kontuz blai Antoniano Ikastetxearen aldizkaria.

18.alea. 2019ko ekaina

Emoziorik gabe ez dago ikasketarik

editoriala

4. “Gu Geu” formakuntza5. Erraldoiak eta emozioak ( HH1-2)6-7. HHko “Baserria” proiektua8. Matematika HHen9. Etxeko Txikiak10. Omenaldia11. 18-19ko Jardunaldi pedagogikoak 12-17 Urtea argazkitan

18-19. “Erasmus Plus”, holandarrekin elkarlanean 20. “WIE”, ingeleseko murgilketa 21. Chromebook-ak gelan22. Kanpaina solidarioa23. Gurasoen txokoa24. Euskaraz bizi, hazi, hezi!25. Kirolaren txokoa 26. DBH4ko ikasleen agurra

Aurrera begiraAntoniano Ikastetxeko 2018/19 ikasturteko aldizkaria duzu esku artean.

Hamazortzigarren alea, hain zuzen ere. Lehendabizikoa sortu genuen ilusio berberarekin argitaratu duguale hau ere, ilusioz bizi eta landu baitugu ikasturtea. Ametsez betea. Ametsik gabe ezin daitekeelako etorkizunik

eraiki. Ederra da amets egitea eta are ederragoa hauek errealitate bihurtzen saiatzea.

Irailean, ikasturtea hasi genuenean, hainbat proiektu, berrikuntza, bidaia... amestu genituen eta orain, ikasturte amaieran,ia danak gauzatu dira pozez jabetzen gara. Errealitate bihurtu dira eta bidean, ilusioa eta indarra izan ditugu lagun. Ametshauek egi bihurtzeko guztion parte hartzea ezinbestekoa izan da, etorkizuna eraikitzea denon zeregina baita.

Lerro hauen bidez bihotzez eskertzen dizut urte guztian zehar ikastetxearekiko konpromiso sendoa hartu duzulako: ZUguraso, aiton-amon, zure altxorra gure artean konfiantzaz utzi duzulako; ZU ikasle, egunero gogoz eta grinaz gerturatuzarelako; ZU hezitzaile, irakasle, langile, egunero baikortasunez, goxotasunez eta indar berriz ekin diozulako egunari.

Zarauzko ikastetxe eredugarria izaten jarraitzen laguntzeagatik, berriro bihotzez mila esker!

Mirando hacia adelanteTienes en tus manos la revista del curso 2018/19 de Antoniano Ikastetxea. En concreto, la 18ª edición. La hemos pu-

blicado con la misma ilusión que la primera, la misma ilusión con la que hemos vivido y trabajado este año. Un cursolleno de sueños, porque sin sueños no se puede construir el futuro. Soñar es hermoso, y más aún intentar hacer re-

alidad lo soñado.

En septiembre, al comienzo de curso, soñamos con nuevos proyectos, nuevos métodos, nuevos viajes… Y ahora, al final de cur-so, nos ilusiona ver que se han hecho realidad, y que el entusiasmo y la pasión han sido nuestros mejores compañeros de viaje.Para realizar estos sueños ha sido fundamental la participación de todos y todas, porque construir el futuro siempre es una laborcolectiva.

Desde estas líneas queremos darte las gracias por el firme compromiso que has mostrado con el colegio: TÚ, padre o madre,abuelo/a, que nos has confiado tu mayor tesoro; TÚ, alumno/a, que cada día te acercas lleno/a de energía y curiosidad; TÚ, edu-

cador/a, profesor/a, trabajador/a, que cada día afrontas tu labor con cariño, optimismo y energía positiva.

¡Una vez más, gracias de todo corazón por ayudarnos a ser centro de referencia en Zarautz!

aurkibidea

Antoniano Ikastetxea20800 ZarautzTelefonoa: 943 830 286

TIRADA: 700 aleLEGE GORDAILUA: SS-1378/02EDITOREA: Antoniano IkastetxeaPUBLIZITATEA: Antoniano Ikastetxea, 943 830 286MAKETATZAILEA: Gertu Koop. (Zubillaga) OñatiINPRIMATEGIA: Gertu Koop. (Zubillaga) Oñati

Zuzendaritza Taldea

“Gu geu garelako”

Gu geu formazioa

4

A ntoniano Ikastetxeak Sentimendu eta EmozioenHeziketaren aldeko apustua egin zuen aspaldian,gure eskolaren oinarrian adimen emozionala garatzea

zein garrantzitsua den jabetuak baikinen. Horregatik, urteakdaramatzagu tutoretza planak prestatzen, emozioen ingurukolanketak egiten, jolas eta dinamika kooperatiboak txerta-tzen… Bai, Adostokia eta Bizikidetza dagoeneko hitz ezagu-nak dira gure ikastetxean. Aurten beste pausu bat eman nahiizan dugu; egiten ari ginena sendotzeko asmoz, irakasle guz-tiok bat eginda, adimen emozionalaren inguruko GU GEUegitasmoaren eskutik formazioa jaso dugu ikasturtean zehar.

Gu geu programa zer denAdimen emozionala lantzen duen egitasmoa da: gure irakasle-ei tresna eta estrategia berriak eskaintzen dizkiena egunerokogatazkak modu kontziente batean kudeatzeko. Horrela, ikas-tetxean geure GU GEU proiektu propioa diseinatu ahalizango dugu, adimen emozionala modu kontzientean landuazhezkuntza komunitate osoarekin (ikasle, irakasle, familiak, ....).

Iaz abiatu ginen ibilbide honetan, ekainaren 25ean hain zuzenere. Irakasle guztiok gogoan dugu Bilbora joan gineneko SanPelaio bezpera hura, bai horixe! Batzuentzat ezaguna zen, bai-na besteok orduan ezagutu genuen Roberto Aguado, gaihonetan aditua. Bere diskurtsoa presente dugu oraindik.Hamaika egiaztapen zientifiko jakinarazi zizkigun, baina, bere-

ziki, programa honen gakoak erakutsi zizkigun Robertok.Egun hartan, gure emozioak astintzearekin batera, izugarrizkoindarra eman zigun hau guztia martxan jartzeko.

