Jahkeraporta2012

jahkeraporta 20122

almmuheaddji:

Finnmarkseiendommen – Finnmárkkuopmodat, Torget, 9711 Lakselv l post@fefo.no l www.fefo.no ovdasiidogovva: Lena Marianne Kristiansenhábmen ja bordin: Trykkeriservice AS

3www.fefo.no / tlf 09975

Ovdasánit2012 molsojuvvui FeFo direktevra vuosttaš háve, go Jon Meløy giitii iežas ovddas maŋŋil go lei leamaš 6 jagi hoavdastuolus. Áigodagas 2006 rájes lea FeFo huksen organisašuvnna mii doaibmá bures. Mii leat ovdánahttán njuolggadusaid iešguhtetge valljodagaid hálddašeapmái FeFo eatnamiin, buoremussan Finnmárkku álbmogii. Dasa lassin lea dahkkon stuorra bargu hukset buori luohttámuša olu geavaheaddjiberoštumiid gaskkas fylkkas. Odne vásihuvvo FeFo:s leame stuorra legitimitehta fylkka ássiid gaskkas.

FeFo lea dál doaibmamuttus ja lea áigi iskat gokko mii sáhttit buoridit iežamet ja šaddat eanet doaimmalažžan. Stivra lea danne bivdán hálddahusa čađahit olggobeale evaluerema, árvvoštallan dihte leago FeFo organiserejuvvon jierpmálaččat ja ulbmilaččat. Min biras vuordá ahte FeFo ii geavat eambbo resurssaid go dárbbašlaš, seammás go mis lea rievttes gelbbolašvuohta ja árjjat bargguid ektui maid galgat čoavdit. Mii geahččalit dasa lassin addit nu buriid bálvalusaid go vejolaš olu geavaheaddjijoavkkuide Finnmárkkus.

Finnmárkkulága ulbmila mielde lea FeFo váldodoaibma hálddašit valljodagaid buoremussan Finnmárkku ássiide ja earenoamážit sámi kultuvrra, boazodoalu, meahccegeavaheami, ealáhusdoaimmaheami ja servodateallima vuođđun. Dat lea stuorra ovddasvástádis ja leat olu oaivilat maid dat konkrehtalaččat máksá. Čielggadan dihte dan leat mii atnán olu árjjaid ráhkadit strategalaš plána, mas Finnmárkku álbmot lea viidát leamaš searvvis. Mii addet plána álbmoga sávaldagaid dovddaheapmin. Pláná biddjo danne vuođđun min bargui. Mii deattuhit aktiivvalaš gulahallama geavaheaddji- ja berošteaddjijoavkkuiguin. Almmolaš digaštallan FeFo birra, váikkuha ahte mis olles áiggi leat Finnmárkku servodaga beroštumit ja dárbbut guovddážis. Dan dihte sávvat mii dakkár digaštallama bures boahtin.

Oktasašvuođa árvvuid hálddašeaddjin ferte FeFo vuhtiiváldit olu dávjá. Dávjá leat russolas beroštumit maid ferte veardidit guhtet guoimmiska vuostá. Diehttelasat diehttelasat leat boahttevaš buolvvat min ovddasvástádus. Dat dahká ahte mii eat álo sáhte čuovvolit ovtta joavkku ja ovttaskas olbmuid sávaldagaid ollásit. Mii áŋgiruššat rabasvuođa FeFo doaimma ektui. Dan mielde addá dat jahkedieđáhus obbalaš dieđuid FeFo doaimma birra 2012:s.

Buorre lohkamuš!Leavdnja 1. 3. 2013

Jan Ollidirektevra

Bartaeallin. govva: lena marianne kristiansen

jahkeraporta 20124

Jahkeraporta 2012Mii lea FeFo?FeFo lea sierra riektesubjeakta ja galgá hálddašit eatnama ja luondduvalljodagaid jna. maid oamasta lága ulbmila ja Finnmárkkulága njuolggadusaid mielde muđui.

Finnmárkkulága váikkuhus lea ahte Finnmárkolaččain lea oamastanráđđejupmi, ja gieldda ja stáhta eiseválddit galget fas čađahit válddi. Oamastanráđđejupmi lea institušunaliserejuvvon FeFo bokte, nu ahte FeFo hálddaša eatnamiid buot Finnmárkku álbmoga ovddas.

FeFo lea eananeaiggát mii ferte čuovvut lágaid, njuolggadusaid, ja almmolaš eiseválddiid nugo buot eará eananeaiggádatge. FeFos ii leat guđegelágan almmolašvuođarolla eaige almmolaš hálddašandoaimmat.

EkonomiijaFeFo:s lei 2012:s su. 9,6 miljovnna kruvnno buorrinbáza ovdal vearu. Das gullá das gullá su. 3,6 miljovnna doibmii ja su. 6 miljovnna eatnamiid vuovdimii maŋŋil go iešguhtetge prošeaktagolut leat gesson eret. Vearrogollu lea su. 2 miljovnna ja boađus maŋŋil vearu lea su. 7,6 miljovnna. Jagi 2012 buorrinbáza dagaha ahte FeFo:s lea buorre ekonomalaš doaibmaplattforbma boahtte áiggis.

Sárggáid/muorrasajiid addin, dimbarfállan báikkálaš kundariidda, luossasajiid juolludeapmi ii leat 2012:s gokčán hálddašangoluid. Sisaboađut earret eará čatnon sárggáid/muorrasajiid addimii ja unnit dimbarfállamii báikkálaš kundariidda, ja luossasajiid addimii merrii, eai leat 2012:s, nugo ovdalaš jagiidge, gokčan buot FeFo goluid hálddašit ortnegiid. Govččakeahtes vuolláibáza lea unnon olu jagiid, ja lea unnit 2012:s go 2011:s. Ođasmahtti valljodagaid govččakeahtes vuolláibáza gokčojuvvo eará sisaboahtogálduid buorrinbáhcagiin. Organsašuvdna bargá doaimmalaččat unnidit dárbbu ruhtadit russolasat. FeFo áigu almmatge dáhkidit govttolaš meahccevalljodagaid fidnema maiddái boahtte áiggis.

Eará valljodatsurggiid siskkobealde nugo biegga- ja čáhcefápmu, čievra, minerálat ja eatnamat lea FeFo:s lea guhkit

áiggi sisaboađuid sihkkarastin oktasašvuhtii guovddážis. Dann háliida FeFo láigohit areálaid ovdalii go vuovdit eatnamiid. FeFo lea árjjalaš eananeaiggát mii lea veahkkin heiveheame ođđa bargosajiid báikádeami, regionála oamasteami ja báikkálaš árvoháhkama. Dat lea ávkin sihkkarastit ássama vuođu ja geasuheaddji ássanbirrasiid fylkkas juoga mii maiddái lea deaŧalaš sihkkarastin dihte sámi kultuvrra vuođu.

Organisašuvdna2012 loahpas ledje FeFo:s 37 bargi. Lassáneapmi lea 2 olbmo 2011 rájes. Go ođđa direktevra galggaimet oččodit virgái 2012:s sirdojuvvui luohppi direktevra ođđa seniorráđđeaddivirgái mas galgá bargat áššiiguin čatnon Finnmárkkukommišuvnna raporttaide. Nubbi ođđa bargi bargá meahcceossodagas.

FeFo:s lea dán lihkolaš dilis ahte lea leamaš unnán bargiidmolsašupmi. Dát addá dárbbašlaš muossáneami organisašuvdnii mii lea áibbas sorjavaš bargiid obbalaš fágalaš gelbbolašvuođas ja vásihusain.

Ovttasbargu earáiguinFeFo:s lea iežas máŋggabealat doaimmas geažil olu oktavuohta iešguđetlágan servodatdoibmiiguin.

Min deaŧaleamos ovttasbargoguoimmit leat gielddat, main lea bajimus ovddasvástádus areálahálddašeamis plána- ja vistelága bokte. Dát láhka addá areálageavaheami stivrejumi ollásit gielddaide sorjákeahttá gii lea eananeaiggát. FeFo rolla eananeaiggádin lea čuovvolit gielddaid areálaplánaid Finnmárkkulága rámmaid siskkobealde.

