MEA

Bunga ng paglaganap ng ibat ibang suliranin at pag-unlad ng teknolohiya, ang papel pananaliksik ay mahalagang kasangkapan pangintelektwal. Malaking bahagi ang ginagampanan nito sa pagtuklas ng mga kaalaman, mga datos at katotohanan ng isang isyu o paksa.

Binigyan-kahulugan ni Kerlinger (1973) ang pananaliksik bilang isang sistematiko, kontrolado, empirical at kritikal na imbestigasyon ng mga proposisyong haypotetikal.

Sistematiko ang pananaliksik kung sumusunod ito sa mga hakbang o yugto na nagsisimula sa pagtukoy sa suliranin, pag-uugnay ng suliranin sa mga umiiral na teorya, pangangalap ng datos, pagbuo ng konklusyon at pagsanib ng mga konklusyon mula sa iba pang pag-aaral na sumasaliksik.

Ang papel pananaliksik ay resulta ng maingat na pag-aaral at paghahanap ng mga impormasyon tungkol sa paksang nais tuklasin.

Dahil sa pananaliksik, natuturuan nito ang mga magaaral sa hayskul at kolehiyo na maging masikap at matiyaga sa pag-aaral at mapaunlad ang kakayahang mag-organisa ng lohika.

Nagiging mapanuri rin ang isang mag-aaral sapagkat kailangan piliin ang mga makabuluhang babasahing gagamitin sa pananaliksik. Higit na maibibigay ng isang mahigpit na pangangailangan ang papel pananaliksik sa mga mag-aaral ng gradwado.

DALAWANG URI NG PANANALIKSIK1.

Makaagham o Siyentipiko

Ang pananaliksik na ito ay kontrolado at ang bawat mga hakbang ng pasisiyasat ay nakaplano. Ito ay mahalaga upang makalap ang mga katunayan at eksaktong pang-eksperimento ng mga bagay-bagay na makatulong sa pagtuklas sa ibig patunayan. Ang mga hinuha ay kailanganin ng mananaliksik upang mapatunayan o mapabulaanan ang kanyang pag-aaral.

DALAWANG URI NG PANANALIKSIK2.

Pampanitikan Ito ay mas payak at karaniwang ginagamit sa kolehiyo. Sa uring ito, handa na ang mga kakailangin, kokolektahin na lamang ang mga ito, masusing pag-aaralan at kritikal na susuriin.

Layunin ng papel pananaliksik na matamo ang mataas na perspektibong pananaw ng mag-aaral tungo sa pag-aaral ng isang bagay. Ang pagbibigay ng kaalaman sa mga sector o mananaliksik na interesado hinggil sa suliraning inimbestigahan, ang mga pamaraang ginamit, ang mga kinalabasan, ang mga pagpapakahulugan sa resulta, at mga pagsasanib nito sa teorya ay layunin din ng pananaliksik.

MGA TUNGKULIN AT RESPONSIBILIDAD NG MANANALIKSIKMahalagang malaman ng mananaliksik ang kanyang tungkulin at responsibilidad sa pagaaral. Ang una, makasulat ng isang makabuluhan at ganap na pag-aaral sa suliraning bibigyan ng kalutasan. Ikalawa, mangalap ng mga mapagkukunan ng impormasyon sa kanyang pag-aaral.

MGA TUNGKULIN AT RESPONSIBILIDAD NG MANANALIKSIKIkatlo, tungkulin niyang maging matapat at makatotohanan sa mga datos na ilalahad sa pananaliksik. Ikaapat, makagawa ng orihinal at hindi sagarang kinopya lamang sa ibang pagaaral. Ang huli, higit sa lahat pananagutan niya na maging legal o moral na balakid sa maraming tagapagsuri.

ANG SULIRANIN AT ANG KALIGIRAN NITOAng panimula ay bahagi ng pananaliksik na tumatalakay nang tuwiran sa suliraning sinisiyasat. Sa bahaging ito, ang mananaliksik ay dapat na maglaan ng mahabang oras sa pananaliksik upang lubos na maintindihan ang binibigyan-diin ng suliranin.

