1

1.0 Bahasa Iban

Bahasa Iban mula-mula dituliska ngagai limpir keretas dikena nuliska Surat Injil

enggau sekeda kereban bup bacha pengarap Kristian ti bukai.Pengawa ti nulis bup

dalam bahasa Iban dianggarka nyadi dalam taun 1863 menya.Bahasa Iban tu siti ari

bahasa etnik ti benung ngemansangka diri sereta dikerembaika nyerumba singkang

pemansang dunya kemaya hari tu. Siti ari ubah ti nyata nya atur ti ngumpul lalu

nuruka pengaya leka jaku.Siti ari jalai dikena napi pengawa tu nya nginjau jaku ari

bahasa bukai.Pengawa ti nginjau tau ke nyerapka jaku ari bahasa bukai tu nyadi

beduduk ari kaul entara menua sebengkah-sebengkah tau ke kaul pupu raban bansa

siti-siti enggau pupu raban bansa siti-siti ti saum penatai, kala begulai sejalai tau ke

endang sengaja deka nginjau ketegal jakunya ti nadai ba bahasa diri.

Kaul entara bansa menua kitai enggau menua luar ba tikas ti dulu menya balat

bendar berindik ari kaul dagang, kerembai pasal pengarap enggau kayau menua. Atur

nginjau enggau nyerapka jaku ngagai pangan diri sekali ke sengaja tau ke enda

sengaja nyadi ketegal satup daya idup (pertembungan budaya) lalu pengawa tu nyadi

enggau nadai disadang. Nyadi pekara tu bisi bebida ari atur ke nginjau leka jaku lebuh

kemaya hari tu ti bebatang diatur enggau meruan sereta menuku dikena nangkup

pemansang pelajar sekula, lalu kelebih agi ansak sungkak dunya teknologi

kumunikasyen enggau informasi.

2

1.1 Definisi Bahasa Iban

Bahasa Iban nya jaku bansa Iban.Jaku bansa Iban bisi dikena ba Malaysia kelebih agi

di menua Sarawak.Jaku Iban mega bisi dikena di Kalimantan Barat Indonesia. Bahasa

dibagi ngagai jalai jaku ia nya bekaul enggau morfologi sereta sintaksis. Morfologi

sesebengkah bansa jaku nya jalai nempa leka jaku.Bisi sekeda bansa jaku di dunya tu

sebaka jalai nempa leka jaku lalu bisi mega bebiba.Nyadi morfologi jaku Iban nya

bidang penemu ti betungkapka struktur, tukuh enggau raban jaku. Morfologi

dikumbai bekaul enggau pansik munyi sebut jaku laban ia ngemeranka pansik pasal

gaya leka jaku ti datai ari munyi sebut. Morfologi ngerembaika jalai jaku baka jaku

ganti nama, jaku pengawa,jaku adjektif enggau jaku tugas.

Sintaksis nya penemu ti betungkapka tukuh, struktur enggau kunstrak

ayat. Iya mega nentuka atur tauka ukum jalai jaku ti bepelasar ba ripih jalai bejantilka

leka jaku, nusun leka jaku enggau raban leka jaku dikena nempa ayat dalam jaku

Iban.Kelimpah ari nya bahasa Iban bisi mega ngena jaku sempama, jaku silup,

jaku banding enggau jaku sema ka ngayanka ulah enggau perangai siku-siku

mensia. Bahasa Iban ukai semina ditemu sereta dikena bansa Iban aja.Bahasa Iban

mega ngundan sepil Jaku Iban ti menyana sereta meruan.

3

1.2 Chiri-Chiri Bahasa Iban

Pengawa ti nyerapka leka jaku bansa bukai ke dalam bahasa Iban endang dikarapka

majak deras, majak laju laban tu meh chara ti jampat ngasuh bahasa Iban jampat

entap, jampat tegap. Sekeda sepil jaku injau ti bisi udah diserapka ngagai bahasa Iban

lalu endang masai (meruan) udah dikena nya baka tu;

Penatai Asal Pengambi/Penginjau Chunto Leka Jaku Injau Melayu Bahasa Iban sesuai, selaras, seragam Sanskrit Bahasa Iban serega, neraka, bahasa Tamil Bahasa Iban kedai Hindu Bahasa Iban chukai Arab/Parsi Bahasa Iban sabun, salji, bandar China Bahasa Iban taugey (tauge) Portugis Bahasa Iban sekula Belanda Bahasa Iban sepatu Inggeris Bahasa Iban radio, telefone

1.3 Kategori Sepil Jaku Injau

Kementerian Pelajaran Malaysia (2007), nerangka bisi tiga kategori sepil jaku injau

dikena ngemanahka jaku Iban ke dikena dalam bahasa Iban;

i. Jaku Injau Ari Jaku Bahasa Seperugan (Nusantara)

Jaku injau ari bahasa serumpun tebal agi bahasa Melayu tu bisi diserapka

ngagai bahasa Iban mayuh enda disepil nitihka bahasa asal Iban nitihka sistem

bahasa Iban ti nginjau jaku nya.

4

a. Injau Terus

Dalam proses nginjau ti baka tu, leka jaku ti diinjau, diambi sereta diterima

enggau silik ari jaku asal. Reti nya ia nadai berubah ari segi sepil enggau reti

taja pan disebut nitihka kaul dilah Iban.

Bahasa Melayu Bahasa Iban calon chalun cuka chuka seragam seragam selaras selaras

ii. Jaku Injau Ari Jaku Inggeris

Gaya jaku injau ari bahasa Inggeris ti dikemisika dalam bahasa Iban tau dibagi

ngagai beberapa kategori;

a. Injau Terus

Reti nya nginjau jaku ari penatai asal enggau chara penuh. Reti nya nadai

nerima ubah ari atur gaya nyepil sereta mega enggau reti iya.

Chunto :

radio bank hotel

b. Injau Salin

Reti nya jaku asal disalin nitih ke atur sepil bahasa Iban.

5

Chunto :

honey moon - bulan madu night market - pasar malam

c. Injau Pengasai (Penyesuaian)

Reti nya sepil ari penatai jaku ti diinjau disesuaika tau diubah nitih ke sistem

sepil bahasa Iban.

Chunto :

computer - kumputer telephone - telefon sistem - sistem

d. Injau Serap (Teserap)

Reti nya jaku injau ti bansa tu endang udah lama dikena ke masai (meruan)

dikena dalam bahasa Iban. Sepil ia ditulis nitih ke sistem bahasa Iban lalu guna

ia endang agi mengkang sebaka.

Chunto :

plan - pelan class - kelas stamp - setem bottle - butul glass - gelas

6

e. Injau Penakan (Kacukan)

Reti nya jaku injau setengah lalu ditawingka enggau bahasa Iban. Atur nyepil ia

disesuaika enggau sistem sepil bahasa Iban ia nya atur nyepil jaku injau.

Chunto :

baju gaun (gown) kasut but (boot)

iii. Jaku Injau Ari Jaku Bahasa Bukai

Kementerian Pelajaran Malaysia (2007), nerangka bisi dua chara nyepil jaku

injau ari bahasa bukai kelimpah ari bahasa Inggeris enggau bahasa serumpun.

Chara nyepil nya baka tu :Transliterasi tau ke nyalin terus nya chara ti mindahka

siti-siti leka jaku ari bahasa bukai ngagai bahasa Iban lalu nadai berubah ari

segi guna ia dikena tang sepil nitih ke sistem sepil bahasa Iban. (Enti nyema ke

bisi nyadi ba sistem sepil bahasa Iban). Dalam proses nginjau ti bansa tu,

sekeda jaku bansa bukai ti diinjau, diambi sereta diterima enggau silik ari segi

sepil, kunsep enggau reti tang ditulis chundung. Ketebal agi jaku injau ti baka tu

dikena dalam laras jaku ti spesifik.

7

a. Injau Terus

Chunto :

Penatai Leka Jaku Reti Latin Ultra-virus ngereja pengawa ngelui tikas ti patut Jerman Weltanschauung ngerampas kuasa sechara kasar, pejal

sereta enda beradat Peranchis Coup d’etat Spirit de corps semangat begempung

b. Jaku Serap

Proses nginjau serap jaku bansa bukai sebaka enggau atur nyerapka jaku

English. Leka jaku bansa bukai ti udah masai(meruan) tauka tebalan dikena

dalam jaku Iban disepil enda nyenggala menatika gaya tukuh visual leka jaku

nya ditulis dalam jaku asal ti nginjau tang ditulis ketebal agi nitihka munyi ti

disebut ngena kaul dilah Iban.

Chunto :

Asal Jaku Jaku Iban Sanskrit serega, neraka Tamil kedai Arab/Parsi seleju, miskin China tauke, pangking Portugis mija, gerepu Belanda sepatu Jipun karaoke

8

1.4 Atur Nyepil Jaku Injau Ari Bahasa Inggeris

Sepil jaku injau ti bansa tu diatur nitih ke pengasai atur nyepil ia belalauka sistem sepil

bahasa Iban ngena chara ti nyemakaka urup ti ulih dikena nganti ia.

i. Pengasai (Penyesuai) Urup

Chunto :

Urup “c” ditukar nyadi “k”

Baka : Carbon - Karbon

Urup “cr” ditukar nyadi “kr” Baka : credit - kredit

Urup “logy” ditukar nyadi “logi” Baka : geology - geologi

Dalam bahasa Iban, sebaka enggau bahasa Melayu mega sama bisi 71 iti chara

nyesuai atur sepil jaku injau ngagai sistem sepil bahasa Iban.

ii. Ningkilka Kunsonan Senyap

Kunsonan senyap ia nya kunsonan ti nadai disebut lalu enda bemunyi taja pan

urup ia endang nyerupa segenda bisi dalam leka jaku nya.

9

Chunto:

Bahasa Inggeris Bahasa Iban Kunsonan Ti Ditingkil bomb bom b president presiden t propilla propila l

iii. Ngemeranka Turu Kunsonan

Turu kunsonan nya dua tau ke tiga iti urup kunsonan ti beturu. Selalu ia turu

kunsonan tu ayan ba leka jaku enggau ba ujung sekeda leka jaku. Leka jaku

asal bahasa Inggeris ti ngembuan tukuh ti baka tu agi mengkang ngemeranka

turu kunsonan lebuh ia disepil dalam bahasa Iban.Taja pia, sekeda urup

kunsonan nya udah ditukar nitih ke pengasai (penyesuaian).

Chunto :

a. Strategy nyadi strategi lalu 3 turu kunsonan ba pun leka jaku.

b. Credit nyadi kredit lalu 2 turu kunsonan ba pun leka jaku.

c. Passport nyadi passort lalu 2 turu kunsonan ba ujung leka jaku.

10

iv. Ngemeranka Turu Visual (Gaya Peda)

Tukuh visual nya siti pola tusun urup ti terang dipeda seragam (sebaka) dalam

sepil jaku injau bahasa Inggeris.Tukuh ti baka tu ngemudahka orang meretika

reti kunsep utai ti disepil ngena nya.

Chunto :

Tukuh Visual Reti Rama Leka Jaku Tele Kumunikasi telefon, televisyen Auto Pemindah/Pejalai automobile, automatik Elek Arus elektrik elektronik, elektromagnetik

v. Meri Penambah Ngagai Jaku Injau

Lebuh kitai meri penambah bahasa Iban ngagai jaku injau bahasa Inggeris ia

lalu nyadi jaku ti bukai taja urat jaku nya enda berubah.

Chunto : meN + proses - nyadi memproses di + kategori + ka - nyadi dikategorika

1.5 Penambah “ka”

Kementerian Pelajaran Malaysia (2007), nerangka atur sepil Jaku Iban mega ngetapka

penambah “ka” ditulis besambung enggau leka jaku ti dientudika ia enti leka jaku nya

11

tadi jaku kereja (verb). Dalam Atur Sepil Jaku Iban ti dikena diatu, penambah “ka”

balat agi bebalut lalu enda entap baka ba bahasa Melayu ti netapka penambah “kan”

semina disambungka enggau jaku kereja.Ba atur sepil ke diatu, penambah “ka” bisi

ditemu ukai semina disambungka enggau jaku kereja tang mega ba jaku penyambung

enggau sekeda leman jaku ti bukai mega.Ari nya atur ba senentang tu berupai enda

entap.

Leka jaku ti udah ditetapka dalam Atur Sepil Jaku Iban disepil besambung

Ditetapka besambung Patut Disepil tauka tau ka (Jaku penyambung turu) sekalika sekali ke (Jaku penyambung bepasang) baikka baik ke (Jaku penyambung bepasang) ambika ambika (ambilkan, take)

ambi ke (sebagai contoh, for example) awakka awakka (meri awak, meri jalai) sampaika sampaika (kereja nyampaika daun judi)

sampai ke (jaku penyambung madahka maya) enggaika enggaika

enggai ke (jaku penyambung) dataika datai ke (jaku penyambung)

Peratika chunto ayat di baruh tu:

a. Pengajar ngasuh Anna tauka Alex Nasu nulung iya mai bup.

b. Pengajar ngasuh nembiak bacha bup sekalika dalam asrama tauka dalam

kelas. (Chunto jaku penyambung bepasang ti ngayanka pilih)

c. Pengajar nagang nembiak begagai baik ke dalam kelas tauka di

asrama.(Chunto jaku penyambung bepasang ti ngayanka nadai pilih)

12

d. “Ambika aku bup nya”, ku Pengajar Billy. (Jaku Asuh/Perintah/Suruh)

e. Nembiak ke tegar belanda, ambika banding baka Watson Nyambek endang

dikandalka menua enggau bansa.

f. Nembiak sekula mesti belajar bebendar awakka sida nyadi orang ke menyana

ke jemah ila.

g. “Jaga-jaga, awakka jalai alai bala Bujang Berani,” ku Tuai Gawai.

h. Nanang agi ingatka ambai lama iya sampaika diatu.

i. “Kita tau lalu sampaikadaun aku tu. Semua udah segaji,” ku Indai Galang.

j. Kitai mesti bebendar ngemansangka bahasa Iban enggaika juluk ati kitai ti

deka ngasuh iya diajar ba Maktab ila puntan.

k. Suba amat aku enggaika nuan, tang diatu ati udah berubah.

l. Indai seruran ngajar kami ngereja pengawa dataika iya padam seput.

Lebuh kitai udah beratika chunto ayat nya tadi baru kitai ulih mida sekali ke

penambah “ka” nya sepeneka alai engkah baka ti udah ditetapkan ba Atur Sepil Jaku

Iban tau ke enda. Asmah Omar (1988), nerangka lima chara penambah “ka” tau

bejantil taja pan bisi sekeda enda patut bejantil. Sida bejantil nyangka ketegal ari gaya

patah sebut orang siku-siku ke balat bebiuh nitihka ai alai diri empu diau. Berindik ari

nya “ke” tau nyadi “ka” lalu suah betukar tempat.

13

1.6 Bida Guna “iya”, “ia” enggau “ya”

Kementerian Pelajaran Malaysia (2007), nerangka leka jaku “iya”, “ia” enggau “ya”

suah ngasuh penulis bebalut runding. Taja atur ke ngena sida tiga tu udah bisi

dikenang tang ngambi ke terang agi lalu bebatang dipejuraika, nya alai ke sekali tu uji

kitai sama beratika gaya sida tu dikena dalam ayat.

i. Guna “iya” dikena madahka batang kenang kitai nya mensia.

a. Iya ke bebaju burung nya tuai rumah kami.

b. Bala sida iya ke bebadi nya kemari endang kami serumah.

c. Dikena ngamatka jaku iya ke ngajar kami, kami seruran macha

bup.

ii. Guna “ia” dikena madahka batang kenang kitai nya utai bukai ke ukai

mensia.

a. Nama ia meda mensia ukui kami enda tau enda nyalak.

b. Lebuh aku meri ia makai pagi tadi Pulau endang agi gerai.

c. Semua sida ia ke baru mechah udah disimpan aku dalam sangkar.

14

iii. Guna “ya” nya madahka reti “au”(Yes)

a. Ya, aku enggau Epindy tadi.

b. Ya, endang nuan bejaku kemari.

c. Ya, betul nya punggal.

1.7 Guna “ke” enggau “ti”

Dalam bahasa Iban leka jaku “ke” enggau “ti” ke ngelama tu endang sama dikena

sereta mai reti ti sebaka. Tang taja pia, enti kitai beratika guna leka jaku “ke” tu

endang amat mayuh. Ari nya kitai tau magi lalu mida guna “ti” enggau “ke”.

Chunto 1 :

i. Guna “ke” semina ditetapka dikena nunjukka utai ti dikenang kitai nya

tadi mensia

a. Iya ke bebaju kesumba nya bini Durung.

b. Orang ke besai gamal nya apai aku.

c. Pengajar ke ngajar bahasa Iban nya landik amat bejaku.

15

Chunto 2 :

ii. Guna “ti” semina dikena nunjukka sebarang utai bukai ke ukai mensia,

baka perengka tubuh, jelu, antu enggau semua utai bukai

a. Lengan ti singkung nya bai iya labuh ari tanju.

b. Mayau ti chelum iku nya enggi sida Peter.

c. Apai ngaga kerusi ti dikena indai bejait.

2.0 Pemansang Bahasa Iban Ari Jemah Pemerintah Brooke Ngagai Diatu

Chemeline Osup, Padang Luna (2011), nerangka Jaku Iban angkat nyadi siti jaku ke

dikena enggau regas sereta pintar di menua Sarawak berengkah urung taun 1863

menya. Jaku tu ngerembai ketegal segang pemansang ekunomi, sosial enggau politik

rambau nya. Penyampau tubuh bansa Iban enggau bansa bukai ke ngena jaku tu

nambah-senambah nya alai nya meri peluang alai iya nitihka tuju ti dikedeka sereta

ditentuka orang mayuh.

Pengerembai jaku Iban berengkah ba jeman Rajah Brooke. Pemansang baru ti

muka peluang alai jaku Iban nyingkang selangkah agi ke mua iya nya lebuh iya dipilih

dikena ngajar enggau belajar di sekula. Peter M. Kedit (1998) madahka sekula

berengkah didirika bala misionari ba sekeda endur di menua Sarawak baka sekula St

16

Thomas Kuching (1848), enggau sekula China di Bau (1864). Sekula St Paul Banting

(1853), nya sekula keterubah didirika ba menua Iban dikena ngemansangkan nembiak

redak bansa Iban ba menua nya enggau orang bukai ke bekelingi endur nya.

Nitihka perati Gomes E.H (1911), pengidup bansa Iban belinsur manah kelebih

agi ba chara befikir, atur ngintu pengerai enggau betanam betupi udah sida

ngemeranka pengawa besekula.Nembiak ti udah nembuka pelajar lebuh mulaika diri ke

rumah panjai, sida nyadi chunto (tauladan) ngagai nembiak bukai ba rumah nya tauka

ba genturung pendiau sida.Pemai ulah sereta chara sida berunding nyata bendar

ngelui ari enggi orang bukai ke nadai kala besekula.Jaku ke dipansutka sida meruan

atur lalu entap didinga.Ukur tu balat ngubah perening orang bukai dalam kumuniti sida

lalu nyungkak ati besemekih sama-sama ngulihka pemandai.Orang ke bisi ngembuan

pemandai berengkah ngasilka karang ke bekaul enggau pengarap kristian, ensera,

pengingat tuai, tusut enggau mayuh bansa karang ke bukai. Kelimpah ari nya, sida

mega landik betulis surat nuju pangan diri.

Beserimbai enggau ubah sosial dalam kumuniti Iban, dia pampang guna jaku

pan betambah nitihka intitusyen ti ngena jaku nya. Ambika chunto, Borneo Literature

Bureau (BLB) ti didirikan dalam taun 1963-1977, nya siti institusyen ti ngemeranka

projek ethnonationalis dikena ngetanka adat, jerita tuai, main asal sereta

ngemansangka pesaka betulis bansa Iban (John Postill; 2001). Mayuh bendar kereban

betulis dikeluarkan BLB datai ngagai maya iya dipadamkan dalam taun 1977, lebuh

17

Dewan Bahasa dan Pustaka (DBP) didirika nambak iya ngambi tanggung pengawa

ngerembaika jaku Bahasa Malaysia lalu ngetuka jaku Iban.

Jayum Jawan (1994), madahka “Pemberita” endang udah dulu agi ari

penumbuh BLB nyadi dilah perintah. Surat tu ke udah dulu agi ari penumbuh BLB

nyadi dilah perintah.Surat tu ke dikeluarka Opis Penerang Sarawak, dilancar keterubah

iya dalam taun 1950. Karang dalam pemberita dikeluarka ninting bulan lalu dikenataika

ngagai rayat menua pesisir enggau dua bengkah tuju;

i. Mai berita pemansang (nyengkaum pemansang rayat rumah panjai

enggau berita betanam betupi) sereta jaku pemansang dituju ngagai

rayat ngambika sida ngubah chara ngidupka diri ngena jalai moden.

ii. Kelimpah ari nya, dalam taun 1970, “Berita Rayat” dikeluarkan Rajang

Security Command (RASCOM) di Sibu. Surat tu dikeluarka ninting bulan

mega nyadika dilah perintah munaska propaganda kumunis di menua

Sarawak.

Munyi ti udah disebut dulu ari tu, jaku Iban ngerembai nitihka singkang

intitusyen ti ngena jaku nya.Ba institusyen pengarap kristian enggau pengawa perintah

Sarawak kenyau ari jeman Rajah Brooke datai ngagai kemaya hari tu jaku Iban udah

neresa sejarah ti ampir manggai 200 taun. Siti gerempung ke dikumbai Christian

18

Churches ngena langkah rapat ngerembaika ajar kristian ari pengawa ti ngeluarka

kereban jalai pengarap ngena jaku Iban. Sullivan (1993), bisi nyebut gerempung tu

nulis kereban ngena metodologi besakumka ukur daya idup enggau ajar kristian kena

narit ati pembaca.

Ba pengawa ke bukai mayuh bendar pengamat, penerang, cherita enggau

sejarah rayat bansa Iban bisi ditiki sereta dikemesaika dalam surat. Bala misionari

mayuh ngasilka kereban baka bup ensera Iban dikena ngenataika ajar Kristus.Stonton

endang tebilang bendar enggau ensera “Manang Gagak” ke dtulis iya ngena watak

prototaip dikena nguingka runding nembiak taluk ngagai pengarap kristian ba sekula.

Sekeda manuskrip lama dijangka bisi disimpan individu ba sekeda endur di menua tu

empu enggau menua-menua Europa kelebih agi ba South Asian Studies, University

Oxforf di England (Aeries Sumping Jingan)

Peturun Iban nya penguing ti pemadu mayuh di Sarawak (Jabu Numpang,

1989).Datai ke sehari tu bansa Iban agi nyulut ari segi penyampau tubuh bebanding

enggau bansa bukai di menua Sarawak. Nitihka tesa Jabatan Perangkaan Negeri

Sarawak (2006) penyampau tubuh bansa Iban manggai 709,608 iku tauka 30.1%

nguan menua Sarawak. Ari perening kasar orang ti bejaku Iban dianggarka enda

kurang ari sejuta nyengkaum orang bukai ti bekaul enggau bansa Iban lebuh ngidupka

diri. Nya alai dalam jangka, jaku Iban agi meruan nyadi jaku ti dipilih dikena

bekumunikasyen ba mayuh bidang pengawa di Sarawak.

19

Jaku Iban betuah laban iya dipelajarka nembiak ba sekula perintah berengkah

ba sekula primary nyentuk ngagai sekundari atas.Iya mega ditaburka ari Radio

Malaysia Sarawak (RTM) enggau stesyen radio kumersial CATS Radio. Ari nya, jaku

Iban bepeluang ukai semina ngerembai enggau jampat sereta dikena enggau regas

ngelui tikas menua Malaysia tang ulih melunggang ngagai menua Indonesia enggau

menua-menua bukai di Asia Tenggara. Ngena teknologi digital enggau teknologi ICT

ba jeman ke diatu jaku Iban ulih dipendingka peninga di serata dunya. Nya alai jaku

Iban deka seruran mansang nitihka singkang jaku bukai ke dikena ba menua tu. Ba

bidang akademik jaku Iban endang meruan pelasar laban Opis Pelajar endang seruran

betatika pemansang kurikulum ke dikena ba sekula.Kereban dikena ngajar enggau

belajar mega seruran dikemansangka nitihka guna nembiak di sekula sereta nitihka

pemansang teknologi dalam bidang pelajar.Pansik sechara intelektual pasal jaku Iban

mega seruran beseranyat ngerembai ngagai tikas tinggi laban suah bendar keretas

kereja bisi dibantai dalam seminar tauka kunferens ba tikas antarabansa.

2.1 Jaku Iban Nyadi Dilah Perintah

Chemeline Osup, Padang Luna (2007), nerangka lebuh Rajah merintah Sarawak (1881-

1941), bansa Iban kurang diberi peluang alai ngemansangka diri dalam ekunomi, sosial

enggau politik (Pringle, 1970). Penengat bansa Iban nyata bendar dipeda ba pengawa

besekula. Nya alai Pringle (1970), enggau nyemetak madahka perintah Rajah

ngelempaika tanggung pengawa nirika sekula ba bala misionari aja. Bansa Iban

20

enggau bansa peribumi ke bukai endang segaja diseliahka perintah Rajah arisistem

sekula. Peluang besekula semina dibai bala misionari ngagai bansa Iban tang nya pen

semina datai ba genturung pendiau ke ulih diundang sida aja. Taja pia, nembiak redak

bansa Iban diiring tuai-tuai sida endang seruran mupuk ngangkatka diri sereta

ngerembaika penemu sida tampung-menampung ari serak siti ngagai serak siti.Sekeda

ari adat asal enggau cherita lama ti mungkur daya idup bansa Iban bisi disalin sereta

ditulis sida ngagaisurat. Nyadi asil betulis tu aja enda mayuh tang bisi dikereja

menggal mit laban nembiak Iban ke bisi peluang besekula endang mimit bendar enti

dibanding enggau bansa bukai.

Guna jaku Iban ke besai bendar reti sekumbang perintah Rajah iya, nya dikena

ngaduka pemaik. Kebuah pia, laban bansa Iban nya bansa ti balat nyakal perintah

Rajah. Rajah nadai chara bukai dikena mulaika pemaik tang matak semua tuai-tuai

Iban taluk ngagai perintah. Semua pemesai enggau wakil perintah mesti bepegai ba

“The Brooke Tradition” iya nya chara bejalaika atur perintah bekempit enggau rayat

(Richards, 1997).Sida niki ke rumah panjai, bemalam lalu ngatur randau enggau rayat

ba rumah nya. Nya alai sebedau pemesai tauka wakil perintah ulih bejalaika pengawa,

sida ngasaika endang nadai jalai bukai dikena sida ulih meretika adat enggau randau

ke diatur. Sida mesti dulu nemu ngena jaku Iban enggau betul.Nyadi tu mai jaku Iban

jampat agi dipelajarka.

21

Pengawa dagang kelebih agi ba menua pesisir urung tengah menua Sarawak

mensia dia endang dulu nguan jaku Iban. Jaku tu nyadi lingua franca laban mudah

diperetika sereta dikena rayat ukai semina di Sarawak aja tang mungkur rayat

Kalimantan Indonesia (Richards, 1981). Jaku Iban mega diangkat nyadi jaku dikena

perintah bejalaika undang-undang kelebih agi ba bansa Iban ti guan rumah panjai

tauka genturung pendiau ba pelilih menua ti bekampi enggau bansa bukai. Jaku Iban

ukai semina dikena ngumbuk rayat talukka perintah tang dikena ngajung tungkat

(surat saman), begerah sereta bejalaika pengawa bukai nitihka atur perintah.

Rambau perintah Kulonial British (1946-1963) jaku Iban bisi buya dikena dalam

aum Kunsil Negeri. Wakil rayat ke dipilih tau ngena jaku Iban lebuh bejurai dalam

aum. Kelimpah ari nya, perkara ti besai bendar reti ba bansa Iban iya nya jaku tu

dikena ba Kurt Bumiputera (Native Court).Ba kurt tu iya dikena ngatur pechara

nembiak redak bansa Iban tauka bansa bukai ti nemu jaku Iban lebuh sida diatur

nitihka adat kumuniti Iban. Bup undang-undang; Rajang Meluan (1936), Tusun

Tunggu Sibu (1952), Tusun Tunggu Simanggang (1961) enggau Adat Iban (1993) nya

dokumen undang-undang ti ngaraka Adat enggau Tusun Tunggu ti dikena bansa Iban.

Bup undang-undang tu ditulis dalam jaku Iban sereta bisi mega disalin dalam jaku

English.Pechara ba Kurt Bumiputera (Native Court) endang tulin ngena jaku

Iban.Penghulu ti dichiri perintah ngatur pechara bekaul enggau ruang bilik, tanah

buah, temuda rimba, reta tengkira enggau pesaka nembiak redak bansa Iban mega

nulis pemutus pechara dalam jaku Iban.

22

2.2 Jaku Iban Dikena Nanggam Kaul Antara Etnik (Bahasa Iban

DigunaDalam Hubungan Etnik)

Jaku Iban seruran dikena dalam mayuh bengkah pengawa, pengerami ti bekaul

enggau raban bansa bukai.Billy Labau (2011), nerangka Sarawak bisi 27 etnik ti

nyengala besai enggau sekeda etnik pribumi ti bekeremit. Raban etnik nya baka tu;

Iban, Bidayuh, Melanau, Kenyah, Melayu, Kedayan, Belait, Sebuyau, Kayan, Punan,

Penan, Tabun, Ukit, Bisaya, Baketan, La’en, Tagal, Lelak, Sa’an, Kelabit, Lun Bawang,

Cina enggau ti bukai. Chemeline Osup, Padang Luna (2007), kesemua etnik ngembuan

mayuh macham pengarap, adat asal enggau cherita ti mungkur daya idup sida

kelimpah ari ti ngembuan mayuh bansa jaku. Taja pia, orang ari etnik bukai ditemu

enda sanggu ngena jaku Iban lebuh sida berandau tauka nanggam kaul enggau bansa

Iban. Kaul ti manah enggau bansa bukai nya endang berindik ari pengalus jaku

enggau peninggi daya idup ti dikembuan bansa Iban.Penegap kaul nya tau diperatikan

kelebih agi ba leka main baka ba leka pengap enggau sekeda leka main bukai.Sandin

(1980),terang madahka rintai nama-nama tuai-tuai bansa bukai endang bisi disebut

tauka dipansa lebuh lemambang ngagauka leka pengap ba genteran “ngerintai

tuai”.Dalam pengap tuai-tuai bansa bukai endang bisi dikanggau lalu dikemesaika

dalam pengawa gawai bansa Iban.Tu nunjukka jaku sereta daya idup bansa Iban

betukuh universal.

23

Iban manggum reti “bepengibuh” sereta “bepengeregas”.Sigi amat, bansa

Iban nya bansa ti sikar, berani sereta regas ngidupka diri.Bansa Iban mubuk menua,

muai agang, muai rangkang, muai unak, muai lemetak ari nanga ai nyentuk ke entigis.

Nya alai Peter M. Kedit (1984), enggau nyemetak madahka bansa Iban enggau ati

keras sereta berani mungkal menua baru. Nitihka Tuai Burung enggau Tuai Pematak

Bala sida beraban-raban sereta berenggat-renggat melunggang ke menua Sarawak ari

Batang Kapuas Kalimantan Indonesia.Sida mungkal menua baru ngerembaika kuasa

sida.Bansa Iban nadai kala mantul lebuh ngidupka diri. Sida beduruk ngereja semua

pengawa, beambi ngabang lebuh begawai tauka melah pinang, besempekat sereta

begempung lebuh napi penusah. Sida mega nadai kala beteju tang besukung lebuh

nyeridika rayat ti begunaka tulung baka patu-balu enggau orang ti renga mensena.

Sida mega ngasi lalu mendingka jaku tuai lebuh ngidupka diri.Ukur pengidup bansa

Iban endang chukup tinggi sereta ditanggam ngena adat basa kenyau ari kelia menya.

2.3 Jaku Iban Dikena Bekaul Antara Raban Iban (Bahasa Iban Diguna

Diantara Iban Sesama Iban)

Chemeline Osup, Padang Luna (2011), Asmah Hj. Omar (1981), madahka bansa Iban

dikelala tauka nyebut diri nitihka pelilih menua ti endur sida diau baka Iban Skrang,

Limbang, Saribas, Batang Rajang, Undop, Lemanak enggau Sebuyau. Ari jurai ke sama

iya mega madahka gelar “hivan” asal ari jaku Kayan ke mai reti orang ke ngampar

tauka belelang dikena ngelala bansa Iban. Orang Barat sampal nyebut Iban enggau

24

gelar “Sea Dayak” lalu sekeda enggau label “head hunters”.Leka jaku Iban enti nitihka

penemu bansa Iban empu mai reti “orang” tauka “mensia”. Iban datai ari sakum dua

leka jaku iya nya “ibuh” enggau “baan” Ibuh reti nya “ngembuan penyiru” lalu “baan”

nya “pengeregas”. Nya alai enti ditelusur ngena daya idup mensia ke disebut Iban segi

endang nadai kebuah sida tau disebut tauka dikelala enggau kanggau bukai. Nunda

pantun tuai bejaku, “nya baru Iban” nunjukka pengeregas siku-siku orang ngilah orang

bukai dalam raban tauka sapa-sapa orang ke ditangkap iya.Mulai ngagai gelar sapa

Iban, nya tanda siti bansa ti “bepengibuh” sereta “bepengeregas”.

Jantan Umbat (1989), nerangka jaku Iban betukuh homogeneous. Nya alai

bansa Iban nadai penanggul dalam kaul enggau pangan diri laban sida ngena siti jaku

taja pen sida datai ari mayuh bengkah endur. Pengengkah jaku sida semina bisi bebida

ari segi pengelandai enggau pengerenjan entak sebut.Variasyen jaku nyadi ketegal

direngkap rampa menua ti ngelingi endur sida diau.Ambika chunto, Iban di Ulu Batang

Rajang bisi renjan mimit entak sebut ketegal sida ngidup diri ba menua ke bebukit lalu

sungai ke renjan sereta deras.Lebuh merau sida mudik tauka ngundur sungai ti deras,

pikul sereta mayuh wung.Iban ke diau ba tanah landai lalu sungai pen enda deras

baka di Saribas jaku sida pen landai nitihka geografi menua nya. Taja pia, ari segi

banding linguistic Iban ari Batang Rajang nadai penanggul bekaul enggau Iban ari

Saribas tauka Iban ari menua bukai laban sida sama-sama ulih meretika jaku tauka

kunsep sesebengkah pekara ti disebut pangan diri.

25

Pengering tu nyadi tungkat pengidup bansa Iban kenyau ari menya datai ke

sehari tu. Ari nya sida ulih begempung ketegal sida nadai penyerekang ba jaku.Sida

ulih meretika ati budi pangan diri ari ti ngembuan penyiru lebuh bejaku.Bansa Iban

seruran bepegai ba saling lalau pendiau, “bejalai betungkatka adat, tinduk

bepanggalka pengingat”. Nya alai faktor tu ke matak sida enggau mudah ulih

bekunsika penemu lalu pia mega nitihka semua atur enggau nadai pengerawan.

Semua pengawa dalam pengidup bansa Iban diatur sereta diputuska enggau jaku. Nya

alai lebuh baum tauka bejuraika atur jaku ditusun tauka diripih enggau bejimat

ngambika nyamai diperatika sereta manah didinga.

Kelimpah ari nya bansa Iban mudah bekempit pendiau enggau pangan diri ari ti

jadi melaki bini sekalika ngambi kaban belayan diri tauka orang bukai ari ai siti enggau

ai siti. Bansa Iban sampal nemu jerita Sendi indu ti pemadu bajik, pandai di chunggai

ujung jari sereta beberita jelai nama di Batang Skrang belaki ngambi Guang tuai Iban

ari Sebuyau.Nyadi kaul ti baka tu ngasuh bansa Iban balat ngemeranka tusut

(geneaology) dikena nelusur sereta ngingatka kaban belayan. Nya alai atur jadi belaki

bebini dikejaku nitihka adat Seputung Kempat. Semua atur kenyau ari kelia menya

datai ke sehari tu endang diputuska ngena jaku lalu manggai ba adat magang-

magang.

Dalam atur ngintu pemati nitihka penemu Sandin dalam Richards, A. (1997),

bansa Iban endang bisi meruan adat ti diajar Petara(Tuhan) benama Puntang Raga ke

26

diturunka iya ngagai Serapoh. Ari Serapoh Iban nemu jalai ngintu pemati. Nya alai

bansa Iban ukai semina ngatur adat lebuh nembiak redak jadi melaki bini tang lebuh

maya ninggalka dunya injau tu adat mega dikejakuka. Orang ke tuai deka bejuraika

adat sereta basa ngagai iya ke nadai nitihka pengawa ke dikereja kenyau ari iya agi

mit datai ngagai maya ninggalka dunya tu. Semua pengawa tu ditelusur, dipansik

sereta dipejuaraika enggau lenak ngena jaku lalu pia mega manggai ba adat magang-

magang.

2.4 Jaku Iban Dikena Ba Sekula (1853 - 1963)

Jaku Iban dikena ba sekula belabuh ari taun 1853.Chemeline Osup, Padang Luna

(2011), nerangka ba sekula di Sarawak jaku Iban diambi nyadi “jaku dikena meri

penemu” iya nya jaku dikena ngajar belajar ba besekula. Jaku Iban keterubah iya

dikena ngajar enggau belajar ba sekula mission St. Paul, Banting dalam taun 1853, St.

Francis Xavier, Kanowit (1884), St. Luke, Simanggang (1893), St. Augustine, Betong

(1920), St. Margaret, Betong (1929), St Peter, Saratok (1925), St Paul, Roban (1925)

enggau St. Christopher, Debak (1925). Rambau tu jaku Iban dikena ngajar enggau

belajarka semua mata pelajar di sekula. Iya dikena berengkah ba kelas “beginners 1

beginners 2”. Selepak ba urung tu, ukai reti nya jaku English ti endang batang jaku

enda dikena ngajar enggau belajar tang jaku Iban nya jaku keterubah ti dikena meri

penemu dulu ngambika nembiak bisi pengerindu besekula. Reti nya jaku Iban dikena

ngajar semua subjek begembar jaku English ba dua taun keterubah mungkal sekula.

27

Subjek ti diajar jaku Iban iya nya penemu kira-kira-kira (Arithmetic),

pengerai(hygiene), pengarap (bible knowledge) enggau penemu rama (general

knowledge). Lebuh nembiak nampung pelajar ngagai standard satu ba taun ketiga

besekula nya baru jaku English dikena enggau penuh nyentuk ngagai nembiak

manggai ba standard empat tauka taun ke-enam besekula. Maya nya bala misionari

pechaya ari ti ngena jaku asal sida ulih matak pengerindu nembiak belajar ba

sekula.Ngena chara tu mega sida ngenataika ajar manah enggau berita dalam injil

dikena ngenajamka runding enggau pengarap ngagai Petara (Tuhan).Ba tikas tu pemai

ulah nembiak endang udah lati sereta ngembuan pengelandik dalam semua subjek ti

dipelajarka sida ngena jaku asal sereta ngembuan pengelandik ti entap dalam jaku

English.

