Upload
others
View
23
Download
0
Embed Size (px)
Citation preview
Tuig 39, Numero 12 Hiligaynon nga Edisyon Disyembre 2016
Editoryal
Paigtingon ang hublag masa para sa sandigan nga mga kinamatarung sang pumuluyo nga amo ang basehan sang tunay nga kalinungan!
ng bug-os nga tuig 2016 nagpakita sang
pagpursiger sang mga Panayanon nga
mapasulong ang hublag masa nga nagaduso
sang sandigan nga mga kinamatarung sang pumuluyo
sa kaumhan kag kasyudaran.
Ini nga mga sandigan nga kinamatarung sang
pumuluyo nagalakip sang kinamatarung sang mga
mangunguma sa libre nga lupa. Kasiguruhan sa
palamugnan kag matarung nga suhol sa mga
mamumguon kag sweldo sa mga empleyado.
Kinamatarung sa basehan nga mga serbisyo sosyal
pareho sa libre nga edukasyon, ospital kag mga
bulong, kinamatarung sa pabalay kag ayuda sa mga
kahalitan sa mga kalamidad. Paggarantiya sang
kinamatarung sang pumuluyo nga madula ang
pagpangkugmat kag pasismo nga nagadalasa sa ila.
Amo man ang pagpaibabaw sang soberanya sang
pumuluyo kag kinamatarung ila sa dunang manggad
sang pungsod nga indi pagkamasaan sang lokal kag
dumuluong nga mga dalagku nga kapitalista.
Ining mga sandigan nga mga nahinambitan
nga mga kinamatarung sang pumuluyo amo ang
nangin unod sang mga gindemanda sang mga
Panayanon dungan sa iban pa nga mga pumuluyo sa
A
2 Daba-Daba, Disyembre 2016
pungsod sining bilog nga tuig. Pinulo-pulo ka libo ka
mga Panayanon ang pursigido sa pagdemanda sang
lupa, matarung nga sweldo, serbisyo sosyal, ayuda sa
kalamidad, pagpamatuk sa pagpangdambong sa
makahalalit nga pagmina, kag iban nga mga proyekto
nga nagadislokar sa pumuluyo kag nagasamad sa
kapalibutan.
Mientras tanto nga ini nga mga kinamatarung
ginadingut, ginaagaw, kag ginalapak sa mga mangu-
nguma, mamumugon, kag iban pa nga mga demok-
ratiko nga sektor-- wala sang tunay nga kalinungan
kag hustisya sosyal. Magapadayon ang armado nga
kumplikto sa tunga sang rebolusyonaryong pwersa
kag pumuluyo kag sang gubyerno nga nagarepresentar
sang interes sang mga asyendero-kumprador kag
dumuluong nga kapitalista.
Sini nga Disyembre 26, kwarentay otso anyos
na ang Partido Komunista sang Pilipinas (PKP) sa
pagpamuno sa rebolusyonaryong paghimakas sang
pumuluyo lakip diri sa Panay. Programa sang Partido
ang pagpakig-away kag pagtib-ong sining sandigan
nga mga kinamatarung sang pumuluyo-- pagpatuman
sang tunay nga reporma sa duta, pungsodnon nga
industriyalisasyon, kag paggarantiya sang iban pa nga
mga kinamatarung sang mga demokratikong sahi kag
sektor. Maathag ini sa adyenda sang PKP upod sa
National Democratic Front-Philippines (NDFP) nga
nagasulong sang sosyo-ekonomiko kag pulitikal nga
mga reporma sa peacetalks subong sa tunga sang
NDFP kag Gubyerno sang Republika sang Pilipinas
(GRP).
Sa pihak nga bahin, si presidente Duterte wala
nagtuman sang iya mga ginpromisa nga paghilway sa
mga bilanggo pulitikal. Ginpadayon ang mas tuso nga
implementasyon sang AFP sang Oplan Bayanihan kag
bayolasyon sang kaugalingon nga ceasefire. Gintugtan
sini ang pangbaganihan nga lubong ni Marcos.
Ginbawi sini ang ginpahayag nga wala na sang
Balikatan Exercises sa pungsod sa iya termino, kag
nagapadayon ang neo-liberal nga mga polisiya sa
ekonomya.
Gani bisan pa may peacetalks nga liwat naman
magapungkuanay sa masunod nga bulan, kinahanglan
pasingkion pa gid sang mga pumuluyo ang hublag
masa nga magduso sang ila mga sandigan nga
kinamatarung. Ginpakita na sang mga Panayanon
sining ulihi nga inadlaw sang Disyembre ang
pagpakamalaut sa indi pagtuman ni Duterte
sa iya mga promisa. Kinahanglan ipabatyag
kay Duterte ang pagbanggi sang mga
pumuluyo batuk sa iya mga paatras nga
tikang kag huyog nga magpalayo sa tunay
nga demanda sang mga pumuluyo.
