Ai Ndang Adong Na So Tarpatupa Debata (Lukas 1, 37)

Buku Kenang-Kenangandi Syukuran 5 Tahun HKBP Ressort

Jorlang Huluan22 Februari

2004 2009Hata Patujolo

Dalan laho patomutomu buku Kenang-kenangan Syukuran 5 Taon HKBP Ressort Jorlang Huluan on, i ma marhite na manguhal sian angka laporan manang bericht sian angka parhalado naung hea mangula di huria-huria i, dohot angka buku tingting. Dungkon ni i dohot ma sian wawancara tu angka na natuatua na mananda dohot na mengalarni panggulmit dohot parsorion di angka huria na adong resort Jorlang Huluan on.Godang dope na naeng patolhason marhite Buku Kenang-kenangan on, alai ala hurang tangkas hasintonganna manang hurang godang hatoranganna, gabe pajoloonnami ma angka hatorangan na marojahan tu na patauhon haporseaon dohot panogunoguon ni Debata Amanta parasi roha i, asa Ibana na mangiringiring hita mardalan sian sundut tu sundut jala gabe sitindangi ni Tuhanta Jesus Kristus sandok ngolunta.Tasangkapi do patupa sada syukuran manang songon na marulang tahun hurianta HKBP' Ressort Jorlang Huluan, naung marumur 5 taon di taon 2009 on. Nian martimbanghon angka huria naung matoras na asing, ndang sadia dope na boi dohonon songon parningotan ni i. Alai tapatupa pe syukuran on, dalanta do manghamauliatehon sude angka pambahen ni Jahowa tu hita sude, ruas ni huria HKBP Saressort Jorlang Huluan.Anggiat buku Kenang-kenangan Syukuran on mangonjar dohot pahehehon rohanta manguduti ulaonNa di harajaon ni Debata jala bahen olopolop dohot pujipujian di Ibana.“Ai ndang adong na so tarpatupa Debata, Lukas 1, 37”

Pamatang Jorlang Huluan, 15 Februari 2009

An. Seksi Sejarah,

Pdt Bakti J Situmorang

Hata Huhuasi

Sada basabasa do huhilala hami panogunoguon ni Debata di hami secara pribadi dohot keluarga di na boi hami mangula di HKBP Ressort Jorlang Huluan. Sian huria on do hami borhat manjalo pasupasu parbagason di taon 2007 i, suang songon i pasupasu ditonga ni bagasnami.Dung ojak hami dison tanggal 5 Desember 2004 na salpu, godang do na pinarsiajaran taringot tu ngolu parugamoon dohot angka parsaoran di luat on. Tung nihamauliatehon do angka hasadaon dohot dos ni roha di angka huria, ruas dohot parhaladona. Nang pe ingkon dohonon sai adong do angka bangko dohot hasomalan sipatureon asa lam tu dengganna. Ala memang tardok angka na marhaha anggi do, na markeluarga do sude ruas na di huria na tolu i : Jorlang Huluan, Marihat Huluan sahat tu Gunung Pariama Sihaporas.Di tingki on nunga atur mardalan angka parguruan dohot partangiangan di ganup lunggu manang sektor di angka huria i. Tung dihamauliatehon roha do angka haringgason dohot parsitutuon ni dongan parhalado dohot sude ruas di na patupa angka partangiangan dohot parguruan i.5 taon ma tutu ressort Jorlang Huluan sadari on, 22 Februari 2009. Sambolus sada tingki na jempek do di na deba, tung aha ma mass na boi ingoton dibagasan lima taon. Alai sambalik, ingkon parhatutuonta do godang angka na mesa, molo niingot i na tau pahehehon roha hamauliateon songon ruas ni huria i iba. Ingkon dibagasan pangalaho na tu lam dengganna ma nian, molo dung tipak hurianta on gabe sada ressort di HKBP.Ala ni i tung ulaon na balga do na pinatupa ni Debata on di hita, na diluat on. Dijou do hita ganup tu parsaoran dohot ibana, mangaroro hita sian angka haholomon dohot haotoon, pasiding angka ulaon-ulaon haholomon dohot hasipelebeguon. I do na sai tahatindanghon, paboa

ndang adong na so tarpatupa Debata. Dibagasan roha sisongon i tubu ma di hita panghirimon asa lam tu ringgas na hita pauliulihon huria, manjagahon parnampunaon ni huria ai ugasan ni Debata do i; jala disuru hita manjagahon i.la angka sejarah na jumpang hita dibagasan buku na metmet on, tung hurang singkop dope huhilala hami. Ndang apala sude dope na boi tagurithon dison taringot tu panggulmit dohot pardalanan ni huria sahat tu tingki on. Sijamothonon ni huria na ma tutu tu tingki na naeng ro asa boi i tarsurat, jadi ndang be tinggal holan diparningotan sambing.Sai na depot do tingkina muse udutan ni angka dongan na mangihut tumangkas manggurithon angka sejarah manang turiturian ni angka huria. Asa lam dasip nang pangantusion dohot pamingotan taringot tu panogunoguon ni Debata di huriana, lumobi di huria-huria na adong, di ressort Jorlang Huluan.Anggiat lam marbungaran hata ni Debata di angka rumatangga dohot parsaoran diluat Jorlang Huluan, gabe lam torop angka na porsea jala kristen sipartangiang.

Pamatang Jorlang Huluan, 15 Februari 2009

Pandita HKBP Ressort Jorlang Huluan,

Pdt Bakti J Situmorang

Hata Parolopolopon

Sada pasupasu do di hami dijou Tuhan-ta hami laho manghobasi huria-Na di Ressort Jorlang, Huluan. Sada pelayanan na so tarhalupahon hami songon pandita di hurian-Na HKBP. Sada panggilan na menarik do dihami di tingkii di nanaeng ditempathon di HKBP Persiapan Ressort. Jorlang Huluan. Ditingkii disangkapi laho manjae sian HKBP Ressort Tiga Bolon. Pandita Nelson Siregar (Kepala Departemen Diakonia HKBP) ditingkii gabe Praeses HKBP Distrik V Sumatera Timur, manjou hami di tingki Sermon Distrik, jala dipasahat nasida sangkapna tu hami, "bersedia doho ditempatkan di Jorlang Huluan, na naeng persiapan ressort?." Tanpa berpikir panjang, jala tanpa marpanungkun didia do Jorlang Huluan on, hata ha haruar sian pamangan "Olo, siap". Tanpa husadari hami, nunga parjolo pandita Nelson Siregar patandahon harm tu utusan HKBP Persiapan Ressort Jorlang Huluan. Dung hutinjau hami ma lapangan, hulewati hami Sidamanik, hulewati hami Perkebunan Teh Sidamanik, dibariba dolok ternyata ima Jorlang Huluan, jala hulului hami pagaranna HKBP Marihat Huluan, dohot HKBP Gunung Pariama Sihaporas, diboan dohami tombus tu Parapet. Dung hudapot hami HKBP Jorlang Huluan, sada panindangion sian hami, martangiang hami mangido gogo sian Tuhan-ta jala sian roha bagasan hudok hami "manang tudia pe Tuhan, rade do naposomon mangula".Haruar ma SK-nami, sian Pandita diperbantukan di HKBP Ressort Sinta Nauli gabe Pandita Persiapan Ressort Jorlang Huluan. Diojakkon ma hami gabe pandita HKBP persiapan resort Jorlang Huluan, ditingkii dipatupa huria Jorlang Huluan ma pesta huhut pesta Peresmian HKBP Persiapan Ressort Jorlang Huluan. Mansai las roha, jala tung torop do ruas ni huria sian