Munyi ti udah disebut, ba sekula primary jaku Iban berengkah dipelajarka

berengkah dalam taun 1853 tang ba sekula sekundari iya dijangka berengkah dipelajar

sechara formal dalam taun 1953.Peresa jaku Iban ba peringkat Sarawak Junior

Certificate (SJC) tauka tikas pom tiga keterubah berengkah dalam taun 1955.Keretas

Jaku Iban maya nya disebut Asian Language. Udah nya dalam tahun 1957, ba peresa

SJC tu mega nama keretas tu udah diubah ngagai Sea Dayak. Setaun udah nya, iya

nya dalam taun 1958, nama keretas Jaku Iban tu diubah sekali agi lalu disebut Iban

Language.

28

Siti pekara ti besai bendar reti nyadi dalam pengerembai Jaku Iban ba sekula iya

nya jaku tu berengkah ditaburka ari radio dalam taun 1963. Siti slot diagihka alai

“School Broadcasting Service” ngeluarka program pelajar jaku Iban ari radio. Ngajar

enggau belajar ngena radio rambau nya balat narit ati nembiak ti belajar ba

sekula.Aktiviti diatur lalu ditaburka ari radio ngambika datai ba nembiak ti belajar di

menua pesisir.Pengajar ngambi diri empu nyadi fasilitatur lalu iya ngiring nembiak

dalam pelajar sida.

2.5 Jaku Iban Dikena Ba sekula (1964 - 1995)

Chemeline Osup, Padang Luna (2011), nerangka dalam taun 1964, turai pelajar Jaku

Iban sekula sekundari baruh dikeluarka perintah Sarawak. Turai pelajar nya, “The

Curricular and Syllabuses for Junior School” sebagi ari turai pelajar ti dikemendarka

begulai enggau turai pelajar mata pelajar bukai dalam “Sessional Paper No. 3 of

1963”.Turai pelajar nya dikemendarka Kunsil Negeri Sarawak beberapa bulan sebedau

Sarawak beserakup enggau nengeri bukai di Malaya enggau Singapura nudukka

Malaysia.Dalam kurikulum nya Jaku Iban semina diajar ngagai nembiak bansa Iban

aja.Kurikulum Jaku Iban maya nya ukai tapi nembiak bansa bukai ti baru deka

belajarka jaku Iban. Gerim taga jam mata pelajar Jaku Iban diungkupka 120 minit

seminggu. Elemen ti dipasukka dalam turai pelajar Jaku Iban nyengkaum pengelandik

berandau, macha enggau nulis.Pengelandik bukai baka pengelandik jaku, appresiasyen

29

leka main enggau adat asal, rapat salin tauka transalasyen jaku Iban ngagai jaku

English enggau ari jaku English ngagai jaku Iban mega dipelajarka.

Turai Pelajar Jaku Iban ti disebut di atas nya terus dikena datai ngagai taun

1984.Keretas peresa ke penudi bemalinka turai pelajar tu iya nya keretas peresa Lower

Certificate of Education (LCE) dalam tun nya mega.Lebuh peresa Sijil Rendah Pelajaran

(SRP) dipejalaika dalam taun 1985 nganti peresa LCE dia atur bisi berubah. Maya tu

keretas peresa berubah ketegal atur ti ngelengka jaku English nyadi jaku pemeri

penemu ditukar enggau jaku Bahasa Malaysia. Translasyen ditingkilka ari keretas

peresa nya ngambika enda nating nembiak ti ngambi keretas peresa nya.

Pelajar jaku Iban bisi bendar berupai tengat laban nadai puncha kuasa kena

ngajar mata pelajar nya dalam sistem pelajar menua Malaysia kenyau ari taun 1963.

Dalam taun 1975, siti kumiti iya nya “Joint Committee of Officals set to Look into the

Feasibility of Extendang the Education Act 1961 to Sarawak” diberi tanggung pengawa

beratika pengulih ngerembaika Akta Pelajaran 1961 ngagai menua Sarawak. Ripot ti

dikeluarka kumitinya dalam bulan Julai 1975, terang bendar nadai nyebut status Jaku

Iban dalam sistem pelajar nasional. Nya alai lebuh Akta Pelajaran 1961 dikerembai ke

Sarawak kena 1 Disember 1976 jaku Iban enda dipasukka nyadi siti mata pelajar di

sekula. Kenyau ari nya kurikulum Jaku Iban majak rungkuh-serungkuh.Ari segi

undang-undang iya enda sah.Mata pelajar Jaku Iban tau disemaka, “baka orang ke

anyut perau, sengayuh pen lenyau” ibur nya. Mata pelajar tu diajar laban iya

30

endangudah bisi di sekula, reti nya iya diajar ketegal “status quo” kenyau ari jeman

Rajah Brooke datai ke ngagai perintah kulonial British. Nya alai turai pelajar endang agi

ngena iya ke lama lalu nadai meruan kereban dikena ngajar. Ngajar Jaku Iban dalam

timpuh nya endang mayuh agi bepanggai ba pengeregas enggau pengeras ati

pengajar bansa Iban ti ngembuan pengibuh deka ngemansangka jaku diri.

Benasit bendar, penampak datai lebuh atur Kurikulum Bersepadu Sekulah

Rendah (KBSR) dipejalaika, dia Menteri Pelajaran ngemendarka secara administrative

kurikulum Jaku Iban diajar ba sekula di menua Sarawak. Kena 13 Mei 1987 Opis

Pelajar Menua Sarawak ngeluarka puncha kuasa dikena ngajar Jaku Iban ba sekula

primary.Berindik ari nya kurikulum baru ti bechuanka “Kurikulum Kebangsaan”

berengkah digaga.Nangkanka nya, pemendar ngajar jaku Iban ba sekula sekundari

baruh dikeluarka dalam taun 1988 lalu ba sekula sekundari atas dalam taun

2004.Berengkah ari nya Jaku Iban meruan utas Kediri nitihka ungkup undang-undang

enggau atur pelajar bansa.

2.6 Jaku Iban Dikena Ba Sekula (1996 - )

Pelajar jaku Iban seruan maju lalu ngerembai ari taun ke taun.Chemeline Osup,

Padang Luna (2011), nerangka Akta Pelajar 1996 meri awak ti luas alai kurikulum Jaku

Iban bekenjing sereta entap agi dipelajarka ba sekula. Bisi empat pelasar ti nyadi teras

belajarka Jaku Iban ba sekula iya nya sukung ari Menteri Pelajar, kapisiti professional,

31

ungkup belanja enggau pengulih bejalaika atur. Berindik ari nya, ungkup belanja

diagihka perintah dikena bejalaika latih, kus pandak, enggau kereja ngasilka kereban

bantu ngajar enggau belajar, nyediakan bup teks sereta aktiviti kurikulum ti ulih

dipejalaika ba sekula primary enggau sekula sekundari.

Turai Pelajar (TP) enggau Kerembai Turai Pelajar (KTP) jaku Iban ditulis nitihka

chuan kurikulum nasional (Kurikulum Kebangsaan).Bisi dua bengkah turai pelajar iya

nya Turai Pelajar Sekula Primari enggau Turai Pelajar Sekula Sekundari.Turai pelajar

baru tu ngemeranka juluk ti deka ngasilka nembiak ti kumpeten dalam kumunikasyen,

ulih ngena jaku Iban standard sereta neruska waris daya idup bansa Iban.Turai tu

mega nekanka pengelandik jaku ti mungkur pengelandik mendang, berandau, macha

enggau nulis.Dalam aspek guna jaku elemen ti ditekanka iya nya jalai jaku, pengaya

leka jaku, leka main, pengenap tesa, bungai jaku enggau sempama.Aspek jaku neresa

kurikulum, pengisi kurikulum enggau ukur pemanah ti besandar ba semengat patriotik

mega dikemeran ngambika nembiak besedia nyadi rayat ti angkunka menua enggau

bansa.Kerembai Turai Pelajar (KTP) mega ngaraka pengelandik ti patut dikembuan

nembiak sereta aktiviti ti patut dipejalaika kena ngulih objektif tauka asil pelajar

ditetapka pengajar nitihka bungkur kurikulum nya.

Bansa Iban balat temegah laban dalam taun 2008 mata pelajar Jaku Iban

keterubah iya diperesa ba tikas Sijil Pelajaran Malaysia (SPM) tauka tikas pom lima. Bisi

1,846 iku nembiak ngambi peresa Jaku Iban (Kud Keretas 6356) ba 45 bengkah pusat

32

peresa.Dulu ari tu Jaku Iban semina naka Penilaian Menengah Rendah (PMR) aja tauka

naka tikas pom tiga.Pengarap bansa Iban endang deka meda pelajar jaku Iban

manggai ba tikas pelajar tinggi. Benasit bendar kena 13 Oktober 2009, dia aum

Jawatankuasa Kurikulum Universiti Pendidikan Sultan Idris (UPSI) mutuska mata

pelajar Jaku Iban dipasukka nyadi siti subjek ti diajar ba Universiti. Berindik ari nya dia

aum enggau woksyop suah diatur endur bejuraika atur kurikulum jaku Iban ti diaduka

Fakulti Bahasa UPSI. Jaku Iban diajar ba Universiti berengkah Julai 2010. Pia mega

Universiti Sarawak Malaysia (UNIMAS) udah ngemunka diri ngajar Jaku Iban Peringkat

1, lebuh 11.9.2011 lalu diajar Pengajar Billy Anak Labau enggau penyampau nembiak

46 iku.

Pengeregas guna jaku, gaya jaku sekalika formal tauka enda formal, geragayak

ati ransing tauka lembau enggau mayuh ke bukai ulih dibantai nitihka pengeransing

orang ti ngena jaku nya. Pemansang jaku Iban begunaka pengerurus enggau pengeliat

ati bansa Iban ti deka meda jaku nya dikelala sereta dikena orang di Malaysia, di

rantau Asia Tenggara tauka ngelui ari nya.

Bamellineum baru tu bansa Iban patut bebendar ngatur jaku diri enggau

menyana agi dikena nyatup pemansang penemu dalam bidang ekunomi, sains enggau

teknologi.Bansa Iban sigi nadai jalai bukai enti deka negika bansa diri, sida mesti

nguna jaku Iban. Ukai reti nya jaku bukai baka jaku English, Melayu tauka jaku dagang

ke bukai enda dikena tang enti bansa Iban ngena jaku diri dia penajam ati, kaul

33

enggau sempekat deka manah agi diaduka. Nya alai siti insitusyen ti ngempung jaku

Iban patut betatika pelajar, ngangkatka pemayuh kurpus sereta ngemansangka daya

idup bansa Iban.

3.0 Sistem Bahasa Iban

Lebuh kita belajarka jaku Iban, dia kitai bisi belajarka sistem bahasa. Bisi lima iti

sistem bahasa. Sistem bahasa nya baka;

1. Tatabahasa

a. Perkataan/Morfologi

i. Tukuh Jaku

Tukuh Jaku Jaku asal bahasa Iban

Jaku injau bahasa Iban

ii. Gaya Jaku

Jaku Tunggal

Gaya Jaku Jaku Tumbuh

Jaku Majmuk

Jaku Ganda

34

iii. Raban Jaku

Jaku Nama

Raban Jaku Jaku Kerja

Jaku Adjektif

Jaku Tugas

b. Ayat/Sintaksis

i. Unsur Utama Ayat

Kata

Frasa

Unsur Utama Ayat Klusa

Subjek

Predikat

ii. Bansa Ayat

Ayat Penyata

Ayat Tanya

Bansa Ayat Ayat Perintah

Ayat Seruan

iii. Ragam Ayat

Ragam Ayat Ayat Aktif

Ayat Pasif

35

iv. Susunan Ayat

Susunan Ayat Susunan Biasa

Susunan Songsang

v. Binaan Ayat

Ayat Dasar

Binaan Ayat Ayat Tunggal

Ayat Terbitan @ Majmuk

vi. Proses Penerbitan

Kunsep Ayat Terbitan

Proses Pengguguran

Proses Penerbitan Proses Penyusunan Semula

Proses Peluasan

vii. Aspek Tanda Bacaan

Noktah

Aspek Tandaan Bacaan Sempang

Tanda Tanya @ Soal

Noktah Bertindih

Tanda Seruan

36

2. Sistem Ejaan

Pola Keselarasan Huruf Vokal

Ejaan Kata Pinjaman

Sistem Ejaan Ejaan Kata Dasar

Kata Terbitan

3. Sebutan Enggau Intonasi

Ayat Penyata

Ayat Tanya

Sebutan enggau intonasi Ayat Perintah

Ayat Terbalik @ Songsang

Ayat Pasif

4. Kusa Kata

Kusa Kata Kata Umum

Istilah

37

5. Peribahasa

Simpulan Bahasa

Perumpamaan

Pepatah

Peribahasa Bidalan

Perbilangan

Kata-Kata Hikmat

Kiasan

4.0 Chura Enggau Asai

Chura nya nunjukka chura sesebengkah utai. Bisi sekeda nya bechura mirah, biru

enggau ti bukai. Lalu asai, nunjukka asai sesebengkah utai baikka ia diempa tauka

dipegai. Asai tu mayuh macham asai.

A. Chura

Chura bisi beberapa macham. Antara chura nya baka;

Burak

Chelum

Kalas

Chura Mirah/Mansau

Mirah Jambu

Gadung

38

B. Asai

Asai bisi dua iti. Keterubah ia nya tentang penyamai siti-siti utai ke diasaika lalu ia ti

kedua ia nya bekaul enggau utai ti diasaika/dipegai/disium/diirup. Asai utai ke diempa

ia nya baka;

Pait

Mang/Pang

Tabar

Diempa Masin

Bentut

Masam

Asai nya mega tau dikelala kitai nitih ke pegai, irup, siumenggau peda ngambika

banding baka;

Besai

Mit

Chelap

Angat

Asai Bebulu

Tajam

Segala

Panjai

Pandak

Segi Tiga

39

1. Sukat/Takar (Ukuran)

Sukat dibahagi ngagai tiga bengkah. Keterubah nya bekaul enggau penyauh ari siti-

siti endur ngagai siti-siti endur. Kedua ianya bekaul enggau penyampau siti-siti utai

baka beras, buah, ai, padi enggau ti bukai. Ketiga bekaul enggau pemesai siti-siti utai.

Keempat bekaul enggau sukat pemerat. Uji peratika sukat ti bekaul enggau penyauh

baka ke di baruh tu.

Mesai Bulu Mata Semechah Tiga Tunjuk Empat Tunjuk Setempap Sejengkal Sesiku Setengah Depa Sedepa Dua Depa PENYAUH Sepemerap Dua pemerap Setikau/sempalung Dinga Kangau Dinga Panjung Sebatang Ruku Dinga Kukuk Manuk Setanjung Dua Tanjung Sigi Bukit Empat Batang Sungai Siti Emperan

40

Kedua bekaul enggau penyampau siti-siti utai baka ti di baruh tu;

Sechubit Semangkuk Sechapak, Setalam Penyampau/pemayuh Setabak Seguni Sechupak Segantang Sepasu

Ketiga bekaul enggau pemesai siti-siti utai baka ti di baruh tu;

Mesai bulu mata mesai lengan mesai betis Pemesai mesai pah mesai pala sepemerap dua pemerap enggau ti bukai.

Keempat bekaul enggau pemerat baka;

100 gram 2 kilogram Pemerat 4 tan metrik

3.1 Sistem Bunyi Dalam Bahasa Iban

Kementerian Pelajaran Malaysia (2011), Asmah Omar (1995), nerangka Jaku Iban

ditulis ngena dua puluh enam urup roman. Semua urup besai enggau mit dikena

magang lebuh nulis jaku Iban ti asal enggau jaku injau baka ka di baruh tu :

41

Urup Besai Urup Mit Chara Nyebut A a /el/ B b /bi:/ C c /si:/ D d /di:/ E e /i:/ F f /ef/ G g /dz:/ H h /eLt/ I i /aI/ J j /dzeI/ K k /keI/ L l /el/ M m /em/ N n /en/ O o /ou/ P p /pi:/ Q q /kju:/ R r /a:r(r)/ S s /es/ T t /ti:/ U u /ju:/ V v /vi:/ W w /d^blju:/ X x /eks/ Y y /waI/ Z z /zed/

3.2 Vokal

Kementerian Pelajaran Malaysia (2007), Asmah Omar (1995), nerangka Jaku Iban enti

diperatika ari segi linguistik ngembuan enam urup vokal : a, e (pepet), e (taling), i,

o, enggau u. Taja pia, enam urup vokal tu semina ditanda ngena lima iti lambang

42

aja laban e (pepet) enggau e (taling) sama ngena lambang “e”. Semua lambang ti

dikena ngelai (nanda) munyi vokal nya tau dikena magang lebuh nyepil jaku Iban.

Sistem sepil tu netapka semua jaku Iban tulin enda disepil ngena urup “o”

sekalika ba pun tauka tengah leka jaku.Taja pia, urup “o” bisi dikena ba ujung sekeda

leka jaku Iban tulin. Berindik ari pemutus tu “soh”, “poh”, enggau “woh” disepil nyadi

“suh”, “puh” enggau “wuh”. Reti nya iadisepil sama atur enggau leka jaku ti ngembuan

patah sebut tunggal ti bukai baka “puk” enggau “buk”. Sepil “roh” enggau “orang” agi

ditanka laban ia jaku injau.

Chunto:

Urup Lambang Di Mua Di Tengah Di Belakang a a api tali jaga e (pepet) e empai sepan - e (taling) e - - chire i i iru dinga mali o o oksigen kuma chunto u u ubi buka biru

3.3 Kunsonan

Kementerian Pelajaran Malaysia (2007), nerangka Jaku Iban ngembuan dua puluh

tiga urup kunsonan. Ari dua puluh tiga urup kunsonan, enam belas nya urup

kunsonan tunggal : b, c, d, g, h, j, k, l, m, n, p, r, s, t, w, y enggau dua urup

kunsonan turu : ng enggau nya dikena ngelai munyi asal dalam jaku Iban. Dalam jaku

Iban, kunsonan c dilambang ngena kunsonan turu ch ti dikena ngayankan

43

identitienggau penulin jaku Iban. Kelimpah ari nya, kunsonan f, q, v, x enggau z

ditaga kena nyepil jaku injau.

Chunto:

Urup Lambang Ba Pun Ba Tengah Ba Ujung b b batu sabut bab c ch chabut bacha - d d dapur puda abad f f fosil sulfur tarif g g gerah agi beg h h hari sehari rumah j j jari gaji kulej k k kami aku pandak l l lima malam tikal m m minta amat kasam n n nadai tanah ikan p p padi apai asap q q Quran - - r r raban kara achar s s sukat asuh panas t t tiga ketup sekut v v vitamin universiti - w w wai lawa - x x xeroks - - y y yu ayuk x-ray z z zoo plaza kuiz ng ng ngajat angin pisang ny ny nyamuk anyut -

3.4 Diftong

Kementerian Pelajaran Malaysia (2007), Diftong nya urup berimbai dua ti disebut

nyadi siti munyi, Jaku Iban semina bisi ngembuan tiga leka diftong :ai, au enggau ui ti

44

diengkah ba ujung leka jaku. Taja pia, dalam jaku injau sekeda diftong tu bisi ditemu

ba pun tauka tengah leka jaku.

Chunto : Urup Di Belakang ai tubai makai pulai salai au pulau salau tikau galau ui ukui malau silui sungkui

3.5 Variasi Bunyi Jaku Iban

Variasi bunyi Jaku Iban nitihka batang ai.Patah sebut ai siti-siti enggau ai siti-siti

endang bisi bebida. Ngambika banding orang Batang Undop enda sama rentak enggau

patah sebut enggau orang di Batang Krian. Lalu sida di Batang Ai pan enda sama

enggau sida di Batang Rajang. Nya alai patah sebut ngayanka ari ni penatai siku-siku

orang ke bejaku. Tang taja pia sida di Lundu, Rajang, Krian, Batang Aisama nemu utai

ke pangan diri. Harry Usup Umbar, Mawas Nalau (2004), nerangka jaku pelilih menua

tauka dialek ia nya jaku ti semina dikena orang ba sesetengah pelilih menua aja. Jaku

tu salah ari segi patah sebut tauka sepil enda diterima dalam pelajar sekula, radio RTM

tauka ba maya bejaku ba pengerami formal.

Nik Safiah Karim (1986), nerangka jaku Iban diempu masyarakat ti bejaku

ngena jaku Iban. Makin mayuh orang bejaku dalam jaku Iban makin besai endur ia

ngerekai (merebak).Rentak sebut jaku Iban besangkut paut enggau sosio baka tingkat

45

pelajar, bagi pengawa, tingkat penatai pemisi (tingkat sosio-ekunomi) (SES) orang ti

bejaku ngena jaku Iban.Patah sebut leka jaku Iban siku-siku disebut “idiolek”. Patah

sebut ti enda sama taja pan ari endur ti sama enggau penatai pengidup ti sama. Patah

sebut ti enda sama laban bunyi (fisilogi) baka “kat” (tidak dapat bercakap dengan

lancar), jampat, lubah enggau ti bukai.

Harry Usup, Mawas Nalau (2004), nerangka Jaku Iban standard,ia nya jaku ti

dikena dalam tebal agi Iban di Pulau Borneo. Ia mega dikena ba semua situasi formal

dalam surat kabar, radio, bup cherita, bup injil tauka bup teks sekula. Sebut jaku Iban

standard ti betul mega dikena ba pelajar sekula dalam keretas peresa Opis Pelajar

Malaysia enggau dalam radio (RTM).Jaku nya mesti nitihka sepil ti betul tauka

standard. Nya alai sebut jaku Iban standard ti dikena ba sekula, ia nya dipilih ari sebut

ti nitihka sepil sereta dikena ba radio (RTM) ti lama udah dikena belabuh ari perintah

British kelia.

4.0 Kusa Kata Dalam Bahasa Iban

Kusa kata dalam bahasa Iban nya magi leka jaku ngagai jaku nama baka ka dibaruh

tu;

i. Kata Umum

ii. Istilah

46

4.1 Mengkatogerikan Golongan Kata (Leka Jaku)

Kementerian Pelajaran Malaysia (2007), Leka jaku dibagi ngagai raban nitihka penuduk

sida dalam rambai jaku tauka ayat.Chara magi leka jaku ngagai raban tu

bepelasarkakriteria sintaksis.Nitihka atur ayat, seleka-leka jaku tau masuk ba lebih ari

siti raban laban ia bepanggai ba penuduk ia dalam struktur ayat. Enti dibagi ngena

chara kasar, raban jaku nya baka tu :

Jaku Nama

Raban Jaku Jaku Pengawa

Jaku Adjektif

Jaku Tugas - Enda diajar (Peringkat 1)

4.2 Raban Jaku Nama (Kata Nama)

Chemaline, Padang Luna (2011), Kementerian Pelajaran Malaysia (2007), Raban jaku

nama ke disebut jaku nama nya leka jaku ti ulih nyadi leman teras ba pasuk frasa

nama ti selalu dikena nyebut nama mensia (orang),tempat, tauka nama utai

tauka kunsep. Raban jaku nama ulih mega dipechahka ngagai subraban tauka

pechah raban nitihka chiri semantik baka di baruh tu. Dalam struktur ayat, jaku nama

nyadi pugu ke rambai jaku nama. Raban jaku nama tau dibagi ngagai tigabengkah :

47

(Dibali ari Kementerian Pelajaran, 2007 : 7. Bahasa Melayu. Tingkatan 4. Kuala Lumpur : Dewan Bahasa dan Pustaka)

i. Jaku Nama Tetap (Menyana)

Jaku nama menyana nya jaku ti dikena nyebut nama menyana lalu sepil ia

bepunka urup besai. Jaku nama menyana tau dibagi ngagai dua raban, ia

jaku nama ukai idup enggau jaku namaidup.

Jaku Nama

(Kata Nama)

Jaku Nama Tetap (Menyana)

(Kata Nama Khas)

Jaku Nama Rama

(Kata Nama AM)

Jaku Ganti Nama

(Kata Ganti Nama)

Ukai Idup Idup

Ukai Mensia Mensia

Abstrak Kunkrit

Ukai Idup Idup

Mensia Ukai Mensia

48

a. Jaku Nama Tetap (Menyana) Ukai Idup

Jaku nama tetap (menyana) ukai idup bekaul enggau nama tempat,

pangkat, nama kereta, nama rumahenggau ti bukai baka;

Putrajaya, Nanga Medamit, Nanga Medalam, Sungai Klampai, Sungai

Ruan, Batu Niah enggau ti bukai.

b. Jaku Nama Tetap (Menyana) Idup

Jaku nama menyana idup, bisi dua bagi, ianya jaku nama idup mensia

enggau jaku nama menyana idup ukai mensia. Jaku nama idup

mensia baka; Mary, Alex Nasu, Anna Carmila, Peter Sanggin enggau ti

bukai. Lalu nama idup ukai mensia baka; Belang (Ukui), Biring (Manuk

sabung), Vanda Diana (Orkid), enggau ti bukai.

ii. Jaku Nama Rama

Jaku nama rama nya leka jaku ti dikena nyebut nama utai tauka pekara

rama ti bisi ngembuan gaya ti betukuh rama. Jaku nama rama tau dibagi

ngagai duabengkah;

49

a. Jaku Nama Rama Abstrak (Kabur)

Jaku nama rama abstrak nya jaku nama ti mai kunsep abstrak(kabur)

tauka ukai betukuh nama utai baka; roh, semengat, peneka, pemaik,

mimpi, pengidup,aum, merdeka enggau ti bukai.

b. Jaku Nama Rama Kunkrit (Kekal)

Jaku nama rama kunkrit nya jaku nama ti mai kunsep nama utai ti

nyata baka; lempuang, rumah, bukit, pengajar, jelatung, ambai,

kerita, ukui enggau ti bukai.

Latih :

Isi lapang ngena jaku nama ti betul dalam ayat ti entudi tu.

a. Labau nya anak tunggal _______.

b. Indai Ansam gawa nyadi Doktor ba ______.

c. Kelas kami bisi _______ siti ba mua kelas.

d. Asal menua apai aku ari _______.

Samum, Matematik, kumputer, skrin, Saratok, mija, library, basketball, hospital, chapi

50

e. Nembiak Pom Satu Regas landik dalam mata pelajar ______.

f. Kumputer patut diengkah ba ________kumputer.

g. Bala nembiak benung belajar ba ________.

h. Aku rindu belagu tang iya rindu bemain _______.

i. _______kumputer nya udah rusak.

j. _________nya jelu ti besai sereta berega.

4.3 Jaku Pengawa (Kata Kerja)

Jaku pengawa ia nya leka jaku ti nyadi ke isi (pugu) rambai jaku pengawa.Chemeline,

Padang Luna (2001) ;Kementerian Pelajaran Malaysia (2007) ;Nik Safiah Karim (1997 ;

1986), dalam Harry Usup Umbar, Mawas Nalau (2004), nerangka rambai jaku pengawa

tu diambi ari jaku pengawa ti ulih begembar enggau elemen bukai baka jaku bantu,

objek, tauka penerang. Jaku pengawa dikena nunjukka pengawa tauka

kereja ti digaga siku-siku mensia, jelu, burung tauka nama-nama utai idup

ba diri empu tauka ba orang bukai.Raban jaku pengawa tau dibagi ngagai

duabengkah, ia nya jaku pengawa transitif enggau jaku pengawa intransitif.

Jaku Pengawa

Jaku Pengawa Transitif Jaku Pengawa Intransitif

51

(Dibali ari Kementerian Pelajaran Malaysia, 2007: 56-58. Bahasa Melayu. Tingkatan 4. Kuala Lumpur : Dewan Bahasa dan Pustaka)

i. Jaku Pengawa Transitif

Chemeline Usop, Padang Luna (2011), Kementerian Pelajaran Malaysia

(2007),Harry Usop Umbar, Mawas Nalau (2004), nerangka jaku pengawa

transitif nya jaku pengawa ti mesti ditangkanka jaku nama ti nyadi objek

ke penyambut ia. Ia enda ulih bediri kediri ba ayat.

Chunto1:Enda Ulih Bediri Kediri

a. Bala nembiak nya benung macha bup.

b. Aku udah malassurat iya.

c. Iya nyimpansurat nya ngagai karung surat.

Jaku pengawa macha, malas, enggau nyimpan nyapengawa transitif.

Bup, surat enggau karung surat, nya penyambut jaku nama (objek).

Jaku pengawa transitif tau dibagi ngagai dua bengkah, ia nya jaku pengawa

aktifenggaujaku pengawa pasif. Kena ngemudahka tungkap ba pekara tu.

Pasif Aktif Bepenembu Nadai Penembu

52

a. Jaku Pengawa Transitif Aktif nya jaku pengawa ti nerima

penambah muabaka; m-, n-, nu-, ng-, enggau meN-.

penambah kepit nge… ka, be…ka.

Chunto 1 :

i. Naing meli senapang patah nya.

ii. Peter nyual bateri kerita nya.

iii. Anna meli baju Malaysia nya.

b. Jaku Pengawa Transitif Pasif nya jaku pengawa asil ari proses

tranformasyen tauka ubah ayat aktif ti nyadi pasif.

Chunto2 :

i. Bup benung dibaca bala nembiak nya.

ii. Surat nya udah dibalas aku.

iii. Surat nya disimpan iya ngagai karung surat.

Chunto jaku pengawa dibacha, dibalas enggau disimpan nya tukuh

jaku pengawa dalam ayat pasif.Semua tukuh tu ulih ari ti nukar ayat

aktif nyadi ayat betukuh pasif. Bekaul enggau nya, siti chara ngena nentu

53

sekalika jaku pengawa nya transitif tauka ukai,ia nya ari ke beratika

pengulih jaku pengawa nya nerima proses pasif.

Kelimpah ari tukuh jaku pengawa enggau penambah ti udah diaraka,

penambah mua te-,tau datai dalam jaku pengawa transitif aktif.

Chunto3 :

a. Bas ti mai nembiak nya telanggarka pintu pagar.

b. Indu nya teirupka rachun rumput.

c. Aku tauka iya pilih nuan.

Dikena nyimpul kenang jaku pengawa perati sekeda contoh jaku

pengawa transitif di baruh tu.

Chunto 4 :

i. Anna Carmila nyait baju.

ii. Kera nya makai buah pisang.

iii. Ginti Enchana bulih ikan keli.

54

Latih :

Garis leka jaku pengawa transitif ba ayat dibaruh tu.

a. Apai Alex nanam lada enggau ubi randau.

b. Anna Carmila manduk lauk.

c. Apai nginti ikan tuman.

d. Indai Anna Carmila nguntin baju kebaya.

e. Aki manang benung belian bebunuh.

f. Girik nunu papung sengang.

g. Peter ngaga gasing telu.

h. Apai Willie machaensera.

i. Ini Abek mansai ikan.

j. Apai Jang ngaga sarang duku.

i. Jaku Pengawa Intransitif (Ukai Transitif)

Chemeline Usup, Padang Luna (2011), Kementerian Pelajaran Malaysia (2007),

Harry Usop Umbar, Mawas Nalau (2004), nerangka Jaku Pengawa intransitif nya

jaku pengawa ti nadai nerima jaku nama nyadika objek ia tang tau

ditangkanka jaku penerang tauka rambai jaku penempat ti nyadi

penerang.Jaku pengawa intransitif (ukai transitif) tau dibagi ngagai dua raban,

ia nya ;

55

a. Jaku Pengawa Ukai Transitif Nadai Penembu

Jaku pengawa ukai transitif nadai penembu nya jaku pengawa ti ulih

bediri kediri lalu nadai disukung objek tauka penyambut.

Chunto 1:

i. Alex Nasu tinduk.

ii. Iya duduk dedugau.

iii. Sida sebilik bemalam.

Semua ayat di atas nya ayat ti ngundan subjek enggau jaku ti ulih bediri

kediri, reti nya ia nadai bepanggai ba leman-leman bukai dikena

ngenembuka reti tauka empas ayat. Kelimpah ari nya jaku pengawa ukai

transitif tau dientudika leman penerang ti befungsi meri penerang

tambah.

Chunto2 :

i. Alex Nasu tinduk di bilik.

ii. Iya duduk dedungau nunga radio.

iii. Sida sebilik bemalam di langkau umai.

56

b. Jaku Pengawa Ukai Transitif Bepenembu

Jaku pengawa ukai transitif bepenembu nya jaku pengawa ti mesti

dientudika penembu kena ngayanka reti ayat nya enggau

nyemetak.Leman penembu nya enda tau enda dikelala sibil sekalika

objek tauka penyambut.Dua pekara tu endang bebida. Objek tauka

penyambut semina datai udah jaku pengawa transitif lalu tau mega

nerima proses pasif. Penembu nya leman ti datai entudika jaku pengawa

ukai transitif dikena ngayanka reti ayat nya enggau nyemetak.Ayat ti

ngundan penembu enda ulih dipasifka.

Chunto 1 :

i. Aki iya sakit nyau belinsurgerai.

ii. Kampar nya tinduk bepanggalkalengan.

iii. Seduai iya nadai ngerejapengawa jai.

Dalam semua ayat di atas, leka jaku ti ditulis chundung (belinsur,

bepanggalka enggau ngereja) nya jaku pengawa ukai transitif, lalu leman

ti entudika leka jaku ke ditulis chundung nya penembu (gerai, lengan

57

enggau pengawa jai).Enti penembu ba semua ayat nya ditingkilka

(digugurkan), ayat ti nyadi nya enda meruan.

Chunto2:

i. Aki iya sakit nyau belinsur.

ii. Kampar nya tinduk bepanggalka.

iii. Seduai iya nadai ngereja.

Pia mega, ayat (i-iii) enda ulih dipasifka, baka ti dipeda ba chunto di

baruh tu.

Chunto3:

i. Nyau dibelinsur gerai aki iya ti sakit.

ii. Lengan dipanggalka kampar nya tinduk.

iii. Pengawa jai dikereja nadai seduai iya.

Tiap-tiap leman ti nyadi penembu nya tau datai ari jaku adjektif,

frasajaku penempat enggau jaku rama.

58

Latih :

Garis jaku pengawa intransitif ba ayat di baruh tu.

a. Semua chapi lepas.

b. Abang benung ngas.

c. Seduai iya ngeringak macha.

d. Seduai ngeringak ngelukis gambar Sungai Engkabang.

e. Nembiak nya ketawa.

f. Pisang benung bebuah.

g. Adi aku benung tinduk dalam enjut.

h. Semua manuk makai padi di tanju.

i. Semua nembiak benung periksa ujung taun.

j. Pengajar nya benung meriksa keretas periksa nembiak.

4.4 Jaku Pengawa Penerang Ayat (Adverb)

Jaku pengawa penerang nya jaku ti meri penerang ke serap agipasal jaku pengawa.

Chunto :

i. Gaduh bejalai beguai-guai.

ii. Lambor ngantuk lintuk-lintuk.

59

iii. Berita nya ditaburka ari radio.

Latih :

Garis jaku penerang ka bisi diberi di baruh tu.

a. Sida berumban ka ujan nyau belanda-landa.

b. Nasu tinduk nyau entali liur ba atas mija.

c. Kaki Endun demaram laban dipalu Igat lemai ensana.

d. Babas nya lendat bendar endur ukui berekak lemai kemari.

e. Surat Dom enda dibalas laban ka enda temutunga agi.

f. Umai sida Endun balat temap laban ka enda tembu dibantun.

g. Jari Jang patah laban seduai iya belaya demalam.

h. Aki Jugam mabuk nyau tebira-bira.

i. Apai Igat bulih ikan besai amat.

j. Aki Watt bejalai nyau ligau-ligau.

4.5 Jaku Penyambung (Kata Hubung)

Kementerian Pelajaran Malaysia (2007), nerangka jaku penyambung ayat nya jaku ti

dikena bekaitka unit jaku baka leka jaku, rambai jaku, tauka ayat awakka nyadi siti

60

unit ti lebih besai sereta ngembuan kunsep kediri. Ia nyambung ayat awakka ayat

pandak nyadi siti ayat turu (belapis) ti menyana.Nik Safiah Karim (1986), nerangka

jaku penyambung nya befungsi nyadi jaku penyambung dua iti leka jaku tauka

ayat.Jaku penyambung tau dibagi ngagai dua, ia nya; jaku penyambung tunggal

enggau jaku penyambung berentayan.

4.6 Jaku Penyambung Tunggal

Chemeline Usop, Padang Luna (2011), Kementerian Pelajaran Malaysia (2007),

nerangka jaku penyambung tunggal nya jaku penyambung ti semina ngena siti leka

jakuaja, baka leka jaku sereta, enggau, lalu, laban, semadi, tang, lebuh, maya,

enti, ti, nyentukka, dataika, takarka, sampaika enggau ti bukai.

Jaku Penyambung

Jaku Penyambung Tunggal Jaku Penyambung Berentayan

61

Chunto :

i. Sereta iya datai dia, hari pan ujan munyi ka diruruk.

ii. Kami duai betemu lebuh mayaka nurun ke Sibu.

iii. Semadi tak berundingka kaban, kami ulih datai ditu.

Latih :

Isi lapang ayat dibaruh tu ngena leka jaku penyambung tunggal ka diberi dibaruh tu.

maya sereta lebuh enggau semina

ti laban takarka dataika semadi

a. ______ati ti gaga Minah lalu ngagauka Akin mai iya makai.

b. Ali belaya enggau Ah Chong ______ bemain ball lemai kemari.

c. _______ kelalu lapar Watt enda ulih ngema buah temedak agi.

d. __________tak nadai chara bukai, Ali lalu minta tulung Minah.

e. Anak Billy _____ bulih nombor satu dalam kelas 2A.

f. _______sari tu Minah agi pedis ati ngagai Ah Chong.

g. Minah datai _______ enggau Ali lemai kemari.

h. Watt ________ Ah Chai nginti ba parit.

i. Kami duai enda beserara _____ mati.

j. Ari hujan sepagi-pagi, _________ lemai ka enda, pia ku Watt.

62

4.7 Jaku Penyambung Berentayan

Kementerian Pelajaran Malaysia (2007), nerangka Jaku penyambung berentayan nya

jaku penyambung ti digaga ari dua leka jaku baka; tang lalu, taja pan, nambahka

nya, taja pia, agi mega, udah nya, nangkanka nya, keterubah ia, entudika

nya, ukai semina, nya alai enggau ti bukai.

Chunto :

a. Iya tabin nya alai iya enda nurun kereja.

b. Kami agi majakka pejalai taja pan kami lelak.

c. Hari ujan mesi-mesi taja pia iya majak nangkal getah.

63

Latih :

Isi lapang ayat dibaruh tu ngena jaku penyambung berentayan.

entudika nya alai udah nya taja pan tang lalu keterubah ia nangkanka nya ukai semina agi mega taja pia

a. ____umur iya udah tuai tang iya agi regas gawa.

b. Ukui nyalak ____ deka ngigit.

c. Pengawa ka patut dikereja ____, iya nya nerang ngagai orang mayuh.

d. ____kami demalam nya bala sida Kachong sebilik.

e. _____sida sebilik bulih perais ba bagi nya.

f. ______ lemai pagi ila kitai sama begempuru deka ngatur Gawai Dayak, pia ku

tuai rumah.

g. ________ gamal iya enda tentu manah tang ati iya manah enggau orang.

h. _____aku deka mai kitai sama-sama betanamka lada taun tu, pia ku Aki

Manang.

i. ______ukui pan lalu nyalak.

j. ______lalu nadai pemujur penemu sida sebuat.

