ARALING PANLIPUNAN BAITANG 5, YUNIT 4 Pinagmulan ng

Copyright © 2018 Quipper Limited 1

ARALING PANLIPUNAN BAITANG 5, YUNIT 4

Pinagmulan ng Pilipinas at mga Sinaunang Kabihasnan

TALAAN NG NILALAMAN

2 Introduksyon Aralin 1: Mga Teorya Tungkol sa Pagkabuo ng Kapuluan ng Pilipinas 3

Layunin Natin 3 Subukan Natin 4 Alamin Natin 5 Pag-aralan Natin 5 Suriin Natin 9 Sagutin Natin 10 Pag-isipan Natin 10 Gawin Natin 10

Aralin 2: Mga Teorya Tungkol sa Pinagmulan ng mga Unang Tao sa Pilipinas 12 Layunin Natin 12 Subukan Natin 13 Alamin Natin 14 Pag-aralan Natin 14 Suriin Natin 17 Sagutin Natin 18 Pag-isipan Natin 18 Gawin Natin 18

Karagdagang Kaalaman 19 Pagyamanin Natin 20 Paglalagom 21 Dapat Tandaan 22 Dagdag Sanggunian 22 Gabay sa Pagwawasto 23 Sanggunian 24

Copyright © 2018 Quipper Limited

2

BAITANG 5 | ARALING PANLIPUNAN

YUNIT 4

Pinagmulan ng Pilipinas at mga Sinaunang

Kabihasnan

Kweba ng Tabon sa Palawan kung saan nakita ang buto ng Taong Tabon

Minsan ay napaisip ka ba kung paano nabuo ang Pilipinas? O kung paano nakarating ating

mga ninuno sa Pilipinas?

Maraming teorya ang inilahad ng mga dalubhasa kung saan nagmula ang mga kapuluan

ng Pilipinas at mga unang tao sa bansa. Ating tatalakayin sa yunit na ito ang mga

pangunahing teoryang ito gaya ng Continental Drift, Bulkanismo, at ang teoryang

Austronesyo.

Pindutin ang Home button para bumalik sa Talaan ng Nilalaman


3

Aralin 1:

Mga Teorya Tungkol sa Pagkabuo ng Kapuluan ng Pilipinas

Maraming dalubhasa ang nag-aral at naglahad kung saan nagmula ang mga kapuluan ng

Pilipinas gayun din ang iba pang mga bansa sa mundo. Mula sa mga pag-aaral na ito, ang

mga pangunahing teorya na nagpapaliwanag sa pinagmulan ng mga bansa, ang

Continental Drift at Bulkanismo, ay nabuo.

Ano ang Teoryang Continental Drift at Teoryang Bulkanismo? Paano inilahad sa mga

teoryang ito ang pagkabuo ng Pilipinas at pinagmulan ng mga unang tao sa bansa?

Layunin Natin

Pagkatapos ng araling ito, ang mga mag-aaral ay inaasahan na naipapaliwanag at

napapahalagahan ang mga ang mga teoryang naglalahad ng pagkabuo ng kapuluan

ng Pilipinas.

Ang pagsabog ng bulkan ay naglalabas ng mga materyal na sa kalaunan ay nagiging bato at bahagi

ng lupa. (larawan ni C.G. Newhall mula sa Wikimedia Commons)


4

Ituro ang wastong pagkasunod-sunod ng pagbuo ng mga kontinente sa mundo.

Iguhit ang tunod () na nagpapahiwatig ng tamang pagkakasunod.

Subukan Natin


5

May dalawang pangunahing teorya na

nagpapaliwanag kung paano nabuo ang iba’t

ibang kontinente sa mundo. Ito ang Teorya ng

Continental Drift at Teorya ng Bulkanismo.

Teorya ng Continental Drift Ang pundasyon ng Teorya ng Continental Drift

ay ang teorya ng plate tectonics kung saan

pinaniniwalaan na ang bawat kontinente ay

nakapatong sa malalaking plates na maaring

gumalaw.

Ayon kay Alfred Wegener, isang geophysicist,

noong 1912, ang mga kontinente at mga bansa

tulad ng Pilipinas ay nabuo sa paghihiwalay ng

mga continental plates.