HKBP Ressort Sinta Nauli pataruhon hami tu Jorlang Huluan. On ma keluargaku di Jorlang Huluan.Dinarnamungka pelayanan parjolo di Jorlang Huluan, pajumpang ma hami dohot angka dongan parhalado saressort Jorlang Huluan dohot sude ruas ni huria. Sada komitmen bersama, ima mewujudkan Persiapan Ressort Jorlang Huluan gabe resort na gok ditonga-tongs HKBP. Tugas terutarna ima pajongjong bagas ni Pandita Ressort, jala mempersiapkan resort Jorlang Huluan secara administratif. Sada panindangion sian hami, ndang margogohon hepeng sambing Parhalado dohot ruas ni huria saressort Jorlang Huluan pajongjong bagas ni pandita, alai na boi huhatindanghon hami kerjasama, saling bahu membahu angka parhalado dohot ruas gabe boi jongjong bagas ni pandita. Holan 2 halak do tungkang sigararon, lobi nai ruas dohot parhalado do marroster mangurupi tungkang, sahat tu na sidung bagas ni pandita. Angka ama, ins dohot naposo manarui pasir sian sungai tu lokasi gareja, laho pajongjong bagas ni pandita. Sada pasupasu di tongs-tongs huriaNa HKBP Ressort Jorlang Huluan, diresmikan Sekretaris Jenderal HKBP Pdt. WTP. Simarmata, MA dibulan Februari 2004, hurang lobi 7 bulan sian peresmian Persiapan Ressort Jorlang Huluan. "Berat sama dipikul, ringan sama dijinjing" kerjasama antara seluruh jemaat mambahen ulaon na borat gabe boi sidung ditingki na.

Pesta peresmian HKBP Ressort Jorlang Huluan gabe sada pasupasu na balga dihita saressort Jorlang Huluan. Ari udan na doras gabe ari pasupasu dihita saluhutna. Pesan sian hami, sai tongtong ma tajaga huhut tatingkathon kerjasama ditongatonga ni hurianta. Asa gabe pasupasu huria ni Tuhanta HKBP Ressort Jorlang Huluan di portibi on. HORAS..

Pdt Pintor M Sitanggang, MTh

Lutheran School of Theology at ChicagoChicago Illinois, USA

Hata Parolopolopon

Pesta harohaon na marhahonaan to partondion do pesta Syukuran manang ulang Tahun Huria i, ai disi tahalashon do sada partingkian na arga, i ma ombas parhusoran ni parrohaon di bangsonta dohot di luanta on. Ombas na mamunjung do tingki parhusoran i, todos ni roha laho mangojakhon sada ngolu na imbaru di tongatonga ni huria i, na marpanghorhon na sumurung tu pinompar marsundutsundut.Sian bangso na terisolasi (tertutup) hian angka ompunta i, nuaeng nunga gabe bangso na terbuka, na marhamajuon, parsaor, na rarat di Indonesia dohot di portibi on.Parrohaon sisongon i, porlu suantohonhon di Syukuran ni hurianta HKBP Ressort Jorlang Huluan ditingki on. Unang adong sian hita parroha na tois, na manundalhon Hata ni Debata, naung mamboan hita tu haluaon na di daging, lumobi ma di partondion. Ai dibasabasahon do tu hita sian parmusumuson gabe pardame, sian parroha diri gabe parholong, sian na masiajiajian tu na masiurupurupan. Dilehon do tu hita hasesaan ni dosa; jala dipahot hangoluan sogot gabe jambamta.Tahamauliatehon ma todos ni roha angka siboan barita na uli na parjolo i, angka Guru-Evanggelis-Pandita-Sintua. So dihabiari angka insakinsak, so sumurut sian parmaraan, so matahut tu hamatean. Sude na i ulaon ni Debata do; panodoon ni Tondi Porbadia i. Tondi ni Debata na mandasdas angka na borhat tu hita suang songon nang hita manjalo i marsigomos tu barita na uli.Selamat Pesta Syukuran..

Praesses HKBP Distrik V Sumatera Timur,

Pdt Pieter Hutapea, MTh

BAGIAN PARJOLO

Sejarah ni Huria-huria

Sejarah Huria HKBP Jorlang HuluanSongon na tarsurat di angka taon siingoton ni huria di Almanak ni hurianta, tahun 1930 mamungka ma ulaon sending di Simalungun, na nipatupa ni Badan Sending RMG sian tano Jerman.Taon 1930 ojak ma Tuan Bregenstroth songon missioner di Siantar, laos dohot ma nasida mangula missi di luat humaliangna. Mangihuthon barita di, ditingki tuan i do godang angka bangunan dohot haporluan ni parguruan di huria i dipajongjong nasida sahat tu Siantar sekitarna.Ia HKBP Jorlang Huluan jongjong di taon 1934, i ma na pinajongjong ni Zending Batak. Jala Guru zending na parjolo mangula disi ima Gr Hendrik Nababan. Jala gareja dipangke ma huhut gabe parsingkolaan. Tano pertapakan gareja i ma na nilehon ni Tuan Jorlang Huluan; bidangna sekitar 1 ha. Garejana lantai papan, dinding papan, atap seng; ukuran 8 x 12 m.Ndang adong boi gumodang botoonta taringot na masa di huria i nang di luat Jorlang Huluan diparholangan ni partingkian i. Alai nunga sai torop angka na manghasiholi masuk tu huria; tarida do i hamubaon ni roha ni jolma sian na torop na tardidi magodang, laos disi manghatindanghon haporseaonna. Sian angka i tarida ma godang panghorhon ni Barita na uli i, mamboan haimbaruon di parrohaon dohot di parsaoran di ngolu siganup ari.Sekitar taon 1970-an, dipatudu Debata do huasoNa manjou angka jolma i na diluat on, asa porsea di lbana. Ai dung lam ragat pangontak ni peristiwa G 30S/ PKI,