Eará surggiin lea FeFo:s viiddis ovttasbargu ollu almmolaš eiseválddiiguin, berošteaddjiorganisašuvnnaiguin, báikkálaš organisašuvnnaiguin ja ealáhusaiguin. Árjjalaš eananeaiggádin ferte FeFo ovttasbargguin ja servvoštallamiin sihkkarastit ahte valljodatávkkástallan ja árvoháhkan boahtá Finnmárkku álbmogii buorrin. Eaiggátáŋgiruššamiin ja buriid bealálaččaiguin ovddida FeFo eananvalljodagaid geavaheami ceavzilis lági mielde Finnmárkkulága ulbmiliid mielde.

5www.fefo.no / tlf 09975

FeFo orgánaid čoahkkáibidjuStivrra čoahkkáibidjuStivrras lea leamaš čuovvovaš čoahkkáibidju 2012:s:

Sámediggi nammadan:Nubbinjođiheaddji - Isak Ole HættaToril Bakken Kåven persovnnalaš várrelahttu

Nils Johan Gaup - Elisabeth Klogh Hegge persovnnalaš várrelahttu

Klemet Erland Hætta - Elin Henriksen persovnnalaš várrelahttu

Finnmárkku fylkkadiggi nammadan:Jođiheaddji Harald Larssen - Lisbeth Sandtrøen persovnnalaš várrelahttu 31.08. rádjái. - Svein Oddvar Iversen persovnnalaš várrelahttu 01.09. rájes.

Inga Manndal - Knut Mortensen(31.08. rádjai) persovnnalaš várrelahttu

Lise Svenning - Svein Oddvar Iversen(31.08. rádjái) persovnnalaš várrelahttu

Bente Haug - Veronica Andersen(01.09. rájes) persovnnalaš várrelahttu

Raymond Robertsen - Ingolf Erling Eriksen(01.09. rájes) persovnnalaš várrelahttu

Stivrra barguStivra lea doallan 9 stivračoahkkima ja meannudan 74 ášši.

Deaŧalaš áššiin mat leat meannuduvvon stivrras 2012:s sáhttá namuhit:• Geresnjárgga industriijaguovllu opšuvdnašiehtadus, Mátta-

Várjjat gielddas• Saltvika geađgeválddahaga opšuvdnašiehtadus, Álttá gielda • Ođđa direktevrra oččodeapmi virgái • Cealkámuš Nussira ohcamii oažžut luoitinlobi• Badjelbáhcaga geavaheapmi ja eaiggátstrategiijat • Areála vuovdin (Gáhkkorjeaggi) Álttá gildii• Váidda mearrádussii eretbidjat ealgabivddus

Finnmárkkuopmodagas • FeFo njuolggadusat dálá visttiid meannudeami várás

meahcis • Vuovddi árvomeroštallama ruhtadeapmi Mátta-Várjjagis• Hamnefjell šiehtadus fitnodagain Finnmark Kraft • Monnečoaggima lihttoláigoheapmi Gonagasulluin

Bearalvági gielddas• Sponsoršiehtadusat • FeFo cup ovttasbargošiehtadusa 2012-2014 guhkideami • Håvard Klemetsena sponsoršiehtadusa guhkideapmi

Stivrra čoahkkimat earáiguinSámediggi ja fylkkadiggi nammadeaba goabbáge 3 miellahtu stivrii. Álggu rájes 2006:s leat čađahuvvon okta dahje guokte

gulahallančoahkkima politihkalaš dásis Sámedikkiin ja fylkkagielddain gos FeFo hástalusat digaštallojuvvojedje.

Jagi 2012 gulahallančoahkkima váldofáttat ledje eaiggátstrategiijat, badjelbáhcaga geavaheapmi ja proseassat čatnon dasa.

Dárkkistanlávdegotti čoahkkáibidjuDárkkistanlávdegoddi lea leamaš čuovvovaččat biddjon čoahkkái 2012:s.

Stáhta nammadan:Marianne Olssøn, - Hans Petter Graver jođiheaddji persovnnalaš várrelahttu Sámediggi nammadan:Josef Vedhugnes - Synnøve Solbakken-Härkönen persovnnalaš várrelahttu

Finnmárkku fylkkadiggi nammadan:Eva Danielsen Husby - Einar Johansen persovnnalaš várrelahttu

Dárkkistanlávdegotti barggutDárkkistanlávdegoddi lea siskkáldas orgána FeFo:s mii galgá gozihit stivrra doaimma. Dárkkistanlávdegoddi geahčada vuogádatlaččat buot stivrra beavdegirjjiid fuolahan dihte ahte stivrra mearrádusat čuvvot finnmárkolága ja eará lágaid. Dasa lassin galgá dárkkistanlávdegoddi dohkkehit FeFo jahkerehketdoalu, jahkečilgehusa ja revišuvdnačilgehusa. Dárkkistanlávdegoddi lea doallan 3 čoahkkima 2012:s ja gieđahallan 16 ášši.

Vuoruhuvvon barggut 2012:s2012: lea manni doaibma leamaš guovddážis maŋŋil go organisašuvdna, vuogádagat ja njuolggadusat leat ovdánahtton olu jagiid. Dan oktavuođas lea álggahuvvon olggobeale evalueren organisašuvnnas Dasa lassin lea álggahuvvon proseassa árvvoštallat kantuvrraid Kárášjogas, Vuonnabađas ja Girkonjárggas. Bargu dainna joatkašuvvá 2013:s.

Finnmárkkukommišuvnna bargu lea deaŧalaš FeFo:i. FeFo váldo miellaguoddu lea ahte jus ovttasge leat vuoigatvuođat FeFo-eatnamiin mat leat vuođđuduvvon norgga láhkii de galget dat dohkkehuvvot. Seammás ferte FeFo oktasašvuođa árvvuid hálddašeaddjin áittardit ahte leat doarvái duođaštusat daidda vuoigatvuođaide, amas oktiige addot vuoigatvuođat mat sis eai leat našunála rievtti mielde. 2012:s lea Finnmárkkukommišuvdna almmuhan 1 fealta/guovllu, Stiertná/Sievjju raportta. FeFo áigu dahkat mearrádusaid raportta konklušuvnnaide 1. jahkebeali 2013:s.

DiehtojuohkinFeFo bargá obba áiggi buoridit diehtojuohkinbarggus sihke siskkáldasat ja olggobeallái. Eai leat almmatge čađahuvvon earenoamáš doaimmat 2012:s.

jahkeraporta 20126

Doaibma lea juhkkojuvvon golmma váldosuorgái eanan ja vuoigatvuođat, ealáhus, ja meahcci. Dasa lassin leat veahkkedoaimmat nugo ekonomiija, bargoveahka, diehtojuohkin, IKT ja dulkon/jorgaleapmi.

EANAN- JA VUOIGATVUOĐATFeFo:s lea giddodatvuođđu (grunnbokshjemmel), ja eaiggáduššá 46 600 km2 dahje su. 96 % Finnmárkku fylkkas. Eananhálddašeapmi lea čadnon čuovvovaš doaibmasurggiide:l eananláigohanšiehtadusatl eananláigohanohcamatl opmodatvuovdinl opmodatovdánahttinl opmodat- ja riektesihkkarastin

2012:s oaččui FeFo oktiibuot 1355 ohcama oažžut lobi geavahit eatnama oktan gullevaš vuoigatvuođaiguin. Dát lea sullii seamma dássi go 2011:s goas bohte 1277 ohcama.

EananláigohanšiehtadusatFeFo:s leat badjelaš 12.000 doaibmi šiehtadusa. Ulbmil eananláigohanšiehta-dusaiguin lea ahte FeFo láigoha eatnama iešguhtetge áigumušaide nugo viessosajiide, bartasajiide, eanandollui ja ealáhusvistesajiide. Sii geat láigohit eatnama mákset jahkásaš láiggu, eananláigohandivada areála geavaheamis.

