See discussions, stats, and author profiles for this publication at: https://www.researchgate.net/publication/348349990

Kakayahan ng mga Guro sa Filipino: Susi sa Pagpapayaman ng Kaalaman sa

Gramatika ng mga Mag-aaral

Article · January 2021

CITATIONS

0READS

17,524

1 author:

Some of the authors of this publication are also working on these related projects:

Kabisaan ng mga KAN (Kontekstwalisadong Akdang Naratibo) sa Pagkatuto ng mga Pokus ng Pandiwa ng mga Mag-aaral View project

Rey Mark Ibay

DepEd Pampanga

1 PUBLICATION   0 CITATIONS   

SEE PROFILE

All content following this page was uploaded by Rey Mark Ibay on 09 January 2021.

The user has requested enhancement of the downloaded file.

1

KAKAYAHAN NG MGA GURO SA FILIPINO: SUSI SA PAGPAPAYAMAN NG

KAALAMAN SA GRAMATIKA NG MGA MAG-AARAL

ni:

Rey Mark A. Ibay

Bulacan State University

2020

Abstrak

Ang pag-aaral na ito ay naglalayong matukoy ang antas kakayahan ng mga guro

sa Filipino at kung paano ito nagiging susi sa pagpapayaman ng kaalaman sa Gramatika

ng mga mag-aaral. Konteksto ng pag-aaral ang mga ginagawa ng mga guro sa pagtuturo

ng Filipino at ang mga pagtugon sa pangangailangang kakayahan sa Gramatika.

Isinagawa ang pag-aaral sa mga paaralan ng ika-7 Klaster ng Sangay ng

Pampanga. Ginamit ang talatanungang pagsusulit sa pagtukoy sa kakayahan ng mga guro

sa Morpolohiya at Sintaks, at ang talatanungang sarbey sa paglikom ng datos hinggil sa

mga kaparaanang ginagawa at mga pagtugon sa pangangailangan ng mga guro sa

pagpapayaman ng kaalaman sa Gramatika ng kanilang mga mag-aaral at sa pagpapataas

ng kanilang kakayahan sa Gramatika.

Natuklasan sa pag-aaral na nasa katamtamang husay ang antas ng kakayahan ng

mga guro sa Gramatika. Sa kabila man ng kahirapan nila sa Sintaks, nagiging maparaan

sila at madalas na nagsisikap upang matugunan ang kaalamang panggramatika ng

kanilang mga mag-aaral maging ng kanilang kakayahan rito.

Maikling Panimula

Pangunahing tungkulin ng mga guro sa pagtuturo ng wika ay ang balarila o

gramatika. Ito ay ang pangangalaga sa kawastuhan sa malinaw na pagpapahayag. Ang

isang mag-aaral ay dapat marunong sa mga tuntuning pangwika sa pagpapahayag upang

magamit nang wasto ang wika, pasalita o pasulat man. Samakatuwid, kailangang

malinang ang kanyang kakayahang panggramatika tungo sa pagkakaroon ng kakayahang

komunikatibo. Ang kaalaman ng mga mag-aaral ay maaaring may kinalaman sa

kakayahan din ng mga guro.

Samantala, isang malaking hamon para sa mga guro sa pagpapalaganap at

pagpapahalaga sa wikang Filipino ang lumabas na Commision on Higher Education

(CHEd) Memorandum blg. 20, serye ng 2013. Itinatakda nito ang pagpapatanggal ng

asignaturang Filipino sa kolehiyo upang makisabay sa kahingiang pandaigdig ang mga

Filipino na naaayon sa mga dapat matutuhan sa tinatahak na kurso ng mga mag-aaral.

Dahil dito, lumabas sa pag-aaral na ang pag-alis ng nasabing asignatura ay

maaaring makaapekto sa kaalamang pangwika ng mga mag-aaral na magbibigay

hangganan sa pag-aaral dito at magbubunga ito ng kawalan nila ng interes na payabungin

ito. Ito ang mga dahilan ng hindi pag-sang-ayon ng mga mag-aaral ukol sa isinasaad ng

memorandum (Inocencio, Amurao, Felomina, Francisco, Gubatan, Geuvarra, Holgado,

Hongco, Honda, Tenorio, 2017).

Maraming pamamaraan sa pagpapayaman ng kakayahang panggramatika ng mga

guro sa Filipino. Marami nang mga naglabasang mga sanayang aklat na makatutulong sa

2

paglinang ng kakayahang pangwika na magagamit sa kani-kanilang pagtuturo. Hindi

sapat na umasa sa mga natutunan sa kolehiyo bagkus lubos pang mapauunlad ang sarili

kung dadalo sa iba’t ibang mga pagsasanay, palihan, pagtamo ng antas gradwado at iba

pa.

Sa katunayan, kahit ang gurong hindi medyor sa Filipino ay may kakayahan ding

ituro ito sa kani-kanilang mga klase sa kadahilanang nagkaroon na ng karanasan at

kaalamang pangwika sa dami ng bilang ng taong itinuturo ito. Ngunit, hindi pa rin sapat

ang kaalamang nakukuha ng mga mag-aaral. Ang kakulangan sa mga dalubwika o guro

sa Filipino ang nagiging dahilan ng paglaganap ng ganitong sitwasyon sa mga paaralan

ngayon sa DepEd.

Ang mga nabanggit na mga kalagayan sa mga pampublikong paaralan ang mga

naging sandigan at batayan ng mananaliksik sa pagsasagawa ng pag-aaral. Maaaring

hindi na mapababago ang polisiya ng DepEd sa pagtanggap sa mga aplikanteng guro at

ang mismong pagbibigay ng asignaturang dapat ituturo batay sa kanilang pinag-aralan

dahil ang layon ng ahensya ay maparami ang bilang ng mga guro na makapagtuturo sa

patuloy na pagdami ng bilang ng mga mag-aaral. Marami man ang nakakakitang

suliranin ito ng kagawaran subalit isa pa rin itong solusyon sa pagtugon sa pangangailang

guro ng bansa.

Nilalayon ng mananaliksik na matukoy ang antas ng kakayahan ng mga guro sa

Filipino at kung paano ang mga ito nagiging susi sa pagpapayaman ng kaalaman sa

Gramatika ng mga mag-aaral. Tutuklasin ang mga paraan ng pagtuturo ng mga guro at

ang mga pangangailangan nila tungo sa pag-abot ng kahusayan sa pagtuturo at pag-aaral

ng Gramatika.

Paglalahad ng Suliranin

Ang pag-aaral na ito ay naglalayong matugunan ang pangunahing tanong na:

“Paano nagiging susi sa pagpapayaman ng kaalamang panggramatika ng mga mag-aaral

ang kakayahan ng mga guro sa Filipino?

Sinikap na matugunan ang mga sumusunod na tiyak na katanungan:

1. Ano ang antas ng kakayahan ng mga guro sa Filipino batay sa:

1.1. Morpolohiya

1.2. Sintaks?

2. Ano ang mga suliranin ng mga guro sa Gramatika batay sa:

2.1. Morpolohiya

2.2. Sintaks?

3. Ano ang mga kaparaanang ginawa ng mga guro sa Filipino sa

pagpapayaman ng kaalaman sa Gramatika ng kanilang mga mag-aaral?

4. Paano matutugunan ang mga pangangailangan ng mga guro sa kakayahan

sa Gramatika?