Eta bai, aurten heldu diogu egitasmoari; ikasturtean zehar 8saio izan ditugu Tolosako “Herrikide” eskolatik etorri diren biadituekin, buru-belarri ikasketa prozesu batean murgildu gara.Norberaren ezagutzatik abiatu eta gure emozioen erregulazio-ra iritsi arte; zortzi saioak interesgarri bezain aberatsak izandira. Ariketa ezberdinak egin ditugu, pertzepzioa lantzeko,posizioa edota entzute aktiboa lantzeko. Irakasleok ere zerikasia badugu arlo honetan eta trebatzea beti izaten da positi-boa-aberatsa. Laburbilduz, ikasketa honen bidez, eskolan sor-tzen diren gatazkak kudeatzeko tresna berriak ikasi eta sen-dotu ditugu.

Hemendik aurrera...Ikasi ditugun tresna berri hauek guztiak eta lehendik garatzenari ginen ekimen guztiak (tutoretzak, adostokiak, jolas koope-ratiboak…) proiektu berri batean bilduko ditugu; gure proiektupropioa diseinatuko dugu. Haur Hezkuntzatik hasi eta DBHamaitu arte, adimen emozionala landuko duen proiektuaosatuko dugu, sinesten dugulako hori dela bidea; emo-zionalki sendo hezi nahi ditugulako Zarauzko etorkizunaeraikiko duten ikasleak.

Haur Hezkuntza 1. zikloa (HH1 eta HH2)

5

AMETSAK EGIA BIHURTUZ:ERRALDOI ETA BURUHANDIEN PROIEKTUA

E , E, Erraldoiak dantzan daude… eta gure haurrakzoratzen! Buruhandiak, erraldoiak, musika, festa,dantza… Txikiek ezer gutxi behar dute ondo pasa-

tzeko eta hauxe izan zen proiektu honen abiapuntua.

Eskolako txikiak egunero eskolara erraldoi ñimiño batzukekartzen hasi ziren eta laster ohartu ginen ez zirela edozeinjostailu; beraien miresmena eragiten zuten objektu txikitxohaiek, beraientzako egon zitekeen altxorrik handiena bihur-tu ziren. Horrenbestekoa zen haurrengan sortzen zuenzirrara, non ezin izan genuen burutik baztertu, eta ilusiohorri heldu behar geniola pentsatu genuen.

Zerbait bakarra, handia eta berezia egin nahi genuen.Horregatik, haurrekin bildu ginen eta, zein pertsonaia zituz-ten gogokoen jakin ostean, lanari ekin genion gure “Basa-jaun erraldoia” eta “Doraemon buruhandiaren” proiektuarihasiera emanez.

Hura emozio-festa bizitzen ari zirena! Hutsetik hasteak horiekartzen baitu berarekin. Doraemonen buruak nolabaitekobeldurra sortu zuen hasieran, ez baitzuten espero hain han-dia izango litzatekeenik. Baina eskuak saltsan sartu ordu-ko, dena aldatu zen. Papera hemendik, kola eta ura handik,eskua hemen, itsatsi han… hura gozamena! Basajaun ezzen gutxiagorako izan. Egur xaflak elkartzen hasi ginenunetik, haurrak liluraturik zeuden! Inoiz pentsatuko ez zutenhura guztia forma hartzen hasia zegoen. Hala ere, handie-tan handiena etortzeko zegoen: FESTA ERRALDOIA.

Hilabete inguru lanean aritu ondoren, eta haurrek gelanegindako entsegu eta lan askoren ostean, maskuriaeskuan hartu eta oinak mugitzen hasteko ordua heldu zen!Musika, dantza, kalejira, algara… Haur zein heldu, denakgerturatu zitzaizkigun gure festan murgiltzeko asmoz; etanola ez, gure txikienek egun horretan protagonista nagusiizateko aukera izan zuten. Aurpegian, bizipen ahaztezinakmarrazten duen poza eta ilusioa.

6

Baserria U rte batzuk badira Ulermen Proiektuei heldu geniela, badakigulako ikasteko prozesuan oinarrizkoa

dela haurrak emozioa sentitzea eta esperimentatzeko aukera izatea. Saiatzen gara bai, ikasleeninteresetatik abiatzen eta errealitateko egoerak “biziarazten”.

Hori horrela, aurten HH 3, 4,eta 5 urtekook batera landutako proiektu handia BASERRIA izan da; gura-so eta irakasleon indarrak batuaz, baserri batean bilakatu dugu Haur Hezkuntzako solairu osoa; etaikasgelek beren itxura aldatu dute: baratza, ukuilu eta oilategia... Beti ere gozamenetik ikasteko asmoz...

Bestalde, gelan bertan benetako esperientziak bizitzeaz gain, egindako irteeretan ere makina bat ikasidugu, bai horixe!

aurtengo proiektu izarra!

Ukuiluan bee, muu eta kukurruku!

baserria, aurtengo proiektu izarra!

Gela barruan bakarrik ez; Izeta baserrian ereaukera izan dugu benetako animaliak ezagu-tzeko, ardi, zaldi, ahuntz, untxi, oilo eta idienartean ikaragarri gozatuz.

7

baserria, aurtengo proiektu izarra!

Gelan ortu txiki bat egin dugu etafruta eta barazki ugari ezagutu di-tugu!

Irteera Fraisorora egin dugu eta frui-tu-zuhaitz,baratza eta negutegiakbertatik-bertara ikusi eta usainduditugu.