Pag-aralan Natin

Alamin Natin

Tandaan at gawing gabay ang

kahulugan ng sumusunod na mga

salita:

• teorya – pagpapaliwanag o

pahayag na naisipan sa

pamamagitan ng maingat at

matalinong pag-iisip at

pagtingin ng mga ebidensiya

• labi – katawan na wala nang

buhay

• sona – isang lugar o rehiyon na

naiiba sa nakapaligid dito.

Paghihiwalay ng mga Kontinente


6

Tinatayang mahigit 200 milyong taon na ang nakalipas, ang lahat ng kontinente

sa mundo ay kabilang sa isang malaking tipak ng lupa na ang tawag ay Pangaea.

Ito ay nahati sa dalawa: ang Laurasia sa hilaga at Gondwanaland sa timog. Ang dalawang

kontinenteng ito ay naghiwa-hiwalay sa mas maliliit na tipak ng lupa kung saan nagmula

ang iba’t ibang mga kontinente sa mundo. Ang mga ito ay naanod sa karagatan hanggang

marating ang kanilang kasalukuyang posisyon.

Patunay ng Teorya ng Continental Drift Ang Laurasia ay binubuo ng

Asya (maliban sa India), Europa,

at Hilagang Amerika. Ang

Gondwanaland naman ay

binubuo ng Antartika, Aprika,

India, at Timog Amerika. Sa

hugis ng mga kontinente, ang

Aprika at Timog Amerika ay

akma kung pagdidikitin.

Mayroon ding magkakatulad na

labi ng mga halaman at hayop

ang natagpuan sa iba’t ibang

kontinente ng mundo tulad ng

buwayang tabang na

matatagpuan sa Brazil at South

Africa. Gayundin, ang labi ng

mga halamang tropikal na

matatagpuan sa Antartika.

Mangyayari lamang ang mga ito kung magkakadugtong nga ang mga kalupaan noon.

Tinatanggap na rin ng mga siyentipiko ang teorya ng plate tectonics dahil napatunayan ng

mga pagsusuri noong 1950 ang paglawak ng sahig ng dagat. Dahil dito, naniniwala ang

mga heologo na mayroon malaking posibilidad na nangyari nga ang continental drift.

Mayroong magkakaparehas na fossil ang natagpuan sa iba’t

ibang kontinente


7

Ang Teorya ng Bulkanismo Ang Teorya ng Bulkanismo ay nagsasaad na nabuo ang mga kapuluan ng Pilipinas sa

pamamagitan ng pagputok ng mga bulkan. Tinatayang mga 200 milyong taon na ang

nakalipas nang naganap ang mga pagputok ng mga bulkan. Ang mga bulkang ito ay

matatagpuan sa ilalim ng Pacific Ocean, gawing silangan ng Asya.

Ang nabuong bato mula sa mga bulkan ay nagkahiwa-hiwalay at nagkaroon ng

katubigan sa pagitan ng mga ito. Mula rito ay nagkaroon ng malaking tipak ng lupa. Kapag

tumagal ay nakakabuo na ito ng grupo ng mga isla o kapuluan na tulad ng sa Pilipinas.

Pagputok ng bulkan sa ilalim ng Karagatang Pasipiko

(larawan ng NSF at NOAA mula sa Wikimedia Commons)


8

Patunay ng Teoryang Bulkanismo Ang Pilipinas ay nasa Pacific Ring of Fire kaya naman kilala rin ang teoryang ito sa tawag

na Teoryang Pasipiko. Ang Pilipinas, kabilang ang ilang mga bansa sa Asya Pasipiko, ay

matatapuan sa sonang ito. Kaya ito tinawag na Ring of Fire ay dahil dito matatagpuan ang

maraming hanay ng mga bulkan. Walang tigil na pagsabog ng mga bulkan at lindol ang

nagaganap sa sonang ito.

Sa katunayan, ang Pilipinas ay may 22 na aktibong bulkan tulad ng Kanlaon sa Negros,

Mayon sa Albay, Pinatubo sa Gitnang Luzon, at Taal sa Batangas. Ang bulkanismo

pinaniniwalaang naganap din sa bansang Japan, Indonesia, Taiwan, New Zealand, at

Solomon Islands.