Pinagsamang mga Kaugnay na Literatura at Pag-aaral

Ayon sa DepEd Order blg. 7, serye ng 2015, pinaniniwalaang higit na nakasalalay

sa kakayahan ng mga guro ang tagumpay ng anumang sistema ng edukasyon. Kaya

naman, isa sa mga pangunahing isinasaalang-alang nito sa pagpapalaganap ng

malawakang pagpapatupad ng K-12 kurikulum ay ang pagkuha at pagpili ng mga guro

3

para sa mga pampublikong paaralang primarya at sekundarya. Tatayahin at pipiliin ang

mga guro batay sa pamantayang:

Talahanayan 1

Pamantayan sa Pagpili ng mga mga Guro (DepEd Order blg. 7, serye ng 2015)

Pamantayan Puntos

Edukasyon

Karanasan sa Pagtuturo

Markang Natamo sa LET/PBET

Mga Dinaluhang Seminar at Pagsasanay

Panayam

Pakitang-Turo

Kasanayan sa Pakikipagtalastasan

20

15

15

10

10

15

15

Kabuuan 100

Dahil dito, makikita na hindi basta-basta kumukuha bagkus ay sistematiko at

obhektibo ang pagtanggap sa mga aplikanteng guro. Bukod pa rito, masasabing matatasa

ang kakayahan sa komunikasyon at sa pagtuturo ng mga guro at masasabing sila’y

mayroon ng kahandaan na daraan sa proseso ng pagtanggap ng kagawaran sa mga guro

saan mang pampublikong paaralan.

Sa kasalukuyang pag-aaral, ang mga guro na magsisilbing respondente ay mula sa

mga pampublikong paaralan na natasa mula sa nasabing pamantayan sa pagpili at

pagtanggap ng aplikenteng guro sa DepEd, Sangay ng Pampanga. Ang mga nabanggit na

pamantayan ay kinakailangan ng mahusay na kakayahang panggramatika ng guro sa

pagkakaroon ng kaalamang panggramatika ng mga mag-aaral.

Kung pag-uusapan ang mga suliranin ng mga guro sa pagtuturo ng Filipino, ito ay

nakabatay sa salik-pangguro na nakaaapekto sa mabisang pagtuturo at ito ay ang mga

sumusunod: Nagtuturo ng asignaturang Filipino kahit hindi ito ang medyor, at madaling

naiintindihan ang asignaturang Filipino kaya hindi na nag-aaral nang malalim sa

pagtuturo (Abagon, 2013).

Samantala, inisa-isa ni De Juan (2016) ang ilang mga suliranin ng guro sa

pagtuturo ng wikang Filipino. Una, ang kamalayang makadayuhan sa

pakikipagtalastasan. Ikalawa, kakulangan nila ng kaalaman sa mga teknik o estratehiya sa

larangan ng pagtuturo ng pagsulat. Ikatlo, ang kakulangan ng kaalaman sa istrukturang

gramatikal (pagbabaybay, gamit ng iba’t ibang bahagi ng pananalita). Ikaapat, ‘di

lubusang paglinang sa kahusayang magamit ang wikang Filipino sa pagtuturo. Ikalima,

hirap sa pagtuturo ng mga matatalinhagang salita/pahayag ang guro at mag-aaral, at ang

panghuli, ang kakulangan ng kaalaman sa paggamit ng mga awtentikong kagamitan sa

pagtaya sa kaalaman ng mga mag-aaral.

Sa isinagawang pag-aaral ng mananaliksik, ang ikatlo hanggang ikalimang

suliranin ang tutuklasin at bibigyang solusyon para sa mga guro sa Filipino . Inalam ang

mga suliranin ng mga guro sa pamamagitan ng pagtataya sa kanilang kakayahang

panggramatika. Subalit, ang nasabing unang dalawang suliranin ay naiiba sa pag-aaral

dahil nakapokus ang mga suliranin na ito sa estratehiya sa pagtuturo ng guro sa Filipino.

4

Batay sa kinalabasan ng pag-aaral ni Domingo (2017), bahagi ng kurikulum ang

wikang Filipino sa Unibersidad ng California sa Los Angeles (UCLA). Natuklasan na

kapwa ang mga guro at mag-aaral ay may mga hamon sa pagkatuto ng wikang Filipino at

ito ay ang mga sumusunod: morpolohiya, sintaksis, kaukulan, aspekto, pokus at panagano

ng pandiwa, at ang paggamit ng pang-angkop. Sa madaling sabi, ang pagtuturo ng mga

guro sa ikalawa o ikatlong wika, mga banyaga at mga Heritage language ay

nangangailangan ng masinop, maingat, at sistematikong pagkakasunud-sunod ng mga

paksain sa nilalaman at kultura hindi lamang ng leksiyon sa gramatika upang hindi

malunod sa dami ng maliliit na detalye ng paggamit ng pang-angkop, pagkasunud-sunod

ng ingklitik sa isang pangungusap, mga pananda ng pangngalan, at iba pa na dapat

pagtuunan ng pansin upang kuminis ang wika at epektibong makipagtalastasan sa wikang

Filipino.

Batay sa kinalabasan ng isinagawang pag-aaral ni Cortez (2011), may mga

kwalipikadong guro at may kakayahan sa pagtuturo ngunit mayroon ding mga gurong

mahina ang kakayahan at hindi sapat ang kaalaman sa tiyak na asignatura na kanyang

itinuturo. Subalit, natuklasan na ang mga guro sa Filipino ay itinatama ang mga

nakikitang kamalian sa Gramatika ng mga mag-aaral ngunit hindi pa rin sapat ang

kanilang mga kaalamang naibabahagi upang maging karapat-dapat ang isang mag-aaral

na magtapos sa isang lebel ng sekondarya upang makaakyat sa malawak na mundo ng

antas kolehiyo.

Nilinaw nina Alejo, Balana, at Bas (2015) na magkaiba na ang pokus sa pagtuturo

ng wika. Noon, kaalamang istruktural o kayarian ng wika ang pinagtutuunan ng pansin

subalit ngayon ay paglinang na ng kahusayan sa paggamit nito, kasanayang

pakikipagtalastasan o ang kakayahang komunikatibo.

Kaugnay ang ideya na ito sa pag-aaral ng mananaliksik dahil layon nito na tasahin

ang kakayahan sa Morpolohiya at Sintaks ng mga guro na nasa pag-aaral ng kayarian ng

wika. Bukod dito, upang lubos na masukat ang kakayahang komunikatibo ng mga guro at

mag-aaral ay kailangang matasa ang kanilang kakayahan sa Gramatika gamit ang

pagsusulit na ginamit ng mananaliksik tungo sa komunikatibong kakayahan.

Dagdag pa ni Ferrer (2019), dapat maging aktibo sa pagbabasa ang mga mag-

aaral ng iba’t ibang panitikang Filipino upang mas lumawak ang kanilang nalalaman sa

mga bokabularyo. Mainam din para sa kanila ang pagbabasa ng diksyunaryong Filipino

para sa mas ikauunlad pa ng kanilang bokabularyo.

Pamamaraan ng Pag-aaral

Pangunahing disenyo ng pag-aaral ang palarawang pamamaraan sapagkat

ilalarawan ang kakayahang panggramatika ng mga guro sa Filipino at kung paano ito

nagiging susi sa pagpapayaman ng kaalaman sa Gramatika ng mga mag-aaral.

Ang mga respondente sa pag-aaral na ito ay binubuo ng 49 na mga guro sa

Filipino sa ika-7 klaster sa Sangay ng Pampanga sa mga paaralan. Ginamit ang

Convinience Sampling Technique sa pagpili ng mga respondente sapagkat malapit ang

mananaliksik sa mga paaralan ng ika-7 klaster at madaling malilikom ang mga datos

hinggil sa pag-aaral.