tung torop do tamba ruas ni huria i, ala mabiar didok na so marugamo manang dituduh PKI. Ujungna dipandidihon Pdt ML Gultom, hatiha i torop pangisi ni luat Jorlang Huluan sekitarna di sada parmingguon.Di tingki i nunga bangkit manang na piga sintua, alai sai na hurang dope angka na ginoaran parhalado. Nunga adong nian manang na piga angka na learning dohot naung manjalo tohonan, alai deba sian nasida nunga pegawai negeri, isara ni amanta St TR Ambarita, St RK Damanik. Sipata ala ulaonnasida ingkon mardua inganan nasida, ala ingkon laho nasida tu pangajaranna.Tinggal ma amanta St JF Damanik, St DS Gultom, St B Siallagan. Laos disi sian dos ni roha ni huria dipillit ma angka na marguru dope dohot angka na manghobasi, Cst O Damanik dipillit gabe Bendahara huria, dohot Cst Josua Situmorang songon Sekretaris huria (nuaeng nasida tinggal di Talun Kondot marulaon dibagian kesehatan).Manjae ma angka ruas ni huria na ro sian Marihat Huluan, jala sementara disi dipangido ma St B Siallagan gabe Voornganger; paima adong na tau di huria gabe Uluan. Tinggal ma amanta St F Damanik, Cst DS Gultom, Cst O Damanik. Hirahira taon 1978, disi ma dipapinda gareja na leleng, na marbara i gabe bangunan na imbaru. Apala di pargarejaan sinuaeng mandompakhon parsingkolaan SDN Jorlang Huluan ma bangunan gareja na leleng i.Saut ma direhabilitasi ma gareja i gabe semi-permanen atas swadaya ni ruas. Disi godang do bi tahatindanghon sumbangan pikiran, tenaga nang materi sian ruas ni huria, angka natuatua i. Pola do manggargaji hau papindahon gareja na martiang i, isara ni Jabokber Sigiro, Amanta Sipayung, Ekkar Sijabat, Idam Damanik; jala na asing ma mangangkat sian harangan i songon i dohot mangarura pertapahan gareja i. Na mamandei disi tong do sian ruas dohot parhalado, Cst O Damanik dohot

amanta Roli Siallagan nahinan bagian batu. Dung hira sun disangkapi ma patupa pesta pembangunan ala sai adong dope na ringkot di bangunan i.Di ombas i dipatupa ma pesta Pembangunan laho mambuat dana keperluan gareja. Ribur do pesta Pembangunan i jala tung godang do angka sumbangan termasuk sian Bupati Simalungun, dohot angka partai Golkar (50 lembar seng no 28 si 8 kaki) dohot hl. 3 ton hau 3x5x16m, i ma napinangke muse mambahen bantalan dohot partonggol ni gareja i.Ia angka panitia pesta pembangunan i1. Ketua : Kadin Damanik2. Sekretaris : Cst Osmar Damanik3. Bendahara : Guru A Damanik.

Dohot ma angka natuatua isara, N Siallagan, I Damanik, Iring, Rufe Damanik mangaturhon angka pembangunan i sahat tu na sidung muse.Di laonlaon ni ari masa ma hamaolon di huria i, pola gabe adong na haboratan di Guru Huria disi amanta St F Damanik. Ujungna gabe dipillit ma manang piga calon sintua sian i, ima Cst Marida Siallagan (Op Elin nahinan), Cst Raman Siallagan, Cst Pisman Siallagan, Cst Jepen Ambarita (Huta Pohon). Alai ni angka na masa i, holan hl. 3 bulan do nasida learning asa manjalo tohonan; laos dipatupa ma i manjanghon nasida di ari 31 Agustus 1980.Hirahira taon 1980, di tingki ni Guru Huria St DS Gultom, disi ma dituhor huria giringgiring arsam Rp. 50.000,- sian HKBP Sarimatondang, ala manuhor giringgiring na imbaru huria i. Laos disi dibuat ma sian dos ni roha sada poti marende siunggalunggalon na bekas arsam ni Rp.50.000,-.Di holangholang ni partingkian i sai adong do tamba bangunan, isara rehabilitasi pature lantai ni gareja na

parjolo i. Asa adong do manang na piga hali dipatupa pembenahan ni bagas gareja i.Dung masuk PLN, sada tingki dipingkiri ma pamasuk lampu tu gareja jala bahat do sumbangan ni Amanta R Siallagan dohot inanta i, tagan mulak nasida sian Jakarta tu huta.Di taon 1985, dimulai ma pembangunan palaspalas tahap I. Di tingki dihatai ma asa St Pisman Siallagan nahinan mamandei dung konsultasi tu KDT ni Perusahaan Bah Butong Herkules Siallagan marhite sian Amanta St Marida Siallagan nahinan. Dung i pe asa mamungka dibangun palaspalas i bertahaptahap.Di taon 1987, pembangunan palaspalas tahap II.Di taon 1989, selesai ma palaspalas, i dibangun.Dana untuk pembangunan palaspalas ima secara iuran mingguan, Rp. 100,- per KK manang Rp. 5000,- ma sataon.Di taon 1990 terjadi ma perobahan ni status tano huria sesuai dohot keputusan rapot antara pengurus gereja dohot kepala SDN 091282 Jorlang Huluan, na dihadiri Kepala Desa dohot Pangituai-pangituai ni huta Jorlang Huluan. Sebahagian tano ni huria diserahkan kepada pemerintah untuk pertapakan SDN Jorlang Huluan.Di taon 1991, tanggal 20-21 Nopember dipatupa ma pesta Pembangunan HKBP Jorlang Huluan, jala hasilna ma i manuhor bangku gareja 20 biji.Ditaon 1996, pembangunan bilut parhobason tahap I.Di taon 1997, selesai ma dibangun bilut parhobason/ tahap II.Pembangunan gereja HKBP Jorlang Huluan torus do berlanjut tahap demi tahap, sahat tu na mambahen dinding permanen di tahun 2000, dohot dana Rp. 200.000,- /KK tangga torus, ½ bayar tangga balu. Di taon 2001 mamasang asbes, dengan dana Rp. 100.000,-/KK.