ANG SULIRANIN AT ANG KALIGIRAN NITOSinisimulan ng ilang mananaliksik ang bahaging ito sa pamamagitan ng paglalahad ng masaklaw na mga kaisipan. Sinisumlan ito sa pangungusap na : Ang layunin ng pag-aaral ay _______. Maaring maglahad ng ilang mga naunang pananaliksik na siyang magpapatibay ng dahilan ng pagsisiyasat. Dapat na maging maingat at natural ang pagsulat nito na kaugnay sa inilahad ng suliranin. Sa kabuuan ng panimula, nakalahad din ang balangkas konseptwal, paglalahad ng suliranin, kahalagahan ng pagaaral, saklaw at delimitasyon at katuturan o depinisyon ng mga katawagan.

HALIMBAWA NG MAIKLING PANIMULAIsa sa mabisang paraan at isang salik na kailangan ng tao sa kanyang pang-araw-araw na pamumuhay ay ang pakikipagtalastasan o komunikasyon. Ang pakikipagtalastasan ay pangunahing pangangailangan sa pagkatuto; sa pagkakaroon ng kaalaman sa lahat ng bagay. Kahit sino, dayuhan man o katutubo ay may kakayahang makipagtalastasan. Ang kakayahan ng taong gumamit ng wika at makipagtalastasan ay malaking tulong upang makapamuhay nang maayos at maiangkop ang sarili sa kanyang kapaligiran. Maipapahayag ng tao ang anumang saloobin sa ibat ibang pamamaraan sa paggamit ng wikang kanyang alam at natutunan. Subalit ang kakayahang makipagtalastasan ay magiging mabisa lamang kung may sapat na kaalaman sa panuntunan nito.

Ang pakikipagtalastasan ay isang paraan ng paghahatid at pagtanggap ng lahat ng uri ng mensahe na kinasasankutan ng magkakatambal na proseso ng pagsasalita, pakikinig at pag-unawa. Sa kasalukuyan, wika ang pinakagamitin sa paghahatid ng anumang mensahe. Ito ang pinakamabuting kasangkapan na maaaring kulang sila sa kasanayan o kayay nahihiyang magsalita. Gayunpaman, ang mga dayuhang mag-aaral partikular sa Adamson University ay pilit na nagsisikap na makipagtalastasan sa wikang kanilang maunawaan sa kabila ng pagkakaiba-iba ng bansang pinagmulan. Ang kakulangan sa kagamitang panturo sa Filipino I Sining ng Komunikasyon para sa dayuhang mag-aaral ang naging suliranin ng guro sa pagtuturo sa loob ng klasrum. Dahil dito, inihanda at inilaan ang tinatawag na modyul para sa dayuhang mag-aaral. Ito ay isang kagamitan na pansariling pag-aaral ng mga aralin. Sa tulong ng mga tiyak na gawain sa pagkatuto, inilalahad at itinuturo ang mga aralin.

BALANGKAS TEORETIKAL AT KONSEPTWAL

Ang mananaliksik ay maaring makabuo ng kanyang teoretikal para sa pag-aaral mula sa kaugnay na literatura at pag-aaral. Nagsasaad ang bahaging ito ng dahilan na humanap ng mga datos na susuriin, magpapaliwanag sa phenomenon at nagbibigay ng balangkas na nagsasaad ng teorya ng mga awtor na pinagbabatayan ng pag-aaral.

BALANGKAS TEORETIKAL AT KONSEPTWALAng konseptwal na balangkas ay naglalaman ng konsepto ng mananaliksik hinggil sa pag-aaral na isinasagawa. Ito ang pangunahing tema at panuntunan ng pag-aaral. Ang konseptwal na balangkas ay naglalaman ng konsepto ng mananaliksik hinggil sa pag-aaral na isinasagawa. Ito ang pangunahing tema at panuntunan ng pagsisiyasat. Ang nasabing balangkas ay ipinakikita sa isang presentasyon ng paradigma ng pananaliksik na kailangan maipaliwanag nang maayos. Ito ay binubuo ng Paghahanda (input), Proseso (process) at Kinalabasan (Output).

