HIRIA ANTOLATZEKO PLAN OROKORRA PLAN GENERAL DE … de exposicin...hiria antolatzeko plan orokorra plan general de ordenaciÓn urbana aurrerapenaren inguruan egindako iradokizunen

HIRIA ANTOLATZEKO PLAN OROKORRA

PLAN GENERAL DE ORDENACIÓN URBANA

AURRERAPENAREN INGURUAN EGINDAKO IRADOKIZUNEN EBALUAZIOA ETA AZTERKETA

EVALUACIÓN Y TRATAMIENTO DE SUGERENCIAS PRESENTADAS AL AVANCE

OTSAILA 2011 FEBRERO

ARRIGORRIAGAKO UDALA AYUNTAMIENTO DE ARRIGORRIAGA

ARRIGORRIAGAKO HIRIA ANTOLATZEKO PLAN OROKORRA IRADOKIZUNEN AZTERKETA

1

SARRERA ............................................................................................................................................................... 2 AURRERAPENARI BURUZKO ERAKUSKETAREN GARAPENA ETA IRIZPIDEAK AZTERTU AURREKO LANAK. ................................................................................................................................................................ 2 IRADOKIZUNAK AZTERTZEKO AGIRIAREN JATORRIA .................................................................................. 2 IRADOKIZUNAK AZTERTZEKO AGIRIAREN EGITURA.................................................................................... 3

A - GAI OROKORRAK ............................................................................................................................................. 4 GARAPEN IRAUNKOR ETA OREKATUA........................................................................................................... 4 EKIMEN PUBLIKOA ............................................................................................................................................ 4 IRISGARRITASUNA ETA MUGIKORTASUNA.................................................................................................... 5 HIRIGINTZAKO KUDEAKETA ETA KONTROLA ................................................................................................ 6 HISTORIA- ETA ARTE-ONDAREA ..................................................................................................................... 6

B –LURZORU URBANIZAEZINA............................................................................................................................. 8 GAI OROKORRAK .............................................................................................................................................. 8 AZALEKO URAK BABESTEA.............................................................................................................................. 9 LANDAGUNEAK ANTOLATZEA ......................................................................................................................... 9

C – SISTEMA OROKORRETAKO SAREAK ......................................................................................................... 11 BIDE-SAREA ..................................................................................................................................................... 11

BI-625............................................................................................................................................................ 11 UGAO-MIRABALLESERA SARTZEKO SAIHESBIDEA (TUNELA)............................................................ 12 TOKIKO BIDE-SAREA:................................................................................................................................ 12

TRENBIDE-SAREA ........................................................................................................................................... 13 HEGOALDEKO TREN-SAIHESBIDEA........................................................................................................ 13 TRENBIDE-TRAZATUAREN HIRI-IRAGAZKORTASUNA.......................................................................... 14 BESTE IRADOKIZUN BATZUK................................................................................................................... 15

BIZIKLETENTZAKO ETA OINEZKOENTZAKO SAREA ................................................................................... 16 D – BIZITEGI-LURZORUA .................................................................................................................................... 18

GAI OROKORRAK. ........................................................................................................................................... 18 BIZITEGI-LURZORU HIRITAR URBANIZAGARRIA BIRDENTSIFIKATZEA. ................................................... 19

AR-R1 TORRONTEGI II SEKTOREKO 2. GAUZATZE-UNITATEA ........................................................... 19 AR-R2 SEKTOREA – LANBARKETA............................................................................................................ 20

E – EKONOMIA-JARDUERETARAKO LURZORUA ............................................................................................. 23 HIRI-LURZORUAN DAGOEN INDUSTRIA-LURZORUA................................................................................... 23 LURZORU URBANIZAGARRIAN DAGOEN INDUSTRIA-LURZORUA............................................................. 23 LOGISTIKAREN ARLOKO EKONOMIA-JARDUERETARAKO LURZORUA ZABALTZEA. .............................. 24 ZERBITZU-SEKTOREA - MERKATARITZA...................................................................................................... 25 LEHEN SEKTOREA – ERAUZTE-JARDUERA ................................................................................................. 26

F - EKIPAMENDURAKO ETA ESPAZIO LIBREETARAKO IRIZPIDE ETA HELBURUAK .................................... 28 KIROL-EKIPAMENDUA..................................................................................................................................... 28 HEZKUNTZA-EKIPAMENDUA .......................................................................................................................... 28 OSASUN-EKIPAMENDUA................................................................................................................................. 29 KOMUNITATE-EKIPAMENDUA ........................................................................................................................ 30

KOMUNITATE-EKIPAMENDU SOZIAL ETA KULTURALA...................................................................... 30 KOMUNITATE-EKIPAMENDU PRIBATUA................................................................................................ 31

APARKALEKUAK .............................................................................................................................................. 31 ESPAZIO LIBREAK ........................................................................................................................................... 32

ERANSKINA: IRADOKIZUNEN ZERRENDA......................................................................................................... 34


SARRERA

AURRERAPENARI BURUZKO ERAKUSKETAREN GARAPENA ETA IRIZPIDEAK AZTERTU AURREKO LANAK.

Plangintzaren Aurrerapena, 2010eko urriaren 14ko alkatearen dekretu bati jarraituz eta Lurzoruari eta Hirigintzari buruzko 2/2006 Legeko 90.3 artikuluan xedaturikoa betez, jendaurrean egoteko arauzko prozesuan izan da 2010eko urriaren 24tik 2010eko abenduaren 27ra, legeak ezarritako bi hilabeteetan, hain zuzen ere.

Aldi berean, jendaurrean egoteko prozesuaren hasieran, herritarrek parte hartzeko prozesu bat abian jarri zen, berariaz idatzitako Herritarrek Parte Hartzeko Programa delakoan oinarrituta. Prozesu horren funtsa, batez ere, erakusketa bat irekitzea izan zen. 2010eko urriaren 20an inauguratu zen, eta udaletxeko plazan kokaturiko karpa batean egon zen 21 egunez. Ondoren, Abusuko Zentro Soziokulturaleko beheko solairuko lokaletara eraman zen, eta 8 egunez egon zen zabalik, azaroaren 10etik 17ra.

Jendaurrean egoteko aldi osoan zehar, guztira hogeita bat (21) iradokizun‐idazki jaso ziren. Idazkietako batzuk hainbat pertsonak aldi berean helarazitako hitzez hitzezko kopiak dira, eta beste batzuek hainbat sinatzaileren zerrenda zuten atzetik. Gainera, modu osagarrian, interesa piztu zuten gaiak aztertze aldera, erakusketak iraun zuen bitartean inkestak egin zitzaizkien bisitariei, eta 117 erantzun jaso ziren.

Fase horretan, idazle‐taldeak agiria aurkeztu eta azaldu du, eta ez bakarrik udalerriko arduradun politikoei eta Plangintzako Aholku Batzordeari.

Erakusketaren denbora bukatu eta gero, bi argibide‐hitzaldi egin ziren. Lehena ekonomiaren eta gizartearen arloetako eragile guztientzat izan zen, Plangintzako Aholku Batzordean dauzkaten ordezkarien bitartez dei eginda. Bigarren saioa jende guztiarentzat izan zen, oro har; bereziki, erakusketan informazio gehigarria eskatu zuten guztientzat. Azken helburua zen aurrerapenean egiten zen hirigintzazko proposamena ezagutaraztea eta uler zedin erraztea; horri esker, hain zuzen ere, herritarren parte‐hartze handia sortzea lortu da.

"EBALUAZIO TXOSTENA" izeneko agirian (Herritarrek Parte Hartzeko Programan aurreikusita zegoen, eta LKSk idatzi zuen), zehatz‐mehatz deskribatzen dira aurrera eramandako jarduerak zein herritarren ekarpenak.

IRADOKIZUNAK AZTERTZEKO AGIRIAREN JATORRIA

Lurzoruari buruzko Legeko 62.a artikuluan, hiriak antolatzeko plan orokorren memoria osatzen duten agirien artean, gutxienez, agiri hau dago xedaturik:

“Memoria informatiboa eta justifikatiboa. Plangintza‐ahalmena baliatzeko beharrezko irizpen‐elementuak dakartzan informazio guztia jaso beharko du; zehazki, erabakiak hartzeko alternatibak formulatzeko eta hautatzeko prozesuaren azalpena, herritarrek egindako alegazioen, iradokizunen eta erreklamazioen azterketa, eta aukeratutako soluzioen justifikazioa.”

Lehen zatia Arrigorriagako Plan Orokorra idazteko Irizpide, Helburu eta Hautabideei buruzko agirian garatzen da.

2


Agiri hau plangintzako Irizpideak, Helburuak eta Hautabideak agiriaren osagarria da. Azken hori oinarrizko agiria da plan orokorra idazteko, eta hilabete gutxiren buruan hasierako onarpenaren arauzko izapidea pasatuko du. Horrenbestez, agiri hau Plan Orokorraren memoriari gehituko zaio, Lurzoruari buruzko Legeko 62.a artikuluari jarraituz.

Iradokizunak aztertzeko agiri hau herritarrek parte hartzeko fasean jasoriko iradokizun, proposamen eta hautabideei buruzkoa da.

IRADOKIZUNAK AZTERTZEKO AGIRIAREN EGITURA

Herritarrek egindako iradokizunak gaika multzokatu dira, Plan Orokorraren Aurrerapenak duen egiturarekin bat. Aurretik, egokiak ez ziren iradokizunak alboratu dira, plangintzari ez zegozkiolako edo alegazio partikularrak zirelako.

Behin gaika multzokatuta, iradokizunok aztertu egin dira, eta kasu bakoitzean hartu diren proposamenak justifikatu. Aintzat harturiko iradokizun guztiak plangintzaren irizpide eta helburuen arabera aztertu dira, eta haiekin kontrastatu, eta iradokizunak ontzat hartzeko edo aipatutako irizpide eta helburu horietan ez sartzeko arrazoiak eman dira.

Azkenik, iradokizunen gaikako multzo bakoitzerako, aztertu ondoren, haien edukiak barne hartzen dituen irizpide eta helburuak gehitu dira, Plan Orokorraren plangintzako irizpide, helburu eta hautabideei buruzko agirian duten ordenaren zenbakizko erreferentziarekin batera, atal bakoitza ulergarriago egite aldera.

Azkenik, iradokizun guztien zerrenda erantsi da, gaika, agiri honen eranskin gisa.

3


A ‐ GAI OROKORRAK

GARAPEN IRAUNKOR ETA OREKATUA

IRADOKIZUNAK:

- Egungo lurzoru kalifikatuaz baliatzea.

- Herriko errealitatea biztanleen beharrizanetara moldatzea, bestelako interesak saihestuta.

HARTUTAKO KONPONBIDEEN AZTERKETA ETA JUSTIFIKAZIOA:

Bi iradokizunak bat datoz Plan Orokorraren Aurrerapenaren zein goragoko plangintza‐tresnen tesiekin, bai eta Lurzoruari eta Hirigintzari buruzko 2/2006 Legearen irizpideekin ere.

Irizpide horiek Irizpideak, Helburuak eta Hautabideak agirian proposaturiko irizpide eta helburu hauei dagozkie:

A‐01. Garapen iraunkorra.

A‐02 Garapen orekatua.

A–03 Plangintzaren ildo orokorrak iraunkortasuneko eta orekako irizpideen inguruan.

EKIMEN PUBLIKOA

IRADOKIZUNAK:

- Zuzena da administrazio publikoak esku hartzea jabeak epeak betetzen ez baditu, baina inoiz ez hirugarren batzuei lagatzeagatik.


Lurzoruari eta Hirigintzari buruzko 2/2006 Legeak honela dio sarreran: ”Hirigintza, hain zuzen ere, interes orokorraren alde diharduen funtzio publikoa izango da, eta ez «hirigintzaren arloan sortzen diren gainbalioak esku pribatuek lortzeko bidea»”.

Printzipio horri eusten zaio Plan Orokorraren irizpideetan.

Edozelan ere, lege berak, IV. tituluan, plangintzan esku‐hartze pribatua egotea arautzen du, eta ahalbidetzen du, legearen indarrez, Administrazioak zein hirugarren pribatu batzuek jabea ordezka dezaten, baldin eta azken horrek bere betebeharrak betetzen ez baditu urbanizatzearen, eraikitzearen eta birgaitzearen aldetik.

Horri dagokionez, legeak administrazio publikoaren esku uzten du ekimen pribatua arautu eta kontrolatzea, interes orokorra atxikiz urbanizatzeko jardueraren balio nagusitzat.

Ildo horretan, indarrean den legediarekin bat, Lurzoruari eta Hirigintzari buruzko 2/2006 Legearen irizpideak hartzen dira, eta horiek Irizpideak, Helburuak eta Hautabideak agirian proposaturiko irizpide eta helburu hauei dagozkie:

4


A–07 Hirigintza‐jardueretan, lehentasuna ekimen publikoari ematen zaio, udalaren ekimenaren bidez bereziki.

IRISGARRITASUNA ETA MUGIKORTASUNA

IRADOKIZUNAK:

- Urbanizazioa eta irisgarritasuna hobetzeko jarduerak honako hauetan:

o Lepanto kalea.

o Joseba Andoni Uriarte kalea.

o Ollarganeko pilotaleku publikoaren estalkia.

o Santa Isabeleko aparkaleku berriaren gaineko plaza.

o Osasuna eta Higienea auzoa (eskailera mekanikoak, igogailua, eta abar).

o Larrasko auzoa (eskailera mekanikoak, igogailua, eta abar).

o Abusuko auzoak (Santa Isabel, Olatxu eta Ollargan), eskailera mekanikoekin, igogailu publikoekin (zentro soziokulturaleko igogailuaren ordutegia zabaltzea).

o RENFEren geltokia.

- Eraikinen barruko igogailuak sustatzea; izan ere, udalak igogailua egiteko laguntza/bidea ematea behar dugu, kaleetako espaloietan eragina duelako.


Iradokizun hauek bi alderdi dituzte: batetik, urbanizazioaren hobekuntza, hiri‐ingurunearen ezaugarrien kalitateari eta haien kontserbazio‐egoerari eta mantentzeari dagokienez; eta, bestetik, gune publiko edo auzoetarako zein eraikin publiko eta pribatuetarako irisgarritasuna.