Berdura-plazan, baserritarrek lan-dutakoak nola saltzen dituzten ikus-teko aukera paregabea izan dugu,eta baita erosteko ere.

Erosi zertarako? Guzti-guztiek das-tatzeko!!!

Otsailaren 7n gure prozesua hasi zen arrautzak inkuba-gailuan sartuaz. Egunero-egunero bi aldiz behatzen geni-tuen eta tenperatura kontrolatzen genien.

Horrela, 21 egun pasa ondoren, otsailak 28, sorpresagalanta. “Txitak! Txitak jaio zaizkigu! Hau poza! Gora Txa-peldun!”

Izen hori eman diogu lehenengoari, baina atzetik etorridira beste hiru: Gorri, Txuri eta Beltxi. Oso ondo zainduditugunaren seinale, bai horixe!

Begira zenbat ikasi dugun gure txitei buruz!

oilategiantxitak jaio dira!

gozatu dugu!!Baratzean fruitu eta barazkiez

8

M atematikak gure egu -neroko bizitzan etenga-be erabiltzen ditugu, jai-

kitzen garen unetik, oheratzen ga-ren arte: “gaur halako egun da, 12gradu daude kanpoan, ogia eros-teko dirua prestatu behar dut, bos-tetan entrenamendua dugu, kata-rroa sendatzeko hamar tanta har-tu behar ditut..”

Garbi daukagu haurren ikasketaprozesuan ere funtsezko tresna de-la eta hala transmititu behar die-gula. Hortaz, Haur HezkuntzanEntu siasMAT egitasmoaren alde-ko apustua egin dugu aurten

Matematiken oinarri-oinarria daarrazoitzeko gaitasuna lantzea, etairakasteko modurik egokiena, ma-nipulatuz aritzea. Bada, EMATen zu-tabeetako bat horixe da: “ikaske-ta mani pulatiboa bultzatzea, espe -rientzian oinarrituak dauden jolaseta ekintzen bidez”.

Irakasleok matematika saio bakoitzazehatz-mehatz prestatzen duguikasleei aurkeztu aurretik. Ideia etaproposamen desberdinak el kar -banatzen ditugu, gure jarduteko mo -dua aberastuz.

Oinarrizko materialak erabiltzenditugu haurrek kontzeptu matema -tikoak barnera ditzaten; horretarako,egunerokoan, eskura izaten ditu-gu regletak, polikuboak, bloke lo-gikoak, mahai jolasak, ipuinak etaguk sortutako materialak erabiltzenditugu. Modu dibertigarri bateanikasten dugu!

EntusiasMAT

EMATekinaurrera!

9

P oza, urduritasuna, jakin-mina, haserrea, ha rridura, bel-durra, tristura... zenbat emozio dantzan gure barnean!Algara, negarra, irribarrea, garrasia... zenbat sentipen

eta bizipen! Zenbat leku ezberdin! Zenbat aurpegi berri! Fa-milia, lagun, guraso, aiton- amona, hezi tzaile, irakasle guz-tiok batera, bidelagun, haurraren ongizatea bermatu nahian.Dudarik gabe, momentu hunkigarriak dira guztiontzat hau-rraren eskola ratzeko lehenengo egunak.

Haurra eskolan hasten denean, familiarteko ingurune eza-gun eta segurutik, ezezaguna zaion ingurune berri bati au-rre egitera pasatzen da. Haurrak eskolako irakasleekin atxi-kimendu segurua eraikitzeko eta konfiantzazko harremana

lortzeko behar duen eten gabeko elkar ezagu-tze-aldi hori da, hain zuzen ere, egokitzapena.Ibilbide honetan ezinbestekoa izango da fami-lia eta eskolaren arteko elkarlana; are gehia go,familia eskolaren parte bilakatuko da.

Egokitzapen garai honetan umeak bere begienartetik desagertu dena - heldua- agian ez de-la berriro ager tuko pentsa dezake; ondorioz, unegogorra izan ohi da umearentzat eta baita hel-duarentzat ere.

Haurrak gu, hezitzaileok, familiako parte gare-la sentitu behar du. Haurrak eskolan segurusentitu behar du. Pertsona bezala errespetatua,bere senti menduekin, bere negarrekin. Zainduaeta babestua sentitu behar du. Eta gu horretangabiltza buru belarri! Seguru, lasai eta pozik sen-

titzen den haurrak bere garapenean aurrera egingo duelasinisten baitugu.

Hau honela, egokitzapen prozesuari berebiziko garrantziaematen diogu gure eskolan. Haurra eskolan hasi aurretik,familiekin elkarrizketa izaten dugu elkar ezagutu eta elka-rrekin ibilbide berriari ekiteko. Familiekin komunikazio estualortu behar dugu beldur eta kezkak gainditzeko eta hain-beste maite ditugun haurren heziketan ildo beretik aritzeko.Etxekoek haurrarekin batera gurekin gelan egoteko auke-ra izaten dute elkar ezagutzeko, elkar ulertzeko eta, poliki-poliki, eskolako familia berria sortzeko.

Lortuko dugu, ezta?

Elkarrekin bidea eginez

Elkarrekin bidea eginez, konfiantza eta segurtasuna eraikiz.

Hezitzaile eta familiak eskutik

Konfiantza eta segurtasuna, egokitzapenaren oinarri

Jubilazioa

G aizka Arregi Antoniano Ikastetxera iritsi zen garai bateko EGB-ko irakasle lanetan 80. hamarkadan eta bertan izan dugu gaurarte. Baina orain, agur esateko ordua iritsi zaigu bidelagun eta

eredu izan dugun gizon “puska” honi. Urte hauetan zehar, matematika-rekiko duen pasioa bere ikasleei transmititzen saiatu da eta gizarteakizandako eraldaketaren olatuari eutsita, IKT-ak eta matematikak uztar-tzen izugarrizko lana egina da. Tartetxo honetan, bere ibilbideaz, espe-rientzietaz, etab. laburki hitz egiteko parada izan dugu. Beti bezala, pla-zer bat izan da, lagun.