BALANGKAS TEORETIKAL AT KONSEPTWALSa paghahanda, nakalahad dito ang mga paghahanda o pagbabatayan ng gagamitin sa pag-aaral. Kung paano gagawin o mga dapat gawing hakbang sa pag-aaral ay nasa bahagi naman ng proseso. Ang kinalabasan o resulta ay ang kabuuang dapat malaman at mapatunayan sa pagaaral.

HALIMBAWA NG BALANGKAS TEORETIKALSmith (1973)

Rumelhat (184Tierney & Pearson (1985)

Mga Pananaw ng mga Eksperto Tungkol sa pagbasa Coady (1979)

Mga Modyul sa Pagbasa para sa Kolehiyo

Goodman (1976)

Figure 1: Konseptwal sa Balangkas

HALIMBAWA NG BALANGKAS KONSEPTWAL

PAGHAHANDA Propeyl ng respondent Pag-alam sa pangangailangan Kurikulum sa Filipino Teorya ng wika at Pagkatuto ng wika

PROSESO Paghahanda Sarbey Interbyu Aktwal na Pagsulat ng modyul Pagsubok Rebisyon

KINALABASAN Mungkahing Modyul sa Pagtuturo ng Filipino I sa Dayuhang Magaaral ng Kolehiyo

PAGLALAHAD NG SULIRANINAng bahaging ito ay nagsasaad ng direksyon upang masagot ang mga tiyak na katunungan. Nahahati sa dalawa: pangkalahatang suliranin at sa mga tiyak na suliraning maaring ipahayag nang patanong o pasalayasay. Inilalahad din ang layunin ng pag-aaral. Dapat hatiin sa isang payak at tiyak na tanong ang malawak na suliranin.

MGA KATANGIAN NG MAHUSAY NA SULIRANIN1. 2.

3. 4. 5. 6.

Mahalaga na may interes sa paksa May kapaki-pakinabang na halaga o makabuluhan sa lipunan Hindi pa lubhang nasaliksik Nagtataglay ng bagong kaisipan Saklaw ng iyong karanasan Matatapos at makukuha sa takdang panahon

HALIMBAWA NG PAGLALAHAD NG SULIRANIN SA PARAAN PASALAYSAYLayuning Panlahat Ang pag-aaral na ito ay nalalayong makabuo ng mga modyul sa Filipino I at mai-try-out sa mga dayuhang magaaral. Mga Tiyak na Layunin Tiyak na nilalayon ng pag-aaral na: 1. Makasulat ng mga modyul na lilinang sa mga kasanayan sa pakikinig, pagsasalita, pagsulat at pagbasa. 2. Mai-try-out ang kabisaan ng mga pagsasanay sa modyul. 3. Marebisa ang mga modyul batay sa naging pagtataya.

HALIMBAWA NG PAGLALAHAD NG SULIRANIN SA PARAANG PATANONGAng pag-aaral na ito ay naglalayon na mabatid kung kailan at bakit napapalabas ng mga patalastas sa telebisyon. Hangarin din nito na malaman ang epekto ng mga advertisements sa mga manonood lalung-lalo na sa mga bata. Tiniyak sa mga pag-aaral na ito na masasagot ang mga sumusunod na katanungan: 1. Ano ang propyl ng respondent batay sa kanilang:1.1 gulang 1.2 kasarian 1.3 relihiyon 1.4 kurso at taon

HALIMBAWA NG PAGLALAHAD NG SULIRANIN SA PARAANG PATANONG2. Ano ang persepsyon sa pagkakaroon ng TV advertisements para sa pag-aaral ng sikolohiyang sosyal o debelopmental batay sa: 2.1 wikang malimit gamitin 2.2 ilang ulit/beses ang pagpapalabas ng mga patalastas 2.3 dahilan ng pagpapalabas 3. Ano ang performans ng respondent sa pag-aaral ng mga TV advertisement sa paraan: 3.1 pasalita 3.2 pasulat 4. May makabuluhan bang ugnayan ang propyl ng respodent sa kanilang panonood ng mga TV advertisements sa pag-aaral ng sikolohiya?

