Ajinomoto Group Principles · Pangangasiwa sa pagbili at pag-angkat sa ibang bansa 4. Hakbang para sa Karapatang Pantao ... 1.4. Principles 01 Mensahe mula sa Pangulo Para sa lahat

PrinciplesAjinomoto Group

Filipino

Pilipino

MGA NILALAMAN

Mensahe mula sa Pangulo•• • • • • • • • • • • • • • • • • • • • • • • • • • •01

Pilosopiya ng Ajinomoto Group•• • • • • • • • • • • • • • • • • • •02

Ang Pamamaraan ng Ajinomoto Group•• • • • • • • • • •03

Mga Pamantayan ukol sa Pamamalakad ng Negosyo ng Ajinomoto Group•• • • • • • • • • • • • • • • •04

Pangkalahatang Ideya• • • • • • • • • • • • • • • • • • • • • • • • • • • • • • • • • • • • • • • • • • •04Layunin

Sakop ng Pamantayan ng Pag-aasal

Mga Tagubilin sa Pagpapatupad

Pagtatatag at Rebisyon ng Pamantayan ng Pag-aasal

Pangunahing Prinsipyo•• • • • • • • • • • • • • • • • • • • • • • • • • • • • • • • • • • • • • • • • •05

1. Paglalaan ng Produkto at Serbisyong Ligtas at Mataas ang Kalidad•• • • • • • • • • • • • • • • • • • • • • • • • • • • • • • • • • • • • • • • • • •06

Paglinang at Paghahatid ng Ligtas, May mataas na Kalidad na Produkto at Serbisyo

Pagtiyak sa Kalidad ng Produkto

Pagbibigay-Impormasyon at Maayos na Komunikasyon

Pagpapakilala at Pagbebenta

2. Ambag sa Kalikasan at Pangkapaligirang Balanse•• • • •08Pagtiyak na ang ating mga gawi ay nakakatulong sa kapaligiran

Pakikipag-ugnayan sa lipunan ukol sa kalikasan

3. Patas at Malinaw na mga Transaksyon•• • • • • • • • • • • • • • • •09Pagsunod sa batas ukol sa “antitrust” at iba pang mga kaugnay na batas

Pagtiyak sa patas na pagbili

Pagtupad sa mga responsibilidad sa lipunan ukol sa mga gawi sa pagbili

Wastong pakikihalubilo at pakikitungo

Pagbabawal sa panunuhol at korupsyon

Pag-iwas sa pagkakasangkot sa mga organisadong krimen

Pangangasiwa sa pagbili at pag-angkat sa ibang bansa

4. Hakbang para sa Karapatang Pantao•• • • • • • • • • • • • • • • • • • •11Pag-galang sa karapatang pantao

Pagpapanatili sa mga karapatang kaugnay sa pag-tatrabaho

5. Pagsasanay ng Tao at Pagtiyak ng Kaligtasan•• • • • • • •12Pantay na pagkakataon at patas na pagtingin sa mga empleyado

Ang pag-unlad ng Ajinomoto Group at ng mga empleyado nito

Pagbabawal ng diskriminasyon at pang-aabuso

Paglikha ng ligtas at komportableng pook-gawaan

6. Pakikipagtulungan sa Lokal na Komunidad•• • • • • • • • • • •14Pagtiyak na nakaka-ambag ang ating negosyo sa lipunan

Pag-respeto sa mga lokal na kultura

Pakikipagtulungan sa mga non-governmental organizations (NGO) at non-profit organizations (NPO)

Donasyon, Pag-isponsor, at Pamamahala ng foundation

7. Mga responsibilidad sa ating mga Kapitalista, Mamumuhunan at iba pang Kasosyo sa Trabaho• • • • • • •15

Wastong paglalabas ng impormasyon

Pagtiyak sa mapapagkatiwalaaang Pinansyal na ulat

Pag-babawal sa insider trading

8. Pangangalaga at Pangangasiwa ng mga Ari-arian ng Korporasyon at mga Impormasyon ukol dito•• • • • •16

Pangangasiwa sa mga ari-arian ng korporasyon

Pangangasiwa sa impromasyon

Pangangalaga sa karapatan sa pagmamay-ari ng ideya

9. Malinaw na pagkakaiba ng Negosyo at Personal na bagay• • • • • • • • • • • • • • • • • • • • • • • • • • • • • • • • • • • • • • • • • • • •17

Pag-iwas sa magkasalungat na interes

Ang mga ugnayang pang-negosyo ay pagmamay-ari ng kumpanya

Personal na adbokasiya at mga politikal na gawain

1.1

4.1

4.2

5.1

5.2

5.3

5.4

6.1

6.2

6.3

6.4

7.1

7.2

7.3

8.1

8.2

8.3

9.1

9.2

9.3

2.1

2.2

3.1

3.2

3.3

3.4

3.5

3.6

3.7

1.2

1.3

1.4

Ajinomoto Group Principles 01

Mensahe mula sa Pangulo

Para sa lahat ng kasapi ng Ajinomoto GroupLayunin ng Ajinomoto Group na sa pamamagitan ng ating mga negosyo, tayo ay makiisa sa pagbibigay-solusyon sa mga problemang kinakaharap ng mga tao, tulad ng “pagpapanatili ng maayos na pamumuhay”, “sapat na mapagkukuhanan ng pagkain”, at “maayos at malusog na pamumuhay” ayon na rin sa Pilosopiya ng Ajinomoto Group na “Bumubuo tayo ng mas mahusay na pamumuhay sa mundo, sa pamamagitan ng pagbibigay ng kontribusyon sa makabuluhang paglago sa Pagkain at Kalusugan at paggawa para sa Buhay”. Kasabay ng mabilis na pagbabago at pag-unlad ng ating paligid at malawak na epekto ng globalisasyon, ating hinaharap ang dumarami at iba’t ibang pangangailangan ng ating mga tagatangkilik gayundin ng mga mamumuhunan. Dahil sa mga sitwasyong ito at upang maging isang ganap na “Kumpanyang Tunay na may Pandaigdigang Espesyalidad”, pinagtibay natin noong 2014 ang ating pandaigdigang sistema ng pamamalakad sa pamamagitan ng pinag-isang Pamantayan ng Wastong Pagkilos sa Negosyo ng Ajinomoto Group at Wastong Pagkilos sa Korporasyon ng Ajinomoto Group. Hinihiling ko sa bawat isa sa ating mga kasapi na pag-aralan at unawaing mabuti ang layunin ng Pilosopiya ng Ajinomoto Group, Pamamaraan ng Ajinomoto Group, at Wastong Pagkilos at Pamantayan sa Ajinomoto Group. Ito ay upang sama-sama nating matalakay ang mga regulasyon at konsepto ng paggawa at maipatupad ang mga ito sa araw-araw. Layunin nating lahat na maipakita ang ating pagiging malikhain at pagbutihin pa ang ating galing upang makabuo ng “kumpanyang nananatiling matatag sa buong mundo”.