Nahahati sa apat na bahagi ang talatanungang gagamitin ng mananaliksik para sa

mga guro bilang instrumento ng pag-aaral. Una, ang talatanungan na tseklis na lumikom

ng datos ukol sa profayl ng mga guro sa Filipino, ang edad, kasarian, pinakamataas na

edukasyong nakamit, medyor, bilang ng taon na nagtuturo ng asignaturang Filipino, at

5

posisyon sa pagtuturo. Ang ikalawang bahagi naman ay isang pagsusulit na nagtaya sa

kakayahan sa Gramatika ng mga guro sa Filipino batay sa morpolohiya at sintaks. Ang

pagsusulit ay binubuo ng 60 puntos para sa mga guro sa Filipino. Ang ikatlong bahagi

naman ay tungkol sa mga pagsisikap na ginagawa ng mga guro sa pagpapayaman ng

kaalaman sa Gramatika ng kanilang mga mag-aaral, at ang panghuli, ang paglikom ng

datos hinggil sa mga pagtugon sa mga pangangailangan ng mga guro sa pagpapataas ng

kanilang kakayahan sa Gramatika.

Sinikap ng mananaliksik na maghanap ng mabisa at balidong mga tanong para sa

pagtataya bilang instrumento sa pangangalap ng datos sa pag-aaral. Ang bahaging

pagtataya sa talatanungan na ginamit ng mananaliksik ay binubuo ng mga aytem sa bawat

pagsusulit na halaw mula sa internet ngunit upang makitaan nang kabisaan ito,

kinailangan pa ring dumaan sa proseso ng balidasyon kahit na ito ay hango kina Nabbil

Abbas, Leo Ricafrente (2010), Pia Noche (2014) at Anne Sibayan (2014).

Bukod pa rito, bumuo ang mananaliksik ng talatanungang sarbey na nagtaya at

naglalarawan sa kakayahan, mga pagsisikap at mga pagtugon sa pangangailangan ng mga

guro na mga respondente ng pag-aaral sa pagpapataas ng kanilang kakayahan sa

Gramatika. Ang bahagi ng talatanungan na ito para sa mga guro ay inilapit, isinangguni at

ipinasuri sa tagapayo upang maging balido.

Samantala, bumuo ang mananaliksik ng Talaan ng Ispesipikasyon (Table of

Specification o TOS) at nagsagawa ng pilot testing ng dalawang instrumento sa mga guro

mula sa ibang paaralan na hindi bahagi ng pag-aaral upang mapagtibay lalo ang

balidasyon. Bilang pagpapatibay, isinangguni ang resulta nito sa mga eksperto o mga

batikang guro sa Filipino mula sa iba’t ibang paaralan.

Upang maisagawa nang maayos ang pagbibigay ng kahulugan sa mga nakalap na datos,

ang mananaliksik ay gumamit ng istadistikong hinihingi ng isinagawang pagsusulit at

pagtataya upang maging malinaw at makabuluhan ito.

Ginamit sa pag-aaral na ito ang STATA Program na katumbas din ng resulta ng

SPSS bersyon 24 at ginamit ang mga palarawang istadistiko tulad ng dalas (frequency),

bahagdan (percentage), at promedyo (mean).

Ginamit ang dalas o dami (frequency) at bahagdan (percentage) sa pag-aanalisa

ng datos hinggil sa demograpikong profayl ng mga respondenteng mga guro batay sa

edad, kasarian, pinakamataas na edukasyong nakamit, medyor, bilang ng taon na

nagtuturo ng asignaturang Filipino, at posisyon sa pagtuturo.

Ginamit naman ang promedyo (mean) sa pagtukoy sa antas ng kakayahan sa

Gramatika ng mga guro sa Filipino, mga suliraning panggramatika, mga pagsisikap na

ginagawa sa pagpapayaman ng kaalaman sa Gramatika ng mga mag-aaral, , at ang mga

pagtugon na maaari nilang gawin sa pagpapataas ng kanilang kakayahan sa Gramatika.

Ang Likert na iskala sa ibaba ay ginamit sa paglalarawan sa antas ng kakayahan

sa Gramatika ng mga guro sa Filipino batay sa isinagawang pagtataya o pagsusulit:

Iskala Markang Katumbas Deskriptibong katumbas Interpretasyon

4.20 – 5.00 - 90-100 - Napakataas Napakahusay

3.40 – 4.19 - 85-89 - Mataas Mahusay

2.60 – 3.39 - 80-84 - Katamtaman Katamtamang Husay

1.80 – 2.59 - 75-79 - Di-gaanong Mababa Di-gaanong Mahusay

1.00 – 1.79 - 74 pababa - Mababa Hindi Mahusay

6

Samantala, ang Likert na iskala sa ibaba ay ginamit sa paglalarawan sa pagsisikap

na ginagawa ng mga guro sa pagpapataas ng kaalaman sa Gramatika ng kanilang mga

mag-aaral:

Iskala Interpretasyon

4.21 – 5.00 - Sa Lahat ng Pagkakataon

3.41 – 4.20 - Madalas

2.61 – 3.40 - Minsan

1.81 – 2.60 - Di-gaanong Madalas

1.00 – 1.80 - Hindi

Ang isa pang Likert na iskala sa ibaba ay ginamit naman sa paglalarawan sa mga

pagtugon sa pangangailangang kakayahan sa Gramatika ng mga guro:

Iskala Deskriptibong katumbas Interpretasyon

4.21 – 5.00 -Lubhang pangunahin Lubos na Kailangan

3.41 – 4.20 -Pangunahin Kailangan

2.61 – 3.40 -Bahagyang Pangunahin Bahagyang Kailangan

1.81 – 2.60 -Di-gaanong Pangunahin Di-gaanong Kailangan

1.00 – 1.80 -Hindi Pangunahin Hindi Kailangan

Kinalabasan ng Pag-aaral

1. Ano ang antas ng kakayahan ng mga guro sa Filipino batay sa Morpolohiya at

Sintaks?

Napatunayan sa pag-aaral na ang mga guro sa Filipino ng ika-7 klaster ay

nagtamo ng mataas na marka at mahusay na antas ng kakayahan sa Gramatika sa

bahaging Morpolohiya na may promedyong 4.12, ngunit mababa ang kanilang natamong

marka at mailalarawan na hindi sila mahusay sa Sintaks na may promedyong 1.71.

Gayunpaman, lumalabas na ang kanilang antas ng kakayahan Gramatika ay may

promedyong 2.65 na nasa katamtaman at nangangahulugang may katamtamang husay.

2. Ano ang mga suliranin ng mga guro sa Gramatika batay sa Morpolohiya at

Sintaks?

Lumitaw sa pag-aaral na ito na ang mga guro sa Filipino ng ika-7 klaster ay

nakararanas ng kahirapan sa pokus ng pandiwa wastong gamit ng mga salita, at sa

kawastuhan ng pangungusap. Sa madaling sabi, sila ay may suliranin pagdating sa

Sintaks at batay sa nalikom na datos ay hindi sila mahusay rito. Sa kabilang banda, wala

namang natuklasang suliranin sa Morpolohiya ang mga guro sapagkat ang kanilang antas

ng kakayahan dito ay mataas at nangangahulugang may mahusay na kakayahan.

3. Ano ang mga kaparaanang ginawa ng mga guro sa Filipino sa

pagpapayaman ng kaalaman sa Gramatika ng kanilang mga mag-aaral?

Ang lahat ng aytem sa talatanungan ay madalas ginagawa ng mga guro sa Filipino

sa Gramatika at ang mga ito ay susi sa pagpapayaman ng kaalaman sa Gramatika ng mga

mag-aaral na may promedyong 4.11.

