Fellowship uban sa Dios, Unang Basahon - … 2 - Fellowship uban sa Dios, Unang Basahon kalambigitan ngadto sa kalag, ug dili sa lawas o sa iyang mga emosyon. Busa, ang fellowship

1 Juan 1:9 Pagbalik sa fellowship uban sa Dios

pinaagi sa paghingalan sa sala

Ang pagpabilin diha sa fellowship maoy pinaka importante diha sa Kristohanong pamaagi sa kinabuhi. Busa, kinahanglan nga kita makakat-on unsaon sa pagbalik sa fellowship human nakahimo sa sala. Para sa pagpabalik diha sa fellowship, ang Dios nagdisenyo og simpleng pamaagi. Bisan pa kini sayon, gikinahanglan kini nga pagasundon sa ensakto. Ang pagsugid sa atong mga kasal-anan ngadto sa Dios nga Amahan maoy usa ka kondisyonal nga pamaagi ug dili usa ka saad nga maaplay pinaagi sa pagtoo. Ang saad usa kini ka balaanong deklarasyon o kasigurohan sa usa ka butang nga gihinganlan nga pwede o dili pwedeng mahitabo, samtang ang pamaagi maoy usa ka pagbuhat (pagsugid sa atong mga sala) nga ang resulta makab-ot gayud (kapasayloan sa atong mga sala). Ang usa ka saad nagkinahanglan sa pagtoo; usa ka pamaagi nga nagkinahanglan sa pagbuhat. Kini nga bersikulo wala nagsulti nga, “Kon kita nagtoo ug naghingalan sa atong mga kasal-anan.” Ang magtotoo dili gayud makagawi pinaagi sa pagtoo kon siya gawas sa fellowship. Mao, ang Dios gihatagan ang magtotoo sa usa ka simpleng pamaagi aron sa paghibalik ngadto sa fellowship. Ang simpleng pagsugid sa imong mga sala ngadto Kaniya, ug Siya magpabalik kanimo ngadto sa fellowship. Ang pagtoo-pahulay nga pagbansaybansay (faith-rest drill), sa ato pa ang paglakaw pinaagi sa pagtoo dili gayud matuman kon kita gawas sa fellowship uban sa Balaang Espiritu. Ang pagtoo-pahulay nga pagbansaybansay mao ang pag-aplay sa doktrina sa Bibliya1 sa atong kasinatian ug nanginahanglan sa balaanong gahum para sa paggamit. Kini nga balaanong gahum mao ang gihatag sa ministeryo sa pagpuno sa Dios nga Balaang Espiritu* kon kita anaa lamang sa fellowship. Ang paglakaw pinaagi sa pagtoo maoy usa ka parte sa espirituhanong kinabuhi. Kon ang usa ka magtotoo gawas sa fellowship, ang iyang espirituhanong kinabuhi mapakgang hangtod nga siya makabalik diha sa fellowship. Diha sa paglihok sa pagtoo-pahulay nga pagbansaybansay, ang kalag gikinahanglan nga kontrolado sa Dios nga Balaang Espiritu. Kon ang magtotoo gawas sa fellowship, ang iyang kalag kontrolado sa iyang kinaiyang makasasala (sin nature). Kon ang magtotoo kontrolado sa iyang kinaiyang makasasala, anaa siya nahimutang sa usa ka walay-mahimo ug walay-paglaum nga sitwasyon. Tungud niini ang Dios gikinahanglan nga mohatag sa usa ka grasyahanong solusyon sa atong dilemma. Kini nga grasyahanong solusyon usa ka simpleng pamaagi, dili usa ka paggamit-sa-pagtoo. Ang Kristohanon kinahanglan nga makaamgo kon anaa ba siya sa gawas o sulud sa fellowship. Siya dili pwede nga ang katunga nga bahin sulud sa fellowship unya ang katunga anaa sa gawas sa fellowship. Kon ang magtotoo matinumanon sa doktrina sa Bibliya diha sa iyang kalag ubus sa pagpuno sa Balaang Espiritu, siya anaa sa fellowship ug naglakaw diha sa kahayag. Busa, ang pagka anaa sa fellowship may

1. Ang pagpasabut niini nga termino makita sa glosarya nga naa sa likod sa libro, uban nga mga termino ang makita

sa ubang mga pahina nga gimarkahan og asterisk.

- 2 - Fellowship uban sa Dios, Unang Basahon

kalambigitan ngadto sa kalag, ug dili sa lawas o sa iyang mga emosyon. Busa, ang fellowship dili maoy usa ka butang nga atong ‘mabati.’ Walay magtotoo nga makaingon, ‘Pamati nako nga ako duul sa Dios’ o, ‘Pamati nako nga ako gawas sa fellowship sa Dios’. Hinoon, ang magtotoo kinahanglan nga makasabut nga siya mawad-an sa fellowship uban sa Balaang Espiritu ug musulud diha sa kangitngit sa panahon nga siya makasala. Kon anaa sa kangitngit, siya kinahanglan nga musulud pagbalik ngadto sa kahayag pinaagi sa pagsugid sa mga sala. Sa higayon nga ang usa ka tawo unang modawat ni Jesu-Kristo nga iyang Manluluwas, ang iyang sa wala-pa-maluwas nga mga sala mapasaylo, ug diha dayon ipahimutang siya sa fellowship uban sa Dios nga Balaang Espiritu. Human sa kaluwasan, kon siya makasala, ang fellowship uban sa Balaang Espiritu mabugto ug ang magtotoo mosulud ngadto sa kangitngit. Dinhi nga punto ang magtotoo nanginahanglan sa usa ka solusyon para sa iyang human-sa-kaluwasan nga mga sala aron siya makalakaw pag-usab diha sa kahayag. Kon ang Kristohanon gawas sa fellowship ug naglakaw diha sa kangitngit, siya nahimutang sa usa ka hingpit nga walay-paglaum nga sitwasyon. Kini walay-paglaum tungud kay ang magtotoo nga gawas sa fellowship maoy ubus sa pagkontrolar sa iyang kinaiyang makasasala* ug busa wala gayuy mahimo sa pagpahimuut sa Dios. Busa, ang solusyon niini nga problema kinahanglan magagikan sa balaanong grasya i.e., ang Dios kinahanglang mohatag sa solusyon. Ang Diosnong kasulbaran makita diha sa 1 Juan 1:9. Kini nga bersikulo nagsugud diha sa mosunud nga kabihayag, “Kon kita mohingalan sa atong mga sala [nahibaloan nga mga sala].” Ang Griyego nga partikulo εαν (ean - kon) ug ang Griyego nga punglihok όμολογέω (homologeo - pag-ila, paghingalan, o pagsugid) anaa sa subjunctive mood form usa ka 3rd nga klase sa kondisyonal nga kapahayag sa Griyego. Ang 3rd nga klase sa kondisyonal nga kapahayag ang naghulagway sa gawasnong kabubut-on sa matag-usa ug may konotasyon nga ‘pwede.’ Ang magtotoo pwedeng maghingalan sa iyang mga sala sa ensakto ngadto sa Dios nga Amahan o siya pwedeng dili pud. Sa dihang gisulat ni Juan kini nga bersikulo ubus sa ministeryo sa Balaang Espiritu, siya nahibalo nga daghang mga Kristohanon ang mapakyas sa ensaktong pagsugid sa ilang mga sala ngadto sa Dios nga Amahan. Dili lamang ang subjunctive mood nagaila sa gawasnong kabubut-on, kini usab usa ka sugo. Ang amahan moingon sa iyang anak nga babaye, “Kon ikaw magminyo (subjunctive mood: potensiyal, posibilidad, kalagmitan), mohatag ko nimo og mahalon nga regalo sa kasal.” Tungud kay anaa siyay gawasnong kabubut-on, pwede siya nga dili modawat nianang regalo. Ang mayor sa usa ka siyudad pwede momando sa mga drayber sa pagmaneho sulud sa tinugutang gikusgon sulud sa siyudad. Pero, wala kini magpasabut nga ang tanang mga drayber mosunud. Ang Kasulatan nagaila sa gawasnong kabubut-on pinaagi sa paggamit sa subjunctive ug imperative mood. Ang Dios mihatag sa 1 Juan 1:9 nga mao lamang bugtong pamaagi aron kita makabalik sa fellowship diha Kaniya. Tungud kay ang Dios mihatag kanato niini, atoa kining responsibilidad sa paggamit niini. Busa, sa higayon nga ang magtotoo mogawas sa fellowship, kinahanglan nga isugid dayon niya ang iyang mga sala ngadto sa langitnong Amahan. Kini iyang responsibilidad. Ang magtotoo dili lamang ang responsabli sa pag-ila sa iyang mga sala, apan responsabli usab sa iyang pagbuhat sa iyang mga sala. Busa, kon ikaw makasala,


ayaw pagabasula ang uban. Ayaw gayud og sulti, “Siya ang nakapasuko nako.” Kini usa ka kapakyasan sa pag-angkon sa responsibilidad sa imong kaugalingong mga sala. Walay tawo nga makapasuko kanimo. Ikaw mihimo sa desisyon para masuko, o mabalaka, para maselos, sa paglibak, sa pakighilawas. Kana imong desisyon, dili desisyon gikan sa uban. Homologeo usa kini ka klasikal nga Griyegong pulong og orihinal nga gigamit sa korte sa Athens niadtong ikalimang siglo B.C., ug nagpabiling gigamit sa husgado sa panahon sa Bag-ong Kasulatan. Kini nga punglihok gigamit sa usa ka kriminal sa pagsugid sa iyang mga krimen didto sa korte. Human mamatud-an nga sad-an ang kriminal, ang huwes modeklara nga ang kriminal moangkon sa iyang sala pinaagi sa pagsugid sa iyang mga krimen. Sa pagsugid sa iyang mga krimen, ang kriminal dili pagatugotan nga mahimong emosyonal. Dili siya pagatugotan sa pagsulti sa iyang pagmahay, mangayo ug pasaylo o modangoyngoy. Ang huwes momando nga ang kriminal moasoy lamang sa katinuuran kabahin sa iyang krimen, ug pagkahuman ang huwes mohatag na sa saktong paghukum nga gilatid sa balaod. Balaod, dili emosyon, ang basihanan sa korte sa Athens. Ang krus mao ang bista sa korte. Ang Dios nga Amahan mao ang huwes. Si Jesu-Kristo mao ang halili sa masaypanong mga katawhan. Busa, si Kristo gihukman ug gisilotan para sa tanang mga sala sa katawhan sa Dios nga Amahan. Sa panahon sa pagbista diha ang paghukum, dili kapasayloan. Tungud kay ang tanang mga sala gihukman didto sa krus, ang Dios mopasaylo sa tanan nga motoo ni Jesu-Kristo. Mga Taga-Colosas 1:14 nagsulti, “Kang kinsa [Jesu-Kristo] kita nakabaton og katubsanan [a primary accusative of object], nga nagresulta sa kapasayloan [a secondary accusative of result] sa mga sala.” Kapasayloan mao ang resulta sa krus. Ang hustisya sa Dios mao ang misilot sa pagkatawo ni Jesu-Kristo; ang Iyang pagkamatarong natagbaw; karon ang Iyang grasya mitanyag sa 1 Juan 1:9 isip maoy solusyon aron mahibalik sa fellowship. Ang importanteng pulong niini nga bersikulo aron mahibalik sa fellowship mao ang homologeo. Kini nga pulong homologeo wala maglakip og emosyon, wala gayud bisan 1%. Walay mga luha, walay pagmahay, walay pagpalimos, walay saad nga mobuhat og maayo, ug walay ritwal. Imo lamang angkonon ang imong sala unya isugid ang imong mga sala ngadto sa Dios nga Amahan. Ug unsay imong gibati kabahin sa imong mga sala atol sa imong pagsugid wala na kini kalabutan pa. Sunda lamang ang mga pamaagi unya isugid ang imong mga sala; ayaw paningkamut nga mobilib ang Dios pinaagi sa imong emosyon. Karon, panagsa kini tinuud gayud kon ikaw makasala, siguro makasinati ka og pagmahay nga maoy makaaghat nimo nga isugid ang imong mga sala ngadto sa Amahan. Kini okay lang, pero dili kinahanglan. Ang matinud-anon nga Kristohanon moangkon sa iyang kaugalingon nga siya gusto gayud mobuhat sa maong sala ug kini iya lamang isugid nga dili mogamit og emosyon sa pagmahay. Ang pagtinguha sa pagbalik sa fellowship usa na kini ka bastanteng motibasyon; ang emosyon dili na kinahanglan. Ang put-ong “Kon kita mohingalan sa atong mga sala” naghulagway sa atong mga nahibaloan nga mga sala. Karon kinahanglan nga atong mahibaloan nga daghang mga sala nga lisud ilhon. Busa, daghan kaayong higayon nga ikaw wala masayod nga ikaw nakasala na diay. Sa walay duhaduha, kon wala ka masayod nga ang usa ka butang


sala diay, dili nimo kini isugid. Pananglitan kon ikaw wala masayod nga ang kabalaka sala diay, maong dili gayud ka makaamgo sa imong responsibilidad sa pagsugid niini ngadto sa Amahan. Ang pulong nga “mga sala” nagpasabut sa nahibaloan nga mga sala, dili ang wala mahibalo-i. Kini nga mga nahibaloan nga mga sala gikinahanglan nga hinganlan ngadto sa hustong persona sa Trinidad. Tanang pag-ampo ug pagsugid sa mga sala karong Kapanahonan sa Simbahan adto ipunting sa Dios nga Amahan (Marcos 11:25, 26; Lucas 11:2). Busa, ang pulingalan nga “Siya” nagpasabut sa Amahan. Ang Dios Amahan dili gayud mausab, ug mao nga Siya kanunay gayud nga matinumanon. Busa, sa higayon nga ikaw mohingalan sa imong mga sala ngadto Kaniya, Siya mopasaylo kanimo ug mopabalik kanimo ngadto sa fellowship. Siya dili gayud kapuyon sa tanan nimong mga pagsugid o mairita tungud sa imong mga kapakyasan. Makanunayon gayud ang Iyang pagpasaylo. Siya dili lamang kay matinumanon, apan usab hingpit nga matarong. Ang Dios dili makapasaylo kanato pinaagi sa grasya hangtod nga ang iyang pagkamatarong hingpit nga matagbaw. Kini magdala kanato balik didto sa krus, ang eksena sa pinakabantugan nga kaso sa tibuuk kasaysayan. Ang Dios nga Amahan mao ang maghuhukum. Isip usa ka matarong nga huwes, Siya nangayo og usa ka hingpit nga halad aron pagasilotan para sa tanang mga sala sa kalibutan. Ang bugtong hingpit nga halad mao si Ginoong Jesu-Kristo ra gayud. Busa, ang hustisya sa Dios misilot sa pagkatawhanon ni Jesu-Kristo (Iyang gipas-an ang atong mga sala diha sa Iyang lawas) para sa matag sala sa matag tawo sa tibuuk kasaysayan. Sa dihang natapos na, ang pagkamatarong sa Dios nga Amahan hingpit nga natagbaw. Dugang pa, ang tanang mga sakripisyo kinahanglan nga ihalad sa usa ka pari. Kini wala nay problema tungud kay si Jesu-Kristo usa man ka Pangulong Pari. Isip usa ka Pangulong Pari, pwedeng ihanyag ang Iyang kaugalingon isip usa ka halad. Tungud kay ang Amahan hingpit nga natagbaw sa buhat sa atong Pangulong Pari, Jesu-Kristo, ayaw gayud paghunahuna sa pagdugang og bisan unsang tawhanong mga buhat para makabaton sa kapasayloan sa Dios. Hinganli lamang ang imong mga sala. Ayaw himoang isyu ang imong kaugalingon. Himoang isyu ang krus pinaagi sa paghingalan sa imong mga sala. Kon ang Kristohanon modugang sa tawhanong buhat sa mga luha, mga saad, pagmahay, pagpangalyupo, liturhiya, ug uban pa samtang nagsugid sa iyang mga sala, ang iyang pagsugid mamahimong dili-madawat sa Dios. Ang Dios dili makadawat sa bisan unsang buhat nga makig-indig sa hingpit nga buhat sa atong Ginoong Jesu-Kristo didto sa krus. 1 Juan 1:9 “Kon kita mohingalan sa atong mga sala [nahibaloan nga mga sala], Siya matinumanon ug matarong gayud uban sa resulta nga Siya mopasaylo kanato sa atong mga sala [nahibaloan nga mga sala] ug mohinlo kanato sa tanang mga kasaypanan [wala-nahibalo-i nga mga sala, gipasubu ug gisalikway ang Balaang Espiritu, Christian activism ug uban pa].” Ang Griyego nga pulong ίνα (hina) adunay subjunctive mood nga nagpaila sa result clause ug kini pagahubaron “uban sa resulta nga.” Tungud kay ang pagkamatarong sa Amahan hingpit nga natagbaw pinaagi sa krus, Siya gawasnon nga mopasaylo sa atong mga nahibaloan nga mga sala ug molimpiyo kanato sa tanang mga kasaypanan


(wala-nahibalo-i nga mga sala ug uban pang kalapasan). Ang Griyego nga pulong αφιημι (aphiemi) nagpasabut og pasaylo. Ang Amahan mipasaylo kanato sa atong mga nahibaloan nga mga sala kon atoa silang hinganlan, pero unsa may mahitabo sa atong mga wala-nahibalo-i nga mga sala ug uban pang kalapasan? Ang Griyego nga pulong καθαριζω (katharizo) nagpasabut “sa paghinlo” o “sa paghugas.” Tungud kay naghisgot kita mahitungud sa kalag, kini pagahubaron ug “paghugas.” Ang Dios dili lamang mopasaylo kanato sa atong nahibaloan nga mga sala, pero Siya magahugas kanato gikan sa tanan mga wala-nahibalo-i nga mga sala ug uban pang kalapasan ug magpabalik kanato diha sa fellowship. Daghang mga higayon nga kon kita makasala ug mogawas sa fellowship, ang Dios mopahamtang ug disiplina. Dili kita pagasilotan gumikan sa sala mismo tungud kay gibayaran naman kini ni Jesu-Kristo ang presyo sa kada usa nga sala. Kita pagasilotan tungud sa gugma sa Dios aron kita makakat-on sa pagsunud ug pagrespeto Kaniya ug sa pagbuhat sa Iyang plano (Mga Hebreohanon 12:6). Kapasayloan ug paghugas wala kini magpasabut nga ang pag-antos mohunong na. Bisan unsa nga pagsilot ang madawat nga may kalambigitan sa pagpakasala ug paggawas sa fellowship kini mamahimong pag-antos para sa panalangin ug espirituhanong pagtubo kon kita mahibalik sa fellowship. Sa katibuk-an ang oportunidad sa paghingalan sa usa ka tawo sa iyang mga sala ngadto sa Dios nga Amahan ug paghibalik sa fellowship maoy usa ka gasa sa grasya. Kini nga gasa wala mag-awhag aron kita mobuhat og sala, apan aron maghatag sa magtotoo sa oportunidad nga makapadayon sa espirituhanong kinabuhi ug sa pagkumpleto sa katuyoan sa espirituhanong kinabuhi—sa pagtubo pinaagi sa grasya ug kahibalo aron ang magtotoo sa umaabut nga panahon makabaton ug paghigugma sa mga miyembro sa Trinidad.