Lehenik eta behin, zer sentitzen duzu jubilazio atarian?

Alde batetik, gogoa badut jubilatzeko, urte asko eman ditudalakolanean; bestetik, pena sentitzen dut, zerbaiten falta edo beharraizango dudala iruditzen baitzait.

Zein momentutan erabaki zenuen hezkuntza munduan lan egitea?

Ingenieritza ikasketak bukatzeko proiektua falta nuela, Aita Za-balak, “Xapi”, deitu zidan ea klaseak emateko prest nengoen. Or-durako klase partikularrak ematen ohituta nengoen eta baiezkoaeman nion. Hasiera batean asmoa zen garai hartako FPko maile-tan aritzekoa EGBko mailetan pixka batean aritu ostean; baina az-kenean EGBn, gaur egungo LHn geratu nintzen.

Antoniano ikastetxeari dagokionez, atzera begiratzen duzu eta...

Ikastetxea bere hasieran iluna zen, zaharkitua, garai hartako pupi-tre bereziak, egurrezko eskailerak... Zeinek esango zigun gaur egun-go ikastetxea izango genuela? Bestalde, oso gogoan dut 45 ikas-le inguruko gela bete haiek, klaseak eman behar ziren han!!!!

Oroitzen dut behin eskola guztia Gasteizko igerilekuetara joan gi-nela; garai hartan ez zen irteerarik egiten, berrikuntza pedagogi-koaren lehen urratsak izan ziren, eta begira gaur egun...

EGB 8. mailako tutore nintzela, 5 eguneko irteerak egiten hasi gi-nen Aita Beraza, Aita Luis eta hirurok. Besteak beste, Madril, To-ledo, Bartzelona... Oso oroitzapen politak gordetzen ditut.

Garai bateko San Antonioak ere oso presente ditut. 8.mailakoakmozorrotu egiten ziren eta eskola guztiarentzat jolasa sarituak an-tolatzen genituen. Gurasoak ere gonbidatzen genituen, eta izuga-rrizko jendetza pilatzen zen eskolan. Giro benetan ederra zegoen!!!

Zein nota jarriko zenioke zure buruari, urte guzti hauetako lanaren ostean

Uste dut ez litzakeela polita izango neure buruari nota jartzea. Ho-ri besteei, batez ere ikasleei, egokitzen zaien lana da. Nik esangonizuke nire klaseak prestatuak izan ditudala aurretik, saiatu izannaiz ezer ez uzten “al azar” esaten dena. Saiatu izan naiz ikasle-engana iristen, gerturatzen, ezagutzak transmititzen, jakin-mina sor-tzen, etorkizunerako prestatzen...

Batzuek erretiroa hartzen eta beste batzuk unibertsitateko labeetan goxo-goxo prestatzen eskoletara joateko. Baina, zein aholku emango zenieke,laster batean eskoletan arituko diren irakasle belaunaldi berri hauei?

Eskolarekin “ busti” egin behar dutela; izan ere, eskola ez da soi-lik soldata bat irabazteko lantoki bat, askoz ere gehiago da, senti-mendu bat da, konpromisoa eskatzen duen lana da. Lan egunaamaitzean, zure buruarekin gustura sentitu behar duzu.

Ah!!! eta pazientzia handia!!!!!!!!!

Eta, bukatzeko, ba al duzu proiektu pertsonalik iraila honetatik aurrera?

Bai, Benidorm-eko hoteletara “pajaritos” dantzatzera eta obrakkontrolatzera ( kar, kar, kar).

Matematikakoa izanik, hitz gutxikoa omen zen. Eskerrak!

10

Agur Poti!!!

11

Jardunaldi Pedagokikoa

Jardunaldi Pedagogikoak hizpideA urtengo Jardunaldi Pedagogi-

koen baitan, Alvaro BeñaranAranzabal psikologo eta psiko-

motrizistak “Haurren emozioak entzu-naz” hitzaldia eskaini zuen. Atal hone-tan, Beñaranen hitzalditik jasotakoakekarri dizkizuegu.

“Heldua-Haurra harremanean garatzenden maila emozionala funtsezkoa izan-go da elkar ulertzeko”- horrelaxe hasizen Beñaran-.

“Amorrua, nahigabea, tristura, alaitasu-na, beldurra, komunikatzeko interesa,kuriositatea… bizitzaren hasiera-hasie-ratik agertuko dira haurrarengan. Bainahauei nola erantzun, hortxe egongo dagakoa -dio Beñaranek-. Ez da berdinaalaitasuna eta interesa nagusi diren

komunikazioa izan ala beldurra, amo-rrua, tristura eta nahigabea nagusitzendiren harremanak bakarrik izatea. Ere-du ezkor horiek nagusitzen direnean,haurrek defentsa zurrunak eraikitzekojoera hartzen dute; haurrak itxi egitendira edo alde egiten dute eta, sarritan,borrokan amaitzen dute. Une horretanbehar den lasaitasuna eta objektibota-suna edukitzea zaila egiten zaigu hel-duoi eta bere parean jartzen gara. Horilehen akatsa da - adituaren ustez-.

Distantzia jarri, entzun eta ulertzen saia-tu beharrean, bere mailan ipintzen garaeta bortizki erantzuten dugu. Bainakontuz -gogorarazten digu- ez ahaztuguk eskaintzen dioguna bereganatukoduela! Horren ordez, haurraren emozio-

ak entzun, kontuan hartu eta erantzunegokia ematen saiatu behar dugu”.