4. Paano matutugunan ang mga pangangailangan ng mga guro sa kakayahan

sa Gramatika?

Mahihinuha mula sa datos na ang lahat ng mga pagtugon sa pangangailangan ng

mga guro sa Filipino na nasa talatanungan ay lubhang pangunahin at lubos na kailangan

7

na may promedyong 4.31 at ito ay upang mapataas ang kanilang kakayahan sa

Gramatika.

Talahanayan 2

Buod ng Antas ng Kakayahan ng Guro sa Gramatikang Filipino

Antasng

kakayahan

Promedyo Standard

of Error

[95%

Confidence

Level

Interval] Deskriptibong

Interpretasyon

Morpolohiya 4.12 .1764942 3.767584 4.477314 Mataas/Mahusay

Sintaks 1.71 .145803 1.421129 2.007442 Mababa/Hindi Mahusay

Kabuuan

2.92

.1856937

2.279699

3.026423

Katamtaman/Katamtamang

Husay

Sa kabuuan, ang mga guro sa Filipino ay nagtamo sa Morpolohiya ng

promedyong 4.12 na may deskripsyong interpretasyon na mataas at mahusay, ngunit

mababa at hindi sila mahusay pagdating sa Sintaks na nagtamo lamang ng promedyong

1.71 na nasa mababa at hindi mahusay. Gayunpaman, lumalabas na ang kanilang antas sa

kakayahan sa Gramatika ay may promedyong 2.92 na nasa katamtaman at

nangangahulugang may katamtamang husay.

Ang pagtatamo ng ganitong kakayahan ng mga guro sa Filipino ay isa na ring

katanggap-tanggap na resulta sapagkat sila ay may katamtamang husay pa rin sa

gramatikang Filipino. Masasabi rito na kailangan pa talagang paghusayan ng mga guro

ang kanilang kakayahan. Ang paglinang ng sariling kakayahan ang makapagpapaunlad at

tutugon sa mga pangangailangan ng mga mag-aaral.

Ayon sa kinalabasan ng pag-aaral ni Meniado (2019), ang mga guro sa kolehiyo

ay nailarawan na may kalayaan na o independent sa paggamit ng wikang Ingles. Ibig

sabihin, batid naman nila ang wastong gramatika subalit natuklasan din na nakararanas

sila ng mga kahirapan dito tulad halimbawa ng pag-unawa sa kahabaan ng teksto,

pagtukoy sa di lantad na kahulugan nito, mabisang pagpapahayag ng sarili.

Sa kasalukuyang pag-aaral, may katamtamang husay naman ang mga guro sa

Filipino subalit may mga kahirapan din silang kinakaharap sa Gramatika, patikular sa

Sintaks. Natuklasan sa kasalukuyang pag-aaral sa Sintaks na hirap ang mga guro unang-

una sa pokus ng pandiwa sa pangungusap, sunod ay sa kawatuhan ng mga pangungusap,

at sa wastong gamit ng mga salita. Sa madaling sabi, sa kabila ng kanilang kahusayan,

kapwa ang mga guro ay nakararanas pa rin ng suliranin sa gramatika ng dalawang wika

gayong batid nila ang mga tuntunin dito.

Batay naman sa buod ng resulta ng pag-aaral ni Gannaban (2012), naobserbahan

sa pangkalahatan na naipakita ng mga guro sa Filipino ang kanilang kahusayan sa wika,

sa nilalaman, at sa estratehiya sa pagtuturo. Napansin din sa tulong ng pagmamasid na

nagpakita ng kahusayan sa pagtuturo ang mga guro mula sa pampublikong paaralan

kaysa sa mga nasa pribadong paaralan. Sa mga nalikom na datos ng mananaliksik, hindi

inobserbahan ang mga guro batay sa kanilang pagtuturo kundi sila’y dumaan sa isang

pagsusulit at natuklasang mahusay sa Morpolohiya ngunit hindi mahusay sa Sintaks.

8

Wala namang tinangkang paghahambing sa pagitan ng mga guro mula sa publiko at

pribadong paaralan.

Talahanayan 3

Pag-analisa sa Aytem ng Pagsusulit sa Sintaks

Pagsusulit sa Sintaks Bilang ng Aytem na may

Maling Sagot ang mga Guro

Antas ng

Kahirapan o

Difficulty Index

Wastong Gamit ng mga Salita 2 Bahagyang Mahirap

Pokus ng Pandiwa 5 Bahagyang Mahirap

Kawastuhan ng Pangungusap 3 Bahagyang Mahirap

Kabuuan 10 Bahagyang Mahirap

Batay sa datos na nasa talahanayan 3, natuklasang lima ang bilang ng aytem na

bahagyang mahirap o moderately difficult sa pagsusulit sa bahaging pokus ng pandiwa,

tatlo naman sa kawatuhan ng pangungusap at dalawa sa angkop na gamit ng mga salita.

Nangangahulugan lamang ito na ang mga guro sa Filipino ay nakararanas ng bahagyang

kahirapan sa wastong gamit ng mga salita, pokus ng pandiwa at sa kawastuhan ng

pangungusap. Sa madaling sabi, sila ay may suliranin pagdating sa Sintaks at batay sa

nalikom na datos ay hindi sila mahusay rito. Sa kabilang banda, wala namang

natuklasang suliranin sa Morpolohiya ang mga guro sapagkat ang kanilang antas ng

kakayahan dito ay mataas na nangangahulugang mahusay.

Sa pag-aaral na isinagawa ni Araneta (2017), naitala ang mga karaniwang

pagkakamali sa wastong gamit ng mga salita: nilabag ng mga mag-aaral ng ika-7 baitang

ang tuntunin sa wastong gamit ng mga salita tulad ng: ang /nang/ ay ginagamit bilang

pang-ugnay sa pandiwa at sa pang-abay na pamaraan, ginagamit ito sa bilang pangatnig

sa hugnayang pangungusap, ginagamit ito sa pag-uulit ng mga salita, at nagbuhat sa /na/

na inangkupan ng /-ng/ at ginagamit din bilang pang-abay na pamanahon. Natuklasan din

sa pag-aaral ang mga paglabag sa tuntunin sa wastong gamit ng salitang /may/ at

/mayroon/: Ginagamit ang /may/ kapag ang sumusunod na salita ay pangngalan, pang-uri,

pandiwa at pang-abay. Ginagamit din sa kapag sinusundan ng pantukoy na /mga/ at pang-

ukol na /sa/.

Ang suliranin ng mga mag-aaral na ito ay hindi na nila nabibigyang pansin.

Mahalaga para sa kanila ang magkaunawaan sa mga bagay na kanilang pinag-uusapan

nang hindi tuon ang Gramatika. Ang pagkatuto ng mga mag-aaral sa wastong gramatika

ay nakasalalay sa kahusayan ng mga guro sa Filipino. Sa kabuuan ng kanilang pagtuturo,

maging sa Panitikan ay isinasanib ang Gramatika at Retorika upang mabigyang halaga

ang pagpapalaganap nito tungo sa pagtugon ng kanilang pangangailangan.

Ang nasabing pag-aaral ay may kinalaman sa mga mag-aaral samantalang ang

kasalukuyang pag-aaral ng mananaliksik ay tuon sa mga guro. Natuklasan sa

kasalukuyang pag-aaral na ang mga guro sa Filipino ay nilabag ang mga tuntunin sa

wastong gamit ng mga salita batay sa resulta ng isinagawang pagsusulit. Kabilang dito

ang wastong gamit ng mga salitang /ng/ at /nang/, /may/ at /mayroon/, at iba pa. Higit na

marami ang kahirapan ng mga guro sa pokus ng pandiwa na kinakailangan ng pagsusuri

sa mga pangungusap.