Usa ka Mensahe para sa Batan-ong mga Kristohanon Ang Dios mapailubon kanato, busa kita kinahanglan usab nga adunay pasensya sa atong kaugalingon. Adunay mga panahon nga ang bata o batan-ong mga Kristohanon dako og pagdahum sa ilang mga kaugalingon. (Ang bata nga Kristohanon usa ka Kristohanon nga gamay ra ang kasayuran mahitungud sa plano sa Dios. Daghang mga Kristohanon nga nahimong mga magtotoo sulud na sa 30 ka mga tuig, pero nagpabilin gihapong mga bata tungud kay wala sila matudlo-i sa plano sa Dios sa saktong paagi). Adunay mga panahon nga kon ang batang mga Kristohanon makahibalo og usa ka bag-ong kamatuuran, sila mag-asumir nga masayon ug madali ra sa paggamit niini. Kon akong ipakita og unsaon pagpalakaw sa 6 ka buwan nga bata, kadto nga bata makalakaw ba dayon? Sa walay duhaduha dili gayud siya makalakaw ug tarong kay bata pa siya kaayo. Nahisama ra usab kini sa mga magtotoo. Tanang batan-ong mga Kristohanon maglisud sa emosyonal nga mga sala. May pipila ka mga Kristohanon adunay problema mahitungud sa kasuko, uban sa pagkabubhoan, uban sa kabalaka ug kahadlok ug uban pang lainlaing mga sala sa hunahuna. Unsa may mahimo sa batan-ong magtotoo kabahin niini nga problema? Matag higayon nga siya makabuhat sa usa niini nga mga sala, kinahanglan nga hinganlan dayon niya ngadto sa Amahan. Kon iyaha kini nga pagabuhaton siya pasayloon ug mahibalik ngadto sa fellowship. Human siya mapasaylo ug mahibalik sa fellowship, kinahanglan nga sulayan niya sa paghinumdum ang tukma nga mga saad ug mga kamatuuran nga makatabang sa paglig-on kaniya aron siya magpabilin diha sa fellowship kutub sa mahimo. Intawon, ang usa ka pagtoo sa bata pa kaayo nga magtotoo kini usab pinaka huyang, mao nga dali ra siya magawas sa fellowship. Kini pwede nga makahatag ug hilabihan nga pagkadiskurahi sa usa ka bata o bata pa kaayo nga magtotoo. Hinoon, kinahanglan nga ang batan-ong Kristohanon makakat-on sa pagpasensiya diha sa iyang kaugalingon ug dili gayud mosurender. Ang Dios dili mopahamtang og silot sa bata o bata pa kaayo nga magtotoo dili sama sa paghamtang sa usa ka hamtong nga magtoo kon sa pareho nga sala ang mahimo. Samtang magkataas ang atong pag-abante sa espirituhanong kinabuhi, magkataas usab ang atong responsibilidad. Mao, ang Dios dili gayud magdahum og dako sa bata o sa bata pa kaayo nga magtotoo. Pero adunay duha ka mga butang nga Siya magadahum gikan sa bata nga magtotoo. Una, kon ikaw makasala, kinahanglan nga hinganlan gayud dayon nimo kini ngadto sa Amahan, bisan pa og maghingalan ka sa imong mga sala kada minuto. Ikaduha, kinahanglan nga magtoon ka sa Pulong sa Dios kada adlaw samtang anaa sa fellowship. Kon magtoon ka sa kamatuuran sa Dios kada adlaw, sa kadugayan ikaw makalambo og kalig-on human sa pagpadayon nga pagtoon ug paggamit sa doktrina, bisan molanat pa kini og hataas nga panahon. Ang Dios nasayud nga ikaw bata o bata pa kaayo nga Kristohanon, ug mohatag kanimo sa hataas nga panahon aron sa pagtubo. Ang Dios mapailubon kanimo, busa ikaw kinahanglan usab nga adunay pasensya sa imong kaugalingon. Ang bata o batan-on nga magtotoo gakinahanglan nga makabaton og sakto nga motibasyon sa labing dali nga panahon. Kon ikaw usa ka estudyante, pagtoon og maayo aron mahimuut ang Ginoo. Dili ka kinahanglan nga mabalaka kon unsay gihunahuna sa imong maestro diha kanimo. Dili na kana importante. Buhata lamang kutub sa imong mahimo sa imong pagtoon aron mahimuut ang Ginoo. Kon ikaw


nagtoon aron mahimuut ang Ginoo unya makadawat ka og “75” kana okay lang. Ang maestro ug ang ubang mga estudyante siguro mobiaybiay kanimo, pero ang Ginoo dili gayud kay Siya nasayud sa imong motibasyon. Kon ikaw nagtrabaho sa usa ka kompanya, trabaho lang kutub sa imong mahimo para kahimut-an sa Ginoo ug sunda ang ensakto nga mga kamandoan. Kon kini imong pagahimoon, ang Ginoo mahimuut gayud kanimo. Kon ang imong agalon dili pa gihapon mahimuut sa imong gibuhat, ayaw kabalaka niini. Hinoon siguro-a nga mahimuut ang Ginoo. Pila kaha ka mga bata ang imong nakit-an nga nagtrabaho? Ang mga bata dili motrabaho; igo ra sila moinom og gatas ug mohugawhugaw sa ilang diaper. Busa ngano man nga ang bata nga mga Kristohanon kanunay gustong malambigit sa Kristohanong pagserbisyo? Siguro tungud kay daghang mga pastor wala makasabut sa unod sa sugo ni Jesus ngadto sa mga apostoles nga nahisulat diha sa Mateo 28:19-20. Kinahanglan atong isulud sa alimpatakan nga kini nga sugo nga “paglakaw ug paghimo og mga disipolo sa tanang mga nasud” ug “tudlo-i sila sa pagsunud [ang sugo sa Ginoo]” wala kini gihatag sa bag-o nga mga magtotoo, apan sa nahabiling 11 ka mga apostoles nga nakig-uban sulud sa 3 ka mga tuig nga ubus sa pagtudlo ni Ginoong Jesu-Kristo, nagdawat sa makanunayong personal nga pagbansaybansay kabahin sa espirituhanong kinabuhi hangtod sa panahon nga ang Ginoo nakahibalo nga sila andam na sa paghimo sa ministeryo. Tungud kay ang batang mga Kristohanon ignorante ug emosyonal, nanginahanglan lamang sila sa pagpadayon sa pag-inom og gatas (pagkat-on mahitungud sa elementarya nga mga prinsipyo sa Kristohanong kinabuhi) ug panagsa mahimong mosugud sa pagkaon sa mga gahi nga kalan-onon (mas abante nga doktrina sa Bibliya). Apan, ang bata o batan-on pa nga Kristohanon dili gayud angayan nga molambigit sa Kristohanong pagserbisyo kay siya dili pa kuwalipikado. Ang Kristohanon kinahanglan nga motubo pa pag-una, unya siya makabaton na og kasarang sa pipila ka Kristohanong pagserbisyo (2 Timoteo 3:16, 17). Ang bata nga mga Kristohanon sa kanunay gusto gayud nga mobuhat. Ayaw pagbuhat, hinoon pagkat-on pinaagi sa pag-inom sa gatas sa Pulong. Ang bata o batan-ong mga Kristohanon kasagaran gusto nga mosulbad sa mga problema pinaagi sa pag-ampo. Ang pag-ampo mao ang pagpakigsulti sa Dios. Nan, kon ang magtotoo makigsulti sa Dios kinahanglan nga makaila siya sa Dios ug sa Iyang plano. Kon mas labing nakaila ang usa sa Dios, mas labing epektibo ang iyang mga pag-ampo. Kon ang Kristohanon ignorante mahitungud sa Dios, ignorante sa Diosnong grasya ug ignorante unsaon paglakaw pinaagi sa pagtoo, sa daling pagkasulti ang iyang mga pag-ampo mahimong walay-bili. Ang pag-ampo maoy usa ka behikulo sa pagpakigsulti sa Dios. Kon ang Kristohanon magtapo sa kasangkapan sa pagsulbad sa mga problema (problem solving device) ngadto sa iyang pag-ampo, ang iyang pag-ampo makabaton og gahum ug kahulugan. Pananglitan, kon ang Kristohanon nahigugma sa Dios ug nag-ampo sa ensakto nga pag-ampo inubanan sa pagtoo, nan ang iyang pag-ampo mahimong labing gamhanan gayud ug pagatubagon. Pero, kon ang Kristohanon nag-ampo sa usa ka pag-ampo nga walay pagtoo, dili gayud kini pagatubagon. Kon ang usa ka Kristohanon nag-ampo nga anaa sa kahimtang sa kahadlok, ang iyang mga pag-ampo dili gayud pagatubagon. Ang epektibo nga pag-ampo kinahanglan nga inubanan sa ensakto nga motibasyon, ug ensakto nga unud. Ang mga pag-ampo nga walay ensakto nga unud dili makasulbad sa mga problema.


Ang paglakaw sa pagtoo makasulbad sa mga problema. Ang pag-aplay sa grasya sa pagpasaylo ngadto sa uban makasulbad og mga problema. Ang kahibalo nga nagagikan sa pagkat-on sa daghang mga kamatuuran diha sa Kasulatan makasulbad sa mga problema. Ang paghigugma sa Dios makasulbad sa mga problema ug uban pa, pero ang pag-ampo nga walay ensakto nga unud dili gayud. Pananglitan aduna kay problema: ang imong agalon dili makiangayon kanimo. Unsa may imong buhaton? Mag-ampo ka ba gamit ang emosyon ug paghilak, “O Amahan, palihog, palihog, tabangi ko kay ang akong agalon dili makiangayon diri kanako?” Dili, kini dili-husto nga paggamit sa pag-ampo. Kinahanglan nga ikaw masayud nga si Ginoong Jesu-Kristo kanunay nga makiangayon diha kanimo sa tanang panahon. Tungud kay ang Ginoo makiangayon lamang gayud, Siya mosilot sa imong agalon sa iyang pagka dili-makiangayon ug Siya mopanalangin kanimo. “Itugyan ang tanan nimong mga kabalaka ngadto Kaniya tungud kay Siya nag-atiman kanimo” (1 Pedro 5:7). Karon, kon ikaw mag-ampo ngadto sa Amahan nga nagpasalamat Kaniya sa Iyang pagkamakiangayon bisan pa nga ang imong agalon dili-makiangayon nganha kanimo, nan okay kana nga pag-ampo. Sa maong paagi wala nimo gamita ang pag-ampo sa pagsulbad sa imong problema hinoon imong gipakita ang imong pagtoo ngadto sa Dios diha sa pag-ampo. Ang pagtoo nga ensakto ang paggamit makasulbad sa mga problema. Busa, ang pagtoo nga gipakita pinaagi diha sa pag-ampo makasulbad usab sa mga problema. Daghang bata nga mga Kristohanon nga gustong mag-ampo bisan wala pa makakat-on sa Pulong sa Dios. Kini imposibli gayud kay ang pag-ampo nagkinahanglan og panghunahuna, ug ang mga bata dili makahunahuna. Ang mga bata bation og mga pahiyom ug pagkatawa ug sa kasagaran diha sa mga paghilak. Nan, human ang usa ka bata motubo og diyutay, siya kinahanglan pagatudloan sa mga pulong aron siya basin ra makasugod na sa paghunahuna og maminusan ang iyang pagka emosyonal. Human siya makakat-on og diyutay sa paghunahuna, siya andam na nga mohalad sa iyang unang pag-ampo, “Amahan, salamat sa imong kaluwasan ug sa gibuhat ni Jesu-Kristo didto sa krus.” Ang pag-ampo mao ang pagpakigsulti sa Dios, busa ang usa nga mas nakaila mahitungud sa Dios ug sa Iyang plano, ang usa mas maayo nga makaampo. Daghang batan-ong mga Kristohanon mosulay sa pag-ampo samtang sila gawas sa fellowship uban sa Dios. Kon ang Kristohanon adunay kahadlok, kabalaka, kasuko, o uban pang mga sala nga wala pa masugid, ang iyang mga pag-ampo dili gayud pagadunggon: “Kon ako magbaton og kadaotan diha sa akong kasingkasing, ang Dios dili magapatalinghog” (Mga Salmo 66:18). Sa kanunay sa dili pa mag-ampo, ang Kristohanon kinahanglan magsiguro nga siya anaa sa fellowship pinaagi sa pag-ila sa iyang mga sala ngadto sa Amahan. Usahay ang bata nga mga Kristohanon maghunahuna nga si Satanas maoy nag-ataki kanila. Ang kasagaran nga mahitabo si Satanas dili na kinahanglan pa nga mabalaka pa sa pag-ataki sa mga magtotoo tungud kay kadaghanan sa mga magtotoo mounay sa pag-ataki sa ilang mga kaugalingon pinaagi sa ilang mga kinaiyang makasasala ug sa pagkaignorante sa plano sa Dios. Kinahanglan usab natong hinumduman nga si Satanas usa ka binuhat ug tungud niana anaa lamang sa usa ka lugar dili bisan asa. Siya mopuyo sa langit og igo-igong panahon ug igo-igo nga panahon diri sa kalibutan. Si Satanas mao ang pinaka importante nga nalaglag nga


anghel ug pirting bisiha. Siya usab maalamon kaayo ug adunay usa ka dakong organisasyon. Mao, nga sa kasagaran dili gayud siya mismo ang mangunay sa pagtagad sa mga magtotoo. Kon mahitabo nga adunay usa nga nahisama ni Moses o David, anhang tungora si Satanas personal nga maoy mangunay sa pag-ataki sa maong magtotoo. Kon ikaw dili sama ka bantugan ni Moses, nan malagmit nga si Satanas wala gayud makaila sa imong ngalan. Si Satanas nagtaki sa tanang mga magtotoo pinaagi sa iyang sistema sa panghunahuna. Ang bugtong depensa kontra sa sistema sa panghunahuna ni Satanas mao ang sistema sa panghunahuna sa Dios. Busa, ang bugtong pamaagi aron ang magtotoo makadepensa sa iyang kaugalingon kontra sa panghunahuna ni Satanas mao ang paghuput sa doktrina sa Bibliya diha sa iyang kalag.

10 Fellowship uban sa Dios, Unang Basahon

Usa ka Sistema sa Panghunahuna

(Ang mosunud nga gumalaysay gikuha gikan sa mga panid 49 ug 50 sa libro nga ‘Tongues’ [R.B. Thieme Jr., 2nd Edition

published 2000])

Ang espirituhanong kinabuhi gidesinyo sa Dios isip usa ka sistema sa paghunahuna sa doktrina nga nahinumduman gikan sa mentalidad sa kalag ug pagagamiton ngadto sa mga kahitaboan sa kinabuhi. Ang pagpalig-on ug pag-abante sa espirituhanong kinabuhi nagkinahanglan sa paghunahuna, dili emosyon. Ang emosyon dili makakat-on, makaanalisar, makasulbad sa mga problema, o makahatag ug pagtubo espirituhanon. Apan daghang mga magtotoo nga mas mosalig pa sa ilang emosyon kaysa mogasto sa ilang oras ug kusog sa konsentrasyon ug kinaugalingong pagdisiplina nga gikinahanglan sa paghunahuna sa mga balaanong panglantaw. Kon ang emosyon mao ang magdominar sa panghunahuna, subjectivity, irasyonalidad, self-absorption, ug sala ang magdumala sa imong kinabuhi. Kon ang imong mentalidad gidumala sa kahibalo gikan sa doktrina sa Bibliya, ikaw makahunahuna objectively, og dili kana sobra ang pagsalig sa imong kaugalingon. Ang mas daghan og pundong doktrina diha sa imong kalag, mas dako ang oportunidad para sa pag-aplikar sa doktrina diha sa imong kinabuhi. Ang Kasulatan balikbalik nga nagpaklaro niini nga prinsipyo:

“Kay maingon nga siya naghunahuna sa sulud sa iyang kaugalingon [diha sa iyang kalag], sa ingon niana mao man siya.” (Mga Proberbio 23:7a) “Itumong ang inyong hunahuna [φρоνεо, phroneo – paghunahuna kanunay objectively] diha sa mga butang nga anaa sa itaas [balaanong panglantaw], dili sa mga butang dinhi sa yuta.” (Mga Taga-Colosas 3:2) “Ug aron mausab kamo [mabag-o] diha sa [pinaagi sa kaugalingong kalihukan sa Balaang] espiritu sa inyong hunahuna [pinaagi sa inyong panghunahuna].” (Mga Taga-Efeso 4:23) “Batoni kini nga kinaiyahan [phroneo, objective nga paghunahuna] sa inyong mga kaugalingon nga diha usab kang Kristo Jesus.” (Mga Taga-Filipos 2:5)

Unsa may makapahimo kanimo sa paghunahuna sama ni Jesu-Kristo? Ang kahibalo sa doktrina nga gitawag ug “hunahuna” ni Kristo! (1 Mga Taga-Corinto 2:16) Maskin moresponde ka og naglagiting nga emosyon sa doktrina, kana nga pagbati dili gayud angayan nga pagasabton nga espirituhanon o pagtubo espirituhanon. Kon imong pagasulayan sa pagpuyo ang imong espirituhanong kinabuhi nga gidumala sa mga emosyon, ikaw nagsakay sa usa ka roller-coaster sa emosyonal nga saka kanaog og magbabag sa pagkalig-on gikan sa doktrina. Ang unsay gisulti sa Dios, dili ang unsay imong gibati, mao lamang ang sukdanan para sa espirituhanong kinabuhi. Ang Pulong sa Dios kinahanglan nga mas tinuud gayud diha kanimo kaysa bisan unsang emosyon, problema o kasinatian. Bugtong pagkat-on lamang sa doktrina sa Bibliya ug pagbag-o sa imong panghunahuna ikaw makaila sa Dios, magamit ang iyang gahum, mouswag sa espirituhanong kinabuhi, makaabut sa espirituhanong pagkahamtong, ug makapahimaya Kaniya.