Šiehtadusaid hálddašeapmái gullá áššemeannudeapmi šiehtadusaid sirdima oktavuođas go viesut ja barttat molsot eaiggáda vuovdima ja árbbi geažil, šiehtaduseavttuid čuovvoleapmi, eananláigohandivada mudden ja gáibideapmi, láigoregistara ođasmahttin, oktavuohta advokáhtaiguin, opmodatsoabahalliiguin ja Stáhta kártadoaimmahusa gulahusain (Statens kartverk tinglysningen).

2012:s gieđahallojedje 408 eananláigohanrievtti sirdima gárvvisin, mii lea 10 % badjáneapmi 2011 ektui.

FeFo regulere láigohandivada kruvnnoárvvu rievdama mielde, namalassii konsumhaddeindeaksa rievdama mielde. Man dávjá dat regulerejuvvo mearriduvvo eananláigohanšiehtadusas.

EananláigohanohcamatFeFo gieđahallá eananohcamiid iešguhtetlágán áigumušaide Finnmárkku-lága ja Sámedikki meahccegeavaheami earáhuhttima njuolggadusaid mielde. Váldonjuolggadussan háliida FeFo ahte dákkár ohcamat galget čuovvut gielddaid plánaid. Jus ohcan mieđihuvvo ásahuvvo vuoigatvuođadokumeanta mii dábálaččat lea eananláigohanšiehtadus.

2012:s oaččui FeFo 46 viessosadjeohcama, mii lea niedjan 2011 ektui goas bohte 54 ohcama. Dan 46 ohcamis mieđihuvvo jedje 31, 2 leat gieđahallama vuolde, 6 ledje eahpeáigeguovdilat. 4 ohcama leat hilgojuvvon, ja 3 eai leat meannuduvvon.

doaibmasuorggit

Sverre paveleanan ja vuoigatvuođaid jođiheaddji

Galledeapmi vuolit trangdal bartaguovllus, Fálesnuoris. govva: sverre Pavel, FeFo

7www.fefo.no / tlf 09975

doaibmasuorggit

Biilabissánansadji bartaguovllus kongsfjordfjellas (Getnjas, Getnjeváris). govva: lena marianne kristiansen

Bohte 51 ohcama oažžut bartasaji 2012:s, mii lea lassáneapmi 2011 ektui goas bohte 33 dakkár ohcama. 17 leat mieđihuvvon, 11 leat gieđahallojuvvome, leat 6 main váilu ášše-meannudandivat dahje leat eahpeáige-guovdilat, 2 leat biddjon vuordimii ja 15 leat hilgojuvvon.

Ledje 10 lassieanan- dahje guohtunareála-ohcama, lassáneapmi 2011 rájes goas bohte 8 ohcama. Dan logis leat 6 mieđihuvvon, 1 hilgojuvvon ja 3 fas leat meannuduvvome.

FeFo evttohuvvon meannudannjuolg-gadusat visttiide meahcis main eai leat šiehtadusat sáddejuvvojedje gulaskuddamii 2011 čavčča. Stivra mearridii njuolggadusaid geassemánus 2012:s.

Opmodatvuovdin2012:s bohte 119 ohcama oastit eatnama. Lassáneapmi lea 67 % 2011 ektui goas bohte 71 ohcama. Dain 119 ohcamiin leat 80 juolluduvvon ja 9 hilgojuvvon. Earáide lea fas fállan láigohit dan sadjái go oastit, ášši lea ain meannuduvvome dahje ášši lea loahpahuvvon dainna go ohcci ii leat dohkkehan fálaldaga dahje leat loahpahuvvon eará sivaid geažil.

Lassin dábálaš opmodatvuovdimii de luobaha FeFo eatnama almmolaš luoddaáigumušaide. Okta ovdamearka dasa lea ođđa luodda Idjavuonduoddara badjel ja E105 ođasmahttin Hessengas Storskogii Mátta-Várjjat gielddas. FeFo ovddidii ášši riektái oažžut buhtadusa mássaid váldima oktavuođas E105 luddii. FeFo ii vuoitán iežas čuoččuhusain ahte váldon mássat galget máksojuvvot. FeFo oaččui baicca dábálaš areálabuhtadusa.

FeFo šiehtadalai 2012:s Finnmárkku dearvvašvuođain huksensaji vuovdima ođđa buohccivissui. Bealálaččat eaba šaddan ovttaoaivilii hatti dáfus, muhto šattaiga ovtta oaivilii ahte haddebidjan galgá dahkkot šiehtadusárvvoštusain. Ášši vurdojuvvo meannuduvvot 2013:s.

Álttá gielda lea reguleren sullii 80 dekára viessohuksemii, gohčoduvvon Gáhkkorjeaggi lulli. Gielda dovddahii árrat ahte áiggui oastit areála. Haddešiehtadallamiid vuođđun ledje guokte sorjakeahtes árvomeroštallama huksensajis. Šiehtadallamat ollašuhttojedje ja bealálaččat soabaiga oastinhatti 2012 válbmanedje.

jahkeraporta 20128

Opmodat- ja riektesihkkarastinFeFo stuorra ja mearrideaddji eananeaiggádin oassálastá aktiivvalaččat gielddaplánaproseassain. Earenoamážit berošta FeFo buktit relevánta dadjamušaid gielddaplána areálaoassái. Go lea mearriduvvon gielddastivrras mearrida plána guđeládje buot eananareálat sáhttet geavahuvvot, sihke priváhta ja FeFo-eatnamat. 2012:s lea FeFo addán árvalusaid Láhpi gieldda plánaprográmmii ja Deanu gieldda gielddaplána doaibmaoassái.

Bargu Finnmárkkukommišuvnna FeFo-eatnamiid vuoigatvuođaid kártema ektui lea leamaš deaŧalaš ja vuoruhuvvon doaibma

2012:s masa leat geavahuvvon olu bargiid árjjat. FeFo lea oassalastan gulaskuddančoahkkimis mii čađahuvvui Sállan čielggadanguovllu várás. Dán oktavuođas lea FeFo ovdanbuktán olu áigeguovdilis dokumeanttaid maid lea addán kommišuvdnii. Nubbi jahkebealli 2012:s lea FeFo leamaš várrejuvvon geahčadit kommišuvnna vuosttas raportta mii lea Stiertná ja Sievjju várás.

FeFo oassálasttii olu Geovekstprošeavttain 2012:s. Prošeavttain ovttasbarget ollu doaimmaheaddjit earret eará Stáhta kártadoaimmahat, gielddat, luoddadoaimmahat, fápmofitnodagat ja

GIEldA/GUOVlU sUbmI

Áltá, Hámmárfeasta, Láhppi ja Ákŋoluokta 120 000

Várggát 50 000

Čáhcesuolu 45 000

Hámmárfeasta 30 000

Muosát 35 000

Mátta-Várjjat 500 000

Porsáŋgu 120 000

taBealla 1. FeFo oasi juohkáseami iešguhtetge Geovekstprošeavttaide oainnát tabeallas vulobealde.

doaibmasuorggit

Stivrra galledeapmi Geresnjárggas Girkonjárggas. govva: jan henrik hætta

9www.fefo.no / tlf 09975

taBealla 1. FeFo oasi juohkáseami iešguhtetge Geovekstprošeavttaide oainnát tabeallas vulobealde.

