Acara Ibadah Natal II

Gabungan Sektor, Kategorial dan Umum

HKBP Yogyakarta - Resort Yogyakarta

Di Gereja HKBP Yogyakarta

Tema: HIDUP BERSAMA SEBAGAI KELUARGA ALLAH

(Kejadian 9:16)

Sub Tema: Ina HKBP dipilih untuk membawa damai

ditengah-tengah Keluarga, Gereja dan Masyarakat

Yogyakarta, Sabtu 26 Desember 2015

HKBP Yogyakarta Jl. I Dewa Nyoman Oka 22 – Kotabaru Yogyakarta 55224 Telp. 548740; 513080; Fax. (0274) 548740

Website: hkbpjogja.org Email: hkbpjogja@gmail.com

2

Acara Ibadah Natal II

Gabungan Sektor, Kategorial dan Umum

HKBP Yogyakarta - Resort Yogyakarta

Sabtu, 26 DESEMBER 2015

I. Sude parhobas marpungu di ruang Konsistori II. Ibadah B. Prosesi (mamasuhi Gereja)

1. Siboan Lilin Natal : Galak 2. Pemimpin Liturgis/Paragenda 3. Parjamita 4. Sude Parhalado

Mardalan barisan prosesi: Di tingki mardalan barisan prosesi adong ma na mangendehon Nyanyian Song Leader BE. HKBP No.616:1 “Uli na i di borgin na badia”

Uli na i di borgin na badia humirdophirdop do bintang disi.

Di borgin i do tubu Sipalua di panggagatan di Betlehem i.

Portibi on dangol gok haholomon marnida sondang ni Tuhanta i.

Uli na i marende do suruan, di borngin i do tubu Kristus i, Di borngin i do tubu Kristus i.

O Holy Night the stars are brigtly shining it is the night of the dear Saviour’s birth. Long lay the world in sin and

error paining till He appeared and the soul felt it’s wort. The thrill of hope the weary world rejoices for yonder

breaks a new and glrorius morn. Fall on your kness o hear the angel voices oh night divine oh night when Christ

was born. Oh night o holy night, o night divine

L: liturgis J: Jemaat S: Sude Pdt:Pendeta

L: Selamat Ari Natal ma di hita saluhutna! Hamuna dongan sahaporseaon, tama do

hita mandok mauliate tu Jahowa borngin on, ai dipapungu asi ni rohaNa do hita

laho manghalashon parningotan di ari Hatutubu ni Tuhanta Jesus manobus dosa

ni portibi on. Beta hamu ma taendehon sangap ni Jahowa, jala tasomba ma

Kristus partanobatoan ni hatuaonta.

J: Ria ma hita mandapothon Jesus naung tubu I, taolophon ma Ibana marhitehite

puji-pujian dohot unduk serep ni rohanta. Beta hamu ma taendehon ma

Jahowa, taolophon ma GoarNa na Badia i.

L: Antong, Taparade ma dirinta asa tasomba Tuhanta i dibagasan dame dohot las

ni roha. Tabaritahon ma hata on: “Nunga tubu Kristus! Nunga songgop

hadameon!” Asa saluhut jolma taruli di las ni roha naung pinarade ni Kristus.

Andorang so tapungka kebaktianta, jumolo ma hita martangiang dibagasan

rohanta be, martangiang ma hita. …Amen. Marende ma hita!

3

01. Marende BE No.57:1-3 Nunga Jumpang Muse BL. 202 Nunga jumpang muse ari pesta i, hatutubu ni Tuhanta Jesus i

Tuat do Ibana sian surgo i, mebat tu hita on

Hasangapon di Debata, dame dame ma di jolma

Lasniroha ni Debata hajolmaon muse.

Beta ale dongan tu Betlehem i, itasomba ma dakdanak na disi

Na tinongos ni Parasi roha i, Debata Ama i

Hasangapon di Debata, dame dame ma di jolma

Lasniroha ni Debata hajolmaon muse.