Kinahanglan iduso sang pumuluyo sa
ila tago kag hayag nga hublag masa ining
mga sandigan nga kinamatarung bilang
sadsaran sang tunay nga kalinungan. Indi
simple kay may ceasefire, may kalinungan na. Ang
tunay nga kalinungan amo ang pag-ugat ngaa may
armado nga kumplikto sa tunga sang
rebolusyonaryong pwersa kag GRP kag paglubad sini
sa basehan sang mga kinamatarung sang pumuluyo.
Ang armado nga kusog sang rebolusyo-
naryong pwersa nga amo ang NPA nagarespeto kag
hugot nga nagapatuman sang unilateral ceasefire nga
gindeklarar sang PKP kag pungsodnon nga kumand
sang NPA. Apang katulad sa iban nga yunit sa
pungsod, ang NPA sa Panay nakahanda magpatuman
kon may mandu nga maglunsar sang mga aksyon
militar bilang silot sa mga tropa sang AFP nga
nagalapak sang mga kinamatarung sang pumuluyo.#
3 Daba-Daba, Disyembre 2016
49 baranggay apektado sa operasyon sang Oplan Bayanihan
ng mga yunit sang 3rdID sa Panay wala nag-
untat sa paglunsar sang mga combat patrol,
civil-military operations kag lapnagon nga
pagpaniktik kag pangsurbeylans sa ila mas tuso nga
pagpatuman sang Oplan Bayanihan. Ang ila lapnagon
nga intelligence operations indi lang sa mga lugar nga
ginahulagan sang NPA kundi asta sa mga kasyudaran
upod sa PNP sa ngalan sang kontra-druga, “state of
lawlessness” kag iban pa nga rason.
Nagaabot sa 49 ka kabaryuhanan sa 12 ka
kabanwahanan kag isa ka syudad sa isla ang nasakpan
sang mga operasyon sa idalom sang Oplan Bayanihan.
Ang operasyon sang AFP nagalakip sang pangkombat
operasyon pareho sa Sentral Panay nga pasulit-sulit
nga nagaturag ang 61stIB sa kabukiran sa Tapaz,
Calinog kag Lambunao.
Ginmentinar sang militar ang ila mga
detatsment kag patrol base subong man ang mga PDT
sa kabaryuhanan kag segi ang paniplang sa mga
sibilyan nga aktibidad pareho sang
“medical mission,” mga “gift giving” kag
iban pa para matabunan ang ila
pagpaniktik kag saywar nga operasyon.
Wala sang mga yunit sang 82ndIB,
61stIB, 12thIB kag mga CAFGU/CAA
ang nagbalik sa ila mayor nga mga
hedkwarters kag baraks sa panahon
sining ceasefire.
Tigaylo, nagsulod pa gid gani ang
mga hedkwarters sang 82ndIB pasulod sa
interyor nga lugar sang Igbaras, Iloilo.
Nagdugang sang 30 ka pwersa sang
Philippine Army (PA) nga nag-upod
ditatsment sang PNP sa Bungsuan,
Dumarao. Pati sa Roxas City, 30 ka PA
ang gindeploy bilang Special Operation
Teams sa mga barangay sang–Culasi,
Baybay, Dumulog, Lawaan kag
Dinginan. Samtang, padayon nga
mentinado ang pusisyon sang iban pa nga
mga ditatsment sa kaumhan.
Samtang ginapatuman sang AFP
ang Oplan Bayanihan, ginadasok nila ang
ila kaugalingon sa sibilyan nga populasyon kag mga
komunidad. Armado nga nagatenir sila sa sentro sang
mga baryo, sa mga barangay hall, iskwelahan, mini-
market kag iban nga sibilyan nga istruktura. Ining
mga aktibidad nila maathag nga bayolasyon sang
deklarasyon sang GRP nga ceasefire, sa mga
probisyon sang internasyunal nga layi sa
Comprehensive Agreement on Respect for Human
Rights and International Humanitarian Laws
(CARHRIHL) kag pagsabotahe sa peacetalks subong.
Ang pagtinuso sang AFP sa ceasefire indi paborable
nga kondisyon para sa pag-abot sang paghiliusa sang
GRP kag NDFP sa paglubad sang ugat ngaa may
gyera. Nagapakita man ini nga indi sila tampad sa
pag-ugat sang matuod nga problema sang masa.
Sa pihak sini, wala man untat ang mga
Panayanon sa mabaskog nga pagbuyagyag kag
pagprotesta batuk sa padayon nga mas tuso nga
pagpatuman sang Oplan Bayanihan.#
A
4 Daba-Daba, Disyembre 2016
Isla-kalapad nga mobilisasyon
sa mga peace rallies, ginlunsar sa Panay
sla-kalapad nga mga peace rallies sang mga
Panayanon ang ginlunsar sa sunod-sunod nga mga
inadlaw humalin sang ikatlo nga simana sang
Disyembre asta sa katapusan sang bulan.