FeFo sihke divodemiin ja ođđasitkártemiin. Ulbmil lea oažžut buohkaid geat oččoše ávkki buriin ja ođasmahttojuvvon kárttain searvat. Dainna lágiin beassá kártet stuorát guovlluid go doaimmaheaddjit ieža livčče nagodan.FeFo lei stevdnejuvvon bealálažžan 22 eananjuohkináššis 2012:s. Buohtastahttin dihte lei FeFo stevdnejuvvon 19 áššis 2011:s. Okta ášši mii lea prinsihpalaččat mávssolaš lea geavahanortnet maid Eananjuohkinriekti mearrida Detsikaluddii Álttás. Ášši álggahuvvui 2011:s. Duopmu áššis celkojuvvui vuosttaš jahkebealis 2012:s. Duopmu cealká ahte sullii bealli luottas lea priváhta ja bealli gullá gildii. FeFo guoddalii eananjuohkin rievtti duomu go FeFo oaivvildii ahte olles luodda gullá gildii. Álttá gielda geassádii dasto ášši, ja luodda lea šláddjejuvvon gieldda luoddan.

FeFo lea oasálaš Norge Digitialtas, mii lea našunála goavdi buot báikáigullevaš dieđuid (geodata) čohkkemii ja gieđahallamii Norggas. FeFo:s lea earret eará dan vuođul lagas ovttasbargu gielddaiguin ja Stáhta kártadoaimmahagain Finnmárkkus kvaliteahtasihkkarastit matrikkela opmodatdieđuid (opmodatrájiid, vuoigatvuođadiliid jna), mii lea buot riikka opmodagaid almmolaš opmodatregisttár.

Opmodatovdánahttin 2011:s bođii ozái GTI eiendom AS opšuvnna areálii Gerenjárggas (Pulkneset) Mátta-Várjjat gielddas. Dan vuođul dahkkui 2012:s opšuvdnašiehtadus ovdánahttit areála industriija/ealahusareálan.

Nordterminal AS ovddidii 2012:s opšuvdnaohcama su 1200 dekára sturrosaš

guvlui Mátta-Várjjat gielddas. Lea jurddá ovdánahttit areála Oljju ođđasitlastenterminálan. Šiehtadallamat álge 2012 loahpas ja vurdojuvvojit nohkat ođđajagimánus 2013:s.

Eai juolluduvvon bartahuksensajit ođđa bartaguovlluin 2012:s. FeFo:s leat almmatge muhtun guoros huksensajit boares guovlluin. Dat leat biddjojuvvon www.finn.no:i. Huksensajit juolluduvvojit dađistaga go bohtet ohcamat.

Bartaguovlluid dássi lea šaddame alit. Olbmot háliidit luotta bartta lusa ja áinnas el-rávnnji bartii. Dát gáibida ollu eambbo plánema regulerenbarggu vuolde ja mielddisbuktá alit heivehangoluid ja ja divraset sisabeassanbileahta huksejeddjiide.

Bargu gávdnat praktihkalaš čovdosiid infrastruktuvrra (luottaide ja biilabissánan-sajiide) doaibmaovddasvástádussii ásahuvvon bartaguovlluin jotkojuvvui 2012:s. Silisávžži-guovllus earáhuhttet čovdosat čadnon luottaide ja biilabissánansajiide otná regulerenplána. Dat lea digaštallojuvvon bartaservviin ja Guovdageainnu gielddain.

Lea álggahuvvon plánabargu Nedre Trangdal bartaguovllu hárrái Fálesnuori gielddas 2011 čavčča mas lea ulbmil čorget luottaid ja biilabissánsajiid mat leat huksejuvvon lobi haga. 2012 geasi čađahuvvui oktasaš galledeapmi bartaguovllus mas ledje guoskkahuvvon boazodoalloorohat, gielda ja FeFo fárus. Ulbmil galledemiin lei árvvoštallat guđeládje FeFo galgá šláddjet iešguhtetge luottaid bartaguovllus.

GIEldA bArTAGUOVlU

Álttá gielda Bolloseter, ovttasbargá priváhta eananeaiggádiin plána hárrái

Fálesnuori gielda Bajit Skáiddeluohkká (Skaidilia)

Guovdageaidnu Vuorašjávri, ohcan regulerenrievdadeami

Porsáŋgu Lávkajávri Davvi (infrastruktuvrra huksen) ja Roddenjárga

Mátta-Várjjat Elgbekken, unnit earáhuhttimat regulerenplánas

Deatnu Áitejohka (infrastruktuvrra huksen)

taBealla 2. Vulobealde oidno obbalaččat maiguin regulerenplánaiguin ja bartaguovlluiguin lea bargojuvvon 2012:s.

jahkeraporta 201210

Søren karlstrømveahkkedirektevra ja ealáhusa ja ovdánahttima jođiheaddji

doaibmasuorggit

EAlÁHUsBieggafápmuFinnmark Kraft oaččui 2012:s konsešuvnna bieggafápmorusttegii Rákkočearus Bearalvági gielddas, ja šiehtadus gaskal fitnodaga Finnmark Kraft ja eananeaiggáda FeFo dahkkojuvvui skábmamánus. FeFo lea maiddái šiehtadallan fitnodagain Varanger Kraft šiehtadusa láigohit eatnama ja vuoigatvuođaid čadnon Rákkočearu bieggafápmorusttegii Bearalvágis masa addojuvvui konsešuvdna 2010:s. Šiehtadus vurdojuvvo dahkkot árrat 2013:s.Vindkraft Nord oaččui miessemánus 2012:s konsešuvnna Dønnesfjord bieggafápmorusttegii Ákŋoluovttas. Šiehtadus eananeaiggádiin FeFo:in lei juo dahkkon 2008:s. ČáhcefápmuFinnmark Kraft lea 2012:s ovddidan 4 konsešuvdnaohcama smávvafápmorusttegiidda maid vuođđun leat FeFo gahčahatvuoigatvuođat. Alta Kraftlag lea ovddidan sullásaš ohcama. Eai leat vel álggahuvvon šiehtadallamat láigohit gahčahatvuoigatvuođaid. Tinfos AS lea šiehtadusa mielde priváhta eananeaiggádiiguin ohcan konsešuvnna fápmohuksemii Suolojohkii Fálesnuoris. 2011:s mearridii almmatge diggegoddi ahte FeFo eaiggáduššá gahčahatvuoigatvuođaid mat ledje vuođđun konsešuvdnaohcamii. Ášši guoddaluvvui lágamánniriektái, muhto gessojuvvui juste ovdalaš riektemeannu-deami. Diggegotti mearrádus lea danne riektefámolaš. Nággu FeFo ja fitnodaga Porsa Kraftlag AS mo ipmirdit jagi 1959 šiehtadusa láigohit gahčahatvuoigatvuođaid Porsa-čázádaga fápmohuksemiidda Fálesnuoris gieđahallojuvvui Bággosoabahanrievttis 2012:s. Riekti doahttalii FeFo oainnu ahte šiehtadus lei nohkan ja álggahuvvojedje ođđa šiehtadussoahpamušat 2012:s.

VuovdiVuovddi árvomeroštallanGeovekst-ovttasbargguin laserskannejuvvo ja govvejuvvui eanasoassi Mátta-Várjjaga goahcevuovdeareála 2011 geasi ja čavčča. Maŋŋil fálaldatbuktinvuoru dahkkui šiehtadus Allskog AS:in ráhkadit ođđa árvomeroštallama Mátta-Várjjaga vuovddis.

Go árvomeroštallan Mátta-Várjjagis lea dahkkon 2014;s, de lea buot goahcevuovdi mii gullá FeFo:i árvomeroštallojuvvon maŋemus viđa jagis. Árvomeroštallamat leat dárbbašlaččat hálddašit goahcevuovddi ceavzilit.

juovlamuoratFeFo eatnama vuovdi lea rievdame. Juovlamuorat váldojuvvojit nuorasmahttinduolbadasain. Dát vuovdi lea odne measta beare stuoris juovlamuoraid ja dahká stuorit hivvodat uovlamuorračuollama áddjábun. Leat vuvdojuvvon sullii 300 juovlamuora ruohttasis, 140 Mátta-Várjjagis ja 160 Kárášjogas.

Dasa lassin addojuvvojit olu muorat almmolaš ásahusaide, servviide ja ovttastusaide Finnmárkkus mat besse čuollat juovlamuora alcceseaset maŋŋil go mii leimmet addán lobi.