5.0 Menghuraikan Pembentukan Kata

Dalam pelajar kitai ke sekali tu kitai belajar ka jaku tumbuh, jaku betandu enggau jaku

betandu puntang.

64

5.1 Jaku Tumbuh (Imbuhan)

Kementerian Pelajaran Malaysia (2007), nerangka jaku tumbuh nya semua urat jaku ti

udah nerima penambah. Dalam jaku Iban jaku pengawa tumbuh tau ditempa ari

proses besakum tauka betawingka penambah mua (pun), penambah kepit enggau

penambah belakang. Nik Safiah Karim (1986), nerangka jaku tumbuh ia nya leka

jaku ti nerima penambah. Bisi tiga iti jaku tumbuh ia penambah pun, kepit enggau

ujung.

i. Penambah Mua (Pun)

Penambah mua baka; b-, be-, bel-, ber-, beke-, bese-, bête-, di-, dike-, dipe-,

diper-, em-, en-, eng-, ke-, kem-, m-, me-, n-, ng-, nge-, ny-, pem-, pen-, peng,

penge-, peny-, per-, se-, sem-, seng-, sepem-, sepen-, sepeng-, t-, te-, ter-, .

Chunto :

Urat Jaku Penambah Jaku Tumbuh ajar

be (l) belajar ng ngajar peng pengajar

kereja be bekereja abas ng ngabas

65

ii. Kepit (Tengah)

Penambah kepit tu dikena ngapit urat jaku. Penambah kepit nya baka; be…ka,

di…ka,dike…ka, dipe…ka, em…ka, eng…ka, ke…ka, me…ka, n…ka, ng…ka,

nya…ka, pe…ka, te…ka.

Chunto :

Penambah Urat Jaku Jaku Pengawa Tumbuh be…ka anti beantika di…ka gali digalika dike…ka deka dikedekaka dipe…ka laba dipelabaka em…ka piluk empilukka eng…ka kabit engkabitka ke…ka amat keamatka me…ka belakang melakangka ne…ka terebai nerebaika ng…ka engkah ngengkahka nya…ka selamat nyelamatka pe…ka jantil pejantilka te…ka lengka telengkaka

iii. Penambah Ujung (Belakang)

Dalam jaku Iban, penambah ujung - ka semina tau diengkah ba ujung jaku

pengawa.

Chunto :

66

a. Angkatkakutak nya ngagai mua pintu.

b. Iya melika anak iya selipar.

c. Orang dagang udah nikika rega barang.

Latih :

Seleti lapang ngena jaku tumbuh ka diberi di baruh tu.

berandau menyanak diperubatka dikerinduka berumban bemunyi dianjung tekuing bekelingi pengidup

a. Kami ________ nadai bumai taun tu, pia ku Apai Girik.

b. Aki Manang udah _______ ba Hospital Umum Sarawak Kuching.

c. Anna Carmilla enggau Alex Nasu anak ti ____ apai seduai indai iya.

d. __________sida Apai Amoi baka pengidup manuk.

e. Kereta Apai Peter ______ ka deka padam.

f. Tak ______ runding lalu deka pulai Apai Dom.

g. ______enggau rumah sida Dom mayuh bendar buah sibau.

h. Anang ______ pulai nuan Jang, pia ku Dom.

i. Motosikal Alex udah _______ ngagai kedai.

j. Lebuh ka ______ iya bisi nusui cherita antu.

67

5.2 Jaku Betandu

Kementerian Pelajaran Malaysia (2007), Harry Usop Umbar (2004), mansutka penemu

jaku betandu ia nya jaku ti disebut dua kali dikena nunjukka reti ti bebida-bida ba ayat.

Jaku betandu suah dikena ba jaku nama, pengawa enggau adjektif. Jaku adjektif

betandu dibagi ngagai tiga bengkah, ia nyajaku betandu penuh, jaku betandu

puntang enggau jaku betandu rentak (bepenambah).Semua raban jaku betandu

bukai patut diberi tanda sekang (-), kelimpah ari jaku betandu puntang.

i. Jaku Betandu Penuh

Jaku betandu penuh nya leka jaku ka disebut kitai betandu tauka disebut dua

kali.Lebuh ditulis, leka jaku betandu diserara ngena tanda sekang (-) lalu enda

ditulis beserara kediri-diri. Harry Usop Umbar, Mawas Nalau (2004), nerangka

ba jaku betandu penuh semua urat jaku ditulis tauka disebut beulang-ulang

nadai berubah ba jaku nama enggau jaku adjektif.

Chunto :

manah-manah tinggi-tinggi besai-besai manding-manding pandai-pandai degir-degir seput-seput pantap-pantap kayuh-kayuh dugau-dugau

68

ii. Jaku Betandu Puntang

Kementerian Pelajaran Malaysia (2007), nerangka Jaku betandu puntang nya

urat jaku ti nerima penambah ba pun leka jaku. Harry Usop Umbar, Mawas

Nalau (2004), mansutka penemu jaku betandu puntang sama reti enggau

jaku betandu penuh. Ia semina bebida ari sepil laban sepil enggau sebut ia

dipuntangka. Ia semina bisi ditemu ba jaku adjektif aja.

Chunto :

bebesai kekemut gegendai kekulap lelingai pepanjai gegelai kekating lelingut bebeli

iii. Jaku Betandu Berima(Bepenambah)

Kementerian Pelajaran Malaysia (2007), nerangka Jaku Betandu berima

(bepenambah) ia leka jaku ti disengkaumka dua leka jaku.Harry Usop

Umbas, Mawas Nalau (2004), jaku betandu bepenambah dikena ba jaku

pengawa enggau jaku adjektif. Peratika chunto di baruh tu.

Chunto :

segala ina sakit lengit penat katat besai rerakam pait pitan singka siai

69

Latih :

Seleti tempat lapang dibaruh tu ngena leka jaku ti engkeman.

“Lebuh maya sekula sida Alex menyadi endang amat pandai magang. Nya alai apai seduai indai iya nyau bekikis bulu betis, bebuai bulu gundai. Tambah mega anak seduai _____ngasika jaku ajar.Dini enda rindu nyegulaka anak enti baka,” pia ku Peter.Dinga bunyi kerita nyau _____ niki bukit.Peda tak pansut Apai Jang ari kerita lalu minching buah genuk nyau bebesai. “Dini nuan bulih buah genuk nya?,” pia ka Endun. Eh !, pia ku Apai Jang. “Beri sida Yet ngagai Jang kemari”. Enda _____ peda tak pansut anak mit siku miching gupung buah rambutan.“Apu,” ku Apai Jang. “____ pemanah utai ka dibai nuan nya. Iya ga _____ magang. Bai kitu ka ngagai kami sebuat.Ensepika asai iya, pia ku Apai Jang.

6.0 Kata Ganti Nama dan Kata Sapaan (Jaku Kangau) Dalam Bahasa Iban

Kementerian Pelajaran Malaysia (2007), Harry Usop, Mawas Nalau (2004), nerangka

Jaku ganti nama dikena nganti jaku nama ka suah dikena lebuh bejaku enggau

orang. Pia mega jaku kangau (kata sapaan) selalu dikena lebuh ka bejaku tauka

berandau enggau siku-siku orang tauka beraban bala mayuh.

mukai-mukai, naka-naka, derut-derut, mansau-mansau, sama-sama,

70

6.1 Kata Ganti Nama

Jaku ganti nama ia nya jaku ti dikena nganti jaku nama ba ayat. Jaku ganti nama

ulih dibagi ngagai 2 bengkah ia nyaJaku Ganti Nama Diri enggau Jaku Ganti

Nama Penunjuk. Guna jaku ganti nama nya dikena nyeliahka (ngelaungka) kitai

nyebut nama orang, utai tauka tempat dua tiga kali lebuh bejaku.

(Disalin sereta dibali ari Kementerian Pelajaran Malaysia,2007.Buku Teks. Bahasa Melayu. Tingkatan 4 : 7, Kuala Lumpur : Dewan Bahasa dan Pustaka)

Jaku Ganti Nama

(Kata Ganti Nama)

Ganti Nama Diri Ganti Nama Penunjuk

Ganti Nama Diri Tanya Ganti Nama Diri Orang

Orang Kesatu Orang Kedua Orang Ketiga Orang Pengempu (Diri)

71

6.2 Jaku Ganti Nama Orang

Jaku ganti nama orang tau dibagi ngagai 4 bengkah baka; jaku ganti orang kesatu,

jaku ganti nama orang kedua, jaku ganti nama orang ketiga enggau jaku ganti nama

orang pengempu (diri).

Chunto :

Bansa Jaku Ganti Nama Penerang enggau chunto Jaku Ganti Nama Orang Kesatu

Jaku dikena nganti nama orang ti bejaku baka; aku, kami, kitai

Jaku Ganti Nama Orang Kedua

Jaku dikena nganti nama orang ti enggau kitai berandau baka;nuan, dek, kua, seduai, kita, unggal, wai, akih

Jaku Ganti Nama Orang Ketiga

Nganti nama orang ti dikenang lebuh orang berandau baka;iya, sida

Jaku Ganti Nama Orang Pengempu (Diri)

Dikena nganti nama pengempu baka;engku, engkami, engkitai,

Ingat :

a. Leka jaku “dek” tu suah sereta betul agi dikena lebuh bejaku enggau pangan

diri ti beteleba bendar.

b. Leka jaku “nuan” manah agi dikena dalam jaku tulis tauka dalam randau

rama.

c. Leka jaku ganti nama “iya”. “ia” lebuh bejaku ka semua utai nyengkaum

mensia tauka antu/jelu.

72

Latih :

Bacha ayat dibaruh tu. Udah nya kemetulka jaku ganti nama ti salah.

a. “Kami rayat Malaysia. Kami mesti taluk ke menua,” ku Kepala Pengajar bejaku

ngagai bala anembiak.

b. Menteri Pelajar deka muka Sekula Sekundari Perintah Kelingkang minggu tu.

Kami mega deka meri perais ngagai anembiak ke udah nembu ka pelajar

Tingkatan Lima.

c. “Aku enda tentu rindu ninga jaku sindir nuan Jenang,” ku Enchana seduai Unjil.

d. “Hari minggu tu tadi kitai nemuai ngagai RTM, Kuching. Dia mayuh amat kaset

lekamain tuai,” ku Ansam nusoi ngagai Pengajar Billy.

e. “Alex tu pangan besai aku. Nuan datai ari Saratok”, ku Anna Carmila.

f. “Aku udah macha bup nya? ku Bada nanya Naing.

g. “Lebuh kemisi sekula tu ila, kamipulai ke Saratok”, pia ku Anna enggau Alex.

h. Apu! naka-naka pemayuh buah rian kita neh. Magika kita enti nadai orang bukai

meli ia?

i. Akai rai pedis amat betis aki . Ulih kitai ngurut ia.

j. Aku deka mupuk ari Song pukul 9.00 pagi lagi. Kitai datai di Kuching pukul

11.30 malam.

73

6.3 Jaku Ganti Nama Penunjuk

Jaku ganti nama penunjuk dikena nganti nama utai tauka pekara ti ditunjuk.

Dalam jaku Iban bisi tiga iti jaku ganti nama penunjuk. Leka jaku ganti nama

penunjuk baka;tu, nya, nyin.Leka jaku ganti nama “tu” dikena nunjukka utai ti

semak tauka ulih tegu/pegai. Leka jaku ganti nama penunjuk “nya” ganti nama

utai ti enda berapa jauh ari orang ke bejaku. Lalu jaku ganti nama penunjuk

“nyin” dikena nganti nama utai ke ditunjuk ti jauh ari orang ke bejaku.

Penunjuk jaku ganti nama penunjuk tu ia nya nyadika subjek ayat.

Chunto1:

a. Tu buah sibau sida Ansam.

b. Nya kasut Mary ti lenyau suba.

c. Nyin buah dabai diambi aki kemari.

Tang enti ia dikena nentuka siti-siti pekara, jaku tu tau mega diengkah ba belakang

jaku nama.

74

Chunto 2:

a. Buah sibau tumanis.

b. Ikan nya agi baru.

c. Rumah nyin chundung amat.

Latih :

Isi lapang dalam genteran ayat di baruh tu ngena leka jaku ganti nama penunjuk ti

patut. Leka jaku ganti nama penunjuk ianya; tu, nya, nyin.

i. Jaku Ganti Nama Tempat

Jaku ganti nama tempat dikena nganti nama endur ti ditunjuk. Jaku ganti nama

tempat nya baka; ditu, dia, din. “Ditu” nya ganti nama ti dikena nganti endur

ti semak orang ke bejaku.

“Mayuh bendar rumah ditu.Ni bagi rumah buding kita?” ku indai iya nanya, John. “Rumah ke endur tua bediri __ Opis Sekula kami.Rumah ke beatap chura biru ____, makmal kumputer.Rumah ka betingkat tiga ___ baru rumah buding kami,” saut John. “Kini tunga jalai ____ deh John?” “Jalai ____ dikena nembiak mansang ke kelas. Simpang ia ____ nuju ngagai library. Aram ____ jalai tengah tua,” ku John.

75

Chunto1 :

a. Ditu bisi nyual manuk panggang.

b. Aku teterap ditu suba.

c. Kemari kami duai betemu ditu.

Leka jaku “dia” dikena nyebut endur ti enda bangat jauh ari orang ti bejaku.

Chunto 2 :

a. Dia bisi bejual ai irup.

b. Sida dia bisi begawai.

c. Kami serumah endang semakai enggau sida dia.

Leka jaku “din” dikena nunjukka tempat ti jauh.

Chunto3 :

a. Din bisi sarang gamang.

b. Sida din nadai nemu berita nya.

c. Pesan apai Dom nadai datai din.

76

Latih :

Isi lapang genteran ayat di baruh tu ngena leka jaku ganti nama tempat ti patut.

6.5 Jaku Adap/Tunga

Kementerian Pelajaran Malaysia (2007), Harry Usop, Mawas Nalau (2004), nerangka

Jaku adap/tungaia nya sekeda leka jaku ti dikena sebedau jaku penempat baka; di,

ke, ari enggau ba. Dikena nunjukka tuju, tunga- dini, tauka kini, endur, kuing

enggau tunga pemindah sesebengkah utai.Sekeda jaku adap nya baka;kitu, kia,kin.

“Kitu” nya nunjukka adap ti semak enggau orang ti bejaku .

Chunto 1:

Semerap buah temedak lalu labuh ninggang pun ia. Peda belanda manuk lalu mantuk-sematuk.“Peda nuan ____ ku John, bejaku enggau Anna.Mayuh endar leka temedak ia ke udah tumbuh”. “____ pan bisi meh dipeda aku”, ku Anna nyaut John.

Oh, ____ pan mayuh bendar meh buah temedak nya. Nyau baka garing. Tentu manuk tu enda tentu deka makai ia, pia ku Anna bejaku baru. Enda lama udah nya dinga tak rauh-rauh nyawa indai iya ngagau. “Anna, pulai !”, pia ku indai iya. Nyau lemai hari tu. Manuk bedau diengkani nuan”, pia ku indai iya.

dia, ditu, din

77

a. Lagi kitu nuan Cing Ni.

b. Aram kitu bala kita.

c. Lalu meh, duduk ke atas kitu.

“Kia” reti nya nunjukka adap ti enda bangat jauh ari orang ke bejaku.

Chunto 2:

a. Kia tunga rusa nya rari tadi.

b. Anang kiakita bemain.

c. Mary nadai kala nemuai kia.

“Kin” nya nunjukka tempat ti jauh ari orang ke bejaku.

Chunto 3:

a. Kin kita begiga.

b. Lagi kin bala kita.

c. Sehari tu iya enda ulih kin.

78

Lalu leka jaku adap tugas madahkaendur, adap tauka tunga. Ia disebut dulu ari

jaku nama ti diterangka. Jaku adap nya baka; timur, barat, selatan, utara, barat

daya, timur laut, ulu, ili, atas, baruh, tisi, tengah, antara enggau semak.

Chunto4 :

a. Menua Jipun muak ke timur Malaysia.

b. Rumah kami ari ilisekula.

c. Tembawai nya ari ulu rumah panjai kami.

Latih :

utara ulu ili selatan barat timur kitu kin kia

a. Bala bakih nya datai ari __ Batang Balingan.

b. Rumah sida Sungai Berangan nya ari __ rumah kami.

c. Di ___ menua sida nya bisi ga temuda kami.

d. Mata ari tumbuh muak ka ____.

e. Ribut bepuput muak ari adap ____.

f. Menua Miri nya adap ke _____ menua Sarawak.

g. ____ka nuan Dom semak ka agi, pia ku Apai Watt.

h. _____ka nuan Jang ngambi untung ukui nuan, pia ku Watt.

79

i. Anang ____ ka nuan enggai ka labuh lagi, pia ku Jang.

6.6 Jaku Tanya (Kata Tanya)

Kementerian Pelajaran Malaysia (2007), Harry Usop, Mawas Nalau (2004), nerangka

jaku tanya nya jaku ti dikena nanya berita tauka pekara. Jaku tanya nya bepunka

leka jaku baka; ari ni, berapa, sapa, ni, baka ni, dini, kati, lapa,

nama,uji,kemaya. Leka jaku tanya dientudika enggau tanda tanya (?). Nik

Safiah Karim (1986), nerangka jaku tanya dikena nanya sesebengkah pekara.Ia tau

nitihka patah sebut leka jaku enggau ayat. Ayat tanya dibagika ngagai dua bengkah ia

nya ayat tanya nadai tanda tanya enggau ayat tanya enggau tanda tanya (?).

Chunto :

a. Ari ni kita datai pagi tadi?

b. Berapa rega siku manuk nya?

c. Baka ni gaya pendiau iya diatu?

80

Latih :

Seleti tempat lapang dibaruh tu ngena leka jaku tanya ti engkeman.

a. _____nama nuan, Endun?

b. _____penatai kita sebilik?

c. _____kita ulih enggau kami deh?

d. ____, padahka dini endur menua kita?

e. _____iku nembiak pass tauntu?

f. ______chara kitai nurun mansai lagi?

g. _____nuan nyabak enda badu-badu deh?

h. ____alai pangan nuan diatu?

i. ____alai kita lalu enda ninga?

j. ____laun datai pagi tadi?

6.7 Jaku Kangau (Kata Sapaan)

Jaku kangau nya leka jaku ti dikena ngagauka siku-siku orang.Ia bekaul enggau

orang ka dikangau. Peratika kar diri sebilik di baruh tu.

kemaya, sapa, kati, lapa, berapa, dini, sapa, baka ni, uji, ari ni,

81

Nina X Bujang Ansam X Dorina

George X Lika Senorita X Athur George X Syarifah

Syliana X Azmi Ella X Azuan Sherine Hanim

Jojet Dura X Hasrizan

Arthur Lika Angela Wong

Chunto :

anak indai uchu aya apai tuai Ichit isan aka ini ibu apai biak Yak apai adi ika indai tuai ipar Aki

Latih :

Isi lapang ayat dibaruh tu ngena leka jaku ti engkeman (sesuai).

ibu indai ichit ika ichit ini isan aki aka Indai tuai

a. ______ ,Endu bisi enggau kita dia?, pia ku Jang.

82

b. ____, bisi enggau orang ngebuah buah melanjan kemari?, pia ku Watt.

c. ______, bisi bulih bubu demalam?, pia ku Endu.

d. Anang enda ngirum berita ila _____, pia ku Aki Manang bejaku baru.

e. _______, bisi nuan nemu duku kami cheberayan lemai tadi?, pia kuAlau.

f. _______, nemu nuan jalai ngaga panjuk pantar?, pia ku Watt.

g. _______, nemu nuan jalai ngayam tikai senggang tu?, piaku Endat.

h. Oh, _______, bisi enggau orang periksa taun tu?, pia ku Aki Manang.

i. _______, anang nuan enggau orang mulung buah rian lagi, pia kuEndun.

j. _____, nemu nuan jalai ngagai sida di Nanga Klampai, pia ku Watt.

7.0 Lumur (Penomboran) danMaya (Masa)

Lumur nya dikena ngelala penyampau, pemayuh, igi, buah, utai ti deka dipadahka

tau ditanya. Maya ianya madahka maya ti bendar baka;pagi, tengahari,

lemai,petang, malam, dini hari mabu, dini hari dalam, tawas, karau-karau,

siang,demalam,kemari, ensanus, minggu lepas, tahun baru, enggau taun ti

udah lepas. Peratika gaya lumur dikena lebuh kitai ke bejaku baka di baruh tu.

83

7.1 Lumur (Pernomboran)

Lumur nya dikena nerangka penyampau, pemayuh serta hari.Sistem lumur Iban

sama enggau bansa bukai. Nya alai ia nadai bebida enggau enggi bansa bukai. Chara

jalai nyebut sama enggau bahasa Melayu tang bisi bida mimit lebuh nyepil. Ia ka

bebidanya semina lumur semilan. Lumur Iban bisi dua bagi ia nya “bulat” enggau

“pechahan”. Lumur “bulat” nya lumur ti nadai diberi “pechahan” baka “satu”,

“dua”, “tiga” enggau ti bukai. Lalu lumur “pechahan” baka sesuku, dua pertiga,

tiga perempat, enggau ti bukai.

Chunto :

a. Anna Carmila bulih lumur satu dalam kelas sida iya.

b. Peter lumur empat dalam pelumba 100 meter.

c. Sida iya bulih perais lumur dua taun tu.

Latih :

Isi lapang ayat dibaruh tu ngena lumur ti engkeman

siti, se, empat, tiga, semilan, tujuh, sepuluh, lima, empat, lapan

84

a. Sida bisi _______ iku diri menyadi.

b. Sida sebilik bisi ______ iku.

c. Rumah panjai nya bisi ________ pintu.

d. Kereta nya bisi ________igi tayer.

e. Tupai bisi _______ iku.

f. Kami bulih ________iku rusa indu.

g. Buah entekai bisi __________ igi.

h. Buah lada siuh ______ baduk.

i. Chapak pechah _________ singkap.

j. Buah seruit _________ sintung.

7.2 Jaku Tiap (Penjodoh Bilangan)

Kementerian Pelajaran Malaysia (2007), Harry Usop, Mawas Nalau (2004), nerangka

Jaku tiap nya jaku ti dikena nesa penyampau utai.Dua bengkah jaku tiap, ia nya

jaku tiap nemban enggau jaku tiap enda nemban.

Jaku Tiap

Jaku Tiap Nemban Jaku Tiap Enda Nemban

85

7.2.1 Jaku Tiap Nemban (Tepat)

Jaku tiap nemban nya dikena nesa penyampau baka;

dua,

lima,

enam,

keterubah, Tiap Nemban

kepenudi,

sebagi,

sesuku,

tiap-tiap satu perlima,

setengah enggau ti bukai.

7.2.2 Jaku Tiap Enda Nemban (Tidak Berapa Tepat)

Jaku tiap enda nemban nya dikena nesa penyampau baka; semua, mimit, mayuh,

suah, selalu, jarang-jarang, ketebal agi, kadang-kadang, sekeda, kira-

kira.Jaku tiap tu masuk ba raban jaku nama. Ia tau dibagi ngagai enam bansa.

Peratika langkar kereja di baruh tu:

86

Chunto :

Bansa Jaku Tiap Teladan Jaku Tiap Jalai Ngena Ia Dalam Ayat Tentu satu, dua, sepuluh,

seratus, duabelas 1. Billy nupi empat iku anak manuk. 2. Dua iku anak ikan udah mati.

Enda Tentu sekeda, semua, mayuh, nyampau, pama, jelan, numbas

1. Sekeda orang enggai nurun sekula.

2. Pama pemajik anak orang nya. Beraban bepuluh-puluh, kedua-

dua, kelima-lima 1. Ketiga-tiga pun sibau nya nadai

bebuah. 2. Bepuluh-puluh iku orang bisi

datai ngagai pengerami nya. Serara tiap-tiap, kediri-diri,

nyembuah-nyembuah 1. Tiap-tiap orang mesti nemu

pengawa diri. 2. Rumah orang nya dia

nyembuah-nyembuah. Pechah setengah, sesuku, dua

paras tiga 1. Sesuku ari kerja nambun tanah

udah tembu. 2. Setengah ari kita nya ila enggau

aku ke kebun. Tingkat Keterubah, kedua,

ketiga, kesepuluh 1. Rumah nya bisi dua tingkat. 2. Keterubah ila nuan mesti

betemu enggau kepala pengajar.

87

Latih:

Isi endur lapang dalam ayat di baruh tu ngena jaku tiap ti patut.

a. ______hari orang ke datai ngulu pengerami kimpin “Beli Meh Buah Menua

Kitai”.

b. Di menua Sarawak bisi ____ bansa buah.

c. Sida Alex Nasu bejalai ____ lebuh ngiga buah rian di tembawai.

d. _____kali aku ensium bau buah petai, aku ngumbai diri enggai makai ia.

e. Bisi ____ iku orang datai ngulu pengerami nya.

f. Rumah orang nya _____kediri.

g. _____ari orang kediau dia, nadai agi diatu.

h. ______ ari kuih udah diempa nembiak ka pulai tadi.

i. _______kita patut bekelala enggau pangan diri.

j. ____ia ga pemesai jelu kijang demalam.

keterubah, dua tiga ribu, dua, mayuh, beraban, jelan, sekeda, nyembuah-nyembuah, sesuku, tiap-tiap

88

7.3 Jaku Pengenap Tesa

Kementerian Pelajaran Malaysia (2007), Harry Usop, Mawas Nalau (2004), nerangka

pengenap tesa nya leka jaku ti nerangka tukuh jaku nama lalu mesti dikena

bekaling enggau jaku nama. Ia tau dikena dulu tauka dudi ari leka jaku nama,

bepanggai ba gaya ayat. Tusun rambai jaku ti mai pengenap tesa nya baka tu :

Jaku Tiap + Pengenap Tesa + Jaku Nama

Jaku Tiap (Bilangan)

Pengenap Tesa (Penjodoh Bilangan)

Jaku Nama (Kata Nama)

lima puchuk surat, tubu, upa nenas tiga iku manuk lanjau, jelu, mensia semilan igi telu, buah, mata empat pasang kasut kulit dua lambar buk,keretas se lebuan tawak enam ikat/agih kemiding dua kupuk telu se pating bungai, buah seratus tandan sawit, pisang, nyiur dua ribu kelapis getah tujuh lungkang rian,isu,pakan lapan singkap chapak, pirin, penganan iri sepuluh gulung tikai, ruku, tali tiga batang pensil,anak padi, rokuk tiga repik kayu dua san kayu tiga selabit buah rian, kayu, buah lada tujuh Ma/uyut/raga padi enam leka guli, buah, padi, mata lapan guni baja/sum, pasir, beras dua kambut roti, tanah, pusu empat sikat pisang, rambutan, pinang

89

tiga botol kichap, arak, rusit dua tin sadin,kerupuk, roti sepit empat gallen, tung/drum rachun rumput, gas, ai dua kung buah dabai, beras, susu tiga tumpuk chabi, terung, sayur dua talam chakui empat sit pinang tujuh tungkul ubung, atau empat gayung ai, minyak

Jalai ngena rambai jaku ti mai pengenap tesa dalam ayat.

Chunto :

a. Minggat bisi nulis lima puchuk surat peminta.

b. Indu manuk sida Chieng Ni bisi meram semilan igi telu.

c. Ling Ling meli enam ikat rambai/remat.

90

Latih:

Tembuka ayat di baruh tu ngena jaku pengenap tesa ti patut.

a. Dua _______ rumah panjai udah angus dalam taun nyin kemari.

b. Rega _______ tiang tebilan diatu kira-kira enam puluh ringgit.

c. Meri aku _____ keretas dikena aku nulis surat pekirum.

d. Apai aku ulih ngaga dua ____ perau dalam sebulan.

e. Enti buah rian lunak _______ aja diempa chukup meh dikena mantupka tenguk.

f. Pemai apai aku semina ______ tawak aja.

g. Rega _____ buah semangka ia nya tiga ringgit.

h. Tinggi amat _______ kayu api nuan igat.

i. Rampa umai kami mungkur _______ munggu.

j. Dua ___ pinggai pechah laban tebelengka pegai Naing

7.4 Maya (Masa)

Maya nya bekaul enggau utai ke udah nyadi enggau ia ke deka nyadi. Ngambika

banding; tadi, demalam, pagi ila, lusa, tulit, tulat,seminggu ti deka datai,

setahun ti deka datai, kemari, ensanus/ensana, dua ari ti udah lepas,

seminggu ti udah lalu, sebulan ti udah, setaun ti udah enggau ia ti bukai.

Nya alai maya nya bekaul enggau utai ke udah enggau bedau.

91

Chunto :

a. Dua tiga ari ti lepas kami bisi meda burung mayuh bendar.

b. Pagi ila nuan enggau kami mansai ba Sungai Isu.

c. Kemari kami bulih siku rusa besai bendar.

Latih :

Isi tempat lapang ayat di baruh tu ngena leka jaku ti engkeman.

a. _______ kami bisi nginti ba Sungai Klampai.

b. _____ila nuan nurun ka pasar Saratok.

c. ______hari balat endar ujan.

d. ______ hari ti udah bisi Polis datai kitu.

e. ______ ti udah lalu, kami bisi nemuai ke Meradong.

f. _____ bisi temuai datai ari Kapit.

g. Kini penunga nuan, _____ ke udah?

h. Apai Sumok berenung __________.

i. Ikan ulih iya _________ tadi besai amat.

j. Perau sida sarat laban buah engkabang __________.

8.0 Penti Pemali (Pantang Larang)

92

Penti pemali nya utai ke enda tau dikereja enggaika tau mai penusah ngagai orang ke

ngereja iya.Penti pemali tu bekaul enggau diri empu, diri sebilik, diri petunggal, diri

serumah, diri sekaban, keresa, utai tanam enggau utai ke ukai ditanam baka penti

pemali rumah panjai.Ngambika banding penti pemali rumah panjai. Rumah enda tau

ditiki sengayan laban sengayan tu berchura merah lalu ngayuka iamai api. Reti nya

rumah panjai kitai deka nukun ka bara api. Pia mega rumah panjai enda tau dipandang

singut laban singut, indu ia bemurun lalu ngayu ke murun api sempun sebayan. Singut

enti ia bisi idang nya manah laban ia mai utai manis. Tang enti singut nyinggah nya

enda manah ngayuka rumah panjai deka agat laban murun api sempun sebayan.Pia

mega penti pemali rumah panjai endang sigi mayuh. Nya alai mayuh nembiak rebak

kemaya ari tu mulai penti pemali lalu masuk pengarang baru ia pengarap Kristian.

Chunto :

a. Rumah panjai enda tau ditiki darah.

b. Rumah panjai enda tau ditiki ular.

c. Rumah panjai enda tau ditama bangkai enda beselan.

Latih :

a. Rumah panjai enda tau ditama rusa. (Betul/Salah)

93

b. Ingkat enda tau berua ba ruai. (Betul/Salah)

c. Singut tau mandang rumah panjai. (Betul/Salah)

d. Lelabi betelu ba tengalan. (Betul/Salah)

e. Butang mesti disayatka manuk. (Betul/Salah)

f. Tuchuk enda tau bemunyi di tegalan. (Betul/Salah)

g. Enda tau meda remaung raras lebuh deka nunu ka umai. (Betul/Salah)

h. Enda tau nemu telu lelabi di umai. (Betul/Salah)

i. Enti meda ular rari masuk lubang di umainya mali. (Betul/ salah)

j. Enti meda Ingkat nyadik anak ari mua ba umai nya mali. (Betul/Salah)

9.0 Musim

Musim nya maya sesebengkah pengawa, buah, ikan, hari ti nyadi ba siti-siti

endur.Ngambika banding musim ngereja pengawa umai baka; musim nunu, nugal,

mantun, ngetau, beribut, berangkut enggau besimpan.

Kelimpah ari nya musim buah mega selalu disebut ngambika banding musim

buah rian, musim buah pakan, musim buah lengsat, musim buah sibau, musim buah

engkabang enggau ti bukai.Musim ikan, baka musim ikan ngaban, musin ikan ngaban

amau. Musin ikan ngaban amau ia nya baka ikan ; enseluai, bangah ngaban udah

bekau nunu umai (tegalan).

94

Musim mega bekaul enggau hari baka;musim ujan, musim panas.Musim

ujan nya selalu dikumbai orang musim landas.Musim landas tau mai ai ti besai sereta

ngampuhka tempat ke enda tentu tinggi.Ia mega suah ngasuh bah. Nya alai gaya hari

maya nya endang selalu belunggur ujan. Musim panas/kemarau nya ngayanka

gayahari ti selalu panas laban nadai ujan. Ambika banding jaku sema “tanah nyau

merekah”laban musim panas.

Chunto :

a. Ikan ngaban nyau bebesai.

b. Musim ujan ai selalu kembai.

c. Musim panas sungai rangkai.

95

Latih:

Seleti ayat di baruh tu ngena leka jaku ti engkeman.

a. Taun tu musin____buah____ rian jadi amat.

b. Ikan mayuh endar nyaru ___amau_____ di Sungai Kara, demalam.

c. ___Musin____buah taun tu, jelu nyau gemu-gemu.

d. Tapah nyau ____kuning_____ labanka gemu makai buah engkabang.

e. Orang di Somolia mayuh endar kurus-kurus laban musin__panas_____.

f. Rumah orang mayuh bendar rarat laban musin__landas_____.

g. Tanah mayuh bendar runtuh laban musin___ujan_____.

h. Asap nyau chelum laban orang musin _____nunu____.

i. Kerupak merchun nyau mirah ba tanah laban musin ____taun baru Cina_____.

j. Tisi langit nyau mirah laban musin ___undang____ di tasik.

10.0 Gaya Hari (Cuaca)

Hari tu bekaul enggau angin, ai,remang, kabut,ribut, kilat, guntur,panas enggau

ujan. Angin ke betiup nempuh remang lalu mai remang nya bechampur enggau ai ke

landas, amau, ujan, nunu, buah, panas, taun baru Cina, musin, kuning-kuning, undang

96

diinsap matahari lebuh matahari panas. Ai nya ia lalu niki ke langit laban pemanas

panchar matahari. Ai nya lalu lekat ba remang. Lama-kelama remang pan besai-

sebesai, lalu betambah berat-seberat ngujungka ia labuh ke baruh diteruju angin ke

deras. Iya ke labuh nya lalu nyadi ai ujan.

Chunto :

a. Ribut balat bendar lemai kemari.

b. Ribut enggau kabut-kabut naka ia pemalat.

c. Tumbang kayu dipangkaka kabut.

Latih :

Seleti tempat lapang dibaruh tu ngena leka jaku ti ngayanka gayahari.

Tak sebulan nandan mingkai tu. Jang selalu duduk tegenung ngenang peransang ati ambai lalai ke udah pegi lesi laya midang.Enda ulih kenang enggau jaku karang melintang bukit. Ni enda pia, kenu ku ganu sida Melanji anak ida. Iya endang ke buah mulut selama jaga. ___________ ke bepuput seranjut landai tak enda berasai ngingatka pengawa lama ke endang udah lama dilengka ka seduai. Dini ati berasai nyamai, laban danji idup sekunsi udah tekusai pegai. Tak duduk reregung baka remung madung mua lubang.Suah ga Jang, tak melulur insak, nyabak sesedak ngenang nasib diri ke nadai sebaka enggau orang. Tur… ka ________ temepur.Jang lalu malik ke belakang lalu tepedaka anak mit siku belanda-landa. Mua ga aruk tambahka insak nyau kuning.Iya lalu nyuaka karung siti surat ngagai Jang.

ribut, guntur

97

11.0 Ngalu (Membeli-belah)

Ngalu nya jaku pengawa ti madahka pengawa siku-siku orang, dua-tiga orang,

beraban, tauka beraban bala mayuh ti meli barang.Ngalu meli barang di kedai tauka di

pasaraya.

11.1 Papan Tanda EnggauNotis Di Pasaraya/Kedai

Papan tanda nya ngayanka rega barang ti bisi dijual. Papan tanda ditulis madahka

nama bagi barang lalu pia mega rega ia. Nya alai orang ti deka meli barang dulu

patut nemu nama barang ti deka dibeli. Ia mega tau bebandingka rega barang nya.

Ngambika banding pusu sekilogram RM 18.00.

11.2 Nama Barang-Barang Ti Dibeli

Nama barang-barang ti dibeli nya bisi dipandangka ba papan tanda rega.Barang-

barang ti deka dibeli bekaul enggau pengidup mensia.Barang-barang nya baka; barang

pemakai, barang perengka tubuh, barang kena berapi, barang kena mandi enggau ti

bukai.

98

Chunto;

i. Kereban Dapur - Periuk, Mangkuk, Sudu, Garpu, Senduk ii. Kereban Mandi - Sabun, Syampu, Berus Ngeli, Ubat Ngeli iii. Kereban Betukang - Tukul, Kapak, Sandak, Sekup iv. Kereban Dipakai- Beras, Gula, Biching, Milo, Teh v. Kereban Tulis - Bup, Surat, Pen, Pinsel, Marker vi. Kereban Dikena Nganta - Pupur, Enselup, Chok bulu bansu vii. Kereban Peninduk - Panggal, Pua, Tajung, Antap Tilam viii. Kereban Elektrik-Periuk Karan, Kitel Karan, Wayer viv. Kereban Bumai - Duku,Kapak, Beliung vv. Kereban Berikan - Pukat, Jala, Bangkang, Bubu vvi. Kereban Dikena Ngetanka Diri - Belantan, Senapang vvii. Kereban Begiga Jelu- Jerampang, Sangkuh, Senapang

11.3 Gaya (Rupa) dan Tukuh Barang (Bentuk Barangan)

Barang ka dibeli bisi mayuh macham tukuh. Bisi sekeda nya baka;

i. Segala - Ball, Buah, Kuih, Jam ii. Panjai - Tali, Tanchut, Baju, Pua, Kibung iii. Pandak - Tali, Tanchut, Baju, Kain mandi iv. Segi Tiga - Jam, simbul kerita rosak v. Segi Empat - Sarah, Kutak, Cheremin, Sabun v. Segi Lima - Chuan Kuih (Bahulu) vi. Segi Enam - Bintang (lampu) vii. Tepung - Tepung Gandum, Tepung Beras, Tepung Pulut viii. Berai - Ai Oren, Chuka, Kichap, Minyak

Chunto :

a. Tali nilun nya amat panjai.

99

b. Kain mandi nyau chelum laban ka enda dibasu.

c. Aki meli empat sarah lemanit

Latih1 :

Alex Nasu diasuh indai iya ngalu ngagai Kedai Runchit Buntu. Keluluka randau iya

enggau orang ke empu kedai nya.

Alex Nasu : Selamat pagi, Apai Jang.