1 Mga Taga-Corinto 13:1-3

Gugma

Ang Espirituhanong Pagkinabuhi: Saktong Panghunahuna ug Saktong Motibasyon

Ang imong panghunahuna ang magdeterminar kon unsa ka nga klaseng pagkatawo. Kon ang imong panghunahuna daotan, nan ikaw daotan. Kon ang imong panghunahuna halangdon, ikaw usab halangdon. Kon ang imong panghunahuna limitado, ikaw usab limitado. Kon ang imong panghunahuna ako-akohon, ikaw usab ako-akohon. Kon ikaw dili maghunahuna, ikaw walay hinungdan. Kon ang imong panghunahuna wala mahisubay sa balaanong panghunahuna, ikaw dili usa ka bantugan nga magtotoo. Kon ang imong panghunahuna kanunay nahisubay sa panghunahuna sa Dios, nan ikaw usa ka bantugan nga magtotoo. “Kay maingon nga siya nagahunahuna sa sulud sa iyang kalag; ingon usab siya” (Mga Proberbio 23:7a). Ang tanang panghunahuna ug motibasyon mahitabo diha sa imong kalag—ug sa katapusan maoy magdeterminar sa tinuud nga kaugalingon. Pipila ka mga Kristohanon naghunahuna nga ang ensaktong paggawi mobunga og ensaktong panghunahuna. Daghang mga Kristohanon nga talahuron kaayo, pero ang ilang panghunahuna daotan ug ang ilang motibasyon bakak. Tungud kay ang kalihukan wala man sa kalag, ang kalihukan dili makahimo og panghunahuna ug motibasyon. Kon ang aksiyon makahimo man og panghunahuna ug motibasyon, ang aksiyon makahimo unta ug bokabularyo ug mga konsepto, pero tungud kay ang aksiyon dili man makahimo og mga pulong ug mga konsepto, ang aksiyon dili makagama og panghunahuna ug motibasyon. Pero ang kalainan, ang saktong panghunahuna ug motibasyon makahimo sa saktong desisyon ug aksiyon. Sa laing pagkasulti, kon ang usa ka Kristohanon adunay saktong aksiyon, pero ang iyang panghunahuna ug motibasyon dili ensakto, siya mokagar. Kini nga teksto nagpaklaro, nga siya walay mahimo ug walay matuman. Ang ensakto lamang nga Kristohanong motibasyon mao ang paghigugma sa Dios. Kon ang Kristohanon pursigido aron makaangkon ug pagdayeg sa katawhan, tungud sa kagustohan para sa panalangin sa takna, sa kagustohan para makaangkon og ganti sa eternidad, o sa iyang kahadlok sa disiplina, siya walay ensakto nga motibasyon. Ang gugma mao lamang ang bugtong motibasyon. 1 Mga Taga-Corinto 13:1 “Kon [εαν (e-an – “atong itugot nga”)] ako magasulti diha sa mga pinulongan sa mga tawo ug sa mga anghel, apan ako walay gugmang ligdong [αγαπε (agape)] ako nahimong usa ka saba nga agong o piyangpiyang nga nagatagingting.” Sa mga bersikulo uno ngadto sa tres, si Pablo nag-introdyus og tulo ka pangagpas nga mga sitwasyon. Ang Griyego nga participle e-an uban ang


subjunctive mood nga inubanan sa negatibo nga pulongan “apan ako wala niana" nag-introdyus og pangagpas nga sitwasyon. Kay ang mga pinulongan sa anghel wala man mahibaloi sa mga tawo, ug tungud kay walay nakapasibog sa bukid pinaagi sa pagtoo og wala gayud, kini dili gayud mga probabilidad. Hinoon, kini maoy usa ka sumpaysumpay nga pagpangagpas nga mga pamulong uban sa pagpasulabi nga gidugang arong anaay dramahanong epekto. Daghang Corintohanon nga mga magtoo ang gihatagan og gasa sa langyaw nga mga sinultihan (mga dila) sa Balaang Espiritu aron sa pagsangyaw ngadto sa mga langyaw nga Hudiyong mga negosyante nga nangabut sa mga pantalan sa Corinto. Apan, ang ubang mga magtotoo sa simbahan nga kinsa wala makadawat og gasa sa mga pinulongan nahimong masinahon ug busa nag-ugmad sa usa ka mini nga gasa sa mga pinulongan sa katuyoan nga aron matagbaw ang ilang pagka arogante. (Kini gihisgutan sa kapitulo katorse). Ang kulbahinam nga gasa sa langyaw nga pinulongan nagpahinumdum sa mga Corintohanon sa ilang kasinatian sa kultura uban sa kultohanong pagsimba. Diha sa mga kulto ni Sybille ug Dionysus (ang Romano nga Bacchus), adunay daghang mahimayaon, walay kahulogang pagsulti ug uban pang emosyonal nga kalihukan sama sa pagsingki sa mga piyangpiyang. Gipareho sa mga Corintohanon ang Biblikal nga gasa sa mga pinulongan sa ilang nangaging mga kasinatian. Tungud niini, sila nagtoo nga ang gasa sa mga pinulongan naghimo kanila nga bantugan, ug daghan ang nagmugna sa mini nga gasa sa pagsulti sa mga pinulongan. Apan, si Pablo wala lang kay misalikway sa ilang mini nga espirituhanong gasa sa mga pinulongan, apan iya pa nga gipaklaro nga ang gasa sa langyaw nga mga pinulongan walay kahulugan gawas kon siya nakakab-ot sa espirituhanong kinabuhi. Buut ipasabut, nga siya nagasulti nga gawas kon ang magtotoo nagahupot og ligdong nga gugma ang iyang espirituhanong gasa walay kahulugan. Bisan walay tawo ang nakasulti sa pinulongan sa mga anghel, si Pablo nasayud nga ang mga anghel aduna gayuy mga pinulongan. Siguro ang mga pinulongan sa anghel mas labing lisud pa kay sa tawhanong mga pinulongan, busa kon si bisan kinsang tawo nga makasulti sa anghel nga pinulongan kini nagpaila lamang sa iyang pagkalabaw sa ubang mga tawo. Si Pablo migamit niining pagpasulabi aron sa pagpaklaro sa kaimportante sa ligdong nga gugma. Ibutang ta nga ang usa ka misyonaryo hanas nga makasulti ug makasulat sa Korean, Thai, Chinese, ug pipila ka mga anghelanong pinulongan, mao ba kanay makahimo kaniya nga usa ka bantugang misyonaryo? Ang tubag dili. Kon siya walay ligdong nga gugma, nga mao ang pagbinaslanay nga gugma para sa Dios ug ang walay kondisyong gugma para sa tanang katawhan, nahisama siya sa alingogngog nga piyangpiyang. Siya walay bili, ug wala siyay natuman. Sa unang panahon didto sa Greece ug Roma walay mga merkado, mao nga ang mga manunuroy gamit ang mga karo mosuroy sa mga kalsada sa pagbaligya sa ilang produkto ug mga abut. Kasagaran sa mga panimalay adunay paril sa palibot niini, busa ang mga manunuroy nagmugna og pamaagi aron mahibaloan sa mga asawa ang ilang presensiya. Usa ka pamaagi sa paghimo niini mao ang pagsingki o paghampak og dungan sa duha kabuuk nga bronse aron makamugna


og basag ug makairita nga tingog. Kini nga pamaagi sa pagkuha sa atensiyon sa kaugalingon nahisama kini sa usa ka makaugalingong magtotoo nga naglihok diha sa espirituhanong gasa apan wala makahuput og gugmang ligdong. Kun walay gugmang ligdong ang motibasyon sa magtotoo malambigit sa pipila ka klase sa pagka arogante, ug siya makanunayon sa pagtinguha aron pagkuha sa atensiyon ngadto sa iyang kaugalingon, aron sa paghimaya sa iyang kaugalingon. Kini dili tukma sa Juan 16:14 nga nagsulti nga ang Balaang Espiritu ang naghimaya ni Kristo. Atong ipasibo kini nga prinsipyo sa atong kaugalingong espirituhanong kinabuhi pinaagi sa pag-alima sa gugmang ligdong isip atong motibasyon sa tanan natong gimbuhaton. Sa matag aspeto sa kinabuhi, maskin may kalabutan sa pamilya, trabaho, edukasyon, lingawlingaw, Kristohanong pagserbisyo o ang espirituhanong kinabuhi, ang atong mga panghunahuna ug mga buhat kinahanglan nga madasigon pinaagi sa gugmang ligdong ug ang moresulta nga pagtinguha aron sa paghimuut ang Ginoo. Ang ligdong nga gugma (agape) parehong naglakip sa binaslanay nga gugma para sa Dios ug sa walay kondisyon nga gugma ngadto sa tanang katawhan. Ang binaslanay nga gugma para sa Dios usa ka panghunahuna, dili emosyon. “Kon ikaw nahigugma Kanako (Jesu-Kristo), ikaw magatuman sa Akong mga mando.” (Juan 14:15). Busa, sa dili pa kita mosulti nga nahigugma kita sa Dios kita kinahanglan nga mahibalo sa tanang mga kamandoan ug tumanon sila. Ang pagkat-on ug pagsunud parehong may kalambigitan sa panghunahuna, dili sa emosyon. Ang walay kondisyon nga gugma diha sa katawhan adunay duha ka mga bahin. Sa usa ka bahin ang kagawasan gikan sa emosyonal nga mga sala diha sa ubang mga tawo sama sa kasuko, kayugot, kaselos, antagonismo ug uban pa, samtang sa laing bahin mao ang usa ka positibo nga kinaiya sa panghunahuna diha kanila, kasagaran mapakita sa gawas pinaagi sa mga buhat sa pagkamaayo, pagkamaloloy-on, pagpasaylo ug uban pa. Ako walay Bili!

13:2 “Ug kon [pagpangagpas nga sitwasyon nga may pasulabi] ako may gasa sa

propesiya ug ako nasayud sa tanang mga misteryo ug sa tanang kahibalo ug kon ako nakabaton sa tanang pagtoo aron makahimo ako sa pagsibog sa mga bukid gikan sa usa ka lugar ngadto sa lain, apan wala akoy gugma ligdong, wala akoy bili.” Pipila niini nga mga butang ang tinuud ni Pablo, ang uban dili. Pero, dili kana maoy punto. Si Pablo naggamit sa iyang kaugalingon isip usa ka ilustrasyon sa usa ka pagpangagpas nga mga pamulong nga may kondisyon. Pananglitan, si Pablo adunay gasa sa propesiya ingon man usab si Pedro ug Juan (si Pablo mitagna mahitungud sa pagsakgaw sa simbahan (1 Mga Taga-Corinto 15:51-54; 1 Mga Taga-Tesalonica 4:15-17). Si Pablo usab adunay gasa sa kahibalo sa wala pa natigum nga mga misteryo, mga propesiya, ug uban pang impormasyon nga anaa sa Bag-ong Kasulatan.


Ang Griyego nga pulong μυστηριον (musterion) mao ang ngalan nga gihatag sa sekreto nga mga pagtudlo sa Griyeyo nga mga praternidad ug mga kapunongan sa mga babaye. Kini nga mga doktrina o mga misteryo nahibaloan lamang sa mga miyembro niadtong mga organisasyon. Sa Kapanahonan sa Simbahan adunay usa ka bag-o nga espirituhanong praternidad, ang harianong pamilya sa Dios uban sa iyang kaugalingong sekretong mga pagtudlo. Tungud kay ang maong mga pagtudlo lahi sa Kapanahonan sa Simbahan nga magtotoo, si Pablo migamit sa pulong nga musterion aron sa paghulagway ni in ing mga doktrina sa espirituhanong k inabuhi. Ang harianong pamilya sa atong Ginoo usa ka eksklusibo nga pundok nga may talagsaon nga mga doktrina. Ang pagka tawhanon ni Jesu-Kristo mao ang una nga nakabaton sa pagpuno sa Espiritu nga ang maong gahum Iyang gihatag sa tanang mga magtotoo sa Kapanahonan sa Simbahan. Si Jesu-Kristo mitudlo kanato nga Iyang mga embahador aron nga sa personal magrepresentar Kaniya, ug mihimo kanato nga mga miyembro sa Iyang harianong pagkapari pinaagi sa Bawtismo sa Balaang Espiritu. Mao kini ang mga posibleng pinakataas nga mga pribilihiyo, nga may pos ib leng pinakataas nga kahimtang nga ikahatag sa D ios ngadto sa usa ka magtotoo. Bisan ang mga bantugang mga magtotoo sa Karaang Kasulatan sama nila Moses, Abraham ug David wala m a n g a n i hatagi sa maong hataas nga kahimtang. Ang atong mga lawas mao ang mga templo nga gipuy-an sa Dios nga Amahan (Mga Taga-Efeso 4:6), Dios nga Balaang Espiritu (1 Mga Taga-Corinto 6:19) ug n i Ginoong Jesu-Kristo (Mga Taga-Colosas 1:27). Kini wala gayud mahitabo sa wala pa ang Kapanahonan sa Simbahan ug dili mahitabo human sa Kapanahonan sa Simbahan. Dili lamang adunay usa ka espesyal nga gasa og may kalambigitan sa paghibalo sa misteryosong mga doktrina, apan usab ang gasa sa Kahibalo. Adunay pipila ka mga magtotoo nga gihatagan sa kahibalo sa tanan nga anaa sa Bag-ong Kasulatan. Atong hinumduman nga sa unang bahin sa simbahan wala pay Bibliya. Giunsa man sa mga Kristohanon nga nagpuyo niadtong panahona sa kasaysayan sa pagkat-on sa tanang mga doktrina ug mga prinsipyo nga makita sa Bag-ong Kasulatan? Kini nga gasa sa kahibalo maoy gigamit aron paghatag sa mga Kristohanon sa espirituhanong kinabuhi nga ato karong mahibaloan sa Bag-ong Kasulatan. Diha sa bersikulo 3 kapitulo 13 si Pablo usab naghisgot nga may pagpalabaw sa “pagtoo nga makasibog og mga bukid.” Sa precanon nga panahon sa Kapanahonan sa Simbahan kaniadto dihay temporaryo nga espirituhanong gasa sa pagtoo. Kining temporaryo nga espirituhanong gasa kinahanglan nga mapalahi sa pagtoo-pahulay nga pagbansaybansay, nga mao ang paglakaw pinaagi sa pagtoo. Ang espirituhanong gasa sa pagtoo lahi ra sa temporaryo nga espirituhanong mga gasa nga gihatag sa Balaang Espiritu ngadto sa mga magtotoo sa unang simbahan, uban sa laing mga gasa nga gihisgutan sa 1 Mga Taga-Corinto 12:28 ug sa mga bers iku lo nga gihisgutan n iini nga teksto. Tungud kay wala pa may Bibliya kini nga mga espirituhanong mga gasa gikinahanglan pa. Ang paglihok niining mga gasa maoy usa ka puli para sa Bibliya. Ang katapusang libro sa Bibliya nahisulat lamang niadtong 96 A.D. ug


bisan pa niadto midagan pa ug hataas nga mga katuigan para sa pagtipon ug pagpanghatag sa Bibliya. Sa kasamtangan kini nga mga gasa nagalihok aron sa pagtubo sa simbahan. Bisan pa nga ang gasa sa pagtoo gigamit sa unang simbahan, walay bisan usa nga nakaangkon sa usa ka pagtoo para sa katuyoan sa pagpasibog og mga bukid gikan sa usa ka lugar ngadto sa lain. Wala gayuy espirituhanong rason aron sa pagbuhat niana. Hinumdumi nga kining tibuuk nga teksto naghisgot sa kondisyonal nga mga saysay nga may pagpalabaw aron si Pablo makahimo sa buut niyang ipasabut. Ipakita ni Pablo nga ang kabantugan diha sa espirituhanong kinabuhi adunay kalambigitan sa paghigugma sa Dios, dili ang gihuptan nga espirituhanong gasa o unsay gibuhat sa usa ka Kristohanon. Sanglit ang tanang temporaryong espirituhanong mga gasa diha sa unang simbahan kahibulongan man, si Pablo naghimo sa gasa sa pagtoo nga mas labing kahibulongan pinaagi sa pagpasulabi. Niining paagiha, ang panapos nga pamahayag ni Pablo misamot og ka mahinuklugon. Kon ikaw anaa niining tanan nga mga kulbahinam nga espirituhanong mga gasa ug bisan pa ikaw makapasibog og mga bukid, pero wala kay gugmang ligdong – ikaw walay bili. Ang pagkawalay bili ni Agamemnon Sa dihang si Pablo misulat “ikaw walay bili” siya migamit sa klasikal nga Griyegong ekspresyon ουθεν ειμι (outhen eimi). Sa tibuuk kasulatan kini nga ekspresyon gigamit lamang nila Pablo ug Lucas, ug ni Pablo ikaduha lamang dinhi sa 1 Mga Taga-Corinto 13. Giagni ni Pablo ang mga magbabasa sa pag-ila sa senaryo sa Corintohanong mga magtotoo ngadto na sa mga bayani sa Griyegong mga trahedya. Usa sa Griyegong mga trahedya ang mahitungud sa usa ka ambisyoso ug mahigugmaon sa kaugalingong hari nga gihinganlag Agamemnon. Anaa siyay maanyag nga asawa nga gihinganlan og Clytemnestra, usa ka matahum nga anak nga babaye, si Iphigenia ug usa ka anak nga batang lalaki. Bisan pa sa daghang mga grasya sa iyang kinabuhi, wala gihapon siya matagbaw. Siya gusto nga mamahimong bantugan nga bayani, kay mao man kini ang panahon sa mga bayani. Sa dihang adunay nahitabong giyera tali sa Mycenaean nga mga Griyego ug mga Trojans, si Agamemnon naghatag og mando sa Panakayang Iggugubat ug Kasundalohan sa Mycenaea – ug mao kini ang eksaktong oportunidad nga mamahimong bayani. Apan, sa dihang nangandam sila sa pagpakiggubat adunay trahedya nga nahitabo nga mao unyay hinungdan nga mawad-an og posisyon si Agamemnon isip usa ka komander ug sa ingon ang iyang kahigayonan sa pagkabantugan. Ang Mycenaean nga mga Griyego nagtipon sa usa ka dakong panakayang iggugubat sa pantalan sa Aulis, pero ang hangin dili pabor niadtong higayona ug ang ilang mga barko dili makalarga gikan sa Aulis paingon sa Troy. Karon ang Griyegong rilihiyon niadtong panahona may kalambigitan sa pagsakripisyo sa tawo ug demonismo, ang maong mga kalihukan gidumala sa mga pari sa templo. Human nga ang mga barko natanggong sa pantalan sa


daghang mga adlaw, kining mga kaparian miduul ni Agamemnon ug mipasabut nga ang nakaingon sa pagkakulang sa hangin mao nga ang usa s a mga hayop nga sagrado sa diyosang si Artemis ang gipatay sa mga kasundalohan, ug nga tungud sa iyang kasuko gipahinay niya ang mga hangin. Aron sa pagpakalma sa kasuko sa diyosa, si Agamemnon kinahanglan mohimo sa usa ka dakong sakripisyo – ang kinabuhi sa iyang anak nga babaye (tungud sa paghigugma ni Iphigenia sa iyang amahan mihangyo siya nga mokuyog ug gitugotan kini sa pag-uban sa iyang amahan sa barko). Si Agamemnon makapakita pa unta og tinuud nga pagkabantugan ug balibaran niya ang pagpatay sa iyang anak nga babaye tungud og alang sa iyang daotang rilihiyon, pero wala niya buhata. Kon gibuhat pa niya, siguro matangtang siya isip tibuuk nga komander sa panakayang iggugubat ug kasundalohan ug ang iyang pangandoy nga mamahimong bantugang bayani dili matuman. Tungud sa pangibog ni Agamemnon nga mamahimong bantugang bayani labaw pa kay sa gugma niya sa iyang anak nga babaye, gitugotan niya ang mga pari sa paglunggo sa liog sa iyang anak nga babaye ug sa pagsunog niya isip halad ngadto kang Artemis. Ang mga kasundalohan nagtoo nga siya bantugan sa paghimo niining dakong sakripisyo, pero ang iyang asawa nga si Clytemnestra wala mooyon, ug grabe ang gibating kasuko sa dihang nadunggan niya ang balita sa madagmalon nga pagpatay sa iyang anak nga babaye. Pagkahuman sa gubat, si Agamemnon mibalik nga nagmadaugon sa usa ka bayaning pagsugat sa Mycenae. Naghulat usab kaniya ang iyang maanyag nga asawa. Nagpakaaron-ingnon siya nga nahigugma pa gihapon niya, pero sa iyang kasingkasing puno sa pait nga pagpanimalos. Sa dihang mibalik na si Agamemnon sa iyang panimalay, si Clytemnestra nag-andam sa maanindot og init-init nga tubig sa kaligoanan para sa iyang bana. Sa dihang mipahimutang na si Agamemnon sa mainit-init nga tubig sa kaligoanan, giitsahan siya og pokot sa liog sa iyang asawa ug sa pagtabang sa iyang kabit, Aegisthus, gitadtad siya ug pino-pino. Tungud sa iyang sobrang ambisyon sa pagkasikat, nahimo siyang outhen – walay bili. Ang pagkawalay bili sa may sayup nga kadasig nga mga magtotoo Ang Dios nahigugma sa Kristohanon sa bilyon ka bilyon nga mga katuigan. Siya midesinyo sa usa ka espirituhanong kinabuhi para sa Kristohanon aron usab kita mahigugma Kaniya uban ang binaslanay nga gugma. Pero, unsa may gihimo sa kadaghanang mga Kristohanon? Sila nalinga sa daghang mga butang nga maoy makapakgang sa pag-ugmad unta sa usa ka gugma alang sa Dios. Kini nga mga distraksiyon maoy masulub-on nga mga sayup sa mga Kristohanon karon – imbis nga mamahimong bantugan nga mga bayani, sila mga nangapakyas. Kon ang magtotoo makanunayon ang pagkat-on sa Pulong, moabut ang adlaw nga siya makaugmad sa usa ka gugma para sa Dios. Siya basin dili mahimong sikat o mailhan nga usa ka bantugan sa uban, apan sa plano sa Dios siya mamahimong usa ka bantugan ug halangdon nga magtotoo tungud lamang kay aduna siyay maayong mga gawi sa pagbalos sa gugma sa