Lelang Ringan Awal BulanDi hinaringkotna dipingkiri ma mambuat Ia organ ni gareja i, ma sian hasil ni lelang ringan setiap awal bulan. Ala dipungka do lelang awal bulan, di masa ni St TR Ambarita menjabat Guru Huria tung mansai godang do panghorhonna manggohi angka na hurang di haporluan ni huria i. Dituhor ma soda Poti Marende arsam Rp. 1.000.000,- sian Era Musika Pematangsiantar.Disi marsilua ma sude angka ruas di soda minggu bona ni bulan i; miduk do nian angka panumpahionna tu huria. Ai adong do deba ruas mamboan manuk sada, angka hasil pertanian dohot na asing; jala silelanghonon ma i dung sidung dipasahat. Sada hasomalan na denggan do nian i, asa sude ruas manghilalahon rap mamampunasa di huria jala sude manghilalahon ingkon manumpahi do iba dihuria na tau pahembanghon huria iDi bulan mei 2003, mardos ni roha ma huria HKBP Jorlang Huluan, HKBP Marihat Huluan, HKBP GP Sihaporas mambahen surat permohonan tu Pandita HKBP Ressort Tigabolon, tu Praesses HKBP Distrik V Sumatera Timur, asa manjae ma nian sian Ressort Tigabolon ala madaohu sermon angka sintuana tu tigabolon. Atas persetujuan ni amanta Pdt K Simamora, STh Pandita HKBP Ressort Tigabolon saut ma manjae na 3 huria i sian Tigaboon, i ma gabe persiapan Resssort HKBP Jorlang Huluan; jala HKBP Marihat Huluan, dohot HKBP GP Sihaporas ma pagaranna.la HKBP Marihat Huluan na manjae do i sian HKBP Jorlang Huluan di taon 1977, suang songon i ma HKBP GP Sihaporas na manjae do i sian HKBP Marihat Huluan di taon 1987.Di tanggal 29 Mei 2003,ari kamis di Pesta Hananaek ni Tuhan Jesus, ro do Amanta Pdt Nelson Siregar, STh Praesses HKBP Distrik V Sumatera Timur dohot rombongganna meninjau na 3 huria i. Jala dung dibereng nasida, saut ma disetujui Amanta Praesses gabe

Persiapan Ressort. HKBP Jorlang Huluan, dengan persyaratan ingkon adong do rumah dinas, i ma jabu ni pandits ressort. Jadi untuk rumah dinas i, niluluan ma pertapahanna, gabe dapot ma pertapakan di jolo gareja HKBP Jorlang Huluan, i ma tano ni Amanta R Siallagan (Pak Benni Siallagan), pinompar ni Amanta St K Stefanus Siallagan, mantan Voorganger HKBP Jorlang Huluan ditaon 1957-1959. Bidang ni pertapakan i : 12m x 22 m = 264 M2 dengan harga Rp. 1.500.000,-.Jadi ala naung adong do pertapakan rumah dinas/ rumah pendeta ressort, atas musyawarah bersama na 3 huria i rap dohot amanta. Pdt K Simamora, STh, Pdt HKBP Ressort Tigabolon, dibentuk ma kepanitiaan6 i ma Panitia Pesta Peresmian Persiapan Ressort HKBP Jorlang Huluan dan Pembagunan Rumah Dinas Pendeta Ressort, ditanggal 1 Juni 2003, toho diari minggu.Atas musyawarah ni Panitia, Pdt HKBP Ress Tigabolon dohot Praesses Distrik V Sumatera Timur, saut ma dibahen Pesta Peresmian Persiapan Ressort HKBP Jorlang Huluan dan Pembangunan Rumah Dinas Pdt di tanggal 27 Juli 2003, i ma di ari minggu. Acara Pesta Peresmian di bust tersendiri oleh Kantor Distrik V Sumatera Timur. Ia na manguluhon persiapan ressort i, i ma amanta Pdt Pintor M Sitanggang, STh.Jongjong do podium dohot langgatan na balga di bagas gareja, na nigagasan ni sude parhalado dohot Pdt Sitanggang maniru sian HKBP Sinta Nauli, Pematangsiantar. Taon 2008 na salpu i, nunga dengan mardalan pembangunan paulihon lantai bagas gareja I gabe lantai keramik. Dapot do i sian panumpahion ni sude ruas sian gugu Rp. 100.000/ KK dohot angka panumoahion ni na marholong ni roha di huria i. Sahat tu nuaeng, disangkapi do torus mardalan pembenahan pembangunan ni huria, anggiat lam tu denggan jala tu rentana partangiangon dohot parmingguon disi.

Angka Guru Huria/ Voorganger/Uluan Huria di HKBP Jorlang Huluan Taon 1934-2003No. Goar Periode1. Gr Hendrik Nababan 1934-..2. Gr Saiman Saragih3. Gr Justin Sidabutar4. Gr Marthin Nainggolan ..-19505. Gr Jonner Siallagan 1950-19556. St Dapot Sauduran Gultom 1956-19577. St Kaladen Stefanus Siallagan1957-19598. St DS Gultom 1960-19669. 9. St L Manurung 1966-196710. St Ferdinand Damanik 1967-196811. St DS Gultom 1968-1986 (Pensiun tanggal 19 Agustus 2001)12. St TR Ambarita 1986-200813. St H Sipayung 2008-..

Sejarah HKBP Marihat Huluanla ruas ni huria HKBP Marihat Huluan na uju i marminggu tu HKBP Jorlang Huluan do, lebih kurang 25 kk ala godang dope angka rumatangga na maragama hasipelebeguon (animisme) dope hirahira taon 1957.Ala di tingki i penduduk sal beranggapan ndang haru ringkot na maragama i. Alai i pe, lam tamba do nang na mangharingkothon parmingguon siganup minggu tu HKBP Jorlang Huluan nang pe mansai dao, adong do sebagian jarak tempuh na 6- 7 km.Taon 1970 digagasi amanta Saurman Sinaga lebih kurang 15 kk nasida na sian sipelebegu (animisme) na gabe siparminggu,(dijanghon gabe halak kristen) godang na tardidi dung matua. la amanta St Saurman Sinaga ndang dope manjalo tohonan sintua pads uju i.Dung lam tu torop ruas ni huria i sian Marihat Huluan sekitar na dipatupa parmingguon di Marihat Huluan di