Takaaki NishiiPangulo, Ajinomoto Co., Inc.Chief Executive Officer ng Ajinomoto Group

Para

an s

a Pa

gtiy

ak n

g Na

rara

pat n

a Pr

oses

o Paraan ng Paggamit ng Lakas upang Lum

ago

Pilosopiya ngAjinomoto

Group

Ang Pamamaraan ngAjinomoto Group

Mga Pamantayansa Pag-uugalisa Negosyo ng

Ajinomoto Group

Mithiin ngAjinomoto Group

AGP at Mithiin ng Ajinomoto GroupAGP = Mga Simulain ng Ajinomoto Group

Ajinomoto Group Principles02

Lumikha tayo ng mas magandang pamumuhay para sa buong mundo,

sa pamamagitan ng mga makabuluhang pagbabago sa larangan ng pagkain at

kalusugan at sa patuloy na paglilingkod tungo sa magandang buhay.

Paano natin gustong makilala, ano ang ating misyon at mga mithiin bilang mga kumpanyang bumubuo sa Grupo ng Ajinomoto

Pilosopiya ng Ajinomoto Group


Ano ang mahalaga para sa atin na dapat lagi nating isaisip at tuparin

Lumikha nga mga Bagong Kapakinabangan – LumikhaLumikha ng mga bagong pakikinabangan sa negosyo mula sa mga bagong kaalaman at

sa patuloy na mga pagbabago.

Naisin na Laging Lumikha ng Bago – MagsimulaLaging tumugon sa patuloy na hamon na lumikha ng mga bagong negosyo at merkado.

Gumawa ng Kabutihan sa Lipunan – MagbahagiAsikasuhin ang mga pangangailangan ng lipunan ng buong katapatan at

pagpapakumbaba at kamtin ang pagpapahalaga ng lipunang ito sa pamamagitan ng

mga gawain sa negosyo.

Pahalagahan ang Tao – PaggalangIgalang ang pagkatao ng lahat ng kabahagi sa Grupo ng Ajinomoto, at maging isang

organisasyon kung saan sinuman ay uunlad at makakapagpamalas ng kakayahan

hanggang sa abot ng kanilang makakayanan.

Ang Pamamaraan ng Ajinomoto Group


Sakop ng Pamantayan sa Pamamalakad

Layunin

Mga Tagubilin sa Pagpapatupad

Pagtatatag at Rebisyon ng Pamantayan ng Pag-aasal

Nasasakop ng Pamantayan sa Pamamalakad na ito ang lahat ng mga namumuno at manggagawa (regular man o pansamantala) ng lahat ng mga kumpanyang nasasailalim sa Ajinomoto Group. Ang mga kumpanyang ito, sa pamamagitan ng mga pamunuan o katumbas na mga namamahala dito, ay magsasagawa ng mga hakbang para maipatupad ang mga Hangarin ng Ajinomoto Group1.

1. Nakapaloob sa mga Simulain ng Ajinomoto Group ang Pilosopiya, Gawi at Pamantayan ng Pag-aasal nito.

Ang mga Pamantayan ukol sa Pamamalakad ng Negosyo ng Ajinomoto Group (tatawaging “Pamantayan sa Pamamalakad” sa dokumentong ito) ay naglalarawan ng pag-aasal na dapat ay lubos na nauunawaan at araw-araw na naisasagawa ng bawat kasapi ng Ajinomoto Group. Ito ay upang maisabuhay ang Pilosopiya ng Ajinomoto Group ayon sa Pamamaraan ng Ajinomoto Group. Kinakatawan din ng Pamantayan ng Pag-aasal ang mga pangako sa mga mamumumuhunan sa mga kumpanya ng Ajinomoto Group.

• Ang mga kumpanya ng Ajinomoto Group ay nagbibigay-diin sa pagsunod sa Pamantayan sa Pamamalakad. Sinisigurado din ng mga kumpanyang ito na walang masamang maidudulot ang pagsunod ng mga manggagawa at opisyal sa pamantayang ito.

• Masusing pagbabantay ang gagawin ng kumpanya upang walang pandaraya o paglabag ang mangyari kaugnay sa mga nasabing Pamantayan. Magkakaroon din ng pagkonsulta at pakikipanayam sa mga kinauukulan o sa mga napiling tagapag-ugnay ng kumpanya tungkol sa mga detalyeng maari o pinaniniwalaang magiging problema tungkol sa Pamantayang ito. Titiyakin din ng kumpanya ang pagprotekta sa personal na impormasyon at pagbibigay ng sariling kakanyahan sa mga taong mag-uulat o kukunsulta at sisiguraduhing ang pag-uulat na ito ay hindi sa ikapipinsala ng taong nababanggit.

• Ang pamunuan ng Ajinomoto Group ay dapat manguna sa pagbibigay halimbawa sa pagsunod sa nasabing bagong Pamantayang ito. Kaugnay ng pagiging halimbawa, ang pamunuan ay kinakailangang tumiyak na masusunod ang Pamantayang ito sa kanilang mga kumpanya at palaging hingin ang panig ng mga tao sa loob at labas ng kumpanya upang magkaroon ng maayos at epektibong sistema.