VuovdekultuvraFeFo doaimmaha veahá vuovdekultuvrra opmodagas, eanas buvttadeaddji goahccevuovddi njárbudahttima. Njárbuduvvui oktiibuot 1990 daa, 1446 daa Mátta-Várjjagis ja 544 daa Álttás. Obbalaččat njárbuduvvui 5050 kubihkkamehtera beahci. Álttás lea kulturbarggu niedjan masa lea Finnmark Miljøvarme reastaluvvan ja unnit johttu smáhkkomuoraide mat geavahuvvojit bioboaldámuššan sivvan. FeFo oassálasttii maiddái 2012:s ovttasbargoprošektii čorget luoddaguoraid Finnmárkkus vai šaddá várddus. Čorgejuvvui oainnusin sihke Mátta- Várjjagis, Kárášjogas,

11www.fefo.no / tlf 09975

Álttás ja Porsáŋggus. Oktiibuot várddusinčorgejuvvui sullii 250 dekára FeFo-eatnamiin.

Beazi ja soagi ruohtasvuovdinMátta-Várjjagis njeide priváhta olbmot 143 kbm beazi. Dasa lassin čađahii FeFo 461 kbm loahppamáttaheami, mii vuvdojuvvui iešguhtetge gillesahá-doibmiide Nuorta-Finnmárkkus.

Álttás vuvdojuvvui 1 500 kbm njárbudahttinávnnas ruohttasis. Dasa lassin čulle priváhta olbmot 18 kbm soagi ja 57 kbm beazi vuovdima várás.

Kárášjogas čulle priváhta olbmot 58 kbm beazi.

VuovdebiilaluottatFeFo lea čađahan veahá dárbbašlaš máŧasindoallama vuovdebiilaluottain, eanas Báhčaveajis muhto maiddái veahá Kárášjogas. Iežas ruđaiguin, almmolaš vuovderuđaiguin dahkkui máŧasindo-allan kr 179 556,- ovddas earret vearu.

Sárggá/muorrasaji addimat2012:s leat leamas 3 557 doaibmi sárggá/muorrasaji FeFo-eatnamiin.

BáktedoaibmaSihke Sibelco Stiertnás ja Elkem Tana leat buvttadan bures 2012.s. Luonddugeađgeealáhus rahčá almmatge ain bisti finánsaroasuin olu osiin máilmmis.Fitnodagas Kimberlitt AS mas lea opšuvdna diamántagávdnosiidda Mátta-Várjjat gielddas, lea leamaš ohcandoaibma 2012:s ja dieđihit lohpidahtti gávdnosiid. Biras- ja biogirjáivuođa universitehta (Universitetet for miljø- og biomangfold) lea gárvvistan Stiertná karbonatihtta iskamiid 2012:s.

Čievra ja cuovkageađgiStuorra huksendoaibma Álttás ja Girkonjárggas mielddisbuktá maiddái stuorra čievra- ja cuovkageađgedárbbu. Eará osiin fylkkas lea leamaš unnit dárbu, earret eará danne go Avinor dál lea geargan ođasteamis smávvagirdišiljuid.

FeFo lea ovttas gielddain dahkan váikkuhusčielggadeami boahttevaš geađgeválddahahkii Várggáhis. Sávaldat lea mearridit regulerenplána geađgeválddahahkii 2013:s. Nyelvas Unjárggas lea FeFo ovttas gielddain álggahan guovllu regulerema gos ovdal lea leamaš luonddugeađge-

buvttadeapmi. Regulerenplána galgá láhčit dili luonddugeađgebuvttadeapmái ja eará industriijaásahemiide. Dat gáibida váldit stuorra várrehivvodaga, ja industriijaguovlluid ráhkadeapmi galgá dahkkot gávppálaš geađge- ja cuovkageađgebuvttademiin.

Bieggamillorusttet havøygavlenis. govva: john masvik

jahkeraporta 201212

mEAHCCISáivaguolásteapmiBuot finnmárkolaččat oggot sáivaguliid nuvttá eaige dárbbaš oaggunkoartta. Olbmot geat ásset olggobealde Finnmárkku fertejit oastit oaggunkoartta jus áigot oaggut Finnmárkkuopmodagas.

5706 olbmo oste oaggunkoartta kaleanddarjagi 2012. Dain vuvdojuvvojedje 4432 koartta olgoriikkalaččaide. Geahčá figuvra 1.

Sáivaguliid oaggunkoarttaid vuovdin lea maŋemus jagiid bissánan, maŋŋil go lei garrasit lassánan 2010 rádjái.Báikkálaš searvvit ja ovttastusat doaimmahit

buori jávredikšuma man ulbmil lea ovddidit guollebivdima buorremussan almmolašvuhtii. 2012:s lihttoláigohuvvojedje 79 jávrri ja čázádaga 39 báikkálaš servviide ja ovttastusaide. Dat lihttoláigoheaddjit doaimmahit guolleovddideami jávredikšumiin, heivehemiin ja bearráigeahčuin.

Álggahuvvui ođđa portála oaggunkoartavuovdimii2012:s. Portála addá vejolašvuođaid kártet valljodatgeavaheami ja lassi máhttovuođu sáivaguollevalljodaga birra Finnmárkkuopmodagas. Oaggunkoarttat ostojuvvojit báikkálaš koartavuvdiin, interneahtas dahje smart-telefovnnain.

doaibmasuorggit

einar asbjørnsenmeahci jođiheaddji

ealgabivdu Finnmárkkus. govva: einar j. asbjørnsen

13www.fefo.no / tlf 09975

SmávvafuođđobivduSmávvafuođđobivdoáigodat lea suoidnemánu 15. juli- cuoŋománu 5. beaivi. Bivdit bivdet eanas rievssahiid, gironiid ja njoammiliid Finnmárkkuopmodagas. Finnmárkkuopmodagas registrerejuvvojedje 4704 vuvdojuvvon bivdokoartta kaleanddarjagi 2012. Vuvdojuvvojedje 153 bivdokoartta dálveáigodagas (ođđajagemánus njukčamánu lohppii) ja 4551 čakčaáigodagas (borgemánus juovlamánu lohppii). Vuvdojuvvojedje 2020 beaivekoartta, 1404 gielddakoartta ja 1281 fylkkakoartta.Ledje árvvu mielde 2600 finnmárkolačča ja 2100 Finnmárkku olggobealde ássi olbmo geat bivde smávvafuođđuid 2012:s (figuvra 2). Oktiibuot 136 nuora vuollel 20 jagi oste bivdokoartta 2012:s, sis ledje 113 bivdi Finnmárkkus eret.Vuvdojuvvojedje bivdokoarttat 1,98 mill kruvnno ovddas 2012:s. Eanas bivdit geavahedje smávvafuođđoportála www.smavilt.no/fefo oastit bivdokoarttaid, doibmiibidjat ja raporteret bivddu. Smávvaciebaniid hivvodaga heavvaneapmi maŋŋit dálvvi ja valljis smávva boraspiret dagahedje ahte hivvodatvuođameroštallamat borgemánus čájehedje vuollegis vuonccáloddešattu stuorra osiin Finnmárkkus. Hivvodatmeroštallamiid bohtosiid vuođul álggahuvvui beaiveearri 3 rievssahiin ja 2 gironiin Guovdageainnus. Sállanis, Gádde-

iččáhis, Fávle-Iččáhis, Hjelmøyas ja Muosáhis álggahuvvui beaiveearri 3 rievssahiin ja/dahje gironiin. Gádde-Iččáhis, ja Fávle-Iččáhis maŋiduvvui bivddu álgin golggotmánu 15. beaivái, ja loahpahuvvui juovlamánu 23. beaivvi. Finnmárkku opmodagas muđui álggahuvvui beaiveearri 2 rievssahiin ja 3 gironiin, ja álggahuvvui dasa lassin beaiveearri 1 čuvččáin/goahppiliin juohke bivdái Mátta-Várjjagis ja Kárášjogas.Nugo vurdojuvvon árvomeroštallanbohtosiin čájehedje bivdorapporttat unnit njeaidinloguid 2011 ektui. Oktiibuot doibmiibiddjojuvvojedje 22 513 bivdobeaivvi, ja 87 % buot doibmiibiddjojuvvon bivdobeivviin raporterejuvvui sálaš. Registrerejuvvojedje njeidojuvvon 5389 rievssaha, 2872 girona ja 884 njoammila kaleanddarjagis 2012. Dain njeidojuvvo 98 % čakčaáigodagas. StuorrafuođđobivduStuorrafuođđobivdu fátmmasta Finnmárkku-opmodagas eanas ealgabivddu. Dasa lassin hálddaša FeFo guovža- ja geatkebivddu liseanssain ja albbasbivddu eriin.