9

Ang mga halimbawa ng paglabag na ito ng mga guro ay inaasahang maitatama ng

mga guro sa susunod na pagkakataon at maisabuhay ang mga ito sa pagtuturo. Patunay

lamang ito na sa bawat pagkakamali, ang mahalaga ay maitutuwid ito nang tama alang-

alang sa ikatatagumpay ng pagtuturo at katatasan sa paggamit ng wikang Filipino.

Sa pag-aaral ni Alviz (2019), natuklasang ang mga gurong sa asignaturang Ingles

ay mahusay sa bahaging pagsusulit sa pag-unawa sa binasa ngunit may kahirapan sa

pagpapayahag ng sarili nang pasulat. Sa pagsusuri ng kanilang kasanayan, mababa ang

kanilang kakayahan sa paggamit ng mga pantukoy at anyo ng pangngalan, pagbibigay-

kahulugan sa mga salita, at paghihinuha. Ang nasabing pagsusulit para sa mga guro ay

nagtataya sa kakayahan ng mga guro sa Gramatikang Ingles.

May kaugnayan ang nasabing datos sa kinalabasan ng kasalukuyang pag-aaral sa

bahaging kapwa ang mga guro ay suliranin din ang wastong gamit ng mga salita o ng

mga pantukoy sa pangungusap. Subalit, naging kaiba naman ito sa bahaging magkaiba ng

sakop ng istruktura ng wika. Tuon lamang ng mananaliksik ang kakayahan sa Gramatika

ng mga guro sa Morpolohiya at Sintaks na at hindi na saklaw ang Ponolohiya at

Semantika.

Laganap man ang mga karanasang ito sa anumang pag-aaral ng wika subalit

maaaring makagawa ng mga pamamaraan kung paano matutugunan ang mga kahirapang

ito ng mga guro. Inaasahan na higit pang malilinang ang mga kakahayan at kasanayan

kung pagtutuunan ng pansin ang proseso at pedagohiya ng pagtuturo ng gramatika.

Talahanayan 4

Mga Pagsisikap ng Guro sa Morpolohiya

Morpolohiya Dami Promedyo Deskriptibong

Interpretasyon 5 4 3 2 1 Tinutukoy ko ang kayarian ng

mga salita.

12 33 3 1 0 4.14 Madalas

Lumilikha ako ng mga salita at

ginagamit ko ito sa

pakikipagtalastasan.

10 21 14 3 1 3.73 Madalas

Tinutukoy ko ang salitang-ugat

ng mga salita.

19 21 9 0 0 4.20 Madalas

Nagbibigay ako ng mga

kasingkahulugan at kasalungat na

salita ng mga salitang Filipino.

21 26 1 0 1 4.35 Sa Lahat ng

Pagkakataon

Nilalapatan ko ng angkop na

panlapi ang mga salitang aking

ginagamit sa pakikipag-usap.

20 18 9 1 1 4.12 Madalas

Nagbabasa ako ng diksyunaryong

Filipino.

5 20 24 0 0 3.61 Madalas

Pinababasa ko ng diksyunaryong

Filipino ang aking mga mag-

aaral.

7 11 25 5 1 3.37 Minsan

Nililinang ko ang mga

matatalinhagang salita na

mababasa sa mga akdang

pampanitikan..

20 22 7 0 0 4.27 Sa Lahat ng

Pagkakataon

Kabuuan 3.97 Madalas/Susi

10

Makikita sa talahanayan 4 na susi sa pagpapayaman ng kaalaman sa Gramatika ng

mga mag-aaral ang madalas na pagsisikap na ginagawa ng mga guro sa Filipino sa

Morpolohiya na promedyong na 3.97. Sa lahat ng aytem, sinisikap sa lahat ng

pagkakataon ng mga guro na maibigay ang kasingkahulugan at kasalungat ng mga

salitang Filipino na may promedyong na 4.35 at nililinang din nila ang mga

matatalinhagang mababasa sa mga akdang pampanitikan na may promedyong 4.27. Ito ay

dahil sa mga panitikan at lunsaran na ginagamit ng mga guro sa pagtuturo ng wika at

panitikan. Kapansin-pansin din na madalas sinisikap ng mga guro na matukoy ang

kayarian ng mga salita na may promedyong 4.14, ang paglikha at paggamit ng mga salita

sa pakikipagtalastasan na may promedyong 3.73, ang paglapat ng angkop na mga panlapi

na may promedyong 4.12, at ang pagbasa ng diksyunaryong Filipino na may 3.61 na

promedyo. Ngunit, mababatid din na minsan, sinisikap ng mga guro na ipabasa sa

kanilang mga mag-aaral ang diksyunaryong Filipino na may promedyong 3.37.

Ang pagkakaroon ng sapat na kaalaman ng guro sa Morpolohiya katuwang ng

kasipagan nitong ginagawa sa lahat ng pagkakataon sa pagpapataas ng kaalaman sa

Gramatika ng kaniyang mag-aaral ay isang ganap na tagumpay. Higit na mapauunlad ang

kaalaman ng mga guro at mag-aaral sa mga salita kung gagamitin ang mga ito sa

pakikipagtalastasan. Higit na malilinang hindi lamang ang kakayahan ng mga guro kundi

maging ang wikang Filipino.

Talahanayan 5

Mga Pagsisikap ng Guro sa Sintaks Sintaks Dami Promedyo Deskriptibong

Interpretasyon 5 4 3 2 1 Tinutukoy ko nang wasto ang

mga bahagi ng pananalita sa

pangungusap.

17 25 7 0 0 4.20 Madalas

Ginagamit ko nang wasto sa

pangungusap ang mga bahagi

ng pananalita.

28 12 9 0 0 4.39 Sa Lahat ng

Pagkakatao

Iwinawasto ko ang mga

pangungusap na may maling

gamit ng mga salita.

22 26 1 0 0 4.43 Sa Lahat ng

Pagkakataon

Ginagamit ko nang angkop

ang mga salita sa bawat

pangungusap.

24 21 4 0 0 4.41 Sa Lahat ng

Pagkakataon

Natutukoy ko ang ayos at

anyo ng mga pangungusap. 15 24 10 0 0 4.10 Madalas

Natutukoy ko nang wasto ang

mga pokus ng pandiwa sa

pangungusap.

11 22 16 0 0 3.90 Madalas

Nagagamit ko nang wasto ang

mga pantukoy sa

pangungusap.

16 18 15 0 0 4.02 Madalas

Nakabubuo ako ng isang

malinaw at wastong

pangungusap.

24 20 5 0 0 4.39 Sa Lahat ng

Pagkakataon

Kabuuan 4.23 Sa Lahat ng

11

Pagkakataon

Batay sa talahanayan 5, sa lahat ng pagkakataon ay sinisikap ng mga guro na

maiwasto ang mga pangungusap na may maling gamit ng mga salita na may promedyong

4.43, magamit ang angkop na salita sa pangungusap (4.41), magamit nang wasto ang mga

bahagi ng pananalita sa pangungusap at ang makabuo ng isang malinaw at wastong

pangungusap na may parehong promedyong 4.39. Sa ibang paraan, madalas na sinisikap

ng mga guro na: matukoy nang wasto ang mga bahagi ng pananalita sa pangungusap na

may promedyong 4.20, matukoy ang ayos at anyo ng pangungusap (4.10), magamit nang

wasto ang mga pantukoy sa pangungusap (4.02), at ang matukoy nang wasto ang pokus

ng pandiwa sa mga pangungusap (3.90). Sa kabuuan, ang mga guro sa Filipino ay

nagsisikap na linangin ang kanilang kakayahan sa sintaks sa lahat ng pagkakataon na may

promedyong 4.23.