KAHALAGAHAN NG PAG-AARAL

Ilalahad sa bahaging ito ang magiging kahalagahan ng pag-aaral sa kanyang target; sino ang makikinabang at paano sila makikinabang sa pag-aaral na gagawin.

HALIMBAWA NG KAHALAGAHAN NG PAG-AARALInaasahan makatulong ang mungkahing modyul sa mga gurong nagtuturo ng Filipino at sa dayuhang mag-aaral sa antas pangkolehiyo.

Sa mga guro Mapapadali at mapapagaan ang pagtuturo sapagkat sapat ang inihandang mga aralin sa pangangailangan ng guro.

Sa mga mag-aaral Mabisang matuto ng Filipino kahit wala sa paaralan sapagkat ang mga aralin ay tutugon sa pang-araw-araw na pakikisalamuha.

SAKLAW AT DELIMITASYON NG PAGAARALAng saklaw ng pag-aaral ng nasasabi kung saan o lokasyon na pagdarausan ng pag-aaral, kailan o sakop ng panahon, sino o ilan ang bilang ng kalahok/ kasarian, at ano lamang ang paksang pag-aaralan. Ang limitasyon ay bahagi ng imbestigasyon na maaaring makaapekto nang masama sa resulta ngunit walang kontrol.

HALIMBAWA NG SAKLAW AT DELIMITASYON NG PAG-AARALAng pag-aaral na ito ay nakatuon lamang sa pagdebelop ng mga modyul at mai-try-out sa mga dayuhang mag-aaral na nasa intermediate level ng Adamson University na kukuha ng Filipino I. Ang pagaaral ay limitado lamang sa paghahanda ng kagamitang pampagtuturo sa Filipino I na binubuo ng limang modyul na may sampung aralin. Hindi saklaw ng pag-aaral na ito ang mga dayuhang mag-aaral na nasa advance level o yaong marunong at may malawak na kabatiran sa paggamit ng wikang Filipino.

KATUTURAN O DEPINISYON NG MGA KATAWAGANBinibigyan ng katuturan ang mga salita ayon sa pagkakagamit sa pagaaral. Batay sa aklat nina Dr. Aban, may mga panuntunan sa pagbibigay ng depinisyon. 1. Ang mga katawagan, salita o pariralang may tanging kahulugan ang bibigyan ng depinisyon. 2. Dapat na maging gamitin (operational ) ang depinisyon kung paano ginamit sa pag-aaral. 3. Malayang makabuo ang mananaliksik ang sariling depinisyon aayon sa katangian ng katawagan. 4. Maaaring hango ang depinisyon mula sa aklat, magasin, diksyunaro at iba pa, ngunit bigyan-pansin ang pinaghanguan. 5. Maikli at malinaw. 6. Dapat baybayin ng buo ang mga akronim kung hindi alam ng karamihan.

HALIMBAWA NG KATUTURAN O DEPINISYON NG MGA KATAWAGANDayuhang mag-aaral. Mag-aaral mula sa ibat ibang nasyon tulad ng Pakistan, Japan, Korea na may sariling wika at kultura. Debelopment. Pabuo ng modyul ayon sa prosesong sinsunod nito.

Kagamitang Pampagtuturo. Ang tawag sa bagay tulad ng modyul na ginagamit na pantulong ng guro sa pagtuturo ng anumang asignatura.

Makrong kasanayan. Ang kasanayan lumilinang sa pakikinig, pagsasalita, pagbasa at pagsulat

Modyul . Isang kagamitan sa pansariling pag-aaral na may tiyak na gawain at mga pagsasanay.

KAUGNAYAN NG LITERATURA AT PAG-AARAL

Ang bahaging ito ay nagtataglay ng mga binasang aklat, artikulo, dokumento, tesis at iba pang sanggunian na may kaugnayan sa kasalukuyang pag-aaral.

ANG KAUGNAY NA LITERATURAIto ang pangunahing proseso kung saan maaring maiugnay sa nakaraang teorya. Ang bahaging ito ay dapat na makalakap ng mga mapagkukunang datos, maisaasyos ang mga literaturo sa organisadong paraan at magamit ang mga ito sa ginagawang pag-aaral.