Lehenik, Lepanto eta Joseba Andoni Uriarte kaleetako urbanizazioari nahiz urbanizazioa hobetu beharreko beste alde batzuei dagokienez, berrurbanizatze‐jardueretan sartzekoak dira.

Halaber, hiri‐lurzoruaren periferia izateko eta malda handia egoteko ezaugarriak –auzo horietara iristeko baldintzak nahiz auzoon arteko mugikortasuna zailtzen dituzten ezaugarriak, hain zuzen ere– bateratzen dituzten auzoetarako irisgarritasuna hobe dadila ere eskatzen da.

Proposatutako aldeetan zein plangintzak erabakitako beste batzuetan horren inguruan egiteko jardueretarako, Irizpideak, Helburuak eta Hautabideak agirian proposaturiko irizpide eta helburu hauek proposatzen dira:

A‐05 Bide‐sistema orokorrean mugikortasuna eta irisgarritasuna hobetzea.

A‐06 Tokiko ekipamendu eta sistemetan mugikortasuna eta irisgarritasuna hobetzea.

Ollarganeko aparkalekuen gaineko pilotalekuan esku hartzea ere proposatzen da. Eremu hori pilotaleku horren eta ikastetxearen arteko espazio libreko bizitegi‐jardueran sartu behar da.

5


Gai hori Irizpideak, Helburuak eta Hautabideak agirian proposaturiko irizpide eta helburuen atal honetan jasorik dago:

D‐04 Ollarganeko lursailaren erabilera zabaltzea (hezkuntza‐ekipamenduaren eta pilotalekuaren ondoan).

RENFEren geltokirako irisgarritasuna nahikoa iradokizun errepikatua da, eta Irizpideak, Helburuak eta Hautabideak agirian proposaturiko irizpide eta helburuen atal honetan barne hartzen da:

C‐11 Trenbide‐sareko geltokietarako irisgarritasuna.

Bestalde, Santa Isabel kaleko aparkalekuko obren azken urbanizazioa iradokitzen da; obra hori egiten ari dira gaur egun, eta ez dio eragiten plangintzari berari.

Eraikin pribatuetarako irisgarritasunari eta dagoeneko badiren eraikinetan igogailuak instalatzeko aukerari dagokienez, badago ordenantza bat hori arautzen duena, eta bere horretan utziko da, edo, beharrezkoa izanez gero, berraztertu egingo da.

HIRIGINTZAKO KUDEAKETA ETA KONTROLA

IRADOKIZUNAK:

- Arau subsidiarioek HAPOren mende egon behar dute, haren filosofiaren aurka dauden irizpide batzuetara aldatzea saiheste aldera.


Hiria Antolatzeko Plan Orokor berriak (HAPO) oraingo Plangintzako Arau Subsidiarioak (AS) ordezkatuko ditu.

Plangintza berriaren xedea egungo arau subsidiarioetan garaturiko irizpideei jarraipena ematea da, Aurrerapen Agirian azaltzen denez.

Hartu egiten da 14.000 biztanleko goi‐muga –aurreko ASk zein nahiz HAPOren Aurrerapenaren idazle‐taldea bat datoz horretan–, lurraldearen okupazioari eta azpiegiturei dagokienez, bide‐azpiegiturak zein ekipamendu‐azpiegiturak (zuzkidurak) barne.

Balio horietan bat etortzeak gaur egun garaturiko hiri‐ereduaren baliozkotasuna erakusten du, eta Plan Orokor berriaren helburuak egungo eredua sendotzeko eta optimizatzeko testuinguru batean kokatzen du.

Jarrera hori Irizpideak, Helburuak eta Hautabideak agirian proposaturiko irizpide eta helburuen atal honetan jasorik dago:

A‐04 Plangintzaren Aurrerapeneko kalkuluak eta aurreikuspenak berrestea.

HISTORIA‐ ETA ARTE‐ONDAREA

IRADOKIZUNAK:

6


- Ez dugu ulertzen historia‐ondarea bertan behera utzi behar izatea, ezin dugu utzi baserriak urteen urtez eror daitezen, nahiz eta jabeak nekazaritzan ez aritu. Beste gauza bat da nekazaritza‐jarduera berri baten itxurapeko baserri berri aizunei atea ixtea.

- Historia‐, arte‐ eta kultura‐ondarearen inbentarioa egitea. Egoki mantentzeko neurri zuzentzaileak sortzea, ekimen pribatua gastuak estaltzeko gain ez denean laguntzak sustatuta. Gure historia gure identitatea da, eta, beraz, ahalik eta osoena gorde behar dugu.


Plangintzan oraingo Ondasun Babestuen Katalogoa eguneratzea xedaturik dago. Katalogo horretan, historiaren, artearen eta kulturaren alorretako ondarearen inbentarioa egiten da, ondare ez‐materialarena barne, aurreko plangintzan halakotzat katalogatutakoetan oinarri harturik.

Urbanizatu gabeko lurzoruan dauden eraikuntzei dagokienez (baserriak), eraikuntzok aztertu egin beharko dira, haien ezaugarri bereziak kontuan izanda, beharrezko babes‐neurriak hartzearren. Gainerakoetan, Lurzoruari eta Hirigintzari buruzko 2/2006 Legeak lurzoru urbanizaezineko baserrietarako ezarritakoari jarraituko zaio.

Jokaera hori Irizpideak, Helburuak eta Hautabideak agirian proposaturiko irizpide eta helburuen atal honetan jasorik dago:

A‐10 Historia‐, arte‐ eta kultura‐ondarea.

7


B –LURZORU URBANIZAEZINA

GAI OROKORRAK

IRADOKIZUNAK:

- BIODIBERTSITATEAREN GAINEKO ERAGINA. PREBENITZEKO PRINTZIPIOA ERRESPETATZEA, KONPENTSATZEKOAREN AURRETIK. Eusko Jaurlaritzako Ingurumen Sailak etengabe esaten duenez, plan ororen printzipio gidariak biodibertsitatearen globaltasuna eta hark ingurumen‐zerbitzuak emateko duen gaitasuna gorde edo hobetzea izan behar du, bai eta ingurumenaren gaineko kalteak prebenitzeari lehentasuna ematea ere, kalteok konpentsatzearen aurretik. Halaber, dagoeneko sailkaturik dauden lurzoruen okupazioa azkentzea, lurzoru berria sailkatu baino lehen. Azkenik, hautaturiko kokalekuak ingurumenaren aldetik justifika daitezela eskatzen du, gainerako hautabideen aldean, 0 hautabidea barne. Gure aburuz, printzipio horiek ez dira aintzat hartu Aurrerapen hau prestatzerakoan.

- BIODIBERTSITATEAREN GAINEKO ERAGINA. INGURUNEA BEHARRIK GABE ARTIFIZIALTZEN DA. Badira kointzidentziak Garrantzizko Naturguneen Katalogo Irekiarekin, EAEko Itsasertza Babestu eta Antolatzeko Lurraldearen Arloko Planean antolatutako eremuekin, eta EAEko Hezeguneen Lurraldearen Arloko Planeko III. taldean sarturiko hezeguneekin. Hegoaldeko tren‐saihesbiderako proposatu diren trazatu‐hautabideetako bik Ganekogortako gunea zeharkatzen dute, eta hura “Paisaia‐intereseko landa‐eremuetan” sarturik dago. Hegoaldeko tren‐saihesbiderako proposatu diren hautabideetako biren trazatuek zerrenda gorrian sarturiko zenbait landare‐espezieren enklabe garrantzitsu batzuekin bat egiten dute. HAPOren proposamen berriak bat datoz intereseko landare‐formazio batzuekin: Industria‐lurzoru urbanizagarri (ILU) (A, B eta C) gisa birsailkatzeko hautabideek bat egiten dute 8 6510 komunitate‐intereseko habitatarekin, baso azidofilo batekin, baso hostozabal gazte batzuekin eta espezie autoktonoz osaturiko hainbat heskairekin. Landagunetzat proposaturiko eremuak (Goriko, Altamira eta Beretxa) bat datoz 6510 komunitate‐intereseko habitatarekin, bai eta Ugaoko saihesbidea eta bizikletentzako sarea ere. Hori guztia, animalia‐espezieen gaineko eragina kontuan izan gabe. Ur‐ipurtatsa, Schreiber muskerra eta baso‐igel iberiarra aipa ditzakegu horren inguruan, guztiak babes berezikoak. Baldintzatzaile horiek aintzat hartzeko eskatzen dugu, eta aipatutako eremuetan jarduerarik ez gauzatzeko.


Plan Orokorraren Aurrerapenean natura‐eremua ez okupatzeko irizpideari eutsi zaio, %100 bizitegi‐erabilerari dagokionez, eta lurzorua zabaltzea jarduera logistikoetarako bakarrik proposatzen da, Eusko Jaurlaritzako Ingurumen Sailaren txostenean jasotako ingurumenaren aldetiko erreserba guztiekin.

Horri dagokionez, Irizpideak, Helburuak eta Hautabideak agirian, 3. hautabidearen alde egiten da, hura logistika‐jardueretarako dauden benetako lurzoru‐beharretara molda dadila proposatuta.

Aurrerapenarekin batera, eta gauza bera aurreikusten da Plan Orokorrarekin, Ingurumen Eraginari buruzko txostenak idatzi dira, indarrean den legediaren ildotik eta Eusko Jaurlaritzaren Ingurumen Sailaren babespean. Txosten horietan justifikatzen dira aurreko iradokizunean aipaturiko alderdiak.

Alderdi horiek Irizpideak, Helburuak eta Hautabideak agirian proposaturiko irizpide eta helburuen atal hauetan jasorik daude:

B‐10 Eusko Jaurlaritzako Ingurumen Sailaren 2010eko abenduaren 29ko txostenaren ondorioak aintzat hartzea.

8


E‐06 Logistikaren arloko ekonomia‐jardueretarako lurzorua zabaltzea.

AZALEKO URAK BABESTEA.

IRADOKIZUNAK:

- Nerbioi ibaiaren ertzak babestea. Azpiegitura berriak sartzea urertzetan haien zerbitzurako.


Urertzak babestea, Nerbioi ibaiarenak ez ezik, haren ibaiadarrenak ere bai.


B‐03 Azaleko urak babesteko eremuen zedarritze grafikoa.

B‐09 Dagoen egitura gordetzea, eremuen kategorizazioa Bilbao Metropolitarreko Lurraldearen Zatiko Planean jasotako Lurraldea Antolatzeko Jarraibideei (LAJ) egokituta.


C‐03 BI‐625 errepidearen bikoizketan esku hartzea, A‐8 eta AP‐68 autobideak elkartzen diren zatian.

C‐04 Martiartun, BI‐625 errepidearen eta ibaiaren arteko eremurako (“pilotalekuaren” lursaila) sarbide berria ezartzea, BI‐625 errepidetik.

LANDAGUNEAK ANTOLATZEA

IRADOKIZUNAK:

- Proposamenaren inkoherentziak: landagune sailkatzea: Larrasko eta Beretza. Larrasko dentsifikatzeko eta Bentako Errekako industrialdea, Beretzaren ondoan, zabaltzeko proposamena.

- Dimutio auzoan landagune bat sor dadila proposatzea.


Larraskok AP‐68 autobideko zubiaren aurreko aldean duen zatiaren hiri‐izaera dagoneko badago islaturik indarrean diren arau subsidiarioetan, bai eta hirigunetik urrutien dagoen aldearen urbanizaezin‐sailkapena ere; han, eraikuntzak inguruneko nekazaritzako eta abelazkuntzako erabilerarekin bateragarria den modu batean daude kokatuta lurraldean.

Ez dago kontraesanik hiri‐lurzoruaren birdentsifikazioaren eta lurzoru urbanizaezinean landagunea gordetzearen artean. Lehenik, bi esparruak argi bereizita daudelako, autobidearen trazatuaren ondorioz; eta,

9


bigarrenik, proposaturiko birdentsifikazioa inguruko dentsitate txikiaren batean egiten den oso esku‐hartze kontrolatu bat delako.

Beretzako landaguneari dagokionez, esan behar da Bentako Errekako industria‐lurzoruaren garapena landagunearen aurkako noranzkoan egiten dela eta hirigunea bera eta haren ingurua gorde egiten dela.

Lurzoruari eta Hirigintzari buruzko 2/2006 Legeko 29. artikuluaren zioz, ezin zedarri daiteke landagunerik 6 baserriko baino gutxiagoko multzo batekin. Dimutio auzoan, Arrigorriagako udal‐barrutian, 4 baserri daude, eta, hortaz, ezin zedarri daiteke landagune bat. Egia da handik hurbil baserri‐multzo bat dagoela, baina Arrankudiagako udal‐barrutiko Aspiunza auzokoak dira.


B‐06 Brisketako eta Larraskoko guneen zedarritzeari eustea.

B‐07 Beretzako landagunea zabaltzea.

D‐06 Larraskoko hiri‐lurzorua birdentsifikatzea.


10


C – SISTEMA OROKORRETAKO SAREAK

BIDE‐SAREA

BI‐625

IRADOKIZUNAK:

- N‐625 errepidea ez bikoiztea autobide arteko lotura gisa eta Malmasingo tunelen irteerako lotura‐proposamen gisa (Abusu‐Bilbao‐Basauri aldea). Horrekin, Arrigorriagako hiriguneari zuzenean erasango dion hots‐kutsadurako eta ingurumen‐kutsadurako iturri bat ezabatuko dugu.

- BI‐625 errepidearen hots‐emisioa kontrolatzea.

- Biribilgune bat beharrezkoa da Arrigorriagarako, Martiarturako eta Rezolarako (FYM) sarbidea errazteko.

- Lurzoru‐erreserba bat gehitzea Sociedad Financiera y Minera, S.A. (Cementos REZOLA) fabrikara sartzeko biribilgune baterako, hark egoki konpon dezan fabrikarako bertarako zein herrirako sarbidea.

- Arrigorriagaren eta Bilboren arteko A‐68 autobidearen bidesaria kentzea, BI‐625 errepideko zirkulazioa neurri batean murriztearren A‐8 eta A‐68 autobideen arteko zatian.

- Zubi zaharra gaitzea ibilgailuak Arrigorriagarantz sartzeko eta Urduñarantz irteteko.