jabu ni amanta Ama Albinus Sinaga alai ndang berkelanjutan i ala so adong na manguluhon, gabe mulak ma muse marminggu di HKBP Jorlang Huluan.Tarbege do disi, hata olop asa patupa parmingguon di Marihat Huluan. Alai jumps ma hamaolon ala memang hurang dos roha ni sapunguan i, ala torop na tertarik pajongjong parmingguon ni GKPS. Asa jumolo do jongjong GKPS na di Marihat Huluan, ala adong sada Bivo disi br Sigiro. Dung i muse, adong deba na sian ruas HKBP i ditogihon Gr Josh Tuan Galunggung pajongjong parmingguon ni RK na di Buntu Silali, Jorlang Huluan i muse. Nasida tongon mangajari songon Guru Agama Katolik di parsingkolaan disi.Jadi mulak ma muse tutu angka na martahan di huria HKBP tu parmingguon na di Jorlang Huluan, torop ni 13 KK. Asa na mass on pe taida do sasintongna songon dalan ni Debata manogunogu hits, pahothon rohanta mangihuthon angka na itahaporseai; asa unang muramura meoleol, alai hot di angka naung tahangoluhon. Tu joloan on, anggiat ma huria na marragam maragama i boi lam sada, patupa parsaoran na denggan isara kegiatan oikumene.Dung i ma muse, di taon 1977 dos ma roha ni ruas ni huria Marihat Huluan dohot parhalado HKBP Jorlang Huluan asa dipatupa ma parmingguon di Marihat Huluan. Asa dison pe tarida do balga peran ni angka natuatua di huria i naparjolo, isara Op Marudut Samosir, Op Sales Naibaho, dohot na asing pe asa lam denggan dos ni roha na sapunguan i patupa parmingguon di Marihat Huluan.Saut ma dipatupa ma parmingguon di Marihat Huluan, alai na gabe inganan parmingguon dipinjam ma lokal ni SD Marihat Huluan. Disuru guru huria HKBP Jorlang Huluan ma amanta St Benjamin Siallagan gabe uluan ni huria di HKBP Marihat Huluan. Dung dipungka parmingguon disi diangkat ma angka calon sintua

manang learning i ma amanta St Saurman Sinaga, St Binnen Manik dohot St Edison Sinaga, St Albers Situmorang nahinan.Ndang pigs bulan marrapot ma uluan ni huria rap dohot angka ruas na laho membangun gareja. Dohot gerak cepat gotong royong ma ruas laho pajongjong bagas gareja i. Dibangun ma gareja HKBP Marihat Huluan satonga batu, dohot dinding pagan.Taon 1987, dipatupa ma Pesta bangunan di HKBP Marihat Huluan ala adong do hasil ni pesta i dibangun ma muse gedung, di tamba biaya toktok ripe sian ruas. Dung dijangkon amanta calon sintua gabe sintua na gok, amanta St B Siallagan mangulahi ma mangula di HKBP Jorlang Huluan jala dipillit ma St B Manik gabe uluan ni huria. St S Sinaga gabe Bendahara; jala St E Sinaga gabe sekretaris; laos martambatamaba do parhalado sahat tu nuaeng na martohonan dht na marguru dope pungu 12 halak torop na. Torop ni ruas ni huria di tingki on i ma 62 rumatangga.]a HKBP Marihat Huluan tongtong dope dibagasan pembangunan, ala ndang haru sidung dope angka bangunan i sahat tu tingki on.Torop ni ruas ni huria i nuaeng, 61 KK jala dibagio ma i gabe 6 lingkungan manang sektor

Sejarah Gereja HKBP Gn Pariama Sihaporas1989 : Dipungka parmingguon di bagas ni Alm Ama Sahat Manik di huta Gunung Pariama na marruashon 13 KK. Tung sada basabasa ni Debata do i, asa diloas huria mamungka nang pe metmet dimulana. Na niuluhon ni angka sintua na sian HKBP Jorlang Huluan dohot HKBP Marihat Huluan, St B Manik, St E Sinaga (hatiha i Ka SD Inpres di Sihaporas) dohot St TR Ambarita, dna margantiganti nasida manguluhon punguan i. Jala sanga

do di dipatupa sahali pesta Natal dibagas ni natuatua ni huria i.1990 : Dipajongjong ma gareja na metmet 5x7 m na marbiaya Rp. 25.000/ KK. Sian dos ni roha nasida dung adong pun ni hata, dipangido ma sian natuatua di lust Gunung Pariama dohot sian Sihaporas songon pertapahan gareja HKBP. Ala masa hamaolon di huta, antara na dua huta i gabe tubu di roha nasida dalan padomu partangiangan i laho patupa parmingguon i. Asa ingkon dohononnta do Debata na mangalehon panuturionna di roha ni angka natuatua disi, saut dapot hadameon nang pe di mula na maol ala masalah perbatasan manang parbalohan ni huta do perselisihan i; pola songon na jebu gabe turun sian unsur pemerintahan dohot pangulu laho padamehon nasida.Hape, goar ni huria i sasintongna goar ni hadameon do, HKBP Gunung Panama Sihaporas. Apala diperbatasan ni na dua huta i do inganan pargarejaan i sinuaeng. Asa ingkon i do goarna, Gunung Pariama Sihaporas, parbue ni hadameon, jumpang las ni roha dohot hasadaon di na dua huta i. Laos adong dodipatupa surat penyerahan tano, sian natuatua ni huta i tu huria, na tinandatangan angka na berkepentingan disi. I pe, panogunoguon ni Debata asa boi angka na parjolo i mamingkiri sertifikat songon bukti tertulis na so longkang jala marlangku sahat tu partingkian on.Sian i ma muse, lam tamba tu toropna angka parminggu, dohot ruas nang pe sanga masuk na deba tu huria RK di Sihaporas naung jumolo jongjong. Di laonlaon ni ari, masuk do diharuason amanta Arisman Ambarita, na sian Aek Batu jala laos godang mangihuthon nasida gabe ruas disi. Laos nasida do sahat tu tingki on dohot marhobas songon panitia pembangunan ni huria i.Di ombas 1990-an on, mass ma pandidion posoposo na parjolo di huria persiapan HKBP Gn Pariama Sihaporas. Saleleng on ala dietong do nasida filial ni HKBP Marihat

Huluan Jadi sai di Marihat Huluan do dipamasa molo adong sian huria i na naeng tardidi, manghatindanghon haporseaon dna.Ala torop do jolma manombang tu luat Sihaporas, lumobi di masa marsuan Jahe tung godang do panghorhonna di pembangunan ni huria i. Sai dapot do angka na mangalehon roha, manumpahi pembangunan na bertahap i, so pola mengharaphon bantuan sian duru ni huria i. Sada masa na uli ma i dipatongon Tuhan i, asa boi jongjong jala lam denggan huria i marhite pembanguan fisik dohot rohani ni ruas pe.1993 Pembangunan gereja permanen tahap 1 na marbiaya Rp 100.00/ kk 1994Pembangnan gereja tahap 2 na marbiaya Rp. 25.000/kk1995 Resmi ma huria i gabe pagaran tu ressort Tiga BolonDisumbanghon amanta K Napitu ma giringgiring i1996-7 : Mambangun ornamen gareja (gorga batak)1998 : Disumbangkon naposobulung ni huria podium1999 : Disumbanghon NHKBP mike dohot speaker2000-1 Lanjutan Pembangunan Rp 10.000/kk 2001-2 Lanjutan Pembangunan 20.000/kk 2002-3 lanjutan Pembangunan 40.000/kk 2004 : Pembangunan bilut parhobason2006 : disumbanghon NHKBP Pohon Terang2007 : Disumbanghon NHBKP Organ i 2008- nuaeng godang ni ruas ni huria 50 KK.