Dios. Pero, kasagaran sa mga magtotoo pareho ni Agamemnon. Gusto silang mamahimong bantugan. Gusto sila og bahandi, promosyon, pag-ila, kalampusan, ug romansa labaw pa sa bisan unsang butang. Mao, nga wala sila naggahin og oras sa pagkat-on mahitungud sa Dios ug sa Iyang plano. Pagkatapos sa ilang mga kinabuhi, siguro sila nakakab-ot sa daghang mga butang – nag-apil na sa pagkatuman sa tanang mga tinguha sa ilang makasasalang kinaugalingong kinaiya – pero kon wala sila makakab-ot sa binaslanay nga gugma alang sa Dios, nahisama ra sila ni Agamemnon, walay bili. Kon aduna nimo ang tanang kulbahinam nga temporaryong mga gasa sa unang simbahan, pero wala kay gugmang ligdong, ikaw walay bili – dili importante ug walay impluwensiya. Ang mga tawo nga walay bili mao ang mga tawo nga kanunay dili malipayon. Busa, ang mga magtotoo sa Kapanahonan sa Simbahan nga pakyas sa pag-ugmad sa usa ka gugma para sa mga miyembro sa Trinidad mamahimong masulub-on nga mga walay bili. Pwede nga hilabihan ang imong moralidad; pwede ka nga usa ka sikat nga pastor o misyonaryo; pwede n imong ihatag ang 30% sa imong kuwarta sa Kristohanong mga karidad; pwede ka mag-ampo gikan sa buntag hangtod sa hapon, pero kon wala kay gugma sa Dios, ikaw walay bili. 13:3 "Ug kon akong ihatag tanan nakong mga kabtangan sa mga nanginahanglan og tabang [literal nga paghubad sa Griyego nga pulong psomizo] ug kon akong ihalad akong lawas [sa pagkamartir] nga ako makapasigarbo [kauchesomai], pero ako walay gugmang ligdong, ako walay maani.” Diha sa 1 Mga Taga-Corinto 13:1-2, si Pablo nagsulti nga bisan kon ang usa adunay pipila ka kulbahinam nga espirituhanong m g a gasa, pero wala siya maghuput sa gugmang ligdong, siya walay bili. Dinhi niini nga bersikulo si Pablo nagsulti nga bisan pa ang usa makamugna og dalaygon nga Kristohanong buhat o sakripisyo pero ang iyang motibasyon wala gipasikad sa iyang pag-ila, pagrespeto, ug pagdayeg sa Dios, siya walay maani. Ang paghatag sa tanan nimong mga kabtangan usa ka dalaygon nga paghatag. Dinhi niini nga ilustrasyon, ang Kristohanon mihatag sa tanan niyang bahandi aron siya mahimong kabus. Pareha gayud kini sa gihimo ni Barnabas (Mga Buhat 4:36-37). Si Barnabas, kinsa naglaraw sa pagkuyog ni Pablo sa misyonaryong mga biyahe, usa ka dato nga tag-iyahan og kayutaan nga may bantugan nga espirituhanong kinabuhi ug kompletong pagsalig sa probisyon sa Dios. Siya mihukum sa pagbaligya sa tanan niyang katigayunan ug sa paghatag sa halin sa mga kabus nga mga Kristohanon sa Jerusalem niadtong panahona. Pero, si Ananias ug ang iyang asawa nga si Sapphira (Mga Buhat 5:1-10) nagselos sa dihang nakadawat si Barnabas sa pag-uyon human niya gipanghatag ang iyang kuwarta (mismo si Barnabas wala nagtagad bahin sa aprobasyon. Gusto lamang niya nga makapahimuut sa Dios). Sa ilang kaibog sa aprobasyon sila namakak mahitungud sa ilang paghatag, misulti sila ni Pedro nga ilang ihatag ang tanang mga halin gikan sa pagbaligya sa ilang kabtangan sa katuyoan sa pagtabang sa mga nanginahanglan. Karon, hinumdumi nga walay


nagsugo kanila sa pagbaligya sa ilang kabtangan o sa paghatag og kuwarta sa mga pobre. Ilaha ra kadtong ideya. Tungud kay si Barnabas mibaligya sa tanan niyang kabtangan ug gipanghatag ang tanang mga halin gikan sa pagbaligya ngadto sa pobre, sila mihukum sa pagbuhat sa ingon aron sila makadawat sa aprobasyon nga naangkon ni Barnabas. Pero, sila nagdumili sa pag-amot sa tanan nilang kuwarta sama sa gibuhat ni Barnabas – sa laing pagkasulti, namakak sila mahitungud sa ilang paghatag aron lamang makakuha ug kinatas-ang aprobasyon. Si Ananias ug Sapphira dili bantugang mga Kristohanon nga kinsa kalit lang nahimong daotan pinaagi sa kahakog ug pagpamakak mahitungud sa ilang paghalad ngadto sa mga pobre. Sila nagpuyo sa tibuuk nilang espirituhanong mga kinabuhi gawas sa fellowship, nagpabilin ubus sa impluwensiya sa panghunahuna ni Satanas: “Unya si Pedro miingon, ‘Ananias, unsa naman kini nga si Satanas ang mipuno sa imong kasing-kasing’” (Mga Buhat 5:3a). Modangat pa og hataas nga panahon para makumpleto ni Satanas sa pagpuno sa stream of consciousness sa usa ka magtotoo diha sa iyang panghunahuna ug mga kinaiyahan. Ang espirituhanong kinabuhi usa ka sistema sa panghunahuna, pero si Satanas usab anaay mini nga espirituhanong kinabuhi nga may kalambigitan sa panghunahuna. Kon ang Kristohanon kanunay anaa sa gawas sa fellowship, makakat-on siya niini nga sistema. Kini maoy ensakto nga nahitabo kang Ananias ug Sapphira. Kini nga bakak dili talagsaon nga panghitabo, pero maoy resulta sa hataas nga paglihok gawas sa fellowship. Daghang mga Kristohanon nga sama nila ni Ananias ug Sapphira. Sila nalambigit sa daghang halangdong mga buhat, pero sayup ang ilang motibasyon kay wala silay tinuuray nga relasyon uban ang Ginoo. Sila nagtoo nga nakabuhat silag daghang mga butang para sa Ginoo, pero sa tinuuray wala silay nabuhat. Moabut ang panahon nga sila mangamatay sa dili mahimayaong kamatayon. Pipila ka mga paghubad nagkalahi mahitungud niini nga bersikuko og nagdepende kun unsa nga manuskrito ang gigamit. Pipila ka mga manuskrito naggamit sa Griyego nga pulong καυθησομαι (kauthesomai) samtang ang tulo ka pinaka kasaligan nga uncial nga mga manuskrito (gisulat sa panit sa mananap), ang Vaticanus ug Sinaiticus nga gisulat sa 4th siglo, ug Alexandrinus nga gisulat sa 5th siglo tanan migamit sa pulong καυχησομαι (kauchesomai) (pagpasigarbo, sa himaya). Usab, usa sa mga pinaka importante ang papyri, ang P36 (usa ka Chester Beatty Papyri nga gisulat niadtong 3rd siglo) naggamit sa pulong nga kauchesomai (pagpasigarbo, sa himaya). Wala bisan sa bantugang uncial nga mga manuskrito o ang pinaka sinaligang papyri naglakip sa pulong “kauthesomai” (pagasunugon). Dugang pa, ang kauthesomai usa ka future subjunctive in form, bisan pa kini nga gramatikal nga porma wala pa niadto sa Biblikal nga panahon, pero miabut lamang niadtong panahon sa Byzantine (4-15th siglo). Sa Bruce M. Metzger nga libro A Textual Commentary On The Greek New Testament ang tigsulat nagsulat: “Ang pagbasa og kauthesomai (=future subjunctive!), samtang makit-an panagsa sa panahon sa Byzantine, usa ka gramatikal nga hilabihang kangil-ad nga dili mapahinungud kang Pablo (Blass-


Debrunner-Funk, para. 28; Moulton-Howard, p.219).” Usa ka eskribo nga nagpuyo sa panahon sa Byzantine tinuyo nga giusab kini nga pulong. Sa tinuud, ang iya lamang gibuhat mao ang pag-usab sa usa ka letra. Pinaagi sa pag-usab sa Griyego nga letra ‘χ’ (chi) ngadto na sa ‘θ’ (theta) siya miusab sa tibuuk kahulogan sa pulong. Karon ang pangutana nagpabilin: ngano man nga iya kining gibuhat? Ang pinakaduul nga eksplinasyon mao nga ang eskribo nga responsabli niini hilabihan ang pagkadani sa Kristohanong pagkamartir ug wala mooyon sa kang Pablo nga negatibong pamahayag bahin sa Kristohanong pagkamartir. Ubus sa pihong mga kondisyones, ang Dios motugot sa pipila ka bantugan nga mga magtotoo nga mamahimong martir aron Siya mahimaya. Kon ang hamtong nga mga magtotoo mamahimong martir, sila magmadasigon pinaagi sa parehong walay kondisyon nga gugma para sa ilang mga isig ka tawo (lakip na kadtong mipatay kanila), ug personal nga gugma ngadto sa Dios. Dinhi sa maong teksto si Pablo nag-ingon nga ang motibasyon sa pagkamartir sa daghang mga hitabo para lamang sa kaugalingong kahimayaan. Si Pablo walay pagsalig sa motibasyon sa daghang mga magtotoo para sa pagkamartir sa unang bahin sa simbahan – pahimangno sa mga taga-Corinto nga kon ang usa mohatag sa iyang lawas para sa pagkamartir, pero walay gugmang ligdong, siya walay makab-ot. Si Pablo nihimo og isyu niini tungud kay dihay pipila ka Corintohanong mga magtotoo nga ningtuyo og pagkamartir sa ilang mga kaugalingon. Ang punoang kahulogan sa pulong kauchesomai mao ang “pagpasigarbo” o “pagpanghambog sa kaugalingon.” Niini nga konteksto, si Pablo naghimo sa paghulagway sa mga Kristohanon nga nanghambog ang ilang pagkamartir. Mao kini nga mga Kristohanon nga napakyas sa ilang espirituhanong mga kinabuhi. Human sa kinabuhing hingpit nga pagkapakyas espirituhanon, sila nagatoo nga ang pagkamartir maoy dihadiha nga makapahimo nila nga bantugang mga magtotoo uban ang dakong mga ganti sa eternidad – busa kini nagpasabut nga anaay merito ang pagkamartir mismo. Kon adunay merito sa pagkamar t i r mismo, busa ang tawo nga gimartir adunay katungud sa pagpanghambog. Dugang pa, kon adunay merito sa pagkamartir mismo, nan ang pagkamartir maoy makapahimaya sa Dios. A p a n , kini dili tinuud. Ang merito anaa sa pag-aplikar sa doktrina sa higayon nga ang bantugang magtotoo gimartir, dili ang pagbuhat sa pagkamartir. Ang pinaka sopistikado nga porma sa Griyegong pinulongan mao ang Klasikal nga Griyego niadtong 5th ug 4th nga mga siglo sa wala pa nagpakatawo si Kristo. Kini maoy lingguwahe nga gigamit sa mga Athenian nga mga Griyego ug sa mga bantugang mga tawo sama ni Socrates ug Plato. Pero, sa dihang gisulat ang Bibliya, Koine Greek (sa kadaghanan nga Griyego), ang minos ka sopistikadong porma gramatikal sa Griyego mao ang lingguwahe sa katawhan. Tungud niini, daghang mga magsusulat sa Kasulatan migamit lamang sa Klasikal nga Griyego (i.e. Lucas ug ang nagsulat sa Mga Hebreohanon) ug ang ubang mga magsusulat migamit sa usa ka panagsagol sa Koine uban sa Klasikal nga Griyego. Si Pablo maoy usa ka eksperto sa pagsagol niining duha ka mga lingguwahe, mao nga dili gayud ika tingala nga si Pablo migamit niining


duha ka Griyegong mga l ingguwahe niini nga teksto. Ang Klasikal nga Griyegong pulong sa walay bili mao ang ουθεν (outhen) samtang ang Koine nga Griyegong pulong sa walay bili mao ang ουδεν (ouden). Bisan pa nga adunay tangkod kapareho ang ilang kahulogan, sila magamit sa pagpahibalo sa hanap nga mga kalainan. Niini nga bahin sa teksto si Pablo una migamit sa porma nga Klasikal unya mibalhin ngadto na sa ubus nga klase sa Koine nga porma. Niini nga pamaagi, nakahimo siya sa pagpahibalo sa makapadani nga istorya ginamit lamang ang duha ka mga pulong. Sa ikaduhang bersikulo niini nga kapitulo si Pablo miila sa mga Kristohanon sa panahong Klasikal pinaagi sa paggamit sa pulong outhen. Kini gikinahanglan sa pagpaila sa magtotoo nga kini o kana b a siya potensiyal nga bayani o usa ka masulub-ong kapakyasan diha sa espirituhanong kinabuhi. Si Agamemnon walay bili (outhen) tungud sa iyang aroganteng kaibog sa kabantog; siya walay naani, siya namatay sa makauulaw nga kamatayon. Ang Kristohanon nga pakyas sa pagbuhat sa espirituhanong kinabuhi walay bili, ug walay maani (ouden), siya mamatay ubus sa pinakataas nga pagsilot (Mga Taga-Filipos 3:19, 1 Juan 5:16). Sa pagbalhin sa ubus nga klase nga ouden, atong nasabtan nga ang kapakyasan sa Kristohanon sa paghimaya sa Dios pinaagi sa sakto nga motibasyon maoy mas grabe pang makauulaw kaysa kapakyasan ni Agamemnon.


Ang Pagtoo-Pahulay nga Pagbansaybansay (The Faith-Rest Drill) (Ang pagpuyo sa pagtoo, usa ka pagbansaybansay nga maghatag og

kalinaw diha sa kalag) Ang paglakaw sa pagtoo usa ka pagbansaybansay nga kinahanglan nga bansaybansayon. Kini nga pagbansaybansay sa pag-aplikar sa pulong sa Dios sa mga kalisdanan ug mga pagsulay makahatag og kalinaw diha sa kalag. Kon ang magtotoo magpuyo pinaagi sa pagtoo, siya moaplikar sa mga Biblikal nga mga saad, mga prinsipyo ug mga doktrina pinaagi sa pagtoo diha sa iyang kasinatian. Ang pagpuyo sa pagtoo mao ang pagsalig sa panghunahuna sa Dios, og dili sa kaugalingong bakak nga panghunahuna. Pananglitan, ang Dios adunay perpekto nga hustisya ug tungud niini hingpit gayud ang Iyang pagka makiangayon sa tanan niyang mga binuhat, sa tanang panahon. Hingpit ang pagka makiangayon sa Dios diha kanimo matag minuto sa matag adlaw. Mao nga sayup gayud nga panghunahuna kon ikaw maghunahuna: ‘Ang katawhan ug kinabuhi dili makiangayon diri kanako.’ Wala ka ba makaamgo nga kon ang usa ka tawo dili makiangayon nga motratar kanimo, ang Dios makadisiplina niana nga tawo ug makahatag og sobrang panalangin para kanimo? Kon ang magtotoo nag-aplikar sa pulong sa Dios sa iyang mga problema ug mga presyur, siya makaangkon og kalinaw diha sa iyang kalag. Ang kamalinawon nagpasabut sa duha ka mga butang: ang kumpleto nga pagsalig sa Dios, ug ang pagkagawasnon gikan sa kahugyaw sa pangutok nga nagagikan sa emosyonal nga mga sala. Kon ang magtotoo nakontrolar sa mga sala sa panghunahuna sama sa kahadlok, kabalaka, kasuko, kasilag, kaselos, kayugot, kalooy sa kaugalingon ug uban pa, makabaton siya og estres sa iyang kalag. Pananglitan, kon mabalaka siya mahitungud sa mga problema sa pamilya, ang estres moabut gayud. Kini mapakita niining mosunud nga yanong pormula:

(mga problema + mga sala sa hunahuna = estres)

Ang estres makamugna sa usa ka kahugyaw diha sa kalag, samtang ang pag-aplikar sa doktrina sa Bibliya pinaagi sa pagtoo magbunga sa usa ka hilabihang kamalinawon diha sa kalag:

(mga problema + pag-aplikar sa doktrina sa Bibliya pinaagi sa pagtoo = kamalinawon)

Ang pag-aplikar sa mga saad, mga prinsipyo ug doktrina pinaagi sa pagtoo makanunayon gayud nga kabahin sa espirituhanong kinabuhi sa magtotoo. Si Abraham gisaaran og bantugang kaliwatan sa Dios pinaagi sa iyang asawa nga si Sarah, kay ang Dios dili gayud magdasig ni Abraham sa paggama sa iyang kaliwatan pinaagi sa pagpanapaw (Genenis 12:2; 13:16). Niadtong una si Abraham walay kalig-on espirituhanon sa pagsalig niini nga saad ug sa iyang


pagkadiskorahe siya nagtoo nga ang iyang kaliwatan magagikan pinaagi ni Eliezer (Genesis 15:2, 3). Bisan pa nga si Abraham 86 anyos na, siya nagpabilin nga wala motoo nga ang Dios makahimo og kaliwatan pinaagi sa iyang asawa, nga si Sarah (Genesis 16:1-3, 16). Ang saad unang gihatag na ni Abraham sa dihang nagpuyo pa siya sa iyang lungsod, ang 3rd Dinastiya sa Ur (Ur sa mga Chaldees). Niaadtong panahona siya wala pay 75 anyos human siya nagpuyo og daghang mga katuigan sa Haran, siya mibiya gikan didto sa pangidaron nga 75 anyos (Genesis 12:4). Midagan pa og sobra sa 24 ka mga tuig usa pa si Abraham nakatapok og igong doktrina sa Bibliya diha sa iyang kalag aron sa pag-ugmad sa usa ka pagtoo nga igo ang kalig-on aron sa pagsalig nga siya makabaton og usa ka anak pinaagi ni Sarah.