Ealggabivddu hálddašeami vuođđun lea doaibmi 4-jagáš máddodatplána. Doaibmi Máddodatplána (2011-2014) váldoulbmil lea, nugo ovddit plánas, bissehit hivvodaga stuorruma ja dárkkistit iešguhtetge oassemáddodagaid bivdduin. Stuorra osiin Finnmárkkus (Kárášjohka, Guovdageaidnu,

FiGuVra 1. oaggunkoarttaid vuovdin Finnmárkkus áigodagas 2004-2012.

FiGuVra 2. Bivdokoarttaid vuovdin Finnmárkkus áigodagas 1985-2012.

0  

1000  

2000  

3000  

4000  

5000  

6000  

7000  

2004   2005   2006   2007   2008   2009   2010   2011   2012  

Lohku  

Olbmot  geat  ásset  Norggas  olggobealde  Finnmárkku  Olgoriikklaččat  

Ok@ibuot  

0  

1000  

2000  

3000  

4000  

5000  

6000  

7000  

8000  

9000  

1985

 19

86  

1987

 19

88  

1989

 19

90  

1991

 19

92  

1993

 19

94  

1995

 19

96  

1997

 19

98  

1999

 20

00  

2001

 20

02  

2003

 20

04  

2005

 20

06  

2007

 20

08  

2009

 20

10  

2011

 20

12  

N  

Fiinnmárkolaččat  

Galledeaddjit  

Ok=ibuot  

jahkeraporta 201214

doaibmasuorggit

FiGuVra 3. Njeidon ealggat Finnmárkkus áigodagas 1991-2011.

luossaoaggun leavnnjas. govva: egil liberg

Porsáŋgu, Davvisiida, Deatnu ja Bearalváhki) lea ulbmil unnidit hivvodaga. Álttás, Unjárggas, Davvinjárggas ja Gáŋgaviikkas lea dásáiduhttin ulbmil, ja Fálesnuori, Báhcavuona, Mátta-Várjjaga ja Čáhcesullo hivvodat galgá fas lassánit.Almmuhuvvojedje 264 bivdoguovllu ealgabivddu várás. Guokte guovllu ledje dasa lassin várrejuvvon oahpahusbivdui. Bohte ohcamat 462 bivdojoavkkus. Bivdiid lohku geat ohcet bivdit ealggaid Finnmárkkuopmodagas lassána, 2012:s ledje registrerejuvvon 2138 bivdi ohcamiin, mii lea 200 eambbo go 2011:s (1950 bivdi).

2012:s njeidojuvvojedje 849 ealli Finnmárkkuopmodaga earis mii lei 1178 ealli. Dát lea alimus njeaidinboađus mii lea olahuvvon dássážii (Geahča figuvra 3) almmá Bajit Anárjoga suodjaluvvon meahci bivddu haga.

Eanemus ealggat njeidojuvvojedje Kárášjoga gielddas, gos njeidojuvvojedje 241 ealgga 2012:s (figuvra 4).

Ledje 71 bivdi geat oste boraspirebivdokoartta 2012-2013:s. Báhččojuvvui okta guovža, 5 geatkki ja 4 albasa earrebivddus 2012.s.

0  

100  

200  

300  

400  

500  

600  

700  

800  

900  

1990

 

1992

 

1994

 

1996

 

1998

 

2000

 

2002

 

2004

 

2006

 

2008

 

2010

 

2012

 

Njeidon  ealggat  Finnmárkkus  1990-­‐2012  

15www.fefo.no / tlf 09975

FiGuVra 4. Njeidon ealggaid logu juohkáseapmi gielddaid mielde Finnmárkkus 2008-12.

FiGuVra 5. Man galle kilu luossa lea goddojuvvonFinnmárkkuopmodaga jogain 1993-2012.

Luossabivdu jogasFeFo:s lea hálddašanovddasvástádus sullii 50 čázádagaide main lea luossa, guvžá ja valas. Báikkálaš organisašuvnnat hálddašit daid Luossa- ja sáivaguolástanlága, Finnmárkkulága rámmaid ja njuolggadusaid siskkobealde maid FeFo stivra lea mearridan.Áigodat 2012 šattai fas buorre luossabivdojahki (figuvra 5). Báikkálaš lihttoláigoheaddjit barge bures hivvodatgozihemiin ja doaibmaplána-bargguin. Dat dahká ahte sáhttá vuordit eanet buriid luossabivdojagiid. Guvžásállašat bisso dássedin ja valassállašat ledjeges heajut. Dovdo almmatge muhtun sajiin badjáneapmi dain báikkálaš valashivvodagain. Dađi bahábut ii leat máhttu dan guovtti náli birra doarvái buorre, ja dat dahká váttisin hálddašit náliid hivvodagaid.Skábmamánus 2012 doalai FeFo seminára lihttoláigoheddjiide ovttas Finnmárkku luossajogaiguin. Čoagganeamis váldojedje ovdan min luossajogaid áigeguovdilis hálddašanváttisvuođat. Oassalastit ja mielváikkuheapmi lei hui buorre.

Luossabivdu mearasLuossasajit mearas juolluduvvojit njuolggadusaid mielde maid stivra lea mearridan. Sullii 1600 registrerejuvvon luossasajiin ledje 423 juolluduvvon 2012:s, ja ledje oktiibuot 266 mearraluossabivdi geat bivde Finnmárkkuopmodagas. 16:s sis ledje ožžon luossasaji vuosttaš geardde. Mátta-Várjjat, Álttá ja Davvisiidda gielddas ledje eanemus luossasajit geavahusas (tabealla 3).

0  

50  

100  

150  

200  

250  

300  Álta  

Guovdageaid

nu  

Kárášjohka  

Porsáŋgu  

Davvisiida  

Má@a-­‐Várjjat  

Unjárga  

Deatnu  

Čáhcesuolu  

Eará  gielddat  

Njeidon  ealggat  juohke  gielddas  2008-­‐12    

0  

10000  

20000  

30000  

40000  

50000  

60000  

70000  

1993

 19

94  

1995

 19

96  

1997

 19

98  

1999

 20

00  

2001

 20

02  

2003

 20

04  

2005

 20

06  

2007

 20

08  

2009

 20

10  

2011

 20

12  

Kg  

Jahki  

Luossasálaš  lih0oláigohuvvon  jogain  

Luosaid  obbalašdeaddu  

Luosat  vuollel  3  kg  

3-­‐6  kilosaš  luosat  

Luosat  badjel  7  kg  

jahkeraporta 201216

Gielddaid luossasajit juolluduvvojit ođđasit juohke goalmmát jagi 2012:s galge Báhcavuotna, Gáŋgaviika, Ákŋoluokta, Fálesnuorri, Davvisiida, Láhppi ja Várggát juolluduvvot, 2012:s bohte badjelaš 100 ohcama. Leat unnán ođđa olbmot geat álget luossabivdin mearas, ja luossabivdiid lohku geat bivdet mearas ja luossadoaluid lohku lea niedjan sakka maŋemus jagiid (geahča figuvrra mii lea mielddusin). Almmolaš bivdináigegáržžideamit, heajos luossahattit ja unnán vuođđoealáhusdoaimmaheaddjit leat muhtun sivat dasa ahte olbmot geat bivdet luosaid mearas leat vátnon. Dát guoská sihke priváhta bivdinsajiide ja luossasajiide FeFo-eatnamiin.