--- ayat 3 jongjong---

Somba nami ma di Ho na tubu on Ho siboan dame tu portibi on

Sai pasaorhon ma tu rohanami on, dameMi o Jesus

Hasangapon di Debata, dame dame ma di jolma

Lasniroha ni Debata hajolmaon muse.

02. VOTUM – INTROITUS – TANGIANG L: Marhitehite Goar ni Debata Ama dohot Goar ni AnakNa Tuhan Jesus Kristus

dohot Goar ni Tondi Parbadia, na tumompa langit dohot tano on.

J: Amen L: Marolopolop tu Debata ma ho, ale sandok tano on, endehon hamu ma

hamuliaon ni GoarNa, marmulia ma bahen hamu puji-pujianNa.

J: Pinuji ma Debata Jahowa, sasadasa do mambahen halongangan. L: Ai naung tubu do di hamu saborngin on, di huta ni si Daud, Sipalua i, ima

Kristus Tuhan i.

J: Pinuji ma Debata Jahowa, sasadasa do mambahen halongangan. L: Beta hita manungkap dohot marsomba, marsinggang ma hita tu jolo ni Jahowa

Sitompa hita, ai Ibana do Debatanta jala hita bangso na pinarmahanNa. Pajojor

hamu ma di tongatonga ni angka sipelebegu hamuliaonNa i, di tongatonga ni

saluhut bangso angka na binahenNa i. Haleluya.

J: (Mangendehon) Haleluya, haleluya, haleluya L: Martangiang ma hita: Ale Tuhan Debata Amanami na di Banua ginjang, Ama

ni Jesus Kristus Tuhannami na tubu di huta Betlehem! Sai pinuji ma goarMu na

badia i, ala naung ditingkir Ho hami bangsoM. Ditogutogu Ho do hami sian

haholomon tu hatiuron, marhitehite parbarita na Uli, na ro tu tano Batak.

Dipadomu Ho do hami, na holang hian sian Ho, gabe saor muse tu Ho. Gok

halalas ni roha do hami ala ni i, di na nijouM hami laho manghaporseai Ho, asa

dapotan hangoluan na salelenglelengna hami sude HuriaM HKBP di sandok

portibi on. Sai jalo ma hamauliateon ni rohanami, marhitehite AnakMu Tuhan

Jesus Kristus Tuhannami. Amen! ----

Hundul ---

4

03. Marende BE No.598:2,3 Bege Ende ni Suruan Kristus Raja sian surgo tuat tu portibi on

Tubu sian si Maria lao manobus hita on

Debata na so tarida gabe daging songon hita

Nunga raphon hita be Jesus i, Immanuel

Ende ni suruan i, sangap ma di Tuhan i.

Jesus Raja Hadameon sondang hatigoran i

Panondang ni hangoluan di saluhut jolma i

Dirumari do diriNa lao manobus manisia

Asa unang mate be, ala ni dosana be

Ende ni Suruan i, sangap ma di Tuhan i.

04. L: Tabege ma patik ni Debata na pinasahat ni angka ianakhonta on: Liturgi I (Patik I- X ima Perwakilan SM dan GSM)

05. KOOR: Parompuan HKBP Jogja

06. Marende BE No. 51: 1-2 “ Tole Puji ma Tuhanta” B.L 31 1. Tole puji ma Tuhanta tu Ibana ma rohanta Asa girgir parendenta ale dongan Kristen i Ayat 2 ....jongjong ... 2. Dosa dohot hamatean bolis dohot hamagoan Talu, ala naung diboan Jesus hangoluan i

07. MANOPOTI DOSA dohot BAGABAGA HASESAAN NI DOSA L: Huria ni Tuhanta, jongjong do hita nuaeng di adopan ni Debata Nabadia,

dibagasan unduk dohot serep ni roha, tatopoti ma dosanta di jolo ni Debata,

martangiang ma hita:

Ale Tuhan Debata, Amanami marhitehite AnakMu Tuhan Jesus Kristus, naung

ro manopot hami jolma pardosa tu portibi on. Na ro do hami nuaeng tu

adopanMu manolsoli dohot manopoti dosanami na godang i. Na jotjot do

huarsahi hami Ho marhitehite hata dohot pambahenannami na so tama. Tama

situtu do hami hona uhumMu ala ni angka dosanami i. Na ro do hami nuaeng tu

joloM mangasahon asi ni rohaM mangido tu Ho: sai unang paingotingot angka

dosanami, sai salpuhon ma saluhut dosanami i sian rohaM.