Buntu : Apu! Panjai umur nuan Alex. Tak baru udah berandauka

nuan kami duai ibu nuan tadi. Kini ke penungga nuan tak nadai

ayan ngelama tu deh?

Alex Nasu : Nya meh, munyi ke jampat nyaut nuan Apai Jang. Aku tu tak baru

pulai ari Kem Klampai laban dibai Pengajar ngambi Kus Bedagang.

Buntu : Ni pengelama kus nya deh?

Alex Nasu : Tak sebulan berentak kami kus dia. Dua hari enggai kami dibai

orang bepedaka pasar tamu, ladang sawit enggau ladang getahdi

Ulu Sungai Isu.

Buntu : Au! Bisi bendar peneleba sereta pengerindu nuan pengawa dagang.

Alex Nasu : Ukai ke enda meh laban nya endang juluk ati aku kenyau ari mit

suba.

Buntu : Nama barang deka dibeli nuan deh?

Alex Nasu :Uji nimbangka aku sekilogram kachang ijau, dua kilogram

100

jagung redak, seratus gram ikan pusu enggau sekilogram

gula pasir.

Buntu : Duduk dulu nuan nganti aku nimbangka barang nuan.

Alex Nasu : Au! Terima kasih, Apai Jang.

Anna : Agi bisi barang ti deka dibeli nuan kelimpah ari nya?

Alex Nasu : Bisi. Alau jengkau ke aku sejebul kichap chap BatangEngkudu,

sebungkus tuchuk, sekambut berat ke berat 10kilogram,sekupuktelu

manuk, sebatang penyapu enggau tiga igi bateri.

Anna : Penyapu enggau beras nadai agi, baru udah abis tadi.

Alex Nasu : Enti nadai, kira ke aku rega barang nya tadi nyengkaum iya ti udah

ditimbang Apai Jang.

Anna : Gula pasir, RM 1.60, jagung redak, RM 1.60, ikan pusu, RM

1.40,kachang Ijau, RM 1.20, kichap, RM 2.80, tepung kupi, RM

3.20,telu manuk, RM 6.40, enggau bateri RM 3.60. Penyampau rega

barang nuan, RM 21.80

Alex : Tu bayar rega barang nya tadi, Indai Jang.

Anna : Tu resit sereta tunsung duit nuan, Alex.

Alex Nasu : Terima kasih.

Anna : Sama-sama.

(Dibali ari Kementerian Pelajaran Malaysia. 2008. Bahasa Iban. Tingkatan 1.

Kuala Lumpur: Dewan Bahasa dan Pustaka).

101

Latih 2 :

Saut tanya dibaruh tu.

a. Kini penunga Alex Nasu ngelama tu?

b. Nama pengawa ke dikerindu Alex Nasu?

c. Nama barang ke deka di beli Alex Nasu tang udah abis?

d. Padah ka nama kebuah barang ba kedai mesti bisi tanda rega?

e. Enti nuan bisi kedai runchit ni ku chara nuan nusun barang dia?

102

11.4 Istilah yang berkaitan dengan barangan atau prudok

Istilah nya nunjukka leka jaku ti bekaul enggau nama barang. Nya alai nama barang

bisi istilah ti ngayanka raban iya.

Latih :

a. Berapa ______ semua chapak tu?

b. Aku deka _______ siku manuk.

c. Rega chapi ______ agi ari rega kambin.

d. Nuan patut mayar rega barang tu ba _______ .

e. Kain ia ka ________ nya berega RM 4.00 semeter.

f. _______nadai dijual ba market ikan.

g. _______nuan meli sayur ari ka meli suntung.

h. Nembiak bisi ______ kuih maya pengerami sekula.

i. Pala apai tua nya nyau ______.

j. _____tusu udah ditangkap Polis.

rega, nyual, mar, changkir, manah agi, meli, pengeluar, kaunter, burak, chelum

103

12.0 Pemakai enggau utai ti diirup (Makanan dan Minuman)

Pemakai nya utai ti diempa.Lalu utai ka diirup nya baka tuak, arak enggau semua utai

ke berai.Pemakai tradisi orang Iban endang mayuh.Nya alaisida enda seranta utai ka

diempa.Bisi sekeda bedaun, bebatang, anchur, segala enggau mayuh macham tukuh

ka bukai.

12.1 Pansuh

Pansuh nya utai ka dipanduk dalam buluh.Pansuh nya bekerat enggau berai (berketul

dan berair). Utai ka dipanduk dalam buluh ianya baka ikan, jelu, manuk, upa enggau

ti bukai. Pansuh tau mega digulai enggau daun baka daun ubi enggau daun

bungkang.Kelimpah ari nya upa tepus tau dipansuh begulai enggau ikan kasam

(jukut), jelu nitihka ati diri.

104

105

106

Barang-Barang Ti Dipeguna;

a. Manuk/Ikan/Jelu - munsang, busa, rusa, kijang, menarat (biawak)

b. Garam numbas ia penyampau

c. Biching numbas ia penyampau

d. Seray

e. Buluh

Chara-Chara Ngaga;

a. Beresika manuk/Ikan/Jelu. Ketak numbas ia pemesai

b. Champurka enggau garam, seray ke udah dipalu sereta biching numbas ia

pemayuh

c. Champurka semua

d. Simpan ai amat numbas ia dalam buluh

e. Simpan isi manuk/ikan/jelu ke udah dichampur

f. Tunu buluh (ruas) nya sampaika ia melidih

g. Asuh ia melidih lama awakka ia mansau

107

12.2 Lempis

Lempis nya sebengkah chara nunu pemakai ti dibungkus enggau daun baka; daun

buan,daun pisang, daun ririk (daun long), daun kechala, daun tepus, daun apung puda

sereta daun ke enda miang.Utai ka tau dilempis ianya baka ikan, anak ikan ke mit-mit,

anak undang enggau daun baka daun rambai/remat, daun changkuk.Lempis

nyabeketul enggau basah-basah (berketul dan lembap-lembap).Ngambika banding

lempis ikan.

108

Barang Ti Dipeguna;

a. Ikan/Anak Ikan (mit-mit)/Anak Undang

b. Garam

c. Biching

d. Daun - pisang, buan, ririk

Chara-Chara Ngaga;

a. Beresika ikan/anak ikan - buai perut, buai insang

b. Ketak ikan enti ia besai

109

c. Champurka enggau garam sereta biching numbas ia penyampau

d. Bungkus ikan/anak ikan enggau manah. Asuh daun tebalka agi enggai ka lempis

teberunsai

e. Sumat ujung lempis kedua-dua enggaika ikan pansut

f. Tunu/diang semak api

g. Kalihka numbas ia pengelama sampai ngagai ia chukup mansau

12.3 Salai

Salai ia nya pemakai ti disalai. Salai nyabekerat-kerat, segala-segala, chelum enggau

rangkai (berketul, hitam dankering).Salai tu sebengkah chara Iban nyimpan pemakai

ngambika ia ulih tan lama agi. Tu siti chara Iban mai pemakai ke berat sereta

jauh.Ngambika banding lebuh ngasu dia kitai tulihka rusa ti besai. Kitai enda ulih

ngema rusa nya segala-gala laban ia berat lalu tentu deka but. Nya alai kitai suah

meda orang mai salai ari babas. Lebuh ke nyalai di babas kitai jarang nguna/ngena

garam, biching laban kitai nadai besediaka utai nya dulu. Nya alai

rusa/pelanduk/kijang/busa/musang endang tak disalai rangkai pia aja. Salai tu nyamai

amatenti dipegulaika enggau buah terung masam, buah maram, upa sawit, upa pantu

enggau ti bukai.

110

111

12.4 Tumpi

Tumpi tu pemakai ke digaga ngena tepung mulung.Tumpi nya kempi, basah-basah,

manis (leper, basah-basah dan manis) (macam roti canai).Tumpi nyamai diempa lebuh

ia agi angat. Tumpi mega nyadi liat enti ia udah chelap.

112

Barang-barang Ti Dipeguna;

a. Tepung mulung ke agi basah

b. Kuali

c. Minyak - mimit

d. Gula - mimit

Chara-Chara Ngaga :

a. Pechahka/peraika tepung mulung ke agi basah

b. Angatka kali lalu beri minyak mimit

c. Tabur mulung ke udah dipechahka/diperaika tadi

d. Rungkup kali kira-kira 5 minit enggau api ti enda tentu besai

e. Taburka gula mimit ba atas nya sereta lalu ditutup baru kira-kira 5 minit

f. Kalihka tumpi nya, awakka ia mansau kira-kira 5 minit

12.5 Tuak

Tuak tu sebengkah ai ti digaga ari asi pulut, tebu, nyeli (bali), lia, buah naga, apple,

buah lensat. Tuak nyamai diirup enda milih maya. Tuak ai ia chiru, kadang-kadang bisi

keruh mimit, ai bisa, kadang-kadang bisi masam mimit (Jernih, kadang-kadang keruh,

berbisa, kadang-kadang rasa masam)

113

114

115

Barang-Barang Ti Dipeguna;

a. Asi pulut/tebu/nyeli (bali)/lia/buah naga/apple

b. Ai chelap ka udah dipanduk

c. Ragi

d. Gula

Chara-chara ngaga;

a. Panduk beras pulut/tebu/nyeli

b. Tejuka asi pulut/tebu/nyeli nya chelap

c. Champurkaasi pulut/tebu/nyeli enggau ragi

d. Simpan dalam tajau/udat tauka endur ti bukai

e. Peram enggau pengelama 2 minggu

f. Banchak tuak nya enggau gula, ragi ti bechampur enggau ai panduk ti udah

chelap

g. Tejuka 2 minggu

h. Ulihka tuaknya sereta tau diirup

116

12.6 Chap Langkau

Chap langkau nya ai ti digaga ari beram tuak. Ia nyamai laban ia bebisa. Chap langkau

aiia chiru, kadang-kadang bisi keruh, berbisa (Jernihkadang-kadang keruh sedikit) .

117

Barang-barang ti dipeguna;

a. Beram tuak (Asi pulut, ragi, gula ke udah dichampur)

b. Gula apung

c. Ai amat

Chara-chara ngaga;

a. Panduk beram tuak begulai enggau gula apung

b. Ibun enggai ke api kelalu balat

118

c. Gaga tempat endur ai nitik ari tudung beram tuak

d. Ibun ai sampai ngagai ia mayuh.

13.0 Bansa Beras (Jenis-Jenis Beras)

Beras mayuh bansa. Beras enti dipanduk nyadi asi. Mayuh bansa beras baka;

a. Beras Pulut b. Beras Bali c. Beras Rotan d. Beras Segeret e. Beras Adan f. Beras Bario g. Beras Siam h. Beras Chap Rambutan i. Beras Merah j. Beras Gedung k. Beras Nasional l. Beras Taj Mahal m. Beras Mongolia n. Beras Basmathi o. Beras Chap Man

14.0 Pengidup enggau pengawa tiap-tiap hari (Tugas dan Aktiviti Harian)

a. Pagi - Dani, mandi,ngirup pagi, masu gari, nyembui/jembui gari, ngemasrumah b. Tengahari- Nyumai/berapi, nuchi chapak c. Lemai - Ngambi gari ka udah dijembui, ngelipat gari,nyumai,nuchi

pinggai/chapak/mangkuk d. Malam - Meda cherita ba televisyen, macha bup cherita, facebook,

tinduk Peratika chunto karang Lampiran 3 & 4

119

15.0 Hobi (Kegemaran)

Hobi nya pengerindu tiap-tiap iku mensia lebuh sida lepa pengawa.Hobi baka bemain,

berapi, bejalai kaki, nginti, niki bukit, bebasikal, nepan enggau raun ngena motosikal,

bekebun, ngasu beburu, mansai nubai, maku nubu, macha, belagu enggau ti bukai.

Hobi ngasuh kitai ransing ngereja pengawa lalu hari belalu enda berasai lemai.

Main badminton tau ngurangka berat tubuh. Kelimpah ari nya ia mega tau

ngasuh kitai bepengerai (sihat walfiat).Main badminton nulung ngarapatka kaul antara

siku-siku mensia ti bemain.Main badminton mega tau ngajar kitai jalai besabar lebuh

begulai enggau orang bukai. Lebuh ti bemain badminton, dia tubuh kitai lalu engkebut

ti ngasuh pejalai darah kitai laju agi.Pejalai darah ti laju dalam tubuh mai oksigen

ngagai untak. Untak bisi dua iti, ianya untak kiba enggau untak kanan.

Kelimpah ari nya mega, main badminton tau ngasuh kitai bebasa ke pangan

diri.Jaku ti meruan sereta manah nunjukka tingkat pendiau siku-siku mensia.Ulah

sereta basa ti manah nyeremin pendiau ti meruan. Mensia bebasaka diri sama diri

ngena jaku ti manah sereta nunjukka perangai ti menyana.

Nya alai main endang ngajar sereta ngelatih tiap-tiap iku mensia nemu reti

bebasaka pangan diri. Kelimpah ari nya mega, bemain tau nambahka penatai pemisi

ngagai siku-siku orang baka Datuk Nicol David, Datuk Lee Chong Wei enggau ti bukai.

120

16.0 Perengka Tubuh Mensia

Buk - Dikena nudung pala Pala - Dikena ngelindung untak Untak- Dikena ngingatka utai. Untak bisi dua iti ia nya untak

kibaenggau untak kanan Mata - Dikena meda utai Bulu Bansu - Dikena ngemanahka mua siku-siku mensia.Bulu ke

tumbuh ba kening Bulu Mata - Dikena ngelindung mata ari dipasuk utai Idung - Dikena nyintak seput, bisi bulu Batang Idung - Nguatka struktur idung Bulu Idung - Bulu ke tumbuh dalam lubang idung. Nyadi penapis

angin ti disintak Kening - Mua pala ke nadai buk Kuyu - Antara mulut enggau pending Pending - Dikena ninga lalu ngelindung lubang pending Lubang Pending - Lubang endur bunyi masuk/tama Pisan - Tisi pala, bisi lengkap mimit Jambang - Bulu ke timbuh ba tisi dagu Mulut - Endur ngemasukka utai ti diempa Dagu - Sambung tulang rang kiba enggau kanan Dilah - Dikena ensepi utai baka manis, masam, pait, mang Unga - Ngelindung dilah ari atas dalam mulut Ngeli - Dikena ngigit, ngunyah sereta ngerat utai ke diempa.

Mayuh bansa ngeli baka; ngeli tusu, ngeli tetap, ngeli gam, taring

Sumit - Bulu ke tumbuh ba atas mulut lelaki Ragum - Bulu ke tumbuh ba dagu lelaki Rekung - Dikena ngelan utai ke diempa Batang Rekung-Tulang dikena nyungkung rekung Tulang Banga - Dua iti tulang ari baruh batang rekung Bau - Dikena nyan/ngema utai Ketapi - Belakang baruh bau Kechiak - Bisi dua iti kechiak ia nya kechiak kiba enggau

kechiakkanan. Antara keringai enggau lengan Bulu Kechiak - Bulu ke tumbuh ba ketiak Lengan - Antara bau enggau jari kanan tauka kiba Siku - Antara lengan Jari - Ujung lengan. Bisi dua iti jari, ia nya jari kiba

enggau kanan Tunjuk - Bisi lima iti tunjuk jari. Tunjuk indu, tunjuk antu,

121

tunjuktengah, tunjuk manis enggau tunjuk anak. Tapa Jari - Tapa jari dikena megai/nginggam utai Belakang Jari- Belakang jari ari atas jari Tusu - Dikena nusu ke anak mit (orang indu) Mulut Tusu - Utai ke lekat/tumbuh ba tusu Tulang Belakang - Nyungkung tubuh mensia Kerigai - Dikena ngelindung perengka dalam tubuh mensia Tulang Kerigai - Tulang keringai ke dikena ngelindung perengka

dalamtubuh mensia Tungkul Atau - Ngepam darah ngagai semua perengka tubuh

mensia Kura-Kura - Dikena ngurangka gula dalam darah Atau - Perengka dalam (Hati) Lempuang - Perengka dalam (Paru-Paru). Endur angin betukar -

masuk enggau keluar Empedu - Utai ke pait lekat atas atau Buah Pingung- Dikena napis ai dalam tubuh mensia Perut - Dikena nyimpan utai ke udah diempa Perut Raya - Perut besai endur utai ke diempa disimpan Perut Besai- Perut ti nyimpan utai ke udah dianchurka Perut Mit - Endur napis pemakai nyadi gula, enggau ti bukai Apendik (Perut Puntul)-Peruti pandak Burit – Dibelakang atas, pun pah Lubang Burit- Tempat endur tai pansut Tugui - Utai kemirah ba mua lubang burit Butuh - Utai lelaki Pelir - Leka utai lelaki Bulu Butuh- Bulu lelaki Pukak/Puki- Utai indu Bulu Puki/Pukak - Bulu utai indu Sarang Anak- Endur anak Punggung - Rangka tubuh mensia Tulang Punggung- Tulang rangka tubuh mensia Patung - Pala patung. Iaka segala antara pah enggau betis. Pah - Antara punggung enggau betis Tulang Pah- Tulang antara punggung enggau betis Betis - Betis antara pah enggau kaki Bulu Betis - Bulu ke tumbuh ba betis Tulang Betis- Tulang antara pah enggau kaki, bisi dua iti tulang

betis Kaki - Dikena bejalai tauka dikena ngindik utai Buku Ali - Ia ke bebuku ba ujung kaki Tumbit - Ujung tapa kaki ke bebuku Tapa Kaki - Ngambika kaki entap

122

Tunjuk Kaki- Bisi lima iti, tunjuk indu kaki,tunjuk antu kaki, tunjuk tengah kaki, tunjuk manis kaki, tunjuk anak kaki

Bulu Gundai - Bulu ke tumbuh ba tunjuk indu kaki Kukut- Utai ke tumbuh ba atas tunjuk kaki tau tunjuk jari

16.1 Riman (Kanser)

Riman (kanser) nya sebansa penyakit ke tau munuh nyawa mensia.Ia enda milih

peringkat umur, tuai-biak, kaya miskin tiap-tiap iku mensia.Kanser mayuh bagibaka

riman perut, pending, tulang belakang, tusu,mulut, untak enggau ti bukai.Dibaruh tu

sekeda penyakit riman ti bisi nyadi ba batang tubuh mensia.

(Tukarka leka jaku Melayu dibaruh tu ngagai leka jaku Iban)

Barah atau kanser (Istilah perubatan: barah neoplasm) merupakan klasifikasi

penyakit yang merujuk kepada keadaan sel yang membesar secara luar kawalan,

pencerobohan dan pemusnahan tisu biologi dan metastasia. Ketiga-tiga ciri-ciri barah

ini berbeza daripada tumor bukan barah, yang merupakan penyerebakan terhad dan

bukan metastasia. Kebanyakan barah menyebabkan tumor, akan tetapi seperti

leukemia, sesetengah barah tidak. Bidang perubatan yang menjalankan penyelidikan,

diagnosis, pengubatan dan pencegahan barah dikenali sebagai onkulogi.

Barah telah menjadi masalah utama akibat peningkatan tempoh jangka hayat. Ini

disebabkan kadar mutasi semakin meningkat selaras dengan tempoh hayat yang

semakin berpanjangan. Walaupun kemajuan yang besar telah dicapai dalam cara

123

rawatan, kebanyakan rawatan hanya berkesan bagi penyakit barah awal. Bagi

kebanyakan barah yang telah mencapai tahap lanjut masih tiada rawatan yang

berkesan wujud dan dalam kebanyakan kes akhirnya membawa maut.Oleh itu bolehlah

dianggap, mereka yang melewatkan mendapat rawatan seolah-olah membunuh

diri.Walau bagaimanapun sungguhpun tidak terdapat ubat yang berkesan bagi pesakit

barah yang tahap akhir, semenjak 20 tahun kebelakangan perkembangan penjagaan

palliative telah meningkat dengan meluas.

Rawatan barah biasanya dikendalikan oleh onkulogi, doktor yang khusus dalam

rawatan penyakit malignant. Rawatan barah perlu dilakukan dengan serta merta

sebaik sahaja ia dikesan. Kelewatan mendapatkan rawatan mengurangkan peluang

untuk sembuh.Barah yang dikesan pada peringkat awal mempunyai peluang yang baik

untuk dirawat secara berkesan.

Barah mampu menyebabkan pelbagai tanda, bergantung kepada tempat dan ciri

meligan dan samaada berlakunya metastasis.Dignosa tepat biasanya memerlukan

pemeriksaan tisu yang diambil melalui biopsi melalui mikroskup.Apabila didiognasa,

barah biasanya dirawat melalui pembedahan, kemoterapi dan/atau rawatan radiasi.

Sekiranya tidak dirawat, kebanyakan barah akhirnya menyebabkan kematian; barah

merupakan punca utama kematian di negara membangun.Kebanyakan barah boleh

dirawat dan ramai yang sembuh terutamanya menerima rawatan pada peringkat

awal.Kebanyakan bentuk barah berkait dengan fakur persekitaran, yang boleh

124

dielakkan.Merokuk tembakau mendurong kepada lebih banyak barah berbanding fakur

persekitaran yang lain.

a. Riman Dilah

125

b.Riman Perut

c. Riman Tusu

126

16.2 Sawan

Penyakit sawan tu sebansa penyakit ti selalu nyerang anembiak mit. Penyakit sawan tu

tau nabanka nyawa mensia.Ia enda milih sapa-sapa orang nya.Penyakit sawan tu

nyadi ba anak mit ti beumur kurang ari 5 taun. Bisi sekeda nitihka penemu bala beliau,

sawan tu mayuh bansa baka sawan burung enggau ti bukai.

(Tukarka leka jaku Melayu di baruh tu ngagai leka jaku Iban)

i. Apakah Penyakit Demam Sawan ?

la adalah serangan sawan yang dicetuskan oleh demam yang tinggi pada

kanak-kanak berumur antara 6 bulan hingga 5 tahun.

ii. Apa itu sawan ?

Sawan adalah keadaan di mana kanak-kanak tidak sedarkan diri dan

biasanya diikuti oleh kekejangan atau penyentakan kaki dan tangan.

iii. Apakah yang perlu dilakukan jika anak anda mengalami sawan ?

Baringkan dia mengiring dan pastikan kepala pada paras yang

sama atau lebih rendah daripada badan.

Catatkan masa dan tempoh berlakunya sawan.

Jangan sekali-kali cuba memasukkan sebarang benda ke dalam

mulut.

127

Jangan cuba sedarkan anak anda dengan menampar,

menggoncang atau mengurut badannya.

Sekiranya sawan itu berterusan anda boleh memasukkan ubat

sawan melalui dubur (suppositori diazepam). Sawan sepatutnya

berhenti dalam tempoh 10 minit.

Bawa anak anda ke hospital sekiranya sawan masih berterusan

dalam tempoh 10 minit selepas memasukkan ubat sawan.

iv. Adakah ia sama dengan epilepsi (gila babi) ?

Tidak.Epilepsi ialah sawan tanpa demam dan biasanya berlaku pada

kanak-kanak yang lebih dewasa atau peringkat remaja.

v. Adakah demam sawan menyebabkan epilepsi ?

99% pesakit demam sawan tidak akan mengalami epilepsi.

vi. Adakah demam sawan menyebabkan kerosakan otak kekal?

Sangat jarang berlaku, kanak-kanak yang mendapat sawan yang

berpanjangan (dalam tempoh lebih 30 minit) mungkin boleh mendapat

kerosakan otak kekal.

vii. Apakah penyebab demam sawan ?

128

Sebarang penyakit bersama demam yang tinggi seperti batuk selsema

atau jangkitan virus.

viii. Adakah ia berulang ?

Ya. 3 daripada 10 kanak-kanak yang demam sawan akan mendapat

serangan yang sama. Tetapi risiku mendapat demam sawan berkurang

apabila melebihi umur 3 tahun.

ix. Adakah anak itu merasa kesakitan semasa sawan

Tidak. Semasa anak itu tidak sedarkan din dan tidak menyedari apa yang

berlaku.

x. Apakah yang perlu dibuat jika anak anda demam ?

1. Periksa suhu badan menggunakan jangkasuhu.

2. Bukakan pakaian untuk menurunkan suhu badannya dan

rendahkan suhu bilik

3. Lakukan jelungan dengan air paip yang bersih pada keseluruhan

tubuh untuk menurunkan suhu badan. Elakkan dan menggunakan

ketulan ais (air batu).

4. Beri minum air secukupnya.

129

5. Berikan ubat demam kanak-kanak dengan dos yang betui dan

sekiranya anak anda tidak boleh memakan ubat demam, anda.

boleh memberi suppositori paracetamol setiap 4-6 jam sekali:

i. Umur < 1 tahun 5 ml (120 mg)/l sup

ii. 1 hingga 3 tahun 10ml (240 mg)/2 sup

iii. umur > 4 tahun 15 ml (360 mg)/3 sup

6. Sekiranya anak anda masih kelihatan tidak sihat atau mengalami

sakit tekak atau sakit telinga bawa dia berjumpa doktor untuk

pemeriksaan lanjut. Antihiotik tidak semestinya diberikan kepada

semua pesakit demam sawan.

Demam bersama sawan boleh berlaku disebabkan oleh penyakit serius yang lain

seperti radang otak (encephalitis) dan radang selaput otak (meningitis)

contoh:Japanese B Encephalitis (JE). Pesakit yang mengalami demam dan

sawan hendaldah menjalani pemeriksaan doctor

130

16.4 Gelumut

Penyakit gelumut tu sebansa penyakit ti selalu nyerang bala anak mit. Enti orang udah

kena gelumut, iya enda agi kena gelumut. Tiap iku mensia semina sekali aja kena

penyakit gelumut. Penyakit gelumut tu penyakit kulit ti jampat amat berapit.Ia

bebintik-bintik mirah (campak).

131

(Tukarkaleka jaku Melayu tu ngagai leka jaku Iban)

Campak adalah infeksi masa kanak-kanak, penyebab campak adalah virus.Setelah

cukup umum, sekarang campak dapat dicegah dengan vaksin. Tanda dan gejala

campak antara lain batuk, pilek, radang mata, sakit tenggorokan, demam dan ruam,

juga kulit menjadi merah bernoda kutor. Campak bisa serius dan bahkan fatal bagi

anak-anak kecil. Sementara tingkat kematian telah menurun di seluruh dunia sebagai

anak-anak lebih menerima vaksin campak, penyakit ini masih membunuh beberapa

ratus ribu orang setahun, sebagian besar di bawah usia 5 tahun.

Campak adalah penyakit virus yang sangat menular.Virus campak yang terkandung

dalam jutaan tetesan kecil yang keluar dari hidung dan mulut ketika orang yang

terinfeksi batuk atau bersin.Seseorang yang rentan terhadap penyakit campak dapat

menangkap virus dengan bernapas dalam tetesan atau jika tetesan telah diselesaikan

pada permukaan, dengan menyentuh permukaan dan kemudian meletakkan tangan di

dekat hidung atau mulut.

Dari Kasus Campak Hingga Kumplikasinya

Dalam beberapa tahun terakhir jumlah kasus semakin meningkat.Diperkirakan bahwa

peningkatan jumlah kasus penyakit campak adalah karena orang tua tidak

mendapatkan anaknya divaksinasi dengan vaksin MMR. Campak paling umum di antara

anak usia 1-4 tahun, meskipun orang yang belum mendapatkan vaksinasi campak bisa

132

menangkapnya. Pengobatan untuk campak biasanya tidak diperlukan karena sistem

kekebalan tubuh biasanya dapat melawan infeksi dalam beberapa minggu.Biasanya,

setelah seseorang telah berjuang dari infeksi campak, tubuh mengembangkan

kekebalan (resistensi) untuk itu.

Namun tidak menutup kemungkinan kumplikasi campak termasuk pneumonia, infeksi

telinga dan mata serta sesak napas (infeksi paru-paru dan tenggorokan).Kumplikasi

yang lebih serius, seperti radang otak (ensefalitis), yang jarang namun bisa berakibat

fatal.Ada ratusan ribu kematian di seluruh dunia dari campak setiap tahun.

Jika seorang ibu merencanakan kehamilan harus maka pelu memastikan vaksinasi

campak kecuali telah memiliki penyakit campak di masa lalu.Campak selama kehamilan

belum dilaporkan menyebabkan kelainan bawaan pada bayi berikutnya yang

bersangkutan.Namun, dapat mengakibatkan infeksi anak yang belum lahir dan

mungkin di hasil kasus terburuk dalam kematian bayi dari penyakit ini.

133

134

16.5 Renga

Rengga tu sebansa penyakit ti ngasuh berinsak, sendat idung ke lalu ngujungka ka

orang nya bersin-bersin/bekasi. Rega nyadi ketegal mayuh macham. Bisi sekeda nya

enda nakal ketegal ti udah kena beris hujan. Ia jampat gerai enti jampat diperubatka.

(Tukarkaleka jaku Melayu di baruh tu ngagai leka jaku Iban)

Selsema merupakan jangkitan salur pernafasan atas, yang memberi kesan terhadap

salur-salur hidung dan kerongkung yang disebabkan oleh virus.Terdapat lebih dari 200

virus selsema.Jenis-jenis virus mungkin berbeza pada setiap musim. Antibiotik tidak

akan menghapuskan virus-virus. Jangkitan-jangkitan itu akan hilang dengan

sendirinya, kecuali jika terjadi jangkitan sekunder. Antibiotik mungkin dan hanya

diperlukan apabila terdapat jangkitan sekunder.Selsema boleh tersebar dengan mudah

apabila seseorang itu bercakap, membatuk atau bersin atau dengan sentuhan

langsung. Kanak-kanak dengan kerintangan penyakit yang rendah berbanding

dewasa mendapat selsema dengan lebih kerap, misalannya 6-12 kali dalam setahun,

manakala dewasa, mendapat selsema sebanyak 2 kali dalam setahun.

135

136

16.6 Pisa

Pisa tu sebansa penyakit kulit ti kembai, segala, bechura mirah lalu benanah. Pisa enda

tau nabanka nyawa. Pisa semina ngasuh tubuh kitai enda nyamai. Pisa tu ketegal

darah kamah ti bekumpul lalu meku. Nyau kelama ia pansut nyadi pisa.

(Tukarka leka jaku Melayu di baruh tu ngagai leka jaku Iban)

Penyakitbisul merupakan kumpulan nanah terkumpul di dalam rongga yang terbentuk

oleh tisu akibat proses jangkitan (biasanya disebabkan oleh bakteria atau parasit) atau

sebarang bahan asing (contohnya. luka tikaman/tembakan). Ia merupakan sistem

137

ketahanan diri tisu untuk menghalang penyebaran bahan berjangkit kepada bahagian

badan yang lain.

Organisma atau bahan asing yang memasuki sebahagian tisu membunuh sel sekeliling,

membebaskan toksin dan mengakibatkan tindak balas keradangan dengan menarik

banyak sel darah putih kepada kawasan tersebut dan meningkatkan aliran darah di

sekeliling.Dengan itu, nanah adalah kumpulan sel tisu yang mati, sel darah putih,

organisma yang berjangkit atau bahan asing dan toksin yang dibebaskan oleh kedua-

dua organisma dan sel darah.Sturktur akhir bisul adalah dinding bisul yang terbentuk

oleh sel sihat dalam cubaan mendirikan halangan sekeliling nanah yang menghadkan

bahan berjangkit dari struktur sekeliling.

Simptom utama dan tanda sebarang proses keradangan adalah kemerahan, panas,

bengkak dan sakit. Bisul mampu terbentuk pada sebarang tisu pejal tetapi sering kali

berlaku pada permukaan kulit (where they may be superficial pustules or deep skin

abscesses), dalam paru-paru, otak, buah pinggang dan tonsil. Kumplikasi utama

adalah penyebaran bahan nanah kepada tisu berdekatan atau jauh dan tisu mati yang

berlaku secara meluas (gangrene). Bisul pada kebanyakan bahagian badan jarang

sembuh sendiri, jadi rawatan perubatan perlu apabila bisul disyaki berlaku.

Rawatan pilihan pertama adalah pembedahan untuk mengeluarkan nanah.Amat

penting untuk menyedari bahawa rawatan antibiotik tanpa pembedahan untuk

138

membuang nanah jarang berkesan.Bagaimanapun, apabila pembedahan membabitkan

kawasan berisiku tinggi (seperti otak), pembedahan mungkin ditangguhkan atau

digunakan sebagai pilihan terakhir.Penyingkiran nanah dari bisul paru-paru boleh

dilakukan dengan meletakkan pesakit pada kedudukan yang membolehkan nanah

dikeluarkan melalui saluran pernafasan respiratury tract.Selepas pembedahan untuk

membuang nanah, antibiotik biasanya diberikan untuk mengawal jangkitan.Demah dan

meninggikan anggota badan mungkin berguna untuk bisul kulit.

Nanah Perianal terdapat pada pesakit dengan Penyakit Buasir (inflammatury bowel

disease), Penyakit Crohn, atau penyakit kencing manis. Sering bisul akan bermula

sebagai luka dalaman disebabkan oleh ulser atau najis keras. Luka ini biasanya

berjangkit akibat kehadiran najis dalam kawasan dubur (rectal), dan menjadi bisul.Ia

sering hadir sebagai tisu bengkak pada dubur yang membesar dan menjadi semakin

bertambah sakit.

139

140

16.7 Tanda-Tanda Penyakit

a. Kembai

Betambah besai sebesai (kembang). Kadang-kadang ia bisi betambah

mirah semirah.

b. Banggar

Bau ti enda manah disium. Ia bebau tang ukai bau but. Bau banggar tu

kurang ari bau but.

c. Nanah

Nanah tu sekeda darah ti meku ketegal ti udah mega. Darah mega lama-

kelama lalu ngasuh ia nyadi pisa.

’

141

d. Raing

Raing tu geru-geru mit-mit ke tubuh ba tubuh mensia ketegal ti gatal tauka

kelalu angat baka anak mit ti baru ada kena panas. Raing tu enda tau nabanka

nyawa tang ia mega tang ngasuh kitai enda nyamai. Kitai mega bisi berasai

gatal-gatal lalu selalu deka begaru-garu. Nya ka ngasuh perangai kitai ka enda

manah dipeda orang.

(Tukarka leka jaku di baruh tu ngagai bahasa Melayu.)

Ruam adalah perubahan kulit yang mempengaruhi warna, penampilan atau

tekstur.Ruam dapat terlokalisasi di satu bagian tubuh, atau mempengaruhi

semua kulit.Ruam dapat menyebabkan kulit berubah warna, gatal, menjadi

hangat, bergelombang, kering, retak atau melepuh, membengkak dan mungkin

menyakitkan.Oleh karena itu pengobatan untuk ruam, sangat bervariasi.

142

143

17.0 Tunga & Tuju

Chunto 1

Pengkalan Kumputer

ALEX MARY TERRY VIRIT

KENCHANA

UNJIL

ANSAM

CECELIA

JIHAN KARANG

ALGER

UMANG MINAH

RAJA GOPAL

SHUKRI

AYAI LAU

SELAMAT DATAI

KELAS : 1 REGAS

TAUN : 2012

Ngimbai Betunga Bebandung Kiba Kanan Belakang Mua

144

Chunto 2

JALAI API

JALAI BU0RUNG

JALAI BERUANG

JALAI KIJANG

JALAI PELANDUK

JALAI BUSA

JALAI KURA

JALAI BERAGOK

JALAI TUPAI

JALAI SENGAYAN

LOT 906

Batu 3

Gereja Sekula

Hospital

Kantin

Kilang Perumahan

Metong

Perumahan

Sg. Ruan

Perumahan Klampai

Batu 4 Kedai

Perumahan Batu Burak

Pegong

145

18.0 Ayat dalam bahasa Iban

i. Membina ayat mudah dan ayat penyata dalam bahasa Iban. Contoh :

Sapa nama nuan? Aku deka berandau enggau nuan.Mupuk dulu aku. Dini

nuan diau? Rumah aku enda jauh.Lalu kitu wai.

iii. Menggunakan kata tanya dan ayat tanya seperti, lapa, sapa, bakani,

kemaya

iii. Menggunakan ayat permintaan, ayat larangan, dan ayat perintah

146

19.0 Deskripsi rumah orang Iban

147

20. 0 Kareban Rumah

Kareban ti dikena berumah nya endang mayuh. Kemaya hari diatu mayuh kareban

dikena ngaga rumah bebida ari ti dulu menya. Dulu menya orang berumah ngena

rutan dana. Tang kemaya hari didiatu tukuh gaya rumah pan bebida ari ti dulu.

i. Atap

Atap nya dikena nudung rumah ari ti kena panas enggau ujan. Atap digaga ari mayuh

kareban. Enti dulu menya atap digaga ari daun ririk, daun mulung, daun apung tang

kemaya hari tu atap digaga ari sing, sependek enggau ti bukai

ii. Perabung

Perabung tu sebatang kayu ti digaga ba tengah-tengah tukuh rumah. Perabung tempat

endur atap kanan enggau kiba betemu.

iii. Kasau

Kasau nya kayu ke dilekatka ba tulang perabung. Kasau digaga nitihka tulang

perabung. Kasau bisi ke kiba, ke kanan, mua lalu ke belakang. Nitihka gaya tukuh

rumah ti digaga. Kasau lekat ba tukang perabung enggau empayan.

iv. Empayan

Empayan tu kayu ka digaga nitihkaka tukuh gaya rumah. Empayan endur kaki kasau.

Lalu ujung kasau siti lekat ba tulang perabung. Penyampau empayan nitihka tukuh

sesebuah rumah.

v. Dinding

Dinding tu dikena magi bilik siti enggau bilik siti. Dinding mega nyaga kitai ari ti

dikachau ular empayar. Nya alai dinding tu dikena nyaga pengelikun ari kachau utai.

148

vi. Pintu - pintu ruai, pintu bilik, pintu dapur, pintu bilik mandi (agu)

Pintu tu penama kitai ngagai siti-siti bilik. Pintu bisi mayuh bagi baka pintu ruai, pintu

bilik, pintu dapur enggau pintu bilik mandi. Kelimpah ari nya mega bisi pintu agu.

vii. Lantai

Lantai tu endur tiang enggau dinding bediri. Nya alai lantai nitihka pemesai tukuh

sesebuah rumah. Lantai menya digaga ari buluh. Sekeda digaga ari simen enggau

papan. Tang diatu orang nyau mayuh duit lalu lantai mayuh digaga ari “tiles”

viii. Alang

Alang tu kayu ti melintang nunda tulang perabung. Ia nyadika pengering alai kasau

lekat. Penyampau alang nitihka pemesai sesebuah. Kayu ti diguna nitihka pemesi siku-

siku. Bisi orang ngena kayu kering ngambika ulih tan enggau lama agi. Orang diatu

nyau ngena besi laban tusah ngiga kayu.

ix. Suit

Suit tu ia nya kayu ti nyengkar ba baruh lantai. Pewmesai suit selalu 2X4.

x. Gelegar

Gelegar tu digaga ari buluh ti udah dibelah. Selalu nya gelegar dikelalin ngena rutan.