Angka Guru Huria/ Voorganger/ Uluan ni Huria i :1989-1990 St Binnen Manik1990-1994 St Edison Sinaga1994-2000 St Desman Sirait2000-2005 St Hotnen Harianja2007-nuaeng St Jabontor Sijabat.

BAGIAN PADUAHONSejarah/ Bericht Ressort Jorlang Huluan

Tanggal 26 Desember 2002, marpungu ma marsipanganon na somal tiap tahun di gareja ruas ni huria i laos disi do dihatai angka parhalado dohot angka ruas ala maol ni na marsermon tu HKBP Tiga Bolon; domu ala biaya sandiri-sandiri do molo laho angka sintua. Jala di na marsemon i pola do manang na pigs ressorrt dibolus, i ma ressort Bah Butong, resssort Sidamanik Emplasmen dohot ressort Betesda Sarimatondang.Domu tu angka panghataion i ma sepakat ma disi asa marressort ma hits tu na jumonok, i ma ressortBah Butong. Laos disi ma dibuat angka parhalado tandatangan panolopion sian angka ruas taringot tusi.Tanggal 3 Januari 2003, mardalan do St 0 Damanik, St TR Ambarita dohot Guru A Damanik, SPd; pasahat pangidoan i tu Pdt Bah Butong, Pdt Tiga Bolon dohot tu Pdt Sitorus, i ma Praesses Distrik V Sumatera Timur. Jadi dilehon amanta Presses do angka hatorangan, jala manigor ditanggapi do nian pangidoan i. Alai laho ma

jolo hamu tu Pdt Ressort muna, mandok na di Tiga Bolon; songon i ma alus nasida. Sian laho ma rombongan i tu bagas ni Pdt Ressort Tiga Bolon, alai ndang pajumpang. Marsogot na i nama manghatai nasida dohot pandits i. Alus nasida disi i ma, Susa do hamu molo tusi ai angka filial ni kobun di i, sabar ma hamu asa tabahen pe pangidoan gabe sada ressort hamu.Jadi manghatai ma muse penggagas i dohot huria na di Marihat Huluan, di bagas ni Pa Pele dohot angka parhalado na disini, asa taparade roha laho mambahenressort i. Alai depot mapanghataion disi di Jorlang Huluan ma, sabunganna, ala i do na parjolo huria i, ninna amanta St B Manik. Jala disi satolop ma panghataion songon i.Di tingki i do parpindaan ni Amanta Presses Pdt Sitorus sian distrik, na nigantihon ni amanta Pdt Nelson Siregar. Jadi dung sahat pangidoan i tu nasida manigor ditanggapi do i.1 Juni 2003, di haroro ni amanta. Pdt Nelson Siregar, Pdt Lantas Pardede (Sekdist tingki i) dohot Pdt Rein Justin Gultom laho manguji hatauon ni angka huria na, 3 i asa boi dipajok gabe ressot na imbaru.Sungkun-sungkun ni amanta Praesses, Pdt Nelson Sieger tu sude ruas tingki i:1. Rade do hamu mambalanjoi pandita dohot angka aturan na hombar tusi ? alus ni sude ruas, Rade do jala setuju.2. Adong do tano pertapakan bahen bagas ni pandita ressort i? Dialusi ma adong do.3. Patupa hamu ma statistik!Antong bahen hamu ma permohonan muna tu kantor pusat.10 Juni 2003, i ma undangan manang joujou ni amanta, Praesses tu Panitia Bangunan Persiapan Ressort Jorlang Huluan. Laos disi ma mulai mangula angka panitia i. Di

ari 2 Juni 2003, permohonan pajongjong HKBP persiapan Ressort tu. HKBP Tiga Bolon.

Angka Panitia Pembangunan Bagas Pandita RessortKetua 1 : St B ManikKetua 2 : St TR AmbaritaSekretaris 1 : St O DamanikSekretaris 2 : St D SiraitBendahara 1 : Gr A Damanik, SPdBendahara 2 : St O AmbaritaSeksi Dana : St B Siallagan

St H HarianjaCst H Sipayung

Seksi Fasilitas : St RK DamanikDrs Tumpan Rumahorbo (Pangulu)St E Sinaga

Pembangunan Bagas Pandita RessortIa pertapakan I ukuranna 12 x 22 m do; jala torus do mardalan pembangunan i marhite upaya bersama lumobi sian amanta Pintor M Sitanggang. Laos dison boi do tadok hire na margotong royong do sude angka ruas, margiliran sian sude huriahuria i jala sidung ma, bagas i 85% leleng ni 56 ari.Sidung ma tutu bangunan bagas pandita ressort i, jala sai godang do angka pangurupion sian angka, anak ni huria dohot angka donateur pe. Dohononta do mauliate tu Amanta D (Ama Kristianto) Damanik (Jakarta) ala dipinjamhon nasida do Rp. 10.000.000,- hatiha i. alai manigor boi do ro angka sumbangan tusi, jadilaos pinaulak ma pinjaman i. Dimulana poly do marsali panitia tu panglong, dohot di Guru A Damanik parnasukhon, angka barang-barang tu pembangunan bagas, i. Dung manang na pigs leleng saut ma gotong royong sude ruas dohot angka parhatado laho, paulihon bagas ni pandita ressort i. Sidung ma i dibangun etas swadaya ni sude ruas, marhite gugu Rp. 100.000/kk jala

sian angka donateur na mangalehon roha manumpahi pembangunan ressort i.Dung simpul sude angka persiapan i, manghatai ma panitia pasidunghon bogas, i, jala sidung ma tutu nang pe adong na humurang disana sini angka persiapan i.Laos udut tusi dibentuk ma organisasi ni huria mangihuthon Aturan & Paraturan HKBP 2002. Ia fungsionaris ni huria i songon on ma

1. Organisme HKBP Ressort Jorlang Huluan2. Panitia Bangunan3. Undangan (Permohonan – tu pesta peresmian).

Laos disi ma terbentuk jala dipillit angka Bestuur/ Parhalado Ressort1. Pdt Ressort2. St B Manik3. St O Damanik (Sekretaris Bendahara, Ressort)4. St TR Ambarita (Dewan Diakonia Ressort)5. St H Harianja (Dewan Koinonia Ressort)6. St E Sinaga (Dewan Marturia Ressort)

