Faktu 5 kona-ba Trump ne’ebé ema ladun hateneHusi Mark Trainer - 19 Janeiru 2017

(© Imajen AP )

Too iha tempu prezidente foun ida hetan tomada de posse, hafoin kampaña naruk no eleisaun kompetitiva, Amerikanu sira – no mundu – hatene ona buat barak kona-ba nia. Tau hamutuk ho Prezidente Trump nia perfil famozu molok nia konkore ba prezidensia, ita boot sira dala ruma hanoin katak laiha tan buat seluk atu hatene kona-ba nia. Maibé tuir mai imi bele sani faktu 5 ne’ebé ema ladun hatene kona-ba Prezidente Estadus Unidus ba dala-45 ne’e.

Poder ba Ema Famozu

Donald Trump, Melania Trump no sira nia oan mane, Barron, hamrik hodi hasai foto hafoin Donald Trump simu prémiu fitun ida iha Paseiu Fama Hollywood nian. (© Imajen AP)

Bainhira nia halo juramentu nudar prezidente, Trump sai hanesan ho Ronald Reagan nudar prezidente nain rua Estadus Unidus nian ne’ebé ho prémiu fitun ba Paseiu Fama Hollywood nian , paseiu famozu iha Kalifornia ne’e hodi omenajeia ema ho susesu notavel nain 2,500 iha industria divertimentu nian. Trump hetan omenajen ne’e iha tinan 2007 ba ninia obra programa televizaun,

“The Apprentice.” Reagan simu ninia prémiu fitun iha tinan 1960 ba ninia kareira nudar autór molok tama iha polítika.

Kaer liman

Prezidente-eleitu Donald Trump, karuk, kaer liman ho Vise Prezidente-eleitu Mike Pence. (©Imajen AP)

Dekáda hirak liu ba, Trump hateten katak nia la gosta kaer liman ho ema tanba nia ema ida ne’ebé moos tebes. Maibé aprende hodi halakon desgostu ne’e iha prosesu kampaña lá’os buat ida ne’ebé difisil. “Ha’u polítiku ida,” Trump dehan durante kampaña. “Imi bele imajina tok se ha’u hatete katak ha’u sei la kaer ema ida nia liman?” Nudar prezidente, nia possivelmente sei kaer ema nia liman hamutuk 65,000 kada tinan.

Hahú ho oituan hodi hetan osan barak

Trump dehan ba revista Forbes  katak ninia rendimentu dahuluk nia hetan

bainhira nia (iha leten, iha parte karuk) no nia alin (leten, parte loos) rekolla

botir soda iha fatin konstrusaun ninia aman nian, konstrutor ida iha Nova Iorke.

Botir mamuk hirak ne’e hafoin bele troka fali iha distribuidor hodi hetan osan

sentavus oituan. “Karik menus liu fali subsidiu fulan-fulan nian,” Trump dehan.

Mogul nia movimentu

Boot mai hamutuk ho ha’u nia família - Ha’u mak iha liman karuk.

(© Imajen AP)

Servisu Sekretu, nudar seguransa prezidente nian, fó naran kódigu ba prezidente, no mós ba membru ninia família ida-idak. Membru família ida-idak nia naran kódigu komesa ho letra ne’ebé hanesan. Prezidente Trump nia naran kódigu maka Mogul. Primeira Dama tuir mai, Melania Trump ninia naran Muse, no nia oan-feto Ivanka nia naran kódigu maka Marvel.

Sidadaun Trump

Orson Welles, Eskritor-diretor Citizen Kane. (© Imajen AP)

Trump ninia filme favoritu maka Citizen Kane halo iha tinan 1941, ne’ebé konta istória kona-ba moris patraun boot jornal ida nian. “Ha’u sente ita aprende iha Citizen Kane katak karik rikusoin lá’os buat hotu. Tanba nia iha rikusoin, maibé nia laiha felisidade,” Trump dehan iha entrevista video ida iha tinan 2002.