Tang diatu orang nyau bisi belanja lalu ngena paku.

xi. Tiang

Tiang tu ke penguat sesebuah rumah. Penyampau tiang rumah nitih ka pemesai

sesebuah rumah.

xii. Empalang

149

Empalang tu digaga kena nguatka tiang. Tiang dilekatka ba empalang dalam lubang

tiang.

xiii. Paku

Paku tu dikena ngelekatka kayu sama kayu awakka ia kukuh.

xiv. Rutan

Rutan tu diambi ari babas lalu dikena nanchang tiang, dinding awakka ia kukuh lalu

enda rebah.

21.0 Cerita Rakyat/Tradisi Lisan Orang Iban

IBAN PEGI KA SUMATRA, JAWA ENGGAU MALAYA Apin lama udah bala sida Utik dialah lalu dibunoh bansa Murut di Terusan, Minggat Apai Runai ari menua Awik lalu nurun baru ngulu ka bala anembiak iya belayar ngagai menua Pulau Sumatra dalam taun 1890. Orang ari Awik, Krian, Melupa enggau Sebelak ke sekali tu mayuh bendar enggau iya pegi. Nyadi puku ke dibai sida iya pegi ka sekali tu mayuh bendar ti digumpul ngagai mata wang kira bisi bulih $10,000.00. nyadi kebuah Minggat deka pegi ngagai menua Pulau Sumatra nya laban iya udah kelalu chukup mayuh utai udah ulih ba menua kitai di Sarawak ditu, lalu semina utai ke bedau bisi dikemisi ka iya rambau nya, iya nya guchi ti mesai buah terong Dayak. Tuan Raja sigi enda ngasuh iya pegi agi meda umur iya ti nyau tuai, tang laban Minggat tu ke kering ati nya alai iya enda ngasi. Mayuh bendar bala Iban enggau Minggat belayar ngena kapal ke benama Normanby ka menua Singapura, nyengkaum anak iya ke tuai ti benama Munan enggau anak menyadi iya ti benama Nyanggau Apai Linggi.Ari Singapura dia sida iya lalu nambang kapal kena ngelayang ka Pulau Sumatra. Lebuh sida datai di menua Panai, dia Minggat lalu betemu enggau Raja menua nya ka alai iya nyua ka surat Tuan Raja Menua Sarawak. Lebuh iya ke betemu enggau Raja tu, dia Minggat sigi ngena ngepan ti udah diberi Tuan Raja Charles Brooke. Nambah ka nya sekumbang ke nengah jalai niki ngagai rumah Raja nya, Minggat sigi di iring bala anembiak iya enggau payung sutera kuning kena ngayan ka diri nya bansa raja ngagai tuai orang empu menua nya. Udah iya nerang ka penatai diri ngagai Raja nya, Minggat enggau anembiak iya lalu begiga ka reta ka deka dibeli sida. Tang enda mukai-mukai apin sida sampal bulih magang, dia Minggat lalu sakit pedis perut ti ngujong ka iya parai di menua Panai, Sumatra. Udah parai Minggat, bala anembiak iya lalu pulai ari nyin di ulu ka Munan seduai Nyanggau ka menua Sarawak. Nyadi pemulai sida tu bulih bendar reta. Datai di menua tu, niang Minggat ka parai lalu dirapoh bala sida nitih ka adat Iban ti ngintu pemati orang parai lebuh maia sida iya mindah jauh ngejang ari menua.Lebuh sida Munan tu datai di Awik, dia tuai Iban siku ke benama Ampan endang udah digelar perintah Sarawak nyadi Penghulu ka ganti Minggat. Sereta iya udah di chiri ka nyadi Penghulu dia Ampan tu keras bendar deka muai kampung pulau papan pulau ban ke endang udah digalau sida Minggat di menua nya kenyau ari terubah sida iya berimba ka menualebuh sida iya baru pindah kia ka ari menua Paku menya. Tang Munan nagang iya enda

150

ngasuh berimba pulau nya enggai ka nadai agi alai ngiga rutan ngiga danan ka guna bala anak telesak sida iya dudi hari ila. Ninga tangang nya dia Ampan tu keras bendar, nya alai Munan lalu nemuai ka menua Paku enggau menua Padeh nanya ka reti adat tuai pasal atur ngalau pulau kampung di menua lama ari Garan seduai Nanang. Lebuh Munan ka nemuai tu, dia Ampan pan bisi mega nemuai ngagai Tuan Resident Bailey, lalu madah ka Munan minta bantu Garan seduai Nanang ka ngelaban perintah. Nya ninga jaku padah Ampan munyi nya ke lalu ngasuh Tuan Resident Bailey balat bendar pedis ati. Nyadi ke tegal jaku petenah tu, dia Tuan Resident Bailey lalu manggil Munan ngasuh iya enda tau enda undur ka kubau di Kabong ba Nanga Kalaka awak ka mutar ka pengawa nya. Munan pan lalu undur ngena perau boung panjai datai ari Awik lalu di kemudi ka Jungan Apai Chaong ari menua Sebelak. Lebuh ke datai di kubau Kabong sereta tepeda ka perau Munan nyau datai dia Tuan Bailey laban ke udah pedis ati lalu deka nimbak Munan ngena pistol siti-siti ba jari iya sepiak-sepiak.Sereta meda pengachau tak lalu ka nyadi, nya alai Pengiran Matali iya nya siku kunsil ti datai ari Simanggang ke sama enggau Tuan Resident Bailey lalu ngerara madah ngagai seduai nadai guna belaya. Enti kita belaya ku iya, Tuan Resident Bailey seduai Munan tentu sama-sama mati. Iya lalu ngumbai nya ngena iya empu lalu mai Munan empu betemu enggau Tuan Raja ka Sarawak(Kuching). Ninga jaku runding Pengiran Matali dia Tuan Bailey lalu setuju ngasuh Munan nya tadi dibai iya sama ngagai Tuan Raja ka Sarawak. Lebuh ke datai di Sarawak, laban Tuan Raja ke mending ka jaku ti ditulis Tuan Bailey ba surat dia Munan tu tadi lalu kena tan sereta dibichara ka dulu. Tang laban penyalah nya sigi ukai bepun ari iya sereta Petara pen enda ga ngelanjur ka Munan, nya alai iya ti di tan pan enda lama bendar alai iya lalu dilepas ka Tuan Raja baru. Lebuh ti ngelepas ka iya dia Tuan Raja lalu nangkan madah ka Munan enda agi tau mendam diau ba sebelah menua Saribas, lalu iya pan nadai agi kuasa nyadi ketuai di menua nya, laban iya lama udah bebini nguai ka Subang lalu endang udah nampong ruai tikai Libau Rentap di menua Julau. Di menua Julau udah nya Munan lalu dichiri ka perintah nyadi Penghulu. Sekumbang lebuh Munan tu diau di menua Julau dia menua Ulu Batang Ai agi udu bendar kachau bebunuh ngelaban diri sama diri, sereta mega bebunuh ngelaban Tuan Raja di ulu ka bala sida Ngumbang, Bantin, Imba, Allam enggau Ngelingkung dalam taun 1898.Lebuhmenua ke kachau tu, Tuan Raja lalu ngasuh Munan ngayau bedarat ngalah ka menua Ulu Batang Ai. Nyadi iya ke nurun ngayau tu ngulu ka menua Batang Katibas, lalu melunggang ngili ka menua Lubang Baya ke alai iya lalu munoh munsoh ngili ka Batang Ai nyentuk ka ngagai menua Nanga Kaong. Nyadi Munan nadai ngadang bala sida iya ke nuntong nya mujor bendar, nya alai bala Munan bulih pala ka dengah lapan belas igi, enda nyengkaum tangkap. Lalu tekenyit bendar Tuan Resident Bailey di Simanggang kena pansa bala sida Munan ti pulai ngayau tu tadi. Nyadi sida Munan tu enda ngetu di Simanggang tang lalu majak merau mulai ka diri meraka tasik pulai ka menua Sibau(Sibu).Apin lama udah Munan pulai ngayau ngili ka Batang Ai, endur siku ketuai bansa Iban ke benama Pasa, iya nya orang ari menua Sekundong, Paku lalu nurun mendam diau ba menua Kuta Waringin ba menua kilah Kayong, Kalimantan Barat, Indonesia kin ka agi ba menua kena pegai perintah ari menua Banjarmassin. Datai sida Pasa tu din dia iya lalu diau ba Pengiran Ratu, iya nya kepala orang ti megai perintah ba menua nya. Pasa lalu gawa ka Pengiran Ratu undur mudik kulu kili nitih ka asuh Pengiran Ratu. Meda Pasa nya bagas bendar gawa sereta lurus bendar ati, nya ngasuh Pengiran Ratu lalu rindu bendar ka iya. Nyau ke lama Pasa tu udah gawa sereta diau ba Pengiran Ratu, dia Pengiran Ratu lalu meri iya tajau lama lima igi, iya nya benda timbang orang ke salah ngelaban perintah. Pasa lalu gaga bendar ati beempu tajau lama nya lalu dibai iya pulai ka menua. Datai di menua iya lalu begawai nama ka tajau nya, ti chukup ngerindu ka ati bala pengabang mayuh meda gaya pemidik iya ke diberi Pengiran Ratu reta.

151

Udah tembu gawai tu tadi dia Pasa lalu nurun baru sereta disempulang Libu ke bensunbar Bedilang Besi ka menua Kuta Waringin. Lebuh ke pegi tu Pasa seduai Libu Bedilang Besi enda berapa bulih tajau, lalu ka semina Libu Bedilang Besi aja ke bulih tajau ka sigi aja.Tinggal sida ti pegi tu alai orang di menua Ulu Engkari lalu kachau baru ngelaban perintah dalam taun 1902. Sida tu lalu di asuh perintah kayau Munan ti datai ari menua Sibau, Banta ari menua Skrang enggau Insoll ari menua Padeh. Nyadi bala Insoll seduai bala Banta ke datai ari Ulu Skrang nya tadi alah lebuh ka betempuh enggau bala sida Kana ke benung nan ka rumah Jimbau. Semua bala anembiak Banta seduai Insoll nya tadi ke parai lebuh tu bisi tiga belas iku. Nyadi bala Munan ke nuntong ba rumah Jimbau tiga hari dudi agi ari bala sida Insoll seduai Banta ka udah alah, lalu bulih ngapar ngalah ka rumah Jimbau nya lebuh orang benung begawai enchaboh arung gaga ka pala dengah sida iya ke udah ulih tiga hari dulu ari nya. Semua pala dengah ke ulih bala sida Munan lebuh tu iya nya lima puloh igi enda nyengkaum tangkap. Rumah Jimbau ke udah alah laban Munan tu tiga taun dudi ari bala perintah ti di ulu ka Munan belanggar ba menua Wong Adai dalam menua Kanowit ngelaban bala sida Bantin.Nambah ka kayau ti kena sebut tu, Munan mega suah bendar nyadi ka penchilin(sabong) bala Tuan Raja ngelaban Bantin seduai Ngumbang di menua Batang Ai enggau ngayau ka menua Batang Rajang enggau menua Batang Balui di Belaga ngelaban bansa Iban enggau Badang ke agi ngelaban perintah. Munan parai dalam taun 1914 lalu dikuburka ba menua Pulau Keretau seberai pasar Sibau(Sibu). Lebuh iya diau di Sibau udah ke angkat ari menua Julau ari taun 1905, dia iya lalu di chiri perintah nyadi Penghulu Dalam, nambah ka nya iya mega lalu nyadi kaban Kunsil Nengeri begulai enggau Rekaya Pemancha Nanang seduai Pengarah Ringkai ngari ka bansa Iban rambau nya kelia. Nyadi orang ke sama serambau enggau Pasa tu pegi ka menua Kuta Wairingin, alai orang ari menua Paku begulai enggau orang ari menua Rimbas enggau menua Krian lalu nurun pegi di ulu ka Nyaru anak Munji iya nya orang ari menua Karangan Pinggai dalam ai Paku, lalu sida tu pegi ngagai menua Sumatra. Semua tubuh sida tu bisi sereta nurun iya nya tujuh puluh empat iku. Datai sida iya di menua Jambi dia sida iya nadai bulih getah. Laban ketegal nya alai sida iya lalu mulai ka diri ngelayang ka Malaya laban deka ngiga pengawa ngelingi menua Kula Lumpur. Datai sida iya di menua Kuala Lumpur, nyadi perintah menua nya sigi enda agi ngasuh orang berimba ngerumpang kampung puang. Nyadi sida lalu dibai perintah menua Malaya ngayau ngalah ka menua Pahang. Udah sida iya ulih ngalah ka menua Pahang, nya baru sida iya bebagi tubuh, sekeda nya bekerja di menua Bidor, sekeda nya di menua Sungkai, Ipoh enggau Tanjung Malim, semua nya di menua Perak magang. Nyadi Nyaru seduai Entingi Apai Berenai lalu ngulu ka anembiak seduai ngiga pengawa ngagai menua Terengganu, lalu Melina ari menua Ulu Anyut lalu ngulu ka anembiak iya gawa ka menua Perak. Nyadi sida pulai enda sereta, tang semua sida ti pegi ka menua Perak bulih agi wang ari orang ka bukai.Udah bala sida tu datai di menua, nya baru Legam anak Lemada, iya nya orang ari menua Jukun, Paku lalu nurun ngulu ka orang pegi ka menua Sandakan dalam menua Saba(Sabah). Datai sida din, sida lalu ngereja getah semalam. Pulai sida ke pegi tu, semua sida tu bulih magang wang. Udah pulai bala Legam ari menua Sandakan, Mujah anak Mambang iya nya orang ari menua Nanga Boung, Paku lalu nurun ngulu ka orang pegi ka menua Perak. Terubah sida iya datai kin iya nya nambang kapal ari Sarawak(Kuching) ka menua Singapura, tang perintah enda ngasuh sida iya nya mindah jauh. Meda baka nya, dia sida iya lalu rari, lalu ngenchuri nurun belalai nambang kapal ari Pulau Labuan. Datai meh sida iya di menua Singapura dia sida lalu bekayuh ngena perau diri empu ka menua Malaya. Datai sida iya din dia perintah benung enda ngasuh orang berimba ngerumpang kampung puang.Meda perintah nagang sida iya berimba ngerumpang kampung puang dia sida iya lalu mulai ka diri ka menua Singapura baru. Datai sida iya dia, sida lalu betemu enggau Penghulu Sang, Rumpang seduai Nyaru ke baru datai mai bala anembiak pegi ari menua. Ari Singapura Mujah lalu betuai ka Kuk Apai Berangum nitih ka Geraman ke udah nyau ka menua Pulau Langkat. Ari menua Pulau Langkat sida iya lalu belayar baru ka menua Temiang ngena perau ban sida empu. Sida bekayuh mudik Temiang kira ka ulih pudik kapal sehari ngagai simpang.

152

Lebuh nya menua benung kachau bendar antara perintah Belanda mgelaban bansa Acheh di menua Indonesia. Tang sida ke gawa tu endang ati neresap ka diri ensurukmenua rambau nya ka benung kachau. Nyadi semua bala anembiak ke nitih ka Geraman serak tu bisi tujuh puluh enam iku iya nya champur bansa Iban ari menua Paku, Layar, Rimbas, Krian, Sabetan, Sabelak enggau Undup. Di menua Temiang sida iya bejalai berema lima hari sereta betiki ka bukit, udah nya baru sida iya bisi tetemu ka getah ke tau dikerja. Pengelama sida iya bekerja dia, iya nya lima bulan, alah meh nyau datai maia sida iya udah bisi parai tiga iku sereta bakal sikulebuh kena serang bansa Acheh ari Indonesia.Sida tiga iku ke parai nya benama Asut ari Undup, Apai Sumping enggau Atar ari menua Sabelak. Nyadi sida ke bakal nya benama Unjil ari menua Undai, Rimbas. Meda anembiak diri udah kena laban penusah baka nya dia bala sida iya nyau beban terabai laban deka bebalas. Tang runding orang ka tuai mar alai malas, laban tubuh sida iya mimit lalu bala munsoh sigi ditemu endang mayuh bendar. Nya alai sida lalu dibai orang ke tuai mulai ka diri. Nyadi orang ke lalu mendam diau din lebuh nya, iya nya Sana, Pasai, Entipan, Merupi, Sunggom, Antin enggau Lidom. Sida tu nyau ka semua orang ari menua Getah dalam menua Anyut magang. Nya alai laban rumah nyau puang nadai orang agi nampong ketegal nadai agi pulai udah sida iya ka pegi, rumah Danggat Apai Manin di menua Getah, Anyut pan lalu pechah laban ke engka orang ke agi tinggal di menua nya enda tediri ka rumah agi ketegal tubuh sida ke lelaki nyau abis enda pulai pegi ari menua orang. Kemaia tu, rumah tu meh ke panjai bendar kelia udah nampong rumah orang bukai magang. http://johnadamgilbert.blogspot.com ApairosaOnline ApairosaHelpline Adat Bansa Iban BERUMPANG MENUA Posted 4th March 2010 by John Adam Gilbert Udah meh parai tuai bansa Iban ka benama Awan, nyadi pegawa ngayau di menua Paku Ulu lalu diganti menantu iya ke benama Kaya seduai ipar iya ke benama Bayang. Nyadi laban menua rambau nya kelia kelalu balat siga dikachau bansa Seru enggau bansa Beliun, nya alai Bayang lalu diatur Kaya nyaga menua tisau laban iya beberita bengat udu berani ngelaban munsoh. Bala munsoh sida Kaya pan enda mega tentu berani enti sida iya bisi ninga berita Bayang tu bisi nan ke menua.Nyadi menyadi Kaya ke benama Masing enggau kaban sida ke benama Angga lalu diatur Kaya ngemeran ka ngemata ke pengawa sida ti bumai sereta ngadu ka laya sida dia bejaku ke antara tanah lebuh ke bumai betahun. Angkat ari menua Nanga Perak alai Awan ke lalu parai tuai, menantu iya Kaya laki Sawai lalu matak bala sida iya pindah berumah ngagai menu ke dikumbai Nanga Sungai Raya. Ari nya sida iya pindah angkat baru lalu berumah di menua ke dikumbai sida Sungai Kasai. Ari menua Sungai Kasai sida iya lalu pindah baru ngagai menua Nanga Sungai Burak. Lebuh sida iya ke berumah ditu, sida iya ninga berita bala anembiak Uyut Bedilang Besi ari Anyut udah pindah melunggang ngagai menua Bukit Aban laban deka berimba ke kampung di menua Ulu Paku. Ninga berita nya dia sida Kaya lalu angkat udah ke berumah enda lama di menua Ulu Sungai Kasai ensurukkampung dalam laban deka berebut ka menua Ulu Paku enggau bala anembiak Uyut Bedilang Besi. Datai sida di Ulu Paku lalu dibai Kaya berumah ba menua di Nanga Jikang enda jauh ari Ili Nanga Penum. Ari rumah tu sida iya lalu magi tanah ngulu ka menua Penum naka Nanga Sungai Ridan, lalu ngulu ka menua Paku naka menua Kerukuh Beketan, lalu ngulu ke Sungai Paun sampai nyentok naka Tanjung Engkala.

153

Udah meh sida iya magi semua tanah nya tadi sida iya lalu nyurut kediri baru pulai ke menua Nanga Kedup ke di ulu ka Kaya. Nyadi Bayang lalu mai bala anembiak iya berumah ba menua pipi Kedup muak ari ulu tang lebuh maia ke bumai sida iya bumai semina sama bela nyidi bali diri empu magang. Sekumbang sida iya ke berumah dia, dia bisi anembaik siku ke benama Punoh lalu magi diri ari sida Bayang lalu matak bala anembiak iya bebai berumah di menua ke dikumbai Tebing Bindang.Nyau ke lama sida Punoh tu udah nyerara kediri ari orang bukai dia deh bisi siku anembaik Punoh ke benama Gera ditemu ngayap ngagai siku indu anembiak Bayang ke benama Geruda. Nyadi Gera tu tadi lalu nama kediri ngagai Geruda, tang pengawa seduai tu enda di pesetuju ka Punoh jadi melaki bini. Ka ditan Punoh pan enda mega ulih lalu pia mega ka diambi iya pulai Gera ari menua sida Bayang pan enggai. Laban Gera tu endang udah keran sereta mutus ati ka bebini jadi enggau Geruda. Punoh lalu bebai mai bala anembiak iya ngambi Gera tu pulai ari rumah sida Bayang. Nyadi lebuh sida Punoh tu datai ba rumah sida Bayang dia sida iya lalu enda chamang chamang lalu nangkap Gera sereta lalu dibai pulai dikaling baka ke ngaling babi. Meda gaya Punoh ke datai ngagai rumah iya nya tadi nadai enggau basa, nya alai Bayang lalu bejaku enggau Kaya madah ke pengawa Punoh nya tadi salah bendar sereta enda bebasa ke rumah iya. Udah ke ninga berita ke dikenang Bayang nya tadi, Kaya lalu bejaku, “Manah kitai dulu beseruan udah nya baru kitai nunggu iya.” Kebuah sida iya enda tau enda beseruan nya, laban nya sigi endang udah adat tuai kenyau ari Simpang Impang ke nunggu Bunsu Ribut mesti beseruan dulu sebedau nunggu. Seruan sida Bayang pan lalu bejalai ngagai rumah sida Punoh madah ke pengawa sida iya ke ngaling Gera nya ngelanggar adat rumah lalu enda tau enda kena tunggu adat sigi alas. Punoh lalu madah kediri enggai ngisi adat tunggu nya, lalu madah kediri taja bulu manok gagar pan enggai meh iya meri ngagai sida Bayang. Ninga jaku Punoh bengat ngering nya dia sida ke nyadi seruan lalu mulai kediri sereta nusoi jaku Punoh ngagai Bayang seduai Kaya. Bayang seduai Kaya lalu berunding ke jaku Punoh nya tadi ke bengat enggai ngisi adat penti pemali berumah.Nyadi lemai nya Bayang lalu ngempuru ke bala anembiak iya mai berunding ngiga jalai ngadu ke leman antara Punoh seduai iya. Ku Kaya seduai Bayang, “Laban Punoh tu bengat enggai ngisi adat tunggu ke udah dipinta kitai nya, pagila kitai nurun ngagai rumah sida Punoh laban ka ngerampas iya. Ninga jaku orang ke tuai udah munyi nya, dia bisi anembiak siku ke benama Kandau lalu bejaku, “Enti pemutus jaku kitai udah munyi tu, nya alai awak ka aku dulu kin, laban din bengat mayuh tanah mentua enggau tanah ipar aku magang. Din ila baru aku ngumbok sereta mujok sida iya dulu enggai ke kitai ila tau panjai kachau charut enggau pangan diri. Enti sida iya tak bengat enggai ninga ka utai ti ku aku, nadai ku enggau meh kitai, ti ka enda ngerampas meh udah nya.” Nyadi hari siti tak baru tekerebak tebererak tawas hari alai Kandau lalu mupok bejalai dulu ngagai rumah sida Punoh. Nyadi bala orang bukai lalu nitih dudi ari iya mimit. Lebuh Kandau tu tadi baru niki tangga rumah sida Punoh dia bisi siku bala anembiak Punoh ke benama Endong lalu enda chamang chamang lalu malu Kandau ngena lumpong manding lalu kena ba pala ti ngujong ke pala Kandau tu lalu pechah. Kandau pan lalu mati tekala nya ba kaki tangga rumah sida Punoh. Sereta meda Kandau nya tadi udah mati dia bala anembiak Bayang seduai Kaya ke ngentudi ke Kandau nya tadi lalu nikal pulai berinan ke bangkai Kandau nya ngagai rumah Bayang. Nama agi deh tak naka iya pedis ati Bayang seduai Kaya meda pengawa ke udah dikerja bala anembiak Punoh. Semua sida iya lalu naka iya pengeringat lalu madah kediri pagila ka mansang baru sereta ka ngalah ke rumah sida Punoh. Nyadi malam nya meda penusah udah kelalu balat nyadi, reti nya nyau ngiring ngagai jalai kayau, nya alai Punoh lalu naban ka bala anembiak iya ngelari kediri sereta minta di ulu ka bansa Beketan. Orang ba rumah sida Bayang enda nemu berita sida Punoh tu ka ngelari kediri laban benung nyenggai Kandau.Datai bala sida Punoh ke ngelari kediri ba menua Nanga Panyoh dia bansa Beketan ke nyadi malin sida nya lalu dibunoh Punoh dia. Sida Punoh tu tadi lalu mupok majak

154

ngelari kediri ngulu menua Penum sereta melaling ke menua Layar, lalu melunggang lari ngili ke menua Entabai lalu terus ngagai menua Kanowit.Nydi udah tekerebak tawas pagi siti baru Kaya seduai Bayang mai bala anembiak seduai iya nempoh rumah Punoh. Lebuh sida iya nyau datai din, sida iya lalu meda rumah Punoh sigi udah puang nadai orang. Meda utai baka nya, dia bala sida Bayang enggau Kaya lalu ngatur tanah buah enggau temuda rimba sida Punoh enggau anembiak iya lalu pulai ka empa bala mayuh dalam menua Batang Paku. Nyadi semua bansa Beketan Paku meda kaban sida iya udah parai dibunoh Punoh nya alai sida iya lalu takut sereta ngelari kediri diau di menua Ulu Julau enggau ba menua bukai muak tebing kanan mudik Batang Rajang enggau menua Batang Baleh.Nyadi tuai bansa Iban ke benama Kaya tu mati lebuh sida iya ke berumah di menua Nanga Kedup. Udah Kaya mati dia anak iya ke benama Jantan lalu nampong iya nyadi ketuai bansa Iban megai semua menua Paku Ulu berengkah naka menua Nanga Samu ke ulu. Lebuh maia Jantan tu nyadi ketuai , menua sida iya mansang udu kachau, lalu munsoh mega nyau mansang mayuh semayuh datai ari ulu enggau ari ili.Nyadi di menua Paku Ili udah parai tuai bansa Iban ka benama Uyut ka bensumbar Bedilang Besi dia iya lalu diganti menantu iya ka benama Renggi. Nyadi Renggi tu uchu tuai bansa Iban ke benama Jatin ka bensumbar Moahari ari menua Padeh ka bebini ngambi anak tuai Uyut Bedilang Besi ka benama Pala. Udah parai Renggi nya tadi dia pengawa ka nyadi tuai bansa Iban di menua Paku Ili lalu diganti anak iya ka benama Kalanang. Nyadi Kalanang tu mega sebaka enggau apai enggau aki iya ka dulu laban sida tiga tu sama tau nyadi tuai kayau. Iya mega suah bendar matak bala anembiak iya ngayau ngelaban munsoh ka seruran ngenusah ka sida iya disebelah kampung nunga ka menua Krian, menua Nyabor enggau di menua Luba Rajang.Udah meh Kalanang tu parai dia iya lalu diganti anak iya ka benama Uyut. Lalu di menua Paku Ulu udah Jantan tu parai dia pengawa iya ka nyadi tuai bansa Iban lalu diganti anak iya ka benama Libau ka dikumbai Buban. Uyut tu mega tau kayau baka apai iya Kalanang, tang Libau Buban tu enda tau kayau, lalu iya semina tau nyadi ka tuai bansa Iban ka dikumbai bangat lurus bendar ati ngiring bala anembiak iya. Dalam tubuh Uyut iya suah ngulu ka bala anembiak iya ngayau bebunuh ngelaban bansa Seru, bansa Rajang enggau bansa Melanau. Lalu pia mega di menua Paku Ulu senentang tubuh sida tu bisi tuai bansa Iban ke benama Jiram ke dikumbai Rentap mega tau kayau lalu suah ngulu ka bala anembiak iya ngayau ka Batang Rajang ngalah ka bansa Tanjung enggau bansa Kanowit. Nyadi sekali lebuh Jiram ke dikumbai Rentap tu ngulu ka bala anembiak iya nguji ngalah ka bansa Kanowit dia bala sida iya enda mukai mukai lalu alah, lalu pendiau sida iya pan lalu tasah. Jiram Rentap tu lalu parai laban kelalu ikak sereta kebuluran di menua Rantau Bidai semak menua Nanga Labah dalam pegai menua Kanowit. Nyadi ka siku dua agi bala iya ka ulih ngelari kediri datai di menua udah ka lari neresap meraka menua Batang Krian bepedoman ka Bukit Engkalat nya ka bisi nusoi berita sida ka alah ngayau nya. Semua sida Jiram Rentap tu ka parai ngayau lalu dirapoh magang lalu tanda rapoh sida iya nya datai ke kemaia tu hari agi bisi dipeda ari ulu rumah orang Danau tebing muak ka kanan ngulu ka ai Paku.. Nyadi tuai bansa Iban ke benama Uyut anak Kalanang mega suah bendar ngulu ka bala anembiak iya nurun ngayau kelimpah ari bebunuh ngelaban bansa Seru, Rajang enggau Melanau sida iya mega bebunuh ngelaban bansa Brunei, Lanun enggau Bajau ke udu balat ka ngerompak sereta ngipa sida iya di menua tebing tasik. Dalam Batang Padeh lebuh rambau tu mega bisi siku tuai bansa Iban ka benama Rekaya Beti ti bensumbar Tajai Ngindang enggau Rekaya Akun ti bensumbar Badindang mega udu amat charut ngelaban perintah menua Brunei. Di menua Layar Ili bisi siku tuai bansa Iban ke benama Unggang ti bensumbar Lebor menua pan pia mega udu amat nan ke menua sida ari ti deka dissrang munsoh. Sida Unggang tu mega lalu ngansak ka perintah Brunei nyerang Sarawak (Kuching), Sadong, Oya, Mukah, lalu terus ngagai menua Bintulu. Laban empa pemalat serang Unggang nitih ku tusoi cherita, dia deh nyau baka ka ditebas kenu ku pemayuh bangkai mensia ka dibunoh iya, nya alai Nanga Sungai Sarawak lalu dipindah ka orang

155

nama dikumbai nyentok ka sehari tu ngagai Nanga Tebas (Muara Tebas). Nama menua nya lalu ditemu mensia nyetok ka sehari tu. Nyadi sebedau Unggang tu beberita nyadi bujang berani, tau nyadi tuai kayau, sereta nyentuk ka iya tau nyadi tuai serang. Nyadi lebuh maia iya baru ngangkat kediri bujang, dia Unggang tu bisi bemimpi asai ka merau nengah menua Nanga Layar lalu sangkai udah bekau ka dipuput ka ribut ba tengan Bukit Santubong. Ari tengan Bukit Santubong nya iya lalu bejalai niki ka atas ngagai tuchong bukit nya. Apin bengat lama iya udah ngejang ka perau iya, alai endur iya lalu betemu enggau dua iku indu ka naka iya pemajik gamal. Sereta meh indu dua iku nya tadi tepeda ka iya dia seduai iya lalu bejaku, “Kena bendar mega maia nuan ngenatai kediri kitu Unggang, laban kami duai tu tadi tak baru udah tembu mandi.” Indu dua iku nya lalu madah ngagai Unggang seduai iya nadai hari ka berandau lama enggau iya. Sereta meh udah nyebut jaku munyi nya, siku ari seduai nya lalu nyua ngagai Unggang siti batu perunsut. Nyadi ku indu ka nyua ka batu perunsut nya, “Batu tu tau nyadi ka pengaruh nuan Unggang, tau kena nuan matak serang. Nyadi semua menua ari Luba Santubong nebing muak ari kanan nyentuk ka Nanga Layar nya ulih dialah ka nuan magang kena serang. Tang enti nuan lalu nyerang ngelui berengkah ari Luba tu nyentuk ka menua Tanjung Datu kami dua sulu aku tu enda agi ulih ngemata ka semua pengawa nuan nya agi.” Indu dua iku nya lalu madah ka nama seduai iya nya tadi Kumang seduai Lulong. Udah meh Unggang bemimpi tu tadi, iya lalu mupok beban ka perau pengayau ke naka iya pemesai bendar.Nyadi pemesai perau pengayau Unggang tu nunda ku cherita nya, tau alai kitai nganchau ka idas. Nyadi ngena perau nya tadi dia Unggang lalu nyaga Nanga Layar ari ke diserang munsoh, iya mega lalu nachah ka semua orang ke bisi enda dikelala masuk ngagai Nanga Layar.Nyadi Unggang ke nurun matak kayau tu nadai kala mai bangkung mayuh nyempulang iya laban perau pengayau Unggang tu empu sigi endang mayuh sakai. Laban bangkung iya ka naka dua tiga buah aja, nya alai iya enda kala alah lebuh maia sida iya belanggar enggau munsoh. Nya alai laban ketegal Unggang tu chukup beberita berani sereta kering ngelaban munsoh, lalu enti sema orang ke ka mansang ninga berita iya udah bisi beranti ngeling Nanga Layar nyentuk ka Luba Santubong, orang pan lalu nyurut kediri laban enda berani ngelanggar bala Unggang tu tadi. Nyau Ka lama udah Unggang tu ngipa ba tasik baka nya, nya baru bisi bansa China datai bedagang di Sarawak (Kuching) lalu bejaku enggau iya lebuh maia iya ka bisi rembus ba pasar sida ba Nanga Kuching. Bala bansa China ka bedagang nya tadi lalu madah ngagai iya diri empu bisi ati ka bedagang ngagai menua Saribas. Unggang lalu madah ke tau, tang sida iya mesti ka nerebai ka bendera burak ba tiang layar bandong sida. China madah kediri setuju, nya alai sida iya pan lalu dikemendar ka Unggang tau bedagang ngagai menua Saribas. Nyadi utai ke keterubah iya dibai bala bansa China ka bedagang tu ngagai menua Saribas iya nya : periok temaga, periok petani, kali, pinggai, besi gerunong, geri, buri, pelaga, marik lama, tuchong, marik engkabang, rangki enggau tanchut birang. Nyadi utai ka dikena bala kitai bansa Iban bebeli ka utai tu iya nya padi. Lebuh maia tu kelia utai bukai enda dibeli bansa China ka bedagang baka rutan, dambar tauka utai bukai ka ulih begiga dalam kampung. Nyadi rega sigi pelaga iya nya sepasau padi.Nyadi bansa China dagang tu nadai ngereja pengawa bukai semina bedagang aja. Sida iya nadai diau mendam ba menua dalam Batang Saribas. Enti semua barang ka dijual sida nya udah abis laku, sida iya lalu kemaia nya mega mulai kediri ka Sarawak (Kuching) sereta lalu nerebai ka bendera burak ba tiang laya bandong sida enggai ka bala Unggang ke ngipa ba tasik enda ngelala bandong sida. Nyadi semua bansa orang bukai ka enda nerebai ka bendera burak ba tiang layar bandong sida enti bisi dipeda ayan sigi diserang lalu dibunoh bansa orang Saribas tu magang. Anang agi disebut ka enti orang nya ke datai kia bansa Bajau enggau bansa Lanun ka endang sigi udah lama nyadi ka munsoh sida Unggang sama ngipa enggau sida di tasik nunga ka utara Nanga Layar. Semina bansa orang ka enda dibunoh sida Unggang iya nya bansa Laut (Melayu) Saribas ti nemu madah ka tusut diri ari peturun Temenggong Kadir seduai peturun Abang Gudam. Kebuah sida Unggang

156

enda munoh bansa Laut (Melayu) tu laban sida iya nya endang bansa Laut (Melayu) ke udah betampil, inggap, begulai sejalai enggau bansa Iban Saribas lalu sida iya endang sama saum pemakai segulai penemuai enggai jauh pangan. Nya alai endang adat kenyau ari tuai dulu kelia, enti sema bansa Laut (Melayu) tu ka diau semak Nanga Layar lalu nadai buah, nadai payan, nadai lalis tauka danan enggau paku tubu, sida iya lalu mudik ka ulu nukar utai nya ngagai bansa Iban ngena ikan masin, bubok, undang kupak, tesar enggau garam apong. Pia mega bansa Iban lebuh kejang deka nugal, endang sigi ari asal lalu bebai ka bermacham macham utai nya tadi kena sida iya nukar salai ikan kalan enggau mayuh macham bansa lauk ke bukai ti di kemisi ka bansa Laut (Melayu) lebuh maia rambau nya kelia. Nyadi jaku ke dikena bansa Iban tu ngangau ka bansa Laut (Melayu) ke nyadi ka pangan sida iya nya “Udong”. Nyadi jaku tu nadai agi disebut agi diatu laban semina bisi di ka ingat dalam leka main kitai Iban aja.Nyau tuai bala bansa Iban sida tu tadi iya nya anak Rekaya Beti ke digelar Rekaya Pemancha Dana Bayang, enggau Unal ka bensumbar Bulan, enggau anak Uyut ka benama Linggir bensumbar Mali Lebu, enggau Igoh apai Lamban rambau nya kelia udu balat bendar ngelaban perintah menua Brunei. Semua sida tuai bansa Iban tu nyau nguji belayar matak bala anembiak sida iya nurun ngayau merau nebing tasik terus nuju menua Mentrado, Sungai Raya, Sambas enggau Mempawah ti kena pegai perintah menua Kalimantan Barat, Indonesia kemaia tu hari. Nyadi dalam menua kena pegai Skrang rambau tu kelia bisi siku tuai bansa Iban ke naka iya ganas bendar ngulu ka bala anmebiak iya nyerang menua tunga ka Sambas enggau Pontianak, Kalimantan Barat, Indonesia iya nya Libau ka bensumbar Rentap, Bulan Genaya, Bulan apai Jelani, Rekaya Rabong, Rekaya Gasing enggau Renggi. Nyadi di menua kena pegai Banting, Lingga nya bisi tuai bansa Iban siku ka benama Lang ka bensumbar Ijau enggau menantu iya ka benama Rekaya Janting. Enda mukai mukai benung pengachau tu nyadi, dia bisi pengari perintah menua Brunei di menua Lingga ka benama Indra Lila iya nya menyadi Lila Wangsa seduai Lila Pelawan lalu nyabong ngasut bala bansa Iban Saribas enggau bansa Iban Skrang bemunsoh ngelaban bansa Iban Undop, bansa Iban Lingga enggau bansa Iban Banting. Laban jaku petenah ke baka tu nya alai Rekaya Pemancha Dana Bayang ari menua Padeh lalu angkat nyerang rumah tuai bansa Iban ke benama Manang Langgong dalam menua Undop, lalu ngelebor ka menua nya. Ku jaku tuai nyentok ka raung pan nadai meh agi bemunyi dalam menua Batang Undop udah ka bekau diserang iya. Udah pukas mimit pengacghau tu nyadi, alai Luta anak Unggang Lebor Menua lalu bisi ninga berita orang madah ka di Pulau Belitong semak menua Jawa bisi orang nyual tuchong besai ka besai bendar lalu tau dipasok ka ngagai pala. Nyadi iya tu keras bendar deka meli nya awak ka bisi nyadi ka pesaka besai sida iya. Nyadi nya alai iya lalu mai adi iya ka benama Mulok seduai Ketit enggau iya belayar kin, tang sida tiga tu tak lalu nadai pulai tauka ditemu berita agi nyentuk ka sehari tu. Ku berita ka ditusoi dibai bansa Laut (Melayu) lebuh rambau nya kelia bisi orang tetemu ka rampang perau sida tiga ba pasir di tebing tasik semak Nanga Sungai Ubah tunga kilah ujong Tanjung Datu kin ka mimit. Nyadi laya enggau penyarut antara bansa ke nguan menua rambau tu kelia nyau majak nyadi senyadi sereta lalu nangkir menangkir dalam menua Bagi Kedua. Nya alai Rekaya Temenggong Jugah ari menua Lundu nyau datai mantu bansa Balau enggau bansa Undop ngelaban bansa Iban Saribas enggau bansa Iban Skrang.Nyadi sekali Rekaya Temenggong Jugah tu mai bala anembiak iya ngayau ngagai menua Saribas lalu mudik ngagai aip Paku, lalu ngalah ka rumah tuai bansa Iban ke benama Adir ke digelar Bungkuk di menua Matop. Nyadi rumah sida Adir tu alah tang mensia nadai mayuh mati laban sida iya udah dulu nemu berita sida Rekaya Temenggong Jugah tu ka datai nyerang, lalu bala indu anembiak sigi udah dulu dilalai ka sida ngagai menua Ulu Samu. Nyadi nambah ka pengachau tu, bansa Iban Saribas enggau bansa Iban Skrang nyau mansang nyerang ngalah ka bansa Mualang enggau bansa Chengkang enda jauh ari menua Ulu Sambas,

