekarri beharko dute.

Ikasleren batek soinketa egiterik ez balu, idatziz justifikatu beharko luke

aste-egitarauan.

MUSIKA

Iaz hasitako metodologiari jarraipena emanez, tarteka txokotan arituko

dira beraien kabuz gaitasun ezberdinak landuz: mugimendua, sormena,

irakurketa, interpretazioa eta entzumena. Horretarako Vivace eta

Txanelako materiala erabiliko da.

ANTZERKIA

Talde osoarekin landuko da batzuetan, talde txikietan besteetan,

helburuak betetzeko jarduera desberdinak izango dituztelarik.

Helburuak: Bizitzarako konpetentziak lantzea antzerkia tresna bezala

erabiliz: emozioak, auto-kontzeptua, hizkuntza adierazpena, gorputz

adierazpena, parte-hartzea, talde lana eta talde kohesioa.

Antzerki-lan batean parte hartzen duten eragile desberdinen rolak poliki-

poliki landuko diren arren, helburua ez da izango antzerki-lan baten

erakustaldia.

ERREFORTZU SAIOAK

Ikas-prozesuan zailtasunak agertzen dituzten hainbat ikasleei errefortzu

saioak eskainiko zaizkie talde txikitan (irakurketa/idazketa eta

matematika).

Astean 4 eguerditan 30 minutuko saioak izango dira, 12:30etik 13:00etara.

Kurtsoan zehar errefortzuko taldea alda daiteke, ikasleen beharren

arabera.

2018/19 ikasturtea LH 3. maila

ASTE-EGITARAUA

3.mailako ikasleentzat tresna berria da. Lana eta materiala antolatzen

lagunduko die, eta gurasoek agenda horren jarraipena egitea

garrantzitsua da.

Behar denean etxera eraman eta ikastolara ekarri behar dute.

Irakasle eta gurasoen arteko komunikazio tresna ere bada: jokabide

arazoak, asistentzia-hutsen justifikazioak etab. bertan elkarri komunikatuko

dizkiogu.

3. ETXETIK LAGUNDUZ

Jakina den bezala gurasoen laguntza ezinbestekoa dugu ikasleen hezkuntzan

eta, hain zuzen ere, gure zikloari dagokionez, lan-aztura egokiak eta jarrera

baikorrak garatzea oinarrizkoa deritzogu. Horregatik, honako puntu hauetan arreta

berezia jartzea eskatzen dizuegu:

Etxerako lanak:

o Aste-egitarauaren jarraipena egin behar da, seme-alabei lanak

egin behar dituztela gogorarazi eta egin dituztela ziurtatu.

o Bertan idatzita eramango dituzte etxerako lanak. Idatzita dagoen

egunerako egin behar da lana. (EGIN/BUKATU)

o Ahal dela, toki eta ordu berean egin ditzatela.

o Ez utzi azken unerako/bezperarako.

o Ardura ikaslearena da eta autonomia garatzen lagunduko dio.

Irakurketak ikasketa prozesuan duen garrantzia kontutan izanik, aurten ere

ikasleek etxean irakurketari egunero tarte bat eskaintzea beharrezkotzat

jotzen dugu (10-15min.).

Materialaren antolaketa:

o Ordenaren jarraipena: Koadernoak, liburuak, zorrotxoa, motxila...

Motibazioa:

o Gelan lantzen diren gaiekiko interesa erakutsi.

Euskaraz bizi:

o Euskal komunikabideak kontsumitzera eta aisialdian euskarazko

jarduerak egitera animatu.

Eskolaz kanpoko jarduerak:

o Ikasle bakoitzaren beharrak desberdinak direla kontutan hartu.

o Jarduera kopurua hausnartu eta baloratu.

o Lehentasunak gurasoek markatu.

2018/19 ikasturtea LH 3. maila

4. IRTEERAK ETA JARDUERA OSAGARRIAK

Irteerak eskola-jarduerak dira eta ikasle guztiek hartuko dute parte. Norbaitek

etortzerik izango ez balu, edozein asistentzia hutsa bezala justifikatu beharko lukete

gurasoek, eta jakin bezain laster adierazi, taldearen antolaketa oztopa ez dezan.