Doaimmat olgoáimmu ovddasRuoná doarjjaortnet lea doarjjaortnet ovttastusaide ja servviide Finnmárkkus, man ulbmil lea oažžut buot joavkkuid álbmogis leat eambbo fárus olgodoaimmain, dat buorida loaktima ja álbmotdearvvašvuođa. Dan rájes go ortnet álggahuvvui 2007:s lea juolluduvvon 6,5 millijovnna ruvnno iešguđetlágan olgodoaibmaprošeavttaide. Ovttas eará sponsoriiguin ja viššalis eaktodáhtolaš bargiiguin lea ruhta veahkehan oččodit ávkkálaš olgodoaimmaid maŋemus 6 jagi. Doarjjaortnet lea buorida olgodoaibmafálaldaga lagas birrasis, earret eará tuvrakássaortnegiiguin, meahcceleairraiguin, tuvralágidemiiguin ja luonddugeavaheami kurssaiguin.

doaibmasuorggit

Nesseby idrettsforening (unjárgga válaštallansearvi) ráhkada tuvrabálgá. govva: lena kristiansen

17www.fefo.no / tlf 09975

2012:s bohte 176 ohcama main sullii bealli dorjojuvvo. Juolluduvvui 1 000 000 kruvnno ruoná doajjan iešguđetlágan doaimmaide olgoáimmu ovddas ja prošeavttaide. Sin gaskkas geat ožžo doarjaga ledje Finnmark Røde Kors olgonastinleaira mánáide ja Til Topps-mohkki Rástiigáisái, Tana JFF (Deanu GBS) meahcceleaira mánáide, Norges Blindeforbunda tuvrrat lagasbirrasis čálbmevánagiid várás ja Nordkapp og Omegna Barnas Turlaga áhpebivdinkursa.FeFo eaiggáduššá guhtta ávdinbartta Báhčaveajis mat leat rabas birra jagi. Barttat leat bivnnuhat, Pasvikdalen JFF (Báhčaveajleagi BGS) fievrreda goike muoraid ávdinbarttaide FeFo gohččuma mielde juohke jagi. Juohke FeFo-kantuvra luoiká lávuid maid sáhttá geavahit lágidemiide olgoáimmu ovddas. 2012:s luoikkahedje earret eará Norges Jeger- og Fiskeforbund lávu ealgabivokursii nuoraide ja nissoniidda, Kafe Blå ja Finnmark Blindeforbund idjadantuvrii maid lágideigga, ja IL Ilar meahccecampii mánáide ja nuoraide.

taBealla 3. addon luossasajiid lohku Finnmárkkus gielddaid mielde 2012:s

JAHKI GAllE OlbmO

1995 1054

1996 1028

1997 1010

1998 951

1999 907

2000 914

2001 858

2002 784

2003 744

2004 666

2005 614

2006 596

2007 534

2008 518

2009 492

2010 446

2011 433

2012 423

GIEldA lOKHUÁltá 42Bearalváhki 15Báhcavuotna 3Gáŋgaviika 28Hámmárfeasta 3Ákŋoluokta 14Fálesnuorri 19Davvisiida 42Láhppi 17Muosát 21Unjárga 8Davvinjárga 36Porsáŋgu 32Mátta-Várjjat 97Deatnu 35Čáhcesuolu 10Várggát 1supmi 423

taBealla 4. addon luossasajiid lohku Statskog Finnmarkas/FeFo-eatnamiin áigodagas 1994-2012.

FeFo luoiká lávuid ja tealttáid. govva: lena kristiansen

jahkeraporta 201218

Dieđut doaimma ja báikádeami birraFinnmarkseiendommen Finnmárkkuopmodat (FeFo) lea iešheanalaš riektesubjeakta ásahuvvon Finnmárkkulága olis. FeFo váldokantuvra lea Leavnnjas ja leat maiddái ossodatkantuvrrat Čáhcesullos, Álttás, Girkonjárggas, Unjárggas ja Kárášjogas.

FeFo:s lea giddodatvuođđu 96 % Finnmárkku fylkka eatnamiidda ja dát dahká su. 46.600 km2. Doaibma fátmmasta eatnama láigoheapmi viesso-, astoáigge- ja ealáhusáigumušaide, čievra- ja minerálagávdnosiid láigoheapmi, biegga- ja čáhcegahčahatvuoigatvuođaid láigoheapmi, eatnamiid vuovdin ja doaimmat čadnon bivdui ja guolásteapmái, ja vuovdedoibmii.

Stivrra ja dárkkistanlávdegotti barguStivrras, maid Sámediggi ja Finnmárkku fylkkadiggi leat nammadan, leat 2012:s leamaš čuovvovaččat:l Harald Larssen, jođiheaddji l Toril Bakken Kåven, nubbinjođiheaddji l Lise Svenning (31.08.2012 rádjái)l Inga Manndal (31.08.2012 rádjái)l Klemet Erland Hættal Nils Johan Gaupl Raymond Robertsen (01.09.2012 rájes)l Bente Haug (01.09.2012 rájes)

2012:s leat dollojuvvon 9 stivračoahkkima ja meannuduvvon 74 ášši. Stivra lea 2012:s čađahan ovtta gulahallančoahkkima Sámedikkiin ja Finnmárkku fylkkadikkiin. Váldofáddán ledje eaiggátstrategiijat, badjelbáhcaga geavaheapmi ja proseassat čadnon dasa.Lassin stivrii, lea FeFo:s dárkkistanlávdegoddi mas leat golbma miellahtu, maid Sámediggi, Fylkkadiggi ja Gonagas leat nammadan. Dárkkistanlávdegoddi goziha ahte FeFo doaibma doaimmahuvvo Finnmárkkulága ja eará lágaid mielde. Leat dollojuvvon 3 čoahkkima gos buot stivrra beavdegirjjit leat geahčaduvvon ja leat meannuduvvon 16 ášši.

Doaimma joatkima eavttu čilgenRehketdoallu buktojuvvo eavttuin joatkit doaimma. Duođaštuvvo ahte dát eavttut leat sajis.

jahkerehketdoalu čilgenJahkerehketdoallu čájeha badjelbáhcaga mii lea 9.604.201 miljovnna ovdal vearu ja 7.622.132 miljovnna maŋŋil vearu. Dát boađus lea su. 10,8 mill. badjel bohtosa mii lea biddjon bušehttii ovdal vearu. Vuvdojuvvojedje eatnamat 10,2 mill kruvnno ovddas.

«Ruoná doarjja» doarjjaortnet man ulbmil lea addit doarjaga astoáiggedoaimmaide olgun ja fysalaš doaimmaide, lea jotkojuvvon. Doarjagat ja dárbašat leat gollunfievrreduvvon oktiibuot 0,9 miljovnna ovddas.FeFo ovttas NINA:in (Norsk institutt for Naturforskning), lea leamaš searvvis prošeavttas «Rievssahiid habitáhtamodeallaid ja habitáhtakárttaid ovdánahttin» ja lea dan oktavuođas gollunfievrredan kr. 474.044.Stivrra oaivila mielde addá jahkerehketdoallu rievttes gova FeFo opmodagain, vealggis ja bohtosis.Stivra mearrida ahte dán jagi badjelbáza mii lea 7.622.132 kr. sirdojuvvo eará iežaskapitálii.

eaiggátoassi eará fitnodagainFeFo eaiggátoassi fitnodagas Finnmark Kraft AS lea 12,5 %. Dasa lassin lea FeFo:s oalgefitnodat FeFo Energi AS mas lea 100 % eaiggátoassi.Eai leat leamaš fitnodatoastimat dahje fitnodatháhkamat 2012:s.

ruhta-, márkan- ja máksinnákcavárraFeFo ruđalaš várra lea čadnon dasa gosa badjelbázalikviditehta biddjojuvvo. Dat lea biddjojuvvon buktagiidda main lea vuollegis várraprofiila.FeFo ii ruhtat maidege loanain ja árvvoštallá