Ining mga peace rallies nagdungan man sa
mga paghulag sang pumuluyo sa kaumhan sa pagsa-
ulog sang ika-48 nga anibersaryo sang Partido Komu-
nista sang Pilipinas sang nagligad nga Disyembre 26.
Ini ang tubong sang Panay sa pungsodnon nga
paglunsar sang peace rallies kag pagsaulog sang
anibersaryo sang Partido.
Mga 2,000 ang mobilisasyon sang mga pumu-
luyo sa serye sang mga peace rallies sa nagkalain-lain
nga mga barangay upod sa mga yunit sang NPA sa
nagkalain-lain nga mga lugar kag mga konsentrado
nga pagtipon sa pagselebrar sang anibersaryo sang
Partido sa nagkalain-lain nga prente.
Sa Sentral Panay, masobra 500 ang nagtilipon
sa okasyon sang anibersaryo sang Partido sa isa ka
barangay sa Tapaz. Gin-updan ini sang mga pumuluyo
nga halin sa mga Tumandok kag mga nagtambong
halin sa iban nga kabanwahanan kag syudad.
Sa Nabagatnang Panay, mga 800 man ang
mobilisasyon sa separado kag mga serye sang baryo
kag interbaryo nga mga peace rallies kag pagsaulog
sang anibersaryo sang Partido.
Masobra man sa 100 ang konsentrado nga
nagtipon sa selebrasyon nga ginhiwat sa Nasidlangan
nga Panay.
Samtang sa gwa sang mga sonang gerilya,
gatuson man ang naghulag sa ginlunsar man nga mga
peace rally sa Kalibo, Aklan kag candle lighting man
nga ginhiwat sa Jaro, Iloilo City.
Sa sulod sang mga sonang gerilya, ini nga mga
aktibidad nangin palaagyan sang mga pumuluyo agud
ipautwas nila ang pagpakamalaut sa rehimeng Duterte
nga wala nagtuman sang iya pangako nga paghilway
sa mga bilanggo pulitikal kag padayon nga paglunsar
sang AFP sang Oplan Bayanihan.
Makaduha na ginpromisa si Duterte nga
hilwayon ang mga bilanggo pulitikal. Ginpagwa pa
gid nila sa balita nga kuno may hilwayon sa sining
I
5 Daba-Daba, Disyembre 2016
panahon sang Paskwa. Apang nagtapos lang ang
paskwa, wala man ini nagtupa. Samtang kadungan
sini, padayon naman ang lapnagon nga paglapas sang
AFP sa deklarasyon sang Gubyerno sang Pilipinas
(GRP) nga unilateral ceasefire kag sa Comprehensive
Agreement on Respect for Human Rights and
International Humanitarian Laws (CARHRIHL).
Ang mga peace rallies kag pagtipon sa
pagsaulog sang anibersaryo sang Partido nangin
okasyon man agud malaparan nga mapahibalo ang
pumuluyo sa dalagan kag mahimo padulungan sang
peacetalks sa tunga sang NDFP kag GRP. Ginpakita
sang mga pumuluyo ang pagsuporta sa peacetalks,
ang pagdemanda sa paghilway sang mga bilanggo
pulitikal kag pagtapos na sang mapiguson nga Oplan
Bayanihan nga nagadalasa sang mga kinamatarung
sang pumuluyo sa kaumhan kag kasyudaran.
Ang peace rallies sang pumuluyo kag
pagsaulog sang anibersaryo sang Partido gindunganan
sang lapnagon nga pagpalapta sang mga islogan sa
linibo-libo ka mga confetti kag pagwas-ag sini asta sa
mga munisipyo kag ditatsment sang AFP, mga
pahayag sa masmidya, kag madasig nga pagpaggwa
sang publikasyon, malaparan nga video showing, sa
mga komunidad kag plasa sang mga barangay, mga
istrimer sa poblasyon sang mga munisipalidad, kag
mapagsik nga paggamit sang social media.
Sa mga konsentrado nga pagtipon, ara man
ang nagkalain-lain nga porma kultural, pagdisplay
sang mural kag istremir, pagpaggwa sang iskit-
drama, mga kanlantahon, kag saot-interpretasyon sang
mga rebolusyonaryong ambahanon, mga pamulong-
pulong nga ginapasakupan sang mga kadre, hangaway
kag mga lider-masa.
Pagtib-ong sang mga kinamatarung
kag kalinungan; pagbato sa Oplan Bayanihan
Ining mga peace rallies nagasugpon lang sa
nagapadayon nga paghulag sang Panayanon sa
pagprotesta sa walay untat nga pagpatuman sang
Oplan Bayanihan sa kaumhan kag sa puti nga lugar.
Makita ini sa mga hublag masa nga nag-ibwal sining
Nobyembre asta sang una nga bahin sang Disyembre.
Sadtong Disyembre 10, nagdagsa sa dalanon
sang Panay sang mga 13,000 ka pumuluyo nga
nagdemanda sang pagtib-ong sang tawhanon nga kinamatarung kag nagapamatuk sa Oplan Bayanihan.