Ikasturte honetan egingo ditugun jarduera osagarriak eta irteerak hauek izango

dira :

Txanelarekin loturikoak (Uliara bira, Tabakalerako Ubik sorkuntza

liburutegira, Kristina-Enea, Lore - baratzak)

Ikasturte bukaeran Zugarramurdiko Graxiana aterpetxera

Bestelakoak: antzerki emanaldiak, Bide Hezkuntza ikastaroa, Koldo

Mitxelena lehiaketan partaidetza, zinea euskaraz, Kontzertu

pedagogikoa…

Aipatutakoaz gain, Ikastolan beste jarduera hauek ere izango ditugu:

o Ikastolako 50. Urteurrena:urriaren 8an

o Euskararen eguna: abenduaren 3an.

o San Tomas: abenduaren 20an.

o Olentzero: abenduaren 24an.

o Danborrada: urtarrilaren 18an.

o Kaldereroak: otsailaren 1ean.

o Inauteriak: martxoaren 1ean

o Ikastolaren eguna: maiatzean.

o Bide hezkuntza: saio bat martxoaren 25tik 29ra doan astean.

o Igeriketa ikastaroa:

Bigarren zikloko ikasle guztiek ikasturtean zehar 15 bat egunez igeriketako

ikastaroa izango dute ondoko datetan:

o Abenduaren 10, 11, 17, 18 eta 19.

o Otsailaren 4tik 7ra.

o Apirilaren 8tik 12ra.

Bertan haurrek, segurtasunez eta beldurrik gabe, uretan mugitzeko eta gozatzeko

gaitasuna eskuratzen dute. Igeriketaren ikasketa, ikasle zaharragoen eskutik egiten

dute gainera. Kiroletako begirale izateko lanbide heziketako ikasketak (GKAI) egiten

ari diren Zurriolako ikasleen eskutik egiten dute. Honek hainbat abantaila eskaintzen

ditu:

- Ariketak eta ebaluazio adierazleak, lanbide heziketako igeriketa ikasgaiaren

proiektuan landuta egongo dira.

- Irakasle ratioa ohikoa baina handiagoa da, 10-12 haurrentzako 2 begirale

egongo dira.

- Hurbiltasun handia eta irakaskuntza pertsonalizatua eskaintzen dute

begiraleek. Haurrek bere mailara egokitutako ariketak egingo ditu.

- Ariketa analitikoak erabili beharrean, jolasean oinarritutako ariketa globalen

bidez ikasiko dute.

2018/19 ikasturtea LH 3. maila

5. ZENBAIT BARNE-ARAU ETA OHAR

Ondoren aipatuko ditugun arauak ikastolaren eguneroko funtzionamendurako

jarritakoak dira. Arau horiek elkarbizitza eta ikastolako helburuen lorpenera

bideratuta daude. Ondorioz, guztiok errespetatu eta errespetarazi behar ditugu.

Euskara: Ikastolan eta ikastolako jarduera guztietan euskaraz hitz egingo dugu,

eta gure ingurukoei ere euskaraz hitz egin dezaten eskatuko diegu.

Puntualitatea: Gelara garaiz iritsi behar da, saioa bere orduan hasteko .

Asistentzia-hutsak: Ahal den guztietan aste egitarauan aurrez idaztea eskatzen

dizuegu.

Autobus zerbitzua erabiltzen duten ikasleentzat: Aldaketaren bat dagoenean

irakasleak edo autobusaren arduradunak jakinaren gainean egon beharko du.

Autobus geltokian haur baten arduraduna ez badago, haur hori ikastolara

bueltan eramango dugu.

Atarirako materiala: Aurten, arrazoi pedagogikoei so eginez, atarian (goizeko

zaintzan, hamaiketako garaian eta eguerdian) ikasleak jolasean aritzeko

materiala Ikastolak eskainiko du. Beraz, eskatzen dizuegu, urritik aurrera zuen

seme-alabek ikastolara jostailurik ez ekartzea (kromoak, baloiak, zibak, rubik

kuboak, panpintxoak…) . Jostailuren bat ekarri beharko balute arratsaldeko

5etatik aurrera jolasean aritzeko, beraien motxiletan gordeta izan beharko dute

ikastola-eguna amaitu arte.