• Sa oras ng pagkakaroon ng malakihang paglabag sa Pamantayan sa Pamamalakad na ginawa ng kumpanya, ang mga nakakataas na opisyales ng Ajinomoto Group ay naaatasang klaruhin sa mga mamumuhunan ang kanilang opisyal na posisyon at aksyon sa nasabing paglabag maging ang mga paraan ng pagreresolba nito. Titiyakin din nila na hindi na muli pang mauulit ang naturang paglabag.

• Ang bagong Pamantayan sa Pamamalakad na ginawa ay pinagtibay ng resolusyon ng Lupon ng Pangasiwaan ng Ajimoto Group matapos ang masusing konsiderasyon ng mga Komite at ng Pamunuan ng Ajinomoto Co., Inc.

• Pinagtibay ng Ajinomoto Group ang mga Pamantayang ito kasama ng mga Lupon ng Pangasiwaan o kahalintulad na namamahala at gumawa ng nararapat na hakbang upang tiyaking napapatupad ito sa tamang paraan.

• Ang pagrerebisa ng nasabing Pamantayan ay gagawin din sa parehong pamamaraan ng paggawa ng Pamantayan sa Pamamalakad nung una itong ipatupad.

Mga Pamantayan ukol sa Pamamalakad ng Negosyo ng Ajinomoto GroupPangkalahatang Ideya


2. Hinihiling ng Pandaigdigang Kasunduan ng Nagkakaisang mga Bansa (United Nations Global Compact) sa mga kumpanya ang kumilos, gumawa at magsikap sa abot ng kanilang lakas, ang isang hanay ng mga alituntunin na nakasalig sa hanay ng karapatang pantao, pamantayan ng paggawa, kapaligiran at laban sa katiwalian.

Karapatang PantaoSimulain 1: Ang bawat negosyo ay dapat sumuporta at magbigay-galang sa pandaigdigang batas ng karapatang pantao; atSimulain 2: tumitiyak na hindi masasangkot sa anumang pang-aabuso sa karapatang pantao.

PaggawaSimulain 3: Ang bawat negosyo ay dapat na sang-ayunan at pagtibayin ang kalayaan ng mga asosasyon maging ang

pagkakaunawaan ng lahat;Simulain 4: pag-aalis sa mga paraan ng sapilitang paggawa;Simulain 5: mabisang pagtatanggal sa pagpapatrabaho sa menor-de-edad; atSimulain 6: pag-aalis ng diskriminasyon na may kinalaman sa trabaho at okupasyon.

Kapaligiran/KalikasanSimulain 7: Dapat na suportahan ng mga negosyo ang mga maingat na hakbang para harapin ang mga isyung

pang-kalikasan;Simulain 8: manguna sa paggawa ng mas malawak at malaking hakbang sa pagiging responsable sa kalikasan; atSimulain 9: hikayatin ang pagbuo at pamamahagi ng mga teknolohiyang hindi makasasama sa kalikasan.

Laban sa KatiwalianSimulain 10: Ang bawat negosyo ay nararapat kumilos laban sa katiwalian at sa anumang uri nito kabilang na ang mga

panunuhol at pangingikil.

Pangunahing Prinsipyo

l Kumikilos tayo sa makalipunan at responsableng pamamaraan batay sa kaugalian at moralidad na nakapaloob sa Pilosopiya ng Ajinomoto Group: “Lumikha tayo ng mas magandang pamumuhay para sa buong mundo, sa pamamagitan ng mga makabuluhang pagbabago sa larangan ng pagkain at kalusugan at sa patuloy na paglilingkod tungo sa magandang buhay”.

l Sa saligan naman ng ating tamang pagkilos, binabalikat natin ang paraan o Gawi ng Ajinomoto Group (Ajinomoto Group Way): “Sinisikap nating tiyakin na ang ating mga programa ay nakatutulong sa pagresolba sa mga problema at pagsubok sa pagkain gayundin ang pinagkukuhanan nito gayundin ang pandaigdigang pagpapanatili na nakatuon sa pag-unlad ng buhay”.

l Mapunyagi rin nating inaani ang tiwala ng ating mga mamumuhunan sa pamamagaitan ng pagiging patas, walang kinikilingan, malinaw at tapat na pag uugali. Tutuparin natin ito sa pamamagitan ng pagtatatag ng mga Pamantayan at sa pagsunod sa nasyonal at internasyonal na regulasyon at batas.

l Sinusuportahan din natin ang Pandaigdigang Kasunduan ng Nagkakaisang mga Bansa (United Nations).


1.1 Paglinang at Paghahatid ng Ligtas, May mataas na Kalidad na Produkto at Serbisyo1.1.1 Kumakalap tayo ng mga impormasyon sa iba’t ibang sektor ng lipunan at nagsisiyasat sa mga pangangailangan

ng mga mamimili upang makapagbigay ng maayos at magagandang produkto at serbisyo.

1.1.2 Nagsasagawa din tayo ng mga masusing pagtatanong (survey) at paghingi ng mga opinyon bago maglabas at magbigay ng produkto at serbisyo para sa mas lalong kasiyahan ng mga tao.

1.1.3 Pinaninindigan din natin ang resposibilidad ng “Ajinomoto Group”, na ang paggawa ay may kinalaman sa buhay ng tao, kalusugan, kalikasan, at natural na daloy ng buhay sa kalikasan (ecosystem). Gumagawa din tayo ng masusing pagtatanong (survey) at pagsisiyasat na kailangan upang matiyak na ang produkto at serbisyong ating binibigay ay siguradong ligtas at hindi nakapapahamak.