Ang Pilipinas sa Pacific Ring of Fire


9

A. Tukuyin kung TEORYA NG CONTINENTAL DRIFT o TEORYA NG BULKANISMO ang

tinutukoy sa sumusunod na pangungusap.

_______________1. Nagmula kay Alfred Wegener na isang geophysicst noong 1912.

_______________2. Ayon sa teoryang ito, nabuo ang Pilipinas mula sa paghihiwalay ng

mga continental plates kung saan nakapatong nag kontinente.

_______________3. Ayon sa teoryang ito ang Pilipinas ay nabuo mula sa pagputok ng

mga bulkan.

_______________4. Ang mga nabuong bato mula sa pagsabog ng bulkan ay

nagkawatak-watak at naging arkipelago ng Pilipinas.

_______________5. Patunang ng teoryang ito ang pagiging malapit ng Pilipinas sa

Pacific Ring of Fire.

B. Tukuyin kung ano ang tawag sa sinaunang continental plates ang nasa kahon sa

sumusunod na mga mapa:

1. ________________________

2. ________________________

3. ________________________

Suriin Natin

1

2

3


10

Sagutin ang sumusunod na tanong:

1. Ano ang Teoryang Continental Drift?

2. Ano ang Teoryang Bulkanismo?

3. Ano ang kahalagahan ng mga teoryang ito?

Sa iyong palagay, alin ang mas kapani-paniwalang teorya, ang Continental Drift o

Bulkanismo? Bakit ito ang iyong napili?

Bumuo ng pangkat na may 4 na kasapi. Ipakita sa klase ang paghiwahiwalay ng mga

continental plates sa pamamagitang ng isang malikhaing pagtatahanghal. Maari itong gawin

sa isang pamamagitan ng isang tula, awit, sayaw, o pagsasadula.

Gamitin ang sumusunod na rubrik bilang gabay:

Pamantayan

[25%]

Mas Mababa

kaysa

Inaasahan

[50%]

Kailangan pa ng

Pagsasanay

[75%]

Magaling

[100%]

Napakahusay Marka

Paglalahad ng

impormasyon Karamihan sa

mga

impormasyong

inilahad ay

hindi

tama

Karamihan sa

mga

impormasyong

inilahad ay

tama

Halos lahat ng

impormasyong

inilahad ay

tama

Tama ang mga

impormasyong

inilahad

Sagutin Natin

Pag-isipan Natin

Gawin Natin


11

Kooperasyon

ng mga

Kasapi ng

Pangkat

Hindi

nagtutulungan

ang

mga kasapi

para sa

kanilang

gagawing

pagtatanghal at

isang tao

lamang

ang gumagawa

para sa

pagtatanghal

Ang mga kasapi

ay may kani-

kaniyang ideya

at hindi

magkasundo sa

dapat nilang

gawin

Ilang kasapi

lamang ang

nag-aambag

para sa

pagtatanghal

Ang mga kasapi

ay

tumatanggap

ng ideya nang

hindi

nagbibigay ng

negatibong

komento at

sinusubukang

magkasundo sa

dapat gawin at

karamihan sa

mga kasapi ay

nagbibigay ng

ambag sa

pagbuo ng

presentasyon/

skit/

pagtatanghal

Ang mga kasapi

ay

tumatanggap

ng ideya ng

isa’t isa at

nagkakasundo

as dapat gawin

at lahat ng

kasapi ay may

ambag sa

pagbuo ng

presentasyon/

skit/

pagtatanghal

Pagtatanghal Hindi halos

nakikinig/nano

nood ang mga

manonood

Maraming

pagkakataon

na

bumubulong at

hindi naririnig

Hindi

gumagamit ng

angkop na

galaw o kilos; o

hindi

masyadong

gumagalaw

Sinusubukang

makuha ang

interes ng mga

manonood

Hindi

masyadong

marinig sa ilang

pagkakataon

Gumagamit ng

angkop na

galaw at kilos

sa ilang

pagkakataon

Nakukuha ang

interes ng mga

manonood

Nagsasalita sa

paraang

naririnig ng

mga

manonood

Gumagamit ng

angkop na

galaw at kilos

sa maraming

pagkakataon

Nakakaaliw at

nakukuha ang

interes ng mga

manonood

Nagsasalita

nang malakas

at malinaw

Gumagamit ng

angkop na

galaw at kilos

KABUUAN


12

Aralin 2

Mga Teorya Tungkol sa Pinagmulan ng mga Unang

Tao sa Pilipinas

Marahil ay nabasa o narinig mo na ang

alamat ni Malakas at Maganda. Ayon sa

alamat, sila ay lumabas galing sa isang

mataas na kawayan at naging unang tao

sa mundo.