Jahkečilgehus

harald larssen finnmárkku fylkkadiggi

toril Bakken kåven sámediggi

Nils johan j. Gaup boazodoalu áirras

19www.fefo.no / tlf 09975

raymond robertsen finnmárkku fylkkadiggi

fitnodaga máksinnávcca dearvvašlažžan ja buorrin.

organisašuvdna, biras ja dásseárvu2012 loahpas ledje FeFo:s 37 bargi, maid juohku lei 17 nissona ja 20 dievddu. Stivrras ledje čakčamánu 1. beaivvi 2012 rádjái 3 nissona ja 3 dievddu, ja čakčamánu 1. beaivvi rájes 2 nissona ja 4 dievddu. Dárkkistanlávdegottis leat leamaš 2 nissona ja 1 dievdu.Penšuvdnagáibádusat bargiide mat leat lágas leat áimmahuššon. FeFo buozanvuođajávkan lea 2012:s leamaš 4,7 %, mii lea 0,6 % badjelis go 2011:s. Eai leat registrerejuvvon guđegelágan barguigullevaš lihkohisvuođat dahje roasmmahuvvamat FeFo:s 2012:s. FeFo lea ráhkadan dásseárvoplána sihkkarastin dihte dásseárvvu organisašuvnnas.FeFo lea searvádahtti bargoeallinfitnodat (IA).

olgguldas birasFeFo:s eai leat alddis guđegelágan doaimmat mat hui sakka váikkuhit olgguldas birrasii. Eará doaimmaheaddjit, sihke gávppálaš ja eai gávppálaš, doaimmahit almmatge doaimmaid maid vuođđun leat FeFo valljodagat main sáhttá leat heajos váikkuhus olgguldas birrasii. Nuoskkideaddji doaimmat FeFo-eatnamiin leat earenoamážit leamaš guovddážis 2012:s, earenoamážit eatnamiin mat láigohuvvojit.

FeFo lea ekonomalaččat dorjon guokte čorgenakšuvnna maid gielddaid hálddašedje. Vuovdedoaibma doaimmahuvvo prinsihpaid mielde mat leat almmolaččat dohkkehuvvon vuovdedoibmii, ja almmolaš vuovdebearráigeahčus lea goziheapmi almmolaš. Bivdu ja guolásteapmi sáhttet dagahit negatiivvalaš hivvodatovdáneami fuođđuide ja guliide, vaikko ávkkástallan dáhpáhuvváge nugo almmolaš muddemat leat. FeFo:s lea hálddašanráđđejupmi mii sihkkarastá buori dárkkisteami iešguhtetge guovllu fuođđoloaktimis ja bivdodeattus. Dát mielddisbuvttii ahte muhtun bivdoguovllut giddejuvvojedje galledeaddji bivdiide 2012.s alla bivdodeattu geažil.

Meahccegeavaheami earáhuhttinEananohcamat mat eai leat gieldda plánaid mielde meannuduvvojit Sámedikki meahccegeavaheami earáhuhttima njuolggadusaid mielde. Ledje 32 ášši maidda dát guoskkai 2012:s. Dain leat 8 juolluduvvon, 3 hilgojuvvon ja reasta meannuduvvome. Eanas ledje dát smávva areálat mat ledje eaŋkilhuksensajit viesuide, áittiide ja ođđasitgilvimii/lassieatnamii. Stuorát áššiin main ohccojuvvojit stuorát areálat mat eai leat doaibmi plánaid mielde bidjá FeFo regulerenplána ráhkadeami eaktun. FeFo eaktuda ahte evttoheaddji ráhkada plána Finnmárkkulága § 4 ja Sámedikki meahccegeavaheami earáhuhttima njuolggadusaid mielde.

klemet erland hætta sámediggi

Bente haug finnmárkku fylkkadiggi

Áltá, cuoŋománu 18. beaivvi 2013

Harald Larssen Toril Bakken Kåven Bente Haug Raymond Robertsen Stivrra jođiheaddji Nubbinjođiheaddji Stivralahttu Stivralahttu

Klemet Erland Hætta Nils Johan Gaup Jan Olli Stivralahttu Stivralahttu Beaivválaš jođiheaddji

jahkeraporta 201220

revisjonsberetning 2012

21www.fefo.no / tlf 09975

årsregnskap 2012resultatregnskap

2012 2011

Salgsinntekt 50 017 749 40 600 600Annen driftsinntekt 1 876 085 5 602 916

sum inntekter 51 893 834 46 203 516

Lønnskostnad 23 859 021 22 971 413Avskrivning på varige driftsmidler og immaterielle eiendeler 585 140 598 024Annen driftskostnad 19 138 903 20 930 882

driftsresultat 8 310 766 1 703 197

Annen renteinntekt 1 210 744 1 287 297Annen finansinntekt 182 668 0Annen rentekostnad -50 677 -88 346Annen finanskostnad -49 300 -444 096

Ordinært resultat før skattekostnad 9 604 201 2 458 052

Skattekostnad på ordinært resultat -1 982 069 -1 529 498

Ordinært resultat 7 622 132 928 555

Årsresultat 7 622 132 928 555

Anvendelse av årsresultatetAnnen egenkapital 7 622 132 928 555

sum anvendelse 7 622 132 928 555

jahkeraporta 201222

årsregnskap 2012

balanse

EIENdElEr 31.12.2012 31.12.2011

AnleggsmidlerImmaterielle eiendelerFallrettigheter 574 000 574 000Utsatt skattefordel 1 568 662 1 383 278

sum immaterielle eiendeler 2 142 662 1 957 278

Varige driftsmidlerGrunneiendommer 3 188 286 3 188 286Bygninger 4 458 570 4 614 592Driftsløsøre, inventar, verktøy, kontormaskiner og lignende 227 279 420 188

sum varige driftsmidler 7 874 135 8 223 066

Finansielle anleggsmidlerInvesteringer i aksjer og andeler 8 256 102 8 256 102Forskuddbetalte kostnader vedr. hyttefelt 5 503 974 3 928 017Andre fordringer 2 947 693 1 889 058

sum finansielle anleggsmidler 16 707 769 14 073 177

sum anleggsmidler 26 724 566 24 253 521

OmløpsmidlerVarer 1 082 820 432 000

FordringerKundefordringer 8 260 398 2 830 028Andre fordringer 7 079 823 4 798 206

sum fordringer 15 340 221 7 628 234

InvesteringerAndre markedsbaserte finansielle instrumenter 12 260 070 9 693 017

sum investeringer 12 260 070 9 693 017

Bankinnskudd, kontanter og lignende 19 090 074 21 022 179

sum omløpsmidler 46 690 365 38 775 430

sum eiendeler 74 497 751 63 028 952

23www.fefo.no / tlf 09975

balanse

Alta, 18. april 2013

EGENKAPITAl OG GJEld 31.12.2012 31.12.2011

EgenkapitalInnskutt egenkapitalInnskutt annen egenkapital 6 746 776 6 746 776

sum innskutt egenkapital 6 746 776 6 746 776

Opptjent egenkapitalAnnen egenkapital 53 969 939 46 347 807

sum opptjent egenkapital 53 969 939 46 347 807

sum egenkapital 60 716 715 53 094 583

GjeldAvsetning for forpliktelserPensjonsforpliktelser 4 885 374 3 670 418

sum avsetning for forpliktelser 4 885 374 3 670 418

Kortsiktig gjeldLeverandørgjeld 1 181 099 596 120Betalbar skatt 2 167 482 1 646 160Skyldige offentlige avgifter 914 181 790 839Annen kortsiktig gjeld 4 632 900 3 230 832

sum kortsiktig gjeld 8 895 662 6 263 951

sum gjeld 13 781 036 9 934 369

sum egenkapital og gjeld 74 497 751 63 028 952

For komplett årsregnskap 2012 med noter: se www.fefo.no

govva: varanger kraFt