1.2 Pagtiyak sa Kalidad ng Produkto1.2.1 Sumusunod tayo sa mga batas, regulasyon, at nararapat na mga pamantayan kaugnay sa kaligtasan ng

mga produkto at serbisyo. Sa pagkakataong ang ating mga produkto at serbisyo ay hindi makatupad sa mga pamantayan, gumagawa agad tayo ng mabilis na aksyon upang tukuyin ang pinagmulan ng problema at sa pagpigil sa posibleng pag-ulit nito.

1.2.2 Sa oras na may mangyaring problemang di inaasahan patungkol sa kalidad ng produkto at serbisyo na ating binibigay sa mga mamimili, agad tayong nagbibigay ng tamang impormasyon kaugnay ng mga produkto at serbisyo at agad nagbibigay- aksyon at solusyon upang malimitahan ang pinsalang maaaring idulot nito. Bilang paglalawig, pinagsusumikapan nating tukuyin ang naging sanhi ng problema at pigilan ang muling pag-ulit nito.

Patuloy tayong naglalayong unahing palagi ang ating mga tagatangkilik. Sa pamamagitan ng mga progresibong teknolohiya, bumubuo tayo at nagbibigay ng ligtas, mataas na kalidad na mga produkto at serbisyo. Ito ay upang pagandahin at paunlarin ang buhay ng tao sa buong mundo alinsunod sa pilosopiyang “mamuhay sa pamamagitan ng mga makabuluhang pagbabago sa larangan ng pagkain at kalusugan at sa patuloy na paglilingkod tungo sa magandang buhay”.

Upang mabuo at mapanatili ang tiwala at ekspektasyon ng ating mga mamimili at matiyak ang kanilang kasiyahan, nagbibigay tayo ng tamang impormasyon tungkol sa ating mga produkto at serbisyo, at seryosong tinutugunan ang kanilang mga katanungan.

1. Paglalaan ng Produkto at Serbisyong Ligtas at Mataas ang kalidad

Mga Pamantayan ukol sa Pamamalakad ng Negosyo ng Ajinomoto Group


1.3 Pagbibigay-Impormasyon at Maayos na Komunikasyon1.3.1 Ipinapaalam natin ang impormasyon ng ating mga produkto sa tuwing kailangan at sa tamang panahon.

Pinakikinggan nating lubos ang opinyon at mungkahi ng mga mamimili at umaaksyon sa maayos na pamamaraan.

1.4 Pagpapakilala at Pagbebenta1.4.1 Maayos nating inilalarawan, ipinaliliwanag at tinatatakan/pinangangalanan ang ating mga produkto at serbisyo

upang matiyak na madaling maiintidihan at mauunawaan ng mga mamimili nito.

1.4.2 Tungkol sa pagpapakilala at komunikasyon sa mga mamimili, gumagamit tayo ng mga makatotohanan at nararapat na mga pahayag o ekspresyon. Umiiwas din tayo sa paggamit ng mga ekspresyong maaring magdulot ng maling pagkaunawa o pagkalito tungkol sa mga katangian ng ating mga produkto at serbisyo. Sinisikap din nating magbigay ng malinaw na adhikain at impormasyon sa mga mamimili kaugnay ng ating mga produkto at serbisyo. Kumikilos din tayong maigi upang pagtibayin ang ating resposibilidad lalong higit sa pagpapakilala ng mga produkto sa mga bata.

1.4.3 Tinitiyak din nating hindi tayo nagbibigay ng maling impormasyon sa ating mga mamimili at kasama sa negosyo tungkol sa produkto at serbisyo ng iba/kalabang kumpanya. Hindi tayo kumikilos sa paraang makakasira ng kredibilidad ng ibang kumpanya. Samakatuwid, sa tuwing gumagawa tayo ng paghahambing sa ating mga produkto at serbisyo sa iba, maingat nating pinoprotektahang hindi ito makasira ng kanilang reputasyon.


2.1 Pagtiyak na ang ating mga gawi ay nakakatulong sa kapaligiran2.1.1 Tayo ay may kamalayan ukol sa mga pang-daigdigan at lokal na isyung pangkapaligiran. Patuloy tayong

nagsisikap mapaunlad ang ating proseso at mabawasan ang epekto nito sa kapaligiran.

2.1.2 Hindi lamang natin tinutugunan ang pangangailangan ng ating mga mamimili, tinutugunan din natin ang pangangailangan ng nakararami sa pamamagitan ng pag-ambag at pag-mamalasakit sa kalikasan. Tinitiyak natin na mahusay ang pag-gamit sa ating mga materyales at enerhiya. Upang magawa ito, isinasaalang-alang natin ang kalikasan sa bawat yugto ng ating pag-gawa –mula sa pagsasaliksik, maging sa paglikha at pagbebenta, hanggang sa pag-gamit ng produkto, pagtatapon at pagreresiklo.

2.1.3 Inaalam natin ang pinakabagong patakaran ukol sa kalikasan sa iba’t ibang panig ng mundo, maging ang mga pandaigdigang pamantayan, at tinitiyak natin ang epekto sa kalikasan ng ating operasyon. Ginagawa natin ito para maiwasan ang pinsalang maaring magawa ng ating operasyon sa kapaligiran.

2.1.4 Gumagawa tayo ng mga hakbang upang i-angat ang kamalayang pangkapaligiran sa loob ng ating kumpanya maging sa lipunang ating kinabibilangan. Inuuna natin ang kapakanan ng kapaligiran sa lahat ng ating ginagawa –mula sa pagkuha ng materyales hanggang sa pagbibigay ng produkto at serbisyo sa ating mga mamimili.

2.2 Pakikipag-ugnayan sa lipunan ukol sa kalikasan2.2.1 Sineseryoso natin ang obligasyong palaganapin ang mga impormasyon ukol sa kapaligiran at makipag-ugnayan

sa mga tao upang matugunan ang kanilang mga inaasahan at makuha ang kanilang tiwala.

2.2.2 Nakikipagtulungan tayo sa iba’t ibang samahan maging sa pamahalaan, ahensya, mamimili, kasosyo, NGOs, NPOs, at mga lokal na residente upang matiyak na may positibong dulot sa kapaligiran ang ating operasyon.