Gai guztiek BI‐625 errepidearekin dute zerikusia; hain zuzen ere, errepide hori udalerriko lurraldearen bizkarrezurra da iparraldetik (Basauri) hegoaldera (Ugao‐Miraballes), ekialdeko mugan zehar, hirigunearen eta Martiartu, Agirre, Bentako Erreka eta Txakoko industrialdearen artean.

Apirilaren 15eko 8/99 Foru Arauaren bidez onartu zen Bizkaiko Errepideen Arlokako Lurralde Egitamuan (indarrean da) dagoeneko proposatzen zen Metropoliko Interes Bereziko Sareko Irtenbideen artean, “A‐8 eta A‐68 autobideen arteko ahalmen handiko lotura bat: lehendik dagoen BI‐625 errepidea bikoiztea. BI‐625 errepidearen ahalmena gehitzea”.

Aurreko arau subsidiarioetan ere jasotzen zen jarduera hori, sistema orokor horretarako behar zen lurzorua erreserbatuta. Aurrerapenaren proposamenean jarduera hori jasotzen da, aldaketa batzuk eginda ingurumenaren, hotsaren eta bistaren gaineko eraginaren aldetik. Ildo horretan, erditunel erako trazatua, pantaila akustikoak eta oinezkoen zirkulazioa ibaiaren erriberan sartzea.

Halaber, Aurrerapenean xedatuta dago behar den lurra erabiliko dela aurreikusiriko biribilgunetarako eta sarbideetarako, AP‐68 autopistara, Martiartu auzora, –Aixartetik– hirigunera, eta REZOLA fabrikara.

Bidesaria kentzeari dagokionez, eskaera hori zilegi delarik, hori ez da Plangintzaren eskumena, ezta Udalarena ere; hala eta guztiz ere, ez da baztertzen behar diren gestio guztiak egitea helburu horrekin.

Era berean, BI‐625 errepidearen titularrak (Bizkaiko Foru Aldundiak) bide zaharraren erabilera mugatzen du. Erabilera posibleek, eta xedatuta dituenek, espazioa aisiarako eremu gisa berreskuratzeari dagozkionak izan behar dute, erriberako berdeguneei lotuta.

11



C‐02 Martiartun AP‐68 autobiderako eta Martiartu II eta Rezola industrialdeetarako sarbide‐biribilguneen trazatua plangintzara gehitzea.

C‐03 BI‐625 errepidearen bikoizketan esku hartzea, A‐8 eta AP‐68 autobideak elkartzen diren zatian.

UGAO‐MIRABALLESERA SARTZEKO SAIHESBIDEA (TUNELA)

IRADOKIZUNAK:

- Beretza azpiko tunela ez egitea; izan ere, zirkulazio handiko bide‐zatia ez baldin bada, zentzugabea dirudi Txako hiri‐bide bihurtzeak. Ez da beharrezkoa, bizilagunen gaineko eraginagatik eta diru‐kostuagatik.


Aurrerapenaren idazle‐taldeak egiten duen azterketa oso bestelakoa da, iradokizuna egin zuenaren azterketaren aldean. BI‐625 errepidearen zati horretan, zirkulazioa, handia ez ezik, oso arriskutsua ere bada, bi noranzkoetan industria‐pabiloietatik dagoen sarbide‐kopurua dela eta.

Ugao‐Miraballesera sartzeko tunela by‐pass bat litzateke sarbide‐dentsitate handiko errepide‐zati horretan, sarbideak bide nagusiarekiko elkarzutak direlarik, gainera; hain zuzen ere, bide nagusi hori barne‐bide bihur liteke, industriek bakarrik erabiltzeko, eta hautabide bat litzateke, aldi berean, aurreikusitako tunela erabili beharrean.

Gure aburuz, aukera hori askoz hobea da indarrean diren arau subsidiarioetan jasorikoa baino. Azken horren arabera, errepidearen alde banatan zerbitzu‐bideak egin beharko lirateke, eta itzulbiderako biribilguneak, eta jarduera hori kostu handikoa da, egungo jarduerak mugatzeaz gain, sarbideen eta okupazioaren aldetik.


C‐05 Ugao‐Miraballeseko Udalarekin koordinatzea Ugao‐Miraballesera sartzeko saihesbidearen lana, Bentako Errekarako aurreikusiriko biribilgunea eta Usila auzoa lotuko dituen tunel baten bidez.

E‐07 Industrialdeetarako komunikazioak eta sarbideak hobetzea.

TOKIKO BIDE‐SAREA:

IRADOKIZUNAK:

- Urgoiti pasealekua oinezkoentzat egitea mediku‐kontsultategiaren aldetik.

- Severo Ochoa kalean zirkulazio bikoitza kentzea.

12


- Atxukarrotik Arrigorriaga alderantz (azpiestazio elektrikoaren zatia): bide zuzena egin daiteke zubiaren mailan, eta metro gutxitxo dira, oinezkoen segurtasunerako.

- Harrobi‐pistak erabili beharrean, beste bide bat egiteko proposamena, Abrisketako auzora eta San Pedro baselizara joateko.


Aurreikusita dago oinezkoen alderdia La Cruz kaleraino luzatzea, osasun‐zentroaren aldea garatzearekin bat; han, zuzkiduren edo bizitegien inguruko jarduerez gain, gune publiko zabal bat eratu nahi da, Barua Parkearen jarraian, oinezkoen alderdia hasiko den tokian.

Ibilgailuen zirkulazioaren inguruko edo alde jakinetara iristeko jarduerei dagokienez, plangintzak ez du jasotzen edo baztertzen inongo jarduera zehatzik. Horren gainean udal‐kudeatzaileek hartzen dituzten erabakiak plangintzarekin bateragarriak izango dira, halabeharrez.

San Pedrora joateko bideari dagokionez, antolamenduan sartzea proposatzen da, bai eta FYMri (Rezola) doazkion beste alderdi batzuk ere, harrobi‐eremuaren erregulazioen eta eraginiko ingurua berroneratzeko planen aldetik.


C‐14 Oinezkoentzako eta bizikletentzako loturak hobetzea gune publikoen nahiz zuzkidura‐ekipamenduen artean.

D‐05 Osasun‐zentroaren, pilotalekuaren eta RENFEren azpiestazio elektrikoaren ingurunean gauzatze‐unitate bat ezartzea.

E‐12 FYMen (Rezola) erauzte‐jardueraren harrobi‐eremua erregulatu eta zedarritu egingo da.

TRENBIDE‐SAREA

HEGOALDEKO TREN‐SAIHESBIDEA

IRADOKIZUNAK:

- Hegoaldeko Tren Saihesbideak, aurrekoek bezala haien eskumenaren aldetik, bere alderdi positiboak izan litzake. HAPOn ageri diren aukerak (lotura Agirre edo Txako aldetik egitea edo, areago, Bakiolatik) egokiak izatea litekeena dela, ahalik eta erakunde gehienetan landu behar dira, jatorrizko trazatua ezin gauza daitekeelako uste osoan, Arrigorriagari ekarriko lizkiokeen ondorio txar askoengatik.

- Hautabidezko trazatuen inguruko ardura, honakoetan izango duten eraginagatik:

o Dimutioko bizilagunak.

o REZOLAren harrobien aldea.

o Hegoaldeko merkantzia‐saihesbideak beharrezkotzat hartzen du "D4" bidea.

13


- Hautabide berria: RENFEren trenbide berrien zabaldegitik ateratzea, San Migeletik, Zaratamotik igarotzea, eta autobidearekiko paraleloan, Bakiolara iristea, edo Urduñaraino, insolidarioa ez izatearren. Gainera, D1 babes bereziko eremu batetik igarotzen da.

- Proposatu diren hautabideak ez dute zentzurik, ez baita beharrezkoa industria‐lurzorua handitzea sektore horietan (Agirre, Txako edo Bakiola)


Iradokizun‐multzo hau Hegoaldeko Tren Saihesbideak udal‐barrutian izango duen eraginari dagokio.

Aurrerapenaren helburua da xedatutako trazatua alda dadin lan egitea; izan ere, aukera horrek merkantzia‐trafikoa egungo trenbidearen trazatuan mantentzen du, Arrigorriagako eta Ugao‐Miraballeseko hiriguneak zeharkatuta.

Bi udalerriek, eraginiko beste erakunde batzuekin batera, legezko epean aurkeztu zuten, dagoeneko, zegokion alegazioa, Aurrerapenak aldezten duen ildo beretik.

Aurrerapenak ematen dituen hautabideen asmoa eztabaida irekita mantentzea da, loturak Agirre edo Bakiola egin daitezen proposaturik, proposaturiko trazatuak hautabide errealtzat hartu behar izan gabe.

Aurrerapenean islatzen diren gutxi gorabeherako trazatuek, irizpide horrekin, zenbait konexio‐toki proposatzen dituzte, eta trazatu berriak zehaztu beharko dira ADIFekin eta eraginiko alboko udalerriekin koordinaturik, behin proposatu den antolamendua onartu eta gero.

Azken iradokizunari dagokionez, esan behar dugu ez dugula loturarik ikusten industria‐lurzoruaren eta Hegoaldeko Tren Saihesbidearen trazaturako hautabideen artean.


C‐08 Hirugarren hautabide bat proposatzea Hegoaldeko Tren Saihesbidea RENFEren Bilbao‐Urduña lineari lotzeko trazaturako.

C‐09 Udalez gaindiko tren‐egitura lurraldean integratzea.

TRENBIDE‐TRAZATUAREN HIRI‐IRAGAZKORTASUNA

IRADOKIZUNAK:

- Trenbidearen trazatua lurperatzea hirigunetik igarotzen den zatian, hura den hesia eta banaketa kentzeko, eta orain, azalean, hartzen duen espazio librea berreskuratzeko.

- Egungo zein etorkizuneko (tranbia?) trenbide‐trazatua hesi akustikoz babestea.


Helburu nagusiak, hirigunetik igarotzen den zatian, trenbidearen trazatuaren iragazkortasuna lortzea izan behar du.

Ildo horretan, Aurrerapenaren idazle‐taldeak tranbia (metro arina) proposatzen duen konponbide bat hautatu du, udalerritik igarotzean, lurperatzeko aukera aldeztu beharrean.

14


Erabaki horrek honako alderdi hauek izan ditu oinarritzat:

• Epe labur eta ertainera merkantzien eta bidaiarien ibilbide luzeko trafikoa kenduko da orain dagoen lineatik, eta aldiriko bidaiari‐trenen trafikorako baino ez da erabiliko. Horrek egungo instalazioak azpiegitura moderno bilakatzea ahalbidetzen du, ingurunean gutxiago eraginik eta irisgarritasuna hobeturik.

• Ildo horretan, ustea da tranbia‐sare bat bateragarria dela lortu nahi den hiri‐iragazkortasunarekin, dagoen sareak Basauriko metrorako anezka‐zerbitzu bat eskaintzeko duen potentzialtasuna galdu gabe.

• Trenbide‐sareak egun hartzen duen eremua berdegune gisa berreskuratuko litzateke. Aparkalekuetarako eta “tranbiaren” geralekuetarako sarbidearekin bateragarria litzateke, lurpeko geltokirik, sarbide‐tunelik eta abarrik gabe.

• Lurperatzea zerbitzuko instalazio edo sare bat estaltzean edo lurpeko bihurtzean datza. Arrigorriagako hiriguneari dagokionez, proposamen zehatza egungo trazatua tunel batetik desbideratzea dela esan beharko litzateke; izan ere, tunel bat egin beharko litzateke Aixarten eta Lonbon dauden pasaguneena baino beheragoko kota batean. Ez litzateke ezein kasutan egungo trazatua estaliko, hiri‐ingurunearen kota baino gorago igarotzen delako.

• Duela gutxi tunelak egitean izan diren esperientzia batzuk kontuan izanik (Logroño, Gasteiz, Urduliz, eta abar), ikusi da trazatua tunel batetik desbideratzearen kostua ez litzatekeela izango kilometroko 40 milioi euro baino gutxiago, hots, Arrigorriagaren kasuan, 60 milioi euro inguru. Kostu horrek, egungo egoeran, aukera hori eginezinago bihurtzen du.

Alderdi horiek aintzat hartuta, “tranbiaren” aukera hobetsi da “tunelaren” aukeraren aurretik, baina horrek, berez, tunela baztertzea ekarri gabe, baldintza sozioekonomikoak aldatuz gero.

Jarduera horretan, arreta berezia jarri beharko litzateke beharrezko hesi akustikoak jartzeko, jendea bizi den aldeei begira; abiadura mugatuko da, dardarak eta hots‐kutsadura minimizatze aldera.


C‐08 Hirugarren hautabide bat proposatzea Hegoaldeko Tren Saihesbidea RENFEren Bilbao‐Urduña lineari lotzeko trazaturako.

C‐09 Udalez gaindiko tren‐egitura lurraldean integratzea.

C‐10 Ingurumenaren babesa eta hesi akustikoak.

C‐11 Trenbide‐sareko geltokietarako irisgarritasuna.

BESTE IRADOKIZUN BATZUK

15


IRADOKIZUNAK:

- Basaurirako anezka‐autobusa, metrora eraman gaitzan.

- Boluetako metrorako anezka‐autobus bat jartzea Abusutik; horrela, Santutxu auzoarekin eta metroarekin komunikatuta egongo gara.

- Zarataren eta aire‐kutsaduraren aurkako neurriak tinko eskatzea San Migel‐Zaratamo zatietan, honako hauetan:

o Bilboaldeko Metropoliaren Hegoaldeko Saihesbidean (Supersur).

o Abiadura handiko trenean.

- Geralekua Txako inguruan (Bentako Erreka), egun han dagoen industrialderako irisgarritasuna hobetzeko.


Anezka‐autobusak trenbide‐lotura txarra duten aldeetarako jartzen dira. Arrigorriagako udalerriak aldiriko trenbide‐lotura onak dauzka.

Horrek ez du esan nahi Udalak ez duela lan egin behar komunikazioak hobetzeko, ahalik eta zentzurik zabalenean. Dena dela, gestio horiek ez dagozkio plangintzari.

Udalez gaindiko azpiegiturek gure udalerriko alde populatuen gainean duten eraginari dagokionez, proposatzen da arreta berezia jar dadila beharrezko hesi akustikoak jartzeko jendea bizi den aldeei begira; abiadura mugatuko da, dardarak eta hots‐kutsadura minimizatze aldera.