“Helduon zeregina da geure emozioakkudeatzea eta geure bizitzarekin gustu-ra egotea. Horrek erraztuko digu ume-en emozioak entzuten, haurrei berenbidea egiten laguntzen eta, finean,komunikatzeko gaitasuna izaten. Horie-tan entrenatzen bagara/baditugu hau-rrek lasai jolas egingo dute, esploratu-ko dute eta zentzuzko ekintzak burutu-ko dituzte”.

Amaitzeko, hauxe gogorarazten digu:“Emozioak ez dira irakasten. Erakutsiegiten dira, bizi egiten dira, barneratuegiten dira, adierazi egiten dira, kudeatuegiten dira”.

Ikasturtea argazkitan

12

Tximeleta ote?

Antonianoko siouxak Arturo erregea

Autobusean baratzera Behin batean bazan...

Nolako korapiloa!

Aupa kolega

A ze festa!!!Ikasturtea argazkitan

13

Ikasturtea argazkitan

Bolekin blai!!! Ederra parea, karakola ... Ehhhh, tranparik ez!

Elkarrekin egingo degu Elkarrekin gustura Eperrak badituzu

Ikasturtea argazkitan

14

Erdi Arora itzuli gara Erromatarrak gerrarako prest Eta orduan katuak

Gertu, oso gertu Goazen piratak!!! Hegan nabil

Mundua eraikitzen Horrela, nola bestela!

15

Ikasturtea argazkitan

Ikasiz dibertitu, dibertituz ikasi Ingenieroak jo ta su Irrisarri land-en LH-ri agur esaten

Iuiuiu iuiuiu Jai giroan lan zaila jarri digute

Ikasturtea argazkitan

16

Tel. 943 13 00 77Fax. 943 53 71 50sagasti@sagastileihoak.comArrantzale kalea, 6520810 ORIO (Gipuzkoa)

Servicio 24h.apertura de puertas

ateak irekitzea

tel: 943 13 27 02móvil: 650 89 74 97

sarraila dendacerrajería

afilado amaestramientos cilindrosduplicado de llaves y mandoszorrozketak giltza orokortuak zilindroak giltzen eta aginteenkopiak

olatarreta kalea, 1, bajo 20800Zarautz Gipuzkoa

Lasai, nik lagunduko Liburuei hautsak astintzen Liburuen magia ezagutzen

Maite-maite, goxo-goxo Shhhhh, irakurketan Nire Ferrari-an gustura

17

Ikasturtea argazkitan

ADILUR

ADILUR S.L.P.Administración de Fincas

GIPUZKOA KALEA, 49 BAJO 20800 ZARAUTZTel. 943130856 Mov. 610743906 Fax. 943535020 info@adilur.com

Nora zoaz tximutxo

Patata, patata!

Oraina eta geroa bateginik

Papera falta badezue

Oreka, zer da hori?

Pozik, gustura

Alto de Errondo 78Aiete

943358763info@asadormirallesdonosti.es

Erasmus + “Bat bi Three”

Zer da Erasmus + “Bat Bi Three”?

18

E rasmus + “Bat Bi Three” zera da: “ikasteko aukera berribat, kultur berri batengandik ikasi ahal izateko eta lagunahaztezinak egiteko esperientzia; elebitasunaren ezagu-

tza hobetzen lagundu digun proiektu hezigarria, hizkuntzekikogure ikuspuntua guztiz eraldatu duen egitasmoa, ingelesez hitzegiteko orduan lasaitasuna… poza, ilusioa, alaitasuna, maitasu-na… beti gogoratuko dugun zerbait…” Hauxe da Erasmus +“Bat Bi Three” DBH4ko ikasleen hitzetan. Bai, Erasmus + horiguztia da, eta askoz gehiago ere.

Azken urteotan ikastetxean eleaniztasuna eta ikastetxeko nazio-artekotasuna sustatu ondoren, beste pausu bat aurrera ematekoerabakia hartu dugu: Erasmus + egitasmoari ekitea, hain zuzenere. Horretarako, ikerketa sakona eskatu digun proiektu batean

murgildu gara DBH4ko ikasleekin urte osoan zehar, HolandakoLeiden herriko Visser’ t Hooft Lyceum eskolarekin elkarlanean.

Baina Visser’ t Hooft Lyceum eta gure ikastetxearen artekoabentura duela bi urte hasi zen. 2017.urteko maiatzean bidaiatugenuen Leiden hirira, Bonaventura College eskolak antolatutakokonferentziara gonbidatuak, nazioarteko ikasketa-esperientzienbila, hain zuzen ere. Bertan, Remme Van der Nat ezagutugenuen, Visser’ t Hooft Lyceumeko irakaslea bera. Gure hizketal-dian, besteak beste, elkarrekin lan egiteko ametsaren inguruanaritu ginen eta kontaktuan jarraituko genuela agindu genionelkarri. Eta baita bete ere!

Izan ere, 8 hilabeteren buruan, Remme eta bere familiak denbo-raldi batez Zarautzera etortzea erabaki zuten eta guk eskolan

Erasmus + “Bat bi Three”

besoak zabalik hartu genituen. Oporretanegoteaz gain, garai horretan Remme etabiok Leidenen amestutako proiektua ida-tzi genuen ilusioiz beterik, eta otsaila-mar-txoa bitartean gure proiektu berria jaiozen: “Bat Bi Three: Researching Europe-an Linguistic Heritage: Basque and DutchBilingualism”

Egitasmo honek Europako bi errealitateelebidun ezberdin ikertzea du helburu, bienarteko ezaugarri komunak aztertuz etaezberdintasunengandik ere ikasiz. Ikasleekhizkuntzek Europako ondare kulturaleanduten garrantziari buruz hausnarketa egindute, eta euren konpetentzia linguistikoakzein komunikatiboak sendotu dituzte.