Ngunit sa labas ng mga alamat at kwento,

sino ba talaga ang unang mga tao sa

Pilipinas?

Ano ang Teoryang Austronesyo?

Paano inilahad sa mga teoryang ito ang

pagkabuo ng Pilipinas at pinagmulan ng

mga unang tao sa bansa?

Alamin natin ang mga sagot sa araling ito.

Layunin Natin

Pagkatapos ng araling ito, ang mga mag-aaral ay inaasahan na naipapaliwanag at

napapahalagahan ang mga ang mga teoryang naglalahad ng pinagmulan ng mga

unang tao sa bansa.

Si Malakas at si Maganda

(larawan ni Rodsan18 mula sa Wikimedia Commons)


13

Ano-anong mga kagamitan o sinong sinaunang tao ang nahanap sa mga lugar na

nakapaloob sa bilog? Isulat ang mga sagot sa kahon.

Subukan Natin

1

2

3


14

Tulad ng pagkabuo ng kapuluan ng Pilipinas,

mayroon ding iba’t ibang teorya ang

nagpapaliwanag sa pinagmulan ng mga tao sa

bansa. Bawat teorya ay batay sa pag-aaral at

masusing pananaliksik ng mga arkeologo sa

mga nahukay na artifact sa iba’t ibang bahagi

ng bansa.

Teoryang Austronesyano Ang teoryang ito ay iminungkahi nina

Peter Bellwood at Eusebio Dizon, mga

tanyag na archaeologist, sa kanilang

papel na ‘The Batanes Archaeological

Project and the "Out of Taiwan Hypothesis

for Austronesian Dispersal.”

Ayon dito, ang mga Austronesyano ay

mga tao na pinaniniwalaang nanggaling

sa timog na bahagi ng Tsina. Mula sa

Formosa (kasalukuyang Taiwan), sila ay

naglayag patungo sa Timog-Silangang

Pag-aralan Natin

Alamin Natin

Tandaan at gawing gabay ang

kahulugan ng sumusunod na

salita:

• pananaliksik – paraan ng

pangangalap ng ebidensiya

upang matukoy ang katangian

at ugnayan ng mga bagay

• arkeologo – tao na

nagsasaliksik tungkol sa

kasaysayan at pangyayari sa

sinaunang panahaon sa

pamamagitan ng pag-aaral at

pagsusuri ng mga pisikal na

ebidensiyang naiwan mula sa

mga panahong iyon

• naglayag – naglakbay sa gamit

ang bangka

Pagitan ng Batanes at Taiwan


15

Asya at Karagatang Pasipiko. Pinaniniwalaang narating nila ang isla ng Batanes

noong tinatayang 3,500 BC.

Pinaniniwalaang ang mga Pilipino sa kasalukuyan ay mga apo na ng mga sinaunang

taong piniling manirahan sa Pilipinas nang ang ibang miyembro ng tribo ay lumipat

patimog, pakanluran, at pasilangan.

Patunay ng Teoryang Austronesyano • Iba’t ibang artifacts ang natagpuan sa isla ng Batanes tulad ng Taiwan nephrite at

slate, mga palayok na may mahabang patayong hawakan, spindle whorls, at

binotched stone fishing sinkers.

• May pagkakahawig ang wika ng mga Malayo-Polynesian sa mga Pilipino.

Teorya ng Core Population Pinalawig naman ni F. Landa Jocano ang teoryang

Austronesyano sa pamamagitan ng pagsulong sa Teorya ng

Core Population. Sa ilalim ng teoryang ito, sinasabing ng mga

Pilipino ngayon ay nagmula sa mga isang lahi ng sinaunang

tao na lumipat hindi lang sa Pilipinas kundi pati na rin sa

Borneo, Australia, at New Guinea.