Udalerriko hegoaldeko industrialdeko geralekuei dagokienez, Plan Orokorraren Aurrerapena bat dator iradokizunarekin, eta hori lortzeko lan egingo da.


C‐10 Ingurumenaren babesa eta hesi akustikoak.

C‐12 Industrialdeetarako geraleku berriak jartzea ahalbidetzea.


BIZIKLETENTZAKO ETA OINEZKOENTZAKO SAREA

IRADOKIZUNAK:

- Bizikletentzako bidearen lotura Basauri aldera.

- Bizikleta‐bide baterako proposamena ertzetatik. Herria Bilboraino lotuko duen ardatz egituratzaile bat sortzea.

- Ezkerreko ertzerako hautabide bat Txakon, Bentako Errekan lotura eginik.

16


- Beteluriko zubitik igaro gabeko hautabide baten proposamena: autobidearen ondotik Buiaraino, eta, handik, errepidearen trazatutik. Hautabide honek ez du inola egon behar Bilboaldeko Metropoliaren Hegoaldeko Saihesbidearen (Supersur) mende, Larraskitu‐Buia zatian, saihesbidearen eta A‐68 autobidearen arteko loturari konponbidea emanda.


Egindako iradokizunak bat datoz idazle‐taldearen irizpideekin. Gure aburuz, horren inguruko sentiberatzea oso positiboa izaten ari da, eta gero eta asmo handiagoko irizpide batzuekin aurrera egin behar da.

Basaurirako lotura gaur egiten ari diren udalez gaindiko azpiegitura batzuen obren mende dago; izan ere, Arrigorriagak badu sarea udal‐barrutiaren Lonbo aldeko mugaraino.

Buiako hautabideari dagokionez, Bilboaldeko Metropoliaren Hegoaldeko Saihesbidearen (Supersur) mende egon behar ez izateaz gain, hartan integratu behar da, trazatua bateragarri egiteko. Edozelan ere, Udalak hautabide hori eskumena duten administrazioei proposatuko die, Bilboko udal‐barrutitik pasatzen da eta.


C‐13 Bizikletentzako sarea, Bizkaiko Bizikleta Plan Nagusia garatzeko.

C‐14 Oinezkoentzako eta bizikletentzako loturak hobetzea gune publikoen nahiz zuzkidura‐ekipamenduen artean.

17


D – BIZITEGI‐LURZORUA

GAI OROKORRAK.

IRADOKIZUNAK:

- Larregi ez dentsifikatzea.

- Etxe familiabakarrik eta etxe atxikirik ez egitea.

- Etxebizitza berriak Ollarganen, ingurua berpizteko.

- Pilotalekuaren atzeko egoitza‐eremu bat (babespeko etxebizitzak?) etxeekin (etxebizitzak?) ez ordezkatzea.

- Eskaintzaren neurria beheratzea eta sektoreka eta laurtekoka programatzea, aurrekoen kudeaketaren arabera baldintzaturik.

- Etxebizitza‐motak babespeko etxebizitza itundua, BOE eta gizarte‐alokairuko etxebizitza izan beharko luke, horiek biztanleen beharrizanei erantzuten dietenak dira eta.

- Etxebizitza hutsetan zuzenean esku hartzea, sustapeneko eta zerga‐zigorreko politika aktibo batzuekin.

- Txandakako gizarte‐alokairurako etxebizitza publikoko plan bat, lurzorua administrazioari lagatzeko betebeharrarekin.

- Birdentsifikatzeko eta hiri‐lurzoruaren aprobetxamendua optimizatzeko, planaren aurrerapenean adieraziriko irizpideei eustea, baina etxebizitza berrien eskaintzak Lurraldearen Zatiko Planeko balioekin lortutako gehienezkoa (551 etxebizitza) nabarmen gainditu gabe.


Proposatu den birdentsifikazioaren xedea da dagoen hiri‐lurzorua nahiz lurzoru urbanizagarriak etxebizitza berriak hartzen duen ahalmena optimizatzea, iraunkortasuneko eta orekako irizpideak aintzat hartuta, betiere.

Horregatik, joera ez da izango dentsitate handi batzuetara heltzea. Larraskorako proposamena dentsitate txikikoa da, eta Lanbarketakoa, dentsitate ertainekoa. Torrontegin egungo dentsitateari eusten zaio. Etxebizitza berrietarako proposamena Bilbao Metropolitarreko Lurraldearen Zatiko Planaren parametroetan oinarriturik egin da, era dinamiko batean, plangintzaren gauzatze‐urtearen arabera, udalerri finkatuentzat –Arrigorriaga tartean– loteslea ez dela kontuan izanda. Horrexegatik, etxebizitza‐kopuru zuzenak Plan Orokorraren Aurrerapenean ezarririkoak dira.

Hori bai, Aurrerapenaren proposamenak etxebizitza bakarren eta etxebizitza atxikien motak kentzea dakar berekin, iraunkortasuneko eta orekako irizpideen aurkakotzat jotzen direlako. Etxebizitza‐mota horiek lurralde asko hartzen dute, azpiegituren aldetik gastu handiegiak sortzen dituzte eta ibilgailu motorduna edukitzera behartzen dute.

Ollarganen eta Martiartun aurrera eramateko jarduerei dagokienez, esan behar da ez direla egungo erabilerak kentzen, “babespeko etxebizitzak”, alegia, baizik eta zabaldu egiten direla, etxebizitza kolektiboko erabilera gehiturik.

18


Garatu gabeko lurzoru urbanizagarrietarako (Lanbarketa) esku‐hartzeei dagokienez nahiz lur publikokoei dagokienez (Ollargan), Lurzoruari buruzko Legearekin bat jardungo da, babes publikoko etxebizitzen erreserbaren aldetik, azken horien artean dauden kategorien artean batekoa zein bestekoa izan.

Etxebizitza hutsei buruz, merkatuan jartzeko neurriak era aktiboan hartzeko asmoa dago, indarrean den legediarekin bat. Hala ere, plangintza ezin da horretan oinarritu udalerria egoki garatzeko behar diren etxebizitzak bermatzeko.


D‐01 Gauzatze‐unitateetako eta garatu gabeko jarduera asistematikoetako aprobetxamenduak birdentsifikatzea eta optimizatzea.

D‐03 Martiartuko lursailaren erabilera zabaltzea (lehengo Kirolak pilotalekua).

D‐04 Ollarganeko lursailaren erabilera zabaltzea (hezkuntza‐ekipamenduaren eta pilotalekuaren ondoan).

D‐06 Larraskoko hiri‐lurzorua birdentsifikatzea.

D‐07 AR‐R1 ‐ Torrontegi II sektoreko 2. gauzatze‐unitatea birdentsifikatzea.

D‐09 Etxebizitza hutsen gainean esku hartzea, inbentario zehatza nahiz etxebizitza hutsak alokairuko edo salerosketako merkatuan sartzeko azterlan bat eginez.

D‐10 Babes‐erregimenen bat izango duten etxebizitza berriak eraikitzeko aurreikuspena.

BIZITEGI‐LURZORU HIRITAR URBANIZAGARRIA BIRDENTSIFIKATZEA.

AR‐R1 TORRONTEGI II SEKTOREKO 2. GAUZATZE‐UNITATEA

IRADOKIZUNAK:

- Eremurako proposatzen den etxebizitza‐kopurua loteslea ez izatea eta gehienezkoak adieraztea.

- Zerrenda horretarako malgutasuna iradokitzen da eraikin‐motaren aldetik, eta, beraz, han sortuko den lurzoruaren zatikatzearen aldetik, bai eta lurzatiak antolatzeko baldintzak ezartzerakoan ere, gehienezko lerrokaduretarako eta okupaziorako oinarrizko arau batzuk ezarririk, edo, bestela, halakoak xehetasun‐azterketa baterako uztea.

- Etxebizitzak gehituz gero, babes publikoko etxebizitzen erreserbarako estandarrak aplikatzea.

- Jarduera honi Torrontegiren eta Lanbarketaren arteko espazio libreen sistema orokorra atxikitzea.


Etxebizitza‐kopurua ez da parametro erabakigarri bat plangintzan, Eusko Jaurlaritzaren Lurzoruari eta Hirigintzari buruzko 2/2006 Legea onartu zenez geroztik. Oinarrizko parametroa aprobetxamendua da, eraikigarritasuna, alegia, lurzoru‐metro koadroko dauden sabai‐metro koadroak.

19


Horri dagokionez, hartu den hautabideak dagoen aprobetxamenduari eusten dio, etxebizitza‐motekin malguago jokatuz eta bizitegi kolektiboak proposatuz, familia bakarreko etxebizitza atxikiaren aurretik, azken hori baitzegoen jasota gauzatze‐unitate horren xehetasun‐azterketan.

Eraikigarritasuna gehitu ez denez, ez dira berraztertu behar babeseko etxebizitzen eta nahitaez laga beharreko lurzoruen estandarrak.

Ildo horretan, esan behar da, AR‐R1 Torrontegi II sektore hau garatu eta gauzatzean, legeak ezarririko betebehar guztiak bete dituela, sistema orokorrei atxikitzearen aldetik, tokiko bide‐sistemak eta zuzkidura‐sistemak sortzearen aldetik, eta babes publikoko erregimeneko etxebizitzen estandarrak hirigintzari buruzko legediak ezarri bezala betetzeko betebeharrari dagokionez. Hori sektore osorako gertatu da horrela, eta sektorea garatzeko aurreko fase guztietan gauzatu da.


D‐07 AR‐R1 ‐ Torrontegi II sektoreko 2. gauzatze‐unitatea birdentsifikatzea.

AR‐R2 SEKTOREA – LANBARKETA

IRADOKIZUNAK:

- Lanbarketa birdentsifikatzeko proposamenean, etxebizitza‐kopurua, lurrak eta etxebizitza libreen kalifikazioa emendatzea. 174. lurzatia plan horretan sartzea.

- AR‐R2 Lanbarketa sektorean 1. hautabidea hartzeko proposatzen da, lurzati hori lurzoru URBANIZAEZINera itzulita.

- Egungo egoerari eustea (2. hautabidea), babesgabetasun larriko egoerarik ez sortzeko, kontuan izanik AR‐R2 Lanbarketa deritzon sektoreko jabeek gauzatu duten hirigintza‐garapena nahiz egin duten gastua.

- Gure aburuz, aurkeztu den 3. hautabidea onuragarria izan daiteke eragindakoen interes orokor zein partikularretarako, baina planteamendu hori ekonomikoki bideraezina izan daitekeelako ardura objektiboa dago, eta, era berean, beste bizitegi‐sektorearekin erkatuta, desoreka handiak eragiten ari dira, etxebizitza‐kopuruari eta ordaindu beharreko kargei dagokienez. Kasu horretan, uste dugu ez dela hain kaltegarria 2. hautabidea, hots, ezarrita dagoen antolamenduari eusten diona.

- Plangintza taxutzeko ardura dutenei arren eskatzen diegu gu gehiegi ez zigortzeko “Lanbarketa Hitzarmen Batzarreko” presidentearen eta Birzatikatze Planaren idazleen kudeaketa okerragatik; hain zuzen ere, kudeaketa horrek administrazio‐bidean irtenbiderik ez dagoen egoera batera ekarri gaitu, gure nahiaren aurka, hartutako erabakietan jasorik dagoenez. Udalerriaren interes komuna zaindu beharko litzateke, beste bide batzuk egonda batzordekideak iruzurrez euren onurarako erabiltzen dituztenentzat.

- Espazio libreen sistema orokor garrantzitsu hau sartzean –hori beharrezkoa delarik udalerriaren bilakaeraren estrategiarako–, bi sektoreen artean banatzea (AR‐R1 eta AR‐R2); horrela, denboraren aldetik, naturgune hori udal‐ondarean integratzea arinduko litzateke.

20


- Sustapen publikoko etxebizitzak sortzea azkartze aldera, etxebizitzak bi sektoreen artean banatzea (AR‐R1 eta AR‐R2), eta, edozelan ere, Lanbarketako eremua hiritartzat sailkatzea, babespeko etxebizitza publikoen erregimenen bateko etxebizitzei dagozkien gutxieneko kopuruak aplikatuta.

- Arrigorriagako Udalak, plangintzaren berrikuspenarekin batera, Lanbarketako bizitegitarako eremuaren gaineko xedapen‐aldaketa izapidetzea, horrela, bide emateko administrazioari nahiz haren jabeei aurreko plangintzaren garapenean egindako errakuntzak zuzentzeko eta lurzoru berria hiri‐bilbean sartzea ahalbidetzeko, sorturiko egiturazko antolamendu berrian ezarritako parametroekin bateragarria baldin bada, betiere.

- AR‐R2 bizitegi‐sektorerako hirugarren hautabidearen komenigarritasuna, eta berrikuspenaren espedientetik ateratzea, aldaketa bidez izapidetzeko, 2/2006 Legeko 103.4 artikuluan ezarri bezala.

- AR‐R2 Lanbarketa bizitegi‐sektorea aurrerapenetik kentzea, Arrigorriagako AR‐R2 Lanbarketa Bizitegi Sektorerako Konpentsazio Proiektua (Birzatikatzea) behin betiko onartzeko gaur egun egiten ari den prozedura judiziala behin betiko ebatzi arte.


Lurzoru urbanizagarrian dagoen bizitegi‐lurzoruko sektore honetarako hiru hautabide proposatu direla‐eta, iradokizunak proposaturiko hautabideetako baten alde egitekoak dira.

Horri dagokionez, Aurrerapenaren idazle‐taldeak 3. hautabidea proposatu du, sektorea garatzekoa, baina jarduteko irizpideak aldatuta, Lurzoruari eta Hirigintzari buruzko 2/2006 Legearen arabera moldaturik eta plangintza berrirako ezarrita, iraunkortasuna, oreka eta hiri‐lurzoruaren birdentsifikazioa, etxebizitza familiabakarren mota kendu dela.