Nag-abot sa 3,000 sini ang sa Iloilo; 8000 sa Roxas
City; 1,500 sa Kalibo, kag 500 sa Estancia, Iloilo.
Ang Kusog sang Pumuluyo -- Alyansa sang
mga biktima sang Yolanda sa Panay -- sa ila liwat
nga pagdemanda sang ayuda sa Aklan kag Capiz,
nagbuyagyag kag nagpamatuk militarisasyon. Ini
kapin sa Roxas City, nga ginbutangan sang 3rd ID
sang ila yunit pangsaywar ang lima ka barangay sang
syudad. Indi na magamit sang pumuluyo ang ila
barangay hall bisan sa “4Ps” pareho sa Brgy.
Dinginan kay ginateniran sang militar.
Antes sini, sadtong Nobyembre 8, mga 12,500
man ang nagdagsa sa mga dalalon sang Panay sa
okasyon sang ikatlo nga tuig sang Yolanda sa
pagdemanda sang ayuda kag pagpakamalaut sang
militarisasyon. Sadtong Nobrembre 25, sa tunga sang
bagyong Marce, mabaskog ang aksyon protesta sang
Panayanon sa pagkondenar sa pang-baganihan nga
lubong kay diktador Marcos sa Libingan ng mga
Bayani. Gindumdum sang nagkalain-lain nga
progresibo nga organisasyon ang pasismo sadtong
panahon sang layi militar. Gindeklarar nila ang
padayon nga pagpamatuk sa pasismo nga subong
nagapadayon sa pagpatuman sang AFP sang Oplan
Bayanihan.
Gindala man sang KM sa ila ginlunsar nga
lightning rally sadtong Nobyembre 29, ang
pagbuyagyag kag pagpamatuk sa mga bayolasyon
sang militar sa GRP ceasefire. Ini paagi sa pagbitbit
sang mga nakasulat nga mga islogan sa dala nga mga
plakard kag papel.
Balon man sang mga 200 ka Panayanon nga
delegasyon umpisa sadtong Disyembre 7 nga
Sakbayan/Lakbayan-Bisayas pakadto sa Manila ang
pagpamatuk sa militarisasyon. Dungan sa isyu sang
lupa kag ginbuyagyag nila ang bayolasyon sang
militar sa ila kaugalingon nga ceasefire kag
gindemanda ang pagpahalin sang militar paggwa sa
sibilyan nga komunidad.
Antes sila magsakay sa barko pa-Manila,
naglunsar anay sang piket-rali ang delegasyon, sa
atubang sang Kampo Delgado, ang hedkwarter sang
PNP-Region 6. Ila ginkondenar ang bayolasyon sang
militar kag imbolbado nga PNP sa GRP ceasefire.
Gindemanda nila ang pagpauntat sang militarisasyon
kag pagpahalin sang militar kag PNP sa ila
komunidad. Ini pareho sa Brgy. Bungsuan, Dumarao,
Capiz nga gindugangan pa sang 30 ka tropa militar ang pwersa sang PNP nga PSMC (Public Safety
Management Company) sa panahon mismo sang
ceasefire.#
6 Daba-Daba, Disyembre 2016
Mga inagihan kag ganar sa Rebolusyong Agraryo sadto sa Sentral Iloilo
(Ikaduha sa mga serye sang mga artikulo nga
nagalarawan sang mga kadalag-an sa rebolusyong
agraryo sa Panay)
adtong una nga katunga sang dekada 80 naagyan
na sang kolektibo nga paghimakas sang mga
mangunguma kag mamumugon sa uma ang
pagsulong sang rebolusyong agraryo nga nagresulta sang
mga ganar nga indi dapat pagkalipatan sa sentral Iloilo.
Nagalakip ini sang walo ka kabanwahanan sang Calinog,
Lambunao, Janiuay, Maasin, Badiangan, Mina, Duenas,
kag Cabatuan.
Halin pa sang katapusan nga mga tinuig sang
dekada 70s naumpisahan na sang mga kadre kag
hangway sang NPA nga nagahulag sa amo nga distrito
ang pagtuon sang kahimtangan sa lugar. Ini kapin pa sa
nagaluntad nga porma sang mga pagpanghimulos sa
produksyon sang paray, tubo, kape, kawayan,kag may
gamay nga lanot nga amo ag ginasaligan sang mga
mangunguma kag mamumugon sa uma.
Sa sini nga lugar, madamo ang mga agalon nga
may duta nga nagakontrol sa malagpad nga kadtuaan.