157

ba menua Kalimantan Barat, Indonesia. Nyadi bansa Bugau enggau bansa Memaloh pan sama sama kena rampit penusah tu lalu sida iya suah bendar dialah ka sida bala tuai bansa Iban ke benama Temenggong Simpi Pala enggau tuai bansa Iban ke benama Temenggong Apai Rusoh ari menua Ulu Batang Ai. Sama besenentang enggau penyarut tu, sekali mega tuai bansa Iban ke benama Linggir Mali Lebu ari menua Paku angkat nyerang bansa Bugau ke diau ngalih ari menua Ulu Merakai enggau menua Ulu Ketunggau. Nyadi serang iya tu tadi rat bendar, lalu semua pala ka ulih sida iya maia nya sembilan puloh satu igi enda nyengkaum munsoh ka ditangkap lalu nyadi ka ulun sida iya udah nya.Serambau enggau tuai bansa Iban ke benama Linggir Mali Lebu ka udah ngalah ka bansa Bugau, dia Rekaya Pemancha Dana Bayang lalu angkat ngalah ka bansa Sambas. Nyadi lebuh maia serang tu mayuh bendar bansa Iban Skrang enggau bansa Iban Saribas bulih munsoh sereta bulih perampasan (reta tengkira munsoh ke ulih ngerampas). Nyadi Rekaya Pemancha Dana Bayang tu bulih sebatang meriam ke lalu dikumbai iya “Bujang Timpang Berang” ke bisi ditulis chap 1515 ba batang meriam nya. Nyadi ngena meriam tu mega bala anak iya udah nya lalu diulu ka tuai bansa Iban ka benama Libau Rentap seduai tuai bansa Iban ka benama Rekaya Pemancha Nanang nan ka kuta Bukit Sadok ngelaban perintah menua Sarawak ka betuai serang ti benama Tuan Muda Charles Brooke nyentok ka sida iya alah lalu ngelari ka diri dalam tahun 1861. Laban sama ka bebalas ngelaban pangan ka udah mungkal nyerang pangan diri enggau nadai tentu kebuah, nya alai Ijau Lang siku tuai bansa Iban Balau ari menua Banting lalu mai menantu iya ke benama Rekaya Janting mansang nyerang menua Saribas. Nyadi penurun seduai iya ka mansang nyerang menua iya nya di atur iya baka tu, iya empu ka mansang nyerang sereta ngalah ka menua Paku lalu Janting ka diasuh iya nyerang sereta ngalah ka menua Kalaka. Sama besenentang enggau tu mega bisi siku tuai bansa Iban ka benama Unal Bulan ti datai ari menua Spak, di menua Ulu Layar pan bisi mega undur mai bala anembiak iya ka mansang nyerang menua Bukit Banting di menua Batang Lingga. Nyadi orang ka tuai manaok sabong Unal Bulan tu iya nya benama Uyu apai Ikum seduai Engkudu. Lebuh bala Unal Bulan tu nyau datai di menua Palasan semak Nanga Saribas dia sida iya lalu bemalam. Nyadi semua bala sida iya ka nurun ka nyerang nya dua buah perau besai. Nyadi malam nya dia Unal Bulan lalu ngasuh dua iku bala anembaik iya berenong ngangau ka leka “Renong Kayau”. Nyadi lebuh bala Unal Bulan benung rindang ninga leka renong nya dia deh bala tuai bansa Iban Balau menua Banting ka benama Ijau Lang lalu merau ngulu Layar mansa Nanga Palasan nya. Sida iya lalu tama Palasan sereta lalu nyubok munsoh sida, iya nya bala sida Unal Bulan. Sida iya lalu ngerapat ngerakit ngagai perau munsoh ka ari ili agi udah nya baru sida iya nyerang ngamok bala sida Unal Bulan ka benung mending ka leka Renong Kayau. Nyadi lebuh ka tekenyit laban munsoh, dia bala anembiak Unal Bulan lalu pepar terjun ngelari kediri ka tebing sungai. Nyadi ninga penusah nya tadi udah nyadi dia Unal Bulan lalu ngasuh Uyu ngejang ka perau nya ngansak ka munsoh ka ili ka agi. Sereta meh perau sida Unal Bulan enggau perau sida Ijau Lang udah berimbas dia sida iya lalu beamok bebunuh ka pangan diri. Nyadi udu bendar sida iya beamok maia tu kelia, nyadi Engkudu anak Uyu ka ngeluan perau munyi ku cherita balat bendar malu munsoh ngena turus lalu iya ulih munoh mayuh bendar munsoh. Nyadi sida ka beamok tu mega lama bendar ke ngujong ka bala anembiak Ijau Lang lalu alah. Nyadi Ijau Lang tu empu mega parai lebuh kena serang kayau sida Unal Bulan tu. Nyadi pemarai Ijau Lang iya nya, mati direndam sida Unal Bulan dalam ai enggau lama bendar laban iya tu kebal lalu enggai telih laban besi. Nyadi lebuh nyau dini hari malam nya mega dia bala sida Rekaya Janting ka mansang nyerang ka ngalah ka menua Kalaka pan nuntong ba rumah Rekaya Temenggong Tandok di menua Nanga Melupa dalam ai Batang Krian kena pegai Saratok. Nyadi ba serang kayau tu rumah Rekaya Temenggong Tandok ulih dialah ka sida iya. Nyadi ba serang kayau tu mega Rekaya Temenggong tandok empu parai di bunoh bansa Iban Balau.ari menua Banting, Lingga. Nyadi penyampau semua bala anembiak Rekaya Temenggong Tandok ka parai kena bunoh munsoh enggau iya

158

empu, iya nya seratus tiga puloh iku. Ka dua iku mimit agi ari bala sida Ijau Lang ka parai dibunoh sida Unal Bulan di menua Palasan.Udah meh Rekaya janting ngalah ka ruimah Rekaya Temenggong Tandok di Nanga Melupa, dia deh bisi berita ke ditampong ditusoi bala Laut (Melayu) ba menua Batang Rimbas ka madah ka Rekaya Janting deka mai bala ke mayuh agi ari menua Lingga datai nyerang, laban deka ngalah ka menua Batang Rimbas tauka menua Batang Paku laban deka bebalas ka pemarai mentua iya Ijau Lang ke udah alah diserang tuai bansa Iban ke benama Unal Bulan di menua Palasan dalam Saribas semak Nanga Layar. Ninga berita nya, tusah deh ati tuai bansa Iban ke benama Rekaya Gun Mangku Bumi enggau menyadi iya ke benama Rekaya Antau Linggang Nengri ari menua Batang Rimbas. Nyadi ketegal ti kelalu irau ati dia seduai menyadi lalu berunding ka minta bantu Linggir Mali Lebu ari menua Batang Paku mai ikya sama nachah ka bala sida bansa Iban Balau ka betuai ka Rekaya Janting ari menua Banting, Lingga. Nyadi lebuh seruan seduai iya nyau datai ba rumah sida Linggir Mali Lebu, nyadi sida iya lalu bejaku munyi ka di asuh Rekaya Gun Mangku Bumi enggau Rekaya Antau Linggang Nengri munyi tu, “Nyadi kami ke datai tu Linggir Mali Lebu, datai mai berita enda manah, mai ati ti naka iya penusah, laban kami bisi ninga berita ka ditusoi ditampung bala Laut (Melayu) madah ka bansa Iban Balau ari menua Banting, Lingga ka betuai ka Rekaya Janting deka datai nyerang ngayau ngalah ka semua kitai di menua Batang Rimbas tauka kitai di menua Batang Paku. Kami ka datai ngagai nuan kitu deka ninga ka penemu enggau runding nuan. Nyadi ku ati kami, manah semua kitai tu begempong begulai ngipa sida iya ke ka datai nyerang ba Nanga Rimbas. Baik ka sida iya nya mudik Batang Layar tauka mudik Batang Rimbas, tak begulai meh kitai ngipa sida nya. Kitai anang bepechahtubuh, laban perau kitai mit agi ari perau sida iya.” Nyadi saut Linggir Mali Lebu baka tu, “Ba runding aku pan ngena mega munyi penemu kita nya , laban tubuh sida tentu mayuh sereta bangkung sida pan tentu besai agi ari enggi kitai ditu. Enti kitai belanggar ba ai besai, kitai tentu enda tan laban bangkung kitai mit agi. Nyadi atur kitai ila nganti sida iya baka tu, kitai manah agi beranti dalam Batang Rimbas. Nyadi semua kita ka bisi diau ba rumah di tebing ai ngulu ka Batang Rimbas manah agi lari dulu. Endur kitai ila beranti sereta belali iya nya ba masuk Sungai Undai, awak ka kitai nyamai nitih ka sida enti sida iya mudik ngulu ka ai Batang Rimbas.”Udah meh tembu baum nya, bala sida ka datai ari Batang Rimbas lalu mulai kediri laban begaui deka nyikap diri deka nurun mansang ngayau. Lebuh pemulai sida nya mega sida iya lalu betesau ngagai semua orang ke diau berumah ba nebing Batang Rimbas sereta lalu ngasuh sida iya ngelari kediri jauh ngejang ari batang ai. Udah meh semua sida iya sikap magang enggau reta tengkira pan udah mega dilalai ka ba sebelah langkau umai enggau dalam babas kampung, sida iya pan lalu begerah bebai undur nganti penatai bala Linggir Mali Lebu ka datai ari menua Paku nitih ka semaia aum sida. Nyadi semua orang Batang Rimbas iya ke agi regas endang enggau nurun ngayau magang. Sekumbang sida iya ke ngundur Batang Rimbas dia deh dua buah bangkung digalang ka sida ambi ka bisi alai endur orang berenong ngangau ka leka Renong Kayau. Nyau kelama sida iya pan lalu datai di menua Nanga Undai ke enda berapa jauh masuk Batang Rimbas ari nanga, udah nya sida iya lalu deka tama Undai. Kejang sida iya deka tama Undai dia sida iya bisi meda api orang cheli cheli ke datai ari ili, tang lemambang ka berenong ka leka Renong Kayau nya agi majak ka leka renong seduai. Nyadi ku ati sida api ke cheli cheli dipeda sida iya nya api bala sida Linggir Mali Lebu ke datai ari menua Paku. Sereta meh api ke dipeda sida nya nyau nadai agi, dia alai sida meda perau sida tak karam sebuah, udah nya lalu sebuah dialah ka munsoh. Semua sida ke tau nyemerai lalu terjun ka dalam ai ngidup ka nyawa diri nyemerai ngagai tebing sungai. Nyadi semua sida ke bakal enggau ke enda tau nyemerai nya tadi lalu abis mati lemas tauka amti dibunoh munsoh. Nyadi nama tuai bansa Iban ke parai lebuh ke tasah tu iya nya Entaban anak Rekaya Gun Mangku Bumi, Nyelang seduai Anyum ke bensumbar Bujang Berani. Mayuh bendar pungka lelaki menua

159

Batang Rimbas parai lebuh maia tu kelia, datai ka nyau nadai mai perau pulai nusoi berita ka rumah diri empu agi. Nyadi ari semua anak Rekaya Gun Mangku Bumi ka siku aja anak iya ke enda enggau nurun ngayau.Apin lama udah bekau pengachau tu dia Linggir Mali Lebu ari menua Paku lalu nyerang ngalah ka menua bansa Melanau di Matu enggau di menua Ilas. Mayuh bendar bala anembiak Linggir Mali Lebu bedengah maia ngayau tu. Sida iya ngalah ka rumah Melanau nyau ulih nepok belindong ngena bangkung ari baroh rumah. Sama besenentang enggau Linggir mali Lebu ke ngalah ka ilas, dia tuai bansa Iban ke benama Libau Rentap ari menua Skrang lalu matak bala anembiak iya ngayau ngalah ka bansa Sambas enggau bansa Mempawah di menua Kalimantan Barat, Indonesia. Di menua Mempawah dia sida Libau Rentap tu bulih bendar perampasan enggau dengah ke ulih sida iya ngelanggar ngalah ka kapal bansa Belanda.Enda lama udah bekau Libau Rentap ke ngalah ka bansa Sambas ari menua Kalimantan Barat, Indonesia dia tuai bansa Iban ke benama Linggi apai Belabut ari menua Bangkit, Paku lalu matak bala anembiak iya ngayau nyerang bansa Dayak Bidayuh di menua Tinting Bra’ang lalu terus bebunuh terus ka menua Duri ke kena pegai menua Sambas, Kalimantan Barat, Indonesia. Di menua Duri sida Linggi Apai Belabut tu mayuh bendar tetemu ka emas tang enda nemu guna enggau nya, nya alai lalu dibuai sida iya ka ai. http://johnadamgilbert.blogspot.com ApairosaOnline ApairosaHelpline Adat Bansa Iban Posted 15th December 2009 by John Adam Gilbert

IBAN BETAMPIL ENGGAU BEKETAN Nyadi di menua Kumpang, pati Batang Ai, udah parai Nunong anak Pateh Ambau seduai Remias, dia anak Nunong ke benama Chaong lalu angkat enggau bala anembiak iya pindah ke menua Skrang lalu diau di menua Tanjong Lipat. Nyau ka lama udah parai Chaong, nya baru anak iya ke benama Tindin ke bensumbar Pimpin Beragah Ngindang lalu angkat ari menua Tanjong Lipat enggau bala anembiak iya lalu pindah ngagai Ulu Skrang lalu berumah ba Nanga Akup. Sida ke berumah ba menua tu chukup tusah bendar laban udu siga di kachau bansa Beketan. Nyau kepuas sida iya ke siga baka nya lalu lebuh maia malam hari sida iya suah bendar mindah bemalam dalam perau, lalu awak ke sida iya lantang agi tindok belaboh ba tengah ai ngelari kediri ari di kachau bansa Beketan ke selalu nyumpit sida ngena ipoh.Nyau kepuas ke merinsa diau ngelari kediri baka nya, dia Tindin lalu mai bala anembiak iya pindah baru ngagai endur menua ke dikumbai Seraka Dua dalam pegai menua Tebat, pati menua Batang Skrang. Sekumbang sida ke diau dia, baka nya baru ga penusah sida iya laban ke agi siga selalu dikachau bansa Beketan belama. Sida iya lalu ngelari kediri baru ari menua nya. Udah nya Tindin lalu mai sida anembiak iya nya pindah ke menua Enteban lalu berumah di menua ke dikumbai Meram. Sekumbang ke diau dia mega sida iya pan agi tusah ati, laban ke agi siga selalu dikachau bansa Beketan. Lalu ketegal nya sida iya lalu pindah baru ke ulu agi, ngulu menua Enteban lalu berumah ba menua ke dikumbai Batang Galau. Lebuh sida iya nyau bumai ba menua ke di kumbai Ulu Galau Wong ba tanah ke dikumbai sida iya Sungai Lungun, Tanah Degum nya baru sida iya nemu diri lantang nadai agi dikachau bala munsoh bansa Beketan. Tang deh lebuh tu dia tak enda mukai mukai rumah Buau Nyada, menantu Buau Lembu lalu di alah ke munsoh ti datai ari menua Sebuyau. Nyadi nama Buau Nyada tu ke bendar iya nya Maling.Nyadi bala bansa Sebuyau ke udah ngalah ka rumah Maling nya enda lalu nyerang ngalah ke rumah Tindin. Kebuah sida iya enda ngalah ke rumah Tindin nunda ku kenang cherita tuai, laban Bunga Nuing udah ngentak ka ragai sekayu kena melepa rumah Tindin ambi ka rabun ari peda mata bala munsoh.

160

Udah nya lebuh ke agi diau ba menua di Ulu Enteban, dia Tindin lalu manjok burong ba kaki umai iya empu di menua Bukit Ensanga ba antara menua Ulu Enteban enggau menua Ulu Buai ba pati ai Padeh dalam Batang Layar, kena pegai menua Betong. Nyadi lebuh iya ngabas panjok burong iya nya pagi siti, dia iya meda mata panjok iya nya bisi disintak ka orang enggau papong kayu magang. Dua tiga pagi udah nya lebuh iya ke ngabas panjok dia agi ga orang bisi beduan iya baka nya. Nyau kepuas nyepi diri udah dikeduan orang asai nya dia iya malam siti lalu bemalam laban deka ngipa orang ke udu ka beduan iya. Nyadi lebuh agi sesebun embun pagi lebuh iya ke ngabas panjok dia iya lalu betemu enggau orang siku ke benung kiroh begumpul ka burong ke udah ulih panjok iya nya lalu nganti burong nya enggau papong kayu. Meda orang nya beduan iya baka nya dia Tindin lalu balat bendar ringat sereta lalu numbok orang nya ngena beruak tang tak enda kena ditumbok iya. Seduai iya lalu sama bebalas balas numbok pangan diri tang lalu sama sama enda tekena ka pangan diri mega. Nyau ke leju seduai ke udah betumbok ke pangan diri baka nya, alai Tindin nyau enda berasai lalu nanya ka sapa nama munsoh iya nya tadi. Munsoh ke enggau iya betumbok nya tadi lalu nyaut sereta madah ke nama diri, “Aku tu Entinggi bejulok Keti Aur Tulang, tuai Beketan menua Paku ke diau di tuchong Bukit Saban tinggi kediri nadai nenjang."Entinggi pan lalu nanya ka nama Tindin. Tindin lalu madah ka nama diri, “Aku tu Tindin bejulok Pimpin Beragah Ngindang, tuai Iban Skrang ke diau di Ulu Enteban.” “Enti munyi nya badu agi tua tu bebuti unggal,” ku Entinggi nganu Tindin, “laban tua tu sama sereta nyilak ka kibong Kumang,” Sereta Entinggi udah nyebut jaku nya tadi seduai iya lalu sama sama nyeliah ngelari ka pangan diri lalu pulai ke rumah diri empu. Enda bengat lama udah nya alai Tindin lalu mai bala anembiak iya ngayau ngalah ka rumah Entinggi dalam menua Paku pati menua Saribas di tuchong Bukit Saban. Nyadi berita sida Tindin ke deka ngayau nya jampat bendar ditemu sereta didinga bala anembiak Entinggi. Lalu ketegal nya dia Entinggi lalu mai bala anembiak iya baum. Bala anembiak iya nya ari dua bagi ke dikumbai “Beketan Kampung” enggau “Beketan Temuda.” Reti nya Beketan Kampung, laban sida ke bansa tu nya enda bumai lalu Beketan Temuda tu iya nya bansa Beketan ke bumai betaun baka kitai Dayak Iban bukai. Udah meh datai semua bala Beketan, dia Entinggi lalu mai sida iya berunding ke bakani ku chara sida iya ka nan ka menua sida iya ari ke di serang sereta dilanggar bala Iban ari Skrang ke betuai ka Tindin. “Aku,” ku Entinggi, “bisi ninga berita Tindin tuai Iban ari menua Skrang udah ngempuru ka bala iya laban deka nyerang menua enggau bansa kitai dalam Batang Paku enggau tubuh ke mayuh bendar.,”“Nyadi aku ke ngempuru ka kita mayuh tu datai kitu baka nya mega, deka mai kitai mayuh berunding ke bakani ku jalai kitai tau ulih nan ka menua kitai tu ari dilanggar bansa Iban nya ila. Nyadi bansa Iban tu mayuhtubuh, lalu bansa kitai tu mimit bendar tubuh, nya alai kitai enti ngelaban sida tentu enda tan enti enda chukup akal. Aku sayau bendar ka menua kitai tu,” ku Entinggi, “laban menua kitai ditu semak apong mayuh pantu asal, sereta enggau tanah manah bendar alai kitai ngidup kediri.” Nambah ka nya ku iya, di menua tu mega mayuh bendar ikan enggau jelu. Ninga jaku Entinggi munyi nya dia Agan tuai Beketan ari menua Nanga Gelu Penuan di menua Ulu Paku lalu nyaut. Ku iya, “aku nadai tentu mayuh runding, dibai kita ngansak ka munsoh deka, dibai kita nan ke menua ba menua kitai empu pan deka. Semina utai ke di ke enggai ke aku iya nya, lenyau menua dirampas orang enti kitai enda ngelaban.”Udah Agan bejaku munyi nya, nya baru Entigu tuai Beketan Kampung ari menua Ulu Paku lalu bejaku, ku iya,”aku nadai meh tentu panjai penemu, tang aku nitih ka penemu kitai mayuh. Nan ka indu anembiak ba menua kitai empu ditu pan deka meh aku, di bai ngansak ngagai menua munsoh pan deka meh aku tu, semina utai ti di ka enggai ke aku iya nya ngelari ke diri ninggal ka menua enda ngelaban munsoh. Ninga jaku semua bala tuai sida udah setutok penemu magang, Entinggi pan lalu bebai sama nyikap diri magang ngansak ka munsoh. Bala Beketan ke enggau iya ngayau iya nya bala anembiak ke betuai ka Marjuong ari Ulu Bu’ut, bala anembiak ke betuai ka Marjillan ari Ulu Serudit,

161

bala anembiak ke betuai ka Bangkit ari Paku Tengah, bala anembiak ke betuai ka Agan ari Nanga Gelu Penuan enggau bala anembiak ke betuai ka Entigu ari Ulu Paku. Sida nurun bedarat ngili ai Paku lalu ngulu ka ai Sekundong enggau ngili ka ai Pasa, udah nya baru sida iya ngulu ka ai Layar. Datai meh sida iya ba Nanga Padeh dia sida iya lalu ngulu ka ai Padeh lalu betiki ngulu ka Geraji mansang ngagai menua Skrang. Nyau ka lama udah sida iya nya tadi bejalai sida iya pan nyau datai ba Tinting Kayu Ukir ba empelai tinggi bandir alai sida iya pan lalu besatup enggau bala Tindin. Sida iya pan lalu betempuh beamok betumbok enggau seligi enggau sangkuh. Balat bendar sida iya belaban betachah dia tang lalu sama sama nadai ulih ngalah ka pangan diri.Nyau ke lama sida iya nya tadi udah belaban alai Entinggi pan lalu ngangau ka Tindin, “Oi Isan Tindin, uji ngetu dulu semua kitai tu beamok ka pangan diri.”Ninga Entinggi nyau ngangau ka iya nya tadi ngena jaku “isan” Tindin pan lalu nyaut nanya ka nama kebuah Entinggi nya tau ngumbai iya nya tadi “isan”. “Kati nuan bisi anak bujang alai nuan tadi tau tak lalu ngisan ke aku ?” pia ku Tindin nanya Entinggi.“Bisi,” pia ku saut Entinggi.“Kati ku nuan deh bisi anak dara ?” pia ku Entinggi mega nimbal Tindin.“Bisi,” pia ku saut Tindin mega nyaut tanya Entinggi nya tadi.“Enti munyi nya manah agi tua tu anang agi belaya lalu beamok ka pangan diri, manah tua lalu bejadi ka anak tua melaki bini, awak ka laya tua tu badu” pia ku Entinggi madah ka Tindin bebai bebaik enggau pangan diri. Ninga jaku Entinggi nya tadi dia Tindin pan lalu bejaku, “enti nuan deka bejadi ka anak tua, aku pan deka mega enti nuan deka ngisi derian nitih ka pinta aku.” “Nama derian ke ka dipinta nuan kena tua bejadi ke anak tua deh?” pia ku Entinggi. Tindin lalu madah kediri minta derian, “Palit Mata” nya pala sigi engkerebai ditutup enggau gong ketegal seduai iya betampil ari dulu udah bebunuh. Entinggi lalu madah kediri deka ngisi derian ke di pinta Tindin nya tadi, tang maia iya kia ka baru datai ngisi derian nya nganti maia bulan purnama ke ka datai. Tembu Entinggi seduai Tindin bebaik ngena jaku semaia nya tadi semua sida iya ari sepiak sepiak lalu mulai kediri ngagai menua diri empu. Tang bangkai Bikup ke parai lebuh sida ke beamok nya tadi lalu dibai bala sida Entinggi pulai ke Paku lalu ditumbak ke sida ba menua ke dikumbai orang diatu Bukit Bikup ba menua antara Ulu Sekundong enggau Ulu Serudit enda jauh ari tinting antara menua Paku enggau menua Layar.Apin lama udah pulai nya, Entinggi lalu mai bala anembiak iya ngayau baru kena begiga ke pala munsoh kena sida iya ngisi derian “Palit Mata” ke di pinta Tindin. Pulai sida iya ngayau nya tadi, nyau purnama bulan baru, nya baru Entinggi mai bala anembiak iya nganjong derian ngagai Tinting Kayu Ukir, empelai tinggi bandir, pah Bukit Ensanga antara Ulu Buai enggau Ulu Enteban, alai Tindin enggau bala anembiak iya ke endang udah nganti sida Entinggi nitih ka semaia sida maia ke beamok dulu ari nya. Datai sida Entinggi din, dia bala Tindin endang sigi udah nganti. Udah sida tembu besurong ka derian nya tadi, bala Entinggi pan lalu di bai Tindin sama enggau ngagai rumah panjai sida iya laban sida iya deka melah pinang anak dara Tindin ke benama Rinda enggau anak bujang Entinggi ke benama Demong. Udah meh tembu pengawa sida nya ke melah pinang, Entinggi pan lalu mai menantu iya nya tadi pulai ke Paku nitih ke adat melah pinang bejadi melaki bini bansa Dayak Iban. Pia mega nunda nitih ke adat derian “Palit Mata” tu dudi ari nya enti sema ka bisi tuai tuai kitai Dayak Iban bisi bejadi ke anak sida belaki bebini ari dulu udah bebunuh, sida deka minta derian “Palit Mata” laban sida iya ka bebaik ngerja pengawa ke manah udah bekau ke bebunuh enggau pangan diri, tang dikumbai “Palit Mata” laban kena nebus ai amata kaban belayan tauka suku juru sida ti udah parai nadai, lesi bebadi maia sida ke udah beamok bebunuh nya tadi. Apin lama udah bekau pengawa melah pinang nya, Tindin pan lalu nemuai ngusong isan iya Entinggi ke menua Batang Paku. Datai iya din, Entinggi lalu mai iya nemuai meda gaya rampa menua Batang Paku, menua Samu enggau menua Anyut. Sekumbang seduai iya ke bejalai meda rampa menua Tindin lalu dibai Entinggi betemu enggau tuai Beketan siku ke benama Agan ba

162

menua Paku Tengah, seduai iya mega lalu betemu enggau Entigu siku tuai Beketan Kampung ba menua Ulu Paku.Nama rindu bendar ati Tindin meda pemanah bala Beketan dia nyambut penatai sida iya sereta pemanah rampa menua dia mega. Tindin lalu madah ngagai Entinggi ati diri ke ka pindah ngagai menua Paku enti sema Entinggi enggau tuai tuai bansa Beketan bukai ka nerima penatai iya enggau bala anembiak bansa Dayak Iban bukai ari menua Skrang. Ku saut Entinggi, “Manah bendar runding nuan nya enti bala kita sama ka diau ba menua kami ditu, laban menua kami ditu agi mayuh puang.” Ninga saut isan iya Entinggi nya tadi, Tindin lalu mulai kediri ke menua Skrang lalu ngambi bala anembiak iya bebai pindah ngagai menua Batang Paku. Datai iya di menua Skrang, Tindin lalu nusoi berita iya ke pulai nemuai ngagai isan iya Entinggi enggau pemanah rampa menua Paku ke dipeda iya laban agi mayuh ikan, mayuh jelu, semak apong enggau mayuh kayu tapang. Iya madah kediri deka mai bala anembiak iya pindah ka menua Paku laban bansa Beketan di menua Paku deka mai sida begulai sejalai saum menua enti sida iya deka. Ninga berita munyi nya, dia semua bala anembiak Tindin pan lalu sampal deka magang enggau iya pindah ke menua Paku. Nyadi sida pindah ari menua Skrang nya merau ngili ka Batang Ai, lalu ngelayang ka Nanga Layar. Dalam menua Layar sida iya lalu bemalam ba menua Telok Semaruang, angkat ari nya sida iya lalu bemalam ba menua Tanjung Orang Tuai ke lalu di kumbai orang diatu Tanjung Pendam tauka Tanjung Rangka. Angkat ari menua Tanjung Rangka sida iya pan lalu datai di menua Nanga Pingan dalam menua Paku ke lalu nyadi alai sida Tindin tu tadi keterubah iya berumah. Nyau ke lama udah sida Tindin tu diau dia, sida iya pan lalu pindah baru ke ulu ke agi lalu berumah ba menua Lubok Berutan. Angkat ari menua Lubok Berutan sida iya lalu pindah baru ngagai menua pun Tanjung Melanyut ke alai Tindin tu lalu mati tuai. Nyadi Rinda seduai Demong tu endang sigi udah bisi anak lebuh Tindin tu mati. Semua anak seduai iya nya tadi lima iku, lalu benama Kelanang, Kelimbang, Bundak, Jawai enggau Bakak ke bensumbar Asu Rangka. Lebuh Rinda nya beranak ka Bakak dia iya lalu parai, laban lebuh iya ke benung bekindu dia iya lalu ditinggang kasau indu lalu kena ba bubun aji iya ti lalu ngujong ke iya nadai. Bangkai Rinda nya tadi lalu ditumbak ka begulai enggau pendam apai iya Tindin di pendam banchak menua Nanga Beduru. Udah parai Rinda, Demong pan lalu bebini baru. Nyadi sekali tu iya enda agi bebini ngambi indu bansa Iban tang bebini ke indu bansa sida iya empu ke benama Lemia ke lalu enggau iya beranak mayuh bendar. Enggau bini baru iya tu Demong lalu pindah ke menua Julau sereta ninggal ke bala anak dulu iya diau begulai enggau bansa Dayak Iban dalam Batang Paku.Nyadi anak indu Demong ke benama Jawai lebuh iya nyau baru angkat dara lalu parai. Ketegal ti tusah ati ka pemarai Jawai laban ti ka siku nya aja anak indu iya enggau Rinda, nya alai Demong enggau bala anak dulu iya lalu ngelumbong ke bangkai Jawai tu ba tuchong Bukit Lumbong enda jauh ari ulu Nanga Matop dalam menua Paku. Nyadi anak bunsu Demong ke benama Bakak nya tadi enda bebini jadi enggau indu Iban dalam menua Paku tang iya bebini jadi enggau indu Iban ari menua Batang Ai. Kejang Bakak tu deka nurun bebini ngagai menua Batang Ai kin dia tabak antu pala enggi iya di tumbak ka iya ba Nanga Tumbai atas pala Lubok Tembop dalam menua Paku.Nyau lebuh Demong udah tuai bisi sekali iya ngundang bala anak dulu iya ari menua Julau ke Paku, lalu lebuh ke nemuai nya iya bisi mai batu besai sigi ke lalu diujak ke iya ba Nanga Entaih ari ili Nanga Awas di Ulu Krian ke kena pegai menua Saratok. Nyadi kebuah Demong tu ngujak ke batu nya tadi ambi ke nyadi antara menua kena iya magi bala anak dulu iya di menua Paku enggau bala anak dudi iya ari menua Julau. Nyadi batu nya tadi lalu dikumbai orang ba menua Ulu Krian “Batu Tanam” ke lalu diatu ngimbai nya lalu bisi pendam orang Ulu Krian ke di kumbai sida Pendam Batu Tanam kira pejalai kaki setengah jam ari Rh. Langan, Ulu Krian enggau Rh. Jawi, Awas, Krian, Saratok.

163

Nyadi ku sumpah Demong, “Nyadi bala anak dulu aku tau pindah ka ujong jalai meraka batu tu, tang bala anak dudi aku enda tau nikal ngelui batu tu ka pun jalai.”Nyadi Demong tu parai tuai di menua Julau, tang bangkai iya diambi bala anak dulu iya lalu ditumbak ke sida iya mungkal Pendam Pejok ari ili menua Samu dalam menua Paku. Udah parai Demong, anak iya ke benama Kelanang, Kelimbang enggau Bundak lalu nyadi ke tuai orang ngintu menua Batang Paku. Rambau tu tubuh sida iya nguan menua nya bedau mayuh lalu nadai mayuh macham bansa penyakit ke tau munoh nyawa mensia mega. Lalu sida iya nguan menua Paku pan lantang senang laban menua nya agi manah sereta nadai munsoh ngachau pendiau sida ngidup kediri besari sari. http://johnadamgilbert.blogspot.com ApairosaOnline ApairosaHelpline Adat Bansa Iban Posted 13th December 2009 by John Adam Gilbert

IBAN ARI BATANG AI Nyadi Batang Ai nya endang menua lama penatai bansa Iban. Nyadi bisi siku bansa Iban di menua tu kelia ke endang ukai berasal ari Batang Ai. Agi kelia menua Batang Ai tu agi nyamai bendar alai diau, labn orang ketuai agi nemu diri sama diri sereta enggau agi deka bendar bebasa ka pangan diri. Sida iya mega selalu nemuai ngundang pangan diri lebuh maia sida iya bisi lepa ari ngereja pengawa, sereta agi mega bisi bepadah ka pangan diri beambi ngabang enti sema sida iya bisi ngereja pengawa begawai ka besai agi. Nyau ke lama bansa Iban udah nguan menua Sarawak tu menya dia bisi Iban siku ke benama Dunggat ti datai ari menua Ulu Ai ke jadi melaki bini enggau indu siku ke benama Inche, iya nya indu siku ke datai ari menua Kumpang. Nyadi sebedau Dunggat tu jadi enggau Inche, dia iya endang udah betunang enggau siku indu ke benama Chula, iya nya indu orang datai ari menua Ulu Ai. Nyadi tunang seduai tu rumbau laban Dunggat nyau matak jaku ketegal iya ti keras bendar ka jadi enggau Inche ke ari Kumpang nya tadi.Apin bengat lama udah Inche nya tadi jadi enggau Dunggat alai seduai iya pen lalu bisi anak. Lalu taja pen Inche tu udah beranak siku tang Chula tu endang agi mengkang pedis ati ngagai iya ketegal ti udah begulai sejalai enggau tunang iya Dunggat ke dulu suba. Nya alai ku ati Chula, “Enti enda ketegal penemu Inche, Dunggat tentu enda mungkir janji ke ka jadi enggau iya.” Rambau nya kelia Dunggat sigi siku lelaki ke endang nyadi buah jaku sida ke indu ba menua sekayu Batang Ai. Sekumbang Chula ke agi begedi ka Inche, dia endur Indai Lemanyie lalu bisi datai nemuai ka Kumpang ari Ulu Ai. Indai Lemanyie lalu bisi mai ilom pinang dua iti ti dikirum ka Chula ngagai Dunggat seduai Inche. Lebuh Indai Lemanyie nyau datai di Kumpang dia ilom pinang nya pen lalu disurong ka iya ngagai Inche. “Ari ni penatai ilom pinang tu ?” ku Inche. “Ari Chula,” ku Indai Lemanyie. Ninga saut iya tak munyi nya, Inche lalu mapa ka ilom pinang nya tadi. Nyadi ilom pinang ka dikirum Chula ka Dunggat nya tadi lalu diserungkai Inche. Nyadi peda iya dalam ilom pinang nya tak bisi bulu manok enggau bulu burong menaul, lalu bisi mega bulu ukui enggau bulu mayau. “Nama utai disimpan dalam ilom pinang tu tak baka tu ?” ku Inche. Dunggat lalu nanya ka ari ni penatai ilom pinang nya. “Ari Chula sigi dikirum iya ka nuan,” ku Inche, “dibai Indai Lemanyie.” Udah meh meda utai tak bengat nyelai baka nya dia ilom pinang nya tadi lalu dipurok ka Dunggat ngagai lubang ka baroh rumah. Tang Inche mansang irau bendar ati, laban iya nyangka nya rachun pengaruh ka dikirum Chula ka dikena iya ngerusak Dunggat seduai iya. Nyadi hari siti Indai Lemanyie lalu deka mulai ka diri ka Ulu Ai. Lalu laban ke agi irau ati ka kirum ilom pinang nya tadi dia Inche seduai Dunggat lalu mesan ka Chula ngasuh iya enda tau enda anang laun datai ngagai seduai iya beguai betelesai ka pasal kirum ilom pinang nya. Indai