Tayo ay nagsisikap na maka-ambag sa isang balanseng kapaligiran kung saan ang mga susunod na henerasyon ay makakatamasa ng mas mabuting buhay at hitik na likas na yaman.

Naiintindihan natin na ang ating negosyo ay umaasa sa biyaya ng kalikasan, kaya patuloy tayong nagsisikap na bawasan ang kung ano mang negatibong epektong naidudulot nito sa kapaligiran. Patuloy nating pinahahalagahan ang pag-reresiklo at mas mahusay na pag-gamit ng enerhiya.

Masinop nating ginagamit ang ating materyales at enerhiya upang magampanan ang responsibilidad nating pangalagaan ang kapaligiran.

2. Ambag sa Kalikasan at Pangkapaligirang Balanse



3.1 Pagsunod sa batas ukol sa “antitrust” at iba pang mga kaugnay na batas3.1.1 Gumagawa tayo ng mga hakbang upang matiyak ang pagsunod natin sa mga batas ukol sa patas na

kompetisyon sa negosyo sa bawat bansang kinabibilangan natin, maging ang mga alituntuning kaugnay sa malaya at patas na transaksyon.

3.1.2 Ipinapatupad natin ang mga patakaran upang maiwasan ang pakikipagsabuwatan sa ating mga kumpetisyon sa negosyo para mamanipula ang presyo at dami ng produkto. Hindi tayo nakikilahok sa mga gawain na makakaapekto sa kompetisyon (pagsama sa mga kartel) o sa panloloko.

3.1.3 Pinapatupad natin ang mga patakaran upang maiwasan ang hindi patas na kompetisyon o pakikipagsabwatan para mabawasan ang mga katunggali natin sa negosyo o mapigilan ang pagpasok ng kanilang produkto sa merkado.

3.2 Pagtiyak sa patas na pagbili3.2.1 Palagi nating iginagalang ang malaya at patas na kompetisyon sa pagbili. Nagbibigay tayo ng patas na

pagkakataon at pinipili natin ang ating mga kasosyo batay sa masusi at tapat na pagsusuri ng presyo, kalidad, serbisyo at iba pang mga salik.

3.2.2 Hindi tayo nakikilahok sa mga gawaing makaka-argabyado sa ating mga kasosyo, hindi rin natin ina-abuso ang ating dominanteng posisyon pagdating sa mga transaksyon.

Tayo ay patas at malinaw sa lahat ng ating mga transaksyon, kinikilala natin ang mga kontraktor bilang mahalagang kasosyo sa negosyo.

Bilang bahagi ng Ajinomoto Group, na matatagpuan sa iba’t ibang dako ng mundo, iniintindi at sinusunod natin ang mga patakaran at alituntunin ukol sa pag-nenegosyo sa lahat ng bansang kinabibilangan natin.

Patas nating sinusuri at pinaghahambing ang presyo at kalidad sa tuwing mamimili tayo ng subcontrators at supplier ng ating mga materyales, produkto o serbisyo.

Kaisa natin ang mga subcontractor at supplier sa ating pagsisikap na matupad ang mga pananagutan natin sa lipunan, kasama na ang pangangalaga sa kalikasan at karapatang pantao.

Tumutupad tayo sa lahat ng patakaran na nagbabawal sa ilegal na kontribyusyon, pagbabayad o panunuhol sa mga opisyal ng pamahalaan at pinapanatili natin ang tapat na pakikitungo sa lahat ng mga kawani ng gobyerno.

Mahigpit nating iniiwasang masangkot sa kahit anong organisadong krimen na maaring magbigay-panganib sa kapayapaan at kaligtasan ng nakararami.

3. Patas at Malinaw na mga Transaksyon


3.3 Pagtupad sa mga responsibilidad sa lipunan ukol sa mga gawi sa pagbili3.3.1 Sa pagbili, pinipili natin ang mga materyales na “sustainable” o walang pang-matagalang epekto sa kapaligiran.

3.3.2 Inaasahan natin na ang ating mga kasosyo ay susunod sa mga karapatang pantao, karapatan ng manggagawa, pananagutan sa kalikasan, paglaban sa korupsyon, at iba. Nakikipagtulungan tayo sa kanila upang matiyak na nasusunod ang mga patakaranng kaugnay sa mga ito.

3.4 Wastong pakikihalubilo at pakikitungo3.4.1 Masusi nating pinagpapasyahan ang mga usapin tungkol sa mga regalo, pagsasaya, at iba pang mga gawaing

kaugnay sa pakikisalamuha.

3.4.2 Hindi tayo nagbibigay ng di-naakmang regalo, salapi, o nagsasagawa ng di-kaiga-igayang paglilibang para sa ating mga mamimili o kasosyo. Di natin ito gagawin para makitungo o mapabuti ang ating negosyo.

3.4.3 Hindi tayo nakikilahok sa panghihingi ng regalo, salapi o kahit ano mang pang-personal na benepisyo sa ating mga kasosyo sa negosyo.

3.5 Pagbabawal sa panunuhol at korupsyon3.5.1 Hindi tayo nagbibigay ng mga regalo, salapi, o anumang benepisyo na maaring ituring na suhol para sa mga

opisyal ng pamahalaan lokal man o banyaga.

3.6 Pag-iwas sa pagkakasangkot sa mga organisadong krimen3.6.1 Ipinagbabawal natin ang pagkakasangkot ng ating negosyo sa kahit anong organisadong krimen o sa mga taong

gumagawa nito.

3.6.2 Hindi magbabago ang ating desisyon na talikdan at tanggihan ang mga taong gumagawa ng organisadong krimen o di-naakmang mga gawain.

3.6.3 Tayo ay nakikipagtulungan sa mga organisasyong gumagawa ng hakbang para puksain ang mga elementong nagsasagawa ng organisadong krimen.