Eta 2018ko abuztuan gure barren-barren-dik sortutako egitasmo honek EuropakoKomisioaren oniritzia merezi izan zuen,Holandan aurkeztu ziren proiektuetatik2.notarik altuena jaso zuen eta Erasmus+

diru laguntza jaso genuen hurrengo bi urte-tarako. Laguntza horri esker, lehen aipatuta-ko ikastetxearekin elkarlanean jardutekoaukera izan dute DBH4ko gure ikasleeketa proiektuaren baitan, eskolen artekoelkartrukea ere egin dute.

“Bat Bi Three” egitasmoak 3 fase izan ditu:Lehen fasean elebitasunaren ingurukoikerketa orokorra egin dugu bakoitzakbere herrialdean, euskara, gaztelania etaingeleseko klaseetan.

Bigarren fasean, elkartrukea burutu dugueta bi herrialdeetako eleaniztasuneanmurgildu gara eta bi astez (bata Leideneneta bestea Zarautzen). Leidenen ikasleekfamilia holandarrekin bizitzeko aukeraizan dute eta hango bizimodua eta hiz-kuntza bertatik bertara ezagutu dituzte.Zarautzen ere, gure etxeetan hartu ditugueta proiektuan lan egiteaz gain, euskal

kultura eta herrialdea gozatzeko aukeraizan dute holandarrek. Gainera, ikerketanUtrecht-eko unibertsitateko hizkuntzetakodepartamentua eta Donostiako BCBL(Basque Center on Cognition, Brain andLanguage) izan ditugu lagun.

Hirugarren fasea, berriz, ikasitakoareninguruan ondorioak ateratzeko unea.Oroimenak plazaratzeko garaia, aurtengobizipenak datozenekin elkarbanatzekounea (datorren urtean proiektuan murgil-duko diren DBH3ko kideekin eta familie-kin); azken finean, irribarre batez, zikloaixteko momentua.

Beraz, Erasmus+ “Bat Bi Three”, zer denniretzat? Bada, ikasleek oso ongi adierazi-takoez gain, hainbat hitz gehituko nituzke:Erasmus + egitasmoa da… hizkuntzenikaskuntza esanguratsua gauzatzekoparadigma, ikasleekin gozatzeko hainbatune ematen dituen proiektua, errealitateberriak ezagutzeko aukera ematen duena,ikasleen aurpegietan dirdira berezi batikusten lagundu diguna, haien elkarrizke-tetan “code-switching” etengabea entzu-ten; kideak agurtzerakoan malko gazi-gozoak partekatzen…Irakaskuntzarenabenturan parte hartzeaz harro sentiaraz-ten zaituen esperientzia horietako bat daErasmus +: “Bat Bi Three”.

19

Zarautz-Baiona/Baiona-Zarautz Aurten, gure ikastetxeko proiektu eleanitzaren baitan, Baionako Largentéikastetxearekin elkartruke txiki bat egiteko aukera ere izan dugu. Kasu ho-netan DBH2ko frantseseko ikasleak izan dira, iparraldekoekin batera, el-kartrukean ikasteko aukera izan dutenak. Aste Santuko oporrak jaso au-rretiko astean burutu dugu elkartrukea eta hemen izan diren bitartean hain-bat ekintza burutu dituzte ikasleek: euskal dantzak, euskal kirolak, Balen-ciagara bisita tailerra, etab. Baionan, berriz, joko ezberdinak, Euskal museo-ra bisita, Baionako bisita gidatua eta Mikel Laboaren omenaldi-kantaldiraere gonbidatuak izan ginen. Iaz hasi ziren gure ikasleak frantsesa ikasten,baina antzematen da gogor aritu direla gelan, komunikatzeko gaitasun han-dia erakutsi baitute. Segi horrela!

20

Jardunaldi Pedagogikoak

Aurten, lehenengo aldiz, ekimen berri batez eman diogu hasie-ra ikasturteari LH5eko ikasle eta irakasleok.

Helburuak garbi genituen: ingelesari bultzada bat ematea, ikas-taldeen arteko kohesioa sustatzea, tutorearekiko harremanasendotzea eta ikasle bakoitzaren konpetentzia orokorrak gara-tzea.

Aste osorako egitaraua ondo prestatua zegoen, antolatzaileenfidagarritasunak eta geure ilusioek bat egin zuten eta… harajoan ginen!

Ikasleak emozioz beterik, Bernedoko aterpetxera iritsi eta…BLAST! Bat-batean jabetu zitzaizkigun neska-mutilak astebetez ingelesazblai egin beharko zutela. Horiek aurpegiak horiek irakasleak ezagutu eta entzutean! Ipar-amerikar bat, irlandar bat eta suediar bat… bakoitzak bere ingelesera bereziaz!

Geuk espero baino lehenago sartu zitzaizkigun ikasleak “jokoan”, ingelesez buru-belarrieta… beharrezko zituzten gorputz atal guztiak komunika-zioaren menpe jarriz!

Zoragarria izan zen, oso aberatsa zentzu guztietan, etaprimeran pasa genuen!

WIE, WEEK IMMERSION IN ENGLISH

Chromebook

T eknologia berrien erabilera pedagogikoa sustatu nahian, ikasturtehonetan, gurean 6. mailako ikasleekin ere Chrombookekin lane-an hastea erabaki genuen. Seigarren mailako ikasleak dira, hain

zuzen, berrikuntza honen abantaila eta desabantailen berri zuzeneanemango digutenak. Ia zer kontatzen diguten…

CHROMEBOOKak6.mailan

21

Kaixo!! Gu LH 6. mailako ikasleak gara. Aurten Chromebookak eman diz-kigute. Hasieran pixka bat urduri geunden, inoiz ez genuelako eduki orde-nagailu bat, baina azkenean lasaitu gara. Orain primeran moldatzen gara!!!

Gure esperientzia kontatuko dizuegu. Hauek dira ordenagailua erabiltzea-ren abantailak eta desabantailak.

ABANTAILAK:

-Ez dugu hainbeste liburu eraman behar etxera.