Sinasabi ni Jocano na ang mga Pilipino ngayon ay produkto ng

mahabang proseso ng ebolusyon at palipat-lipat sa iba’t ibang

lugar sa bansa. Giit pa ni Jocano na hindi masasabing mula sa

lahing Malay ang mga Pilipino dahil ang mga Malaysian at

Indonesian ay nag-evolve lang din batay sa kung ano ang

mayroon sa kanilang kapaligiran.

Patunay sa Teoryang Core Population

• Sa isang pag-aaral na ginawa ng mga siyentipiko sa Unibersidad ng Stanford,

nadiskubreng mayroong pagkakaparehas ang DNA ng mga Pilipino, Tsino, Koreano,

at Vietnamese. Pinakamalapit ang DNA ng mga Pilipino sa mga kabilang sa tribo ng

Ami mula sa Taiwan. • Isa pang pag-aaral ang nagpatunay na mayroong kaparehas na DNA ang mga

Pilipino sa aborigine ng Taiwan, mga Indonesian, Thai at Tsino.

Si F. Landa Jocano ay isa sa mga

kilalang antropologo sa Pilipinas.


16

• Nakita rin sa isang pagsusuri noong 2008 na walang ebidensiya ng malawakang migrasyon mula Taiwan patungong Pilipinas ngunit ang mga DNA ng

mga tao sa timog-silangang Asya ay nag-evolve.

Pandarayuhan o Wave Migration Ang teoryang ito ay iminungkahi ni Otley H. Beyer. Ayon sa

teoryang ito, ang kasalukuyang lahi ng mga tao sa Pilipinas ay

mula sa tatlong pangunahing pangkat—Negrito, Indones, at

Malay. Ang iba’t ibang grupo na ito ay naglayag patungo sa

Pilipinas sa pamamagitan ng tulay na lupa at mga bangkang

tinatawag na balangay.

Dahil sa pag-unlad ng mga metodolohiyang gamit sa

pagnanaliksik, sinasabi ng mga mananalaysay at mga

antropologo na masyadong simple at di kapani-paniwala ang

teoryang ito ni Beyer. Gayundin, mayroong mga ebidensiyang

nakalap na hindi sumasang-ayon sa pahayag ni Beyer kaya’t

hindi na kinikilala ang wave migration bilang isang posibleng

eksplenasyon sa pagkakaroon ng mga tao sa Pilipinas.

Mga Sinaunang Tao sa Pilipinas Sa mga pagsusuri, dalawang labi ng sinaunang tao ang nahanap sa Pilipinas. Ang taong

callao at taong tabon ay mayroong magkaibang katangian na importanteng malaman ng

isang mag-aaral ng kasaysayan.

Ang Taong Callao

Sa pangunguna ni Dr. Armand Mijares noong

2007, nahukay ang buto sa paa (metatarsal) ng

tao sa kweba ng Callao sa Peñablanca, Cagayan.

Gamit ang uranium series dating, ang buto ay

tinatayang 67,000 taong gulang.

May mga parte ng buto ng usa at baboy ramo ang natagpuan malapit sa labi

ng tinaguriang Taong Callao. Ayon kay Dr. Mijares, ito raw ay patunay na si Taong Callao

ay isang sanay na mangangaso.

Buto ng Taong Callao

Si Henry Otley Beyer ay isang

kilalang antropologo.


17

Ang Taong Tabo

Natuklasan naman ang mga labi ng

Taong Tabon sa Kuweba ng Tabon sa

Quezon, Palawan noong 1962 sa

pangunguna ni Dr. Robert Fox. Ang

mga buto na natagpuan ay bungo at

panga na pinaniniwalaang nagmula sa

tatlong indibiduwal. Ang Taong Tabon

ay pinaniniwalaang nabuhay mula

22,000BC hanggang 24,000 BC.

Isulat sa patlang ang wastong sagot.

1. Ayon sa ______________________ ang mga Pilipino ay galing sa tatlong pangunahing

pangkat: Negrito, Indones, at Malay.

2-4. Ang mga ______________________ ay pinaniniwalaang nanggaling mula sa

______________________ patungo sa sa Timog-silangang Asya kung saan sila ay

nakarating sa ______________________.

5. Ang Taiwan ay dating tinatawag na ______________________.

6. Patunay ang mga natagpuang artifacts sa Batanes katulad ng nephrite at slate na

matatagpuan din sa ______________________.