3.7 Pangangasiwa sa pagbili at pag-angkat sa ibang bansa3.7.1 Sa pagsasagawa ng pandaigdigang negosyo, naiintindihan at sinusunod natin ang mga batas ukol sa pagbili at

pag-angkat na ipanapatupad sa bawat bansang kinabibilangan natin.

3.7.2 Hindi tayo nagdadala o nag-aangkat ng mga produkto na ipinagbabawal sa nasabing bansa.

3.7.3 Hindi tayo nagsasagawa ng transaksyon gamit ang ibang partido para lamang malusutan/maiwasan ang mga batas kaugnay sa pagbili at pag-angkat sa nasabing bansa.

3. Patas at Malinaw na mga Transaksyon



4.1 Paggalang sa karapatang pantao4.1.1 Nakikiisa tayo sa pandaigdigang pamantayan sa karapatang pantao, tinutupad din natin ang mga sumusunod na

pandaigdigang deklarasyon: “Universal Declaration of Human Rights”, “ILO Declaration on Fundamental Principle and Rights at Work and its Follow-up”, “United Nations Guiding Principles on Business and Human Rights”, at ang “United Nations Global Compact”.

4.1.2 Nakikipagtulungan tayo sa iba’t ibang grupo upang maiwasan ang pagkakasangkot sa mga paglabag sa iba’t ibang karapatang pantao.

4.2 Pagpapanatili sa mga karapatang kaugnay sa pagtatrabaho4.2.1 Iginagalang natin ang mga karapatan ng ating mga empleyado ukol sa kalayaang makilahok sa mga

asosasyon at makipagdayalogo.

4.2.2 Ipinagbabawal natin ang paggamit ng pwersa o sapilitang paggawa sa kahit anong anyo nito.

4.2.3 Nauunawaan natin ang mga masasamang epekto ng “child labor”, kaya hindi natin ito ginagawa sa kahit anong paraan. Hindi tayo tumatanggap ng manggagawang wala pa sa tamang edad.

4.2.4 Wala tayong diskriminasyon sa proseso ng pagpili o pagtanggap ng mga empleyado.

Bilang isang grupo ng mga kumpanyang nagsasagawa ng operasyon sa iba’t ibang bahagi ng mundo, nakikilahok tayo sa pagnanais na igalang ang karapatang pantao. Tinutupad natin ang mga obligasyon at sinusunod natin ang mga batas ukol sa karapatang pantao kahit saang bansa man tayo naroroon.

4. Hakbang para sa Karapatang Pantao


5.1 Pantay na pagkakataon at patas na pagtingin sa mga empleyado5.1.1 Tayo ay tumatanggap at nakahandang magsanay ng iba’t ibang empleyado mula sa iba’t ibang bansa at rehiyon,

hangga’t sila ay nakahandang tumulong at mamuno sa pag-unlad ng Ajinomoto Group.

5.1.2 Pinahahalagahan natin ang mga empleyadong may kalayaan sa pag-iisip at pagnanais na umunlad. Binibigyan natin sila ng pantay na pagkakataon para lubos na magamit at mapaghusay pa ang kanilang kakayahan.

5.1.3 Iginagalang natin ang halaga at kakayahan ng bawat isa. Patas ang pakikitungo natin sa lahat ng mga empleyado.

5.1.4 Tapat ang ating pagsusuri sa kakayahan, responsibilidad, at kalidad ng trabaho ng bawat empleyado. Lagi ring wasto ang pagtrato at pakikitungo natin sa kanila.

5.2 Ang pag-unlad ng Ajinomoto Group at ng mga empleyado nito5.2.1 Pinahahalagahan natin ang pagtutulungan, kung saan may tiwala ang bawat isa sa kanilang mga kasama sa trabaho.

5.2.2 Patuloy nating pinapaunlad ang ating grupo nang sa gayon ay maka-ambag ang ating mga gawain sa pag-unlad ng lipunan.

Ginagawa ng Ajinomoto Group ang lahat ng ating makakaya para makapagbigay ng pagkakataon sa ating mga empleyado na palaganapin pa ang kanilang mga kakayahan at abilidad sa paraang kinikilala ang kanilang pagkakaiba at indibidwal na karakter.

Tayo ay may pandaigdigang pananaw sa pagtatrabaho kung saan binibigyang-halaga ang pagtutulungan, pagiging malikhain, pagkukusa, at pagsisikap na maka-ambag sa pag-unlad ng Ajinomoto Group.

Tumutulong tayo sa pagsisikap ng ating mga empleyadong magkaroon ng makabuluhang buhay at maka-ambag sa kasaganahan ng lipunan sa pamamagitan ng patuloy na pag-lago ng Ajinomoto Group.

Ginagawa at pinapanatili nating maaliwalas ang ating mga opisina’t pook-gawaan kung saan malaya ang komunikasyon at walang diskriminasyon o pang-aabuso, at kung saan iginagalang ang bawat isa.

Tinitiyak nating ligtas at komportable ang mga opisina’t pook-gawaan na ito.

5. Pagsasanay ng Tao at Pagtiyak ng Kaligtasan



5.3 Pagbabawal ng diskriminasyon at pang-aabuso5.3.1 Iginagalang natin ang batas at kultura ng bawat bansa, kaya ipinagbabawal natin ang anumang uri ng

diskriminasyon ukol sa lahi, grupo, relihiyon, paniniwala, kasarian, edad, kapansanan, o kahit anong katangian.

5.3.2 Ipinagbabawal natin ang pang-aabusong sekswal sa opisina at pook-gawaan, ipinagbabawal din ang malalaswang pananalita at pagkilos.

5.3.3 Ipinagbabawal natin ang pag-gamit ng posisyon sa trabaho upang makatapak/maka-abuso sa karapatang pantao ng iba.

5.4 Paglikha ng ligtas at komportableng pook-gawaan5.4.1 Ginagawa natin ang lahat upang matiyak ang kaligtasan ng bawat empleyado at mapanatili/ mapaganda ang

pook-gawaan, nang sa gayon ang lahat ay panatag sa kanilang pagtatrabaho. Nagsisikap din tayong maiwasan ang mga sakuna at aksidente sa pamamagitan ng pagsasanay ng mga empleyado at pag-gamit ng mas ligtas na kagamitan, upang matiyak nating ligtas at komportable ang mga lugar kung saan sila nagtatrabaho.