Di tanggal 11 Juni 2003 borhat ma sian panitia i pasahat undangan rapat tu kantor praesses, asa marrapot tanggal 12 Juni 2003 di HKBP Jorlang Huluan.13 Juni, dilumbahon Pdt Simamora asa dibahen undangan rapot di na 3 huria i jala di tanggal 22 Juni 2003 dihatai ma taringot tu pertapakan ni bagas ni pandita. Saut ma tanggal 22 Juni 2003 dipatupa rapot kerja panitia. Jala borhat ma parhallado ressort tiga Bolon dibuat ma 2 perhuria tu Kantor Pusat HKBP di Pearaja Tarutung.Ala adong disi pangidoan penangguhan ni pandita na, ditempathon ala ndang sesuai dohot pangidoan ni toropan ruas dimasa ni krisis HKBP i.Di Pearaja, amanta KaBiro Hukum do manjalo nasida ala tongon disi dipatupa syukuran bona taon, ndang

tarbahen manjumpanghon Ephorus HKBP. Di jalo ma, usul ni angka panitia i paadonghon ressort na imbaru; jala laos disi ma godang dirancang angka na ringkot taringot tu persiapan ressort i. Sementara Pdt Simamora ma menjabat 2 ressort i paima adong pandita na tontu.27 Juli 2003, saut ma dipatupa pesta peresmian persiapan ressort Jorlang Huluan, laosdipabangkit ma Pdt Pintor M Sitanggang songon pandita na manghobasi persiapan ressort i. Di tingki i ma dung saut diririt pertapakan bagas pandita, dipatupa ma, peletakan batu pertama bagas ni pandita asa udutan angka pembangunan disi.

Dung sun sude angka persiapan, saut ma disangkapi patupa pangidoan jala laos ditolopi patupa peresmian ressort na imbaru i.Saut ma dirasmihon persiapan ressort i gabe ressort na gok di Distrik V Sumatera Timur, na di ari Minggu Estomihi 22 Februari 2004 na niuluhon ni Pucuk Pimpinan HKBP hatiha i, Sekretaris Jenderal HKBP Pdt Willem TP Simarmata, MA.Rap dohot angka rombongannasida, Praesses HKBP Distrik V Sumatera Timur Pdt Nelson F Siregar, KaBiro Personalia Pdt Tendens Simanjuntak, dohot angka pandita na jonok di ressort dohot Kuria na adong di Distrik V Sumatera Timur. Dipatupa do disi pesta olopolop di na marnatampak sude ruas dohot parhalado raps dohot sude angka na ginonghon disi, angka Kuria-Kuria dohot angka pandita na adong di Distrik V Sumatera Timur.Di tingki i ditandatangani ma prasasti peresmian bagas pandita, disi ma disurathon "Ai ndang adong na so tarpatupa Debata" Lukas 1, 37.

BAGIAN PATOLUHONHata Sihangoluhononhon

1. Ngolu PartangiangonTung aha do tahe “tangiang”? Parjolo hian do dohononku : Ndada holan pangidoan, tung parsaoran dohot Tuhanta do, parsaoran ni tondinta rohanta nang dagingnta dohot haholongan ni rohanta!Jongjong do ahu nambura on di alaman ni sada jabu manghatai dohot donganku sahalak. Ba di emper ni jabu i juguk huida dakdanak sada, na tar marumur 4 taon, dakdanak boru na marsiada disi sasadasa.Longang jala las do roha manotnotihon dakdanak 1, na olo sabam jala sonang disi pajamajama meammeamna. Minar bohina idaon, hipas jala renta berengon. Ba, dibagas do inangna huida, manganihon bonang, holip jala onding sian dakdanak na di emper i.Di na manghatahatai au di alaman i, jalojalo do ro soara sian dakdanak na pajomputjomput batu resena i.

"Inang!" – "Inang!" – sai i do dipandok, ndada sian dok ni rohana, ndang marsaor ungutungut, alai dipasombu inang na ibana di emper i; tung uli, ture, denggan lagu ni pandokna di hata sanghababa i.Jalojalo ma antong ro alus saian bagasan, soara ni ins ma da, na patubegehon holong ni roha na tutu. Mimbarimbar di pandok ni inaina i mangalusi panjou ni boruna i: "Borungki!: - "Anggia!" – "Tondingku!" – "Oung!" – "Dison do au anggia!" Tung. na lengenlengen do pinggol, tarhilas nang roha dibagasan, patangitangi nasida na dua na masipangkulingan. "Inong!" – "Tondingki!" – Songon lagu ni ende na lambok, sipasabam roha, sipasonang pangkilalan do panghataion ni nasida na dua i, songon parendeon na uli, namardomu situtu.Ia dakdanak i, hira tamba di idaon minar ni bohina, sonangna dohot las ni rohana, ndang dipasohot meammeamna, lam didatdati, lam dipuhuti; alai sai jalojalo ro pandokna : "Inong!" "Inong!" – Jala sai manigor ro sian bagasan alus ni inangna i marsoara na lambok na pataridahon, na manghilalahon roha holong, roha panarih,on dohot pangantusion to dakdanak i.Ba, laho do anggo ahu dung marujung panghataionku dohot dongan na hupandok i, alai lohot do dibagasan rohangku na huida jala na hubege i.Nda songon i do partangiangonta tu Tuhanta, ninna rohangku dibagasan, partangiangonta na tongtong, na so jadi mansohot, na niapohonna tu hita di Buku na badia i!Sonang, sabam roha ni dakdanak i, ndang adong manan aha na mangkahua, na mangariboriboi ibana, ndang adong na leak sipangidoonna tu inangna; alai sai dipatangkastangkas marhitehite panjouonna di inangna i, manang na tong disi haholonganna i.. Aut sura so jalojalo diparalusalus inangna, ndang tagamon sonang be dakdanak i, ndang tarbahen so tadingkononna meammeamna i laho mangalului inangna i...