Arropetan izena: ikasleen arropetan izena jartzea beharrezkoa da. Izenik gabe

aurkitutako arropa atariko apaletan eskuragarri egongo da.

Patineteak, bizikletak eta bestelakoak: Hauetako edozein ibilgailu ikastola

barnean erabiltzea debekatua dago.

Ikasleen irteeren antolaketa: Gogorarazi nahi dizuegu Ategorrietako eraikuntzan

arratsaldez ordutegi desberdina dugula eta arratsaldez 16:50ean amaitzen

dugula. Horregatik, zuen seme alabak ordu horretan jaso behar dituzue.

17:00etatik aurrera ikasleren baten bila inor etorri ez bada, idazkaritzan egongo

da zain. Gurasoren batek bere seme edo alabari bakarrik irteteko baimena

eman nahiko balio, lehenbailehen baimen-eskaera orria betetzea eskertuko

genuke. Irteteko baimena duten ikasleek idazkaritza ondoko atetik aterako dira

egunero.

Atariaren irekiera eta itxiera:

o Atea 8:45, 12:30 eta 16:50ean irekiko da.

o 18:00etan atea itxiko da.

2018/19 ikasturtea LH 3. maila

6. LIBURUEN MAILEGUA

Mailegu sisteman ditugun liburuak hauek dira:

o Lengua Castellanako 6 liburuxkak.

Liburu hauen zaintza ikasleen ardura da, ikastolan geldituko baitira datozen

urteetan erabili ahal izateko.

7. OSASUN ARRETA

Aurretik osasun-fitxaren bitartez adierazi zenigutena aplikatuko dugu aurten

ere ikasleei botika eman eta dagokien osasun arreta eskaintzeko garaian. Orduz

geroztik aldaketaren bat eman bada (ikaslearen osasun egoera, har ditzakeen

botikak…) lehenbailehen tutoreari adierazi, dagokion informazio-orria bete eta

medikuaren agiria ekarri beharko duzue.

8. EUSKARAZ BIZI PROIEKTUA

Zurriola Ikastolako sorrera-helburua euskara eta euskal kulturaren transmisioa eta

sustapena dira. Bikain ziurtagiria lortu berri, Ikasturte honetan gure Hizkuntz Plan

Estrategiko berria jarriko dugu martxan. Euskaraldia-ren sustatzaileak gara,

aurten Korrika badator eta, hori gutxi balitz, urriaren 8an Zurriolak 50 urte beteko

ditu...

Proiektu honen helburu nagusia ikastolako partaide guztiengan, ikasle, langile

eta gurasoengan euskararen erabilera sustatu eta eragitea da. Helburua partaide

guztien artean euskara normaltasunez erabiltzea da. Horretarako plangintza

zehatzak bultzatzen ditu proiektu honek.

Irakasle eta langile guztiok konpromiso argia hartzen dugu proiektu honen alde

eragiteko, baita dagozkigun arloetan formazioa hobetzen jarraitzeko ere.

Gurasoen kasuan, ikasleen hizkuntza erabileran familiak duen garrantzia bereziki

azpimarratu nahi dugu. Horren harira, Ikastolako Gurasoen Euskara Batzordeak

prestatutako dekalogoa ikastolako webgunean duzuela gogorarazten dizuegu

(Olarrizu atalean). euskarabatzordea@zurriola.net.

Guraso euskaldunek beren artean euskara erabiliz modurik eraginkorrena dute

seme-alabengan ahalik eta hizkuntza erabilera eta gaitasun onena ziurtatzeko.

Zaindu hizkuntza ikastolako atarian, mesedez.

Guraso erdaldunek ere, euskararekiko interesa erakutsiz eta seme-alaben arteko

euskarazko erabilerak oro har sustatuz (euskarazko komunikabideak adibidez),

seme-alaben euskararen erabileran modu positibo batean eragin dezakete. Zer

esanik ez euskara ikastera animatzen badira.

2018/19 ikasturtea LH 3. maila

9.GURASOEKIN HARREMANAK

Gela osoko bi bilera egingo ditugu : Bat kurtso hasieran eta bukaeran bestea.

Banakako bilerak bi egingo ditugu : 1. hiruhilekoan edo 2. hiruhilekoaren hasieran

bat eta kurtso bukaeran bestea .