Hautabide horren ekarpen positiboak ez dagozkie soilik lurzoruari buruzko lege berriaren irizpide orokorrei; hain zuzen ere, gizartean lehentasun handia duten beste kontzeptu batzuetara ere zabaltzen dira, horien artean dauzkagula babes publikoko etxebizitzak sortzea, ekipamendu berriak sortzea –ingururako aparkalekuak, batik bat–, 174. lurzatia sartzea eta eremuaren antolamendua hobetzea, bideragarritasun ekonomikoa –urbanizatzeko gastuak murriztu dira, bide gutxiago eginik–, sarbideak hobetzea, eta abar.

Kudeaketaren inguruko arazoei dagokienez, aurrekariak kontuan izanik, bai sektorea sustatu dutenen bai sektorearen kudeaketarekin ados ez dauden pertsonen interes partikularrak errespetatuko dira, interes publikoak interes pribatuei gailenduko zaielarik beti, eta gaur egun dauden helegiteei buruz auzitegietan hartzen diren erabakiak erabat errespetaturik.

Gure aburuz, prozedurak sektorea Plan Orokorraren barruan integratuta kudeatzea izan behar du, Arau Subsidiarioen xedapen‐aldaketa gisa bereiz kudeatzeko iradokizunaren aurrean. Kudeatzeko epeen aurreikuspenak ia berdinak dira, aribidean dauden auziak kontuan hartuz gero.

Torrontegiko sektorearekin egiten den konparazioari dagokionez, ostera ere esan behar da azken horren garapena osatuta dagoela administrazioarekiko betebeharren aldetik; hain zuzen ere, sistema orokorretako, espazio libre berdeetarako eta ekipamendu kolektiboetarako lurzorua laga du eta babes publikoko etxebizitzen estandarrak bete ditu (166 etxebizitza).

Hurrengo fasean, sektorearen eta autobidearen artean dauden espazio libreko sistema orokorrak atxikitzea aztertuko da, espazio horretan udalak esku hartu ahal izateko, AP‐68 autobidearen eraginetik hotsen eta bistaren aldetik babesteko bermea izateko. Interes publikoari eta sektorean ekonomiari dagokienez nahiz ingurumenaren hobekuntzari dagokionez (hotsen aldetik batik bat) izango duen eragina aintzat hartuko dira.

21



D‐08 AR‐R2 ‐ Lanbarketa sektorea birdentsifikatzea.

22


E – EKONOMIA‐JARDUERETARAKO LURZORUA

HIRI‐LURZORUAN DAGOEN INDUSTRIA‐LURZORUA.

IRADOKIZUNAK:

- Industria‐bilbea finkatu eta optimizatzea, errolda egitea eta egon daitekeen eskarira moldatzeko azterlana egitea.

- Industria auzoak antolatu eta urbanizatzea, Atxukarro eta Txako kasu.

- Industria‐auzoetarako garraio publikoa.

- Erabilerak zabaltzea industria‐eremuetako zerbitzu‐eremuetan (hirugarren sektorea), Martiartun adibidez.


Herritarrek eginiko iradokizunak bat datoz Plan Orokorraren Aurrerapenaren irizpide eta helburuekin.

Industria‐eremuen optimizazioak urbanizazioa, sarbideak eta erabilerak hobetzea izan behar du xede, okupazioa bultzatzeko eta udalerrian ekonomia‐jarduera sustatzeko.


C‐12 Industrialdeetarako geraleku berriak ipintzea ahalbidetzea.

E‐01 Garatu gabeko gauzatze‐unitateetako aprobetxamenduak birdentsifikatzea eta optimizatzea.

E‐02 Industria‐bilbe finkatua optimizatzea.


LURZORU URBANIZAGARRIAN DAGOEN INDUSTRIA‐LURZORUA.

IRADOKIZUNAK:

- SI‐2 Orue Bentako Errekako sektoreko jarduera mugatzea, etorkizunean han erraustegia jartzea saihesteko.


Gaur egun, eremu horretan lurzoru urbanizaezinaren sailkapenarekin bateragarria den jarduera bat dago, Bizkaiko Foru Aldundiak, dagozkion legezko eskumenekin bat, emandako baimenen babesa duelarik.

Oraingo plangintzan, 9. xedapen‐aldaketaren ostean, eragindako lurzorua urbanizagarritzat sailkatu da, eta horrela mantendu da Plan Orokorraren Aurrerapenean. Halakoa izanik, Lurzoruari buruzko Legearen arabera garatu beharko da, eta baimendutako, toleratutako eta debekatutako erabilerak erregulatu beharko dira.

23




E‐05 SI‐2 Orue Bentako Errekako sektorea mantentzen da.

LOGISTIKAREN ARLOKO EKONOMIA‐JARDUERETARAKO LURZORUA ZABALTZEA.

IRADOKIZUNAK:

- Ez da beharrezkoa lurzoru berririk garatzea ekonomia‐jardueretarako. Lurra jarduera horretarako xedatzeak naturaren aldetik duen kostua handiagoa da Arrigorriagako komunitateari lekarkiokeen onura baino. Eskualdeko beste udalerri batzuek bere gain har dezakete garapen hori, era orekatu eta iraunkorrean parekatu arte.

- Dagoen industria‐zorua bere horretan uztea, eta erabilera horretarako azalera urbanizagarria EZ ZABALTZEA, Rezolaren eta Bentako Errekaren artean dauden lurretarako proposaturiko 3 hautabideak baztertuta.

- Erabili gabeko hiri‐lurzoruaren inbentarioa egitea, haren aprobetxamendua bultzatzeko eta industria‐erabilerarako lurzoru gehiago artifizialtzea saihesteko.


Plan Orokorraren Aurrerapenak lehentasuna ematen dio industria‐erabilerarako egungo hiri‐lurzoruaren nahiz lurzoru urbanizagarriaren aprobetxamenduari, udalerriko ekonomia‐jarduera bultzatzeko neurri gisa.

Hala ere, industria‐lurzoru berriaren hornikuntza eskualde‐mailakoa eta logistikaren arloko erabilera ematekoa da. Jarduera horretarako, egun erabilgarri dauden lurzoruena baino azalera zabalagoa behar da. Egoki iritzi zaio lurzoru‐hornikuntza horri, Arrigorriagak komunikazioen aldetik duen kokapen ona nahiz eragindako eremuaren kokalekua ikusita, eragiketa berezietarako eta udalez gaindiko intereseko industrialdeak kokatzeko gune potentzial gisa Euskal Autonomia Erkidegoko Ekonomia Jardueretarako Lurzoru Publikoa eta Merkataritza Ekipamenduak Sortzeko Lurraldearen Arloko Planean.

Jakina, proposamen horrek eskualde‐mailako araudiaren bermea behar du (Bilbao Metropolitarreko Lurraldearen Zatiko Plana), bai eta lurralde‐mailako arlokako beste zenbait araudirena ere (Euskal Autonomia Erkidegoko Ekonomia Jardueretarako Lurzoru Publikoa eta Merkataritza Ekipamenduak Sortzeko Lurraldearen Arloko Plana eta Garraio Sare Intermodal eta Logistikoaren Lurraldearen Arloko Plana, kasu).

Logistikaren arloko ekonomia‐jardueretarako lurzoru berriak espazio berrietarako behar den lurzoru‐kantitatea erreserbatuko du babes berezikoen eta ingurumen‐hobekuntzakoen kategorietan, eta Eusko Jaurlaritzako Ingurumen Sailaren 2010eko abenduaren 29ko txostenean biodibertsitatea babesteko esplizitaturiko neurriak aintzat hartuko dira.


24



E‐01 Garatu gabeko gauzatze‐unitateetako aprobetxamenduak birdentsifikatzea eta optimizatzea.

E‐02 Industria‐bilbe finkatua optimizatzea.


ZERBITZU‐SEKTOREA ‐ MERKATARITZA

IRADOKIZUNAK:

- Merkataritza bultzatzea.

- Abusuko merkataritza bultzatzea, laguntzak ematea, eta abar.

- Abusuko etxabeak sustatzea, saltokitarako edota etxebizitzatarako.

- Merkataritza‐eremuak babesteak herriko bizitza zentralizatzen du, eta lo‐eremuak sortzen ditu. Alderantzizkoa egin beharko litzateke.

- Udalerrian lonja itxiak erabiltzea, erabilera aldaturik, horrela etxebizitzak egin ahal izateko. Bizi‐itxura emango lukete, hainbeste obra‐adreilu edo aspalditik itxitako denda ez ikustean.

- Arrigorriagak ez du lonjak etxebizitza bihurtzeko bezainbesteko etxebizitza‐defizitik. Horrek espekulazioa baino ez luke bultzatuko.

- Etxabeko lokalak erregularizatzeari dagokionez –haren erabilera bizitegi‐erabilera bihurtzeko, “beheko solairuko etxebizitza” gisa–, proposatzen da erregularizazio horrek babes ofizialeko etxetzat kalifikatzea bakarrik onartzea, modalitate batean edo bestean, eta urpean geratzeko arriskua duten eremuetatik urrun, betiere.


Egun, Arrigorriagako udalerria lo‐hiria dela onartu da, eta, merkataritza‐arloan, inguruko zentro komertzialen nahiz indar ekonomiko handiagoa duten hurbileko hirien mende dago (Basauri eta Bilbao, kasu).

Errealitatea da lokal‐kopuru handi bat erabili gabe dagoela; horrekin batera, gizarte‐dinamismoa eta bizikidetzarako nahiz ekonomia‐jarduerarako balio duten esparruak galtzen dira, behe‐kalitateko irudi estetikoa emateaz gain.

Iraunkortasuneko eta orekako irizpideekin bat, Aurrerapenaren idazle‐taldeak uste du merkataritza bultzatzea lehentasunezkoa dela, hark tokiko bizitza dinamizatzen duelako, behargabeko joan‐etorriak kentzen dituelako eta ekonomia‐jarduera indartzen duelako.

Jakina, Arrigorriagaren tamaina oso handia ez den arren, merkataritza‐jarduera gune zentral batean garatzen da. Merkataritza multzoan biltzea funtsezkoa da gizarte‐jarduerarako topaleku bat sortzeko. Premisa horiek horrela, merkataritzaren babeserako esparru bat proposatzen da hirigunearen erdigunerako, han beheko solairuko etxebizitzei dagokion erabilera onartu gabe. Gainerakoan, bi erabilerak bateragarriak izan daitezela proposatzen da, arautzeko garatuko diren ordenantzen barruan, betiere.

25


Abusun, Bilbokoa den auzo beraren eremuaren mendekotasuna dago, argi eta garbi; hain zuzen ere, azken horretan, hedadura handiagoa, dentsitate handiagoa eta zentraltasuna direla‐eta, badago merkataritza‐eremu finkatu bat. Horregatik, eta eremu horretarako, ez dago aurreikusita merkataritza‐erabilera babesteko esparru berezirik sortzea, eta bi erabilerak bateragarriak izateko proposatu da, arautzeko garatuko diren ordenantzen barruan, betiere.

Bizitegi‐eraikinetako beheko solairuetan etxebizitza‐erabilera egoteko aukera berariazko ordenantza baten bidez arautuko da. Ordenantza horrek etorkizuneko etxebizitzaren ezaugarriak zehaztuko ditu, bai eta haren sailkapena ere babes publikoen etxebizitzen artean dauden motetako batean edo bestean, bai bizigarritasun‐egoera kaskarrak bai espekulazio‐jokabideak galarazte aldera.


D‐10 Babes‐erregimenen bat izango duten etxebizitza berriak eraikitzeko aurreikuspena.

E‐08 Merkataritzako erabileren erregularizazioa, hiriko bizitegi‐eremuetan.

E‐09 Zerbitzuko eta merkataritzako jarduerak eta bizitegitarako erabilerak bateragarri egitea.

LEHEN SEKTOREA – ERAUZTE‐JARDUERA

IRADOKIZUNAK:

- Harrobi‐eremua zedarritzeaz gain, beharrezko neurriak hartzea ustiatzaileak, berehala, harrobi‐eremu hori gainditu den lurrak leheneratu eta birnaturaldu ditzan.

- San Pedro inguruaren babesa ez da nahikoa. Egun, harrobia oso presente dago baselizaren eta hara doan bidearen aldean.

- FYMk (REZOLA) aditzera ematen du “LARRASKO” 12.675 eta “GORIKO” 12.676 deritzen ustiaketa‐emakida zuzenen titularra dela; Bilboko eta Arrigorriagako udal‐barrutietan daude, eta dagozkion jarduera baimenak dauzka, bai eta Ingurumenaren gaineko Eraginaren Adierazpena ere, aldeko irizpenarekin bi emakidetarako. Hortaz, sozietateak gauzatzen eta garatzen duen jarduerak behar bezalako babesa du meatzaritzako ustiaketa horiek aurrera eramateko.

- Eskatzen da harrobi‐mugak “GORIKO” ustiategiaren 2M aurpegia har dezala (planoa erantsita dator); hura Ingurumenaren gaineko Eraginaren Adierazpenean jasorik dago (2005eko azaroaren 3ko Energia eta Meatzaritza Zuzendariaren Ebazpena).

- Kubo errekaren babes‐eremua kentzeko eskatzen da, “GORIKO” ustiategiaren aldean, haren babesa dagoeneko erregulatuta baitago harrobiko Ingurumena Zaintzeko Programan.


Lehen iradokizunak bat datoz Aurrerapenaren proposamenaren espirituarekin, erauzte‐jarduera zedarritzekoa (harrobi‐muga) eta harrobi‐azalera ingurumenaren aldetik leheneratzeko eta hobetzekoa, behin ustiatzeari utzi eta gero.

26


Azken iradokizunak ustiategiaren titularrarenak dira, eta udal‐plangintza ustiategiaren errealitatera moldatzeko proposatzen du.

Uste dugu bi sentsibilitateak bateratu behar direla, eta, ustiategiaren titularrarekin adosturik, merkataritzazko interesak ingurumenaren babesarekin bateratu behar direla, azken hori interes publikokoa izanik eta Eusko Jaurlaritzako Ingurumen Sailak esplizituki eskatuta egonik.

Halaber, harrobiaren ingurumenaren gaineko eraginari buruzko espedienteak udal‐plangintzaren ingurumen‐azterlanekin integratu edo bateragarri egin beharko lirateke.



E‐12 FYMen (Rezola) erauzte‐jardueraren harrobi‐eremua erregulatu eta zedarritu egingo da.