5.4.2 Iniintindi at sinusunod natin ang lahat ng batas na kaugnay sa kaligtasan at kalinisan.

5.4.3 Ang Ajinomoto Group ay gumagawa ng mga hakbang upang masuri ang kalagayang pang-kalusugan ng bawat empleyado. Tinutulungan natin silang mapanatiling malusog ang kanilang pangangatawan habang sila ay nagtatrabaho. May mga programa din tayo na naglalayong turuan ang mga empleyado tungkol sa pag-iwas sa mga nakakahawang sakit at tungkol sa wastong nutrisyon.


6.1 Pagtiyak na nakaka-ambag ang ating negosyo sa lipunan6.1.1 Batid natin na ang ating negosyo ay konektado sa lipunan sa iba’t ibang paraan, maging sa pagkuha ng ating

mga materyales. Tayo ay nagsisikap na makapagbigay ng mga solusyon sa mga isyung panlipunan gamit ang ating negosyo, hanggat maari.

6.2 Paggalang sa mga lokal na kultura6.2.1 Patuloy tayong nagsisikap unawain at igalang ang kultura, gawi, at tradisyon ng lokal na komunidad, tayo ay

naghahangad ng maayos na pakikisama sa lipunang kinabibilangan ng ating negosyo.

6.3 Pakikipagtulungan sa mga non-governmental organizations (NGO) at non-profit

organizations (NPO)6.3.1 Isinusulong natin ang kasaganahan ng komunidad sa pamamagitan ng mga produktibong dayalogo sa mga tao

at pakikipagtulungan sa mga NGO, NPO, at lokal na komunidad.

6.3.2 Pinipili natin ang akmang NGO at NPO na tutulungan, ayon sa saysay at kabuluhan ng kanilang mga gawain.

6.4 Donasyon, Pag-isponsor, at Pamamahala ng foundation6.4.1 Bilang ambag natin sa lipunan, tayo ay nakikiisa at nagbibigay ng naaayon na donasyon o suporta sa isang

gawain, hanggat ito’y naglalayong tumugon sa mga isyung panlipunan o komunidad na kaugnay sa pilosopiya ng Ajinomoto Group. Sinusuportahan din natin ang opersyon ng mga foundation o grupong itinatag natin.

6.4.2 Sa pagbibigay ng donasyon at suporta, masusi nating sinasaalang-alang ang kanilang pangangailangan at kawastuhan, maging ang mga batas kaugnay sa pagbibigay ng donasyon o tulong.

Dagdag pa sa tulong na ginagawa ng ating negosyo sa lokal na komunidad, pinag-iibayo din natin ang pakikipag-ugnayan sa lipunan upang makatulong sa ekonomiya, kultura, at edukasyon ng bawat komunidad na ating kinabibilangan.

Bilang kasapi ng lipunan, tayo ay handang makilahok sa iba’t-ibang gawaing pang-komunidad.

6. Pakikipagtulungan sa Lokal na Komunidad



7.1 Wastong paglalabas ng impormasyon7.1.1 Pinapatupad natin ang mga patakaran upang matiyak na walang mahalagang impormasyon ang maitatago sa

ating mga kasosyo at mamumuhunan.

7.1.2 Sa ating pagbibigay ng impormasyon, hindi lang natin ibibigay ang mga impormasyong naaayon sa mga itinadhana ng batas, kundi maging ang mga impormasyong kinakailangan/kapaki-pakinabang para sa ating mga kasosyo.

7.2 Pagtiyak sa mapapagkatiwalaaang Pinansyal na ulat7.2.1 Pinapanatili natin ang wasto at epektibong sistema (internal control system) para sa ating ulat-pinansyal

alinsunod sa Financial Instruments and Exchange Act ng Japan at iba pang mga batas upang matiyak ang kredibilidad at kawastuhan ng pinasyal na ulat.

7.3 Pag-babawal sa insider trading7.3.1 Hindi natin ginagamit ang mga impormasyon mula sa ating kumpanya o mga kasosyo para sa personal na interes.

Hindi tayo nakikilahok sa mga ilegal na gawain gaya ng insider trading, kung saan ilegal na nakikipagkalakal ng stocks o iba pang paraan ng pag-invest gamit ang tagong impormasyon (lingid sa publiko) tungkol sa mga Ajinomoto Group Companies o mga kasosyo.

7.3.2 Sinusunod natin ang mga wastong hakbang sa tuwing tayo ay bumibili o nagbebenta ng shares alinsunod sa itinadhana ng Ajinomoto Co., Inc at iba pang Ajinomoto Group Companies.

Ginagawa natin ang lahat ng makakaya upang makapangasiwa nang maayos, makapagdulot ng tubo sa mga kasosyo, at mapataas ang halaga ng kumpanya.

Nagibibigay tayo ng impormasyon sa wastong paraan at panahon upang matulungan ang ating mga kapitalista, mamumuhunan, at iba pang kasosyo. Buong pagsisikap na sinusuklian natin ang tiwalang ibinibigay nila sa atin.

7. Mga responsibilidad sa ating mga Kapitalista, Mamumuhunan at iba pang Kasosyo sa Trabaho


8.1 Pangangasiwa sa mga ari-arian ng korporasyon8.1.1 Pinapangalagaan natin ang ating mga ari-arian, materyal man o hindi, alinsunod sa mga regulasyon at

patakaran ng Ajinomoto Group.

8.1.2 Nililimitahan natin ang pag-gamit ng mga ari-arian ng korporasyon sa mga gawaing kaugnay lamang sa negosyo ng Ajinomoto Group.