7. Hindi na iminungkahi ang teorya ng pandarayuhan o Wave Migration dahil hindi

sang-ayon ang mga natagpuang buto sa ______________________ sa iminungkahi ni

Otley H. beyer.

8. Tinatayang ______________________ taong gulang ang butong nahukay sa Callao sa

Peñablanca, Cagayan.

9. Ang mga natagpuang buto ng usa at baboy ramo sa tinaguriang Taong Callao ay

nagpapatunay na siya ay maaring isang ______________________.

10. Ang mga butong natagpuan sa Kuweba ng Tabon ay pinaniniwalang nagmula sa

______________________ indibiduwal.

Suriin Natin

Kuweba ng Tabon mula sa dalampasigan

(larawan ni Jimaggro mula sa Wikimedia Commons)


18

Sagutin ang sumusunod na tanong:

1. Ano ang Teoryang Austronesyo?

2. Ano ang iba pang Teorya sa Pinagmulan ng mga Unang Tao sa Pilipinas?

3. Ano ang kahalagahan ng mga teoryang ito?

Sa iyong palagay, mahalaga bang malaman kung saan nagmula ang Pilipinas at ang lahing

Pilipino? Bakit?

Ilarawan sa pamamagitan ng pagpinta sa cardboard ang maaring naging pamumuhay ng

mga unang tao sa Pilipinas. Magsaliksik ng karagdagang impormasyon ng tungkol kanilang

pamumuhay mula sa internet o mga aklat. Siguraduhing nakapaskil at nakatala sa likod ng

cardboard ang iyong mga pinagkunan ng impormasyon.


Pamantayan

[25%]

Mas Mababa

kaysa

Inaasahan

[50%]

Kailangan pa ng

Pagsasanay

[75%]

Magaling

[100%]

Napakahusay Marka

Paglalahad ng

importmasyon

Karamihan sa

mga

impormasyong

inilahad ay

hindi tama

Karamihan sa

mga

impormasyong

inilahad ay

tama

Halos lahat ng

impormasyong

inilahad ay

tama

Tama ang mga

impormasyong

inilahad

Sagutin Natin

Pag-isipan Natin

Gawin Natin


19

Maraming naiwang mga artifacts o pisikal

na ebidensiya na ang mga sinaunang tao

sa Pilipinas. Maari mong hanapin ang mga

ito sa internet ngunit kung may paraan para

makita mo ito ng mas malapitan.

Ang iba sa mga artifacts na ito ay nasa

National Museum of Anthropology o Museum

of the Filipino People sa Ermita, Maynila. Ito

ay bukas mula Martes hanggang Linggo ng

alas-diyes ng umaga hanggang alas-singko

ng hapon. Ilan sa importanteng artifacts na

iyong makikita ay ang banga ng Manunggul

na nahukay sa Kweba ng Tabon.

Kasanayan/

Husay

Walang

kahusayan sa

pagguhit o

paglikha ng

likhang sining

Nagpapakita ng

pagnanais na

mapaghusay

ang kanyang

paggawa ng

likhang sining

May angking

husay sa

paggawa;

kailangan pa

ng kaunting

pagsasanay

Nagpapakita

ng husay at

galing sa

paggawa; may

sapat na

kaalaman o

pagsasanay

Panahon ng

Paggawa

Nakapagpasa

ng kanyang

likhang sining

sa loob ng

dalawang

linggo

matapos ang

itinakdang

petsa ng

pagpapasa

Nakapagpasa

ng kanyang

likhang sining

sa loob ng

isang linggo

matapos ang

itinakdang

petsa ng

pagpapasa

Nakapagpasa

ng kanyang

likhang sining

sa itinakdang

petsa ng

pagpapasa

Nakapagpasa

ng kanyang

likhang sining

bago pa ang

itinakdang

petsa ng

pagpapasa

KABUUAN

Karagdagang Kaalaman

Museum of the Filipino People


20

Bumuo ng apat na angkat. Magtanghal ng iskit na nagpapakita ng paglalakbay ng mga

Austronesiyano mula sa Formosa hanggang sa Batanes.