“Ug busa wala magkaluya diha nianang pagtoo, s iya sa hingpit nakasabut sa iyang kaugalingong lawas nga nahimong [sa pakighilawas] patay niadtong siya mokabat sa usa ka gatus ang panuigon sa samang paagi siya sa hingpit nakasabut sa pagkawalay kinabuhi sa tagoangkan ni Sarah [nahuman na sa pagmenopos]. Siya [Abraham] mibarag dili sa mga saad sa Dios pinaagi sa dili-pagtoo, apan lig-on sa pagtoo nga naghatag og himaya sa Dios ug sa hingpit naawhag sa unsay gisaad sa Dios [anak nga lalaki pinaagi ni Sarah], ang Dios makahimo usab sa paghatag.” (Mga Taga-Roma 4:19-21)

Imong makita, sa dihang si Abraham nagkadaghan ang iyang kasayuran mahitungud sa Dios, ang iyang pagsalig sa Dios misaka. Mga Taga-Roma 10:17 nag-ingon, “Ang pagtoo nagagikan sa pagpamati, ug sa pagpamati sa Pulong ni Kristo.” Ang magtotoo maminaw sa Pulong sa Dios karon, ug usa ka diyutay nga pagtoo ang maugmad. Unya maminaw siya ugma, ug usa ka diyutay nga pagsaka sa pagtoo ang maugmad, unya sa sunud nga adlaw, ug magpadayon siya sa pagbuhat sa ingon sa tibuuk niyang kinabuhi. Sa niining pamaagi ang iyang pagtoo mohinayhinay og kalig-on. Kini nga hugna por hugna nga kaugmaran sa pagtoo ang gihulagway sa usa sa mga Hebreohanon nga mga pulong para sa pagtoo, qawah. Kini nga pulong gigamit sa paghulagway sa proseso sa paghikot nga makamugna og usa ka malig-on nga pisi, ug kini usab gigamit sa paghulagway sa lig-on nga pagtoo sa usa ka hamtong nga magtotoo nga naghulat sa Ginoo (Isaias 40:31). Aron makahimo niining lig-on og dili mabugto nga pisi kinahanglan magsugud sa usa ka lugas nga lanot nga dali ra mabugto kon ipaubus sa presyur. Pero, kon kining usa ka lugas nga lanot ilubid sa ikaduhang lugas ug ilubid na pod sa laing lugas ug sa lain pa, usa ka malig-on nga pisi ang mabuhat. Ang prinsipyo mao kini nga mosunud: kun magkadaghan ang ilubid nga lugas, magkaanam pod og kalig-on ang maong pisi. Kini naglambigit sa proseso sa paghimo sa usa ka lig-on nga pisi nga naghulagway kun giunsa pag-ugmad ang pagtoo hugna por hugna. Ang unang lugas sa pagtoo maoy pinakahuyang. Pero, samtang ang magtotoo maglubid sa daghan ug daghan pa gayud nga lugas sa pagtoo, siya makaangkon gayud og usa ka malig-on nga pagtoo. Isip usa ka bata nga mga magtotoo, ang


atong pagtoo nahisama sa usa ka pino nga tanud. Kini walay gayuy kusog. Pero, sa dihang makakat-on na ang magtotoo sa daghan ug daghan pa gayud nga doktrina ug makaginansiya og kasinatian sa paggamit sa iyang pagtoo sa mga sitwasyon nga anaay presyur, siya makaugmad og usa ka lig-on, sama sa pisi nga pagtoo. Sa diha nga punto makalakaw siya pinaagi sa pagtoo, ug dili sa pagtan-aw (2 Mga Taga-Corinto 5:7). Sa wala pa ang Kapanahonan sa Simbahan, ang espirituhanong kinabuhi sa magtotoo mihatag og empasiya sa pagpuyo sa usa ka kinabuhi pinaagi sa pagtoo. Pananglitan, ang mga Hudiyo sa Exodo nga henerasyon gitudloan unsaon paglakaw pinaagi sa pagtoo sa dihang nagpabilin pa sila sa Egypt. Pananglitan, silang tanan gitudloan mahitungud sa saad nga gihimo sa Dios ni Abraham nga ang Dios mohatag sa mga Hudiyong katawhan sa usa ka nasud nga ilang kaugalingon, usa ka mauswagong yuta nga “nag-agas sa gatas ug dugos.” Unya, sa dihang namatay si Joseph, siya mibalibad nga ilubong sa Egypt, apan gibalsamar ug gibutang sa usa ka kaha ibabaw sa yuta. Iyang gipasaad ang mga Hudiyo sa pagkuha sa iyang mga bukog gawas sa Egypt ug ilubong didto sa yuta sa saad. N a n a ng mga bukog ni Joseph nagpabilin nga wala malubong, kini nagpasabut nga ang mga pamilya nga Hudiyo nga nagpuyo sa Egypt molabay sa kaha ni Joseph, ug ang amahan mosugid niini nga estorya sa iyang mga anak. Sa maong paagi makakat-on sila sa pagsalig sa Ginoo. Sila gitudloan nga ang ilang espirituhanong kinabuhi mao ang pagsalig sa mga saad sa Dios sama sa pagsalig ni Joseph sa saad sa Dios. Niini, ang mga Hudiyo adunay espirituhanong kinabuhi sa wala pa sila mitabok sa Pulang Dagat, sa wala pa sila makadawat sa Balaod ni Moses (ang Balaod ni Moses nagtudlo mahitungud sa krus, mahitungud sa pagsugid sa mga sala ug daghang mga butang nga may kalabutan sa katukuran, pero wala kini nagtudlo sa espirituhanong kinabuhi). Ang espirituhanong kinabuhi niining mga magtotoo mao ang pagpuyo sa ilang kinabuhi pinaagi sa pagtoo diha sa mga saad sa Dios ug mga prinsipyo. Pagsulay sa Pagtoo Kon ang Dios maghatag sa usa ka espirituhanong kinabuhi ngadto sa magtotoo, Siya magpadayon sa pagsulay sa espirituhanong kalig-on niana nga magtotoo. Busa, ang mga Hudiyo gisulayan ang ilang espirituhanong k inabuhi sa ilang pagbiya sa Egypt. Sama sa haligi nga kalayo sa gabii ug s a panganud sa adlaw, ang Dios n g a Anak, ang bugtong makit-an nga persona sa Trinidad, mituyo sa pagdala kanila ngadto sa lit-ag. Siya midala kanila didto sa walay lutsanan sa Pulang Dagat. Adunay mga bukid sa amihanan ug habagatan ug Dagat sa ilang atubangan. Sa kalit lang, sa likud sa daghang mga Hudiyo, mitigbabaw ang bagang panganud sa abog. Si Paraon Amenhotep II maoy nangulo sa pinakalig-on nga hukbong militar sa tibuuk kalibutan niadtong panahona. Ang nag-atubang niining pinakalig-on nga hukbong militar mao ang kapin sa usa ka milyon nga mga Hudiyo nga mga ulipon nga walay kabangkaagan sa pagpakig-away. Ang mga Hudiyo nga adunay kahibaw sa pagpakig-away mao lamang si Moses ug basin sirugo si Joshua ug Caleb. Sa tawhanong panglantaw


nahimutang sila sa walay pag-asa nga sitwasyon. Pero, walay imposibli sa Dios (Lucas 1:37). Sa pagkatinuud lang usa kini ka pagsulay sa ilang pagtoo tungud kay ang Dios misaad na sa mga Hudiyo nga sila magsimba Kaniya sa bukid sa Horeb:

“Karon si Moses nagbantay sa panon sa mga karnero ni Jethro, iyahang ugangan, ang par i sa Midian; ug siya nagdala sa panon ngadto sa kasadpan nga bahin sa kamingawan, ug miadto sa Horeb, ang bukid sa Dios.” (Exodo 3:1) “Ug Siya miingon, sa pagkamatuud Ako [Dios] magauban kanimo [Moses], ug kini mao ang tilimad-on alang kanimo nga Ako ang nagpadala kanimo: kon madala na nimo ang mga katawhan gawas sa Egypt, ikaw magasimba sa Dios niining bukira [Bukid sa Horeb ug Bukid sa Sinai pareha ra].” (Exodo 3:12)

Bisan pa adunay labaw sa usa ka milyon nga mga hamtong nga Hudiyo, si Moses lamang ang may espirituhanong kalig-on sa pag-aplikar sa saad niining wala nay paglaum nga sitwasyon. Samtang ang mga Hudiyo puno sa kahadlok ug pagsiyagit sa nagsing-abut nga kamatayon, si Moses miingon, “Ayaw kahadlok. Pabilin sa pagbarog ug saksihi ang pagluwas sa Ginoo. Ang Ginoo ang makig-away para kaninyo karon.” (Exodo 14:13). Ang mga Hudiyo mopasar unta niining maong pagsulay, pero kanunay silang nagpunting sa problema – mao ang nagsing-abut nga mga Ehiptohanong kasundalohan, imbis kaysa solusyon – ang pagsalig sa mga saad sa Dios. Sa sinugdan, si Moses mipunting sa mga nagkaduul nga mga Ehiptohanon aron sa pagsabut sa sitwasyon, pero sa dihang siya nakamatngon sa ilang sitwasyon nga wala silay paglaum sa kasundalohan, siya mipunting sa balaang solusyon, usa ka solusyon basi sa iyang pagsalig sa Dios ug sa saad nga gihatag sa Dios kaniya. Busa, siya naglakaw sa pagtoo ug nagpabilin nga kalma ubus niining makalilisang nga sitwasyon. Mga Prinsipyo sa Kahadlok ug Estres

“Samtang si Paraon nagkaduul, ang mga Israelites nagtan-aw pataas ug dihay mga Ehiptohanon ang nagmartsa sunud kanila. Sila nangalisang ug nagsiyagit ngadto sa Ginoo.” (Exodo 14:10)

Ang mga Hudiyo migamit og pagtoo sa kaluwasan; karon sila nanginahanglan aron pag-aplikar sa mga saad sa Dios pinaagi sa pagtoo niining presyur nga sitwasyon didto sa Pulang Dagat. Kon ang usa dili mogamit og pagtoo para sa kaluwasan, kini walay paglaum, sama usab kon ang usa dili mogamit og pagtoo sa espirituhanong kinabuhi, kini walay paglaum. Mga Taga-Colosas 2:6 nag-ingon, “Busa, sama sa imong pagdawat ni Kristo Jesus nga imong Ginoo [usa ka katandian sa pagtoo ni Jesu-Kristo nga iyang manluluwas], nan maglakaw diha Kaniya [ang espirituhanong kinabuhi human sa kaluwasan].” Migamit ta sa


pagtoo para sa kaluwasan, karon kita kinahanglan nga mogamit og pagtoo para sa espirituhanong kinabuhi. Ang bugtong kalainan mao ang hingtungdan sa pagtoo. Sa kaluwasan ang hingtungdan sa pagtoo mao si Ginoong Jesu-Kristo. Sa espirituhanong k inabuhi ang hingtungdan sa pagtoo mao ang panghunahuna ni Jesu-Kristo. Ngadto sa Exodo nga henerasyon ang seguridad maoy mas importante kaysa pag-aplikar sa doktrina sa Bibliya. Isip usa ka resulta sa ilang empasiya sa kaugalingong seguridad, sila nahilambigit sa emosyonal nga sala sa kahadlok. Ang kahadlok dili lamang usa ka dili-makatarunganon nga estado sa emosyon, apan kini usab usa ka magub-anong sala. Ang Dios dili motubag sa pag-ampo kon ang magtotoo gawas sa fellowship ug gigamhan sa iyang kinaiyang makasasala (Mga Salmo 66:18). Ang mga Hudiyo dili unta mag-ampo sa pag-ampo nga “Tabang! Tabang!” Hinoon, mag-ampo unta sila sa Amahan sa pagpasalamat sa oportunidad nga masaksihan nila ang gahum sa Ginoo sa pagpanalipod kanila didto sa Pulang Dagat. Ang kahadlok hinoon maoy nakaguba sa ilang panglantaw sa maong sitwasyon. Mga prinsipyo nga may kalabutan sa kahadlok:

1. Posible gayud nga makakat-on og daghang doktrina ug magkatibulaag diha sa kalit nga presyur nga sitwasyon.

2. Ang kalit nga katalagman sa kanunay mopahimutang sa magtotoo duha sa usa ka katarantang sitwasyon nga magresulta sa kapakyasan sa pag-aplikar sa doktrina sa maong sitwasyon.

3. Ang maisogon nga tawo makahimo sa paghunahuna nga ubus sa presyur nga hilabihan, samtang ang tawo nga may kahadlok dili gayud makahimo aron paghunahuna sa husto ubus sa presyur nga hilabihan. Ang kalainan mao ang abilidad aron sa pagpunting ubus sa presyur. Karon, kon ikaw adunay problema sa pagpunting diha sa normal nga mga sitwasyon, sigurado gayud nga ikaw adunay problema sa pagpunting ubus sa presyur diha sa dili normal nga sitwasyon.

4. Ang konsentrasyon dili lamang gikinahanglan diha sa pagkat-on sa doktrina sa Bibliya, apan bisan pa gani sa mas taas pa nga gidak-on sa pag-aplikar sa doktrina sa Bibliya. Kini gayud matinuud kon ang makasaysayong katalagman mahitabo, tungud kay diha sa makasaysayong katalagman ang usa adunay duha ka mga kategoriya sa presyur aron nga atubangon, mao ang personal ug nasyonal.

5. Ang kalisud ug presyur nga hilabihan sayon ra nga makamugna og estres. Kon ang magtotoo ubus sa estres, dili siya makahunahuna nga may katuyoan.

Ang mga Hudiyo mipakita sa tanang anaa sa ibabaw nga mga prinsipyo sa kahadlok pinaagi sa ilang pagrebelde kang Moses:

“Sila miingon kang Moses, ‘Tungud ba kay walay mga lubnganan sa


Egypt nga gidala mo kami sa kamingawan aron nga mangamatay?” (Exodo 14:11a)

Karon ibutang sa hunahuna nga kini nga mga Hudiyo dili kinahanglan aron mobiya sa Egypt. Si Moses wala mipugus kanila aron sa pagbiya. Ang mga tawo nga arogante dili moangkon og resposibilidad sa ilang mga desisyon. Dugang pa, si Moses sinugo lamang sa Dios. Dili kadto iyang ideya sa pagdala sa mga Hudiyo pagawas sa Egypt; usa ka sugo kadto sa Dios. Ang Dios mopagawas sa mga Hudiyo gikan sa pagka ulipon sa Egypt aron sila pagahimoon nga usa ka espesyal nga nasud (client nation) sa kasaysayan. Ang usa ka talawan mamatay sa makadaghan, pero ang maisog nga tawo mamatay lang sa makausa. Ubus sa kahadlok, ang emosyon maoy mokontrolar sa mga kalag niining mga magtotoo, ug sila mahimong dili makatarunganon. Diha sa ilang estado sa dili pagka makatarunganon, sila naghuput og bakak nga panglantaw sa ilang sitwasyon. Ang ilang bakak nga panglantaw mao nga sila murag nangamatay na. Ang tinuud nga panglantaw mao nga ang Dios nagluwas kanila.

“Dili ba kini mao nga pulong ang gisulti namo kanimo sa Egypt? Pasagdi lamang kami nga mamahimong mga ulipon sa mga Ehiptohanon tungud kay kini maayo para kanamo nga mahimong mga ulipon sa mga Ehiptohanon kaysa mangamatay kami sa kamingawan.” (Exodo 14:12)

Sa sinugdan, sa dihang nadungog sa mga Hudiyo nga ang Dios mopagawas kanila sa pagkaulipon, ilang gidawat ang maong ideya:

“Ug sa pagkadungog nila nga ang Ginoo nagpakabana alang kanila ug nakakita sa ilang kalisdanan, miduko sila ug misimba.” (Exodo 4:31)

Pero, sa dihang ang mga Ehiptohanon nagsugod og paglisod-lisod kanila, nausab ang ilang mga hunahuna sa pagpadayon:

“Ug sila miingon, maayo unta og ang Ginoo motan-aw kaninyo ug mohukum kaninyo [Moses ug Aaron]! Kay gihimo ninyo kami nga anso kang Paraon ug sa iyang mga opisyales ug nagbutang og espada sa ilang kamut aron sa pagpatay kanamo.” (Exodo 5:21)

Bisan sa makanunayon nga pasalig sa Dios, ang mga Israelites nagdumili sa pagpaubus sa ilang mga kaugalingon sa katuyoan sa Dios:

“‘Ug Ako magdala kaninyo sa yuta nga Akong gisaad uban ang pagtaas sa kamut nga ihatag kang Abraham, kang Isaac ug kang Jacob. Akong ihatag kini kaninyo isip katigayunan. Ako mao ang Ginoo.’ Si Moses misulti niini sa mga Israelites, apan sila wala


namati kaniya tungud sa ilang pagkadiskorahi ug mapintas nga kaulipnan.” (Exodo 6:8, 9)

Mga prinsipyo nga may kalabotan sa estres:

1. Ang kalisdanan mao ang gawas nga presyur sa kinabuhi; ang estres mao ang sulud nga presyur sa kalag.

2. Ang estres minugna sa atong kaugalingon; ang kalisdanan minugna sa ubang mga tawo ug sa gawas nga mga panghitabo.

3. Ang kalisdanan dili malikayan; ang estres opsiyonal. 4. Ang estres moguba sa espirituhanong kinabuhi sa magtotoo. Busa, ang

magtotoo kinahanglang hinganlan ang sala nga maoy hinungdan sa estres ngadto sa Dios nga Amahan sa labing madali nga panahon.

5. Aduna gayuy tino nga pakigrelasyon tali sa estres ug kahibalo, mao ang estres nagpaubus sa kahibalo.

6. Ang estres mohimo sa usa ka tawo nga hilimtanon ug magpaluya sa panumduman mahitungud sa pagkat-on sa bag-ong kahibalo. Busa, ang estres magpaluya sa abilidad sa pagkat-on.

7. Ang estres makaapekto sa pagpanabut sa tawo sa kamatuuran. Didto sa Pulang Dagat ang mga Hudiyo nga adunay estres sa ilang mga kalag miila sa ilang mga kaugalingon nga patay na.

8. Kon ang tawo nagpabilin d iha sa estres nga sitwasyon sa taas nga panahon, ang tanan niyang abilidad sa pagpanabut maguba, ug siya mosulud ngadto sa usa ka psychotic nga estado.

