12

Ang - ww2.fda.gov.ph - Online... · Halimbawa ng Label ng Isang Kosmetiko na Naaayon sa ASEAN Cosmetic Labeling Requirements (Harap) 5 Larawan 3. Halimbawa ng Label ng Isang Kosmetiko

  • Upload
    others

  • View
    14

  • Download
    0

Embed Size (px)

Citation preview

Ang Online Shopping ay isang uri ng electronic commerce

kung saan ang isang mamimili ay maaaring makabili ng

mga produkto o serbisyo gamit ang internet. Mula sa

paglabas ng unang online shopping website ay naging

mabilis ang kanilang pagdami dahil sa labis na

pagtangkilik dito ng mga mamimili.

Sa kasalukuyan, iba’t ibang uri ng produkto ang maaaring

mabili sa mga online shopping websites. Kabilang na rito

ay ang mga KOSMETIKO tulad ng mga sabon, pabango,

kolorete at pulbo sa katawan.

Upang maprotektahan ang publiko, pinapayuhan ng Food

and Drug Administration (FDA) ang lahat ng mga

mamimili na maging maingat at mapanuri sa pagbili ng

mga kosmetiko gamit ang mga online shopping websites.

1

2

1. Bumili lamang ng mga kosmetikong dumaan sa

pagsusuri ng FDA at nabigyan ng kaukulang

Cosmetic Notification.

Upang malaman kung ang isang kosmetiko ay

dumaan sa pagsusuri ng FDA, gamitin lamang ang

Search tab na matatagpuan sa itaas na bahagi ng FDA

website (www.fda.gov.ph) tulad ng ipinapakita sa

ibaba.

Larawan 1. FDA Website Homepage

Upang magamit ang search engine, i-type o ilagay

ang buo o bahagi ng pangalan ng kosmetiko.

3

2. Suriin nang mabuti ang produktong kosmetiko.

Ang mga mamimili ay hinihikayat na mag-research at

magtanong upang makakalap ng impormasyon na

makatutulong sa paggawa ng desisyon. Huwag

kaagad maniniwala sa mga sinasabi sa patalastas o sa

mga label ng produkto tulad ng “makapuputi sa loob

ng isang araw” o “makatatanggal ng tagihawat sa

isang pahid lamang.”

3. Basahin ang label.

Ang mga mamimili ay pinapayuhang ugaliing basahin

nang mabuti ang label ng kosmetiko bago ito gamitin,

lalo na ang parte ng “paraan ng paggamit” o

“instructions for use.” Siguraduhing hindi ka allergic

sa mga nilalaman ng produkto. Upang manigurado,

maaaring subukan muna ang kosmetiko sa maliit na

parte ng iyong katawan, tulad ng braso o likod ng

tainga at maghintay ng posibleng reaksyon sa

produkto. Gamitin lamang ang kosmetiko ayon sa

nakasulat sa label. Huwag nang gamitin ang produkto

kung sakaling nagbago na ang kulay, amoy o hitsura

nito.

4

Ayon sa batas, lahat ng mga kosmetikong ibinebenta sa

merkado ay dapat mayroong siyam (9) na impormasyon

sa kanilang label. Ang mga impormasyong ito ay

maaaring matagpuan sa immediate o outer packaging

ng produkto. Ang immediate packaging ay tumutukoy

sa lalagyan na direktang nakalapat o nakadikit sa

kosmetiko tulad ng bote o garapon. Samantala, ang

outer packaging ay tumutukoy sa lalagyan kung saan

inilalagay ang immediate packaging tulad ng karton.

Ang mga impormasyon na dapat nakalagay sa label ng

mga kosmetiko ay ipinapakita sa mga Larawan 2 at 3.