27


F ‐ EKIPAMENDURAKO ETA ESPAZIO LIBREETARAKO IRIZPIDE ETA HELBURUAK

KIROL‐EKIPAMENDUA

IRADOKIZUNAK:

- Kiroldegiaren zuzkidura eskasa da eta saturatuta dago; hortaz, zabaldu egin behar da.

- Abusuko auzokoek Bilboko Udalarekin izenpeturiko hitzarmen baten arabera dute zerbitzu hori, baina aurrea hartu behar dugu, eta neurriak hartu, hitzarmen hori egunen batean eteten bada ere.

- Ollargan auzoa eremu estali batez zuzkitu behar da, kirolaren edo kulturaren arloko helburuetarako.


Plangintzan, egungo eta aurreikusitako biztanleriaren arabera eta biztanleria horrek lurraldean duen banaketaren arabera antolatzen eta xedatzen dira beharrezko ekipamenduetarako espazioak.

Arrigorriagan, eta plangintzaren aurreko fasean udalerriak egin zuen ahalegin handiari esker, ekipamendu kolektiboak eraginkortasun handiz garatu dira, Plan Orokorraren Aurrerapenak aurreikusiriko hiri‐ereduaren barruan nahikoak eta iraunkorrak diren ratio batzuetara iritsita.

Badirudi iradoki diren mugak gehiago dagozkiola kudeaketari, kirol‐ekipamenduetarako ezarritako azalerari baino, azken hori nahikotzat jotzen da eta.

Abusu auzoari dagokionez, Bilboko Udalarekin dagoen hitzarmenak emaitza egokia eman du, eta ez dago hura berrikusteko edo aldatzeko inongo saioren berri. Dena dela, plangintzan Ollarganerako kirol‐eremu bat dago xedaturik, egungo futbol‐zelai eraberrituaren inguruan.


F‐01 Kirol‐ekipamenduak egun duen egiturari eustea.

HEZKUNTZA‐EKIPAMENDUA

IRADOKIZUNAK:

- Zuzena da lanbide‐heziketako ikastetxea sortzea.

- Lehen Hezkuntzako ikastetxea handiegia da, eta berriz banatu beharko litzateke, metaketa era logikoago batean arintzeko, ikasleen artean harreman arruntagoa ahalbidetuta.


Aurrerapenaren proposamena IKEIk idatziriko txostenaren ondorioetan oinarritzen da. Ondorio horiek diote gaur egungo instalazioak dagoen eskaria zein hurrengo urteetarako aurreikusitakoa bermez estaltzen duela.

Ikastetxeen diseinua, ezaugarriak eta kudeaketa Eusko Jaurlaritzako Hezkuntza Sailaren eskumenekoak dira.

28



F‐02 Hezkuntza‐erabilerarako lurzoruaren eskaintzari eustea Bigarren Hezkuntzako Institutuaren inguruan

OSASUN‐EKIPAMENDUA

IRADOKIZUNAK:

- RENFEren azpiestazio elektrikoa kentzea.

- Osasun‐zentroak erabateko berregituratzea behar du, herriko beharrizanei erantzuteko.

- Osasun‐zentroa, ezer erantsi beharrean, osorik berregin behar da, nire ustez. Are gehiago, nik uste dut hobe litzatekeela eraistea eta osorik berria egitea, bere funtziora moldatuta. Egungo egitura gorde nahi bada, udaletxe berriarekin egin dena egin daiteke.

- Ez da beharrezkoa historia‐ondarerik sakrifikatzea (hala nola, egungo eraikina eta udal‐pilotalekua) eta Arrigorriagako historia horrela alde batera uztea. Zentzuzkoa da oraingo erakina proiektu integral baten bidez hobetzea, egungo erakin horrek kanpo‐egiturari euts diezaion utzirik eta kontuan izanda Udalak lurzorua eman behar duela, eta gainerakoa Osakidetzari dagokiola.

- Anbulatorioa eraitsiz herriaren identitatea galtzen da. Hirigunean "espazioak" egon beharra dago. Osasun‐zentroa eraitsi gabe, atzerantz handitzea.

- Arrigorriagan den ondare urria osasun‐zentroa eraitsiz desegitea. Handitzeak ez dakar eraistea berarekin.

- OSASUN‐ZENTROAN BIZITEGITARAKO APROBETXAMENDURIK EZ. Osasun‐zentroa eraberritzearen alde gaude, baina egungo eraikina gordetzeko baldintzarekin. Ez gaude ados bizitegitarako aprobetxamenduarekin, haren beharra ikusten ez dugulako; aitzitik, uste dugu kokapen bikaina dela gizarte eta kulturako eta/edo kiroleko ekipamendu baterako.

- Osasun‐zentro berri baten beharra ezin da hura gauzatzeko behar diren gainbalioen mende jarri.


Nolabaiteko antzinatasuna duten eraikinak gordetzea eraikuntzaren kalitatean eta erabilera berriak hartzeko bateragarri eta eraginkor izatean oinarritu behar da.

Egungo eraikinak duen balio bakarra oroimen kolektiboak ematen diona da, eskolatzat erabili zen eta. Eraikuntza 1920koa da, eta haren ezaugarriek (sabai garaiak; moldatzen zaila den zurezko egitura; eraikinaren bolumenerako, azalera erabilgarriaren aprobetxamendu urria; eta abar) ez dute egiten aurreikusitako erabilerekin bateragarri, hezkuntza‐erabileratik osasun‐erabilerara aldatu zenetik frogatu denez; hain zuzen ere, erabilera berrietara moldatzeko dituen mugak erakutsi ditu.

Hori hala izanik, eta RENFEren oraingo azpiestazioa kentzeko aukera egotearekin eta hirigunearen barruan duen kokapen hobezinarekin batera, justifikaturik dago alde horretan esku hartzea.

Proposaturiko jarduerak eragin nahi du, osasun‐ekipamendua optimizatzeaz gain, trenbide‐azpiegiturak hartzen duen lurra berreskuratzea, azpiestazio elektrikoa kendurik, dagoen oinezkoentzako alderdi partekatuarekin lotzeko gune publiko bat berreskuratzea, eta inguruan auzokoentzako nahiz aldi baterako

29


(denbora‐mugaduna eta ez‐doakoa) aparkaleku batez zuzkitzea, hirigunean ekonomiazko, merkataritzazko eta zerbitzuzko jarduera sustatzeko.

Azkenik, bizitegitarako aprobetxamendua bi alderdi direla kausa xedatu da, zein baino zein erabakigarriagoak. Alde batetik, gainbalioak sortzeko aukera bat agertu da, eta horiek oso beharrezkoak dira edozein hirigintza‐jardueraren bideragarritasunerako, eta are gehiago hain asmo handiko jarduera batean. Beste alde batetik, Aurrerapenaren helburuetako bat, hain zuzen ere, birdentsifikazioa da, hau da, ahal diren aukera guztiez baliatzea hiri‐lurzoruan etxebizitza berriak sortzeko, horretarako lurzoru naturala artifizializatu beharrean.


D‐05 Osasun‐zentroaren, pilotalekuaren eta RENFEren azpiestazio elektrikoaren ingurunean gauzatze‐unitate bat ezartzea.

F‐03 Egungo osasun‐zentroaren, pilotalekuaren eta RENFEren azpiestazio elektrikoaren eremuan gauzatze‐unitate bat zehaztea.

KOMUNITATE‐EKIPAMENDUA

KOMUNITATE‐EKIPAMENDU SOZIAL ETA KULTURALA

IRADOKIZUNAK:

- Hiriguneko zahar‐etxea handitzea.

- Abusuko zahar‐etxean komun gehiago behar ditugu; gaur egun, 200 pertsona eta 2 komun daude; oso gutxi dira.

- Kultura‐zuzkiduraren beharra beteta dago, baina errolda handiagorako, zuzkidura handiagoa behar da. Gainera, Arrigorriagako gazteen errealitatea eskas gertatzen da Gaztegunean; izan ere, adinak mugatuta daude, bai eta euren desberdintasuna adierazteko erak ere; hortaz, adin bateko eta bestekoentzako toki bat behar da, autogestioarekin.


Hala administrazio‐zerbitzuetan nola zuzkidura sozial eta kultural eta gizarte‐zerbitzuetan, egungo ekipamenduak, azken urteetan garaturiko eta egungo arau subsidiarioetan xedaturiko ekipamendu batzuk, hain zuzen ere, egokiak eta neurrikoak dira udalerriaren tamainarako.

Dauden ekipamenduen kudeaketak edo eraberritzeek plangintzaren eskumenak gainditzen dituzte.


F‐04 Komunitate‐ekipamendu publikoak egun duen egiturari eustea.

30


KOMUNITATE‐EKIPAMENDU PRIBATUA

IRADOKIZUNAK:

- Pedro Muro kaleko 1B zenbakiko eraikina –zerbitzuetako komunitate‐ekipamenduko sistema orokor gisa (publikoa) kalifikatuta dagoen eraikina– pribatutzat kalifikatzea, telekomunikazio‐zerbitzuak ematen dituzten enpresen aldetik nahiz enpreson eta zerbitzuen pribatizazioaren aldetik izan diren legezko aldaketengatik.

- Era berean, erabilera nagusiaren sailkapena dagoen inguruneko ordenantzaren arabera ezartzea (bizitegia, hirugarren sektorea, industria), telefono‐instalazioaren erabileraren bateragarritasuna onarturik. Iradokizun honen justifikazioa da aurreko plangintza lehen zegoen egoera teknologikoan oinarritzen zela; hain zuzen ere, telefono‐zentralek eraikinak ia osorik hartzen zituzten, baina gaur egun hori ez da horrela. Horrenbestez, ziurrenik oraingo eraikina zaharkituta geratuko da halabeharrez, gutxiegizko erabileragatik. Halaber, denborarekin egoera okerragotu egingo da, eta horrek eragina izango du ingurunean nahiz hiri‐bilbearen kontserbazioan eta berroneratzean.


Jardueraren titularrak helaraziriko iradokizun hau aintzat hartuko da, lehenagoko beste etapa batzuetan bezala, baina beti interes publikoa interes pribatuaren aurretik kontuan izanik, eta telekomunikazio‐jarduerari buruzko legedi orokorraren nahiz tokiko ordenantzen arabera.

APARKALEKUAK

IRADOKIZUNAK:

- Hirigunerako sarreretan aparkalekuak sortzea: Aixarte, Jose Mª Makua eta Lonbo aldeetan.

- Hutsik dauden garajeak sustatzea, egun aparkatzeko dagoen arazoa minimizatze aldera.

- Hiriguneko eta Abusuko aparkalekuek lurpekoak izan behar dute, auzokoentzako aparkalekuan izango diren legez.

- Lurpeko aparkalekua Lonbon.

- Zazpiko futboleko zelaia bere horretan uztea Lonbon.

- Aparkalekuak Santa Isabel aldeko eremuan.

- Ollarganen, eraikiko ez diren etxebizitza babestuen aldea horretarako prestatzea. Aldirietan jartzekoak diren aparkalekuek ez dute zaintzarik, eta, horregatik, jendeak ez du han aparkatzen, autoak apurtuta agertzen direlako eta abar. Abusun, aparkalekuak hobeto kokatzea.

- Aparkaleku gehiago Santa Isabelen.

- Parke‐zatirik ez kentzea aparkalekuak egiteko, Abusun, oro har, eta Ollarganen, bereziki.

- Karabana‐aparkalekua.


Aurrerapenak hiru ildotako jarduerak proposatzen ditu.

31


Lehenik, hiriguneen sarbideetan aparkalekuak sortzea, gidariei hirigunean sartzeko asmoa kentzeko eta hirigune hori oinezkoentzat berreskuratzeko, horrela, bizitegi‐ eta merkataritza‐aldeko bizi‐kalitatea hobetze aldera.

Bigarrenik, auzokoentzako aparkalekuak sortzea defizit erreala aurkitu den aldeetan: Lanbarketan, Abusun, eta abar.

Hirugarrenik, aldi baterako aparkalekuak sortzea, hots, denbora jakin baterakoak, kontrolatuak eta ordaintzekoak, bizitegiko eta merkataritzako guneetan egonaldi laburrak egiteko sarbidea errazte aldera, hirigunea iragaitzazko zirkulaziotik eta aparkaleku bila dabilenetik libratuta.

Ildo horretako iradokizun guztiak positiboak dira, baina esan behar da lurpeko aparkalekuak auzokoentzat badira baino ez direla bideragarriak. Aurrerapenaren asmoa da aparkaleku libreez zuzkitzea.

Aparkalekuak optimizatu eta sustatzeko proposamen guztiak aztertuko dira Lonborako, udalerriko ibilgailu‐sarbide nagusia izanik. Futbol zelaia ukitzen duen proposamena zazpiko futboleko zelaiarekin bateragarri izateko moduan planteatu da beti (bi maila).

Abusuri dagokionez, Santa Isabelen eta Ollarganen atzealdeko kokalekuak aztertuko dira, han espazioa baitago inguruko aparkalekuak gehituko dituzten jarduera batzuk sustatzeko.


F‐06 Udalerriko sarbideen ondoan aparkaleku‐sistemak egitea, berriak sortuz zein daudenak handituz.

F‐07 Lehentasunez auzokoentzat izango diren aparkalekuak egiteko lurzoruz zuzkitzea.

F‐08 Hirigunean aldi baterako aparkalekuak egin daitezen proposatzea.

ESPAZIO LIBREAK

IRADOKIZUNAK:

- Olatxu aldeko zabuak eta abar hobetu eta zabaltzea. Haurrentzako aisia‐eremu gehiago. Auzo‐etxearen ondoko parkea zabu gehiagorekin zabaltzea.

- ELSOBZ SI‐2 espazio libreen sistema orokorreko babeseko zonaren kokapena aldatzea Bentako Errekako 9. xedapen‐aldaketan, dagoen landaretzara moldatze aldera.


Arrigorriagako udalerrian espazio libreek gaur egun duten egoera, “Indarrean den plangintzaren garapenaren azterketa” aurretiazko agiritik ondorioztatzen denez, Lurzoruari buruzko Legen ezarritakoa baino askoz gehiago da alderdi guztietan.

Instalazioen mantentze‐lanak eta hobekuntzak ekipamendu horien geroagoko kudeaketari dagokio.