DALAWANG URI NG KAUGNAY NA LITERATURE Literaturang konseptwal Tumutukoy sa mga artikulo o aklat na sinulat ng mga awtoridad na naglalahad ng opinion, karanasan, teorya o mga kaisipan na saklaw ng suliranin Literaturang pagriserts Nagsasaad sa mga ulat ng tunay na pag-aaral na ginawa ng mananaliksik.

HALIMBAWABilang kasangkapan sa pakikipagtalastasan at kasangkapan sa pagkatuto, ang pagbasa ay nagsisilbing mahalaga sa lipunan. May mahalagang tungkulin ang pagbasa sa pang-araw-araw na pamumuhay. Mahirap na matuklasan ang anumang produktibong gawin sa bahay, sa paaralan, sa simbahan, sa kalakalan, sa propesyunal at maging sa paglilibang na hindi kasangkot ang pagbasa. Ang pagbasa ay isang mabuting instrumento sa pangangalap at pagtuklas ng ibaibang uri ng karunungan. Ang mga impormasyong nakukuha dito ay magagamit nating kasangkapan sa pagbibigyan solusyon sa mga suliraning inihahanap ng lunas.

HALIMBAWAAyon sa mga eksperto, mga siyamnapung porsyento ng lahat ng mga gawain sa pag-aaral sa mga asignatura ay kasangkot ang pagbasa. Ang kahalagahan sa kakayahan at kasanayan sa pagbasa bilang pantulong sa pagkatuto ang nagbigay-pansin sa mga awtoridad sa pagbasa nga pag-ibayuhin ang pag-aaral sa larangang ito. Ayon kay Anderson et al. , (1985), ang pagbasa ay proseso sa pagbuuo ng kahuluhan mula sa mga nakasulat na teksto sa pamamagitan ng mga dinamikong interaksyon mula : (1) sa kaalaman ng mamababasa; (2) sa impormasyon ibinibigay sa tekstong babasahin; at (3) sa konteksto ng sitwasyon sa pagbasa.

ANG KAUGNAYAN SA PAG-AARALNaglalaman ito ng mga kaisipan at konsepto ng mga mananaliksik mula sa binasang tesis o disertasyon na may kaugnayan sa kasalukuyang pag-aaral. Ang sintesis ay bahagi nito na naglalahad ng pagkakatulad o pagkakaiba ng pag-aaral ng mananaliksik sa nakuhang pag-aaral.

HALIMBAWAAyon sa pag-aaral ni Garcia(2002) na naglalaman ng pagsasamodyul ng mga piling pelikula, ang paggamit ng modyul ng mga mag-aaral ay nagkakaroon ng hustong kalinangan sa pagkakatuo tungo sa mabuting layunin o konseptong dapat matutunan bilang saligan ng pagbabagong naganap sa larangan ng edukasyon. Ang pag-aaral ni Garcia ay may pakakaugnay sa pagaaral ng kasalukuyang mananaliksik sapagkat kapwa pagsasamodyul na magagamit sa pagtuturo. May pagkakaiba man ay sa bahagi ng sabjek; kay Garcia ay ang Panitikan samantalang sa kasalukuyang mananaliksik ay sa Sining ng Komunikasyon at maging sa target nito.

METODO/ PAMAMARAAN NG PANANALIKSIK Ang bahaging ito ay naglalaman ng panimulang tala na binubuo ng pamamaraan ng pananaliksik na ginamit sa pag-aaral, pagpili ng respondents, instrumentong paraan ng pangangalap ng mga datos at ang ginamit na pagsusuri nasa napiling paksa. Sa pamamaraang ginamit, ito ay maaring Historikal, Palarawan at Eksperimental.