J: Ro do au nuaeng tu Ho sai palambas ma rohaM, Nunga pola mate Ho, ala

asi ni rohaM, jangkon au na dangol on, sai ulosi tondingkon

L: Ale Tuhan Debata, Parasi roha jala Partalup ni roha. Di pardalanan ni

ngolunami tung jotjot do huhalupahon hami mangasahon hagogoon dohot

huasoM, dirinami sandiri do sai hupangasahon hami. Gabe jotjot do hami

madabu tu ngolu na marungutungut molo so dapot na tinembak ni rohanami jala

molo masa tu hami parungkilon dohot sitaonon gabe madabu do hami tu

pandelean. Ale Tuhan asi ma rohaM di hami na dangol on, sai marpangulahi ma

rohaM di hagaleonnami.

5

J: (Mangendehon) BE. BE No. 53 Di Betlehem Do Tubu BL. 51

Tu holong ni rohaNa hubonom rohangkon

Hulehon di Ibana sude na di au on. Olo, olo, sude na di au on.

L: Ale Tuhan Debata, Pargogo na so hatudosan, Amanami situtu di bagasan

AnakMu, Tuhan Jesus Kristus. Nunga dipatuduhon Ho holong ni rohaM na so

hadodoan i tu hami pardosa marhitehite na disuru Ho AnakMu, Tuhan Jesus

Kristus tu portibi on. Hape tung jotjot situtu do hami ndang manghamauliatehon

holong ni rohaMi marhitehite pambahenan di ngolu siganup ari. Ndang gabe

habaoran ni pasupasuM hami tu dongannami jolma, ndang huhaholongi hami

dongannami doshon dirinami. Sai huendehon hami do “Burju naeng lehononku

di ho rohangkinon”.. hape aha ma Tuhan na huula hami holan di hata do i,

ndang adong hupatuduhon hami dipambahenannami, Ale Tuhan sai sundati ma

torutoruM asa unang mangonai be tu hami. Sai lehon ma di hami partingkian

paubahon roha jala sai pargogoi ma hami mangulahon na hombar tu lomo ni

rohaM saleleng ni portibi on do pe hami. Ale Tuhan sai asi ma rohaM di hami,

tangihon ma tangiangnami on.

(Manghuling musik sian BE.686 sa-ayat) L: Tabege ma bagabaga ni Debata taringot tu hasesan ni dosanta: Songon sintong

na mangolu Ahu, ninna Tuhan Jahowa, tung na so lomo do rohangKu mida

hamatean ni parjahat, na lomo do rohangKu mida hamumulak ni parjahat i,

tumadingkon dalanna, asa mangolu ibana, Hasangapon ma di Debata na di

ginjang.

S : Amen. (Hundul)

08. Marende BE No.52 “Hatuaon Do” Hatuaon do las ni roha do hatutubu ni Jesus i Mago do jolma ro ma Tuhanta, las be las be ma rohanta i Mago do jolma ro ma Tuhanta, las be las be ma rohanta Hatuaon do las ni roha do hatutubu ni Jesus i Domu do hita tu Debatanta, las be las be ma rohanta i Domu do hita tu Debatanta, las be las be ma rohanta i

09. MANJAHA EPISTEL: Ulaon Ni Apostel 6:1-15

10. KOOR: Ama Immanuel HKBP Jogja & NHKBP

11. Liturgi II (Utusan tiap Sektor: Utara, Timur, Selatan, Barat, Tengah, Sektor Bantul-

Wonosari )

Prolog: Idama haholomon do manghuphupi tano on. Alai Debatanta mangalehon panondang asa gabe tiur. Alani parrohahon ma angka natinompa ni Debata na mangalehon sonang ni roha dohot na pasingkophon ngolum asa marhatiuron jala gabe tau hasangapon di huasoNa. Alani i ma tabege ma barita Panompaon i.