Aha do tangiang? – Parsaoran dohot Ama i. panangkasion ni tondi na manghaholongi Ibana di jonokna i. Aha do parohon tangiang? – Panangkup, pangaithon, dibagabagana, sandok di RohaNa na sun denggan i.Hitehite do tangiang, na patariparhon hita sian hasusaan, sian parungkilon, sian na guntur on to jolo ni na Sonang, Na Mardame, Na Martua Debata, naung gabe Debatanta, hasonanganta, paradiananta marhite Tuhan Jesus i.Aha do tangiang? Suman tu gogo ni habonghabong na taida, tapanotnoti, na tahalonganghon di angka pidong na bolon, di angka na tumagam, na olo laho tu ginjang, hita manomunomu matanari i, haroroann ni na hatiuron dohot ngolungolu tu hita on (Jesaya 40, 31). Nda taida angka lumeammeam, humeapheap di ginjang ni ginjangan, raja, sangap hira mangalap hagogoon tu angka ahasa na dao an, na so boi topoton ni hita jolma, na mardaging na lohot di tano parnbuatan hian!Aha do tangiang? Pangalapan gogo partondion nang pardagingon pa tu nasa ulaon ni daging, roha dohot tondi, angka na ampe tu hita di hasiangan on – Pangaithon di roha banua ginjang, di dame na so sian tano on tu bagasan rohanta, bahen apulapul, bahen habengeton, bahen pos ni roha dohot nalom ni roha di nasa sitaonon sibolusonta di portibi on.Nienet sian : Tuan Markus : Parsorionna dohot na niulana; al. 82-3

2. Kopi Ateng : I do ate!?Sai songon hata, leseng do binege hata on, alus ni hataniba rupani ate. "I do ate..?!" ninna dongan rupani mengomentari hata manang hatorangan sian iba. Olo do tubu jut ni roha sipota disi, ai beha ma tung denggan nipatorang jala sian bulus ni roha hape gabe hata mehet songon i ma na ro.

Alai bah sahali on, sian roha na bulus ruar anggo hata on ala binege hatorangan ni dongan. Molo naeng manuhor sipeda ham, suan ma kopi ateng 20 rante, alai anggo naeng manuhor kareta (maksudna sepeda motor) ba suan ma 2 rante! Bah, maol ninna roha siat tu pingkiran pandohan ni angka naung pensiun on ate, ala memang angka amanta naung suda gogo do sian angka ulaonna mandok hata i. Boasa ulaning gabe balik, ninna roha. Manuhor kareta boi 2 rante, hape anggo 20 rante holan lereng.Hape naung tangkas do diboto nasida, ala memang "ulaon tu si malas" do ninna manuan dohot patureture kopi ateng on, asa sossok ma i tu angka na pensiun songon iba ninna amanta i muse. Ala memang ndang apala songon panghudus ni ulaon marjuma manang marhauma, na porlu hatop sidung bogas niba jala ringkot tenaga mangombak balik. Na porlu dison i ma nunut, nunut paiashon, manggotap angka ranting liar, dohot lumobi ma mamutiki angka boras na muse. Tung ingkon urus do. Ala ni i do, ndang ala bidangna, alai rawatna do. Tupa molo adong 20 rante nunga sahektar i, ba manang beha pe nunga songon na losok roha paiashon ala ni bidangna, jala ndang apala sarupa be perhatian tu molo holan 2 rante sambing. Olo ma tutu iba sadari holan mambaboi dohot paiashon bona ni kopi i. Nitapu ma mulai manogot sampe holom holan saember sambing do dapotniba. Ala memang ingkon tung manat do, unang masuak nang pamutihan i, ai olo do laos ro muse sian i borasna. Ue amang,... ninna na deba. Molo nunga apala antar bidang, sipota gabe dibuat nampunasa ma angka parkarejo, digaji ma mambuat hasil ni kopi ateng i. sian 4 rante kopi ateng na urus, boi do ruar sahali saminggu 2 kaleng, setara ma Rp. 200 ribu, bersih. Lapatanna, nunga haruar manggarar upa ni angka pamutik. Bah, ndang siulaon i ninna angka amanta tutu. Jadi mulak ma nasida, paiashon kopi atengna be. Anggiat na saotik i gabe

pasupasu tu nasida, unang ma jolo tutu naeng manuhor supra fit; tung holan keperluan rumatangga nunga malua be molo diusung nasida nuaeng 2 kaleng kopi ateng tu pokan na di Sidamanik ganup ari jumahatna.I do antong..!?

3. Ulaon Diakonia : Credit Union Modifikasi(CUM) Maranatha HKBP Ressort Jorlang Huluan

Sada unit panghobasion ni hurianta do CUM Maranathanaung jongjong di ari 26 Juli 2006 na salpu. Ai dihamham do bidang pengembangan ekonomi kerakyatan dohot ruas ni huria i songon dalan pasauthon pelayanan na holistik (menyeluruh) na so tarsirang, ngolu partondion dohot pardagingon : ulaon siapari,. pandaraman dohot panarihonon dingoluniba, nang tu dongan pe.Jumpang ma songon na sinosohon ni apostel, asa na mameop godang ndang marlobilobi, jala na mameop otik ndang hurangan (2 Korint 8, 15); tarpatupa hita do i marhite pelayanan CUM huria i.la nuaeng nunga adong hl 250 halak anggota ni CUM Marantaha ni hurianta; dohot asset hl 180 juta rupiah; tingkat NPL 0.2%. Jala ndada be holan ruas ni huria on, songon anggota na, dohot do na marugamo dohot suku na asing di masyarakat. Anggiat marhite CUM i boi tulua na pinangido ni Tuhanta, asa gabe parasi roha hita marhite na manimpan, dohot na paulakhon angka pinjaman na disiplin dohot na masibasabasa.

Goar-goar Angka Parhalado Na Mangula di HKBP Saressort Jorlang Huluan Pandits

1. Pdt Bakti J Situmorang, STh

- HKBP Jorlang Huluan1. St Horasman Sipayung Uluan Huria2. St Tabor Marulitua Silalahi Sekretaris Huria3. St Walden Damanik Bendahara huria4. St Jepen H Ambarita Parartaon Huria5. St Tiam Ridwan Ambarita6. St Benjamin Siallagan7. St Ruben Kasiaman Damanik8. St Osmar Damanik9. St Resna Br Simbolon10. St Lesman Damanik 11.St Raliman Siallagan12. Cst Rosinda Br Nainggolan13. Cst Lianson Marulitua Sinaga

HKBP Marihat Huluan1. St Binnen Manik Uluan ni Huria2. St Edison Sinaga Sekretaris Huria3. St Saurman Sinaga Bendahara Huria4. St Walter Ambarita Parartaon Huria5. St Hilderia Br Manik6. St Hotnen Harianja7. St Ribben Sitanggang8. St Hotben Sinaga9. St Limson Siadari10. St Erita Br Napitu11. Cst Asran Sinaga12. Cst Marudut Sianturi

HKBP Gunung Pariama Sihaporas1. St Jabontor Sijabat Uluan ni Huria2. St Saridan Samosir3. St Desman Sirait Parartaon Huria4. St Gorat GP Siahaan

5. St Gustina Br Sidauruk6. CSt Manungge Siallagan7. Cst Nurhaya Rindu Br Sirait8. Cst Marlan Siallagan Sekretaris Huria9. Cst Junianton Hasibuan10. St Samson Ambarita11. Koner Napitu Bendahara Huria

Botima..Horas!