32


ELSOBZ SI‐2 delakoa aldatzeko eskaerari dagokionez, iradokizuna baino gehiago, alegazioa da. Dagokion garapen‐fasean aztertuko da.


F‐09 Hirigintza‐tresnak mantendu eta garatu behar dira, garapen iraunkorra izan dezaten.

Arrigorriagan, 2011ko otsailean

33


ERANSKINA: IRADOKIZUNEN ZERRENDA

34


GAI OROKORRAK

- Garapen iraunkor eta orekatua:

o Egungo lurzoru kalifikatuaz baliatzea.

o Herriko errealitatea biztanleen beharrizanetara moldatzea, bestelako interesak saihestuta.

- Ekimen publikoa:

o Zuzena da administrazio publikoak esku hartzea jabeak epeak betetzen ez baditu, baina inoiz ez hirugarren batzuei lagatzeagatik.

- Kudeaketa:

o Arau subsidiarioek HAPOren mende egon behar dute, haren filosofiaren aurka dauden irizpide batzuetara aldatzea saiheste aldera.

BIZITEGIAK

GAI OROKORRAK:

- Larregi ez dentsifikatzea.

- Etxe familiabakarrik eta etxe atxikirik ez egitea.

- Etxebizitza berriak Ollarganen, ingurua berpizteko.

- Pilotalekuaren atzeko egoitza‐eremu bat (babespeko etxebizitzak?) etxeekin (etxebizitzak?) ez ordezkatzea.

- Eskaintzaren neurria beheratzea eta sektoreka eta laurtekoka programatzea, aurrekoen kudeaketaren arabera baldintzaturik.

- Etxebizitza‐motak babespeko etxebizitza itundua, BOE eta gizarte‐alokairuko etxebizitza izan beharko luke, horiek biztanleen beharrizanei erantzuten dietenak dira eta.

- Etxebizitza hutsetan zuzenean esku hartzea, sustapeneko eta zerga‐zigorreko politika aktibo batzuekin.

- Txandakako gizarte‐alokairurako etxebizitza publikoko plan bat, lurzorua administrazioari lagatzeko betebeharrarekin.

- Birdentsifikatzeko eta hiri‐lurzoruaren aprobetxamendua optimizatzeko, planaren aurrerapenean adieraziriko irizpideei eustea, baina etxebizitza berrien eskaintzak Lurraldearen Zatiko Planeko balioekin lortutako gehienezkoa (551 etxebizitza) nabarmen gainditu gabe.

HIRI‐LURZORUA

JARDUERA BEREZIAK ETA IRISGARRITASUNA

- Urbanizazioa eta irisgarritasuna hobetzeko jarduerak honako hauetan:

o Lepanto kalea.

o Joseba Andoni Uriarte kalea.

o Ollarganeko pilotaleku publikoaren estalkia.

ERANSKINA: IRADOKIZUNEN ZERRENDA ‐ 1


o Santa Isabeleko aparkaleku berriaren gaineko plaza.

o Osasuna eta Higienea auzoa (eskailera mekanikoak, igogailua, eta abar).

o Larrasko auzoa (eskailera mekanikoak, igogailua, eta abar).

o Abusuko auzoak (Santa Isabel, Olatxu eta Ollargan), eskailera mekanikoekin, igogailu publikoekin (zentro soziokulturaleko igogailuaren ordutegia zabaltzea).

o RENFEren geltokia.

- Eraikinen barruko igogailuak sustatzea; izan ere, Udalak igogailua egiteko laguntza/bidea ematea behar dugu, kaleetako espaloietan eragina duelako.

BIZITEGI‐LURZORUA

AR‐R1 (2. GAUZATZE‐UNITATEA) TORRONTEGI:

- Eremurako proposatzen den etxebizitza‐kopurua loteslea ez izatea eta gehienezkoak adieraztea.

- Zerrenda horretarako malgutasuna iradokitzen da eraikin‐motaren aldetik, eta, beraz, han sortuko den lurzoruaren zatikatzearen aldetik, bai eta lurzatiak antolatzeko baldintzak ezartzerakoan ere, gehienezko lerrokaduretarako eta okupaziorako oinarrizko arau batzuk ezarririk, edo, bestela, halakoak xehetasun‐azterketa baterako uztea.

- Etxebizitzak gehituz gero, babes publikoko etxebizitzen erreserbarako estandarrak aplikatzea.

- Jarduera honi Torrontegiren eta Lanbarketaren arteko espazio libreen sistema orokorra atxikitzea.

BIZITEGI‐LURZORUA

AR‐R2 LANBARKETA:

- Lanbarketa birdentsifikatzeko proposamenean, etxebizitza‐kopurua, lurrak eta etxebizitza libreen kalifikazioa emendatzea. 174. lurzatia plan horretan sartzea.

- AR‐R2 Lanbarketa sektorean 1. hautabidea hartzeko proposatzen da, lurzati hori lurzoru URBANIZAEZINera itzulita.

- Egungo egoerari eustea (2. hautabidea), babesgabetasun larriko egoerarik ez sortzearren, kontuan izanik AR‐R2 Lanbarketa deritzon sektoreko jabeek gauzatu duten hirigintza‐garapena nahiz egin duten gastua.

- Gure aburuz, aurkeztu den 3. hautabidea onuragarria izan daiteke eragindakoen interes orokor zein partikularretarako, baina planteamendu hori ekonomikoki bideraezina izan daitekeelako ardura objektiboa dago, eta, era berean, beste bizitegi‐sektorearekin erkatuta, desoreka handiak eragiten ari dira, etxebizitza‐kopuruari eta ordaindu beharreko kargei dagokienez. Kasu horretan, uste dugu ez dela hain kaltegarria 2. hautabidea, hots, ezarrita dagoen antolamenduari eusten diona.

- Plangintza taxutzeko ardura dutenei arren eskatzen diegu gu gehiegi ez zigortzeko “Lanbarketa Hitzarmen Batzarreko” presidentearen eta Birzatikatze Planaren idazleen kudeaketa okerragatik; hain zuzen ere, kudeaketa horrek administrazio‐bidean irtenbiderik ez dauen egoera batera ekarri gaitu, gure nahiaren aurka, hartutako erabakietan jasorik dagoenez. Udalerriaren interes komuna zaindu beharko litzateke, beste bide batzuk egonda batzordekideak iruzurrez euren onurarako erabiltzen dituztenentzat.



- Espazio libreen sistema orokor garrantzitsu hau sartzean –hori beharrezkoa delarik udalerriaren bilakaeraren estrategiarako–, bi sektoreen artean banatzea (AR‐R1 eta AR‐R2); horrela, denboraren aldetik, naturgune hori udal‐ondarean integratzea arinduko litzateke.

- Sustapen publikoko etxebizitzak sortzea azkartze aldera, etxebizitzak bi sektoreen artean banatzea (AR‐R1 eta AR‐R2), eta, edozelan ere, Lanbarketako eremua hiritartzat sailkatzea, babespeko etxebizitza publikoen erregimenen bateko etxebizitzei dagozkien gutxieneko kopuruak aplikatuta.

- Arrigorriagako Udalak, plangintzaren berrikuspenarekin batera, Lanbarketako bizitegitarako eremuaren gaineko xedapen‐aldaketa izapidetzea, horrela, bide emateko administrazioari nahiz haren jabeei aurreko plangintzaren garapenean egindako errakuntzak zuzentzeko eta lurzoru berria hiri‐bilbean sartzea ahalbidetzeko, sorturiko egiturazko antolamendu berrian ezarritako parametroekin bateragarria baldin bada, betiere.

- AR‐R2 bizitegi‐sektorerako hirugarren hautabidearen komenigarritasuna, eta berrikuspenaren espedientetik ateratzea, aldaketa bidez izapidetzeko, 2/2006 Legeko 103.4 artikuluan ezarri bezala.

- AR‐R2 Lanbarketa bizitegi‐sektorea aurrerapenetik kentzea, Arrigorriagako AR‐R2 Lanbarketa Bizitegi Sektorerako Konpentsazio Proiektua (Birzatikatzea) behin betiko onartzeko gaur egun egiten ari den prozedura judiziala behin betiko ebatzi arte.

UDALEZ GAINDIKO AZPIEGITURAK

TRENBIDE‐AZPIEGITURAK

BILBAO‐ URDUÑA LINEA:

- Trenbidearen trazatua lurperatzea hirigunetik igarotzen den zatian, hura den hesia eta banaketa kentzeko eta orain, azalean, hartzen duen espazio librea berreskuratzeko.

- Egungo zein etorkizuneko (tranbia?) trenbide‐trazatua hesi akustikoz babestea.

- Basaurirako anezka‐autobusa, metrora eraman gaitzan.

- Boluetako metrorako anezka‐autobus bat jartzea Abusutik; horrela, Santutxu auzoarekin eta metroarekin komunikatuta egongo gara.

- Geralekua Txako inguruan (Bentako Erreka), egun han dagoen industrialderako irisgarritasuna hobetzeko.


TRENBIDE‐AZPIEGITURAK

HEGOALDEKO TREN SAIHESBIDEA

- Hegoaldeko Tren Saihesbideak, aurrekoek bezala haien eskumenaren aldetik, bere alderdi positiboak izan litzake. HAPOn ageri diren aukerak (lotura Agirre edo Txako aldetik egitea edo, areago, Bakiolatik) egokiak izatea litekeena da; ahalik eta erakunde gehienetan landu behar dira, jatorrizko trazatua egin daitekeelako uste osoan, Arrigorriagari ekarriko lizkiokeen ondorio txar ugariengatik.

- Hautabidezko trazatuen inguruko ardura, honakoetan izango duten eraginagatik:

o Dimutioko bizilagunak.

o REZOLAren harrobien aldea.



o Hegoaldeko merkantzia‐saihesbideak beharrezkotzat hartzen du "D4" bidea.

- Hautabide berria: RENFEren trenbide berrien zabaldegitik ateratzea, San Migeletik, Zaratamotik igarotzea, eta autobidearekiko paraleloan, Bakiolara iristea, edo Urduñaraino, insolidarioa ez izatearren. Gainera, D1 babes bereziko eremu batetik igarotzen da.

- Ez dute zentzurik proposatu diren hautabideek, ez baita beharrezkoa industria‐lurzorua handitzea sektore horietan (Agirre, Txako edo Bakiola).

-


BI‐625

- N‐625 errepidea ez bikoiztea autobide arteko lotura gisa eta Malmasingo tunelen irteerako lotura‐proposamen gisa (Abusu‐Bilbao‐Basauri aldea). Horrekin, Arrigorriagako hiriguneari zuzenean erasango dion hots‐kutsadurako eta ingurumen‐kutsadurako iturri bat ezabatuko dugu.

- BI‐625 errepidearen hots‐emisioa kontrolatzea.

- Biribilgune bat beharrezkoa da Arrigorriagarako, Martiarturako eta Rezolarako (FYM) sarbidea errazteko.

- Lurzoru‐erreserba bat gehitzea Sociedad Financiera y Minera, S.A. (Cementos REZOLA) fabrikara sartzeko biribilgune baterako, hark egoki konpon dezan fabrikarako bertarako zein herrirako sarbidea.

- Arrigorriagaren eta Bilboren arteko A‐68 autobidearen bidesaria kentzea, BI‐625 errepideko zirkulazioa neurri batean murrizteko A‐8 eta A‐68 autobideen arteko zatian.

- Beretza azpiko tunela ez egitea; izan ere, zirkulazio handiko bide‐zatia ez baldin bada, zentzugabea dirudi Txako hiri‐bide bihurtzeak. Ez da beharrezkoa, bizilagunen gaineko eraginagatik eta diru‐kostuagatik.

- Zubi zaharra gaitzea, ibilgailuak Arrigorriagarantz sartzeko eta Urduñarantz irteteko.


BESTE BATZUK:

- Zarataren eta aire‐kutsaduraren aurkako neurriak tinko eskatzea San Migel‐Zaratamo zatietan, honako hauetan:

o Bilboaldeko Metropoliaren Hegoaldeko Saihesbidean (Supersur).

o Abiadura handiko trenean.

TOKIKO AZPIEGITURAK

TOKIKO BIDE‐SAREA

- Urgoiti pasealekua oinezkoentzat egitea mediku‐kontsultategiaren aldetik.

- Severo Ochoa kalean zirkulazio bikoitza kentzea.

- Atxukarrotik Arrigorriaga alderantz (azpiestazio elektrikoaren zatia): bide zuzena egin daiteke zubiaren mailan, eta metro gutxitxo dira, oinezkoen segurtasunerako.



- Harrobi‐pistak erabili beharrean, beste bide bat egiteko proposamena, Abrisketako auzora eta San Pedro baselizara joateko.

APARKALEKUAK

- Hirigunerako sarreretan aparkalekuak sortzea: Aixarte, Jose Mª Makua eta Lonbo aldeetan.

- Hiriguneko eta Abusuko aparkalekuek lurpekoak izan behar dute, auzokoentzako aparkalekuan izango diren legez.

- Lurpeko aparkalekua Lonbon.

- Zazpiko futboleko zelaia bere horretan uztea Lonbon.

- Aparkalekuak Santa Isabel aldeko eremuan.

- Ollarganen, eraikiko ez diren etxebizitza babestuen aldea horretarako prestatzea. Aldirietan jartzekoak diren aparkalekuek ez dute zaintzarik, eta, horregatik, jendeak ez du han aparkatzen, autoak apurtuta agertzen direlako eta abar. Abusun, aparkalekuak hobeto kokatzea.

- Aparkaleku gehiago Santa Isabelen.

- Hutsik dauden garajeak sustatzea, egun aparkatzeko dagoen arazoa minimizatze aldera.

- Parke‐zatirik ez kentzea aparkalekuak egiteko, Abusun, oro har, eta Ollarganen, bereziki.

- Karabana‐aparkalekua.

BIZIKLETA‐PLANA

BIDEGORRI‐SAREA

- Bizikletentzako bidearen lotura Basauri aldera.

- Bizikleta‐bide baterako proposamena ertzetatik. Herria Bilboraino lotuko duen ardatz egituratzaile bat sortzea.

- Ezkerreko ertzerako hautabide bat Txakon, Bentako Errekan lotura eginik.