164

Lemanyie pan lalu mupok mulai ka diri.Enda lama udah nya alai Chula pan lalu datai ari Ulu Ai. Nyadi lebuh malam nya sida iya lalu betelesai ka ilom pinang nya enggau Inche seduai Dunggat. Chula lalu ngaku diri amat bisi ngirum ka rachun pengaruh pemenchi ngagai seduai iya laban ka ngasuh seduai nya sarak. “Nama guna nuan ka beduan kami duai baka nya?” ku Inche, “enda iboh diberi nuan pemenchi pen enti nuan amat ka jadi enggau Dunggat, laban nuan tau nanggong iya berangkat ari aku.” Nambah ka jaku nya tadi, ku Inche, “Nya alai nya ukai semina pemenchi tang rachun.” Ku saut Chula, nyadi ilom pinang nya ukai rachun tang semina pemenchi ke ka dikena iya nyarak ka Inche seduai Dunggat.“Rachun,”ku Inche, “enti aku mati ketegal nya ila aku enggai enda minta pati nyawa ari nuan iya nya sigi tajau menaga.”Udah abis sida iya ke bechakah ketegal ilom pinang nya alai Chula pen lalu mulai ka diri ka Ulu Ai hari siti. Enda bengat lama udah bekau nya alai Inche lalu kena sakit raya ke lalu ngujong ka iya parai. Ninga berita Inche nya udah parai, dia menyadi iya ke benama Lajang seduai Tugong ke diau di menua Buie lalu ngabas penusah iya ngagai menua Kumpang. Datai seduai iya din, seduai lalu ngempuru ka semua tuai tuai orang Kumpang mai sida iya ngagai menua Ulu Ai laban ka ngerampas tajau menaga sigi ke untong Chula kena betebus bebayar ka pati nyawa Inche ke udah parai laban makai ilom pinang ke digulai Chula enggau rachun pengaruh. Pagi siti sereta meh udah niang Inche nya ditumbak ka alai Tugong seduai Lajang lalu besikap laban deka mai bala tuai tuai orang Kumpang nurun mansang ngagai menua sida Chula di Ulu Ai. Nyadi sida ke nurun ngerampas tu nadai begaga ka langkau penunggu ke nyadi alai sida iya betandan mansang ngerampas, laban sida iya udah udu bendar pedis sereta ringat ati. Datai sida iya di menua Ulu Ai, sida lalu ngerampas tajau menaga sigi ke endang nyadi pemai Chula empu lalu ditaban ka sida pulai ngagai menua sida di Kumpang. Meda pengawa sida ari menua Kumpang nya bengat ngeneras nya dia deh Mandau, Sumping, Naga enggau Bararo lalu balat bendar enda lantang ati. “Enti kitai tu tak bengat bisi ngereja penyalah ku sida ari Kumpang nya, lapa sida iya enda dulu mansang mai betelesai ka penusah sida ba moa tuai tuai mayuh, nyadi pengawa sida ke ngerampas tajau menaga pemai Chula tu nya ukai dikumbai kitai adat,” pia ku jaku ransi bala sida nya tadi.Udah meh tembu aum sida iya malam nya, pagi siti Naga lalu mai Sumping ngulu ka bala sida semua mansang ngayau ngalah ka menua Kumpang. Datai sida iya di Kumpang, sida iya lalu ngelaban munsoh sereta bulih dengah pala dua igi. Udah tembu nya sida iya lalu mulai ka diri baru ngagai menua Ulu Ai. Apin lama iga udah sida iya mulai ka diri ngayau ngagai Ulu Ai, alai bisi bala anembaik ari menua Ulu Ai mansang ka ngalu meli garam ngagai menua Nanga Skrang. Lebuh anembiak dua iku tu mansa menua Nanga Kumpang seduai iya lalu dibunoh Lajang seduai Tugong dia. Udah parai seduai nya, dia pengawa kayau anak ari menua Ulu Ai enggau Ili Ai lalu majak mansang nyadi bendar ngujong ka sida nyau balat bemunsoh enggau pangan diri ketegal ti mansang ka bebalas ngelaban pangan.Nyadi sida iya sama enda tentu ulih ngalah pangan diri. Nyau kepuas ti idup asai nya lalu ati sida iya semampai irau takut ka bala munsoh munoh, alai Apai Ramba seduai Apai Jega lalu mai bala besai mayuh mansang ngayau ngalah ka menua Ulu Ai. Lebuh pengachau tu nyadi dia rumah Temenggong Simpi Pala enggau rumah Gunggang Gerasi di menua Rantau Panjai enggau di Nanga Delok lalu nyadi ka alai pintu bunoh laban sida iya enda ngari ka ari nya nya ke bala sida ti bemunsoh tu. Lebuh Apai Ramba nyau datai ba rumah Temenggong Simpi Pala di menua Rantau Panjai, dia iya lalu betemu enggau Jaburi bini Temenggong Simpi Pala ke benung mandi ba pendai. Sereta meda sida nya datai ari ili, Jaburi lalu ngasuh sida iya ngetu lebuh ke mansa nya. Sida Apai Ramba nya enggai bendar ngetu tang Jaburi majak bendar ngumbok ngasuh sida iya enda tau enda ngetu. Sida Apai Ramba pan lalu ngetu ga ba pendai sida nya.Jaburi pen lalu nanya ka nama kebuah sida

165

iya tak datai bengat ngemayuh nya tubuh ari ili. Apai Ramba lalu madah ka pejalai sida ti nurun mansang ngayau ka ngalah ka rumah sida Mandau, rumah sida Sumping lulu pia mega terus deka ngelebor ka rumah Temenggong Apai Rusoh di menua Ulu Ai. Ninga kebuah jaku sida nyau munyi nya, dia Jaburi lalu nagang enda ngasuh sida. “Nama kebuah kita deka kiroh datai ngenyauh nya ka nguji ngalah ka Lubang Baya, Nanga Tiga enggau Nanga Mujan lalu ngenusah ka diri ngelaban wong. Enda kita nemu orang rumah Tegaran, rumah Jangkilan di Nanga Musing nya endang orang ti beburong raya, beburong rindang. Enti malam sida nya ke bekupan bejaga ba batu anchau, enti maia pagi sida iya nya ke bejembi dipuchok kayu galau. Reti nya sida tu endang orang ke lebuh malam hari besalai ka pala munsoh lalu lebuh maia pagi siang hari sida iya diau betan di rumah ngirai diri.Kebuah alai Jaburi berani meri sida Apai Ramba jaku nya laban iya empu sigi endang indu datai ari Kumpang ke belaki nguai ka Temenggong Simpi Pala lalu iya empu mega endang petunggal enggau Apai Ramba. Iya mega lalu betenah madah ka orang menua Nanga Musing ke endang ditemu diau di pintu bunoh nya sigi suah udah nulong orang ke diau di menua Ulu Ai belalai ngalah ka menua Kumpang.“Enti munyi tu berita,” ku Apai Ramba seduai Apai Jega, “orang nya meh dulu dialah ka kitai, laban sida iya bengat kelalu udu udah nipu kitai.” Kejang sida deka angkat mupok dia Jaburi lalu bepesan ngagai bala sida enda ngasuh munoh unggal iya bini Jangkilan. “Tanda iya, enti bisi berema anak lalu nyandik anak iya ngena pua lebor api,” ku iya. Udah ninga jaku pesan Jaburi nya magang bala sida pen lalu nyendia ka diri deka nampong mudik baru.Datai sida di Nanga Tebelian dia sida iya pen lalu sangkai. Ku Apai Ramba, “Nyadi semua kita ke ngerambing bedarat nya lagi dudi, lak ka aku dulu mansang merau tu dulu kin. Kitai enda iboh bepenginau. Enti aku udah nuntong di pangkalan, nya baru kita ke ngerambing nya tau besedia ka ngalah ka rumah munsoh.” Bala sida Apai Ramba lalu merau mupok ngejang ka nya. Datai perau Apai Ramba ba pangkalan rumah orang Nanga Musing dia iya lalu betemu enggau bala indu ke benung mandi. Ba indu ke mandi tu tadi iya lalu mesan ngasuh Tegaran seduai Jangkilan sama nurun ka ai, laban iya deka berandau enggau seduai. Enda lama udah nya pen lalu datai Tegaran nyandik kambut lalu dikentudi ka Jangkilan ke mai kungop. Sereta seduai iya deka nudok ka diri, angkat Apai Ramba lalu ngamok sereta munoh seduai iya dia.Sereta udah meh parai Tegaran seduai Jangkilan, alai bala mayuh besai ke bedarat pen lalu datai sereta lalu ngalah ka rumah orang Nanga Musing. Nyadi rumah orang Nanga Musing lebuh tu puang bendar nadai orang ke lelaki laban sida iya udah nyau begiga ka ikan ngagai danau. Semua indu enggau anembiak, enggau orang ke tuai tuai umor aja ke agi bisi tinggal dia. Sida Apai Ramba bisi munoh munsoh lalu bulih dengah tiga puloh igi sereta bulih perapasan tajau tiga puloh igi. Udah alah rumah orang Nanga Musing nya, baru sida iya ingat ka jaku pesan Jaburi. Digiga sida iya dini alai bangkai indu ke dipadah ka bisi besandik anak ngena pua lebor api munyi ku jaku pesan tang lalu nadai temu. Nyadi bini Jangkilan lebuh rumah sida ke dialah ka tu, benung iya nempa periok tanah ngena pua tekalong. Lalu betudong ka pua nya iya lalu ngelari ka diri ngelesit bala mayuh sereta naban ka anak iya lalu nyau. Nyadi anak indu iya siku ke benama Simpo enda sempat ngelari ka diri, nya alai iya lalu ulih ditangkap Apai Ramba empu.Udah alah rumah orang Musing, Apai Ramba lalu mai bala iya pulai ke Kumpang. Lebuh sida nyau datai di rantau ai lalu mansa rumah Gunggang Gerasi dia Apai Ramba lalu ngetu sereta nusoi diri ngagai Gunggang Gerasai madah ka diri udah ngalah ka rumah sida Tegaran enggau rumah sida Jangkilan di menua Nanga Musing. “Oh naka ga nuan tak baka tu, mansang nurun ngayau enda bepadah lalu munoh orang baik ke nadai penyalah,” ku Gunggang Gerasi nyaut iya.Gunggang Gerasi lalu nurun nangkin nyabor mai Apai Ramba bepantap. Apai Ramba enggai lalu iya pen enda engkeretik. Nyau kepuas iya ke ninga jaku putap Gunggang Gerasi nya baru iya nusoi diri ngalah ka orang Nanga Musing laban ari

166

jakuasuh Jaburi bini Temenggong Simpi Pala ke madah ngagai iya orang Nanga Musing tu aum juak enggau orang ari menua Ulu Ai lalu bisi kala udah enggau munoh orang ari menua Kumpang. “Bula Jaburi,” ku Gunggang Gerasi, “nadai orang Nanga Musing kala enggau sida Naga, sida Temenggong Apai Rusoh enggau Sumping mansang ngayau ngalah ka menua kita.” Nama agi deh lalu nesal sereta berasai tusah hati Apai Ramba ninga jaku Gunggang Gerasi nya tadi, nya alai iya lalu mai bala iya undur. Undur meh sida iya lalu lebuh datai ba pendai rumah Temenggong Simpi Pala di menua Rantau Panjai, sida iya lalu ngetu baru nusoi berita diri ngagai Temenggong Simpi Pala iya nya perau sida benung sarat laban pala orang ari menua Nanga Musing. “Enti dek ka nanam igi semakau ba amau dan kara di menua Nanga Musing tau dek mudik kulu,” ku jaku bungah Apai Ramba enggau Temenggong Simpi Pala. Tekenyit bendat Temenggong Simpi Pala ninga jaku iya nya lalu angkat sereta ngedar ka nyabor lalu mansang ngeransi ka tanju, lalu sepiak rarat. Iya lalu ngangau mai sapa bagi sida Apai Ramba deka betangali alan bebunuh ngelaban iya. Nyadi Apai Ramba enggai, lalu sida iya pen lalu majak undur kili pulai ka Kumpang. Nyau kelama sida iya ke undur nya, sida pen lalu datai ba menua Nanga Buie, sida lalu ngetu ba rumah Untu, rumah Bulan enggau rumah Bantin. “Dini kita nurun ngayau nya unggal? “ ku Untu. “Dia,” ku saut Apai Ramba, “di menua Nanga Musing.” “Bulih kita?” ku Untu nanya Apai Ramba. “Bulih!” ku Apai Ramba Nyaut, “dengah bisi bulih tiga puloh igi pala, lalu tangkap bisi tiga puloh iku mega bai kami.” Nyadi lebuh Untu nyau tepeda ka Simpo udah nyadi ka tangkap Apai Ramba iya lalu berasai sinu bendar ati, lalu minta diri deka nebus Simpo ari tangkap nya. “Tau,” ku Apai Ramba, “enti dek amai ka nebus Simpo nya tau meh tang mesti ngena tajau menaga sigi ke ditutup enggau setawak selabuan.”Untu lalu nyadi nebus Simpo nya ari ke nyadi tangkap Apai Ramba, nadai nemu ku enda nebus Simpo nya laban iya tak bengat anak sida diri petunggal. Nyadi Simpo pan lalu diau tinggal ba aya iya Untu di menua Nanga Buie.Apin lama udah meda orang menua Nanga Musing ke udah punggor dialah ka bala sida Apai Ramba ari menua Kumpang dia Gunggang Gerasi, Naga, Sumping lalu nurun nyuong Ujan, Mandau enggau Temenggong Simpi Pala mansang ngayau bebalas nguji ngelebor ka ngalah ka menua Kumpang. Sida lalu mai bala bansa Beketan ari menua Ulu Ai kira bisi bulih seribu ikutubuh enggau sida nurun ngayau nya. Dia Gunggang Gerasi lalu bejaku “Enti Temenggong Simpi Pala enggai enggau kitai nurun ngayau, rumah iya ila lalu alah ka ulih bala kitai, laban pengawa kitai ke kachau tu bepun ari jaku mulut bini iya Jaburi, ke ngepun ka orang menua Kumpang nya ke ngayau ngalah ka menua Nanga Musing.” Sida pen lalu undur, nyadi lebuh sida nyau datai di menua Nanga Pan ke enda jauh ari ulu rumah panjai Temenggong Simpi Pala, dia sida lalu ngetu lalu ngasuh bala bansa Beketan begiga ka ipoh. Sekumbang sida ke ngetu bergaga ka laja enggau ipoh dia, ari nya baru Sumping seduai Naga beseruan ngagai Temenggong Simpi Pala mai iya nurun enggau sida nurun ngayau ngalah ka menua Kumpang. Ninga jaku anjong seruan Sumping seduai Naga nya, dia Temenggong Simpi Pala lalu bejaku. “Oh! kati ku aku tu ka enggau kita mansang nurun ngayau ngalah ka bala ipar enggau ngayau ngalah ka bala mentua aku din.”“Enti nuan enggai enggau kami nurun ngayau ngalah ka menua Kumpang ngambi ka bebalas ka pemarai bala orang ari menua Nanga Musing, rumah nuan tu ga dialah ka kami ila,” ku seruan madah ngagai Temenggong Simpi Pala jaku Sumping seduai Naga. “Endai! Kati ku nya tau tak baka nya deh bakih. Nama chara aku tu dibai bala kita, nurun mansang ngayau munoh bala mentua enggau ipar aku magang di menua Bukung enggau di Salindong nya,”ku saut Temenggong Simpi Pala.Ninaga jaku saut iya tak majak madah ke diri enggai nyadi enggau sida Gunggang Gerasi tu mansang ngayau ngagai menua Kumpang, dia bala seruan nya tadi pen lalu pulai sereta nusoi jaku ke udah di saut Temenggong Simpi Pala nya tadi ngagai

167

Gunggang Gerasi. Ninga jaku saut Temenggong Simpi Pala nya tak melintang bendar, sida Gunggang Gerasi lalu berasai tusah bendar ati. Nya alai sida iya pen lalu undur laban enggai enda bejaku betemu moa enggau Temenggong Simpi Pala nya empu.Datai sida di rumah Temenggong Simpi Pala, sida lalu berandau enggau iya empu laban ka nentu ka jaku iya nya tadi.Nyadi Temenggong Simpi Pala endang nadai berubah jaku laban madah ka diri enda nemu chara ka nurun enggau sida iya ngayau ngalah ka menua bala mentua enggau bala ipar iya empu di menua Kumpang. Gunggang Gerasi pen lalu nyaut,”Nuan Temenggong Simpi Pala enda tau enda nurun enggau kami ngayau ngalah ka menua Kumpang, laban orang ari menua Nanga Musing udah parai sereta bulih pengerusak enti enda ketegal jaku petenah ari bini nuan Jaburi ngagai bala sida Apai Ramba ke nurun mansang ngayau suba.”Ninga jaku nya Temenggong Simpi Pala sigi ngenjing enda berait, tang sida iya lalu mai orang mayuh ngaga kuta ba rumah panjai sida iya dulu beguai enggai ka bala sida iya ka nurun undur ngayau. Sehari nya sida iya ngaga kuta ngelingi rumah panjai sida nya pen lalu ulih ga ditembu ka. Nyadi bekau kuta rumah panjai sida tu agi bedau ulih dipeda nyentuk ka sehari tu ba tebing kanan Rantau Panjai mudik Batang Ai. Lebuh sida iya betatam di menua Rantau Panjai, nyadi berita sida nya bisi kena dinga bala sida Apai Ramba ari menua Kumpang. Nyadi bala sida ke ari ili pen endang udah besedia nganti rumah sida ari ke ka diserang munsoh, iya nya bala sida Gunggang Gerasi. Nyadi sida Apai Ramba lalu ngaga ipa jaga ba Nanga Seremat.Nyau ngalih hari bala sida Gunggang Gerasi pen lalu undur. Nyadi malam nya sida undur ari ulu merau begadai gadai. Nyadi kira maia tengah malam dia bala ke jaga ipa ai sida Apai Ramba di Nanga Seremat lalu bisi tepeda ka kenaya api orang datai nyau baka liau datai nuju sida agi di ulu din. Meda utai tak baka nya, sida lalu belanda beguai guai ngerah orang ke di rumah madah ke bala munsoh bisi datai ka ngalah ka rumah sida bebala besai mayuh. Sereta ninga berita nya, dia Apai Ramba lalu bejaku madah ka utai ke bisi dipeda sida nya semina api chak lut tang ukai api bala munsoh. Iya lalu nganu bala jaga iya nya ngumbai bala sida buyan sereta takut. Api Ramba lalu muru bala jaga iya nya ngasuh bala sida kin ka baru. Lebuh sida nyau datai di Nanga Seremat dia sida iya nadai agi meda api laban bala munsoh udah ngelebus merau ka ili. Sida pen lalu pulai madah ka diri nadai agi meda utai nya agi ngagai Apai Ramba. Ninga berita nya dia Apai Ramba lalu bejaku “ Nya alai aku tadi ngumbai nya utai ngapa ke bisi dipeda bala kita.” Kira meh nyau maia dini hari dia bala sida Sumping enggau bala sida Naga pen lalu ngalah ka rumah sida Gelau enggau rumah sida Kamarau di menua Setuga. Rumah nya pen lalu ulih mega dialah ka sida laban orang ke lelaki nadai agi dia laban udah enggau bala sida Apai Ramba ngeram ka ipa di ulu din. Nyadi dengah, tangkap enggau perapasan ulih bala sida Sumping enggau Naga tu mayuh bendar tang nadai madah ka penyampau. Nyadi rumah panjai bukai ke ulih dirumban sida Sumping enggau Naga dikayau ngelingi menua nya sigi lalu rentong magang ditunu sida ngena api. Lebuh maia agi urap hari benung bala sida Apai Ramba ke agi ngeram ka ipa ba Nanga Seremat dia bala sida iya lalu tekenyit maia malik ke ili laban meda langit nyau terang kuning laban asap enggau pandang api ke ngangus ka rumah ti udah ditunu bala munsoh. Nya baru sida iya ngadang rumah sida din sigi udah rentong magang ditunu munsoh malam nya. Udah ke ulih ngalah ka rumah sida Apai Ramba dia Naga seduai Sumping lalu ngulu mai bala anembiak seduai pulai mudik ka ulu. Nyadi bala anembiak Temenggong Simpi Pala siku ke benama Kibong lalu ngulu ka bala orang bukai nya pulai bedarat. Meda Kibong udah ngenulu ka bala sida ke pulai ngayau nya bedarat dia bala sida Apai Ramba enda munoh iya laban iya nya tak petunggal sida empu.Lebuh sida ke pulai bedarat tu dia Temenggong Simpi Pala sigi bejalai enggai dulu tauka enggai mega dudi ari bala mayuh laban iya naka iya ka penakut ka diri parai dibunoh bala sida Apai Ramba. Udah meh sida iya meda bala munsoh mansa, nya baru Apai Ramba seduai Apai Jega mai bala anembiak seduai ngepong bala sida ke bedarat nya ngulu ka Nanga Seremat

168

laban deka negah bala sida nya di Nanga Piyat. Datai bala Naga di menua Nanga Piyat, dia Apai Ramba lalu ngangau ka sida agi mai sida ngetu bebuti. “Di ili tadi agi belala,” ku bala sida ngayah ka bala sida Sumping enggau Naga. Ninga jaku Apai Ramba nya dia Sumping seduai Naga lalu nyaut madah ka diri endang deka. Nyadi perau kayau sida pen lalu disangkai ka tebing laban beguai ka diri ti ka belaban. Nyadi orang ke nyadi manok sabong Sumping nya benama Taboh sigi udah dulu agi putus ari enggi sida ke bukai dengah ulih iya, lalu ditaban bai iya ngagai tugong bala. Udah nya datai ga Sibat ke nyadi manok sabong Naga lalu madah ka semua munsoh ke udah bakal endang udah dianjong sida iya ka menua Ulu Piyat.Sibat empu lalu bulih dengah rawai empat, lalu iya ke bensunbar Enturan Besi mega bulih dengah pala sigi. Udah meh sida nyau nemu endur bala anembiak Apai Ramba ke baka nya belalai, sida lalu mupok nyidi kin lalu ulih munoh semua bala anembiak Apai Ramba ke udah bakal nya tadi. Nyadi Apai Ramba nya tadi pen lalu alah, lalu semua bala sida iya ke agi idup lalu ngelari ka diri ngagai menua Kumpang. Nyadi Naga seduai Sumping nya aki Penghulu Gerinang enggau Penghulu Jinggut ke diau di menua Baleh, Batang Rajang. Nyadi Simpang ke bedengah Radin Apai Embuas lebuh maia kayau tu nya aki Penghulu Imong enggau Penghulu Jalek ke diau di menua Kumpang. Radin nya aki Penghulu Masam ke diau di menua Katibas, Song lalu sama petunggal diri menyadi enggau Simpang.Dulu ari tu kelia menua Batang Ai nadai kala bebunuh nglaban diri sama diri, laban sida iya endang sama diri sekaban diri sebelayan magang, endang nadai orang bukai. Nyadi kenyau ari tu nya baru menua nyau kachau, kachau belama lama, alah datai ngagai bala bansa Iban ke lalu disabong Raja Sarawak bebunuh ngelaban diri sama diri. Lebuh ke bebunuh ngelaban Raja Sarawak bisi meh bala sida nya kemang ke ulu lalu bisi meh nya kemang ka ili lalu bebunuh diri sama diri enda beapai enda beindai laban enggai enda dikumbai orang kering sereta berani rambau nya kelia. Agi ngingat ka diri ti udah alah tu dia Apai Ramba lalu mai bala besai mayuh baru mansang ngayau ngalah ka rumah sida Apai Likup di menua Entago ari atas menua Nanga Jengin. Nyadi lebuh tu rumah Apai Likup nyau udah punas kena serang bala sida Apai Ramba. Meda menua sida nyau agi majak kachau lalu enda nemu bebaik agi dia alai Sumping lalu mai Temenggong Simpi Pala pindah ngiga menua ke nyamai agi tau alai sida iya diau. Nyadi Temenggong Simpi Pala lalu madah ka diri enggai pindah, laban iya enda tetinggal ka Petara ke bisi ngemata ka iya ba Bukit Tunggal ari ili Nanga Kaung.Meda iya enggai enggau dia Sumping lalu mupok pindah ka menua Batang Jekelan. Nyadi Naga lalu mai bala anembiak iya pindah ngagai menua Batang Kanyau, Kalimantan Barat, Indonesia lalu diau ari ulu menua bansa Memaloh. Nyau ke lama udah diau dia, dia Naga lalu pindah baru melunggang ka menua Ulu Katibas, Song lalu berumah ba menua Rantau Likau. Lebuh sida berumah ba menua tu, sida iya endang agi meruan dititih ka bala sida Apai Ramba ngena chara kayau anak ari menua Kumpang, tang bala sida iya nadai kala pedis baka ke udah. Ari menua nya sida Naga lalu merurut ngili ka Batang Katibas lalu berumah ba menua Nanga Menuan. Nyadi Sumping tu parai lebuh sida iya berumah ba menua Genting Tilan ba menua Bukit Chundong, ba antara menua Ulu Katibas enggau Ulu Jekelan. Udah parai Sumping dia iya lalu diganti anak iya ke benama Gerinang Nitek seduai menyadi iya ke benama Unggat. Nyau ke lama udah Sumping seduai Naga udah nyau pindah, nya baru Temenggong Simpi Pala pindah ari menua Rantau Panjai ka menua Seriang. Di menua Seriang nya baru iya balat bendar bebunuh ngelaban bansa Tawang, bansa Selimbau enggau bansa Kantu.Bala sida Temenggong Simpi Pala tu menang, nya alai bala bansa Iban bisi bulih bagi enggau beempu danau dia datai ka kemaia tu hari. Papan antara Danau empu bansa Iban enggau bansa bukai agi bedau bediri dia datai ka sehari tu ke lalu dikumbai orang menua nya Tanda Tembang.

169

Nyadi Gerinang Nitek seduai Unggat pindah ari menua Nanga Menuan ke alai seduai iya balat bendar bebunuh ngelaban bansa Lugat, bansa Ukit enggau bansa Tanjong ke berumah panjai ba menua Nanga Gat. Nyadi laban munsoh ke mayuh, nya alai sida iya nama nya nyurut ka diri ke ili, lalu nama nya nyurut ka diri ke ulu Batang Rajang enggau Baleh, sereta lama bendar ke baka nya pendiau.Udah meh parai Gerinang Nitek nya alai pengawa ke nyadi ketuai lalu diganti Gunggang Matahari. Udah parai Unggat dia alai iya ke nyadi ketuai lalu diganti Keling. Nyadi Keling seduai Gunggang Matahari tu diri menyadi, iya nya sama sama anak Unggat, tang Gunggang Matahari tu udah diiru Gerinang Nitek. Gerinang Nitek bebini ngambi anak Simpo ke udah kena sebut kitai ba cherita pun pengachau sida Apai Ramba di menua Nanga Musing, nya ke beranak ka Gunggang ke bensumbar Matahari. Gunggang Matahari tu beranak ka Semalan ke lalu belaki ngambi Lon, ke lalu beranak ka Miloh. Nyadi Miloh tu belaki ngambi Penghulu Attan lalu beranak ka Penghulu Nyanggau seduai adi iya ke benama Penghulu Jinggut di menua Mujong dalam pati menua Baleh, Batang Rajang. Nyadi Keling lalu beranak ka Rando, ke lalu belaki ngambi Lang. Seduai iya lalu beranak ka Penghulu Gerinang dalam menua Batang Gat. Penghulu Gerinang lalu beranak ka Penghulu Kumbong ke lalu nganti iya nyadi ketuai ba menua Batang Gat. Di menua Seriang, Temenggong Simpi Pala lalu berumah di menua Nanga Badau, alai iya lalu beranak ka Temenggong Runggah. Temenggong Runggah lalu beranak ka Temenggong Buah, Temenggong Guntor enggau Ba. Nyadi Ba tu jadi enggau Bejau lebuh sida iya agi diau di menua Nanga Badau lalu beranak ka Garung. Nyadi garung tu lalu belaki ngambi Jubang, lalu beranak ka Temenggong Kuh lebuh sida iya diau di menua Pulau Ensulit dalam menua Batang Kanyau. Nyadi bala sida Temenggong Kuh tu diri menyadi mayuh, nya alai menyadi iya siku ke jadi enggau Penghulu Gerinang lalu beranak ka Penghulu Kumbong dalam menua Batang Gat. Ari menua batang Kanyau, Ba lalu pindah ka menua Katibas, tang iya endang dudi agi pindah ari bala anembiak ke betuai ka Sumping seduai Naga. Lebuh Ba datai di menua Bukit Mubau, dia iya lalu betemu enggau Iban siku ke benama Malintang ke datai pindah ari menua Batang Ai, ari menua ke dikumbai Tembawai Sandong, enda berapa jauh ari menua Nanga Delok. Ari Bukit Mubau, Melintang lalu nitih ka Ba berari ari nyentok ka menua baru alai sida iya pindah nya nyau nadai utai ngachau agi. Lebuh Ba tu diau di menua Bangkit dalam Katibas dia sida iya lalu pechah empat buah rumah. Nyadi sekeda nya lalu diau mendam dalam Katibas lalu bisi sekeda nya pindah ka menua Kanowit. Nyau kelama udah nya Ba lalu pindah baru sereta diau enda jauh ari menua Nanga Katibas. Ba menua tu iya lalu bepangan enggau Sekalai seduai Sawing, iya nya tuai bansa Kanowit enggau bansa Tanjong. Lebuh nya seduai iya apin nundok ka perintah menua Sarawak ke betuai ka Raja Brooke.Udah nya Ba lalu pansut ari menua Nanga Katibas lalu berumah di menua Nanga Ngelai enda jauh ari menua Song. Lebuh iya diau ba menua tu, iya lalu besebila(bepangan) baru enggau Sawing. Sawing lalu meri iya tajau menaga sigi lalu Ba malas Sawing enggau ulun iya siku ke benama Attok. Kira tiga taun iya udah diau dia, dalam taun 1870 maia Balang tuai Iban ke diau di menua Katibas ke angkat ngelaban Raja Sarawak, iya lalu dibantu menyadi iya ke benama Enjop. Meda pengachau nya udu nyadi, nya alai Ba lalu mai bala anembiak iya pindah nikal ngagai menua Batang Kanyau. Ari menua nya taja iya enda tentu bebendar ngelaban Raja Sarawak, tang iya selalu datai mantu bala sida Balang. Nyadi penyarut lama bendar nyadi di menua Katibas nyentuk ka datai maia Balang tu nyau parai digayang bala perintah Sarawak di menua Pulau Selalau, semak menua Sibau(Sibu) dalam taun 1871. Udah meh parai niang Balang digayang perintah di menua Pulau Selalau semak menua Sibau(Sibu) dia menyadi iya ke benama Enjop lalu angkat baru ngelaban perintah Sarawak dalam Batang Katibas dalam taun 1876.Tiga taun udah pukas pengachau ke diketuai ka Enjop tu alai

170

Kedu ke bensumbar Lang Ngindang ke datai ari menua Skrang mega lalu angkat ngelaban perintah Sarawak ketegal iya ringat bendar kena tagang perintah muka laya enggau bansa Kantu. Nyadi Kedu Lang Ngindang tu ngelaban perintah empat taun brengkah ari taun 1879 nyentuk ka taun 1881. Dalam taun 1881 iya lalu nundok di Bukit Setulak ba antara menua Ulu Skrang enggau Ulu Kanowit begulai enggau bala Libau Rentap. Udah Kedu Lang Ngindang nya tadi dialah kena serang bala sida Tuan Maxwell, Orang Kaya Pemancha Nanang, Jabu enggau Utik, iya lalu mai bala anembiak iya rari baru ka menua Kanowit udah bekau sida diukum perintah ngena tajau sepuloh igi. Ari menua Ulu Kanowit nya baru bala anembiak iya angkat baru pindah baru ngili ka menua Kanowit lalu diau berumah baru ba menua Embawang Assan(Bawang Assan) datai ka keamaia tu hari. Di Katibas udah bekau bala sida Enjop nundok ka perintah, nya baru bala anembiak Ba mulai ka diri kia ka baru ari menua Batang Kanyau. Tang Ba udah parai tuai di menua Batang kanyau. Nyadi orang ke ngulu ka bala sida pulai baru nikal ka Batang Katibas iya nya menantu Ba ke benama Jubang apai Temenggong Kuh. Lebuh sida iya datai di menua Katibas, sida iya nadai agi numboh ka pengachau di menua nya, tang sida iya apin mayar pupu ngagai perintah Sarawak laban kena sungkak pengachau bala Iban di menua Ulu Batang Ai.Sekumbang sida iya diau jenoh tu, nya alai sida iya lalu bisi ari ka pindah ngulu enggau ngili ka ai Batang Rajang. Di menua Ulu Batang Rajang sida Jubang apai Temenggong Kuh lalu bebunuh ngelaban bansa Sakapan, bansa Kejaman, bansa Punan, bansa Lahanan, bansa Kayan enggau bansa Kenyah Badang di menua Ulu Belaga. Pia mega sida ke mudik ai Baleh lalu bebunuh ngelaban bansa Lugat enggau bansa Lusom di menua Nanga Gat. Udah abis pengachau bebunuh ngelaban bansa bukai berebut ka menua di kandang menua ulu, dia bansa Iban lalu angkat baru ngelaban perintah Sarawak ke betuai ka Janting apai Pengarah Banyang seduai Ayum di Bukit Batu. Lama bendar perintah Sarawak kiroh laban pengachau ke digaga sida tu nyentuk ka sida nyau bebaik enggau perintah Sarawak dalam taun 1924. Nyadi di menua Batang Ai dalam taun 1884, Ngumbang lalu angkat mai bala iya ngelaban perintah Sarawak. Dia Tuan Raja lalu ngayau bala sida Ngumbang tu enggau bala mayuh besai kena 9 March, 1886. Nyadi bala sida Ngumbang tu alah lalu alai endur sida iya nan ngelaban bala Raja Sarawak, iya nya di menua Tinting Kedang. Tu mega pengachau ke nyadi di menua Ulu Ai sekumbang perintah Sarawak udah ngayau sida iya sekali dalam taun 1868. Nyadi dalam taun 1893, Ngumbang lalu angkat baru ngelaban perintah Sarawak lalu dibantu Bantin ke endang sama deka ngelaban perintah Sarawak. Tang rambau nya orang ke diau di menua Yong enggau menua Cheremin dalam Batang Rajang pen bisi mega pengachau. Lalu sida iya diserang perintah dalam bulan May taun 1894. Pemulai bala perintah Sarawak ke udah menang ngalah ka menua Yong enggau Cheremin, nya baru bala perintah Sarawak nya ngayau ngalah ka bala sida Bantin di menua Delok. Nyadi lebuh kayau tu siku anak Bantin parai lebuh maia sida iya ke begau. Apin puas hati ngelaban Raja Sarawak dia Bantin lalu angkat baru, lalu diserang Raja Muda Sir Charles Vyner Brooke begulai enggau Tuan Deshon di menua Delok kena 9 June, 1902 ke lalu dikumbai kitai kelia Kayau Buntu. Semua bala Raja Sarawak ke enggau sama nurun ngayau kira ka bisi dua belas ribu iku, tang kira ka seribu iku ari bala sida nya parai ketegal kena sakit muang ai. Lalu orang ke nyadi penchilin bala Raja Sarawak maia tu iya nya Munan Penghulu Dalam ke datai ari menao Sibau(Sibu). Laban ke enda jera ka penusah bala sida ke udah kala alah ngelaban perintah Sarawak, dia Bantin enggau bala anembiak iya angkat baru ngelaban perintah Sarawak lalu ulih dialah ka Tuan Bailey di menua Engkari. Udah alah bala sida Bantin tu, dia Tuan Bailey lalu ngalah ka rumah sida Ngumbang dimenua Betong Wi, udah bala sida iya ke rarat pindah ari menua Tuchong Pan. Nyadi kayau dua bengkah tu sama nyadi dalam taun 1902, tang lalu enda nemu ngasuh bala bansa Iban ke diau di menua ulu tau jera.Meda bala bansa Iban ke diau di menua ulu lalu enda nemu jera, nya alai Tuan Raja empu lalu nurun ngulu ka mansang ngayau ngalah ka bala sida nya baru. Nyadi

171

pejalai bala sida ke nurun ngayau nya tadi lalu betiki ari menua Nanga Menyang kena 5 March, 1903 lalu ulih ngalah ka menua Bukit Seligi di menua Ulu Jengin. Naydi ketegal kayau tu Ngumbang seduai Bantin lalu bebai besemaia ka nundok ngagai perintah Sarawak, tang lalu kachau baru enda lama udah nya. Meda bansa Iban di menua Ulu Ai agi ngaga pengachau, nya alai perintah Sarawak lalu nurun ngayau sida iya baru kena 16 June, 1904 diketuai ka Tuan Baring Gould. Pejalai sida ke nurun ngayau tu iya nya betiki ari menua Nanga Mepi lalu beramok di menua Bukit Kedang. Nyadi bala raban siti ke diketuai ka Tuan Owen lalu bedarat meraka Sungai Telaus ngagai menua Ulu Engkari. Bala sida tu nadai betempuh enggau munsoh, tang semua umai enggau rumah munsoh abis magang kena tujah bala sida sereta abis ditunu magang. Udah bekau kayau tu bansa Iban ke diau di menua Ulu Engkari enggau Pan lalu sama nundok ka perintah Sarawak lalu ka betemu enggau Raja Muda di menua Lubok Antu ba ujong taun nya.Dalam taun 1906 dia Ngumbang seduai Bantin suah bendar nurun mansang ngayau ngalah ka rumah bansa Iban ke besemak enggau sida empu. Udah bekau nya seduai iya lalu madah ka diri ka nundok ka perintah Sarawak, tang lebuh Tuan Bailey nganti seduai undur ka kubau di Lubok Antu tang seduai iya nadai datai.Nyau kepuas perintah Sarawak ke meda bala bansa Iban ke seruran nadai pengawa bukai ngaga pengachau enggau pangan diri bekayau baka nya, dia perintah Sarawak lalu ngasuh bala semua tuai tuai raban bansa datai begempuru baum di menua Kapit. Nyadi orang ketuai ke bisi kena kangau ngagai aum tu iya nya ketuai ari menua Ulu Batang Rajang, ketuai ari menua Kanowit, ketuai ari menua Ulu Batang Ai enggau ketuai ari menua Ili Batang Rajang. Nyadi lebuh pengawa tu sida iya bisi bebunuh babi kena 16 May, 1907. Lalu taja pen semua ketuai ketuai raban bansa udah besemaia enda tau bebunuh agi, tang Bantin lebuh ke bebaik di menua Lubok Antu dalam bulan September taun nya agi mengkang endang madah ka diri enggai bebaik enti iya enda dulu agi nunggu semua bala bansa tuai tuai bansa Iban ke udah nundok ka perintah Sarawak. Nyadi ketegal jaku Bantin tu orang lalu enda nyadi bebaik. Nyadi kena 31 December, 1908 dia Tuan Bailey lalu mai bala iya mudik nurun mansang ngayau ari Simanggang(Sri Aman) laban ka nguji ngalah ka menua Delok enggau menua Mikai Pambar. Sida iya lalu betempuh enggau munsoh tang enda lama bendar. Semua rumah enggau semua umai ba menua ngulu ka ai Jengin nyentuk ka ai Mikai Pambar nya lalu abis magang ditunu bala Tuan Raja. Udah bekau kayau tu nya baru bansa Iban di menua Batang Ai nadai agi ngaga pengachau, lalu tu meh nyadi ke pengabis enggau penudi kayau Tuan Raja ngulu ka Batang Ai ke sigi endang menua lama sereta nyadi keterubah iya alai penyangkai enggau penatai bansa Iban ngagai menua Sarawak tu. Nyadi dalam taun 1915, mayuh bendar bala pungka lelaki bansa Iban di menua Batang Rajang ke ngereja pengawa nyamun sereta ngerumpak orang bansa bukai nadai tentu beradat. Nyadi bansa Ukit enggau bansa China sigi nadai tentu nyamai digasak ka bala bansa sida tu baik ka di ai tauka dibabas. Nyadi pengawa ke ngaga pengachau ke baka tu lalu dikemesai ka Penghulu Merom enggau ketuai ketuai mayuh dalam menua Baleh.Meda menua Ulu Baleh nyau deka bisi pengachau baru, nya alai perintah Sarawak lalu kemaia nya mega deka ngabis ka pengachau nya. Bansa Iban dalam menua Gat lalu kena kayau 22 Febuary, 1915 ke lalu ngasuh bala sida iya alah bendar di menua Sungai Biru kena 31 March, 1915. Kena 18 May, 1915 dia Tuan Baring Gould lalu mai bala mayuh besai nurun mansang ngayau nagagai menua Ulu Mujong laban deka nguji ngalah ka bansa Iban ke diau sereta nan di menua Bukit Salong. Nyadi kuta bansa Iban ke ba menua nya lalu ulih dialah ka bala perintah Sarawak udah kuta sida ke ditimbak bala perintah ngena bedil periok dua tiga kali. Udah ketegal ke udah alah tu, semua bansa Iban ke kachau lalu diasuh pindah magang sereta diasuh diau ari ili kubau Kapit. Tang sekeda pungka lelaki menua nya lalu ngelari ka diri lalu nguji nan baru di menua Ulu Gat lalu ba menua tu suah bendar sida iya dikayau perintah Sarawak nyentuk ka bala sida iya

172

nadai agi ngaga pengachau. Udah bekau ke kachau di menua Ulu Baleh, lalu lama bendar bansa Iban nadai agi ngaga pengachau, nya alai sida iya lalu ngaga pendiau diri semak ka agi ngagai nengeri lalu belaboh ngereja pengawa bekebun getah pera ke tau meri bala sida iya penyamai enggau pengelantang baka ke diasai ka sida iya sebedau nyadi perang dunya ti kedua suba. Tang taja pen orang ke diau di menua ili udah ngemansang ka diri ngereja pengawa bekebun, lalu orang ke agi mengkang diau di menua ulu endang agi ngemeran ka diri deka ngereja pengawa ngayau. Lalu bisi siku bansa Iban ke benama Asun ti belaboh ngaga pengachau ketegal iya ti enggai mayar pupu pasu, gantang, senapang, chupak enggau dachin. Iya lalu dibantu bansa Iban siku ke benama Kana ti datai ari menua Ulu Engkari enggau mayuh mega bansa Iban bukai ke agi bendar bisi ati ngembuan ati ka bebunuh. Udah meh sida iya tu kena kayau perintah Sarawak kena 12 Febuary,1932 dia Asun seduai Kana enggau Kendawang lalu bebai sama nundok ka perintah lalu diasuh perintah diau di menua Lundu awak ka sida iya nadai agi ngaga pengachau di menua ulu. Nya gaya pengabis pengachau ke digaga bansa Iban dalam menua Sarawak. Udah bekau tu lalu nadai agi orang di menua Sarawak ke berani ngaga pengachau ke tau ngenatai ka penusah orang mayuh baka nya . Tang ati berani bansa Iban Sarawak endang agi dikembuan sida iya belama tang sida enda ngemeran ka nya agi kena sida iya bebunuh. Bansa Iban Sarawak lalu diau manah enggau pangan diri, lalu nemu begaga ka rumah manah nitih ka gaya pemansang dunya, lalu nemu mega ingin ka belajar ka penemu besekula kena ngulih ka pemandai nunda pengawa enggau pemansang bansa bukai ke sama bisi diau begulai enggau sida iya dalam menua Sarawak tu. http://johnadamgilbert.blogspot.com ApairosaOnline ApairosaHelpline Adat Bansa Iban Posted 14th March 2010 by John Adam Gilbert

Lampiran 1

Penatai Bansa Iban

Ari segi logik, asal penatai semua bansa mensia di dunya tu endang ari Adam seduai Awa kelia. Ari Adam seduai Awa di Timur Tengah ka beranak betelesak, menisa bepechah lalu mepar di serata dunya tu. Kenu ka Al-Quran, Petara nurunka mensia bebida bansa, chura kulit enggau jaku ngambika kitai bekelala enggau diri sama diri. Nitihka penemu antropologi semua orang rindu deka nemu asal penatai bansa enggau peturun diri empu. Dalam budaya Iban, kitai bisi penemu betusut. Ari tusut kitai ulih nyidi aki ini ka nurunka kitai 20 peturun ka udah lalu. Siti peturun tauka siti generasi ngembuan timpuh kira-kira 25 taun, reti nya kitai ulih mansik peturun kitai 500 taun ka udah lalu (kira-kira taun 1500- Abad ke 14 tauka jauh dulu ari tu). Naka ka diatu, nadai udah ditemu bisi bup tauka dokumen ti nyemetak nerangka asal penatai bansa Iban. Pansik ke silik lalu nyengala pasal bansa Iban pan nadai udah kala dipejalaika.