Pamantayan

[25%]

Mas Mababa

kaysa

Inaasahan

[50%]

Kailangan pa

ng

Pagsasanay

[75%]

Magaling

[100%]

Napakahusay Marka

Paglalahad ng

importmasyon

Karamihan sa

mga

impormasyong

inilahad ay

hindi

tama

Karamihan sa

mga

impormasyong

inilahad ay

tama

Halos lahat ng

impormasyong

inilahad ay tama

Tama ang mga

impormasyong

inilahad

Kooperasyon

ng mga Kasapi

ng Pangkat

Hindi

nagtutulungan

ang

mga kasapi

para sa

kanilang

gagawing

pagtatanghal

at

isang tao

lamang

ang gumagawa

para sa

pagtatanghal

Ang mga

kasapi ay may

kani-kaniyang

ideya at hindi

magkasundo

sa dapat nilang

gawin

Ilang kasapi

lamang ang

nag-aambag

para sa

pagtatanghal

Ang mga kasapi

ay tumatanggap

ng ideya nang

hindi nagbibigay

ng negatibong

komento at

sinusubukang

magkasundo sa

dapat gawin at

karamihan sa

mga kasapi ay

nagbibigay ng

ambag sa

pagbuo ng

presentasyon/

skit/

pagtatanghal

Ang mga kasapi

ay

tumatanggap

ng ideya ng

isa’t isa at

nagkakasundo

as dapat gawin

at lahat ng

kasapi ay may

ambag sa

pagbuo ng

presentasyon/

skit/

pagtatanghal

Pagtatanghal Hindi halos

nakikinig/nano

nood ang mga

manonood

Sinusubukang

makuha ang

interes ng mga

manonood

Nakukuha ang

interes ng mga

manonood

Nagsasalita sa

Nakakaaliw at

nakukuha ang

interes ng mga

manonood

Pagyamanin Natin


21

Maraming

pagkakataon

na

bumubulong at

hindi naririnig

Hindi

gumagamit ng

angkop na

galaw o kilos; o

hindi

masyadong

gumagalaw

Hindi

masyadong

marinig sa

ilang

pagkakataon

Gumagamit ng

angkop na

galaw at kilos

sa ilang

pagkakataon

paraang

naririnig ng mga

manonood

Gumagamit ng

angkop na

galaw at kilos sa

maraming

pagkakataon

Nagsasalita

nang malakas

at malinaw

Gumagamit ng

angkop na

galaw at kilos

KABUUAN

Pinagmulan ng Pilipinas at mga

Sinaunang Kabihasnan

Mga Teorya sa Pagkabuo ng

Pilipinas

Continental Drift

Bulkanismo

Mga Teorya Tungkol sa

Pinagmulan ng mga Unang Tao

sa Pilipinas

Austronesyano

Core Population

Pandarayuhan o

Wave Migration

Mga Sinaunang Tao sa Pilipinas

Taon Callao

Taong Tabon

Paglalagom


22

Ang sumusunod na link ay maaaring tingnan para sa karagdagang impormasyon o mas

malalim na pagtalakay:

• “National Museum Archeological Section” ng National Museum Collections

(http://www.nationalmuseum.gov.ph/nationalmuseumbeta/Collections/Archaeology

.html)

• “Philippines Most Stunning Archeological Discoveries” ng PhFacts

(https://www.youtube.com/watch?v=0VT7JXYfbOY)

• “Austronesian Migration (Crossroads – Civilizations)” ni Nusantu

(https://www.youtube.com/watch?v=LuDqAD2VtDQ)

DAPAT TANDAAN

• Ang Teorya ng Continental Drift ay nagpapaliwanag na ang Pilipinas ay

nabuo dahil sa paghihiwalay ng mga continental plates.

• Ang Teorya ng Bulkanismo ay naglalahad na ang Pilipinas ay nabuo dahil

sa pagsabog ng mga bulkan.

• Ang teorya tungkol sa mga Austronesyano ay nagpapaliwanag na ang

lahing Pilipino ay nagmula sa mga grupo ng tao na Austronesyo na

nanggaling sa timog na bahagi ng Tsina.

• Ang iba pang mga teorya ng pinagmulan ng lahing Pilipino ay ang Teorya

ng Pandarayuhan o Wave Migration Theory, at Teorya ng Core

Population.