Sila man ang nagadominar sa pulitika bilang mga
upisyal sa burukrasya. Ginatos ka ektaryas nga palayan
kag tubuhan ang ginakontrol sang mga agalon, pareho
sang mga Locsin (daku nga agalon sa Janiuay,
Badiangan kag Mina), Rene Latog (Lambunao),
Mondejar (Maasin), “Brad” Malaga (Maasin), si Maria-
no (Abangay, Janiuay), Maravilla (Balanak-Aguingay),
Bantog (Anhawan-Cunsad sang Janiuay asta Pughanan
sa Lambunao). Kadam-an sa ila may ginahuptan nga
mga armado nga mga goons, pareho sang pamilya Ma-
laga sa banwa sang Maasin, luwas pa sa mabaskog sini
nga koneksyon sa kapulisan.
Bangud kontrolado sang mga agalon nga may-
duta ang malagpad nga kadutaan, nangin kondisyon ini
nga madamo kag nagadamo naman ang mga imol nga
mangunguma nga naga-agsa sa ila kadutaan kag mga
mamumugon sa uma, ilabi na sa panahon sang tig-alani
ukon tig-ulobra.
Malubha ang pag-antus sang mga mangunguma
kag mamumugon sa uma bangud sang malala nga krisis
pang-ekonomya kag pangpulitika sa idalom sang paghari
sang diktadrang US-Marcos-Marcos-Benedicto.
Sistema sang obrahanay kag partihanay
antes ang rebolusyong agraryo
Sa malapad ang parayan nga nasakpan sang
nahinambitan nga walo ka banwa. Mabubo ang sulhanay
sa pag-arado. Nagaabot lang sa P25 and suhol kada
adlaw. Kon ang manug-arado may iya kaugalingon nga
karabaw, nagaabot ini sa P50. Singkwenta pisos man
ang suhol kada adlaw sa pagkahon kag paghampil. Sa
tig-alani, ang paetihanay sa pa-ani sang paray amo ang
”anom-isa” –buot hambalon, sa anom ka pungpong nga
gin-ani, isa ka pungpong ang kaladto sa manug-ani kag
lima nang iya sang tag-iya.
Sa paghugot (pagpamupo) naman sang kape,
nagaluntad nga sistema sang partihanay ang “6-1” ukon,
sa anom ka sulukban nga kalteks, isa ka kalteks ang iya
sang manughugot kag lima (5) naman ang makadto sa
tag-iya. Ang iban nga madaya nga tag-iya sang kapehan
ginapaulbo ang buli sang caltex nga kabo.
Samtang sa trabaho sa kampo, ang sistemang
pakyaw sa pakarga-tapas sa panahon sang tiggaraling sa
mga grupo sang mamumugon sa uma. Ang pakarga-
tapas nagalakip sang trabaho nga pagpanapas tubo,
paghakot kag pagkarga sa trak (ukon bagun). Nagaabot
lang sa P10 ang suhol sa kada tonelada. Sa trak nga
gintapsan tubo, ginhakutan kag ginakargahan sang anom
ka toneladas, P60 pisos lang ang suhol nga parte-
partehon pa sang mga katapuan sa grupo.
S
7 Daba-Daba, Disyembre 2016
Paglunsar sang kampanya sa rebolusyong agraryo
Sandig sa nagaluntad nga sitwasyon, ginplano
sang Partido nga nagapamuno sa amo nga teritoryo ang
malaparan nga kampanya nga magabulig sa kabuhian
sang mga mangunguma kag mga mamumugon sa uma.
Sandig sa rebolusyonaryong pagsulundan, ginpatuman
ang mga panawagan sa minimum nga mga demanda. Ini
amo ang mga masunod:
Sa partehanay sa anihay sang paray, idemanda
nga pataason sang isa ka pungpong pabor sa manug-ani.
Buot hambalon, halin sa “anom-isa” himuon nga “apat-
duha” pabor sa manug-ani. Sa pag-arado, pagpataas sang
P5 pisos ang suhol sa manug-arado, halin sa P20,
mangin P25; kag sa may karbaw, halin sa P50 mangin
P60. Sa pagkahon paghampil, pataasan sang P5 pisos
ang suhol sang mamumugon, halin sa P20 pakadto sa
P25.
Ginademanda man ang pagpataas sang parte sa
paghugot sang kape, pakadto sa “lima-duha” ang
partihanay. Sa tubo, pataasan sang P5 kada tonelada ang
pakyaw nga pakarga-tapas.
Kaangut diri, malaparan nga propaganda ang
ginlunsar sa pagpanguna sang mga komite sang Partido
upod ang mga Armadong Yunit Pangpropaganda (AYP),
mga Sanga sang Partido sa lokalidad, sa kubay sang mga
organisado nga mga mangunguma kag mamumugon sa
uma – sa mga grupo pang-organisa (GP), Komiteng
Pang-organisa (KP), upod ang mga lokal nga milisya.
Samtang gin-nyutralisa man ang iban nga mga kaalyado
sang rebolusyon kag ginpaathagan.
Nagluntad ang mga komprontasyon kag mga
negosasyon sa tunga sang mga organisado nga mga
mangunguma kag mamumugon sa uma sa mayor nga
target nga demandahan ukon sa mga administrador nila.