173

i. Menua Batang Kapuas, Kalimantan Barat, Indonesia

Dalam pengingat tuai bansa Iban dikingatka datai ari Batang Kapuas di Kalimantan, Indonesia. Batang Kapuas sungai ti panjaii 1143 km, endanng sungai ti pemadu panjai di Indonesia sereta mega sungai ti pemadu panjai di pulau Borneo. Jauh panjai ari Batang Rajang ka pemadu panjai di Malaysia ka semina 563 km.

ii. Menua Yunnan, China

Nitihka pansik orang ke landik pasal mensia, bansa Iban dipelabaka datai ari menua Yunnan, di menua China.Ari Yunnan, etnik tauka bansa ka nurunka bansa Iban pindah ke menua Indochina ka nyerangkung Laos, Vietnam, Kambodia enggau Thailand. Ari Indochina, Iban pindah ke Semenanjung. Naka ka diatu, dalam sejarah China lama enggau baru nadai kala nyebut bansa Iban bisi di China, tambah mega pemindah tu nyadi jeman dulu kelia, nama bansa Iban deh apin bisi, laban Iban tu ka aki ini kitai kelia kena nyebut orang tauka mensia. Jaku pan pelaba aku apin meruan baka ka diatu. Ambika banding baka sekeda bansa di dunya tu dikumbai peturun orang Aryan enggau Semitik, sebedau dikumbai bansa Jerman, Peranchis, English, Arab, Persia, India, Afrika enggau China.

iii. Semenanjung Tanah Melayu (Malaya)

Pelaba aku kitai Iban amat kala ngenduh diau di Semenanjung Tanah Melayu tauka udah nya dikelala enggau nama Malaya lalu diatu disebut Semenanjung Malaysia. Enda ibuh, meragamka pekara ka dalam-dalam, ari segi jaku enggau nama utai tumbuh enggau utai idup kitai beratika dalam Jaku Iban enggau jaku Melayu, kelebih agi Jaku Melayu Johor-Riau endang bisi kabih-kabih enggau pangan diri. Ari penyemak ba jaku enggau nama-nama utai dunya tu sigi enda bula kitai udah kala idup besemak enggau bansa Melayu di rantau Nusantara tu.

Tang taja pia, kitai anang saru ngumbai Iban semak enggau Orang Asli Malaysia, laban sida iya dalam gempung Melayu Negerito tang Iban enggau bansa Melayu dikumbai Melayu Proto. Orang Negrito tu bansa ka pemadu dulu nguan menua Kepulauan Melayu. Sida iya dipelabaka datai ditu kenyau ari 1000 SM (sebedau pengada Jesus) nitihka barang arkeologi ka ditemu di di Gua Cha, Kelantan. Orang Negrito nurunka orang Semang ka befizikal berkulit chelum, bebuk geletang, bemata bundar, besai idung, tebal bibir mulut , serta betubuh pandak Di Kedah enggau Perak, orang Negerito dikumbai Semang lalu di Kelantan dikumbai orang-orang Pangan. Orang-orang Negrito mega bisi di Filipina enggau Australia. Orang-orang Negrito di Filipina dikumbai Aetas, lalu di di Australia dikumbai Orang Chelum.

iv. Pulau Sumatera

174

Ari Semenanjung Tanah Melayu, Iban pindah ke Pulau Sumatera. Penatai pengarap Islam menua ari menua Arab di Sumatra ngujungka Iban pindah ke Borneo laban ti enda sepenemu enggau ajar pengarap nya ka mentin makai dagin babi. Ukai semina nya, ajar pengarap Islam mega enda engkeman enggau cara sereta budaya idup Iban kelia nya alai Iban nyeliah ke Kalimantan di Pulau Borneo.

v. Gunung Mensuat, Mekah, Timur Tengah.

Bisi mega siti agi pansik madahka bansa Iban tu datai ari Gunung Mensuat, semak Mekah di Saudi Arabia. Ari Gunung Mensuat, Iban pindah ke Sumatra. Ari Sumatra, Iban pindah ke Pulau Borneo. Tang giga aku dalam internet nadai tetemuka Gunung Mensuat. Endur ka bennama Mensuat bisi ditemu di Papua New Gunea. Tu ukai reti nya pengingat orang ka tuai kelia salah, nyangka nama Gunung Mensuat nya ba penemu Iban tang di menua nyin, nama bukit nya disebut lain agi.

vi. Pulau Borneo

Ba bansa Indonesia Pulau Borneo dikumbai sida iya Pulau Kalimantan. Nama pulau Boreno dikena perintah kulonial Belanda enggau English nyebut serata pulau tu nyengkaum Kalimantan, Sarawak, Sabah enggau Brunei. Ari pulau Sumatera bala Iban nepat menua Kayung di Batang Kapuas sebedau melunggang ke Sarawak kitu.Kitai Iban mindah ari Kayung laban nyeliahka diri ari pengarap Islam.

vii. Ukai ari Batang Kapuas

Taja pia, bisi seraban bansa Iban ke ukai datai ari Batang Kapuas.Raban sida tu dibatak Sebatin ke bemain ai pasang enggau anak iya Derom datai ari segum gigi gumbang.Iya mega bisi siku agi anak lelaki ke benama Senaun.Sebatin tu datai ari Timur Tengah, tepawah dipangka ke gelumbang sereta terengkah di Tanjung Datu ba ujung Pulau Borneo.Anak iya Derom beranakka Sera Bungkuk Ketuk Tunjuk Penebuk Tiang Tembang ti nurunka Iban Ulu Batang Ai, Beketan enggau Iban Saribas.Anak Sebatin ke benama Senaun tu nurunka Tugau, iya nya siku tuai bansa Rajang tauka bansa Tanjong ke chukup beberita dulu kelia.Tugau tu kering sereta berani.Empa pengering Tugau, ai kemi iya aja tepesukka daun birah (keladi).

viii. Kemboja (Cambodia)

Siti agi jerita madahka bansa Iban tu datai ari Kamuja (munyi Cambodia). Iban pindah ari Kamuja meraka tasik ke Bintulu, Sarawak laban enda tan begulai enggau sebengkah raban bansa ti ganas di Kamuja ke dikumbai bansa Kamarau (munyi Khmer Rouge) ke suah kena pansa leka main asal bansa Iban. Ari pemayuh teori asal penatai Iban, siti teori ka tau diperatika kitai dalam ka agi iya nya pasal pengenduh kitai Iban di menua Kemboja (Cambodia). Kenu ka teori tu kitai angkat ari menua Kemboja ketegalka charut enggau bansa Kemaru. Kemaru tu dikaitka enggau Khmer Rouge, iyanya Parti Keminis Cambodia ka bekuasa ari taun 1975 ngagai taun 1979 suba,

175

betuaika Pol Pot, Leng Sary, Son Sen enggau Khieu Samphan. Enti diperatika, nama Khmer Rouge semina ayan dalam taun 1975, sedangka sejarah kitai Iban jauh dulu ari nya. Reti nya Khmer Rouge enda ulih dikaitka enggau penatai bansa kitai. Tambah mega Khmer Rouge tu ukai bansa tang nama sebengkah parti politik. Aki ini kitai nyangka amat kala ngenduh enda lama di Kemboja, Indochina tang nadai kaul enggau Khmer Rouge.

ix. Tembawai Bejuah

Semua grup Ibanik, nyengkaum Iban, Bugau, Mualang, Kantu, Maloh enggau Dayak Desa ngumbai aki ini sida kala diau begempuru di Tembawai Bejuah tauka disebut Tampun Juah. Ba pengingat Iban kedua bali nama Tembawai Bejuah tu Kemedu Repuk Lampung, Ketimbang Lentur Ujung, Temaga Gelang, Terusan Tanjung Bakung tauka Nanga Nuyan. Ba menua tu menya kitai Iban agi begulai sejalai enggau Petara, antu, jelu enggau semua leman utai enseput dalam dunya tu. Sida iya bisi tiga buah rumah panjai ti betuaika Sengalang Burung, Gemuring Gading (apai Keling) enggau Bujang Sebalu Ngenang kedua bali nama Batu Anggung Ke Beruntung Mali Balang (apai Tutung).

Endur Tembawai Bejuah tu kelia kenu ku jerita tuai bansa Iban nya ba urung bila tiga Batang Ketungau, pati Batang Kapuas iya nya semak Lemu enggau Lepung Lidong dalam sitak Kabupaten Sintang, Kapuas Tengah, Kalimantan Barat, Indonesia ke diatu.Bansa kitai ke ngumbai diri Iban bisi dua kali ampit enggau beserara besai. Keterubah iya lebuh beserara enggau sida Sengalang Burung, Sempulang Gana, Ribai, Apai Sabit Bekait, Ngelai enggau semua leman utai enseput di dunya tu ke nyadi ba menua Tembawai Bejuah.

Sida nya kelia ke beserara enggau pangan diri ari Tembawai Bejuah nadai tentu temu kebuah nyemetak tauka bebatang lalu pengingat orang ke tuai ari ai siti enggau ai siti nadai tentu sebaka lalu mayuh besibil. Sekeda tuai ari Batang Engkari enggau Kalaka, Saribas madahka kitai Iban kelia beserara bepun ari sida ti berebutka pintu mas enggau Buah Nimung tauka Buah Pauh Bali tauka Buah Pauh Laba ti tumbuh ba belakang Antu Gumba laban Buah Pauh Laba nya tau ke pengaruh kena matak serang.

Pengingat sekeda tuai ari Batang Undup madahka penyerara nya kelia ketegal Bungai Nuing ti udu mejal Sengalang Burung berayah maya ngintu Gawai Burung, iya nya lebuh sida ke pugu-pugu berani berayah ngelingi pun sabang di tanju.Lebuh iya berayah, dia kaki Sengalang Burung lama agi tinggi agi begantung ari tikai peda sida ti lalu ngujungka iya terus ke langit.Ari nya, Sengalang Burung mih tuai keterubah angkat ninggalka Tembawai Bejuah nya kelia.Sekeda tuai ari Batang Skrang madahka sida ti beserara nya ketegal ari Antu Tapang ti enchuri semakau ari Sintau. Dikena malas penyai Antu Tapang, Sintau lalu mukung Antu Tapang enggau tai sereta

176

manching iya kemi. Nya mih kebuah jugi (isi tumbung) idang manyi masam nyentuk ke sehari tu.

Bisi mega orang ke tuai madahka penyerara di Tembawai Bejuah nya kelia ketegal ari Keling ke belaya enggau Apai Sambang Rumbang Kesuling, berebutka taring tengiling tau ke aning simpai lengan. Laban Aki Nyakai Lang Benguk (Sengalang Burung) udah belaya enggau Apai Selulut Ribut Ngusuk, berebutka batu tanduk pelanduk tau ke penunduk madamka seruan. Laban Laja seduai Pungga udah belaya ngelaban Apai Bua Buga, berebutka batu punggung kesa mesai ma tekaran Kayan. Laban Ngelai seduai Tutung udah belaya ngelaban Apai Sambang Rumbang Ketebung, berebutka batu tanduk adung raja ikan. Ditetak kitai ngena jaku pandak, sida tu beserara kelia ketegal ari berebutka pengaruh tauka berebutka kuasa laban sama enggai alah ari pangan diri.

Penyerara ke dudi agi kenu ku jerita tuai ari Batang Lemanak madahka kitai Iban beserara enggau orang Panggau Libau bepun ari Apai Keling ke benama Chang Chelawang enda ulih peda agi udah iya ke makai sili tauka silui ular tedung. Penyerara tu nyadi di Nanga Semitau, pemindah sida ari Lawai Labai.Lawai Labai tu tembawai lama Iban enggau Orang Panggau udah ke beserara besai ari Tembawai Bejuah (Tembawai Tampu Juah).

Maya ke beserara ari Tembawai Bejuah kelia;Sengalang Burung pindah ke Tansang Kenyalang. Ari Tansang Kenyalang, Iya pindah baru ke Tuchung Besanjung Besinjang, Tatai Redai Isang (kebung langit) nabanka gerempung balang begeman.Pulang Gana pindah ke Rantau Rarau Temiang, Munggu Gulu Sengkenyang, Nanga Temaga Gelang nabanka leka sesangga tanam.

Ngelai seduai Tutung pindah ke Gelung Batu Nakung nabanka siung raban peputan.Ribai pindah ke tasik besai nabanka pengembai ubat jedian.Apai Sabit Bekait pindah ke langit mit nabanka rarit baku bekatan.

Raja Tanduk pindah ngagai Teluk Ai Nyuruk Keruk Semalam nabanka gulung buk tau ke penunduk madamka seruan.Anda Mara pindah ke tasik reremba nabanka menaga tajau pelawan.Ini Manang Menchi (Ini Andan) pindah ke langit siti nabanka batu enda kudi, pengelasi ai pemalit tegalan.Ini Manang Chelung pindah ke tisi langit gadung, nabanka lupung kulit enteli buban.

Gemuring Gading pindah ke Tinting Rinding Pendawan nabanka taring uting lunchik juring tau ke penyelinting pengerurus tikam.Ba penyerara keterubah tu, kitai Iban agi begulai enggau orang Panggau.Bisi jerita madahka kitai Iban enggau orang Panggau agi diau di Tembawai Bejuah sepengudah beserara besai.

Ari Tembawai Bejuah tu meh Iban enggau orang Panggau pambar ari pangan diri laban enda tan begulai enggau Bungai Nuing. Pun jerita iya keterubah tu baka tu:Nyau

177

pengelama ke diau di Tembawai Bejuah, Gemuring Gading parai tuai laban selalu dipekung penyakit pedis perut.

Lampiran 2

Chunto Karang 2: Penerang Diri Empu Enggau Diri Sebilik Nama aku Billy Anak Labau.Umur aku 45 taun.Aku ada kena 05.10.1966.Nama apai aku Labau Anak Samum.Iya udah ninggal ka dunya kena 05.11.2010 lalu dikuburka ba kubur Nirvana, Jalai Bau, Kuching. Indai aku benama Endo Anak Wan. Asal penatai aku ari Sungai Klampai, Sebetan, Saratok. Apai aku asal ari Sg. Klampai, Sebetan Saratok lalu indai aku asal ari Sg. Ruan, Sebelak, Roban. Aku bisi lapan iku diri menyadi. Kami semua lelaki magang. Aku anak lumur lima ari lapan iku diri menyadi. Siku menyadi aku ka lumur tiga udah ninggal ka dunya dalam taun 1959 di Hospital Besai Kuching Sarawak suba lebuh iya beumur setaun enam bulan.Iya dikuburka ba kubur Munggu Sabun, Pending, Kuching. Keterubah aku besekula ba Sekulah Rendah Kerajaan Sungai Klampai, Sebetan, Saratok dalam tahun 1973 ngagai 1978. Aku enda nemu macha ari primary 1 ngagai primary 6. Aku masuk sekula secondary dalam taun 1979. Aku belabuh nemu macha ba ujung tahun 1979, ia nya ujung taun aku ba tingkatan peralihan. Pengajar selalu nganu aku laban aku enda nemu macha. Kadang-kadang jaku sida kelalu lunggar lalu nya meh ke ngasuh aku nguji belajar naka ulih. Aku kala nyadi “top student” lebuh tingkatan 4.

Lebuh periksa tingkatan 5 taun 1984, aku bulih gred 3. Taja pia aku ulih nyambung pelajar aku ngagai tingkatan 6, taun 1985. Lebuh periksa tingkatan 6 atas, taun 1986 aku enda bulih “Sijil Penuh”. Tang taja pia taun 1987 aku ngambi periksa ngatika kediri lalu aku pass enggau “Sijil Penuh”. Taun 1988 aku masuk belatih nyadi pengajar ba Maktab Perguruan Batu Lintang, Kuching. Aku belatih ngajar mata pelajaran bahasa Melayu enggau Geografi Sekulah Menengah (PMGF).Tahun 1990 aku abis belatih lalu bulih gred 3.75 (Kepujian). Aku belabuh nyadi pengajar ba ujung taun 1990 di SMK Medamit, limbang. Aku ngajar ba Sekulah Menengah Kerajaan Medamit Limbang enggau pengelama 4 tahun. Aku ngajar bahasa Iban, bahasa Melayu enggau Geografi nembiak tingkatan 3.

Ujung taun 1994, aku bepindah gawa di Sekulah Menengah Kerajaan Siburan, Kuching. Pengelama aku ngajar ba Sekulah Menengah Kerajaan Siburan bisi 11 taun. Lebuh di Sekulah Menengah Kerajaan Siburan aku belabuh sekula baru. Taun 1996, aku nyambung pelajar aku ba Universiti Sains Malaysia, Pulau Pinang ngena chara belajar kediri. Aku abis Ijazah Sarjana Muda tahun 2000 dalam bidang Pendidikan. Aku “major” ba “Kesusasteraan” dan “minor” ba “Teknologi Pendidikan”. Taun ti penudi aku ditawarka Universiti Sains Malaysia (USM) ngaga Ijazah Sarjana ia nya dalam bidang “Kurikulum Pendidikan” enggau chara “Penyelidikan”. Aku abis ngaga Ijazah Sarjana

178

Pendidikan secara penyelidikan taun 2007. Aku laun mimit laban “Penyelia” aku cuti ngaga kajian pasal “Litrasi Penggunaan Kumputer”. Subjek ti diajar aku ba sekula ia nya baka bahasa Melayu, Kesusasteraan Melayu. Kelimpah ari nya mega aku kala ngajar Pendidikan Moral, Pendidikan Seni, PJK di Sekulah Menengah Kerajaan Siburan. Ujung taun 2005 aku bepindah ngajar ke Sekulah Menengah Kerajaan Batu Kawa, Kuching.

Pun taun 2006 aku belabuh ngajar ba Sekulah Menengah Kerajaan Batu Kawa, Kuching. Lebuh ti ngajar aku mega nyambung pelajar aku ba peringkat Ijazah Falsafah Kedoktoran dalam bidang Sosiologi Pendidikan ari Universiti Malaysia Sabah. Aku udah viva kena 18.7.2012 lalu benung ngaga pembetulan.Pembetulan mimit baka teknikal penulisan. Aku ngarapka diri ulih pass enda lama agi. Aku udah nyadi pengajar enggau pengelama 23 taun. Aku udah bebini lalu bisi dua iku anak. Bini aku benama MARY FATIMAH ANAK SIBON. Iya bansa Bidayuh ari kampung Krusen, Serian. Iya udah kala masuk belatih nyadi “sister” tang pansut baru laban maya nya iya dikanggauka Universiti Institut Teknologi Malaysia (UITM) nyambung pelajar iya. Iya belatih nyadi pengajar sama begulai enggau aku ba Maktab Perguruan Batu Lintang, Kuching (MPBL). Diatu iya nyadi pengajar lalu bisi ngembuan Ijazah Sarjana Muda ari Universiti Teknologi Malaysia, (UTM) Sekudai, Johor dalam pengawa ngajar bekaul enggau “Kemahiran Hidup Bersepadu”. Iya ngajar ba Sekulah Menengah Kebangsaan Jalan Arang, Kuching. Anak tuai aku lelaki benama ALEX NASU. Iya agi belatih nyadi “Derisa” ba Kulej Kesihatan Bersekutu, Batu 13, Kuching. Anak kedua aku indu benama ANNA CARMILA. Iya belajar ba tingkatan 3. Aku rindu betanamka bunga, nupi ikan. Kelimpah ari nya mega aku rindu berapi laban kami diri menyadi nadai indu. Pemakai ti dikerinduka aku baka pansuh, kari, enggau pemakai ti ditunu. Kelimpah ari nya, aku rindu bejalai sereta beratika pemanah rampa menua siti-siti endur. Aku bisi kebun kuku, buah tang diatu nyau lama udah enda dijaga. Aku rindu begulai enggau orang mayuh enda milih ari ni pupu raban bansa. Kelimpah ari nya aku nemu mayuh jaku pupu raban bansa.

179

Lampiran 3 Gaga siti cherita ti ngenang pendiau enggau pengidup nuan tiap-tiap hari.

Pendiau enggau pengidup aku tiap-tiap hari. Tiap-tiap iku kitai mensia endang bisi pengawa ti dikerja kediri empu. Mensia belabuh ngereja pengawa kadang-kadang bedau tumbuh matahari. Tumbuh matahari nandaka kitai nya belabuh ngereja pengawa baru. Padam matahari nandaka kitai nya ngetu ngereja pengawa laban kitai belelakka tubuh ti udah lelak. Nya alai sekeda mensia ngereja pengawa enda ngira maya enggau endur. Pengawa ti dikereja aku tiap-tiap hari ia nya baka tu. Aku dani pukul 5.50 pagi. Udah nya aku lalu mandi. Udah kemas mandi aku lalu begari laban deka nurun ngajar. Sebedau nurun ngagai sekula aku dulu ngirup laban deka makai ubat. Pukul 6.15 pagi aku lalu nurun ke sekula. Aku datai di sekula kurang lebih pukul 6.40 pagi. Lebuh di sekula aku selalu pansut ngirup enggau pengajar Johil, pengajar Kichin enggau pengajar David. Kami suah ngirup ba Kuching Mall. Aku rindu makai mee kuluk. Lebuh tengahari aku pulai ke rumah. Aku pulai jam 12.40 tengahari. Udah makai tengahari aku lalu tinduk kurang lebih jam 2.00 lemai. Aku dani jam 3.30 lemai. Udah mandi sereta begari aku lalu nurun ngajar ngagai UNIMAS. Aku ngajar ba UNIMAS kena hari satu, dua, empat enggau lima. Kelimpah ari nya aku mega bisi ngajar ba Masterskill, ngajar Bahasa Kebangsaan. Aku ngajar ba Masterskill hari tiga enggau hari lima. Aku abis kelas di UNIMAS pukul 7.00 lemai. Lalu enti aku ngajar ba Masterskill hari tiga aku abis pukul 6.00 lemai kenyau ari pukul 2.00 lemai. Enti hari lima aku ngajar ba Masterskill jam 8.00 pagi ngagai 12.00 tengahari. Kelimpah ari nya aku mega bisi meri tuisyen ngagai siku Jurulatih Hoki Negeri Sarawak. Ia belajar hari enam enggau hari minggu. Hari enam belabuh pukul 11.00 ngagai pukul 1.00 ngalih hari. Lalu enti hari minggu aku ngajar iya belabuh ari pukul 2.00 ngagai pukul empat lemai. Lebuh malam aku semina ulih meda berita jam 8.00 malam ba televisyen. Kadang-kadang aku rindu meda cherita gusti lebuh lemai hari empat pukul 11.00 malam. Aku mega rindu meda cherita kunfu bangsa Cina lebuh pukul 10.00 malam hari empat ngagai pukul 12.30 tengah malam. Enti hari enam aku bisi meda cherita Hindustan pukul 10.00malam ngagai 1.00 pagi. Pengerindu siku-siku mensia endang enda sebaka. Bisi sekeda nya rindu bemain, nginti, ngiga jelu enggau ti bukai. Pengerindu siku-siku mensia tau ngeraika tubuh. Laban ari kitai ti rindu kitai nadai ngasaika pemedis ti nating tubuh kitai.

180

Lampiran 4 Chunto Karang Pengawa Ti Digaga Aku Tiap-Tiap Hari

Pun Karang; Tiap-tiap iku kitai mensia ka idup di dunya tu bepun enggau pengidup matahari. Tumbuh matahari lalu nandaka kitai patut ngerja pengawa sampai ngagai matahari padam. Padam matahari reti nya ngetu dulu ngereja pengawa laban kitai ke ngereja pengawa belalauka panchar matahari. Isi-isi Karang;

i. Pagi Tumu-tumu pagi aku dani lalu besembahyang.Udah sembahyang, ngelipat pua, nusun panggal.Aku lalu ngagai bilik mandi laban deka beberus ngeli. Udah beberus aku lalu ngagai dapur laban deka manduk ai angat.Lebuh manduk ai angat aku suah ningaka program Iban ba radio. Kadang-kadang bisi lagu ti manah-manah dipasang sida baka lagu niang Micheal Jemat, Richmond Alan Mushidi ti ngenang pengidup enggau pendiau maya bujang. Udah ai melidih aku lalu nunyau kupi/milo/susu/ enggau ti bukai.Aku lalu ngetuk bilik tinduk apai seduai indai.Kami sebilik lalu ngirup pagi.Udah kemas ngirup pagi, aku lalu nginjin gari kami sebilik ngena injin basu.Udah tembu nginjin gari aku enggau indai aku nyembui gari kami sebilik di luar rumah.Kemas nyembui gari aku lalu nyapu rumah kami.Indai aku lalu ke dapur laban deka nyediaka pemakai tengahari lagi. Apai aku ngeringak macha surat berita.

ii. Tengahari Kemas makai tengahari kami sebilik sama-sama ngenatka diri dulu.Aku laban ke deka amat tinduk endang tak selalu tinduk. Apai pan pia mega, nyau derut-derut bunyi kuruh iya. Indai aku selalu ngerara apai aku, enti iya tinduk.Bunyi kuruh apai aku nyau munyi injin sepit.

iii. Lemai Lebuh nyau lemai kami sebilik suah meda cherita ba televisyen.Indai aku rindu amaika cherita Hindustan.Pelakun ti dikerinduka indai aku baka sida Sharunkan, Kajul, Anitabachan enggau ti bukai.Kadang-kadang kami tiga sama-sama ketawa lebuh meda cherita. Tak enda berasai alai hari nyau lemai. Abis cherita apai aku lalu meri manuk makai. Lebuh ti berapi aku selalu muka internet lalu masang lagu-lagu baka lagu Iban, Hindustan.Kadang-kadang aku ningaka lagu Bidayuh.Siti lagu Bidayuh manah amat iaka dibai Micheal Bujoi enggau tajuk “Bayuh Meneg”.Lagu nya nyeritaka ambai iya ke bedau datai.

iv. Malam Lebuh malam apai enggau indai aku selalu meda berita jam lapan malam. Aku laban ka nadai pengawa bukai lalu muka mua bup “facebook”.Kadang-kadang aku bekala enggau mayuh bansa bukai baka orang Kedazan, Bajau, Negro, Pakisan enggau ti bukai. Aku rindu amat meda orang Ngero laban sida iya besai-besai, tinggi-tinggi

181

sereta buk nyau begelung baka orang Asli. Kulit sida mega chelum-chelum nyau baka “buah kemayau”.Orang Asia pandak-pandak, gemu-gemu sereta enda tentu besai.Lepas nya aku lalu nindukka diri. Penutup; Mensia enda nyalah-nyalah baka pengidup kereta.Enti udah lelak kitai patut ngetu dulu lalu belabuh baru ngerja pengawa hari siti nya.Mensia begunaka pengeringka dikena ngereja pengawa ti ditampung-menampung.Sempama jaku Iban “agi bedaki, agi ga mandi”.Reti nya seagi-agi kitai idup, kitai agi ngereja pengawa.

Lampiran 5

Chunto Karang (Drama):Pulai Hari Gawai Dayak Nurrin : Selamat lemai wai. Nama berita kita sebilik diatu? Azra : Manah. Apai aku baru pulai ari London.Nama berita nuan deh? Nurrin : Manah. Baka selama. Nanthinidevi : O………..!Selamat lemai. Lama amat udah nadai betemu enggau

seduai. Kini ka penunda seduai ngelama tu? Azra : Selamat lemai Nanthini. Nadai kami duai Nurrin mindah ngelama tu.Kami duai kiruh enggau periksa ujung semester ti deka datai. Nama berita indai nuan ke sakit ari nya, deh? Nanthinidevi : Oh!.Diatu iya udah gerai. Iya udah enggau menyadi lelaki kami ke

tuai nemuai ngagai Tamil Nadu di India. Cinderella : Oh !. Ditu kita tiga neh. Ari tadi aku ngiga kita tiga. Kemaya nuan pulai ke Bario deh Azra?. Azra : Lagi. Kami nganti indai aku udah ngambi adi aku ke sekula ba

UITM, Kota Samarahan. Ling Ling : Selamat Hari Gawai Azra enggau Cinderella. Bisi ngaga tuak taun

tu?Enti ngirup tuak anang sampai ka mabuk enggaika enda ingatka utai ti udah dipelajarkan lebuh maya periksa ila.

Cinderella : Terima kasih Ling Ling ke jaku ajar nuan nya. Eh, kati nuan bisi meda sida Nur Hafidzah enggau Siti Dzarith demalam.

Ling Ling : Nadai. Seduai iya udah pulai ke menua.Nur udah pulai ke Betong. Lalu Siti udah pulai ke Mukah.Kenu, enda lama. Azra : Bah. Mupuk dulu aku.Nyin kerita indai aku datai. Kami lalu pulai ke Bario lemai tu lagi. Nurrin : Jimat-jimat mai kerita laban orang udah mayuh bebdar mabuk

diatu. Aku pan deka mupuk mega Ling Ling, Cinderella laban ari nyau deka ujan. Aku enda ingat mai payung tadi.Tambah mega gari ti dijembui aku nadai orang ngambi iya.Iya ke sebilik enggau

182

aku udah pulai dua hari ti Lepas. Chieng Nie pan udah pulai ke Kuala Lumpur laban menyadi indu iya nikah demalam.

Cinderella : Au. Ila kita betemu baru. Aku pan pia meh laban Nur Aimi udah pulai kePahang minggu nyin kemari.

Lampiran 6

Lebuh pemerisi tu udah lalu, nuan enggau kita sebilik bisi nemuai ngagai siti endur ti

chukup manah. Cheritaka peneleba nuan nya. Panjai karang nuan enda kurang ari 120

leka jaku.

Semasa cuti yang lalu, anda dan keluarga telah berkunjung ke satu tempat

yang amat menarik sekali. Ceritakan pengelaman anda itu. Panjang

karangan anda tidak kurang daripada 120 patah perkataan.

Lebuh kemisi sekula tu tadi aku bisi enggau kami sebilik nemuai ngagai Pulau

Langkawi. Pulau Langkawi nya siti pulau ti manah amat alai ngelantangka ati. Kena

20.11.2012 aku bisi enggau kami sebilik ngagai Pulau Langkawi. Kami ngena bilun ari

Kuching ngagai Pulau Langkawi. Lemai nya kami bedau bejalai jauh semina nyewa

sebuah kerita Fortuner. Kami semina bejalai semak endur kami ke diau. Utai dipeda

aku sebelah kedai endang ngerinduka ati magang-magang. Botol arak nyau bemanah

tambah mega rega pan murah-murah.

Tumu-tumu pagi kena 21.11.2012, aku ngasuh bini aku nyediaka ai

irup. Udah nya aku lalu ngerak Alex enggau Anna ti agi tinduk. Seduai iya dani lalu

183

mandi. Udah kemas ngirup pagi kami menyanak pan lalu mupuk raun ngelingi Pulau

Langkawi ngena kerita Fortuner. Kami menyanak bisi ngagai “Under Water World”. Dia

kami bisi meda mayuh amat bansa ikan, jelu enggau burung. Bisi sekeda nya besai

lalu bisi sekeda nya mit-mit.

Kelimpah ari nya kami mega bisi raun ngelilingi pantai. Pemanah rampa

menua endang amat manah. Ai bechura biru, angin betiup nyamai endur ngelantangka

ati. Aku laban ke endang bisi mai arak dalam Fortuner tak enda berasai alai nyingkau

lalu numtum- senumtum. Enda lama mua tak nyau berasai angat-seangat. Ia ga aus

dini enda berasai numtum-senumtum. Burung menaul mayuh amat dipeda. Sida enda

siga tauka takut ke kitai.

Pulai kami aripantai kami pan lalu nepan ‘kerita kabel elektirk’. Aku

berasai rawan laban meda rampa menua ari endur ti tinggi amat. Parai ngapa ti tak

putus tali tu lagi, pia ku aku bejaku dalam ati. Alex enggau Anna enda bebunyi. Bini

aku semina bepegai ba lengan aku lalu enda berani bejaku. Lepas enggal keterubah

kami lalu betukar masuk ngagai enggal ti kedua. Ba enggal ti keduatu, ia tinggi agi.

Aku takut amat tang kati ku enggau, mansal ati diri. Ukai selalu, pia ku aku.

Ari enggal kedua tu, kami ulih meda besai agi rampa menua Pulau

Langkawi. Ba atas bukit tu bisi digagaka baka tanju endur kitai bejalai lalu ninjau

pemanah rampa menua Pulau Langkawi. Nyadi bukit tu dikumbai orang ‘Bukit Mat

Chincang’ laban kenu ku cherita dulu kelia siku orang Melayuti benama Mat mati

dichincang bala saldadu Siam lebuh sida ngalahka Pulau Langkawi ba bukit tu.

184

Ba baruh Bukit Mat Chincang bisi siti ai wong ti benama’Telaga Tujuh’.

Wong tu tinggi lalu ai pan deras. Lemai nya kami raun semina sebelah ‘supermakert’

laban deka bebelika baju, arak enggau coklat. Kami mulaika diri ke Kuching, Sarawak

kena 24.11.12 tu tadi. Lebuh ti raun ngagai Pulau Langkawi mayuh pemansang ti bisi

dipeda baka kebuh getah bedandang besai, kebun-kebun buah enggau ti bukai. Ila aku

deka mai sida raun baru enti bisi kemisi ti panjai agi.

Lampiran 7

19.0 Rujukan

Asmah Omar. (1988). The Iban Language. Kuala Lumpur : Dewan Bahasa dan Pustaka.

Asmah Omar. ( ). Susur Galur Bahasa. Kuala Lumpur. Dewan Bahasa dan Pustaka. Billy Anak Labau. (2012). Interaksi Dan Toleransi Etnik Dalam Kalangan Pelajar

Sekolah Menengah Di Sarawak.Tesis Ijazah Falsafah Kedoktoran. Sabah: Universiti Sabah Malaysia.

Billy Anak Labau. (2007). Kesan Pendekatan Bacaan Penghayatan Dalam Kalangan

Pelajar Iban Di Sarawak. Tesis Ijazah Sarjana Sastera (Pendidikan). Pulau Pinang : Universiti Sains Malaysia.

Chemeline Anak Usop, Padang Anak Luna. (2011). Morfologi Jaku Iban. Kuala Lumpur:

Percetakan Salam Sdn. Bhd. _________________________________. (2011). Sintaksis Jaku Iban. Kuala Lumpur:

Percetakan Salam Sdn. Bhd. Harry Usup Umbar, Mawas Nalau. (2004). Tatabahasa Iban.Sibu : Vicskill Printing Sdn.

Bhd.

185

Kementerian Pelajaran Malaysia.(2002). Buku Panduan Guru. Bahasa Melayu.

Tingkatan 4. Kuala Lumpur : Dewan Bahasa dan Pustaka. _________________________. (2003). Bahasa Iban Tingkatan 1. Kuala Lumpur:

Dewan Bahasa dan Pustaka. _________________________. ( ). Bahasa Iban Tingkatan 2. Kuala Lumpur:

Dewan Bahasa dan Pustaka. _________________________. ( ). Bahasa Iban Tingkatan 4. Kuala Lumpur:

Dewan Bahasa dan Pustaka. _________________________. (2007). Bahasa Iban Tingkatan 5. Kuala Lumpur:

Dewan Bahasa dan Pustaka. _________________________. (2007). Buku Teks. Bahasa Melayu. Tingkatan 4. Kuala

Lumpur: Dewan Bahasa dan Pustaka. ________________________. (2012). Bahasa Iban. Sijil Pelajaran Malaysia. Kuala

Lumpur: Lembaga Peperiksaan Malaysia. Nik Safiah Karim. (1986). Tatabahasa Dewan.Jilid 1. Kuala Lumpur: Kementerian

Pelajaran Malaysia. Dewan Bahasa dan Pustaka.