6

12. BE No. 62: 1 Halalas ni Roha Godang B.L 172 1 Halalas ni roha godang na hubaritahon on Nunga tubu Sipalua di hita jolma on Hasangapon di Debata, laos dame, dame, dame ma di jolma Lomo ni roha ni Debata do hita jolma on

13. Koor Gabungan Ama- Ina HKBP JOGJA

14. Liturgi III : Perwakilan seksi-seksi : Seksi Sekolah Minggu, Remaja, NHKBP, Ama, Ina, Lansia, Prolog: Antong nang hita pe dohot ma hita marsomba tu Ibana naung tubu i. Tapasahat ma pelean hamauliateon ni rohanta, gabe pujipujian di Debata na mangalehon AnakNa i gabe haluaonta. Tabegema Liturgi Na patoluhon perwakilan sian seksi-seksi

15. Marende BE no. 56:1-2 Sai ro ma hamu BL. 139

Sai ro ma hamuna, angka na porsea

Sai ro ma hamuna tu Betlehem.

Ida Dakdanak Sipalua hita, Tasomba ma Ibana

Tasomba ma Ibana, Tasomba ma Ibana, Rajanta.

O, Raja na sangap, Tuhan ni saluhut. Ditaon Ho na porsuk, di tano on.

Ala ni jolma na di hamagoan, tasomba ma Ibana, tasomba ma Ibana

Tasomba ma Ibana, Rajanta.

16. Manghatindanghon Haporseaon

L: Tahatindanghon ma haporseaonta i, songon nahinatindanghon ni donganta sahaporseaon di sandok portibion, rap ma hita mandok: L+J: Ahu porsea di debata Jahowa......dst...

17. Sunggulsunggul 18. Persembahan Pujian/Voc. Grup/Voc. Solo

19. Marende BE. 598: 1 “Bege ende ni Suruan” Bege ende ni suruan, sangap ma di Tuhan i Nunga tubu Sipalua Raja Sipardame i, Dipadame Debanta do diriNa tu pardosa nunga tubu Kristus i Di huta Betlehem i, ende ni suruan i, sangap ma di Tuhan i

20. Liturgi IV (Utusan sian Namabalu Ama dohot Ina)

Prolog: Marragam angka na masa dibagasan ngolunta na boi mambaen hita mabiar. Jala olo mambahen ganggu roha nang pingkiranta manghaporseai Tuhan i. Alani i ma, tatiop ma Hata ni Tuhan i gabe ojahan ni ngolunta asa unang lilu jala ganggu hita, alai asa dibagasan pangkirimon namangolu tu Tuhan i.

7

21. Marende 54 :1-3 Sonang ni Borngin na i BL. 64 (Lampu dimatikan)

Sonang ni bornginna i uju ro Jesus i, sonang modom do halak sude

Holan dua na dungo dope, mangingani anakna Jesus Tuhantai

Denggan ni bornginnai uju ro Jesus i, tu parmahan di betlehem i

Dipaboa na di surgoi, nunga ro sipangolu Jesus Tuhantai. ------- Ayat 3 Pagalak Lampu ------

Godang ni tua disi, di naro Jesus i, tung malua pardosa muse

Sian hamagoanna sude, ala ro sipangolu Jesus Tuhantai

22. Liturgi V (PARHALADO) Prolog: Adong haluaon, adong pangkirimon mangihuthon Jesus i. HaroroNa mangalehon haluaon, haroroNa mangalehon hamalumon, haroroNa mangalehon apulapul dohot mangalehon Las ni roha. Antong tajangkon ma Ibana jala tahangoluhon ma hataNa.

23. Marende BE. 597a : 1- - - Baritahon di Dolok (Papungu Pelean 1a & 1b) Baritahon di dolok, di rura di sude inganan. Baritahon di dolok naung tubu Kristus i. Ro do surusuruan tu ladang efrata, mandapothon parmahan tompu mansai torang Baritahon di dolok, di rura di sude inganan. Baritahon di dolok naung tubu Kristus i. Baritahon di dolok, di rura di sude inganan. Baritahon di dolok naung tubu Kristus i. Mabiar do parmahan, tu pardisurgo i. Angka surusuruan marende borngin i. Baritahon di dolok, di rura di sude inganan. Baritahon di dolok naung tubu Kristus i.