Naglunsar sang mga welga sa mga kampo sang tubuhan
kag sa mga kapehan. Tanan sila nagademanda sa
pagpataas sang suhol kag pagdula sang mga pagdinaya
sa partehanay. Kadungan sini, ginkumbinse ang iban nga
mga mamumugon kapin ang halin sa iban nga lugar nga
indi magpagamit bilang eskirol sang mga agalon nga
mayduta.
Mga kadalag-an kag liksyon
Nangin madinalag-on ang malaparan nga
paghulag sang mga mangunguma kag mga mamumugon
sa uma sa pagsulong sining mga demanda sa
rebolusyong agraryo. Sa ila kolektibo nga
pagkomprontar sa mga agalon nga mayduta kag mga
administrador kag sa militante kag maisog nga
pagwelga, nagpataasan ang partehenay sa pag-ani sang
parar, hugot kape, karga-tapas, kag bisan ang paggama
sang kawayan asta ang pagsupdap kag pagrara.
Daku man nga kadalag-an ini para sa mga
mangunguma kag mamumugon sa uma sa iban pa nga
kabanwahanan nga nakabati sang ini nga mga hitabo.
Sila mismo ang nagduso man nga ipatuman ang mga
naestablisar nga partehanay kag pagpataas suhol nga
nag-umpisa sa kabukiran.
Ang ini nga kadalag-an nagresulta man sang
pagdasig sang pag-organisa kag pagdaku sang
rebolusyonaryong pwersa ilabi na ang pultaym nga mga
organisador kag madamo ang nag-entra bilang mga
Pulang hangaway sang NPA. Madasig nga naglapad ang
lugar nga ginahulagan sang mga yunit sang NPA kag
mga organisador sang mga mangungma. Ang mga
pumuluyo sa iban nga lugar kon makapamasyar sa ila
mga himata sa sulod sang sonang gerilya ang
nagapangimbitar sa mga NPA nga makadtuan ang ila
lugar agud maorganisa man ang mga pumuluyo.
Ginkilala sang malapad nga publiko, sang
pumuluyo, bisan sa gwa na sang teritoryo nga
ginahulagan sang NPA ang ang polisiya sang pagpataas
sang sulhanay kag partehanay nga ginhimakasan sang
rebolusyonaryong pwersa kag pumuluyo.
Isa ka liksyon diri nga makuha amo ang
pagbalay sang husto nga mga taktika sang pwersa nga
pahulagon kag pagtalana sang pangunahon nga targe
para sa malaparan nga paghulag sang mga imol nga
mangungunguma kag mga mamumugon sa uma. Nakuha
ini bangud sa husto man nga paghimo sang pag-
imbestiga sang kahimtangan kag pag-analisa sang mga
sahi.
Husto man ang pagtalana sang mga ispesipiko
nga demanda sandig sa interes kag pulso sang masa sa
tunga sang krisis kag sa tayming sang kampanya,
pagsubaybay sang dalagan sang kampanya nga
nagaupod direkta ang mga Armado nga Yunit
Pangpropaganda (AYP) sang NPA asta sa
pagkomprontar sa daku kag despotiko nga agalon nga
maydta kag pagtapna sang mga iskerol.
Liksyon man ang hugot pagpraktika sang
integrado nga sangkap sang inaway banwa – ang
pagserbi sang rebolusyonag agraryo, suporta kag
paghulag sang baseng masa sa pagpadaku sang armado
nga kusog nga amo ang NPA. Ang pagdaku sang pwersa
sang NPA nagserbi man sa pagsulong pa gid sang mga
demanda sa mas mataas nga lebel kag sa mas malapad
na nga lugar nga ginahulagan. #
8 Daba-Daba, Disyembre 2016
Feature
Iloy, Asawa… Kaupod
a mga sonang gerilya, madamu sila nga
imo makita, makamusta kag makilala. Sa
“biglang tingin” mahimo gid nga
mahusgahan mo sila … “mga iresponsable nga
mga iloy” nga wala sang balatyagon sa ila mga
anak.
Mahambal ko nga mga artista sila sa
‘pulang kumbong’ bangud sa ila maisog kag
maabilidad nga mga nawong masarangan nila
magtago sang nagakahidlaw nga balatyagon sang
isa ka iloy nga gusto mahakos kag mahalukan
ang pinalangga nga anak, gusto nga masundan ang
pagdaku kag mahatag ang nagakaigo nga pag-ubay.
Matungkad mo sila kon madalom nga maka-
estorya kag mapamatian sa ila nanuhay-tuhay nga
kasaysayan sa paghimakas; kon paano sila naga-atubang
kag nagabalanse sang responsibilidad bilang iloy, asawa
kag kaupod.
Si Ka Kei isa sa ila. Nagbiya sang eskwelahan
kag nagsampa sa hukbo sa panahon nga namartir ang isa
ka Pulang Kumander sa inaway. Nagpultaym siya sa
panahon nga ang larangang gerilya ginaturag sang
dalagkuan nga balos atake sang kaaway sa mga taktikal
nga opensiba sang NPA.