PANGANGALAP NG MGA DATOSMaaaring gamitin ang sarbey, interbyu, talatanungan, obserbasyon at iba pa. Ang laybrari ang pinakatampok na lugar sa pagkuha ng mga datos na kakailanganin. Maaari rin mangalap sa internet. Ang sarbey ay pinakaangkop na ginagamit sa pag-aaral. Ang interbyu ay mabisang paraan ng pagkuha ng datos sapagkat kagyat na maririnig o makukuha ang opinion ng taong kasangkot sa pag-aaral. Ang talatanungan ay madaling makuha ang mga kinakailangang datos dahil sa maikling panahon lamang ng pagsasagawa nito. Ang obserbasyon ay gamitin sa mga palarawan o eksperimental na imbestigasyon, pero hindi sa historikal na pag-aaral.

ESTADISTIKONG PAGLALAPAT NG DATOS

Ito ang huling bahagi ng metodo kung saan ilalahad ang estatistikong pagtalakay sa datos. Nakabatay sa uri ng suliranin at sa natipong datos ang estatistikong gagamitin.

5. PAGLALAHAD AT PAGSUSURI NG MGA DATOSPinakamahirap gawin ang bahaging ito. Dito natutuklasan ang mga nails malaman pagkatapos na masuri ang lahat ng mga kinalpa na datos. Kapag ang pag-aaral ay nangangailangan ng estatistika, dapat ipaliwanag ng mananaliksik kung paano sinuri ang mga datos. Dapt ding ihanpa sa mga talahanayan ang mga datos na nakuha upang higit na maging malinaw ang presentasyon nito.

TATLONG KAPARAAN SA PAGLALAHAD NG DATOS

Tekstwal

Layunin nito na bigyan-pansin ang mga mahahalagang datos na makatutulong sa paglalahad ng talahanayan. Ginagamitan ito ng mga pahayag kasama ang mga tambilang sa paglalarawan ng mga datos. Layunin nito na mapabilis ang pag-aaral at interpretasyon, ang pagbibigay-hinuha ng mga datos. Ang talahanayan o tabyular ay isang sistematikong pagsasaayos ng mga magkakaugnay na datos. Layunin nito na mailahad o maipakita ang mga pagkakaiba, pagbabago at pagkakaugnay-ugnay ng mga datos sa isang makabuluhang paraan.

Tabyular

Grapikal

6. LAGOM NG MGA NATUKLASAN, KONKLUSYON AT REKOMENDASYONInilalahad dito ang mga napatunayan sa pag-aaral, lagom ng pananaliksik, konklusyon at maaring rekomendasyon ng mananaliksik, mga dapat isaalang-alang sa lagom ng natuklasan: a. Ipahayag ng maikli ang pangunahing layunin ng pagaaral, ang mga respondent, ang panahon ng pag-aaral, paraan ng pananaliksik, mga instrumento at disenyo. Hindi kailangan ipaliwanag ito. b. Isulat ang mga tiyak na tanong na inilahad sa unang kabanata bago ang mga napatunayang sagot. .

6. LAGOM NG MGA NATUKLASAN, KONKLUSYON AT REKOMENDASYONc.

d.

e.

f.

Dapat na may tesktwal na paglalahad ng mga napatunayan. Tanging ang mga mahahalagan datos ang isama sa buod, lalo an pagbabatayan ng konklusyon. Hindi na kailangan ipaliwanag ang napatunayan. Walang bagong datos ang ilalahad sa buod.

KONKLUSYONAng kongklusyon ay hinuha, implikasyon, interpretasyon o mga panglalahat batay sa mga napatunayan. Ito ay mga angkop na sagot sa mga tiyak na tanong at natuklasang pag-aaral. Maikli lamang ang konklusyon ngunit buong detalye ang kailangan ipahayag dito. Dapat ipakita ang isang daang porsyento ng pagkamakatotohanan at kawastuhan ng mga pangungusap na ipinahayag.

REKOMENDASYONAng bahaging ito ay dapat nakatutulong sa paglutas ng suliraning kinalabasan sa pagsisiyasat at kaugnay lamang sa natuklasan . Maaring magmungkahi ng pagpapatuloy sa dati nang naisagawang pananaliksik. Ang rekomendasyon ay kailangang magkaroon ng tagubilin na muling maggawa ng pag-aaral sa ganitong paksa sa ibang lokasyon para mapatunayan at mapalalim pa ang mga natuklasan sa pag-aaral.