Talahanayan 6

Mga Iba pang Pagsisikap ng Guro

Mga Iba Pang Pagsisikap ng

mga Guro sa Filipino

Dami Promedyo Deskriptibong

Interpretasyon 5 4 3 2 1

Masusi kong inihahanda at

isinaalang-alang ang mga

simulain sa pagtuturo ng wikang

Filipino.

29 15 5 0 0 4.49 Sa Lahat ng

Pagkakataon

Inaalam ko ang mga teknik o

istratehiya sa pagtuturo ng

wikang Filipino.

26 20 3 0 0 4.47 Sa Lahat ng

Pagkakataon

Gumagamit ako ng kompyuter o

teknolohiya sa pagtuturo ng

gramatikang Filipino.

26 17 6 0 0 4.41 Sa Lahat ng

Pagkakataon

Pinupukaw ko ang interes ng

aking mga mag-aaral sa

pagtuturo gamit ang mga

kakaiba at nakawiwiling mga

gawaing panggramatika.

25 21 3 0 0 4.45 Sa Lahat ng

Pagkakataon

Nakikilahok ako sa mga palihan

at mga pagsasanay ukol sa wika

o asignaturang Filipino.

23 12 14 0 0 4.18 Madalas

Lumilikha ako ng inobasyon sa

pagtuturo ng gramatikang

Filipino.

8 24 15 2 0 3.78 Madalas

Nagsasagawa ako ng

pangkatang gawain kapag ang

paksang tinatalakay namin ay

ukol sa gramatika.

16 20 13 0 0 4.06 Madalas

Gumagamit ako ng mga

awtentikong kagamitan sa

pagtataya ng pagkatuto ng

gramatika ng mga mag-aaral.

12 25 10 2 0 3.96 Madalas

12

Pagpapatuloy ng Talahanayan 6…

Nagsasagawa ako ng lektyurang

pamamaraan sa pagtuturo kapag

ang paksang tinatalakay namin

ay ukol sa gramatika.

15 21 10 2 1 3.96 Madalas

Ginagawa kong sistematiko at

sunud-sunod ang mga paksa sa

nilalaman ng gramatikang

Filipino.

19 22 6 2 0 4.18 Madalas

Nakikipagtalastasan ako sa

ibang tao gamit lamang ang

wikang Filipino.

6 30 12 1 0 3.82 Madalas

Wikang Filipino lamang ang

gamit kong wika sa pagtuturo ng

gramatika.

14 27 6 1 1 4.06 Madalas

Pinababasa ko ang mga akdang

pampanitikan sa klase nang

malakas.

12 28 7 1 1 4.00 Madalas

Gumagamit ako ng mga soap

opera at mga pelikulang

Filipino bilang lunsaran sa

pagtuturo ng gramatika.

12 24 10 3 0 3.92 Madalas

Itinatama ko ang mga

pagkakamali ng mga mag-aaral

sa pagbuo ng mga pangungusap.

27 21 1 0 0 4.53 Sa Lahat ng

Pagkakataon

Gumagamit ako ng mga

karagdagang batis ng

impormasyon o kagamitang

panturo sa pagtalakay ng mga

paksa sa gramatika.

19 27 3 0 0 4.33 Sa Lahat ng

Pagkakataon

Nakatuon ako sa gramatikang

Filipino maging sa pagsulat.

12 32 3 2 0 4.10 Madalas

Hinahayaan ko ang mga mag-

aaral na makapagpapahayag ng

kanilang sarili gamit ang wikang

Filipino.

30 14 5 0 0 4.51 Sa Lahat ng

Pagkakataon

Sinusunod ko ang alituntuning

pambalarila sa wikang Filipino

sa pagtuturo.

24 20 5 0 0 4.39 Sa Lahat ng

Pagkakataon

Nagpapakadalubhasa ako sa

asignaturang Filipino sa

pamamagitan ng pagkuha ng

Master’s degree sa isang

unibersidad.

14 12 7 1 15 3.18 Minsan/Kata

mta-man

Kabuuan 4.14 Madalas

13

Mapapansin sa talahanayan 6 na madalas ay sinisikap gawin ng mga guro sa

Filipino ang lahat ng aytem at ang mga ito ay susi sa pagpapayaman ng kaalaman sa

Gramatika ng mga mag-aaral dahil mayroon itong promedyong 4.14.

Kung iisa-isahin, sa lahat ng pagkakataon ay sinisikap na maitama ng mga guro sa

Filipino ang mga pagkakamali ng kanilang mga mag-aaral sa pagbuo ng mga

pangungusap na may promedyong 4.53, na makapagpahayag ng kanilang sarili gamit ang

wikang Filipino (4.51), masusing maihanda at maisaalang-alang ang mga simulain sa

pagtuturo ng wikang Filipino (4.49), malaman ang mga teknik at estratehiya sa pagtuturo

nito (4.47), mapukaw ang kanilang interes gamit ang mga kakaiba at nakawiwiling mga

gawaing panggramatika (4.45), na magamit ang kompyuter o teknolohiya sa pagtuturo ng

Gramatika (4.41), masunod ang alituntuning pambalarila sa wikang Filipino sa pagtuturo

(4.39), at magamit ang mga karagdagang batis ng impormasyon o kagamitang panturo sa

pagtalakay ng mga paksa sa Gramatika (4.33).

Kadalasan, sinisikap ng mga guro sa Filipino na makilahok sa mga palihan at mga

pagsasanay ukol sa wika o asignaturang Filipino, at gawing sistematiko at sunud-sunod

ang mga paksa sa Gramatika na may parehong promedyong 4.18, pagtuunan ng pansin

ang Gramatika sa pagsulat (4.10), na wikang Filipino lamang ang gagamiting wikang

panturo at magsagawa ng pangkatang gawain sa Gramatika na parehong may

promedyong (4.06), maipabasa nang malakas sa klase ang mga akdang pampanitikan

(4.00), na gumamit ng mga awtentikong kagamitan sa pagtataya ng pagkatuto ng

Gramatika ng mga mag-aaral at makapagsagawa ng lekturang paraan sa pagtuturo ng

Gramatika na parehong may promedyong (3.96), na magamit ang mga soap opera at mga

pelikulang Filipino bilang lunsaran sa pagtuturo ng gramatika (3.92), makipagtalastasan

sa ibang tao gamit lamang ang wikang Filipino (3.82), makalikha ng inobasyon sa

pagtuturo ng gramatika (3.78). Minsan, ang mga guro sa Filipino ay nagpapakadalubhasa

sa asignaturang Filipino sa pamamagitan ng pagkuha ng yunit sa antas Gradwado sa

isang unibersidad (3.18).