--- musik --- Baritahon di dolok, di rura di sude inganan. Baritahon di dolok naung tubu Kristus i. Diborhos do Tuhanta dipanggagatan i. Songon na pinaboa ni pardisurgo i. Baritahon di dolok, di rura di sude inganan. Baritahon di dolok naung tubu Kristus i.

24. Jamita : Jeremia 26: 12-15 25. Marende BE 615:1---Tarbege surusuruan Marende (P.Pelean II)

(Persembahan Tu Radio Bona Pasogit FM HKBP)

1. Tarbege surusuruan marende mansai uli. Angka dolok dohot rura gok do

saringar na i

Refr: Sangap ma sangap ma di Tuhan sangap ma sangap ma di Tuhan 2. Las roham ale parmahan, nunga tubu Kristus i. Rap marende ma hamuna,

pasangaphon Raja i. Ref...

-- musik --- 3. Borhat ma hamu marnida, tu huta Betlehem i, somba Kristus Sipalua,

naimbaru tubu i. Ref...

4. Ida ma di panggagatan, Sipalua na ro i, Sigomgomi parluhutan, langit dohot

tano i. Ref...

8

26. PARSURUON DI NGOLU SIGANUP ARI Pdt: Nunga tahalashon hatutubu ni Jesus i. Andorang so mulak hita sian

parpunguan on, tama do hita marpadan tu Tuhan i, i ma padan mamaritahon

barita haluaon i. Taingot ma pambahen ni angka parmahan i uju manjalo

barita las ni roha i. Mulak do nasida, alai ndang dipasip nasida barita i,

masipandohan do nasida :

J: Beta ma hita tu Betlehem, taida ma na masa on na pinabotohon ni Tuhan i

tu hita.

Pdt: Dung dijalo nasida barita las ni roha i, borhat do angka parmahan i

marsomba tu Jesus. Hita pe tama do sombaonta Ibana marhite hata, parange

dohot parngoluanta. Marhite Pesta Natal on tama do lam ringgas hita

marsomba tu Ibana jala lam tapatimbul Ibana di rohanta

J: Dipatimbul rohangku do Tuhan i

Pdt: Dung disomba angka parmahan i Jesus na tubu i, dibaritahon nasida do

boaboa hatutubu i. Jala sude na umbegesa longang be do siala na hinatahon

ni angka parmahan i. Hita pe tama do mamaritahon haluaon na binoan ni

Jesus i, asa longang portibi on ala panindangionta.

J: Tuhan, suru ma hami mamaritahon habalgaon ni holongMi.

Pdt: Antong tajangkon ma Jesus tu bagasan rohanta be, asa unang holan

mamestahon hita di ari HatutubuNa, alai naeng ma tubu Jesus i di angka

parange dohot ulaonta be. Amen.

27. TANGIANG DOHOT ENDE PASAHAT PELEAN - PASUPASU – AMEN (3X)

III. Acara Kata Sambutan a. Kata Sambutan Ketua Panitia b. Kata Sambutan Dan pengarahan dari Pendeta Ressort. Pdt AAZ.Sihite, MTh IV. Hiburan dan acara spontanitas V. Pembagian Bingkisan Natal tu angka Namabalu VI. Makan Bersama- Ramah Tamah di Sopo Godang

PENDETA, BIBELVROUW, PARHALADO HKBP JOGJA MENGUCAPKAN

SELAMAT HARI NATAL 25-26 DESEMBER 2015 &

TAHUN BARU 01 JANUARI 2016 TUHAN MEMBERKATI

HORAS!!!

HKBP Yogyakarta Jl. I Dewa Nyoman Oka 22 – Kotabaru Yogyakarta 55224 Telp. 548740; 513080; Fax. (0274) 548740

Website: hkbpjogja.org Email: hkbpjogja@gmail.com