• Mayroon mga nahukay na labi ng mga sinaunang tao sa Pilipinas. Ang mga

ito ay kilala ngayon sa tawag na Taong Callao, at Taong Tabon.

Dagdag Sanggunian

http://www.nationalmuseum.gov.ph/nationalmuseumbeta/Collections/Archaeology.html

http://www.nationalmuseum.gov.ph/nationalmuseumbeta/Collections/Archaeology.html

https://www.youtube.com/watch?v=0VT7JXYfbOY

https://www.youtube.com/watch?v=LuDqAD2VtDQ


23

Aralin 1: Mga Teorya sa Pagkabuo ng Pilipinas

Subukan Natin

Suriin Natin

A.

1. Teorya ng Continental Drift

2. Teorya ng Continental Drift

3. Teorya ng Bulkanismo



B.

1. Pangaea

2. Laurasia

3. Gondwanaland

Aralin 2: Mga Teorya Tungkol sa Pinagmulan ng mga Unang Tao sa

Pilipinas

Subukan Natin

1. nephrite at slate, mga palayok na may mahabang patayong hawakan, spindle whorls,

at binotched stone fishing sinkers

2. buto sa paa (metatarsal, buto ng usa at baboy ramo), taong Callao

3. buto o bungo at panga, taong Tabon

Gabay sa Pagwawasto


24

Suriin Natin

1. Pandarayuhan o Wave Migration Theory

2. Austronesyano

3. Formosa o Taiwan

4. Batanes

5. Formosa

6. Taiwan

7. taon o panahon

8. 67, 000

9. mangangaso

10. tatlo

“Alfred Wegener (1880-1930)”. UCMP Berkeley. Nakuha mula sa http://www.ucmp.berkeley.

edu/history/wegener.html

“Continental Drift”. BBC UK. Nakuha mula sa http://www.bbc.co.uk/schools/gcsebitesize/

science/21c_pre_2011/earth_and_space/continentaldriftrev1.shtml

Bellwood, P. at Dizon, E. The Batanes Archaeological Project and the "Out of Taiwan"

Hypothesis for Austronesian. Nakuha mula sa http://pages.upd.edu.ph/sites/default/

files/pawlik/files/bellwood2005_batanes_archaeological_project_and_out_of_taiwan_hy

pothesis.pdf

Halili, M. N. Philippine History. Manila: Rex Book Store, Inc., 2008

Henderson, B. Archaeologist Unearth 67, 000 year-old human bone in Philippines. Nakuha

mula sa http://www.telegraph.co.uk/news/worldnews/asia/philippines/

7924538/Archaeologists-unearth-67000-year-old-human-bone-in-Philippines.html

Peralta, J. In Focus: The Austronesian Expansion- a Reaction to “Paths of Origin”. Nakuha mula

sa http://ncca.gov.ph/about-culture-and-arts/in-focus/the-austronesian-expansion-a-

reaction-to-paths-of-origin/

Rama, M. DC., et.al. Pilipinas Isang Sulyap At Pagyakap. Makati: EdCrisch International Inc.,

2006

Sanggunian

http://www.bbc.co.uk/schools/gcsebitesize/%20science/21c_pre_2011/earth_and_space/continentaldriftrev1.shtml

http://www.bbc.co.uk/schools/gcsebitesize/%20science/21c_pre_2011/earth_and_space/continentaldriftrev1.shtml

http://pages.upd.edu.ph/sites/default/%20files/pawlik/files/bellwood2005_batanes_archaeological_project_and_out_of_taiwan_hypothesis.pdf



http://www.telegraph.co.uk/news/worldnews/asia/philippines/%207924538/Archaeologists-unearth-67000-year-old-human-bone-in-Philippines.html

http://www.telegraph.co.uk/news/worldnews/asia/philippines/%207924538/Archaeologists-unearth-67000-year-old-human-bone-in-Philippines.html

http://ncca.gov.ph/about-culture-and-arts/in-focus/the-austronesian-expansion-a-reaction-to-paths-of-origin/

http://ncca.gov.ph/about-culture-and-arts/in-focus/the-austronesian-expansion-a-reaction-to-paths-of-origin/

Documents

ARALING PANLIPUNAN BAITANG 5, YUNIT 4 Pinagmulan ng