Talahanayan 7

Buod ng mga Kaparaanang Ginawa ng mga Guro sa Pagpapayaman ng Kaalaman sa

Gramatika ng mga Mag-aaral

Mga Pagsisikap ng Guro sa Filipino Promedyo Deskriptibong

Interpretasyon

Morpolohiya 3.97 Madalas/Susi

Sintaks 4.23 Sa Lahat ng Pagkakataon/

Lubhang Susi

Iba Pang Pagsisikap 4.14 Madalas/Susi

Kabuuan 4.11 Madalas/Susi

Sa kabuuan, ang madalas na mga pagsisikap ng mga guro sa Filipino sa

Morpolohiya ay may promedyong 3.97 at sa lahat ng pagkakataon na kanilang sinisikap

gawin sa Sintaks ay may promedyong 4.23 na nangangahulugang susi, at ang kanilang

iba pang madalas na pagsisikap na may promedyong 4.14 ay may kahulugang susi. Sa

madaling sabi, ang madalas na mga pagsisikap na ginagawa ng mga guro sa Filipino ay

14

susi sa pagpapayaman ng kaalaman sa Gramatika ng mga mag-aaral na may promedyong

4.11.

Pinatutunayan lamang nito na sa kabila ng natuklasang kahirapan ng mga guro sa

sintaks, nagiging maparaan pa rin ang mga guro sa Filipino sa pamamagitan ng kanilang

mga pagsisikap tungo sa pagpaapayaman ng kaalaman sa Gramatika ng mga mag-aaral

gayundin sa pagpapataas ng kanilang kakayahan rito.

Tunay na malaki ang gampanin ng mga guro sa Filipino lalo na ang mga hindi

medyor rito. Ang paghahanda, pamamaraan at pagbuo ng isang matagumpay na

pagtuturo ay hindi biro. Mahirap din para sa mga guro ang magturo ng Gramatika sa

magkakaibang klase ng mga mag-aaral. Ang lahat ng ito ay iniaatang sa mga guro na mga

tagapangasiwa ng kanilang pagkatuto. Sa tulong ng kanilang kasipagan at mga

pagsisikap, makakamit lahat ng mga tunguhin sa pagtuturo. Ang pagkatuto ng mga mag-

aaral ay isang maituturing na tagumpay para sa mga guro. Bilang isang guro sa Filipino,

hindi mapapantayan ang tuwang madarama sa yumayamang kaalaman sa Gramatika ng

kanilang mga mag-aaral.

Talahanayan 8

Mga Pagtugon sa Pangangailangan ng Guro sa Gramatikang Filipino

Gramatikang Filipino

Dami Promedyo Deskriptibong

Interpretasyon

5 4 3 2 1

Magturo lamang ng

asignaturang Filipino.

15 18 5 0 1 4.35 Lubhang

Pangunahin/ Lubos

na Kailangan

Pahintulutan ang mga

medyor sa Filipino na

magturo sa asignatura.

33 13 1 0 2 4.53 Lubhang

Pangunahin/

Lubhang Kailangan

Magpaturo sa mga batikang

guro sa Filipino.

31 14 3 1 0 4.53 Lubhang

Pangunahin/

Lubhang Kailangan

Makipagtalastasan sa mga

batikang guro sa Filipino.

24 16 9 0 0 4.31 Lubhang

Pangunahin/

Lubhang Kailangan

Magmasid sa pakitang-turo

ng mga batikang guro sa

Filipino.

30 16 3 0 0 4.55 Lubhang

Pangunahin/

Lubhang Kailangan

Magkaroon ng pagtataya sa

kakayahang panggramatika

ng mga guro sa

pampublikong paaralan.

20 20 9 0 0 4.22 Lubhang

Pangunahin/

Lubhang Kailangan

Bumuo ng mga akmang

pagsasanay sa gramatika.

23 21 5 0 0 4.37 Lubhang

Pangunahin/

Lubhang Kailangan

Paghiwalayin ang

pagtuturo ng gramatika sa

panitikan.

22 17 7 2 1 4.16 Pangunahin/

Kailangan

Baguhin muli ang 9 17 15 5 3 3.49 Pangunahin/

15

kurikulum ng Filipino. Kailangan

Masusing maghanda at

isaalang-alang ang mga

simulain sa pagtuturo ng

wikang Filipino.

25 21 3 0 0 4.45 Lubhang

Pangunahin/

Lubhang Kailangan

Dumalo at makilahok sa

mga iba’t ibang palihan at

mga pagsasanay pangwika.

33 11 2 3 0 4.51 Lubhang

Pangunahin/

Lubhang Kailangan

Ugaliing magbasa ng

diksyunaryong Filipino.

1 26 18 4 1 4.38 Lubhang

Pangunahin/

Lubhang Kailangan

Linangin ang mga

matatalinhagang salita na

nasa mga akdang

pampanitikan.

31 17 0 1 0 4.59 Lubhang

Pangunahin/

Lubhang Kailangan

Gumamit ng mga soap

opera at mga pelikulang

Filipino bilang lunsaran sa

pagtuturo ng gramatika.

16 20 11 1 1 4.00 Pangunahin/

Kailangan

Magpakadalubhasa sa

paaralang gradwado ng

wikang Filipino.

22 20 3 1 3 4.16 Pangunahin/

Kailangan

Kabuuan 4.31 Lubhang

Pangunahin/

Lubhang Kailangan

Makikita naman sa talahanayan 8 ang mga pagtugon sa pangangailangan ng mga

guro sa pagpapataas ng kanilang kakayahan sa Gramatikang Filipino. Mahihinuha mula

sa datos na ang lahat ng mga pagtugon sa pangangailangan ng mga guro ay lubhang

pangunahin at lubos na kailangan na may promedyong 4.31, ito ay upang mapataas ang

kanilang kakayahan sa Gramatika.

Kung pagbabatayan ang mga nakatalang datos, lubos na kailangan ng mga guro

ang paglinang ng mga matatalinhagang salita na nasa mga akdang pampanitikan na may

promedyong 4.59, pagmamasid sa pakitang-turo ng mga batikang guro sa Filipino (4.55),

ang pagpapahintulot sa mga guro sa Filipino na magturo ng Filipino at magpaturo sa mga

batikang guro na parehong may promedyong (4.53), dumalo at makilahok sa mga iba’t

ibang palihan at pagsasanay pangwika (4.51), masusing makapaghanda at maisaalang-

alang ang mga simulain sa pagtuturo ng wikang Filipino (4.45), magbasa ng

diskyunaryong Filipino (4.38), makabuo ng mga akmang pagsasanay sa Gramatika

(4.37), magturo lamang ng asignaturang Filipino (4.35), makipagtalastasan sa mga

batikang guro sa Filipino (4.31) at magkaroon ng pagtataya sa Gramatikang Filipino sa

mga pampublikong paaralan (4.22).

Kailangan din ng mga guro sa Filipino na paghiwalayin ang pagtuturo ng

gramatika sa panitikan, magpakadalubhasa sa paaralang gradwado sa wikang Filipino na

may parehong promedyong 4.16, gumamit ng mga soap opera at mga pelikulang Filipino

bilang lunsaran sa pagtuturo ng Gramatika (4.00), at ang mabagong muli ang kurikulum

ng Filipino (3.49).

16

Sa pag-aaral ni Meniado (2019), lumabas na sa paglitaw ng mga kahirapan ng

mga guro sa Gramatikang Ingles, sinasabing kailangan daw nila ng programang

makapaglilinang tungo sa kanilang kahusayan rito. Inihahain ng pag-aaral na hasain pa

ang kanilang kakayahan sa pagtamo ng mga yunit sa paaralang gradwado, pakikilahok sa

mga worksyap at kumperensya, mga pananaliksik at mga publikasyon.

May kinalaman ang naging resulta ng nasabing pananaliksik sa kasalukuyang

pag-aaral sapagkat parehong inihahain ang mga pangangailangan ng mga guro sa

dalawang magkaibang wika. Ibig sabihin, kinakailangan pa rin talaga ng masusing

paghahanda alang-alang sa ikatatamo ng kanilang pangangailangang kakayahan sa

Gramatika para sa pagpapayaman ng kaalaman ng kanilang mga mag-aaral.