-Hiztegia ordenagailuan bertan daukagu.

-Zenbait lan egiteko chromebookak aproposak izan daitezke.

-Informazio asko bila dezakegu.

-Talde-lana egin behar dugunean, lanak parteka ditzakegu taldekideen artean,eta bakoitzak bere etxetik dokumentu berean egin dezake lan.

-Ordenagailu barruko karpetak eta dokumentuak txukun mantentzen ikastendugu eta teknologiaz ere asko ikasi dugu.

-Ordenagailuak edukitzeak kontu gehiagorekin ibiltzea eskatzen digu, egunerokargatu egin behar da eta horrek arduratsuagoak izaten laguntzen digu.

-Etxean ordenagailurik ez baduzu zure familiari laguntzen diozu, beraiek ere era-bil dezaketelako.

DESABANTAILAK:

-Fitxa guztiak chromebooketan egiten baditugu, koadernoan idatzi behar dugu-nean azkarrago nekatzen gara.

-Batzuetan, idazten ari garela, akats ortografikoak egiten ditugu, eta ordenagai-luak automatikoki zuzentzen dizkigu. Ondorioz eskuz idatzi behar duguneanzalantzatan ibiltzen gara.

-Etxean, Chromebook-ekin bideo jokoetan jolasteko ohitura baduzu , eskolanere berdina egiteko arriskua daukazu.

-Irakasleek tokiz kanpo ez harrapatzeko trikimailuak ere ikasi ditugu. Hala ere,segituan igartzen digute non gabiltzan. Eta honek ondorioak ekartzen dizkigu...

-Bateria gastatzeko arriskua dauka eta batzuetan ezin dugu lan egin.

Desabantailak desabantaila, guretzat behintzat esperientzia ona izandela esan dezakegu.

22

euro bat mundua eraldatzeko

Mundua aldatzeko ILUSIOAMundua aldatzeko ILUSIOA

“Euro bat mundua eraldatzeko ” izan da aukeratutako aurtengoleloa DBH3ko gizarte zientzietako kanpaina ekintzailea aurreraeramateko. Mundu globalizatuan dauden arazoak aztertzea etakonponbideak pentsatzeaz gain, "Munduan ikusi nahi duzunaldaketa izan" - Mahatma Gandhiren mezua jarraituz, urratsakematen hastea izan dugu helburu. Honetan laguntzeko, BBVAko“Valores de futuro” heziketa finantzarioko programan parte har-tzea erabaki genuen. Programa honen bitartez, diruaren erabileraegokiarekin lotutako balioak landu ditugu: elkartasuna, erantzu-kizuna, ahalegina, aurrezkia….

Gure aurreneko pausoa, inguruan ditugun GKE desberdinakaztertzea izan zen, ez dira gutxi! Azkenean, OriZautz GKEaaukeratu genuen. Zergatik? Atentzioa eman zigun gure herrianbertan sortutako erakunde bat izatea, Muginako (Rwanda) herri-

tarrei pobreziatik irten daitezen laguntzen diena. Beraz, OriZau-tzeko ordezkariekin harremanetan jarri eta gurera etorri zirenberaien lana azaltzera. Honen ondorioz, gure ekintzek zenbatlagundu zezaketen konturatu ginen!

Bigarren pausoa, ekintzak proposatzea izan zen. Proposamenugari aztertu genituen, baina, denbora kontutan hartuta, batzue-tan zentratzea erabaki genuen: gosari solidarioa, umeekin tailerdesberdinak, zozketak, telebistara publiko gisa aurkeztu eta aste-ko ekarpen pertsonalak.

Eta , ordu eta buruhauste askoren ondoren, hirugarren pausoa,ekintza guzti hauek antolatu eta aurrera eramatea. Gogo handizeta bihotzez aritu ginen!

Gure helburua lortuta!!!

Gurasoen txokoa

23

Urtero bezala, eskolak aldizkariko atal bat eskaintzen diguGuraso Elkarteko kideoi. Aurten hezkuntza arloan izatenari den urte nahasiarekin (lan hitzarmena dela eta), orri

honetako lehendabiziko lerroak eskolari eskerrak luzatzeko era-bili nahi ditugu: bereziki irakasleoi zuen inplikazioa eta jarreraeskuzabala eskertu nahi dizuegu. Gure eskolaren hobe beha-rrez jokatzen ari zarete eta gurasook asko estimatzen dizuegu.

Bestalde, aurten ere eskolak erositako Korrikaren kilometroa-ren lekukoa, zuzendariarekin batera, Guraso Elkarteko kidebatek eramateko aukera izan zuen. Ohore handia izan zenguretzat eta asko gozatu genuen: partaidetza, giroa, eguraldia,opor aurreko azkenengo eguna… dena izan genuen gure aldeKorrikaz guztiz gozatzeko! Klika Klika Korrika!

Azkenik, Guraso Elkartearen garrantzia azpimarratu nahikogenuke. Gure eskola txikia eta erabat parte hartzailea izanik,gurasoen eragina handia izan daiteke eskolaren egunerokoan(gogora dezagun Guraso Elkarteak eskolako Batzordeetan par-te hartzen duela). Bestelako ekintzetan ere eskolari laguntzendiogu: San Antonio Jaialdiko antolaketan, Liburutruk-eko sortakosatzen, ekitaldi desberdinetan lagunduz (matrikulazio epekobilera eta ate irekien egunean, euskararen egunean, etab).Hurrengo urtean Guraso Elkarteko hauteskundeak izango ditu-gu eta parte hartzera gonbidatu nahi zaituztegu. Ideia eta indarberriak dituzten kide berriak ezagutzeko irrikan gaude. Animazaitezte!