“Ang una ko ginbatuan indi pa gani ang kulba
sa kaaway kundi ang atake sang mga ‘katol-katol’ kag
gutom. May panahon nga dinuguan ang amon sud-an sa
tinanok nga palawan. Ginpangayo ko ang kapog nga
kan-on sang kaupod. Ginkinadlawan nila ako kag
ginhambalan nga ano ang kinalain sini nga ang dinuguan
ginasud-anan puto?” May pagkaham-ot nga nagasaysay
ang Kaupod.
Lamharon pa nga nabalo si Ka Kei. Namartir
ang iya bana sa isa ka engkwentro sa pasistang militar.
Liko ini sang kabuhi nga nagtilaw sang iya kaisog indi
lang sa tunga sang dalagkuan kag masingki nga
operasyon militar kundi kaisog sa pag-atubang sang
reyalidad kag konsekwensya sang kabuhi
rebolusyonaryo.
Ginpamatud-an niya sa kaugalingon ang
kabakod nga mabaton ang gulpe nga liko sang kabuhi
kag magtikang paabanse sa rebolusyonaryong banas.
Naglipas ang panahon kag paagi sa pagkabuhi upod sa
masa kag kaupod amat-amat man nga nagataliwan ang
hapdi sang kahapon. Para kay Ka Kei, ang namartir niya
nga bana tuldok lang sa minilyon nga masa, apang
espesyal nga tuldok para sa iya. Ini ang nag-inspirar sa
iya sa pagpabakod sang kaugalingon kag padayon nga
pagtungod sang hilikuton.
Nabilin nga handumanan niya ang duha ka tuig
nga bata nga ara sa pag-inakop sang pamilya. Indi
nangin sablag sa hilikuton ang pagpadaku sang bata.
Tuman ang suporta sang pamilya kag komunidad sa
pagtatap kag pagpabatyag sang pagpalangga. Sa bahin ni
Ka Kei, indi nangin upang ang matag-as nga kabukiran
kag maliko nga kasapaan para mapabatyag sa iya anak
ang iya pagpalangga.
“Indi nangin daku nga halambalanon sa akon
ang pagbilin sang anak bisan pa man daw mabuka ang
dughan sa una nga pagtalikod. Indi ko gusto magbalikid.
Nahadlok ako nga dag-on sang akon pagka-Nanay ang
akon pagka-Kaupod.” Ang matuod sang nangin Nanay
na siya mas labi niya na-internalisa ngaa natugyan sa ila
lola kag auntie ang pagtatap sa ila nga mag-utod.
“Akuon ko… sadto may pagsunggod ako sa
akon ginikananan. Ang linghod ko nga pamensaron
nagapamangkutanon. Indi bala kami palangga? Ngaa
ginabilin lang nila kami? Sang nag-NPA na ako, didto
ko natungkad ang madalom nga rason.” Mga rason nga
bisan ginapaathag man sa iya sadto sang iloy kag amay,
mabudlay pa niya hangpon. Sang nangin rebolusyo-
naryo nga iloy na siya, dugang niya nainternalisa kag
nareyalisa ang sirkumstansya sang iya pagdaku.
Kinahanglan sang isa ka iloy nga direkta makig-
away para sa buasdamlag sang pinalangga nga bata.
Responsibilidad sang ginikanan nga pundaron ang
masanag nga palaabuton sang gin-anak. Kag mahimo
lang ini paagi sa paghilway sang iya sahi kag sang iya
kaugalingon sa kapigusan kag pagpanghimulos.
Indi lang si Ka Kei, indi lang siya. Madamo
sila.#
S
9 Daba-Daba, Disyembre 2016
Alipalok
Tudo arte ang yunit PDT, 3ID para maglapit, mag-
pahumot sa pumuluyo sa baryo. Sari-sari ang diskarte –
“medical mission”, “fun run”,”candle lighting for
peace,” painom, pa-liga sa basketball, pasagod baboy,
manok inugbulang, pasugal, druga kag iban pa.
Pwerte! Abi mo sinsero gid?
Ang ultima man lang nga tuyo maniktik kag
magrekrut impormer batuk sa hublag kag sa NPA.
* * *
Sa isa ka baryo: Plano sang PDT nga kontro-lon ang
hulag sang pumuluyo paagi sa “curfew”.
Problema nila kay nagaalam kag nagakabaid ang
utok sang masa. Lain-lain man ang ila mga dis-karte
paanu ini kontrahon. Gani sa baylo malimitahan, army
pa ang naling-an kag natak-an.
Ginataymingan sang masa nga nagahuragok na
ang army. Hungod mag-agi sa ila gina-estaran.
“Sir! Sir! Maayong gab-i! Maagi lang kami
pauli!” Pamukaw sang mangunguma.
Sa kaagahon may liwan naman nga grupo. “Sir!