Samantala, inilahad sa pag-aaral ni Panganiban (2020) na ang pagtugon sa

kakulangan ng kaalaman ng mga guro sa istrukturang gramatikal (pagbabaybay, at bahagi

ng pananalita) ay ang pagdalo sa mga palihan at worksyap. Makatutulong din ang internet

sa pagdagdag ng kanilang kaalaman sa pagtuturo ng istrukturang Gramatika.

Sa kaso ng mga guro sa Filipino ng pag-aaral, lubhang kailangan ang pagdalo at

paglahok sa mga palihan at mga pagsasanay upang mapataas ang kanilang kakayahan sa

Gramatika. Ibig sabihin, isa ang mga ito sa mga pagtugon sa mga suliranin nila sa

pagtuturo ng Filipino.

Natuklasan ni Panganiban na isa sa mga pagtugon sa kakulangan sa

bokabularyong Filipino o Tagalog ay ang madalas na pagbabasa ng mga diksyunaryong

Filipino upang lalong mapayaman ang kanilang kakayahan sa katuturan ng mga salita.

Kaugnay naman ito sa naging resulta ng kasalukuyang pag-aaral na lubhang pangunahin

sa mga kailangang gawin ng mga guro upang mapataas ang kanilang kakayahan sa

gramatika ay ang ugaliing magbasa ng diskyunaryong Filipino.

Ang pagbibigay ng ganap na suporta sa mga guro sa Filipino sa kanilang

pangangailangan sa Gramatika ay makapagpapataas sa kaalaman ng mga mag-aaral.

Maaaring matuto nang mag-isa ang bawat mag-aaral subalit marami pa rin sa mga ito ang

natututo sa tulong at gabay ng kanilang mga guro. Ang tagumpay na tinatawag sa

hangarin na ito ng Kagawaran ng Edukasyon ay tungo sa pagkakaroon ng kalidad sa pag-

aaral.

Dahil dito, tatanggapin ang hinuha na ang kakayahan ng mga guro sa Filipino ay

susi sa pagpapayaman ng kaalaman sa gramatika ng mga mag-aaral.

Rekomendasyon

Batay sa kinalabasan ng pag-aaral, nabuo ng mananaliksik ang mga sumusunod

na rekomendasyon:

1. Iminumungkahi na mabigyan ng Kagawaran ng Edukasyon ng

pagkakataon ang mga aplikanteng guro sa Filipino na makapagturo sa mga

paaralan sa ika-7 klaster.

2. Nawa’y mabigyang pansin ng mga opisyales ng Kagawaran ng Edukasyon

ang kakukalangan sa mga guro sa Filipino ng mga pampublikong paaralan, at sa

pangangailangan sa mga estratehiya sa pagtuturo ng Gramatikang Filipino lalo na

sa Sintaks.

3. Bigyan ng kaukulang palihan at mga pagsasanay ang mga guro ukol sa

Gramatikang Filipino at ng mga modyul na magsisilbing gabay ng guro sa

kanyang pagtuturo nito.

17

4. Linangin pa ang kakayahan sa Gramatika ng mga guro sa Filipino sa

bahaging Sintaks upang mapataas ang kanilang antas ng kakayahan at

mapayaman ang kaalaman sa Gramatika ng kanilang mga mag-aaral. Gayunman,

paghusayan pa ang kakayahan sa Morpolohiya at sa iba pang istruktura ng wika

na hindi sakop ng nasabing pag-aaral.

5. Tugunan ng mga mga guro ang kanilang kahirapan sa Sintaks sa tulong ng

angkop na mga pagsasanay rito, pagdalo sa palihan, paghingi ng gabay mula sa

mga kapwa guro at batikang guro sa Filipino at pagpapakadalubhasa rito sa mga

paaralang gradwado.

6. Sa lahat ng pagkakataon, pagsikapan na mapataas ang kakayahan sa

Gramatika ng mga guro lalo na ang pagpapayaman ng kaalaman sa Gramatika ng

kanilang mga mag-aaral.

7. Iminumungkahi rin na magsagawa pa ng mga kaugnay na pag-aaral sa

paglinang at pagpapahusay ng kakayahan ng mga guro sa Gramatikang Filipino.

Mga Sanggunian

Alviz, A. (2019). The Language Proficiency and Process Skills of Filipino High School

Teeachers. In: Education Quarterly Reviews, Vol. 2, No. 3, 615-628. Nakuha

noong ika-3 ng Marso, 2020 mula sa https://www.asianinstituteofresearch.org/

[DOI: 10.31014/aior.1993.02.03.93]

Araneta, J. P. (2017). Karaniwang Pagkakamali sa Wastong Gamit ng mga Salita: Isang

Pagsusuring Pambalarila. Nakuha noong ika-3 ng Pebrero, 2020 mula sa

https://prezi.com/yg2du0ru5sht/karaniwang-pagkakamali-sa-wastong-gamit-ng-

mga-salita-isang/

Coronel, J.M. G. (2019). Mga Suliraning Nararanasan at Akmang Pagsasanay para

sa mga Gurong Hindi Nagpapakadalubhasa sa Asignaturang Filipino. (Di-

Nalathalang Tesis, Bulacan State University).

Cortez, A. (2011). Gramatikong Kahinaan at Kamalian sa Wikang Filipino ng mga

Mag-aaral. Nakuha noong ika-3 ng Pebrero, 2020 mula sa

https://prezi.com/_bexxnktlrkv/filipino/

De Juan, G. (2016). Mga Estratehiya sa Pagtuturo ng Filipino. Filipinotek. Nakuha

noong ika-26 ng Setyembre, 2019 mula sa

https://filipinotek.wordpress.com/tag/pagtuturo/

Deped Order No. 7 s. 2015. Hiring Guidelines for Teacher I Positions Effective School

Year (SY) 2015-2016. Nakuha noong ika-26 ng Setyembre, 2019 mula sa

https://www.deped.gov.ph/2015/03/27/do-7-s-2015-hiring- guidelines-for-

teacher-i-positions-for-school-year-sy-2015-2016/

Macfarlane, G. (2015). Investigation into English Grammar Proficiency of Teachers

of English Language. (Di-Nalathalang Tesis, Unibersidad ng Tasmania,

Australia). Araneta, P. (2017). Karaniwang Pagkakamali sa wastong Gamit ng

mga Salita: Isang Pagsusuring Pambalarila.

Meniado, J. (2019). Evaluating the English Proficiency of Fculty Members of a

Higher Education Institution: Using Results to Develop

Responsive Professional Development Program. NalathalangTesis.

International Journal of English Linguistics; Vol.9. No. 2, 2019.

18

Canadian Center of Science and Education. Nakuha noong ika-10 ng

Marso, 2020 mula sa https;//doi.org/10.5539/ijel.v9n2p52

Panganiban, M. (2020). Mga Suliranin ng mga Guro sa Pagtuturo ng Filipino: Mga

Posibleng Solusyon sa Bawat Suliranin. Nakuha noon ika-25 ng Pebrero, 2020

mula sa

https://www.academia.edu/40365087/MGA_SULIRANIN_NG_MGA_GURO_S

A_PAGTUTURO_NG_FILIPINO_MGA_POSIBLENG_SOLUSYON_SA_BA

WAT_SULIRANIN_1?fbclid=IwAR1YNbsrWEOkXNvYlWsPJM-

zKNtUSc7CWU0mBjJB7qqZrJsw6lyfgngiOdo

View publication statsView publication stats