Larawan 2. Halimbawa ng Label ng Isang Kosmetiko na Naaayon sa ASEAN Cosmetic Labeling Requirements

(Harap)

5

Larawan 3. Halimbawa ng Label ng Isang Kosmetiko na Naaayon sa ASEAN Cosmetic Labeling

Requirements (Likod)

Kung sakaling maliit o irregular ang hugis ng

kosmetiko at hindi maaaring mailagay lahat ng

impormasyon sa immediate o outer packaging, ang

mga mamimili ay pinapayuhang hanapin ang ibang uri

ng informative material, tulad ng leaflets, pamphlets,

hangtags or display panels. Gayunpaman, sa ganitong

mga pagkakataon, lagi pa ring hanapin sa immediate

packaging ng kosmetiko ang pangalan ng produkto at

ang manufacturer’s batch/lot number.

6

4. Kaagad na itigil ang paggamit ng kosmetiko

sakaling magkaroon ng adverse reaction.

Ang adverse reactions, tulad ng pangangati,

pamumula at pamamaga ng balat ay maaaring

mangyari kaagad o pagkalipas ng ilang oras. Sakaling

magkaroon ka ng adverse reaction sa isang

kosmetiko, itigil agad ang paggamit ng produkto at

hugasan ng tubig at sabon ang parte ng katawan kung

saan ito nilagay. Kapag hindi nawala ang mga

sintomas, mabuting kumonsulta sa doktor.

5. Isumbong ang anumang adverse reaction na

naranasan sa tindahang binilhan ng produkto, sa

kumpanyang nakasaad sa label o sa FDA.

Anumang adverse reaction na naranasan ng isang

mamimili, ito man ay minor reaction tulad ng

pamumula at pangangati ng balat o major reaction

tulad ng anaphylactic shock, ay dapat na idulog sa

FDA. Ang mga adverse reaction na sanhi ng

paggamit ng kosmetiko ay binabantayan at

iniimbistegahan ng FDA upang masigurado ang

kaligtasan at kalidad ng mga kosmetiko sa merkado.

7

Ang publiko ay maaaring magpadala ng report sa

FDA gamit ang mga sumusunod na paraan:

a. FDA e-Report

Isang paraan upang dumulog sa FDA ay ang FDA e-

Report. Ito ay matatagpuan sa itaas na bahagi ng FDA

website. (tingnan ang Larawan 4)

Larawan 4. Bahagi ng FDA Website na Naglalaman ng FDA e-Report

b. Magpadala ng email sa [email protected]

c. Tumawag sa FDA Center for Cosmetics

Regulation and Research (CCRR) sa numero

(02) 857-1984

Para sa iba pang mga balita, paalala, babala at

impormasyon, pumunta sa FDA website

(www.fda.gov.ph).

Kung nais namang malaman o mabasa ang pinakabagong

paalala o babala kaugnay ng kosmetiko sa merkado,

magtungo lamang sa “ADVISORIES” sa itaas na bahagi

ng FDA website at piliin ang “COSMETIC” (tingnan

ang Larawan 5).

Larawan 5. Bahagi ng FDA Website na Naglalaman ng Advisories

8

Figure 5. Consumer Corner of the FDA Website

Para naman sa listahan ng mga kosmetikong dumaan sa

pagsusuri ng FDA, maaaring pumunta sa “CONSUMER

CORNER” at piliin ang “COSMETIC PRODUCT

NOTIFICATION” (tingnan ang Larawan 6).

9

Larawan 6. Bahagi ng FDA Website na Naglalaman ng Listahan ng mga Kosmetikong Dumaan sa Pagsusuri ng FDA

10

Para sa iba pang mga katanungan tungkol sa kosmetiko,

huwag mag-atubiling dumulog sa Food and Drug

Administration – Center for Cosmetics Regulation and

Research (FDA-CCRR) gamit ang sumusunod na paraan:

a. Telepono – (02) 857-1984

b. Email – [email protected]

Ang subject ng lahat ng email na ipapadala sa

[email protected] ay dapat lagyan ng CCRR sa

unahan.

Halimbawa ng subject ng email

“CCRR – Pekeng Kosmetikong Ibinebenta sa

Internet”

Isang Produkto ng

Department of Health – Food and Drug Administration