GURASO EKINTZAILEGuraso protagonista

24

Gurasoen euskara batzordea

Ikastetxeko zenbait guraso kezkatuta daude beraien seme-ala-ben hizkuntza ohiturekin: lagunartean eta beste hainbat harre-man eta egoeratan euskaraz egitea nahi lukete, eta horretan la-

gundu nahi diete seme-alabei.

Bide horretan, guraso bakoitza bere kabuz saiatzen da oinarri onbat eskaintzen, bakoitzak ahal duen neurrian egiten du hori, baina

horretaz gain, gurasoak bildu eta modu antolatu batean ere aritudaitezke.

Egun ikastetxean antolatzen diren ekintza desberdinez gain, etaeskola ordutan irakasleriak prestatzen dituen jarduerez gain, asmo,proposamen eta ekintza ugari ditugu mahai gainean… ZATOZ GU-REKIN, euskaraz ez jakiteak ez zaitu kanpoan uzten!

Antoniano ikastetxeko gurasoen euskara batzordea indarberrituta

Gure etxeetan dugun euskaranahiz euskara kalekoabatzutan majo kostatzen denainoiz ez debaldekoatxoko txikitan xuxurlatuazein mundu zabalekoa…egiten bada ez dago txarrik,guztia da balekoa!

Guraso baten ahaleginanekez da azalekoabaina hondartza ederrena eredenez alez-alekoaibilbideko lehen pausoaizan da gaur artekoadenok batera egin dezagunhemendik aurrerakoa!Bertsoa: Iñaki Gurrutxaga • Doinua: “Eguzkiak urtzen du goian”

Hau da marka!

Ekaitz TejadokAntoniano Kirol Elkarteko atletak, denboraldi paregabea burutu du.

Ekaitz Tejadok 16 urte ditu, eta Antoniano Ikastetxeko ikaslea da, DBH3. mailakoa hainzuzen ere. Duela urte batzuk hasi zen gure klubeko atletismo sailean, eta dohain bikai-nak zituela erakutsi zuen hasieratik.

Bere ibilbidean gero eta marka hobeak lortu ditu, eta irabazitako domina guztien zerrenda ezlitzateke orrialde honetan kabituko. Baina aurtengo emaitzak izugarriak izan dira. Besteak bes-te, Gipuzkoako pista estaliko eta aire libreko 1500 metroko probetan lehen postua lortu du.Bestalde, aire libreko Euskadiko txapelketan ere urrezko domina irabazi du. Beste hainbat fro-getan podium-era igotzea lortu egin du.

Denboraldi honetan pista estaliko hainbat lasterketa geratzen zaizkio egiteko oraindik, besteakbeste, Euskadiko Sub18 eta Gipuzkoako eta Euskadiko txapelketa. Hauetan ere orain arte lor-tutako adinako marka bikainak lortzea espero dugu. Orain arte bezain ongi baldin badabil,etxean ez du tokirik izango horrenbeste trofeo gordetzeko. Animo eta zorionak, Ekaitz!!

25

26

Agurra

Beti esaten da agurrak tristeak direla; guri AntonianoIkastetxeari agur esateko momentua iritsi zaigu; gurebarnean emozioen zurrunbilo gazi-gozoa dabilkigu.

Aurretik dugun etapa berriaren aldaketak, ilusioak, irrikak... Etapena ere adiskide batzuk bananduko garelako; eta bizipen,oroipen eta emozio asko atzean utziko ditugulako. Paretahauen barruan eman dugu gure bizitzaren zati handi bat.

“Flash-back” moduan irudiak pilatu egiten zaizkigu: mantalajantzita, bolaz betetako igerilekua (paradisua), tren txikia(AHT), Psikomozitrate gela (parke tematikoa). Aurpegiak sarri-tan margotuta, andereñoak super-heroiak ziren, Sorgintxo etaUlises pertsonaia mitikoak lagun genituen. Klaseak bukatuondoren, korrikaldi batean joaten ginen gure gurasoengana,gure artelanak harro-harro erakusteko.

Hurrengo urteetan oraindik mantentzen genuen inozentziazoragarri hori: pertsonaia berriak ezagutu genituen (Poz, Mad-dalen eta Fermin...) eta ez ditugu inoiz ahaztuko Denborarenmakina, ingelesez egin genuen Sorgin emanaldia (kanta orain-dik buruz gogoratzen dugu), Loretxo bat antzerkia edo gelanjaten genituen patxentxiak...., eta etxeko lanak izateak harrota-sun puntu bat ematen zigun!!!

DBHko eraikinera iristea sekulako aldaketa izan zen guretzat;biziki oroitzen dugu lehen eguneko urduria. Ikasgai bakoitzeanirakasle bat, inguruan mutil eta neska zaharragoak... 4. maila-koak unibertsitarioak iruditzen zitzaizkigun!!! Jakina, nerabeta-sunak bereak eta bi egiten zituen: gurasoei eskolara laguntzeadebekatzen genien (ama, mesedez!), haiekin lehen eztabaidak(ilea, arropa, iristeko ordua...); lagunen arteko hil ala bizikokontuak… Jakina, etxeko lanak edukitzeak ez zuen inongo ilu-siorik egiten. Gure gorputzak ere aldatzen ari ziren, hormonakpil-pilean zebiltzan eta beste organo bat atera zitzaigun: mugi-korra!!

Bidaiak, elkartrukeak, txangoak, proiektuak… Antonianon biziizan ditugu esperientzia guztiek gure sentipen ontzian gordetadauzkagu. Irakasleei ere mezu bat: gure ika-mikak izan ditu-gun arren, buruhausteak eman dizkizuegun arren, jakin ezazueondo tratatuta sentitu garela, eta eskola aurretik pasatzerako-an irribarre gozo bat agertuko dela gure aurpegietan (esperodugu hitz hauek kontuan izatea azken notak jartzeko momen-tuan). Denoi agur bero bat.

Nostalgiaren hastapenak?

DBH4ko ikasleak

27