Ang mga tawo nga gidumala sa emosyon ug naghupot sa dili tinuud nga mga prayoridad dali ra nga mahiagum sa kahadlok kon ang presyur moabut. Kon ang pagtoo-pahulay nga pagbansaybansay o uban pang kasangkapan sa pagsulbad sa problema wala gamita kanus-a diin kita nag-atubang og lisod nga mga problema ug mga presyur, ang magtotoo dali ra mosulud sa estado sa kahadlok. Sa estado sa kahadlok ug estres, dili siya makasulbad sa iyang mga problema sa makatarunganon nga pamaagi. Kadto lamang lig-on nga Kristohanon nga may doktrina sa iyang kalag ang makahimo sa pagdala sa mga presyur sa kinabuhi ug makahimaya sa Dios. Kalig-on sa Pagtoo, Kahuyang sa Emosyon Karon, human ang Dios miluwas sa mga Hudiyo, nanag-awit sila sa maanindot og nagdayeg Kaniya sa ilang pagkaluwas, pero ang pagkanta wala nagpasabut ug espirituhanong kalig-on. Kini nga mga magtotoo wala nagdayeg ug nanag-awit tungud kay nagrespeto ug nahigugma sila sa Dios. Sila nagpakita sa ilang pagtamud sa D i o s tungud sa pagluwas kanila. Ang ilang pagtamud gibasi sa ilang emosyonal nga kahupay gikan sa pagkaluwas, dili sa ilang pagtamud sa Ginoo. Para niining mga Hudiyo ang pinaka importante nga prayoridad sa ilang kinabuhi mao ang ilang kaluwasan, dili ang maduyugon nga


relasyon uban sa Dios. Ang pagdayeg sa Dios ug pagkantag mga himno adunay kahulogan kon ikaw adunay suud nga pakigrelasyon uban sa Dios basi sa kahibalo. Apan, kon ang magtotoo ignorante sa Dios ug sa Iyang plano, ang iyang relasyon uban sa Dios gibasi sa emosyon. Ang emosyonal nga relasyon wala gayuy kalig-on! Ang usa makalambigit sa himno sa panghunahuna o sa emosyon o pareho kay ang himno may sulud nga parehong mga liriko ug melodiya. Ang katuyoan sa mga liriko mao ang pagpagana sa panghunahuna samtang ang katuyoan sa melodiya mao ang pagpagana sa usa sa iyang emosyon nga nakapahimuut. Kon ang magtotoo nakasabut ug nakadayeg sa mga liriko sa himno anha ra tungora nga siya makabenipisyo sa iyang pagkanta ug sa susamang paagi nalingaw sa melodiya. Apan, kon ang magtotoo wala nakasabut ug nakatamud sa mga liriko sa usa ka maayo nga himno, ang iyang pagkanta wala gayuy espirituhanong bili ug mamahimong kawang nga emosyonal nga kalihukan nga may iglabot lamang sa melodiya.

“Ang Ginoo mao ang akong kalig-on ug awit, ug Siya nahimo nga akong tigpanalipod. Kini mao ang akong Dios, ug ako magadayeg Kaniya. Ang Dios sa akong amahan; ako mopasidungog Kaniya.” (Exodo 15:2) “Ang mga pangulo sa Edom dismayado; ang mga tigpangulo sa Moab, nagkurog nga nagkuput kanila; ang tanan nga mga lumulupyo sa Canaan nangahanaw.” (Exodo 15:15)

Tulo ka mga adlaw human nanag-awit ang mga Hudiyo ‘ang Ginoo mao ang akong kalig-on,’ sila nagpakita nga wala gayud silay espirituhanong kalig-on kay sila dihadiha dayon ning sugod og mireklamo tungud sa presyur sa simpli nga pagsulay. Unya usa ka tuig nga milabay human sila mikanta mahitungud sa unsa sila ka masaligon diha sa panggubatan, ug unsa ang kalisang sa mga Edomite, mga Moabite ug mga lumulupyo sa Canaan diha kanila, ang Hudiyong kasundalohan nagdumili sa pagsulud sa yuta ug mihilak tibuuk gabii sa ilang kahadlok sa mga Canaanite! Busa, ang mga Edomite, mga Moabite ug mga lumulupyo sa Canaan dili na kinahanglang mabalaka sa maong henerasyon sa mga Hudiyo tungud kay ang maong mga tawo mitalaw sa pagpakig-away aron sa pagsulud sa yuta (Numeros 14:1-11). Tan-awa, ang magtotoo nakakanta ug nakadayeg sa Dios hangtod nga siya nakuyapan sa kakapoy, pero kining tanan kawang hangtod nga ang magtotoo adunay kalig-on sa iyang kalag nga gikan sa kahibalo sa Dios ug ang usa ka nagpadayonon nga fellowship uban Kaniya. Kini nga mga Hudiyo nakahimo og makasasalang emosyon sa pikas nga bahin sa Pulang Dagat ug dili makasasalang emosyon sa laing bahin sa Dagat. Sila nagduyan gikan sa pikas nga bahin sa emosyonal nga kahimtang (kahadlok) ngadto sa laing tumoy nga bahin (kahupay gikan sa pagluwas). Bugtong si Moses lamang ang may balaang panghunahuna sa iyang kalag ug tinuud nga kapasidad sa pag-atiman sa tanang mga sitwasyon sa kinabuhi. Nan, sa dihang


mikanta siya, adunay kahulogan. Para sa ubang mga Hudiyo a n g pa g-awit walay kahulogan, tungud kay sa matag higayon nga anaay presyur nga sitwasyon sila mabalak-on ug mahadlokon mahitungud sa ilang kaluwasan ug wala gayud nila bisan makausa gikonsiderar ang probisyon sa Dios ug plano para sa ilang mga kinabuhi. Mao nga nagpadayon sila sa pagreklamo ug pagreklamo hangtod nga sila nangamatay sa kamingawan tungud kay kadaghanan niining mga Hudiyo wala gayud nakakat-on sa pag-aplikar sa Pulong sa Dios pinaagi sa pagtoo diha sa ilang kasinatian.

“Kay kita natudloan man usab sa ebanghelyo ingon kanila [ang mga Hudiyo sa Exodo nga henerasyong mga magtotoo], apan ang pulong nga ilang nadungog [human sa kaluwasan] wala nagpulos kanila, tungud kay kadtong nakadungog niini wala man nagsagol niini [kahibalo sa Pulong] uban sa pagtoo. Kay kita nga nagtoo [sa mga saad, mga prinsipyo ug mga doktrina sa Pulong sa Dios] nagasulud sa maong kapahulayan [sa pagkakontento ug kalinaw tungud sa pagsalig sa Dios].” (Mga Hebrehanon 4:2, 3)


Mga Taga-Roma 5:5

Doktrina sa Bibliya ug Binaslanay nga gugma: Ang duha ka haligi sa pag-abante ngadto sa espirituhanong pagkahamtong

Mga Taga-Roma 5:5 “Ug ang pagsalig dili mapakyas, tungud kay ang gugma sa Dios gihuwad [nagalibot] nganhi sa atong mga kasingkasing [streams of consciousness] pinaagi sa personal nga ahensya sa Balaang Espiritu nga naghatag kanato alang sa atong kaayohan.” Ang pagsalig sa kanunay may iglabot sa kahibalo. Walay bisan usa nga adunay pagsalig kanus-a diin siya anaa sa estado sa pagkaignorante. Walay mosalig sa usa ka tawo gawas lamang og siya nakaila pag-ayo sa maong tawo. Una moabut ang kahibalo, ikaduha ang pagsalig. Dinhi nga bersikulo, ang pagsalig nagabasi sa atong pagpanabut sa walay katapusan nga gugma sa Dios kanato. Sa dihang ang magtotoo mahibalo mahitungud sa gugma sa Dios ug siya moresponde, siya modebelop og binaslanay nga gugma para sa Dios. Niini nga paagi, siya hinayhinay nga makakuha og pagsalig diha sa Dios ug sa plano sa Dios. Sa dihang ang magtotoo moabante sa espirituhanong kinabuhi, siya kinahanglang moabante uban sa duha ka mga haligi. Ang unang haligi naporma gikan sa iyang pagpanabut sa mga prinsipyo ug mga kategoriya sa doktrina nga makita sa Kasulatan. Ang ikaduhang haligi naporma gikan sa iyang gugma para sa (pagtamud, pagrespeto, pagsunod, paghalad sa) Dios. Kinahanglan nga adunay nagkadungan nga pag-abante sa duha ka mga haligi – nga mao ang doktrina ug binaslanay nga gugma. Pipila sa mga Kristohanon nakakat-on og daghang mga doktrina sa Kasulatan ug nakakat-on hasta sa gugma sa Dios, pero wala sila nakadebelop og gugma para sa Dios; wala gayud sila naglakaw pinaagi sa pagtoo o sa pagtamud sa grasya sa Dios, midebelop og balaang mga sukdanan ug mga pagkamaayo, o misulay sa pagpahimuut sa Dios diha sa ilang motibasyon, panghunahuna, mga desisyon, ug mga buhat. Kini nga mga Kristohanon sa kadugayan mosurender gayud ubus sa mga presyur sa kastigo o pagsulay. Ang bugtong gugma para sa Dios lamang ang maghatag sa gikinahanglan nga motibasyon alang sa pagsagakay aron malabngan ang mga lisud nga mga panahon sa kastigo o pagsulay. Ang ubang mga Kristohanon nagtamud sa ilang kaluwasan ug walay katapusan nga seguridad, ang mga liso sa gugma, pero wala sila nagkat-on sa kanunay diha sa preparado nga pastor. Busa, sa kadugayan ang ilang tinguha sa paghigugma mabungkag ug kini mapulihan sa emosyon o legalismo. Nanginahanglan kini og duha ka mga haligi sa pag-abante espirituhanon. Kon ang Kristohanon nagsulay sa pag-abante gamit ang usa lamang ka haligi, siya mapakyas. Kon ang Kristohanon nagkat-on gikan sa kuwalipikado nga ministro mahitungud sa gugma sa Dios para kaniya sukad pa sa milabay nga eternidad, siya makahimo sa pagtubag sa maong gugma uban ang binaslanay nga gugma


para Kaniya. “K ita nahigugma tungud kay Siya una nga nahigugma kanato” (1 Juan 4:19). Ang Kristohanon kinahanglan nga makasabut sa gugma sa Dios gikan sa milabay nga eternidad sa wala pa siya makadebelop sa paghigugma para sa Dios. Ang Griyego nga pulongan ‘η αγαπε του θεου (he agape tou theou) pwede pagahubaron sa bisan unsa “ang gugma sa Dios” o “ang gugma para sa Dios.” Dinhi kini pagahubaron sa “ang gugma sa Dios.” Sama sa pagpahibalo sa pastor sa ensakto mahitungud sa gugma sa Dios alang sa Kristohanon sa milabay nga eternidad, ang Balaang Espiritu nagpuno sa kalag sa magtotoo uban ang pagpanabut ug ang pagtamud sa gugma sa Dios. Ang Griyego nga pulong εκχεω (ekcheo – gihubad dinhi nga “gihuwad” o “gilibot”) naa sa intensive perfect tense. Ang intensive perfect tense nagpalutaw sa resulta sa nahuman na nga aksiyon. Ang nahuman na nga aksiyon mao ang pagtubo espirituhanon sa usa ka magtotoo ug ang iyang pagpanabut sa gugma sa Dios para kaniya sukad pa sa milabay nga eternidad. Kini nagresulta sa iyang paghigugma sa Dios. Kinsay nagtudlo sa Kristohanon mahitungud sa sabdyek sa gugma? Kini matuman pinaagi sa matinud-anon nga ministeryo sa Dios nga Balaang Espiritu – “pinaagi sa ahensya sa Balaang Espiritu.” Ang matinud-anon ug kuwalipikadong pastor mao ang tingog; ang Balaang Espiritu mao ang magtutudlo. Sama nga ang pastor mipahibalo sa impormasyon nga naghisgot sa gugma sa Dios para kanato, ang Balaang Espiritu nagtudlo ug nagpaliyok sa impormasyon sa atong stream of consciousness. Ubus sa pagpuno sa Balaang Espiritu ang magtotoo nagtubag sa gugma sa Dios uban ang gugma para sa Dios. Ang pagpuno sa Balaang Espiritu gihatag kanato ni Ginoong Jesu-Kristo para sa atong kaayohan. Ang Griyego nga dative of advantage nagkinahanglan nga atong hubaron ang katapusan nga parte sa mosunud: “para kanato alang sa atong kaayohan.” Usa sa pinaka dako nga kaayohan sa atong kinabuhi mao ang ministeryo sa pagpanudlo sa Dios nga Balaang Espiritu, tungud kay naghatag kini kanato sa pag-angkon sa pinaka dako nga posibleng gugma para sa Dios. Ang gugma alang sa Dios wala gayuy pagkapakyas

“Ug sa pag-ila sa gugma ni Kristo nga mas lapas pa sa [mas labaw] akademikong kinaadman [sa Griyego nga pulong γνωσις (gnosis)] aron mapuno kamo [ang pagpuno sa Balaang Espiritu] nga magresulta sa tanang kapuno [sa panalangin] gikan sa gigikanan sa Dios. Karon Kaniya [Amahan] nga makahimo sa pagbuhat sa walay kinutuban kaysa atong mapangayo [sa pag-ampo] o mahunahuna basi sa gahum [ang duha ka mga haligi: doktrina ug gugma] nga nagpadayon sa paglihok ngari kanato para sa atong kaayohan.” (Mga Taga-Efeso 3:19, 20)

Kon ang Kristohanon nakahibalo mahitungud sa gugma ni Ginoong Jesu-Kristo, gikan sa parehong pagka-Dios ni Kristo ug ang Iyang pagkatawo, unya


dayon ubus sa ministeryo sa pagpanudlo sa Balaang Espiritu kita makasugod sa paghigugma sa Dios. Dinhi nga punto sa espirituhanong pagtubo ang Dios nga Amahan magahatag kanato og mga butang nga labaw pa sa atong gitinguha ug gidamgo.

“Ug kita [ang Kristohanon nga nakasabut sa gugma sa Dios] nasayud nga kadtong mga nahigugma sa Dios, Siya naghimo sa tanang mga butang nga molihok para sa kaayohan [balaang kaayo] niadtong gitawag sumala sa iyang nahibaloan nang daan nga plano.” (Mga Taga-Roma 8:28)

Kini nga saad, nga nagtangtang sa tanang m ga kapakyasan sa kinabuhi, magamit lamang sa mga magtotoo nga adunay personal nga gugma para sa Dios. Kanus-a diin ang magtotoo adunay personal nga gugma para sa Dios, walay tawo o sitwasyon sa kinabuhi nga makapasubo kaniya tungud kay aduna siyay pagsalig sa mga saad sa Dios sa mga nahigugma Kaniya. Romansa nga walay kapasidad maoy makapahigawad Ang lig-on nga tinguha sa pagsulud sa romantiko nga pakigrelasyon uban ang mga tawo nagbunga og pagkapakyas ug pagkakawang. Gamay lamang ang mga tawo nga gihigugma sa pamaagi nga ilang gusto nga sila higugmaon o gitagad sa pamaagi nga gusto nga sila tagdon. Pananglitan duha ka mga tawo nga nagkahigugmaay nga nagminyo. Ang asawa nagdahum sa iyang bana nga siya higugmaon kanunay, ug ang bana nagdahum sa iyang asawa sa pagrespeto ug pagsunud kaniya sa kanunay. Bugtong ang duha ka hamtong nga mga magtotoo nga anaa sa fellowship ang makatuman niini nga mga pagdahum, pero bisan pa ang hamtong nga mga magtotoo dili sa kanunay anaa diha sa fellowship. Apan, kon ang usa nakaamgo nga kadaghanan sa mga magtotoo nga nagminyo dili hamtong nga mga magtotoo, siya makasugod sa pagsabut sa problema. Sila nagalihok ubus sa dili matuud nga mga ekspektasyon. Bugtong ang Dios lamang ang makahigugma sa magtotoo sa pamaagi nga makatuman sa tibuuk sa tanang mga ekspektasyon sa usa ka magtotoo. Unsay mahitabo kon ang mga Kristohanon mosulud sa romansa nga wala ang duha ka mga haligi? Unsay mahitabo kon ang Kristohanon wala higugmaa o tagda sa pamaagi nga iyang kagustohan nga siya tagdon sa laing tawo? Siya nagdebelop og demand-syndrome (usa ka kinaiya o pamatasan sa pagbungat). Ang asawa nagbungat ug paghigugma sa iyang bana, ug ang bana nagbungat og respeto ug pagsunud sa iyang asawa. Kon kining mga pagbungat dili matuman, sila mahimong pakyas. Gikan niini nga kapakyasan mahimong kapaitan, kalooy sa kaugalingon, ug kahiubus. Gikan sa kahiubus mahimong malisya, ug gikan sa malisya mahimong panimalos. Kon walay binaslanay nga gugma alang sa Dios ug doktrina sa kalag, ang Kristohanon mapakyas sa kaminyoon o sa bisan unsang pakigrelasyon sa kinabuhi.