8.2 Pangangasiwa sa impromasyon8.2.1 Nauunawaan natin ang kahalagahan ng mga konpidensyal na impormasyon kaugnay sa negosyo, teknolohiya,

pagsasaliksik, produkto, pinansyal, at personal na impormasyon tungkol sa mga empleyado. Buong pagsisikap nating pinapangasiwaan ang mga konpidensyal na impormasyong ito. Dagdag pa rito, hindi natin gagamitin ang mga impormasyon sa mga bagay na hindi kaugnay sa negosyo, konpidensyal man ito o hindi.

8.2.2 Mahalaga para sa atin ang pangangalaga sa mga personal na impormasyon ng ating mga empleyado. Kinukuha at ginagamit natin ito sa wastong pamamaraan. Masugid din nating pinapangalagaan ang mga impormasyong ito nang sa gayon ay di ito kumalat o magamit sa hindi wastong paraan. Hindi natin ilalabas ang mga personal na impormasyong nakalap nang walang pahintulot, maliban kung kailanganin ng batas.

8.2.3 Iginagalang natin ang pribadong buhay ng bawat isa.

8.2.4 Hindi tayo nakikilahok sa ilegal na pangangalap ng konpidensyal na impormasyon tungkol sa ating mga kakompitensya sa negosyo.

8.3 Pangangalaga sa karapatan sa pagmamay-ari ng ideya8.3.1 Kinikilala natin na ang ating mga brands at intellectual property (kasama ang mga patents, utility model rights,

copyrights sa disenyo, trademarks, copyrights, at mga sikreto sa pangangalakal) ay mahalagang mga ari-arian ng korporasyon, at nararapat gamitin sa wastong pamamaraan, alinsunod sa mga batas at patakaran ng Ajinomoto Group.

8.3.2 Iginagalang natin ang karapatan sa pagmamay-ari ng ideya, tulad ng trademark at patent rights ng ibang partido, hindi natin ito gagamitin nang walang pahintulot. Hindi rin natin sisirain o panghihimasukan ang mga ari-arian na ito.

8.3.3 Tiyak ang paglathala/pag-guhit at wasto ang pag-gamit natin sa sagisag ng ating korporasyon batay sa pamantayang itinadhana ng kumpanya.

8.3.4 Batid natin na ang mga batas tungkol sa intellectual property ay magkakaiba sa iba’t ibang bansa. Masusi nating inaalam ang patakaran sa bawat bansa tungkol sa pagpapa-rehistro, paglalabas, paglilipat, at pag-gamit ng intellectual property.

Mahigpit nating pinoprotektahan at pinapangasiwaan ang mga konpidensyal na impormasyon at mga ari-arian, kasama ang mga sikreto/teknik natin sa pangangalakal at karapatan sa pagmamay-ari ng ideya.

Pinapangasiwaan natin ang lahat ng mga personal na impormasyon sa wastong pamamaraan.

Iginagalang natin ang karapatan sa pagmamay-ari ng ideya ng ibang partido.

8. Pangangalaga at Pangangasiwa ng mga Ari-arian ng Korporasyon at mga Impormasyon ukol dito



9.1 Pag-iwas sa magkasalungat na interes9.1.1 Gumagawa tayo ng mga hakbang upang matiyak na ang interes ng ating mga empleyado, maging ng kanilang

pamilya, ay hindi kasalungat/katunggali sa interes ng Ajinomoto Group. Lagi nating iniisip na tayo ay kasapi sa Ajinomoto Group, sumusunod sa mga patakaran nito, at responsible sa ating mga pagkilos.

9.2 Ang mga ugnayang pang-negosyo ay pagmamay-ari ng kumpanya9.2.1 Nauunawaan natin na ang ugnayang nabuo sa pagitan ng mga opisyal at empleyado ay pagmamay-ari ng

kumpanya, kahit matapos na umalis o mag retiro mula sa Ajinomoto Group.

9.3 Personal na adbokasiya at mga politikal na gawain9.3.1 Malinaw para sa atin ang pagkakaiba ng personal na paglalathala at pang-kumpanyang paglalathala pagdating sa

social media. Batid natin ang mga tungkulin at responsibilidad bilang miyembro ng Ajinomoto Group, at isinasaalang-alang natin ito sa bawat impormasyon na inilalathala natin bilang indibidwal. Hindi tayo gagawa ng kahit anong makasisira sa tiwalang ibinigay sa Ajinomoto Group o sa kahit anong mga ari-arian nito.

9.3.2 Tayo ay nakikilahok sa mga politikal na gawain bilang isang indibidwal lamang at ayon sa personal nating paninindigan. Hindi natin ito ginagawa sa loob ng pasilidad ng kumpanya at hindi rin sa oras ng trabaho.

Pinapanatili natin ang malinaw na pagkakaiba ng negosyo at personal na bagay at hindi natin ginagamit ang mga mga ari-arian ng korporasyon, impormasyon, karapatan o posisyon sa negosyo para sa personal na interes.

Iginagalang natin ang personal na paniniwala at opinyon at batid nating hiwalay ito sa kung ano ang posisyon ng korporasyon.

Para sa mga tanong ukol sa Mga Pamantayan ukol sa Pagpapalakad ng Negosyo ng Ajinomoto Group:Business Conduct Committee Secretariat’s OfficeGeneral Affairs & Risk Management DepartmentAjinomoto Co., Inc.Address: 15-1, Kyobashi 1-chome, Chuo-ku, Tokyo 104-8315 Japan

9. Malinaw na Pagkakaiba ng Negosyo at Personal na bagay

Nirebisa: August 1, 2014

PrinciplesAjinomoto Group

Filipino

PilipinoAjinomoto Co., Inc.15-1, Kyobashi 1-chome, Chuo-ku, Tokyo 104-8315 JapanTel: +81 (3) 5250-8111URL: http://www.ajinomoto.com/en/

Documents

Ajinomoto Group Principles · Pangangasiwa sa pagbili at pag-angkat sa ibang bansa 4. Hakbang para sa Karapatang Pantao ... 1.4. Principles 01 Mensahe mula sa Pangulo Para sa lahat