- Beteluriko zubitik igaro gabeko hautabide baten proposamena: autobidearen ondotik Buiaraino, eta, handik, errepidearen trazatutik. Hautabide honek ez du inola egon behar Bilboaldeko Metropoliaren Hegoaldeko Saihesbidearen (Supersur) mende, Larraskitu‐Buia zatian, saihesbide horren eta A‐68 autobidearen arteko loturari konponbidea emanda.

EKONOMIA‐JARDUERAK

INDUSTRIA‐LURZORU BERRIAK (BENTAKO ERREKA)

- Ez da beharrezkoa lurzoru berririk garatzea ekonomia‐jardueretarako. Lurra jarduera horretarako xedatzeak naturaren aldetik duen kostua handiagoa da Arrigorriagako komunitateari lekarkiokeen onura baino. Eskualdeko beste udalerri batzuek bere gain har dezakete garapen hori, era orekatu eta iraunkorrean parekatu arte.



- Dagoen industria‐zorua bere horretan uztea, eta erabilera horretarako azalera urbanizagarria EZ ZABALTZEA, Rezolaren eta Bentako Errekaren artean dauden lurretarako proposaturiko 3 hautabideak baztertuta.

- Erabili gabeko hiri‐lurzoruaren inbentarioa egitea, haren aprobetxamendua bultzatzeko eta industria‐erabilerarako lurzoru gehiago artifizialtzea saihesteko.


HIRI‐LURZORUA (MERKATARITZA)

- Merkataritza bultzatzea.

- Abusuko merkataritza bultzatzea, laguntzak ematea, eta abar.

- Abusuko etxabeak sustatzea, saltokitarako edota etxebizitzatarako.

- Merkataritza‐eremuak babesteak herriko bizitza zentralizatzen du, eta lo‐eremuak sortzen ditu. Alderantzizkoa egin beharko litzateke.

- Udalerrian lonja itxiak erabiltzea, erabilera aldaturik, horrela, etxebizitzak egin ahal izateko. Bizi‐itxura emango lukete, hainbeste obra‐adreilu edo aspalditik itxitako denda ez ikustean.

- Arrigorriagak ez du lonjak etxebizitza bihurtzeko bezainbesteko etxebizitza‐defizitik. Horrek espekulazioa baino ez luke bultzatuko.

- Etxabeko lokalak erregularizatzeari dagokionez –haren erabilera bizitegi‐erabilera bihurtzeko, “beheko solairuko etxebizitza” gisa–, proposatzen da erregularizazio horrek babes ofizialeko etxetzat kalifikatzea bakarrik onartzea, modalitate batean edo bestean, eta urpean geratzeko arriskua duten eremuetatik urrun, betiere.


ERAUZTE‐JARDUERA

- Harrobi‐eremua zedarritzeaz gain, beharrezko neurriak hartzea ustiatzaileak, berehala, harrobi‐eremu hori gainditu den lurrak leheneratu eta birnaturaldu ditzan.

- FYMek (REZOLA) aditzera ematen du “LARRASKO” 12.675 eta “GORIKO” 12.676 deritzen ustiaketa‐emakida zuzenen titularra dela; Bilboko eta Arrigorriagako udal‐barrutietan daude, eta dagozkion jarduera baimenak dauzka, bai eta Ingurumenaren gaineko Eraginaren Adierazpena ere, aldeko irizpenarekin bi emakidetarako. Hortaz, sozietateak gauzatzen eta garatzen duen jarduerak behar bezalako babesa du meatzaritzako ustiaketa horiek aurrera eramateko.

- Eskatzen da harrobi‐mugak “GORIKO” ustiategiaren 2M aurpegia har dezala (planoa erantsita dator); hura Ingurumenaren gaineko Eraginaren Adierazpenean jasorik dago (2005eko azaroaren 3ko Energia eta Meatzaritza Zuzendariaren Ebazpena).

- Kubo errekaren babes‐eremua kentzeko eskatzen da, “GORIKO” ustiategiaren aldean, haren babesa dagoeneko erregulatuta baitago harrobiko Ingurumena Zaintzeko Programan.

- San Pedro inguruaren babesa ez da nahikoa. Egun, harrobia oso presente dago baselizaren eta hara doan bidearen aldean.




BESTE BATZUK

- Industria‐bilbea finkatu eta optimizatzea, errolda egitea eta egon daitekeen eskarira moldatzeko azterlana egitea.

- Industria auzoak antolatu eta urbanizatzea, Atxukarro eta Txako, kasu.

- Industria‐auzoetarako garraio publikoa.

- Erabilerak zabaltzea industria‐eremuetako zerbitzu‐eremuetan (hirugarren sektorea), Martiartun adibidez.

- SI‐2 Orue Bentako Errekako sektoreko jarduera mugatzea, etorkizunean han erraustegia jartzea saihesteko.

LURZORU URBANIZAEZINA

LANDAGUNEAK

- Proposamenaren inkoherentziak: landagune sailkatzea: Larrasko eta Beretza. Larrasko dentsifikatzeko eta Bentako Errekako industrialdea, Beretzaren ondoan, zabaltzeko proposamena.

- Dimutio auzoan landagune bat sor dadila proposatzea.

-

LURZORU URBANIZAEZINA

INGURUMENA

- Nerbioi ibaiaren ertzak babestea. Azpiegitura berriak sartzea urertzetan, haien zerbitzurako.

- BIODIBERTSITATEAREN GAINEKO ERAGINA. PREBENITZEKO PRINTZIPIOA ERRESPETATZEA, KONPENTSATZEKOAREN AURRETIK. Eusko Jaurlaritzako Ingurumen Sailak etengabe esaten duenez, plan ororen printzipio gidariak biodibertsitatearen globaltasuna eta hark ingurumen‐zerbitzuak emateko duen gaitasuna gorde edo hobetzea izan behar dira, bai eta ingurumenaren gaineko kalteak prebenitzeari lehentasuna ematea ere, kalteok konpentsatzearen aurretik. Halaber, dagoeneko sailkaturik dauden lurzoruen okupazioa azkentzea, lurzoru berria sailkatu baino lehen. Azkenik, hautaturiko kokalekuak ingurumenaren aldetik justifika daitezela eskatzen du, gainerako hautabideen aldean, 0 hautabidea barne. Gure aburuz, printzipio horiek ez dira aintzat hartu Aurrerapen hau prestatzerakoan.

- BIODIBERTSITATEAREN GAINEKO ERAGINA. INGURUNEA BEHARRIK GABE ARTIFIZIALTZEN DA. Badira kointzidentziak Garrantzizko Nagurguneen Katalogo Irekiarekin, EAEko Itsasertza Babestu eta Antolatzeko Lurraldearen Arloko Planean antolatutako eremuekin, eta EAEko Hezeguneen Lurraldearen Arloko Planeko III. taldean sarturiko hezeguneekin. Hegoaldeko tren‐saihesbiderako proposatu diren trazatu‐hautabideetako bik Ganekogortako gunea zeharkatzen dute, eta hura “Paisaia‐intereseko landa‐eremuetan” sarturik dago. Hegoaldeko tren‐saihesbiderako proposatu diren hautabideetako biren trazatuek zerrenda gorrian sarturiko zenbait landare‐espezieren enklabe garrantzitsu batzuekin bat egiten dute. HAPOren proposamen berriak bat datoz intereseko landare‐formazio batzuekin: Industria‐lurzoru urbanizagarri (ILU) (A, B eta C) gisa birsailkatzeko hautabideek bat egiten dute 8 6510 komunitate‐intereseko habitatarekin, baso azidofilo batekin, baso hostozabal gazte batzuekin eta espezie autoktonoz osaturiko hainbat heskairekin. Landagunetzat proposaturiko eremuak bat datoz (Goriko, Altamira eta Beretxa) 6510 komunitate‐intereseko habitatarekin, bai eta



Ugaoko saihesbidea eta bizikletentzako sarea ere. Hori guztia, animalia‐espezieen gaineko eragina kontuan izan gabe. Ur‐ipurtatsa, Schreiber muskerra eta baso‐igel iberiarra aipa ditzakegu horren inguruan, guztiak babes berezikoak. Baldintzatzaile horiek aintzat hartzeko eskatzen dugu, eta aipatutako eremuetan jarduerarik ez gauzatzeko.

EKIPAMENDUAK

OSASUN‐ZENTROA

- RENFEren azpiestazio elektrikoa kentzea.

- Osasun‐zentroak erabateko berregituratzea behar du, herriko beharrizanei erantzuteko.

- Osasun‐zentroa, ezer erantsi beharrean, osorik berregin behar da, nire ustez. Are gehiago, nik uste dut hobe litzatekeela eraistea eta osorik berria egitea, bere funtziora moldatuta. Egungo egitura gorde nahi bada, udaletxe berriarekin egin dena egin daiteke.

- Ez da beharrezkoa historia‐ondarerik sakrifikatzea (hala nola, egungo eraikina eta udal‐pilotalekua) eta Arrigorriagako historia horrela alde batera uztea. Zentzuzkoa da oraingo erakina proiektu integral baten bidez hobetzea, egungo erakin horrek kanpo‐egiturari euts diezaion utzirik eta kontuan izanda Udalak lurzorua eman behar duela, eta gainerakoa Osakidetzari dagokiola.

- Anbulatorioa eraitsiz herriaren identitatea galtzen da. Hirigunean "espazioak" egon beharra dago. Osasun‐zentroa eraitsi gabe, atzerantz handitzea.

- Arrigorriagan den ondare urria osasun‐zentroa eraitsiz desegitea. Handitzeak ez dakar eraistea berarekin.

- OSASUN‐ZENTROAN BIZITEGITARAKO APROBETXAMENDURIK EZ. Osasun‐zentroa eraberritzearen alde gaude, baina egungo eraikina gordetzeko baldintzarekin. Ez gaude ados bizitegitarako aprobetxamenduarekin, haren beharra ikusten ez dugulako; aitzitik, uste dugu kokapen bikaina dela gizarte eta kulturako eta/edo kiroleko ekipamendu baterako.

- Osasun‐zentro berri baten beharra ezin da hura gauzatzeko behar diren gainbalioen mende jarri.

EKIPAMENDUAK

BESTE BATZUK

- Komunitate ekipamendua: espazio libreak, jolaslekuak eta lorategiak:

o Olatxu aldeko zabuak eta abar hobetu eta zabaltzea. Haurrentzako aisia‐eremu gehiago. Auzo‐etxearen ondoko parkea zabu gehiagorekin zabaltzea.

o ELSOBZ SI‐2 espazio libreen sistema orokorreko babeseko zonaren kokapena aldatzea Bentako Errekako 9. xedapen‐aldaketan, dagoen landaretzara moldatze aldera.

- Komunitate ekipamendua: hezkuntza‐ekipamendua:

o Zuzena da lanbide‐heziketako ikastetxea sortzea.

o Lehen Hezkuntzako ikastetxea handiegia da, eta berriz banatu beharko litzateke, metaketa era logikoago batean arintzeko, ikasleen artean harreman arruntagoa ahalbidetuta.

- Komunitate ekipamendua: ekipamendu sozial eta kulturala:

o Hiriguneko zahar‐etxea handitzea.



o Abusuko zahar‐etxean komun gehiago behar ditugu; gaur egun, 200 pertsona eta 2 komun daude; oso gutxi dira.

o Kultura‐zuzkiduraren beharra beteta dago, baina errolda handiagorako, zuzkidura handiagoa behar da. Gainera, Arrigorriagako gazteen errealitatea eskas gertatzen da Gaztegunean; izan ere, adinak mugatuta daude, bai eta euren desberdintasuna adierazteko erak ere; hortaz, adin bateko eta bestekoentzako toki bat behar da, autogestioarekin.

- Komunitate ekipamendua: kirol‐ekipamendua:

o Kiroldegiaren zuzkidura eskasa da eta saturatuta dago; hortaz, zabaldu egin behar da.

o Abusuko auzokoek Bilboko Udalarekin izenpeturiko hitzarmen baten arabera dute zerbitzu hori, baina aurrea hartu behar dugu, eta neurriak hartu, hitzarmen hori egunen batean eteten bada ere.

o Ollargan auzoa eremu estali batez zuzkitu behar da, kirolaren edo kulturaren arloko helburuetarako.

- Komunitate ekipamendua: ekipamendu pribatua:

o Pedro Muro kaleko 1B zenbakiko eraikina –zerbitzuetako komunitate‐ekipamenduko sistema orokor gisa (publikoa) kalifikatuta dagoen eraikina– pribatutzat kalifikatzea, telekomunikazio‐zerbitzuak ematen dituzten enpresen aldetik nahiz enpreson eta zerbitzuen pribatizazioaren aldetik izan diren legezko aldaketengatik.

o Era berean, erabilera nagusiaren sailkapena dagoen inguruneko ordenantzaren arabera ezartzea (bizitegia, hirugarren sektorea, industria), telefono‐instalazioaren erabileraren bateragarritasuna onarturik. Iradokizun honen justifikazioa da aurreko plangintza lehen zegoen egoera teknologikoan oinarritzen zela; hain zuzen ere, telefono‐zentralek eraikinak ia osorik hartzen zituzten, baina gaur egun hori ez da horrela. Horrenbestez, ziurrenik oraingo eraikina zaharkituta geratuko da halabeharrez, gutxiegizko erabileragatik. Halaber, denborarekin egoera okerragotu egingo da, eta horrek eragina izango du ingurunean nahiz hiri‐bilbearen kontserbazioan eta berroneratzean.

HISTORIA‐ONDAREA

- Ez dugu ulertzen historia‐ondarea bertan behera utzi behar izatea, ezin dugu utzi baserriak urteen urtez eror daitezen, nahiz eta jabeak nekazaritzan ez aritu. Beste gauza bat da nekazaritza‐jarduera berri baten itxurapeko baserri berri aizunei atea ixtea.

- Historia‐, arte‐ eta kultura‐ondarearen inbentarioa egitea. Egoki mantentzeko neurri zuzentzaileak sortzea, ekimen pribatua gastuak estaltzeko gain ez denean laguntzak sustatuta. Gure historia gure identitatea da, eta, beraz, ahalik eta osoena gorde behar dugu.


Documents

HIRIA ANTOLATZEKO PLAN OROKORRA PLAN GENERAL DE … de exposicin...hiria antolatzeko plan orokorra plan general de ordenaciÓn urbana aurrerapenaren inguruan egindako iradokizunen