Juan 15:1-8 Kristohanong Produksiyon

Ang mga kabataan kinahanglan makahibalo og ensaktong panghunahuna ug motibasyon ug matudloan sa pagkamapahiubsanon aron sa ingon malingaw sa paugnat sa kusog ug makasalmot sa ensakto kanila. Busa, ang mga ginikanan kinahanglan magtudlo sa ilang mga kabataan og kamanggihunahunaon, kalooy, pagkamaabiabihon, pagtamud, pagkamaangayon, ug pagkamatarong; kinahanglan magtudlo sa ilang mga anak og unsaon pagkontrolar sa ilang mga emosyon pinaagi sa ensakto ug rasyonal nga panghunahuna, ug bansayon ang ilang mga anak sa pagkamatinumanon ug pagkamatinahuron dili lamang kanila, apan apil na ngadto sa lihitimong mga otoridad. Dili nila pagatugotan ang ilang mga anak nga maglihok ubus sa kasuko, pagdumut, kapaitan, kabalaka, kahadlok, kalooy sa kaugalingon ug kahakog. Ang mga kabataan kinahanglan matudloan nga may motibasyon sa unsay ensakto ug makiangayon ug sa pagtuman sa ilang mga responsibilidad sa kinabuhi. Diha lamang kon ang mga kabataan namatutu sa ensakto nga panghunahuna; makakat-on og pagkamahiubsanon, ug naay ensakto nga motibasyon og sila karon andam na sa pag-apil sa paugnat sa kusog. Sama sa mga bata nga kinahanglan pagatudloan sa ensakto usa pa sila magmalipayon ug makaapil sa ensakto sa paugnat sa kusog, pareho usab sa Kristohanon nga kinahanglan makakat-on sa espirituhanong kinabuhi ug makadebelop og mahigalaong relasyon diha sa Dios sa dili pa siya makasalmot sa ensakto sa Kristohanong pagpangalagad*. Wala kini nagpasabut nga ang batang Kristohanon sulud sa fel lowship dili makasangyaw sa iyang mga mahal sa kinabuhi ug mga kahigalaan, apan kini nagpasabut nga kinahanglan nagtubo siya espirituhanon usa pa siya makaapil sa hingpit sa Kristohanong pagpangalagad. Kon siya wala nagtubo sa grasya ug kahibalo sa atong Ginoong Jesu-Kristo, dili gayud ensakto ang iyang motibasyon (2 Pedro 3:18, 2 Timoteo 3:16-17). Kon ang Kristohanon wala sa ensaktong motibasyon ug gawas sa fellowship, ang iyang Kristohanong pagpangalagad walay hinungdang mga patay nga binuhatan (1 Mga Taga-Corinto 13:2-3). Niini, si Juan nagtudlo nga ang Kristohanon kinahanglan konektado sa parras (kinahanglan sulud sa fellowship diha sa Balaang Espiritu ug adunay mahigalaong relasyon uban ni Ginoong Jesu-Kristo) kon siya gustong makaprodyus ug bunga. Juan 15:1 "Ako mao ang tinuud nga parras ug ang akong Amahan mao ang tig-alima.” Dinhi nga panagtandi si Jesu-Kristo sa hypostatic union mao ang parras ug busa siya ang yawe sa produksiyon sa bunga. Ang Dios nga Amahan mao ang tig-alima, ang tag-iya ug tagdumala sa parasan. Isip tig-alima, ang Dios nga Amahan mao ang nagbuhat sa plano para sa mga magtotoo sa Kapanahonan sa Simbahan. Ang Dios nga Amahan nagdesinyo og usa ka plano nga nagtutuk sa


binaslanay nga gugma. Ang Dios nahigugma kanato diha sa milabay na nga eternidad; kita kinahanglan makahibalo bahin niana nga gugma ug pagbalos sa maong gugma, sa paghigugma Kaniya isip balos. Dili lamang ang Anak sa Dios nahigugma kanato sa milabay na nga eternidad ug nagbuhat og daghang mga butang para kanato, pero isip Dios-tawo Siya nahigugma kanato ug mihatag ug daghang mga kahibulongang mga butang para kanato. Kun walay pagtamud ug paghigugma para ni Ginoong Jesu-Kristo, ang Kristohanon makaprodyus lamang og patay nga mga binuhatan gikan sa iyang mga buhat ug serbisyo. Kon ang Kristohanon nagtinguha sa pagprodyus og bunga, siya kinahanglan nga makabaton og usa ka mahapsay nga relasyon uban ang parras. 15:2 “Ang matag sanga nga anaa Kanako [pakighiusa diha kang Kristo] nga

dili mamunga, Iyang [ang Amahan isip tig-alima] alsahon siya pataas [warning ug gipagrabe nga disiplina] ug pagakuhaon siya [kamatayon nga disiplina], apan ang matag sanga nga mamunga, kini iyang pul-ongngan [dili angay nga pag-antos] aron kini mamunga pag labing daghan.” Bisan pa, ang tanang mga Kristohanon nahiusa diha kang Ginoong Jesu-Kristo hangtod sa hangtod, dili tanang mga Kristohanon ang makaprodyus ug bunga. Kon ang Kristohanon wala magpabilin sa fellowship diha sa Balaang Espiritu ug magtubo espirituhanon, dili gayud siya makaprodyus og bunga. Kon dili siya makaprodyus og bunga, siya pagadisiplinahon sa Dios. Ang Griyego nga pulong αιρω (aireo) nagpasabut og “pag-alsa ug pagkuha” ug kasagaran gihubad og “pagatangtangon.” “Pag-alsa” maoy panimaan sa balaang disiplina para sa magtotoo nga nagdumili sa pagpuyo sa fellowship para sa pagkat-on sa plano sa Dios. Klaro kaayo, kon ang magtotoo wala magkat-on sa plano sa Dios, dili siya makahimo sa pagbuhat sa plano sa Dios. Kon dili niya pagabuhaton ang plano, siya pagasilotan. Kon ang magtotoo wala nagresponde niining disiplina, siya pagakuhaon dinhi sa kalibutan pinaagi sa pipila ka pamaagi sa kamatayon (1 Juan 5:16). Bisan pa kini nga Kristohanon mamatay sa kaulaw, siya moadto gihapon sa langit human siya mamatay kay walay Kristohanon nga may gahum sa pagguba sa iyang kaluwasan. Ang nagtubo nga Kristohanon kinahanglan gayud pul-ongan. Sa analohiya aron sa paghimo sa nindot nga yutang sudlanan, ang sudlanan kinahanglan ibutang sa dangkahan. Nagkinahanglan kini og labing init nga temperatura aron sa pagprodyus og usa ka maanindot nga sudlanan. Mao usab ang mga magtotoo. Walay magtotoo nga mahimong bantugan nga wala moagi og daghang presyur. Samtang ang Kristohanon nag-abante sa espirituhanong kinabuhi, ang Dios naghatag para sa maong magtotoo og pipila ka dili angay nga pag-antos. Sa sumbingay, kini nahisama sa tig-alima nga namol-ong sa mga mabungahon nga mga sanga. Kon ang tig-alima wala namol-ong sa mga nagmabungahon nga mga sanga, sila mahimong minos ug minos ang produksiyon. Kon ang nag-abante nga magtotoo wala nakadawat og dili angay nga pag-antos panagsa, siya mahimong malinga ug maarogante. Dili siya makapadayon sa iyang pag-abante nga walay presyur.


15:3 “Kamo nangahinlo na [paghinlo sa wala-pa ang kaluwasan nga mga sala ug kasaypanan] tungud sa Pulong [ebanghelyo] nga akong gisulti [ang perfect tense nagpaila nga is ip resulta sa ebanghelyo, sila mitoo] kaninyo.” Sa Isaias 43:25 kini nag-ingon, “Ako bisan Ako mao kinsa ang nagwagtang sa imong mga kalapasan ug dili na Nako hinumduman ang imong mga sala.” Sanglit ang tanan nimong mga sala sa wala ka pa naluwas napasaylo naman sa higayon sa imong kaluwasan, kinahanglan nga wala nay pagmahay mahitungud sa imong mga sala sa wala ka pa maluwas. Nan, wala sa imong kinabuhi sa wala ka pa maluwas nga mahimong babag sa produksiyon sa balaanong kamaayo human sa kaluwasan. 15:4 “Pabilin kamo sa pakig-uban kanako [fellowship ug gugma para ni Kristo], ug Ako diha kaninyo [ang panghunahuna ni Kristo diha sa imong kalag]. Maingon nga ang sanga dili makabunga sa iya rang kaugalingon kon kini wala nagpabilin sa parras, sa ingon usab kamo dili [makapamunga] kon kamo wala nagpabilin sa pagkuyog [fellowship] uban Kanako [ang gugma alang sa Ginoo ang naghatag og motibasyon].” Walay pagpamunga kun wala ang pagpuno sa Balaang Espiritu ug sa walay pagkat-on sa espirituhanong kinabuhi. Ang pagkat-on sa espirituhanong kinabuhi nagadala sa paghigugma sa mga miyembro sa Trinidad nga mao ang katuyoan sa espirituhanong kinabuhi. Ang mga Kristohanon nga wala gayud nagkat-on sa espirituhanong kinabuhi nakahimo man sa daghang mga buhat, pero kini nga mga buhat sa kanunay mao ang patay nga mga binuhatan. Kon ang Kristohanon (ang sanga) wala diha sa fellowship uban sa Balaang Espiritu ug wala nagkat-on sa mga panghunahuna ni Kristo (nahimulag gikan sa parras), dili siya makaprodyus ug balaanong kamaayo. Aron sa pagprodyus og bunga ang Kristohanon kinahanglan magdepende sa duha ka mga gahum nga mao ang Pagpuno sa Espiritu ug ang Gahum sa Pulong sa Dios. Kon ang Kristohanon nagalihok sa tawhanong gahum, siya makaprodyus lamang og patay nga mga buhat. 15:5 “Ako mao ang parras, ug kamo mao ang mga sanga. Ang usa nga nagpabilin

sa pakig-uban kanako [fellowship sa Ginoo pinaagi sa Pagpuno sa Espiritu], Ako usab anaa kaniya [ang panghunahuna ni Jesu-Kristo diha sa kalag sa magtotoo nga nagaresulta sa paghigugma diha sa Dios], nagabunga og daghan tungud kay kun wala Ako [ang panghunahuna sa Ginoo], siya walay katakus sa pagbuhat og bisan unsa.” Si Jesu-Kristo mao ang parras. Sama sa sanga nga giamuma sa pagkaon gikan sa parras, mao usab kita nga kinahanglang amumahon pinaagi sa pagkat-on sa mga panghunahuna ni Jesu-Kristo pinaagi sa Pagpuno sa Ministeryo sa Balaang Espiritu. Si Jesu-Kristo sa Iyang pagkatawhanon nigugul og 30 ka mga


tuig sa pagkat-on ug pagdebelop sa Iyang espirituhanong kinabuhi (Lucas 2:52). Unya diha pa lamang siya nagsugod sa iyang tulo ka tuig nga ministeryo. Ang espirituhanong pagtubo kinahanglang mag-una sa pagpangalagad ug maayong mga buhat o bisan unsa pang laing balaanong produksiyon. Kon ang mga Kristohanon mosulud sa Kristohanong pagserbisyo nga walay pagsabut sa espirituhanong kinabuhi ug walay gugma para sa Dios nga Amahan, sa Balaang Espiritu ug kang Ginoong Jesu-Kristo, ang iyang Kristohanong pagserbisyo ug mga binuhatan mahimong patay nga mga buhat. Kadto lamang Kristohanon nga nag-abante espirituhanon pinaagi sa pagsabut sa pulong sa Dios ug sa pagdebelop og gugma alang sa Dios ang makahimo ug pagpamunga. Kon wala ang panghunahuna ni Jesu-Kristo sa atong kalag, dili kita makabaton og espirituhanong kinabuhi. Kon wala ang espirituhanong kinabuhi nga gihatag ni Jesu-Kristo diri kanato, dili gayud kita makahimo sa pagpamunga og bisan unsa nga bunga. 15:6 “Kon [pwede himoon sa magtotoo pwede dili] si bisan kinsa nga wala

nagpabilin sa pakig-uban [sa fellowship] ngari Kanako [ang magtotoo pakyas sa iyang motibasyon sa pagrespeto ug paghigugma sa Ginoo], siya ilabay sama sa sanga [balaanong disiplina sa tulo ka mga kategoriya: warning, gipagrabe ug kamatayon nga disiplina] ug mangalaya [walay espirituhanong kinabuhi patay nga mga buhat lamang]. Sila [piniling mga anghel] magtapok kanila [ang mga nangalaya nga sanga og nagrepresentar sa patay nga mga binuhatan] ug iitsa ngadto sa kalayo ug, sila [patay nga mga binuhatan] mangasunog.” Adunay duha ka mga matang sa mga sanga niini nga panagtandi, ang himsog ug ang patay. Ang himsog nga sanga nagprodyus og bunga samtang ang patay nga bunga nagrepresentar og patay nga mga buhat. Ang usa kinahanglang makasabut nga dili tanang mga panagtandi nga mitugma ang ilang mga mensahe sa hingpit. Busa, dinhi nga panagtandi, ang sanga nagrepresentar pareho sa magtotoo ug sa iyang patay nga mga binuhatan. Apan, kon ang mga sanga pagasunogon, wala kini nagpasabut sa magtotoo, apan sa iya lamang patay nga mga binuhatan. Ang magtotoo dili gayud pagasunogon. Bisan si Pablo klaro nga mipasabut nga bugtong ang patay nga mga binuhatan lamang sa magtoo ang pagasunugon, pero dili ang magtotoo.

“Karon kon si bisan kinsang tawo [ang Kristohanon] nagtukod og pundasyon [kaluwasan pinaagi ni Jesu-Kristo] uban sa bulawan, plata, o hamili nga mga bato [dako nga produksiyon pinaagi sa paghigugma sa Dios ug pag-ambit sa Iyang kalipay], kahoy, kogon, dagami [mga binuhatan ug Kristohanong pagserbisyo samtang gawas sa fellowship = patay nga mga buhat], ang binuhatan sa matag usa ka tawo makita ra unya; kay ang adlaw nagapadayag niini [si Jesu-Kristo magahukum sa matag usa ka magtotoo human sa pagsakgaw], tungud kay kini ipadayag pinaagi sa kalayo; ug ang maong kalayo mao ang magasulay sa kalidad sa binuhatan sa matag usa ka tawo. Kon ang buhat ni bisan kinsang tawo [bunga o balaanong kamaayo] nga iyang


gitukod nagpabilin, siya makadawat og ganti. Kon ang buhat ni bisan kinsang tawo [patay nga mga buhat] nasunog ra, siya mahiagum og pagkawala [sa mga ganti]; apan siya mismo maluwas [pagadalhon ngadto sa langit], bisan nga daw pinaagi sa kalayo [tanan niyang mini nga produksiyon pagasunogon].” (1 Mga Taga-Corinto 3:12-15)

Gusto ka bang makadungog og pipila ka butang nga kataw-anan? Tungud kay pipila sa mga Kristohanon dili sakto ang ilang pagsabut sa panagtandi sa Juan 15, sila nagtoo nga ang magtotoo nga wala nakaprodyus og maayong mga buhat itambog ngadto sa linaw nga kalayo ug pagasunogon. Ikaw ba nakaaninaw sa pagkawalay kabangkaagan niini? Ang tanang mga magtotoo pagausisahon sa ilang binanhaw nga mga lawas (Mga Taga-Roma 14:10-12). Sa binanhaw nga lawas, bisan pa ang Kristohanon nagtindog sa kalayo sulud sa napulo ka mga tuig dili gayud siya masunog. Ang binanhaw nga lawas dili gayud maguba o madunut sa bisan unsang paagi. Sa tinuud lang, dili man gani ang dili magtotoo sa iyang walay katapusan nga lawas masunog sa Linaw nga Kalayo; grabe ang iyang pag-antos, pero ang iyang lawas dili maguba sa kalayo. Sa imong hunahuna unsaon kaha pagsugakod sa dili magtotoo sulud sa trilyon ka mga katuigan ngadto sa Linaw nga Kalayo? 15:7 “Kon kamo nagpabilin sa pakig-uban [fellowship] kanako [pabilin ang

paghigugma sa usa para sa Dios], ug ang Akong Pulong nagpabilin kaninyo [ang panghunahuna sa Ginoo diha sa kalag sa magtotoo], bisan unsay inyong gusto, pangayo [sa pag-ampo] ug kini mahitabo para kaninyo.” Niini nga bersikulo atong nakita ang pag-ampo nga gigamit isip usa ka ehemplo sa pagpamunga. Ang Griyego nga pulong εαν (ean – nagpasabut ‘kon’) nagpaila sa usa ka kabihayag nga nagdepende lang sa kahimtang sa Kristohanon. Kon ang Kristohanon nagdebelop sa pagtamud ug respeto para sa Ginoo ug siya may motibasyon tungud sa iyang gugma para sa Ginoo sa tanan niyang gibuhat, nan siya makapangayo sa bisan unsang butang pinaagi sa pag-ampo ug kana nga pag-ampo pagatubagon. Kini nga pag-ampo nga saad dili lamang gihatag ni bisan kinsa nga magtotoo, pero sa magtotoo nga nahigugma sa Dios. Kini mao ang mga hamtong nga magtotoo. Ang mga hamtong nga magtotoo dili kuwanggol. Busa, siya dili mangandoy o mangayo sa mga butang nga kinuwanggol. Ang hamtong nga magtotoo adunay ensakto nga mga sumbadan ug mga sukdanan, ensakto nga motibasyon ug mga prayoridad. Mao nga, siya masaligan niini nga saad. 15:8 “Ang akong Amahan nahimaya pinaagi niini nga kamo nagbunga og daghan,

ug nan pamatud-i nga kamo akong mga disipolo.” Kon ang Kristohanon anaa sa fellowship uban sa Balaang Espiritu ug ang motibasyon nagagikan sa iyang gugma para sa Dios nianang tungura bisan unsa iyang buhaton kini bunga. Adunay klaro nga bunga nga makita sa tanan sama sa Kristohanong pagserbisyo ug maayong mga buhat. Apan, usab adunay halapad


nga lugar sa produksiyon nga dili makita. Tugoti ako sa paghatag og pipila ka mga ehemplo. Kon ang asawa nagsunud sa iyang bana tungud kay siya nahigugma sa Ginoo, kon ang estudyante nagtoon og maayo aron sa pagpahimuut sa Ginoo, kon ang bana mopasaylo sa iyang asawa para sa pipila ka kapakyasan tungud sa iyang aplikasyon sa grasya sa Dios, nan kini mao ang produksiyon. Ang bunga nagagikan sa mga magtotoo nga naglakaw sa ilang pagtoo, nagpasaylo sa uban pinaagi sa grasya, nag-antos apan wala nagreklamo tungod sa ilang respeto para sa Ginoo. Ang bunga maskin kini makita o dili-makita kinahanglan nga anaa sa ensakto nga motibasyon ubus sa Pagpuno sa Espiritu.


Mateo 7:1-2 Paghukum

Mateo 7:1 "Hunong sa paghukum [κρινω (krino)] aron kamo dil i pagahukman [dili makadawat og triple nga disiplina gikan sa Dios].” Ang Griyego nga pulong krino kon gamiton para sa tawo nagpasabut og paghukum, pagsaway, pagtabitabi, pagbutangbutang, pagpakaulaw. Walay Kristohanon nga may katungud sa matukiong pag-usisa sa ubang Kristohanon gawas kon sila naay gihuptan nga katungdanan nga nagkinahanglan nga ilang pagabuhaton. Kini nga bersikulo gisulat d iha sa imperative nga pagdili nga nagpasabut nga kinahanglan hubaron nato ang berbo uban sa kahulugan ‘sa paghunong sa usa ka butang nga imong ginabuhat.’ Ang durative present usa ka aksiyon nga nagsugod sa nangagi ug nagpadayon sa pagkakaron. Kini nga mga magtotoo nagsugod sa paghukum sa ubang mga magtotoo sauna pa ug nagpadayon sa pagbuhat hangtod karon. Mao nga, sila gimandoan sa paghunong. Ibutang ta nga ang usa ka magtotoo nakasala. Karon, kinsa may nag-atiman sa mga magtotoo nga gawas sa fellowship? Siyempre, ang Ginoo nagdisiplina sa mga magtotoo nga gawas sa fellowship – ug Siya wala nagkinahanglan og tabang! Sa bersikulo dos atong makita nga ang Kristohanon nga maghukum sa ubang tawo pagadisiplinahon para sa tulo ka mga sala. Una, siya pagadisiplinahon sa iyang paghukum. Ikaduha, bisan kinsa nga Kristohanon nga maghukum sa ubang tawo usa ka arogante. Mao nga siya pagadisiplinahon sa pagkaarogante. Ikatulo, nga sa dili madugay atong makita, ang magtotoo pagasilotan sa sala nga iyang gilitok mahitungod sa ubang tawo. Dili lamang ang Kristohanon makadawat og triple nga disiplina kon siya naghukum, apan usab sa samang paagi gihimo niya ang iyang kaugalingon nga misirabli ubos sa natural nga balaod sa kinaugalingong pagpahamtang nga kaalaotan. Sa matag higayon nga ang magtotoo nakasala ug migawas sa fellowship, gihimo niya ang iyang kaugalingon nga dili malipayon tungud kay ang matag sala adunay kabahin sa sulud niini nga tinong gidak-on sa natural nga kaalaotan. Nan, kon ang tawo nakasala, siya natural nga naghimo sa iyang kaugalingon nga wala nagmalipayon. Dili kini balaang disiplina, pero hinoon ang magtotoo sama ra nga nagsilot sa iyang kaugalingon. Palihog sa pagtimaan sa sunud nga pamahayag og maayo: Sa higayon nga kita nagsulti nga kanang tawhana gidisiplina sa Dios tungud sa tino nga sala, atong gipasabut nga kanang tawhana gidisiplina para sa mga resulta sa maong sala. Walay magtotoo nga gisilotan sa Dios tungud sa aktuwal nga sala mismo tungud kay ang matag sala gihukman na didto sa krus: “ug Siya mismo ang midala sa atong mga sala diha sa Iyang lawas” (1 Pedro 2:24a). Ang Hustisya sa Dios dili gayud mosilot sa duha ka tawo sa susamang sala. Sa milabay na nga eternidad, ang pagkamatarong sa Dios mibungat nga ang matag sala sa kasaysayan sa tawo pagasilotan. Didto sa krus ang Amahan misilot sa pagkatawhanon ni Jesu-Kristo para sa matag sala. Kini kumpletong nagtagbaw


sa Iyang hingpit nga pagkamatarong. Busa, ang Iyang pagkamatarong wala nagsilot ni bisan kinsa. Walay gisilotan tungud sa ilang mga sala. Nan ngano man nga ang mga dili-magtotoo ug mga magtotoo makadawat man sa pagsilot? Ang Dios nagsilot sa dili-magtotoo aron siya mosunud sa mga regulasyon mahitungud sa iyang tagsatagsa ka mga responsibilidad, sa iyang responsibilidad sa kaminyoon, pamilya ug sa iyang nasud. Ang Dios nagsilot sa pakyas nga magtotoo aron siya mahibalik sa fellowship ug mopadayon sa iyang pag-abante sa espirituhanong pagkahamtong. Ang tanang silot gidesenyo aron sa pagtabang sa gisilotan ug sa pagdiskurahi sa uban nga nakakita sa maong pagsilot sa pagbuhat sa ingon. Dugang pa, ang Dios sa kanunay nagsilot sa magtotoo gikan sa tinubdan sa Iyang gugma. Tungud kay ang Dios nahigugma sa matag magtotoo sa gugma nga walay katapusan, Siya mohimo sa tanan pinaagi sa Iyang gahum aron sa paghatag og motibasyon sa magtotoo sa pagkumpleto sa espirituhanong kinabuhi.