Bilera osagarririk behar izanez gero, aste-egitaraua erabiliko dugu hitzorduak

jartzeko edo adosteko. Presazkoak ez diren oharretarako irakasleen e-posta erabili

dezakezue:

Garbiñe Iguaran: giguaran@zurriolaikastola.net

Jon Badiola: jbadiola@zurriolaikastola.net

Mariaje Otaegi: motaegi@zurriolaikastola.net

Bestalde, aholkularitza eta koordinazio zerbitzua erabil dezakezue bestelako

kontsultak egiteko:

- Aholkularia: Eider Beraza eberaza@zurriolaikastola.net

- LH-ko koordinatzailea: Esther Amondarain koordinatzailealh@zurriolaikastola.net

10. GURASOEN PARTAIDETZA IKASTOLAN

Gurasoak Zurriola IKE kooperatibako partaide nagusiak izanik, Ikastolaren

norabide estrategikoaren ardatza dira, besteak beste, Batzarra edota Artezkaritza

Kontseiluaren bidez. Aldi berean, gurasoek partaidetza hori areagotzeko aukera

dute Olarrizuren bidez. Olarrrizu IGE, Zurriola Ikastolako ikasleen guraso-elkartea da.

Ikastolaren kooperatiba-izaera bultzatu nahian, bazkide guztion partaidetza sustatu

nahi du, bi helbururekin: ikastola osatzen dugun kolektibo guztien arteko harremana

sendotzea eta, auzolana bultzatuz, gure seme-alabentzat eredu izatea.

Horretarako, ikasturtean zehar, hainbat lan banatzen dira maila ezberdinetako

gurasoen artean: San Tomaseko txosna jartzea, maiatzeko festa antolatzea...

Bestalde, gurasoek seme-alabekin gozatzeko beste hainbat jarduera ere antolatzen

dira: Zurrimendi mendi taldea, Danborrada… edota euskara bultzatzeko Guraso

Euskara Batzordea.

Lan horiek guztiak koordinatzeko, batzordeak osatu dira. Batzorde horietan

gurasoak dabiltza, jo eta su, ahal den neurrian jarduera hauek antolatu eta hobetu

nahian. Batzordeak proposamenak egin eta lantzeko prest dauden guraso

guztientzat daude irekita, ikastola GUZTIOK, GUZTIONA, GUZTIONTZAT baita.

artezkaritza@zurriolaikastola.net olarrizu@zurriolaikastola.net

Bestalde, aurtengo ikasturtean ere gurasoentzat hainbat ikastaro eskaintzeko

asmoa dugu. Gaiak eta datak jakin bezain laster haien berri emango dizuegu.

Urtero bezala, aurten ere Gurasoentzat euskara ikastaroa eskainiko da.

2018/19 ikasturtea LH 3. maila

11. GELAKO GURASO ORDEZKARIAK

Gurasoen partaidetzarekin jarraituz, gela bakoitzean guraso ordezkari bana

eta ordezko bat aukeratuko da. Ordezkari horiek bitartekari lanak egingo dituzte

ikastola eta gurasoen artean ikasturteko harremanak ahalik eta egokienak izan

daitezen. Hori dela eta, ikastolarekin eta ikastolarentzat lan egiteko prest dauden

guraso dinamikoak eta boluntarioak behar dira. Guraso hauek beste gurasoak

dinamizatu, koordinatu, proposamenak jaso, bideratu eta tutore, kudeaketa talde,

zuzendaritza pedagogiko eta Artezkaritza Kontseiluko kide eta Batzordeen arteko

harremana sustatu eta zainduko dute.

Urterokoak diren ikastolako ekintzetan ere beste mailetako gurasoekin

laguntza bideratzeko zubi-lanak egin ditzakete ordezkari hauek, Artezkaritzatik eta

batzorde desberdinetatik bideratuko den sare baten bidez, (Santomasak,

Danborrada, Ikastolaren Jaia, Olarrizu guraso elkarteak antolatu ohi dituena…).

Guraso boluntariorik ez balego, ikasturte hasierako guraso bileran zozketaz

aukeratuko dira guraso ordezkariak eta ordezkoak. Zozketatik salbuetsiko dira

lehendik ordezkari izandakoak.