“Sirrr!” Panawag, dungan palpag sang atop ukon
anuman nga makatuga sang gahud para makapa-mukaw
kag maglisensya nga makadto sa uma.
Kibot nga nagabungkaras ang hubog pa nga
armi.
Sunod nga gab-i lain naman nga grupo. “Ma-
manlo kami Sir, basi matapangan ninyo kami.”
Nakibot naman ang army. Alang-alang man sila
mangakig kay “nagalisensya” ang mga tawo kay ina
man ang ila pagsulundan.
Hayy…ti? Nagabuaw ang mata sang mga armi
sa permi disturbo nga tulog.
“Tsk! Masaylo ta, maggwa ta di sa tunga bar-
yo!” Kulumuron sang army. “Indi ta maayo katulog!”
Mirisi! Angay gid ina sa PDT.
Tuhay naman ang taktika sang iban nga baryo. Sa tunga
sang kahulugbon kag madalom nga katulugon sang
militar sa tunga baryo, nag-pasigabong ang masa sang
kamara ukon buga.
Nagabangon-suli kag ginkulbaan ang armi.
Pensar nila ginsalakay na sila sang mga NPA.
* * *
Isa ka aga: Wala nakadigamo ang army kay nag-untat
ilig ang tubig sa hose. Pensar nila ginsalakay sang hayop
ang hose amo nga nabugto ang linya sang tubig.
Ang matuod ginpatuwas gali sang masa ang
puno sang hose. Indi na makatig-ang. Nahadlok man
magkay-o sang linya sang hose ang army kay basi may
nagahukmong naman sa talon, ukon may magsigabong
naman nga ekplosibo ang NPA.
Sa kadugayon, napilitan maglakat na lang sa lain
nga lugar ang army. Permi lang abi nagamala ang ila
tutunlan kag nagakaatrasar ang ila panig-ang.
* * *
Gindeklarar ni Duterte ang unilateral ceasefire sa iya
unang SONA sang Hulyo. Apang antes sini tuso anay
nga naglabugay ang dalagku nga operasyon sang armi sa
kabukiran. Pagkatapos sini nagpungko na dayon ang
PDT.
Nagaka-alangan ang armi kon i-putakte sang
pumuluyo sang mga palamangkutanon nga mismo sila
nabudlayan magsabat. Ti, may ceasefire man bala Sir?
‘Gya pa kamo haw? Sige pa inyo operasyon?
Ayawan panagang ang PDT sa nagalinupad nga
pamangkot sang pumuluyo, gani napilitan na lang nga
maglakat. Tayming man sila ba! Ipadangat na tani ang
ila reklamo kay meyor.
* * *
Matuod gid nga bubon sang wala nagakahubas
nga kinaalam ang masa. Wala nagakawad-an ideya sa
pagsabotahe sang kaaway nila. Sa ila agresibo nga
pagbulabog napilitan magbiya ang PDT.
Kuntani ining mga napunpon na inagihan
magainspirar sa mga kabaryuhanan nga tubtub subong
padayon ginateneran sang PDT nga mabalay sang plano
para matabog ang manugpaniplang, manugpalapnag
druga kag manugsabwag sang terorismo.#
10 Daba-Daba, Disyembre 2016
Bahandi Sang una nga kahigayunan sang aton pagkita; nagpakilala kami nga NPA
Nagtamyawanay kag hugot ang aton pagpangamusta nga walay pagpangindi
Ginsaysay namon kon ngaa yari kami, kag maukod ang inyo pagpamati Ginsagda ninyo kami nga magpasilong
sa inyo panimalay bilang pagbatiti. Sa liwat nga tion sang aton pagpadayon
Wala gihapon kita sang pagkataka nga plano pagabalayon
Kag dalayon naton ini nga ginatamdan sa pagtikang sang pagsulong Tubtub mapundar naton ang mga laragway
sang rebolusyon sa aton tagipusuon. Indi malikawan natalupangdan sang kaaway
nga nagalapad kita kag nagadalum Nagpulok sila. Pila ka beses nga gintilawan nila
nga gub-on ang aton paghiliusa Madamu lang sang padihot nga tiplangon kita…
apang alerto nagpadayon kag nagpakalig-on kita kag napaslawan sila.
Bisan may mga kahinaan kag kasaypanan nagpanadlong kag nangibabaw kita Bangud isa ini ka gyera, makig-away kita
Padayon nga maghalad kita sang aton maayong kabataan sa inaway banwa Hanason naton sila nga mangin isganan
kag malig-on nga mga kadreng magpanguna.
Tubtub nga magaanaw ang pagsulong sang rebolusyon sa bug-os nga kapuluan Sul-ubon naton ang tore sang mga sakon
kag panason ang ila kaharian Lab-uton naton ang langit para sa duta kag ihalad sa anakbalhas sang kalibutan
Sa pagpanguna sang Partido, pasaron ang hilway kag mauswagon nga katilingban.
-- R. Montana