“Ug nahikalimot ba kamo sa tambag nga nagasangpit kaninyo ingon nga mga anak, ‘Anak ko [ang magtotoo], ayaw paga-isipa sa walay pagtagad ang disiplina sa Ginoo, ni maluya [madiskurahe ug moreak] kanus-a diin ikaw pagabadlongon Niya; kay ang Ginoo nagapanton kanila nga Iyang gihigugma [mga magtotoo] Siya nagadisiplina ug Siya nagalatus [grabe nga disiplina] sa matag usa ka anak nga Iyang gidawat.’ Tungud sa disiplina kamo nakalahutay [ang magtotoo nahimong lig-on pinaagi sa disiplina]; ang Dios nagatagad kaninyo ingon nga mga anak; kay kinsa ba ang anak nga wala gidisiplina sa iyang amahan? Pero kon kamo walay disiplina, nga niini ang tanan nanagpakaambit [tanang mga magtotoo nakadawat og disiplina], nan kamo mga pinaangkan [dili-magtotoo] ug dili mga anak. (Mga Hebreohanon 12:5-8)

7:2 “Kay pinaagi sa unsang paghukum [pagbutangbutang, tabitabi, pakaulaw]

ikaw naghukum, ikaw pagahukman [pagasilotan para sa pagbutangbutang, tabitabi, pakaulaw], ug pinaagi sa unsang sukud nga imong gisukud [ang sala nga imong gilitok mahitungud sa uban], kini sukdun balik kanimo [ikaw pagasilotan para sa sala sa uban nga imong gilitok].” Ang matag sala sa pulong gidasig pinaagi sa pipila ka sala sa hunahuna nga pagkaarogante. Pananglitan ang kasuko, pagdumut, pagkaselos, ug kaugalingong-pagkamatarong kining tanan nagdasig sa mga sala sa pulong. Ang tawo nga puno sa pagdumut siguro gusto nga magbutangbutang; ang masinahon nga tawo siguro gusto nga magpakaulaw sa iyang kaatbang; ang tawo nga naay kaugalingong-pagkamatarong siguro gusto nga magtabitabi sa ubang magtotoo. Ang tanang mga sala sa pulong gidasig sa pipila ka sala sa hunahuna. Bisan unsang sala sa pulong makahimo og upat ka pilo nga pagsilot. Atong ihulagway pinaagi sa paggamit ni Kristohanong A ug B. Si Kristohanong A


nagdumut ni Kristohanong B mao nga iyang butangbutangan si B pinaagi sa pagpakaylap sa hungihong nga si B nagmaluibon sa iyang asawa. Tungud niini si A makadawat og upat ka mga pagsilot:

1. Siya silotan para sa pagdumut. 2. Siya silotan para sa pagbutangbutang. 3. Siya silotan para sa pagpanapaw – ang sala nga iyang gilitok bahin ni B:

“pinaagi sa unsang sukud nga imong gisukud, kini sukdun balik kanimo.” 4. Siya silotan pinaagi sa balaod sa kinaugalingong binuhat nga kaalaotan.

Kini ang nagpatin-aw ngano ang mga Kristohanon nga ganahan magtabitabi diha sa Simbahan nagkalisud gayud. Hapit tanang Simbahan adunay mga pipila ka tigulang nga babaye o lalaki nga hanas sa pagtabitabi. Kini nga mga Kristohanon moangkon nga sila perpekto nga sila adunay katungod sa paghukom ug sa pagtabitabi mahitungud sa uban. Kini nga mga magtotoo napuno sa kaugalinong-pagkamatarong nga pagkaarogante. Kon ang kaugalingong-pagkamatarong adunay gibug-aton, dili gayud sila makalakaw. Apan, kining mga magtotoo nga adunay kaugalingong-pagkamatarong naghulagway sa ilang kaugalingon nga mga bantugang mga magtotoo. Kini nga mga magtotoo nag-isip sa ilang pag-antos nga dili angayan pero sa tinuud sila ubus sa triple nga disiplina gikan sa Ginoo inubanan sa ilang kinaugalingong binuhat nga kaalaotan. Ang usa kinahanglan makaamgo nga ang Dios makiangayon. Pananglitan, adunay pipila sa mga tawo ang nakighilawas. Karon, ang disiplina nga may kalabutan sa sala sa pakighilawas grabe gayud. Ibutang usab sa hunahuna nga ang Ginoo wala nagkinahanglan og bisan unsang tabang sa pagdisiplina sa maong tawo. Pero, atong ibutang nga ikaw midisider sa pagtabang sa Dios sa pagdisiplina sa maong tawo pinaagi sa pagtabitabi. Ang hustisya sa Ginoo nag-ingon nga kini dili-makiangayon. Busa, ang Ginoo mohatag diha kanimo sa silot nga iya untang ipahamtang sa tawo nga nakighilawas tungud kay ang maong tawo gisilutan naman sa imong pagtabitabi. Kasagaran ang mga tabian nagpakaulaw sa tawo nga inosente. Niini nga hitabo, ang Dios naghatag og ekstra nga panalangin sa biktima sa pagtabitabi. Kinahanglan nga kanunay gayud natong ibutang sa hunahuna nga ang Dios hingpit gayud nga makiangayon sa matag tawo. Busa, kon ang magtotoo maoy hinungdan sa ekstra nga pag-antos sa laing magtotoo, ang Dios kinahanglang magbalanse niini pinaagi sa ekstra nga panalangin. Mao kini ang hustisya sa Dios.


Fellowship uban sa Dios Konklusyon

Ang espirituhanong kinabuhi nga naghatag kanato og fellowship uban sa Dios nagsalig sa duha ka pareha nga mga hinungdan: ang doktrina sa Bibliya nga anaa sa kalag, ug ang pagpuno sa Balaang Espiritu. Ang Balaang Espiritu nagkuha sa doktrina nga atong gitipigan sa atong kalag ug nagpahimo kanato sa paghinumdum nianang doktrina sa matag aspeto sa atong paghimo og desisyon ug kaugalingong panghunahuna – sa laing pagkasulti silang duha gikinahanglan sa paggiya sa atong panghunahuna, aron ang atong panghunahuna mahisubay sa panghunahuna sa Dios, ug ang atong mga kalihukan makapahimaya Kaniya. Mao kini ang fellowship uban sa Dios. Ang doktrina sa Bibliya nagtudlo kanato mahitungud sa kinaiya sa Dios ug sa Iyang gugma para kanato. Ang gugma sa Dios dili emosyonal, apan usa ka ligdong (agape) nga gugma nga gilangkuban sa Iyang pagkamatarong, hustisya, grasya, ug pagkahibalo sa tanang butang. Ang fellowship uban sa Dios nanginahanglan og pagtamud niini nga mga aspeto/gilangkuban sa gugma sa Dios (labing hinungdanon ang kinaiya sa Dios) – ang pagtamud nga lawasnong gipakita pinaagi sa makanunayong pagpalandong sa Dios, pag-angkon sa eksperinsiyal nga pagkamatarong, ug pagpakita sa grasya sa Dios ngadto sa uban. Hibaloi nga kini nga mga ekspresyon sa Gugma tanan nagabasi sa panghunahuna (doktrina sa Bibliya diha sa kalag), dili sa mga emosyon. Ang mga emosyon gidesenyo para sa lawasnong pagpakita kun unsa ang anaa sa kalag; o, sa paghatag og katakus sa tawo aron sa pagtamud ug pagtubag kun unsa ang anaa sa kalag. Apan, kon ang mga emosyon pagatugotan sa paghari sa kalag (panghunahuna) ang bisan unsang resulta nga pagsulti o kalihukan mamahimong dili-rasyonal. Ang emosyon gihulagway usab isip buhat sa pagbati. Kon unsa ang imong gibati maoy basehanan sa imong kinabuhi, dili ka gayud makahimo sa pagbuhat sa plano sa Dios isip usa ka magtotoo ni Ginoong Jesu-Kristo. Sa pagdayeg sa Dios diin ang lider sa pagdayeg madasigon sa pag-ampo nga may bakgrawon sa musika nga nakahatag og kagana sa gibati ug sa atubangan sa nagbakho nga mga tawo, ang partisipante posibli nga ‘gibati’ nga siya adunay espirituhanong kasinatian. Sa sitwasyon nga pareha niini bisan ang dili-magtotoo makabati nga aduna siyay espirituhanong kasinatian. Ang tinuud mao nga sila gidaog sa ilang emosyon, ug sa kaso sa magtotoo ang iyang pagsimba sa Dios gibasi sa iyang mga emosyon imbis sa doktrina sa Bibliya nga anaa sa kalag ug ang pagpuno sa Balaang Espiritu (Juan 4:24). Ang magtotoo nga nagtugot sa iyang panghunahuna nga naimpluwensya sa iyang mga emosyon ang mapakyas sa Kristohanong pagserbisyo tungud kay ang iyang motibasyon sa pag-alagad sa Dios mao ang usa ka kagustohan aron ‘makabati’ sa pagkakumpleto, aron sa pag-angkon og pagdayeg sa uban, o posibleng naningkamut aron sa paghupay sa kasal-anan nga nabuhat. Kon ang Kristohanon nag-alagad sa Dios pinaagi sa emosyonal nga kagana, imbis nga sa


pagtamud sa kinaiya sa Dios ug sa Iyang personal nga gugma para sa matag usa ka magtotoo, ang iyang mga buhat mawalay kwenta, ug siya pagaisipong usa ka napakyas sa espirituhanong kinabuhi. Ang emosyonal nga magtotoo mapakyas usab sa panahon sa pagsulay, diin siya nanginahanglan sa paghunahuna sa doktrina sa Bibliya ubus sa pagpuno sa Balaang Espiritu aron sa pag-angkon og kadaugan batok ni Satanas, sa kalibutan, ug/o sa iyang kaugalingong unudnong mga t inguha. Kon ang mga emosyon nag-impluwensiya sa kalag ang magtotoo mogamit sa iyang kabubot-on aron sa paghatag sa iyang kaugalingong mga tinguha, imbis sa pagbuhat sa kabubot-on sa Dios. Kini labing hinungdanon para sa Kristohanon sa pagdebelop og gugma para sa Dios nga nagaresulta sa pagtubo sa grasya ug kahibalo sa Dios nga Amahan, Dios nga Ba laang Espiritu, ug n i Ginoong Jesu-Kristo. Aron sa pagtuman niini, ang magtotoo kinahanglan nga magtutuk sa iyang kinabuhi sa makanunayong pagkat-on ug pag-aplikar sa doktrina sa Bibliya samtang siya ubus sa pagpuno sa Balaang Espiritu. Aron sa pagpadayon sa pagpuno sa Balaang Espiritu, ang magtotoo kinahanglan nga magpadayon og pagbaton sa kaputli sa kalag. Tungud sa Iyang grasya ang Dios naghatag sa tanang mga magtotoo og mga pamaagi aron sa paghibalik sa fellowship – kon kita nakasala kita kinahanglan nga moangkon sa atong kasal-anan ug isugid ang atong sala diha sa Dios nga Amahan, aron kita pagahinloan aron mahibalik sa pagpuno sa Balaang Espiritu – ug sa pagpadayon sa fellowship uban sa Dios.


Kalugpungan

Doktrina sa Bibliya: Ang doktrina sa Bibliya mao ang tanan nga materyal nga

may kalambigitan sa usa ka gihatag nga hisgutanang Biblikal. Kon ang pastor-magtutudlo nagpaambit sa insaktong gisaysay nga doktrina sa Bibliya sa tinun-an uban sa pagpuno sa Balaang Espiritu, kadto nga doktrina motuhup sa iyang kalag ug andam na para sa aplikasyon sa iyang espirituhanong kinabuhi.

Kinaiyang Makasasala: Ang kinaiyang makasasala usa ka kinahanglanong kabahin sa matag tawo ug nagpuyo sa cell-structure sa atong tawhanong lawas. Ang kinaiyang makasasala gilangkuban sa lugar sa kalig-on nga naghimo og mini nga kamaayo; ang lugar sa kahuyang nga naghimo og sala; mga hilig paingon sa moral nga kaus-usan (legalismo) ug immoral nga kaus-usan, ug mga sumdanan sa kaibog. Kristohanong Pagserbisyo: Sa higayon sa kaluwasan, ang matag magtotoo misulud sa fulltime nga Kristohanong pagserbisyo. Ang pamulong nga “fulltime nga Kristohanong pagserbisyo” wala nagpasabut sa hagip-ot nga panglataw sa pagkapastor, pagka-ebanghelista, pagkamisyonaryo, o sa usa ka tawo nga nalambigit sa nagkalain-laing Kristohanong pagserbisyo nga mga organisasyon. Ang fulltime nga Kristohanong pagserbisyo nagpasabut sa pagbuhat sa plano sa Dios para sa Simbahan. Sa pagbuhat sa ingon, ang Kristohanon nagbuhat sa Kristohanong pagserbisyo pinaagi sa lima ka mga kategoriya sa pagserbisyo, mao ang mga mosunud:

1: Ang Kristohanong pagserbisyo nga may iglabot sa espirituhanong gasa sama sa gasa sa pagtabang, ebanghelista, pastor-magtutudlo.

2: Ang Kristohanong pagserbisyo nga may iglabot sa pagkapari, sama sa pag-ampo.

3: Ang Kristohanong pagserbisyo nga may iglabot sa harianong embahador, sama sa pagsangyaw.

4: Ang Kristohanong pagserbisyo nga may iglabot sa dili-makita nga impak, sama sa “panalangin sa kaubanan” nga madawat sa mga tawo nga kauban sa hamtong nga magtotoo.

5: Ang Kristohanong pagserbisyo nga may iglabot sa mga balaod sa balaang katukuran sama sa pagbayad og buhis, pagboto, ug pagserbisyo sa militar. Pagpuno sa Balaang Espiritu: Ubus sa pagpuno sa Balaang Espiritu, ang Dios nga Balaang Espiritu naghatag sa gahum aron ang Kristohanon makasabut, makatuhup, makahuput, makahinumdum, ug makaaplikar sa Pulong sa Dios. Ubus niini nga ministeryo, ang Balaang Espiritu ang atong tigmatutu – atong awtoridad, tigdasig, tigtambag, ug magtutudlo.


Timan-anan sa Balaang Kasulatan

Genesis 12:2 ................................ ................. 21 13:16 ................................................................... 21 15:2, 3 ................................ .............. 22

Exodo 3:1 ................................ .................. 24 3:12 ................................ ................. 24 4:31 ................................ ................. 26 5:21 ................................ ................. 26 6:8, 9 .............................................................. 27 14:10-13 ........................................................ 24, 26 15:2 ................................ ................. 28 15:15 .............................................................. 28

Mga Salmo 66:18 .......................................................... 8, 25

Mga Proberbio 23:7 ................................ ............. 10, 11

Isaias 40:31 ................................ ................ 22 43:25 ................................ ................ 35

Mateo 28:19-20 ................................................................ 7

Marcos 11:25, 26 .......................................................... 4

Lucas 1:37 ................................ ................. 24 2:52 ................................ ................. 36

Juan 4:24 ................................ ................. 42 14:15 ................................ ................ 13 16:14 ................................ ................ 13

Mga Buhat 4:36- 37 .......................................................... 17 5:1-10 ............................................................. 17

Mga Taga-Roma 4:19-21 ............................................................... 22 8:28 ................................ ................. 32 10:17 .............................................................. 22 14:10-12 ......................................................... 37

1 Mga Taga-Corinto 2:16 ................................ ................. 10 3:12-15 ........................................................... 37 6:19 ................................ ................. 14 12:28 ................................ ................ 14

13:2-3 ............................................................. 33 15:51-54 .............................................................. 13 2 Mga Taga-Corinto 5:7 ................................ .................. 23 Mga Taga-Efeso 3:19, 20 ............................................................... 31 4:6 ................................ .................. 14 4:23 ................................ ................. 10 Mga Taga-Filipos 2:5 ................................ .................. 10 3:19 ................................ ................. 20 Mga Taga-Colosas 1:14 ................................ ................... 3 1:27 ................................ ................. 14 2:6 ................................ .................. 24 3:2 ................................ .................. 10 1 Mga Taga-Tesalonica 4:15-17 ................................................................ 13 2 Timoteo 3:16-17 ................................................................ 33 Mga Hebreohanon 4:2, 3 . . . . . . . . . . . . . . . . . . . . . . . . . . . . . . . . . . . . . . . . . . . . 29 12:5-8 ............................................................. 40 12:6 ................................ ................... 5 1 Pedro 2:24 ................................ ................. 39 5:7 ................................ .................... 8 2 Pedro 3:18 ................................ ................. 33 1 Juan 4:19 ................................ ................. 31 5:16 ................................ ............ 20, 34

Documents

Fellowship uban sa Dios, Unang Basahon - … 2 - Fellowship uban sa Dios, Unang Basahon kalambigitan ngadto sa kalag, ug dili sa lawas o sa iyang mga emosyon. Busa, ang fellowship